مجنون تک آواره یئنه یارب نه غمگین دیرمنیم بو شاد اولان کونلوم رموز عشقدن آگاه اولوب اوستاد اولان کونلوم گوروبدور یاری اغیاره اولوبدور محو نظّاره ائدیبدیر سینه سین پاره،منیم آباد اولان کونلوم نییه پیمانه دن کئچدین،نییه زنجیردن قاچدین ندن دیر چوللره دوشدون،منیم برباد اولان کونلوم فراغین روز محشردیر،سراسر محنت و غمدیر او زولفون کیمی درهم دیر،منیم آزاد اولان کونلوم باخین بو ناتوان زاره،گونو بختی کیمی قاره گزر مجنون تک آواره،منیم ناشاد اولان کونلوم ✍ خورشید بانو ناتوان

عوض ائله فصیل‌لردن بیرینی، ایلده بیرجه دفعه سن ده قاییت گل! باهار اول، پاییز اول، نه اولورسان اول، ایلده بیرجه دفعه سن ده قاییت گل! قوربانام سنینله قیش گلن گونه، قار، یاغیش عؤمرومه خوش گلن گونه. قوشول یاشیم اوسته یاش گلن گونه، ایلده بیرجه دفعه سن ده قاییت گل! یئنه ده بیر داغین اتک یئرینده، سنی گؤزله‌ییرم چیچک یئرینده. گیزلن بیر چیچه‌یین لچک یئرینده، ایلده بیرجه دفعه سن ده قاییت گل! دردینی سینه‌مده بیتیرن گون‌تک، سنی گؤزلریمدن ایتیرن گون‌تک، ائله گئدیشینی گتیرن گون‌تک، ایلده بیرجه دفعه سن ده قاییت گل! قاییت کی، عؤمرومده توی بایرام اولسون، گلدییین او هفته، آی بایرام اولسون، منه ده بیر دفعه قوی بایرام اولسون، ایلده بیرجه دفعه سن ده قاییت گل! «والئه»ام، گئتدییین فصیل ده گلیر، دونیایا بیر یئنی نسیل ده گلیر، وطنسیز عؤمرومه بیر ایل ده گلیر، ایلده بیرجه دفعه سن ده قاییت گل!... ✍ والح قوجا

دئمه دیم دردیمی جانـانـا، یـادیمـدان چیخـدی گؤردوم اؤز یاریمی، بیگانه یـادیمـدان چیخـدی بولبـولـه گـول نـه جفـا ائیلـه دیگیـن بیلـدیـردیـم یاندی جانیم، یئنـه پـروانـه یـادیمـدان چیخـدی دئیه جکدیم او قـارا زولفـه، نـه دردیـم وارایـدی الدو کؤنلوم ده لی، دیـوانـه یـادیمـدان چیخـدی وصلینه مایـل اولان گـونلـری بیـرـ بیـر سـایـدیـم یاندیغیم آتـش هیجـرانـه، یـادیمـدان چیخـدی زولف الیندن نـه بـلا چکـدیگیمـی بیلـدیـردیـم نه قدر فکر ائله دیم، شـانـه یـادیمـدان چیخـدی مئی ایچرکن منی بیر لطف ایله دیندیردی او گول مست اولانلار کیمی پیمانه یـادیمـدان چیخـدی بلکه، واحد، دئییم اول شوخه، اینانسین سؤزومه آند ایچیم سئوگییه، وجدانه یادیمـدان چیخـدی ✍ واحد

نه بو گـــــون باغیدا یاریـم نه می ایم وار منیم سئــــیر گــــــلزارده بیــــهوده نه ایم وار منیم ســـــــیزی تانــــری یئتیرین پیر خراباته منی کی بو گون ساقـــــــی الیندن گیله ییم وار منیم منه ، معــــــــجون می لعـــلی ، دوا دور ساقـــــی کــی غــــم هـــجرایله جسمیمده ، که ییم ، وار منیم جان سنین، جسم سنین، امر سنین، فعل سنین جمـــله سنسن ، بـــو آراده ، نه کسیم وار منیم منــــی سید تکــــــی چــک گوشۀ میخانه لره آرتیــریـــر غـم داخی، مسجده نه ییم وار منیم ✍ سید عظیم شیروانی

رحم ائت ای شه! دل درویش چكن آهلارا، كی گدا آهی اثر ائیله‌ر اولو شاهلارا! مهری یوخ ماهلارا آه اثر ائتمز، یارب! وئر بیر انصاف بو مهری یوخ اولان ماهلارا! قاشلارین طاقینا وورسام دلِ سوزان نه عجب، رسمدیر آسیلا قندیل نظرگاهلارا. مایلِ سرو قدین وصلینه یئتمز، نئجه كیم، بخت شایسته دگیل همّتی كوتاهلارا! ساقی بزم جنون، نرگس مستیندیر، كیم، ایچیریر باده‌ی غفلت، دلی آگاهلارا. باخما ای دیده! زنخدانینا محبوبلارین، گزمه غافل، حذر ائت، دوشمیه‌سن چاهلارا! ای فضولی! ورع اهلی ره مسجد توتموش، سن ره میكده توت، اویما بو گمراهلارا ✍️ فضولی

نئیلیرم گولزاری کیم، سن گولعذاریمسان منیم، سونبولوم، سرویم، گولوم، باغیم، باهاریمسان منیم. دولسا عالم خوب لردن ایستمم، زیرا کی، سن خوب لردن، سئودیگیم، زیبا نگاریمسان منیم. گاه آلیرسان جانیمی، گاهی وئریرسن جان منه، سن مگر کیم، ای بت طناز، تاریمسان منیم. گلمه نعشیم اوسته وئرسم حسرتیندن جان اگر، غیری لر تا اولماسین آگه کی، یاریمسان منیم. باشیمین تاجی غبار مقدمین دیر، ای صنم، سن سریر عزت اوزره تاجداریمسان منیم. ، سروریم، شاهیم، پناهیم، هر نه واریمسان منیم. ✍ سید عظیم شیروانی

من بئشیکده ایکن تئللی سازینلا لایلامی سن چالدین، آی میرزه دایی یئنه دیللندیردین «یانیق کرمی» جانیما اود سالدین، آی میرزه دایی. آغیر تویلار گؤردون، نیشانلار گؤردون، ماحالدان-ماحالا آتینی سۆردون. گلینلر گتیردین، قؽزلار کؤچوردون، چوخ نمرلر آلدین، آی میرزه دایی. صنعت مئیدانیندا ایمتاحان اولور، حسینین احوالی پریشان اولور. سسین توتولاندا کؤنلوم قان اولور، سن نیه قوجالدین، آی میرزه دایی؟ ✍ حسین عارف

لبین کی اول صنمین درده چاره یازمیشلار منیـم‌ده یارَه‌م اوچون چاره یاره یازمیشلار کنار کویونا کی من کناردن باخیـرام نه چاره مسکینمی چوخ کناره یازمیشلار اوزونده نقش اولونوب ، قاشی، چشمی، خال و خطی نه عالی ذوق ایله گور آغه، قاره یازمیشلار دییلله صبر ائله سن دست یاره یتمه ی اوچون صبیرلی اولماغی گور صبر واره یازمیشلار او لوح عشق‌ده کیم هر بلاکیشین آدی وار منیـم‌ده آدییم اورا آشکاره یازمیشلار سئویین کی حاجی سنین مطلبین قبو‌له یئتَر گدا نین ایسته‌بینی، تاجدارَه یازمیشلار ✍ حاجی بابا حسین او

خوش اول زامان کی، یار منه همزبان ایدی، بزمیم جمال یارایله رشک جنان ایدی، سلطان ایدیم کی، هر یانا حکموم روان ایدی، دولت غلام ایدی منه، بختیم جوان ایدی، جان حزینه همدم و آرام جان ایدی؛ دملر او دملر ایدی، زامان اول زامان ایدی. خورشید گون شرابله دولموشدو جامیمیز، اول ماه ایله کئچیردی بیزیم صبح وشامیمیز، دور فلکده حاصل اولوردو مرامیمیز، خاک دریندن اؤزگه یوخ ایدی مقامیمیز، بولبول لره او ساحت قدس آشیان ایدی، دملر او دملر ایدی، زامان اول زامان ایدی . هجرین اگرچی گؤرموش ایدیم مبتلا لرین، دیلدن دیله ائشیتمیش ایدیم ماجرا لرین، بونجا تصور ائیله مز ایدیم بلا لرین. جان چکمیش ایدی محنت هجران جفا لرین، خلوت سرای وصلده دل کامران ایدی؛ دملر او دملر ایدی، زامان اول زامان ایدی. کؤنلوم او ماه دن آچیلیردی کرم گؤروب، مهرین زیاده، جور و جفاسینی کم گؤروب. اول گول منه آچیلدیغینی دم به دم گؤروب، بزم وصالده اؤزونو محترم گؤروب، رشک ایله غنچه تک دل بدخواه قان ایدی؛ دملر او دملر ایدی، زامان اول زامان ایدی . اول گول منیمله همدم ایدی هر باهاردا، گه دامن چمنده، گهی لاله زاردا، بولبول تکی ایشیم یوخ ایدی آه و زاردا، سیّد کی، مسکن ائتمیش ایدی کوی یاردا، اعزاز ایله بیر آدم جنت مکان ایدی؛ دملر او دملر ایدی، زامان اول زامان ایدی. سید عظیم شیروانی

يئنه توبه ائوينی ، عشق خراب ائتمه‌ده‌دير عاشيق افكارینی ، سئودا ، می ناب ائتمه‌ده‌دير کؤنلومه بير مله یین ، سئوگيسی اود سالدی اونون آدی زهره ، گون اونون ، جانی حساب ائتمه‌ده‌دير اونون عشق آتشی ، هر قلبه ، گيرير آمما نه‌دن تك منيم قلبيمی ، آتشده ، كباب ائتمه‌ده‌دير گؤزلري باخدی منه ، سؤيله‌دی صبر ائت سنينم دوغروسو صبر ائديرم ، عمر شتاب ائتمه‌ده‌دير آهو گؤزلو ، لری ، یاتمیش ، زامان اوولار ، اووچو گؤروب آهو گؤزونو ، اووچونو ، خواب ائتمه‌ده‌دیر مصلحت‌دير ، منی قووماقدان ايسه ، وئرسين عذاب يار بونو ، ياخشی دوشونموشدو ، عذاب ائتمه‌ده‌دير گر ، نظامینی ، خطا ايسه ، هلاك ائتديرمك عاشيقم ، يار منی اؤلدورسه ، ثواب ائتمه‌ده‌دير ✍ نظامی

حیرت ای بت صورتین گوردوکده لال، ائیلر منی صورتِ خالین گوره ن، صورتِ خیال، ائیلر منی مهر سالمازسان منه، رحم ائیله مزسن بونجا کیم سایه تک سئودایَ زولفون، پایمال، ائیلر منی ضعفِ طالع، مانعِ توفیق اولور، هر نئجه کیم التفاتین آرزومندِ وصال، ائیلر منی من گدا سن شاهه یار اولماز یوخ، امّا نئیله ییم آرزو، سر گَشته -ی فیکرِ محال، ائیلر منی تیرِ غمزه ن آتماکی باغریم ده لر، قانیم توکر عقدِ زولفون آچماکی، آشفته حال، ائیلر منی دهر، وقف ائتمیش منی، نورس جاوانلار عشقینه هر یئتن مهوش اسیرِ خط -و خال، ائیلر منی ای فضولی قیلمازام ترکِ طریق عشق کیم بو فضیلت، داخلِ اهلِ کمال، ائیلر منی ✍️ فضولی

دولانیم باشوا، ای نازلیجا یاریم، بری باخ، عیشوه لی، غمزه لی، چم خم لی نگاریم، بری باخ. عیشوه آغاز قیلیب صبریمی تاراج ائلمه، گئتدی دلدن دخی آرام و قراریم، بری باخ. خم یئمیش قامتیم ابرولریون قربانی، زلف پر تابوا قربان تن زاریم، بری باخ. بو جفادیده دل اول کاکیل میشکینه فدا، گؤزلرین صدقه سی بو جسم فیکاریم، بری باخ. جان نثار ائتمگه آماده دی سیّد، گؤزلیم، گر دئسن لطف ایله: ای عاشیق زاریم بری باخ! ✍️ سید عظیم شیروانی