جانیم نه قدر وار ، منه جانان ، سن اولارسان جاندان دا عزیز اولسا ، بیر اینسان ، سن اولارسان سن ایندیه تک ، قلبیم اوچون ، قلب دین ای یار بون دان سورادا ، جانیم اوچون جان ، سن اولارسان هر یاره م ایر اولسا ، اونون مرهمی ، سن سن هر دردیم اولارسا ، اونا درمان ، سن اولارسان کونلون نئجه ایسترسه ، ائیله ور ، منه فرمان عومروم نه قدر وار ، منه سولطان ، سن اولارسان ائیلرسم اگر ، شرحینی ، ایمانیله کوفرون باش حرفیله ، سر لوحه دیوان ، سن اولارسان بوندان بئله آلادتما ، منی ، کوفرله دین له خاقانیه هم کوفر ، و هم ایمان ، سن اولارسان خاقانی نه دیر ، گلسن اگر ، ای گوزو شهلا البته کی ، خاقانیه خاقان ، سن اولارسان. ✍ خاقانی شروانی

کونلوم چیخیب گئدیبدیر، بیلمم نه جور بلا وار من کی عزیز توتاردیم، بس بوندا نه قضا وار؟ ظنیم چاتان مکاندان سوردوم، سوراغین ائتدیم الدن دوشوب یورولدوم، یوللاردا چوخ جفا وار هی اختاریب سوروشدوم، بیر تاپمادیم نشانه یارب اونون باشیندا نه گیزلی ماجرا وار؟ ائتدیم گومان کی بلکه قاچمیشدیر عشق الیندن عشقه دوشوب او، یوخسا ظننیمده بیر خطا وار؟ سویوموش مگر چئکیلدی، تورپاغا هوپدو گئتدی یا قوش اولوب او اوچدو، باشیندا نه هوا وار؟ اوچ گون سوارغین ائتدیم، جار چئکدیم هر طرفده اوندان بو هنده ورده نه صوت، نه صدا وار کیمدیر خبر وئرن بیر یورغون غریب اورکدن؟ آیا بو دره آخیر بیر چاره، بیر داوا وار؟ دیل آچدی بیر اوشاغ کی، خاقانی اولما غمگین بیر آفتین تئلینده بیرقلبی موبتلا وار ✍ خاقانی شروانی

ساحیل ساکیت , چکیلیبدیر ایاقلار جوشان دالغا قایالاری قوجاقلار دیینده کی , گل قایقله گزک یار چکیب قارا قاشلارینی ندن سن اولماز اولماز اولماز اولماز دئیرسن آی اوجالیب گئجه اولوب تن یاری اینین نازیک اسیر دنیز روزگاری اوشویورسن بیر یاخینا گل باری قضب لنمیش الوودان دون گییرسن اولماز اولماز اولماز اولماز دئیرسن صوبح شفقی بوروینده عالمی توکولنده , چیچکلرین شبنمی دیینده کی چاتدی آیریلیق دمی بوراخماییب , اللریمی ندن سن اولماز اولماز اولماز اولمازدئیرسن

سن اولماسان، گؤزه‌لیم، گولستانه باخمازایدیم چمن چیچک‌لرینه عاشیقانه باخمازایدیم اسیر زولفون اگر اولماسایدیم عالمده جمالینا بو قدر عاجزانه باخمازایدیم منیم‌له اولساایدین بیر دقیقه عمرومده جهان بوتون گؤزه‌ل اولسا، جهانه باخمازایدیم منی فراقین اودی یاخماسایدی شمع کیمی، گؤره‌نده گول اوزونی، یانه- یانه باخمازایدیم فراقینا دؤزه بیلسه‌یدی قان اولان کؤنلوم یولوندا چکدیگیم آه و فغانه باخمازایدیم او گول جمالینا من عاشیق اولماسایدیم اگر، فغانِ بولبوله چوخ محرمانه باخمازایدیم نزاکت اولماسا، واحد، طبیعتیم‌ده منیم او قارا گؤزلره من شاعرانه باخمازایدیم ✍ واحد

ائل سوزی در شبکه های اجتماعی ⬇️ کانال موزیک روبیکا : https://rubika.ir/eilsuzi کانال موزیک تلگرام: https://t.me/eilsuzi وبلاگ : https://eilsuzi.blogfa.com/ کانال متن روبیکا : https://rubika.ir/eil_suzi اینستاگرام : https://instagram.com/eilsuzi کانال ایتا : https://eitaa.com/eilsuzi کانال بله : https://ble.ir/eilsuzi یوتیوب : https://www.youtube.com/@eilsuzi آپارات : https://aparat.com/eilsuzi فیس بوک : https://facebook.com/eilsuzi

#چیلله 🍉 چله گئجه سی چیلله گئجه‌سی، پاییزین سون گئجه‌سیدیر. بو گئجه ایلین ان اوزون گئجه‌سیدیر. آدام‌لار بو گئجه‌نی قَدیمدن بئری قَیْد ائدیرلر. چونکی بو گئجه قارانلیق ان چوخدور، اما اون‌دان سونرا گون‌لر اوزونماقا باشلاییر. چیلله گئجه‌سی، ساده‌جَه بیر گئجه دئییل، ایشیغین باشلانقیجی‌دیر🌹 ☞ @eilsuzi ⊰⃟🍉࿐ྀུ༅࿇༅═‌┅─

گوزلرین قاره سینه بیر نئچه قربان دئمیشم قاشلارین طاقینه قربان یرینه جان دئمیشم راز پنهانیمی خلق ایچره منیم فاش ایلدین بیوفا، من کي سنه سریمی پنهان دئمیشم خوبلر جمله گدادیر سر کوینده سنین سنه بو خوبلر ایچره مه تابان دئمیشم قاشینا تیغ دیدیم قانیمی توکمک نه ایچون توت کي، ظالم، نولا، بوباره ده بهتان دئمیشم اینجییوپ چیخسا سینه مدن یری وار پیکانین کي، نیچون باغریما گلدیکچه باسوپ، جان، دئمیشم واحدم، قویمایین، ئولدوردی او مهپاره منی سهو ایدوپ گل اوزونه مهر درخشان دئمیشم ✍🏼 واحد

آی ایشیغینی گونش دن آلیر من سن دن ☞ @eilsuzi ⊰⃟🔹࿐ྀུ༅࿇༅═‌┅─

سن گئتدین عؤمرومدن ایلک باهار کیمی چیچکلر چمنه چیخاندا قاییت! حسرتین لئیسانی توکنمز داها بولودلار گؤزونو سیخاندا قاییت! بیر سئوگی گؤرمه‌دیم غم‌سیز، جفاسیز هیجرانین آغیردی، دردین دواسیز بیلمه‌دین قدریمی سن آی وفاسیز! حسرتین سونوما چیخاندا قاییت! بویلاندیم آرخانجا من سؤزلو-سؤزلو گاه آشکار آغلادیم، گاه دا کی گیزلی یئرینی بوش گؤروب بیر ملک اوزلو- سئوگی‌له اوزومه باخاندا قاییت! اویما هر نادانین سؤزونه، اویما! آپار اوره‌ییمی کس قیما-قیما! منی یوردسوز قویما، یوواسیز قویما! آیریلیق ائویمی ییخاندا قاییت! آدیم کی آدینلا قوشادیر سنین بیلمزدیم اوره‌یین داشدان‌دیر سنین هله کی اومیدلر یاشادیر منی، تنهالیق قلبیمی سیخاندا قاییت... ✍🏼 نوصرت کسمنلی

سینیخ گمی ساحیلده گئنه دَ آغاجلارینین داماریندا دریانین آهنگین اوخویور ⊰⃟🔹࿐ྀུ༅࿇༅═‌┅─

معناسی یوخ ایمیش بو سون گؤروشون هوسیم‌ ده یوخدور دینم، دانیشام... دئییرسن، «باغیشلا»، آما بیر دوشون! من سنه عؤمرومو باغیشلامیشام... ✍🏼 خزر سلیمانلی

دوسلاردان گلايه نَقَدیر واريدی اقتدار منده چوخ عزيز توتاردی ائللّريم منيم باغبان قوجالاندی بولوت ياغمادی بستاندا قورودی گوللريم منيم طايفاميزين شادليغيديم غميديم دنيـادا نمـونـه عـمی دائیـدیـم هامی دوسلاريما چوخ صميميديم ثابت ائیله ميشدی ايشلريم منيم هايینا قاچارديم سسی گَلَنين يولداشيديم آغليانین گوله‌نين وكيليديم بيلميه نين بيله نين اصلاً تیتره مزدی ديزلريم منيم يواش يواش كیچيک اولان يئكه لدی بيكار اولانلارين ايش اَلَه گَلدی پوزلی ايگيت اولدب دؤندی ائولندی چيخارتدی ياديندان سؤزلريم منيم بيری قهر ائیله‌دی گَلمه دی بيزه بيری فخر ساتدی وئردییم ميزه مين جور ايراد توتدی بير كیچيک سؤزه باشلاييب دانلادی ديللريم منيم نيه دَیيشیلدين نه گَلدی سنه نيه اؤره‌ك سؤزون دئمه‌دين منه شايد من ائديديم بير علاج سنه گؤردوم دشمن اولوب ديللريم منيم والاّه کی همينم كاملدی عقليم خيانت دانيشماز اصلاَ بو ديليم نقدر واريدی پولوم قلميم اونونچون سؤورميش ائللريم منيم كيمی گوردون دانا يانا چراغی پائيز گلدی باغبان پوزدی بوتاغی «بخشی»‌ شعرين يازير اؤره‌كده داغی گؤز ياشيم اولوبدور سئللريم منيم ✍🏼 استاد میرزا محمد بخشی