سینه زنی شهادت امام رضا(ع)
*********************************
جان ویرور خراساندا * شاه إنس و جان زهرا
سسلنور سنی داده * داد و الأمان زهرا
****************************************
حِقد و کینه دن مأمون * حقِّ حضرتی داندی
زهریله ایدوب مسموم * تا جگرلری یاندی
آتش عداوتلن * گُل وجودی اودلاندی
زهر کین ایدوب تأثیر * قلبی اولدی قان زهرا
**********************************
شیعه لر ایدور فریاد * دلده ؛ شور و شینون تک
جان ویروب قوری یرده * نور هر دو عینون تک
کربلاده دفن اولموش * بی کفن حسینون تک
دوغرانوبدی أکبادی * اولدی ناتوان زهرا
***********************************
کیمسه گر غریب ئولسه * دیدینه گلن اولماز
حالینی خبر آلماز * دردینی بیلن اولماز
آغلیار غریبانه * گوزیاشین سیلن اولماز
اولمادی گلن اوغلون * قالدی ناگران زهرا
**************************************
کیم مدینه ده غملی * کوچه ده گزر سوز یوخ
درد و غصّه سی دلده * حدّیدن گیچر سوز یوخ
دگسه مادره سیلی * اوغلی زهر ایچر سوز یوخ
حضرت رضا اوغلون * ئولدی باغریقان زهرا
*********************************
باشی اوستونه گلدی * ناگهان جواد اوغلی
وای بابا دیدی ایتدی * ناله چوخ جواد اوغلی
غسل و کَفنینه عامل * اولدی تا جواد اوغلی
قائِمُ الصّلاة اولدی * شاهد جوان زهرا
***********************************
گوزیاشی توکن چوخلی * حسرت زیارت وار
آستان قدسیندن * چوخلارا عنایت وار
(فضلی)آغلادی یازدی * چونکه دلده نیّت وار
قصد و نیّتِ قلبین * إیلدی عیان زهرا
May 11