سن گئتدین عؤمرومدن ایلک باهار کیمی چیچکلر چمنه چیخاندا قاییت! حسرتین لئیسانی توکنمز داها بولودلار گؤزونو سیخاندا قاییت! بیر سئوگی گؤرمه‌دیم غم‌سیز، جفاسیز هیجرانین آغیردی، دردین دواسیز بیلمه‌دین قدریمی سن آی وفاسیز! حسرتین سونوما چیخاندا قاییت! بویلاندیم آرخانجا من سؤزلو-سؤزلو گاه آشکار آغلادیم، گاه دا کی گیزلی یئرینی بوش گؤروب بیر ملک اوزلو- سئوگی‌له اوزومه باخاندا قاییت! اویما هر نادانین سؤزونه، اویما! آپار اوره‌ییمی کس قیما-قیما! منی یوردسوز قویما، یوواسیز قویما! آیریلیق ائویمی ییخاندا قاییت! آدیم کی آدینلا قوشادیر سنین بیلمزدیم اوره‌یین داشدان‌دیر سنین هله کی اومیدلر یاشادیر منی، تنهالیق قلبیمی سیخاندا قاییت... ✍🏼 نوصرت کسمنلی

سینیخ گمی ساحیلده گئنه دَ آغاجلارینین داماریندا دریانین آهنگین اوخویور ⊰⃟🔹࿐ྀུ༅࿇༅═‌┅─

معناسی یوخ ایمیش بو سون گؤروشون هوسیم‌ ده یوخدور دینم، دانیشام... دئییرسن، «باغیشلا»، آما بیر دوشون! من سنه عؤمرومو باغیشلامیشام... ✍🏼 خزر سلیمانلی

دوسلاردان گلايه نَقَدیر واريدی اقتدار منده چوخ عزيز توتاردی ائللّريم منيم باغبان قوجالاندی بولوت ياغمادی بستاندا قورودی گوللريم منيم طايفاميزين شادليغيديم غميديم دنيـادا نمـونـه عـمی دائیـدیـم هامی دوسلاريما چوخ صميميديم ثابت ائیله ميشدی ايشلريم منيم هايینا قاچارديم سسی گَلَنين يولداشيديم آغليانین گوله‌نين وكيليديم بيلميه نين بيله نين اصلاً تیتره مزدی ديزلريم منيم يواش يواش كیچيک اولان يئكه لدی بيكار اولانلارين ايش اَلَه گَلدی پوزلی ايگيت اولدب دؤندی ائولندی چيخارتدی ياديندان سؤزلريم منيم بيری قهر ائیله‌دی گَلمه دی بيزه بيری فخر ساتدی وئردییم ميزه مين جور ايراد توتدی بير كیچيک سؤزه باشلاييب دانلادی ديللريم منيم نيه دَیيشیلدين نه گَلدی سنه نيه اؤره‌ك سؤزون دئمه‌دين منه شايد من ائديديم بير علاج سنه گؤردوم دشمن اولوب ديللريم منيم والاّه کی همينم كاملدی عقليم خيانت دانيشماز اصلاَ بو ديليم نقدر واريدی پولوم قلميم اونونچون سؤورميش ائللريم منيم كيمی گوردون دانا يانا چراغی پائيز گلدی باغبان پوزدی بوتاغی «بخشی»‌ شعرين يازير اؤره‌كده داغی گؤز ياشيم اولوبدور سئللريم منيم ✍🏼 استاد میرزا محمد بخشی

آخشام، سحر، چشمه، سرین باشینا بیلیرسن می نئچه جانلار دولانیر..؟ بولور بوخاق ، آلما یاناق ، آی قاباق ، شاهمار زلفی پریشانلار دولانیر. آفرین خدانین حقی- سایینا، جماللاری بنزه‌ر بایرام آیینا، بئله گؤزللرین خاک پایینا منیم کیمی چوخ قربانلار دولانیر. گؤردوم گؤزل‌لیگین بیزه بیلدیریر، قاش اوینادیب، خسته کؤنلوم گولدورور. عشوه سی نازیله آدام اؤلدورور. غمزه‌سینده ناحق قانلار دولانیر. منی قوجا گؤردو، روبندین آچدی. آلا گؤزلرینه گؤزوم ساتاشدی. هوش باشیمدان چیخدی، خیالیم چاشدی. مرغ روحوم آسمانلار دولانیر. آدیم علعسگردی، گویچه - ماحاليم. دولانیم باشینا، قادانی آلیم! حۆسنۆن شعله‌سینه خسته خیالیم پروانه‌دی، شمعستان لار دولانیر! ✍ آشیق علعسگر

گؤروش یئرینده‌‌یم بایاقدان بری، بیر گؤزوم ساعاتدا، بیری یولوندا. واختیندا گلیرسن دیلیم ازبری! ساعات یوخ، نبضین‌دیر ووران قولومدا. گلیرسن بورونوب قار ایشیغینا، آزجا قالدیرمیسان بویونلوغونو. گئندن گؤز قویورام یاراشیغینا، سنه آغ دون بیچیر قارین چووغونو. اوزون کیپرییینده قار چیچک‌لری، بو قار دنیزینده ایلک باهاریمسان. گؤیدن‌می گلیرسن آغ تاجلی پری؟! بو آغ زنجیرلری نه جور قیرمیسان؟! اوشویور دئیه‌‌سن ظریف ال‌لرین، وئر اؤپوم، هووخوروم بارماق‌لارینی! ایسیتسین نفسیم ایسلاق تئل‌لری، بیرآز رنگی قاچان یاناق‌لارینی. بری وئر چانتانی، قارلی کورکونو، وئر آسیم آسقی‌دان خیدمتچی‌ن کیمی! آلمادان وئجینه بو سویوق گونو، سن اوچوب گلمیسن گؤیرچین کیمی. من سنین اوغروندا آند ایچمیشم کی، حؤکموم‌له سوسدوروب بو آغ توفانی، جهاندا هئچ کسین نوش ائتمه‌دییی، باهارا چیخاریم آزربایجانی... ✍ خلیل رضا

قوی مرام اوسته سارالسین یاز بئجردن گولشه نی آنلاماز دوستی رها اِت ، ساخلا عاقل دوشمه نی دوغری سوزدور ، بو گئچنلردن قالیبدور یادگار گِشمه نامرد کورپوسونن ، قوی آپارسین سئل سنی خلق ائدوب خلّاق عالم ، بیر گوزل انسان سنی قویما دونیا ائیله سین ، قلاده لی، حیوان سنی دوز یاشا، آزاد یاشا ، نامرده اَیمه باشیوی یاتما تولکی دالداسیندا ، قوی یئسین آصلان سنی ✍ استاد شهریار

دیلییردیم: منَه سَن بیر گجه‌لیک یار اولاسان! عهدی-پیمانی توتوب، عهده وفادار اولاسان! گوزلرین، یادلاری گؤردوکده گولور نرگس تک، بیر تیکاندر منَه غَمزَن، نولا غَمخوار اولاسان! دوستلوغوندان دِمیشَم مَن، نجَه دوشمن ائشیديب، مَنی اغیاره خَجیل ائتسَن، اؤزون خوار اولاسان! منَه دوست اول، نه ضرر، دوشمنیم اولسون عالم، کیمسه‌دن قورخمارام، آنجاق کی، دوز ایلقار اولاسان! سَن نه قوشسان، سیناییم مَن نه سایاق جان سَنی هانی بیر اؤیله کونول ، بندَ گرفتار اولاسان؟! شهر اهلی سَنین عشقینده نظامی کیمیدیر، نه روا آخ سِتانا مونس و دیلدار اولاسان! ✍🏼 نظامی گنجوی