. ‍ #طشت_گذاری #احوالات حضرت ابوالفضل (ع) #کربلایی بابک مهرنیا #ترکی دایر اولدی گینه ده مجلس یاسی آقامون طاق عرشه ورلوب قاره لواسی آقامون قورولوبدور ایکی دنیاده عزاسی آقامون ناظر بزم عزا حضرت زهرا ئوزودی بو نچه گونلری هر یرده حسینون سوزودی هر کس ئوز فهمینین اندازه سی دلده غمی وار ئوزی ماتم زده دور یوزده عزا شبنمی وار هارا باخسون آقامون اوردا قرا پرچمی وار آقامون پرچمینه یاسینه عالم قربان ایکی قولدان گچن عباسینه عالم قربان بو علم آرم شرف آرم عزادور بیز ایچون بو علم مایه غم رمز بکادور بیز ایچون یادگار سپه کرببلادور بیز ایچون علقم اوستونده قزل قانه باتان پرچمدی ظاهرا قانه باتان وقته یاتان پرچمدی لذت دردی بولن غصه وغمدن گچمز عاشق صادق اولان باب کرمدن گچمز گچر الدن ولی بو قاره علمدن گچمز نجه عباس بو باب کرمی بوشلامادی گچدی الدن ولی قانلی علمی بوشلامادی نگرانیدی یاتان پرچمینه خاطر چوخ او قدر یاریه یوخسا دیمدی بیر یول اوخ سعی ائدوردی سورونه خیمیه ساری ولی یوخ مشکی تک حاضریدی گوزلرینه قانی دولا ایستموردی اونی قیزلار گوره شرمنده اولا دوغرانوبدور داخی سالم بدنیم یوخ قارداش بو بیابانیده بیر کیمسه منیم یوخ قارداش گلمسون دادیمه اوزگه گلنیم یوخ قارداش قویموشام قولاریمی یولدا علامت گلسن او علامتله گلن وقتیده راحت گلسن بو دگول قصد بو نوکر قویا یولدا قولونی رهنما ایلیه مولاسینه قانلی خولونی قارداشی ئولسه کیمین چون ایتیرر ئوز یولونی گوردوم اولدوز کیمی سندن آرالی سوزدوم حسین قولاری پرچمی مشکی یولوا دوزدوم حسین قولسوز اعضایه باخوب سعی ایله دل داغلاما چوخ اشکیوی سیل کیمی صورتیوه باغلاما چوخ خیمیه گیت باشیمن اوسته قالوب آغلاما چوخ بئلیوین سنماقنی یوخسا بوللر قارداش آغلاسون حالیوه میداندا گوللر قارداش .

#طشت_گذاری #احوالات حضرت ابوالفضل (ع) #کربلایی بابک مهرنیا #ترکی

#روضه_باسبک #احوالات شهادت حضرت علی اکبر(ع) جنازه نی گتیردیلر قویدولار خیمه قاباقندا یره تمام عمه لری باجیلاری گلدیلر جنازه اوسته اوخشیولار اما لیلا حیا الدی گلمدی نه کیفیتیلن گتیردیلر بالانین باشی اوسته چونکه بیگانه دینمز ننه نین اوخشاماسین آلدلار شهدن اجازه گتیریبلر آناسین چون عبادیدی باشدا گوروب بیر یاراسین دیدی ایندی دارامشدم بو نه کاکلدی علی علی سواره گیدیبسن نیه پیاده گلوبسن بالا اویان گوروم ندی دردون نیه عباده گلوبسن عبانی ردایله یوزدن اوشمع حسنی آلشدور بالا یامان گونومدی بولورسن بو بینوانی دانشدور (آی بالا نیه منی دانشدرمرسان؟،بالا همیشه من گلنده ایاق اوسته دایاناردون آی بالا،نقدر چاغردی گوردی بالادان جواب گلمدی گیشدی ایلشدی بالانین ایاق طرفینده) دیدی باشیمنن علی سایوی کسدون نیه سن کیم دیدی لیلی دانشدردی سنی دینمیه سن اوپورم قانلی ایاقلاروی دیسگینمیه سن #کربلایی عبدالله داداشی #ترکی

. #امام_کاظم #علیه_السلام #ماهور #ترکی بش گون ریاست عشقینه،هارون جنایت إیلدی موسی بن جعفر حبسیده درک شهادت إیلدی دوتدی پیمبر اوغلونی اوز محضرینده بی حیا تبعید حکمین شهریدن امضا ائدیب سالدی یولا یولدا قوجا بیر سیدین، زنجیری ویردی بوینونا هرکیم ائشیدی مطلبی، هارونه لعنت إیلدی بیلمم ندن تیر بلا، قلب جهانی دلمدی معصومه چوخ یول گؤزلدی،گؤردی آتاسی گلمدی أیلدشدی دوردی صبحه جک،گؤز یومادی دینجلمدی صبحون زمانی باش آچیب،حقه شکایت إیلدی آخشام چراغ یاندیرجاقین،هرگون جهانی داغلاریخ اون یدی قیز ائوده بیز هی اوخشاریخ هی آغلاریخ بایرامدا چون شرمندیوخ،دائم قاپونی باغلاروخ شاید بیری گلدی بیزی غرق خجالت إیلدی هارونه یوخدور بیر دین، إی ظالم آز بیداد إئله آخر قوجالدی حبسیده،بو سیدی آزاد إئله یول گؤزلین قیزلارینی،یثربده قلبین شاد ائله بلکه سنی آلله اونا،خاطر هدایت إیلدی فرمایش ائتدی شوقیدن،عاشق سیاقی آغلاماز إیله تحمل شدت درد ،فراقی آغلاما موسی منم معصومه جان،یاندیر چراغی آغلاما سن هرنه إئتمیشدین دعا،الله اجابت إیلدی من بو إئوه سالم گلم، روز و شب إیلردون دعا قالمیر وجودیمنن منیم،الا گوری نقش و نما گل باشیوی قوی سینمه،سالما ولی قول بوینوما چون ظالمه خم اولمادی،زنجیر جرأت إیلدی سن آغلاما یورقون بابا،قوربان اولوم گؤز یاشیوه صدقیله(صدقل)تصدق قیل منی،أیلش دولانیم باشیوه وار چوخ گلایم قلبیده،زنداندا کی یولداشیوه گؤر هانسی یولداش یولداشا،بیله خیانت إیلدی فرمایش إئتدی عازم،بغداد ویرانم قیزیم چوخ آغلاما زندانیده،بیر لحظه مهمانم قیزیم اولسا بو سید ناگران،مسؤول پیمانم قیزیم بیچاره زندانبان منی،شخصا زمانت إیلدی بیر،حاله قالیب،قیدینی آچسان،قاچا بیلمز آزاد إئده سن،دیزلری یول گئتماغا گلمز زنجیر إئله قدیم خم إئدیب بیرده دوزلمز پروانه کیمین شعله شمعین هوسینده محبوبینی یاد إیلوری دشمن قفسینده افسوس بو غربتده غریبم وطنیم یوخ آلله نقدری ظالم و جباری وار شدادی وار هر یئرده شهپر باغلیان،بیرصید وبیرصیادی وار نابود إئله هر داش ئورگ،سلاخ وار جلادی وار @emame3vom #نوحه سینه زنی #احوالات حضرت (موسی بن جعفر ع) #حاج جواد رسولی #ماهور #ترکی

#نوحه سینه زنی #احوالات حضرت موسی بن جعفر ع #حاج جواد رسولی #ماهور #ترکی