نئیلیرم گولزاری کیم، سن گولعذاریمسان منیم، سونبولوم، سرویم، گولوم، باغیم، باهاریمسان منیم. دولسا عالم خوب لردن ایستمم، زیرا کی، سن خوب لردن، سئودیگیم، زیبا نگاریمسان منیم. گاه آلیرسان جانیمی، گاهی وئریرسن جان منه، سن مگر کیم، ای بت طناز، تاریمسان منیم. گلمه نعشیم اوسته وئرسم حسرتیندن جان اگر، غیری لر تا اولماسین آگه کی، یاریمسان منیم. باشیمین تاجی غبار مقدمین دیر، ای صنم، سن سریر عزت اوزره تاجداریمسان منیم. ، سروریم، شاهیم، پناهیم، هر نه واریمسان منیم. ✍ سید عظیم شیروانی

من بئشیکده ایکن تئللی سازینلا لایلامی سن چالدین، آی میرزه دایی یئنه دیللندیردین «یانیق کرمی» جانیما اود سالدین، آی میرزه دایی. آغیر تویلار گؤردون، نیشانلار گؤردون، ماحالدان-ماحالا آتینی سۆردون. گلینلر گتیردین، قؽزلار کؤچوردون، چوخ نمرلر آلدین، آی میرزه دایی. صنعت مئیدانیندا ایمتاحان اولور، حسینین احوالی پریشان اولور. سسین توتولاندا کؤنلوم قان اولور، سن نیه قوجالدین، آی میرزه دایی؟ ✍ حسین عارف

لبین کی اول صنمین درده چاره یازمیشلار منیـم‌ده یارَه‌م اوچون چاره یاره یازمیشلار کنار کویونا کی من کناردن باخیـرام نه چاره مسکینمی چوخ کناره یازمیشلار اوزونده نقش اولونوب ، قاشی، چشمی، خال و خطی نه عالی ذوق ایله گور آغه، قاره یازمیشلار دییلله صبر ائله سن دست یاره یتمه ی اوچون صبیرلی اولماغی گور صبر واره یازمیشلار او لوح عشق‌ده کیم هر بلاکیشین آدی وار منیـم‌ده آدییم اورا آشکاره یازمیشلار سئویین کی حاجی سنین مطلبین قبو‌له یئتَر گدا نین ایسته‌بینی، تاجدارَه یازمیشلار ✍ حاجی بابا حسین او

خوش اول زامان کی، یار منه همزبان ایدی، بزمیم جمال یارایله رشک جنان ایدی، سلطان ایدیم کی، هر یانا حکموم روان ایدی، دولت غلام ایدی منه، بختیم جوان ایدی، جان حزینه همدم و آرام جان ایدی؛ دملر او دملر ایدی، زامان اول زامان ایدی. خورشید گون شرابله دولموشدو جامیمیز، اول ماه ایله کئچیردی بیزیم صبح وشامیمیز، دور فلکده حاصل اولوردو مرامیمیز، خاک دریندن اؤزگه یوخ ایدی مقامیمیز، بولبول لره او ساحت قدس آشیان ایدی، دملر او دملر ایدی، زامان اول زامان ایدی . هجرین اگرچی گؤرموش ایدیم مبتلا لرین، دیلدن دیله ائشیتمیش ایدیم ماجرا لرین، بونجا تصور ائیله مز ایدیم بلا لرین. جان چکمیش ایدی محنت هجران جفا لرین، خلوت سرای وصلده دل کامران ایدی؛ دملر او دملر ایدی، زامان اول زامان ایدی. کؤنلوم او ماه دن آچیلیردی کرم گؤروب، مهرین زیاده، جور و جفاسینی کم گؤروب. اول گول منه آچیلدیغینی دم به دم گؤروب، بزم وصالده اؤزونو محترم گؤروب، رشک ایله غنچه تک دل بدخواه قان ایدی؛ دملر او دملر ایدی، زامان اول زامان ایدی . اول گول منیمله همدم ایدی هر باهاردا، گه دامن چمنده، گهی لاله زاردا، بولبول تکی ایشیم یوخ ایدی آه و زاردا، سیّد کی، مسکن ائتمیش ایدی کوی یاردا، اعزاز ایله بیر آدم جنت مکان ایدی؛ دملر او دملر ایدی، زامان اول زامان ایدی. سید عظیم شیروانی

يئنه توبه ائوينی ، عشق خراب ائتمه‌ده‌دير عاشيق افكارینی ، سئودا ، می ناب ائتمه‌ده‌دير کؤنلومه بير مله یین ، سئوگيسی اود سالدی اونون آدی زهره ، گون اونون ، جانی حساب ائتمه‌ده‌دير اونون عشق آتشی ، هر قلبه ، گيرير آمما نه‌دن تك منيم قلبيمی ، آتشده ، كباب ائتمه‌ده‌دير گؤزلري باخدی منه ، سؤيله‌دی صبر ائت سنينم دوغروسو صبر ائديرم ، عمر شتاب ائتمه‌ده‌دير آهو گؤزلو ، لری ، یاتمیش ، زامان اوولار ، اووچو گؤروب آهو گؤزونو ، اووچونو ، خواب ائتمه‌ده‌دیر مصلحت‌دير ، منی قووماقدان ايسه ، وئرسين عذاب يار بونو ، ياخشی دوشونموشدو ، عذاب ائتمه‌ده‌دير گر ، نظامینی ، خطا ايسه ، هلاك ائتديرمك عاشيقم ، يار منی اؤلدورسه ، ثواب ائتمه‌ده‌دير ✍ نظامی

حیرت ای بت صورتین گوردوکده لال، ائیلر منی صورتِ خالین گوره ن، صورتِ خیال، ائیلر منی مهر سالمازسان منه، رحم ائیله مزسن بونجا کیم سایه تک سئودایَ زولفون، پایمال، ائیلر منی ضعفِ طالع، مانعِ توفیق اولور، هر نئجه کیم التفاتین آرزومندِ وصال، ائیلر منی من گدا سن شاهه یار اولماز یوخ، امّا نئیله ییم آرزو، سر گَشته -ی فیکرِ محال، ائیلر منی تیرِ غمزه ن آتماکی باغریم ده لر، قانیم توکر عقدِ زولفون آچماکی، آشفته حال، ائیلر منی دهر، وقف ائتمیش منی، نورس جاوانلار عشقینه هر یئتن مهوش اسیرِ خط -و خال، ائیلر منی ای فضولی قیلمازام ترکِ طریق عشق کیم بو فضیلت، داخلِ اهلِ کمال، ائیلر منی ✍️ فضولی

دولانیم باشوا، ای نازلیجا یاریم، بری باخ، عیشوه لی، غمزه لی، چم خم لی نگاریم، بری باخ. عیشوه آغاز قیلیب صبریمی تاراج ائلمه، گئتدی دلدن دخی آرام و قراریم، بری باخ. خم یئمیش قامتیم ابرولریون قربانی، زلف پر تابوا قربان تن زاریم، بری باخ. بو جفادیده دل اول کاکیل میشکینه فدا، گؤزلرین صدقه سی بو جسم فیکاریم، بری باخ. جان نثار ائتمگه آماده دی سیّد، گؤزلیم، گر دئسن لطف ایله: ای عاشیق زاریم بری باخ! ✍️ سید عظیم شیروانی

جانیمی قوربان ایلرم بیربئله ترلان گوزله؛ حال بیلن، شیرین گولن، دوستا مهربان گوزله؛ بوی اوجا، گردن مینا، زلفو پریشان گوزله؛ دولانیب مرغی‌ روحم اولوبدو مهمان گوزله؛ خسته‌یم، یالواریرام حکیمی لقمان گوزله. گوزل خانیم جیلوه‌لنیب گوزللرین خاصی کیمی؛ گورَنی مجنون ائلیر لیلی‌نین سئوداسی کیمی؛ آلا گوزلر شعله چکیـر گؤیون ثریاسی کیمی؛ چَپیگنی هر رنگ چالیر، پیغمبر خرقاسی کیمی؛ بارات دی، بهیشتَن گَلیب، گَتیریب قیلمان گوزله. گوزل خانیم آل گئینیب گوزللر خاصیندان گوزل؛ سیلکینیر، گردن چکیـر گؤللر سوناسیندان گوزل؛ لیباس اندامینا لایق، اندام لیباسیندان گوزل؛ قابلیّت، معرفت تاپیب آتا-آناسیندان گوزل؛ گوزللییی جمع وئریب‌دی خالق صبحان گوزله! غمگین ایدیم، خلعت وئردی، ملول کؤنلوم آچدی گوزل؛ عارفسن، اهلی روحسان، جان سَنَه پیشکَشدی، گوزل! آی قباخ شؤله وئریر، قاشین گؤیچک قاشدی، گوزل! نه قدر گوزل گؤرمیشم، هامیسین‌دان باشدی گوزل؛ جوانشیر گوزللرینین جمیسی قوربان گوزله! فلکدن گیلَیلیم، گونو بیزه قارا وئریب؛ مؤمینی ذلیل ائیلییب، سورو گوناهکارا وئریب؛ ترلانی سارا یازیب، تَر قؤنچه‌نی خارا وئریب؛ الئسگر مجنون اولوب، مییلی داغلارا وئریب؛ اونوْدوب عبادتی، باغلاییب دستان گوزله. ✍️ عاشیق علی عسگر

دلبرا! دل سندن اؤزگه بیر داهی یار ایسته مز چۆن میسر اوْلدو وصلین، غیر دلدار ایسته مز. کؤنلۆمه عئشقینی قیسمت چۆن ازلدن قېلدی حق تا ابد عئششقیندن اؤزگه نسنه، زینهار ایسته مز. کؤنلۆمۆن منصورو چۆن کیم زۆلفۆنۆ ائدیندی دار یعنی کیم منصور اوْلان زۆلفۆنده بردار ایسته مز. من كسيلديم ما سوى الله دن بوگۆن، ای مدعی! واحید اوْلدوم یار ایله، عاشیق اولان وار ایسته مز. بو دل بیچاره دن سوْردوم نه دیر در دینه ام؟ دلبرین لعلیندن آیری هیچ تیمار ایسته مز. بو گؤنۆل شرحینی هیجرین چۆن کی بیمار ائیله دی گل کی سندن اؤزگه دل معمور و معمار ایسته مز. چۆن لبین آب حیاتی دیر حیاتی عؤمرۆمۆن بو نسیمی سندن آیرى ليس في الدار ایسته مز ✍️ نسیمی

منده مجنوندان فزون عاشیق‌لیک استعدادی وار عاشق صادق منم، مجنونون آنجاق آدی وار! نولا قان تؤکمکده ماهر اولسا چشمیم مردمی نطفه‌ی قابل دورور غمزه‌ن کیمی اوستادی وار! قیل تفاخر کیم سنین‌ده وار منیم تک عاشقین لیلی‌نین مجنونو، شیرینین اگر فرهادی وار اهل تمکینم، منی بنزتمه ای گول بولبوله درده یوخ صبری اونون هر لحظه مین فریادی وار اؤیله بد حالم کی احوالیم گؤرنده شاد اولور هر کیمین کیم دور جوروندن دلِ ناشادی وار گزمه ای کؤنلوم قوشو غافل فضای عشقده کیم بو صحرانین گذرگاهیندا چوخ صیادی وار ای فضولی! عشق منعین قیلما ناصحدن قبول عقل تدبیری دیر اول، سانما کی بیر بُنیادی وار ✍️ فضولی

ساقی گوتوروب کوزه نی مجلسده دولاندی یاتمیشدی جماعت دیه سن بیردن اویاندی گوزلر تکیلیب ساقیه یالقیز سوت امر تک وئر وئر سسی باشلاندی ، هیاهو اوجالاندی او باده نی دولدورماغا ، پیمانیه بیر بیر تئز تئز ایچیلیب کوزه ده کی باده جالاندی فریاد ایلدیم ساقیه رحم ایله قوتارما بیر عومریدی من ایچمه میشم باده آماندی قیقاجی باخیب ، حال پریشانییمی گوردو یاندی اوره گی ، گلدی مقابلده دایاندی قالخیزدی کوزه نی یوخاری ، ساغری سوزدو بیر جورعه وریب سویله دی ، لاپ تکده قالاندی بیر عمر دوزنن سورا ، می جامین آلاندا ال تیتره دی پیمانه چونوب ، باده جالاندی باخدیم جالانان بادیه ، بیرده گویه باخدیم حسرتله دئدیم ، دوغروسی قیسمتده یالاندی قسمت ، منیم عمرومده منه اولمادی قسمت من ، آتدیخجا ، اوجالدیخجا ، او منن آرالاندی هر کوزه نی ، گوتدوم الیمه ، قیلپی قیرلدی هر چشمیه ، گئتدیم سو ایچم چشمه بولاندی ساقی ددی بسدور بو قدر تامبورا چالما قسمت یازیسی انسانی خیالاته سالاندی دونیانی که گِننن بو گوزلیخده گوریسن ظاهریده گوزل، باطنی بیر کهنه دالاندی هرکس بو دالاندا قمار اوینار که آپارسین بیلمیر اوشاغ اویناغی دئییر بو پاپالاندی اونلار که اونون چوخدو واری یوکدو چاتیبلر آلتیندا یوکون گورسنن اِشکدی پالاندی ساقی گوتاریب سوزلرین آخیرده بیوردو دونیاده فقط یاخچیلیغ انسانه قالاندی ✍🏻 حمید سخامهر

تضمین شعر پنبه ی داغ جنون ، فضولی یازیلیب عمرومه بَخت هانسی داش آلتیندا منیم یومولوب گؤر نئچه ایللردی آچیلمـاز دهنیم ساتیلیب دست خیانت ایله دلبر وطنیم، «پنبه داغی‌جنون ایچره نيهاندر بدنیم، دئیری اولدوقدا لیباسیم، بودور اولسم کَفَنیم» تورپاغین غَیرَتینی چکممک اولماز، ای دیل، خالقیمن گؤز یاشینی سیلممک اولماز، ای دیل، وطن اوغروندا گئدیب اولممک اولماز، ای دیل، «جانی جانان دیلمیش، وئر ممک اولماز، ای دیل، نه نِزاع ایلَیلیم، اول نه سَنین‌دیر، نه منیم» کیشی جان وئرسه وطنچون، بو بؤیوک شهرَت‌دیر، قان وطنچون آخیدیلسا، کیشیه راحت‌دیر، گَر ساتارسا وطنین، خَلقی اوچون خیجلَت‌دیر، «طوق زَنجیری جنون دایره‌ی دولت‌دیر، نه روا کیم، منی اوندان چیخارا ضعف‌ تَنیم» دوشمَنین مَحوینه، اَلبتّه واریمدیر هؤنَریم، بَس هاچان اولمالیدیر بو وطنیمچون ثمَریم؟ راضیام تورپاق اوچون پارچالانیرسا جِیَریم. «عِشق سَرگشته‌سَیَـم، سیل‌سیریشک ایچره یریم، بیر حباب‌ام کی، هوادان دولودور پیراهنیم» اوزمه امیدی، سونا، عمری چوخ اولماز خارین، آچیلار تانری اَلی‌یلَه دُیونو روزگارین، چیخار اوُولادی‌وطن آخیرینا اَغیارین، «ادمَم ترک، فضولی، سَر کویین یارین، وطنیم‌دیر، وطنیم‌دیر، وطنیم‌دیر، وطنیم.» ✍️ سونا خیال