شهادت امام سجاد (ع) یا حسین     بزم     عزاده     آغلاروق جمع   اولوب  ماتم سراده    آغلاروق جان   وئروب    بیمار   دشت    کربلا یاس  دوتوب   زین العباده   آغلاروق **** آغلیوبدور   او   اوتوز بئش   ایل  سنه سو   وئروبدور گوز   یاشیلان  گلشنه وار یقین جان  اوسته آغلارمیش گئنه بو  جهتدن     فوق  العاده    آغلاروق تاپشیروب    کرب  و  بلانی     بیزلره شرح   ائدوب   درد  و   بلانی   بیزلره اؤرگدوب      راز       دعانی     بیزلره اُول    غریبه    اَل    دعاده    آغلاروق آه    او گوندن  گؤزلری آغلار   قالوب سینه سی  لاله کیمی  داغلار   قالوب قولاّری   زنجیریله    باغلار     قالوب محنتی    اولدی    زیاده   ،   آغلاروق کربلاده   چوخلی   عطشانی   گؤروب علقم   اوسته  جسم   سقّانی  گؤروب آلتی آیلیق    تشنه    قربانی   گؤروب سالّوق   اُول مظلومی  یاده    آغلاروق اؤز غمین اُول غمگسار آسان سانوب غم   اودیلا   اود  دوتوبدور  اؤدلانوب زهریله    آخر    یانان    قلبی   یانوب نی کیمی   دشت     نواده     آغلاروق قبری    زینتدور   بقیعه    گول  کیمی حیف اولا پوزقون قالوب  سُنبل کیمی آغلیار       زائرلری        بلبل    کیمی یاد    ائدوب    زیرِ   لواده     آغلاروق مکّیه     گئتساق    گؤرنده      زمزمی ایلَروق    گؤزده     مجسّم      علقمی تشنه    قربانلارین   اولّوق    همدمی سس   چکوب   قانلی  مناده آغلاروق آغلیوب    سجّاد    چون   دائم    سنه آغلاروق    بیز   قائم   و   صائم  سنه منتقمدور     حضرت      قائم      سنه او    گلینجه    غم   سراده    آغلاروق آغلیور    باغ    و    چمنلر   یا حسین! یاس   دوتوبدور   یاسمنلر  یا حسین! بو ((  بشیر ))  و   سینه زنلر یا حسین! قسمت    اولسا    کربلاده    آغلاروق ** سید بشیر حسینی میانجی

عرض ارادت به مقام امام سجاد ع ای اسوه تسلیم و رضا حضرت سجاد قربان اولا عالم سنه ای قید دن آزاد عابدلره ای زینت اولان ذکر و نمازی ساجدلره ای فخر اولان قبله اوتاد سنسن اسرا رهبری قرانه مبلغ سندن اوجالیر عالمه یئتمیش ایکی فریاد یوخدور حرمین قبریوه قربان اولا جانیم دنیا نقدر وار آقا اولسون ائوین آباد ای کرببلا شاهدی ای صابر اعظم راوی لره سندن اولی هر عصریده امداد سن کرببلا نین غم عظماسینی گوردون قلبین دوتولوب اولمادین هیچ لحظه ده دلشاد شاماتیده هر بیر غمه دوزدون نئجه دوزدون حیران دی سنون صبریوه بو عالم ایجاد دردین یازیلیب قلبلره اولدی صحیفه تا قلبین اولا معرکه غصه دن آزاد هر خطبه ده مین لر دل نادانی آییتدون غفلت ده یاتان امتی سن ائیلدون ارشاد باخدون نئجه دوزدون آتاوین یاره لی باشین سرنیزده گزدیردی بوتون چوللری جلاد احیا ائلدون حقی عیان اولدی بو مطلب "با آل علی هر که در افتاد ور افتاد"

شهادت امام سجاد علیه السلام آغلیون   شیعه   گلون   ناله  و  فریاده  بوگون ساخلیاخ    بزم   عزا    سید  سجاده    بوگون نسگلی چوخدی بونون ذکرینه یوخ منده توان آناسی   فاطمه   بو   غمده   ایدور  داد و فغان شوریله  گوز  یاشینی  ایلیوری  رخساره  روان اوغلونون درد  و  ملالین  سالوری یاده  بوگون یری   وار  عصرین  امامی ایده  ناله  بو  سوزه شوریله  اشک  ترین  جاری ایده  گوزدن اوره جدینون  قبرینی پوزگون گوره  مشگلدی دوره یا  قویار صبر  بو غم  اول  شه  والاده   بوگون قبری پوزقوندی بونون چوخدی ملال و منحنی آزدی   زواری ز بس غربت  اولوب  اوز  وطنی گورمیوب  دیده ی  عالم   بیله   مظلوم   ئولنی گلمسون  شیعه  بو محنتده  نئجه داده  بوگون یاده سالدی  آتاسین آغلادی هر شام و سحر خاطری درده گلوب  توکدی یوزه  اشک  بصر بیر  بیله  محنت   صبر  ایلماق   آساندی  مگر گتوروم هانسی ملالین  داخلی تعدادی بوگون هاردا سو گوردی دوروب سسلدی. ایوای  بابا وای کسیلن  باشی اولان   قانینه   غلطان  بابا وای سویولان رختی  قالان پیکری عریان  بابا وای آغلارام  سلیم   و   قایم   سنه  دنیاده  بوگون گون   قباقینده   قالوب  مدفنی  چوخ  زار  نزار یاندورار شیعه لرین  قلبین  او  نسگل لی مزار سالار  هر  بیر گورنون  قلبینه  بو  غصه  شرار بیر  نفر یوخدی او  یرده   گله   فریاده  بوگون ای صبا  دوشسه یولون کرب و  بلا دشتینه گر ویر فرات اوسته یاتان  قولسوز  علمداره  خبر سویله سجاد  ئولوری گل خبرین یوخدی مگر تسلیت  ویرماقا   گل   عترت  امجاده  بو گون بیرده   شهزاده   علی  اکبره  آندور  بو  سوزی قارداشون جان ویروری یولدا قالا قویما گوزی چون بولور محنت هجران نجه مشکلدی اوزی قویما حسرتده  بو رنجوری گل امداده  بوگون عترتی یکسر آلوب   شوریله  ساق  و صولونی گوزلور   اما    آتاسی  شاه   شهیدین   یولونی ایستری سالسون  اونون   بوینونا بلکه قولونی گورماقا   مظلوم  آتاسین  اولوب آماده  بوگون ** حاج علی اصغر فریدی

در شهادت حضرت امام سجاد (علیه السلام) #سبک_سو_یوخومدی_قزلاروندان فخر ساجدین غمینده ، قبریده پیمبر آغلار فاطمه دئیر اوغول وای ، مجتبی و حیدر آغلار شاه ملک محنت و غم اوغلونا دوتوبدی ماتم چوخ چتین بیانه گلسون بو شهنشهین ملالی اود دوتور یانور وجودیم یاد اولاندا شرح حالی جان وئروبدی حسرتیله باغریقان اؤرک یارالی حوریان جنّت اولموش حالینه مُکدَّر آغلار ساقی قضا الیندن مرگ شربتین ائدوب نوش ترک ائدوب فنا جهانی اولدی خاکیله هم آغوش محنت و مصیبتینده ماسوا اولوب سیه پوش قدسیان باتوبدی یاسه اهل عرش داور آغلار بو علیل امام بی حدّ بو جهاندا اولدی مظلوم عمرینی یتوردی باشه مین ملالیله بو مغموم عاقبت هشام الینده ظلمیله اولوبدی مسموم قان اولور اؤرک غمینده ماتمینده گوزلر آغلار اولمادی گورن جهاندا شاد فخر ساجدینی بس که بو شهون واریدی دلده داغ آتشینی گوز یاشین توکوب چکردی دائم آه دل نشینی آهینون شراره سیندن اود دوتوب اؤرکلر آغلار هر بلا اونا یتیشدی صبر ائدوب دوزوب دایاندی گه یانان چادرلار ایچره قالدی اود ایچینده یاندی گاه گردنینده زنجیر شام و کوفه نی دولاندی انبیا او حاله دائم آه وناله ایلر آغلار دین یولوندا هر جفایه صبر ائدوب تحمل ائتدی قلبدن دوزوب دایاندی هر نه درد و غصه یتدی غلّ جامعه بویوندا دست بسته شامه گئتدی بوکدی سرو قامتین غم حالینه صنوبر آغلار  بس که سالدی گول وجودین ظلم اشقیا فشاره سلسله او قدری سخدی بوینون آخر ائتدی یاره اولمادی وئرن تسلی بیر نفر او شهریاره ایندیده او حالی زهرا یاد ائدر مکرر آغلار بام لردن اودلی نی لر توکدولر او قوم باطل او دوتوب یانوب عمامه ایلدی گئنه تحمل بیر یره یتنده اما سلب اولوبدی طاقت دل گوردولر که ناقه اوسته سس چکر او سرور آغلار بولمورم نه غم یتیشدی سرّینی ائدنمرم فاش یاندی خاطر شریفی توکدی گول عذاره قانیاش سویلدی منی ازلدن دوغمییدی هئچ آنام کاش گر بیزی بو حالتیله گورسه قوم کافر آغلار ساخلادی آتا عزاسین جان وئرینجه گلدی داده سو گورنده یاندی سالدی شاه تشنه کامی یاده آج سوسوز دیردی وئردی جان دیار کربلاده ایمدیده آتام حسینون حالینه ملکلر آغلار سهلدور آتام حسینون کسدیلر باشین لب عطشان سویدی سربسر لباسین ظلم الیله قوم عدوان نچه گون یارالی نعشی قالدی گون ائوینده عریان باخمیوب او تشنه شاهه زخم تیغ و خنجر آغلار دستگیر ائدن گون اعدا عترت شه غریبی ناقۀ نحیفه دشمن میندیروب او غم نصیبی چون مریضیدی اولوندی غلّ جامعه نصیبی هر گجه گونوز او حالی ایلین مُصوَّر آغلار صبریله ائدر اقامت بیر مریض خسته هاردان گردنینده قید دشمن گون قباقی ناقه عریان بیر علاوه وورسون هر دم دل یاراسی قوم عدوان چشم دل همین او حالی ایله دوقجا منظر آغلار بیر مریض کیم اونون وار بیر طبیبه احتیاجی گورسه دستگیر اولوبدور اشقیایه عمه باجی صبر ائدوب نجه دایانسون نیلسون ندور علاجی خردا قیزلاری ووراندا فرقۀ ستمگر اغلار شاعر : مرحوم عاصی

ای_شاه_عالم #محرم #حسینچی

شهادت حضرت امام سجاد (ع) ای   باد     صبا    گئت   شهِ   دینه    خبر   ایله سجاد    ئولوری    یثربه دور    بیر   گذر    ایله عرض ائت باباما اوغلون ئولور ای شه عطشان گل  بزم   عزا  دوت  او   گلن   یوللارا    قربان جان اوسته  گوروم  بیرده سنی جان وئروم آسان سجاد    ئولوری    یثربه دور    بیر   گذر    ایله ایچدون  او  زمان که   بابا جان   جام  شهادت سالدیم   من   ئوزوم   بوینوما   زنجیر  اسارت غمدن   گئجه  گوندوز  منه   اولموبدی  فراغت سجاد    ئولوری    یثربه دور    بیر   گذر    ایله سندن   صورا   من  آتش   محنت لره   یاندیم هر غم  یتشوب صبر   ائلدیم  گر چه  دایاندیم شاماتیده   اما    بابا  جان   جاندان   اوساندیم سجاد    ئولوری    یثربه دور    بیر   گذر    ایله گئت  بیرده  خبر  وئر علی  قارداشیمه بیر باش سویله   اونا  قارداشون ئولور گل علی قارداش اگلش  باشیم اوسته یوزه جاری ایله قان یاش سجاد    ئولوری    یثربه دور    بیر   گذر    ایله گئت   بیرده   فرات  اوسته  علمداره   خبر  وئر سو   اوسته دوشن   قوللاری سرداره  خبر  وئر عباس     عموما     یار      وفاداره     خبر    وئر سجاد    ئولوری    یثربه دور    بیر   گذر    ایله گئت   شامی  دولان   زینب   مظلومه نی  آختار تاپ    عمَّه می   ایله    اونا    احوالیمی    اظهار سویله    اونا    گوزلور    یولووی   عابد     بیمار سجاد    ئولوری    یثربه دور    بیر   گذر    ایله گل    عمّه    یتوب    آخره    اندوه   و   مصیبت چکدیم    نقدر سن   بُلوسن   رنج   و   اسارت ای  عترت   طاهایه    ائدن   چوخلی    حمایت سجاد    ئولوری    یثربه دور    بیر   گذر    ایله گل    عمّه    منیم   حالیمه   ائت   بیرده   نظاره آخر     نفسیمدور گئنه    وار     سینه ده     یاره لطف   ایله    ای   عمه    اؤزون  گل   بو   دیاره سجاد    ئولوری    یثربه دور    بیر   گذر    ایله ای عمّه  اولوب (( تابع  دین ))  بلبل  خوشخوان مشگل ده    قالاندا    ائدرم    مشگلون   آسان یازدی   نه   گوزل    مطلعی   با   دیدۀ    گریان سجاد    ئولوری    یثربه دور    بیر   گذر    ایله مرحوم تابع دین

#شهادت_حضرت_امام_سجاد (ع) #ای   باد     صبا    گئت   شهِ   دینه    خبر   ایله #با_اجرای_حبیبی_احسن 👌😭🖤🎤

🍁 بسم‌ الله الرحمن الرحیم 🍁 🏴شهادت امام زین العابدین علیه السلام 🏴 🎼 #گلدیم_حسین_وای_دییم #بحر_طویل گل آنـا یا فاطمه گل دادیمه سسله یانـان دیللـری امدادیمه زهر جفائیـله یـانـوبـدور دیـلیـم دوشدی بو حالیـلـه آتـام یـادیـمه کرب وبلاصحنه سی، دوشدی منیم یادیمه گل آنا جانیـم فـدا، تئـز یـتیش امدادیـمه _____________________ واردی اوره کده بالاویـن وای سسی یوخ منـه ایـوای اولا بیـرهای سسی گل آنـا گلسین منـه لایـلای سسی چاره اله بو دل نــاشـادیـمـه کرب وبلا صحنه سی، دوشدی منیم یادیمه گل آنا جانیـم فـدا، تئـز یـتیش امدادیـمه ________________________ سون نفسیـمـدی یانیـرام گل آنـا دوغـرادی دیـل یـاره می زهـر جفـا اینـدی آتـام دا گلـجکـدور بیـرا اوغلـوویـنان گل آنـا فـریـادیـمه کرب وبلاصحنه سی، دوشدی منیم یادیمه گل آنا جانیـم فـدا، تئـز یـتیش امدادیـمه ✍علی اصغر عباسعلی نژاد کیوج_سراب التماس دعا... #شهادت_امام_سجاد_علیه_السلام #محرم۱۴۰۳

👆👆🌺🎤 #با_اجرای_احسن_حبیبی

در شهادت امام سجاد علیه السلام #به_سبک_دولدوروب_جهانی_وای_حسین_صداسی محمد باقر محمدزاده قومیان (غمگین) . گلموسوز بو گون سیز مجلس عزایه تسلیت وئرون اول حضرت رضایه جدّینه یانار آغلار غصه قلبینی داغلار یا امام سجّاد (2) . . . . زین العابدینین قلبی قانه دولدی اللی یدیایل عمر ایلیوب یورولدی آغلادی اوتوز بئش ایل ائله پوزولدی گوز یاشین توکردی شاه کربلایه سو گورنده آغلاردی بو جهانی داغلاردی یا امام سجّاد (2) . . . . ابن بابویه دور راویِ روایت زهر وئردی هشام چکمه دی خجالت چون واریدی دلده کعبه دن عداوت فَرزَدَق ائدنده مدح او مقتدایه انتقامونی آلدی شیعه نی غمه سالدی یا امام سجّاد (2) . . . . جان وئرن زماندا یغدی آشناسین آلتی نوجوانین تک به تک بالاسین ایلدی معرف حجت خداسین باقر اوغلی یتدی منصب ولایه دین ائوی اولا تأمین جانشین ائدوب تعیین یا امام سجّاد (2) . . . . پس امام باقر ایلوری روایت اؤز آتام بیوردی وار هله فراغت ایستدی سو آلسین دستماز او ساعت من سوئی گتوردوم حجت خدایه سویلدی وضو اولماز میته وار بو سو اولماز یا امام سجّاد (2) . . . . تازه دن آپاردیم ایلیم عوض من موش مُرده گوردوم سو ایچنده بیردن سو گتوردوم آلدی دستمازین ایمن امر ائدوب گل اگلش گلمه چوخ نوایه گور دویونجا بو زاری من علیل بیماری یا امام سجّاد (2) . . . . بو گئجه یتوبدور وعدۀ وفاتیم بی وفا جهاندان قورتولوب حیاتیم بو شهادتیله کشف اولور نجاتیم هر نه غم یتیشسه ائتمرم گلایه بیر اسفلی ناقم وار چوخ اونا علاقم وار یا امام سجّاد (2) . . . . آبیله علف ائت ناقه مه مهیا چوخ نوازش ایله بیرده تشنه قویما بولسه ئولموشم من غصّه مرگ اولار یا قبریم اوسته گلسه یوز دوتار سمایه قلبی چوخ گلر درده جان وئرر همان یرده یا امام سجّاد (2) . . . . دفن دن صورا اول ناقۀ وفادار صاحبیندن اؤتری ائتدی ناله و زار گلدی قبری اوسته ائتدی بیله گفتار دور گئداق دوباره خانۀ خدایه مرکبون فغان ایلر گورمه سه سنی نیلر یا امام سجّاد (2) . . . . دردلرین دیوردی حسرتیله ناقه یعنی سیّدی دور قبردن ایاقه یوخ منیم بولورسن طاقتیم فراقه آهی اوج ائدوردی عرش کبریایه قالمادی داخی طاقت جان وئروب اولوب راحت یا امام سجّاد (2) . . . . زین العابدینه آغلیاندا ناقه یر گوی اهلی آغلار بو غم فراقه واردی شیعه لرده بیر بویوک علاقه «غمگین» آغلا سنده شاه کربلایه اوغلی جان وئروب نالان پیکر حسین عریان یا امام سجّاد (2)

👆👆🌺🎤 #با_اجرای_احسن_حبیبی

نوحه ی حضرت رقیه (س) ای خرابه گوشه سینده فکری سرگردان رقیه گل قیزیم گلدی طبقد دردیوه درمان رقیه جان رقیه جان رقیه باغرون اولدی قان رقیه گویلووی آلسون یارالی باش گوبدی طشت زرده قورخما هرگز طشتین اوستن ردّ اولاندا قانلی پرده سسله بابا خوش گلوبسن وصل یاری دوت نظرده آل قوجاقه ئوپ دویونجاخ اوندان آغلا قان رقیه جان رقیه جان رقیه باغرون اولدی قان رقیه گرچه سنّون آزدی نیلک بیربویوک ایش گور بوساعت یاره لی باشین ئوپ اوّل یاره سیندن اِئت زیارت قوی گوروب تا ایله سونلر اهلِ ویرانه قیامت سیّد ساجد حجازی باشلاسون قرآن رقیه جان رقیه جان رقیه باغرون اولدی قان رقیه آللّه آلّله محشر اولدی اهل بیت مصطفایه صحن ویرانه دل شب بنذدی کرب و بلایه گلدی گویا یدّی گویدن آسمانلار صدایه یعنی گورسه قانلی باشی جان ویرَر الآن رقیه جان رقیه جان رقیه باغرون اولدی قان رقیه وصل معشوقین گورنده ناگهان دلخسته عاشق یومدی اوّل رویتیندن گوزلرین آهسته عاشق وُوردی اوندان یانه یانه باشینه پیوسته عاشق سسلدی الله و اکبر ایلدی طوفان رقیه جان رقیه جان رقیه باغرون اولدی قان رقیه ملتمس دعا (گوهری)

زبانحال حضرت رقیه (س) - سؤال قلبیم اولوب هجرونده قان یارالی دوداقیمه یتوبدی جان یارالی گل هارداسان هاردا گوزوم قالوب یولدا آز سنّیله چوخ محنته دچارم غربت یرینده زار و دلفکارم غارت اولوب ظلمیله گوشوارم ویریم قولاقیمی نشان یارالی گل هارداسان هاردا گوزوم قالوب یولدا بیر یاره لی قوش تک یارالیم من قاره گونم بلالیم من علیّ اکبرین مارالیم من ایدوب هایاندا آشیان یارالی گل هارداسان هاردا گوزوم قالوب یولدا عمروم قوتاردی بو ویران سراده چوللرده قاچمشام پای پیاده گوزوم قالوبدی دشت کربلاده نقدری ایلیوم فغان یارالی گل هارداسان هاردا گوزوم قالوب یولدا سندن بابا قیزون اولوب گیلیلی رنگیم بنفشه تک اولوبدی نیلی شمر دنی ویردی یوزومه سیلی یوزومده ردّی وار عیان یارالی گل هارداسان هاردا گوزوم قالوب یولدا قلبیم بابا هجرونده دوندی قانه گلدیم خرابه گوشه سینده جانه گور نه گونه قویوب منی زمانه بهاریمی ایدوب خزان یارالی گل هارداسان هاردا گوزوم قالوب یولدا اگر چه سنّیم آزدی بیر صغیرم کمنده عشقیده بابا اسیرم خرابه یرده شمره دستگیرم جفاسی اولدی بی امان یارالی گل هارداسان هاردا گوزوم قالوب یولدا نقدری من گرک دوزم عذابه بلالریم گلن دگول حسابه یوروب منی مصیبت خرابه اماندی گیتمه بیر دایان یارالی گل هارداسان هاردا گوزوم قالوب یولدا قالوب یولوندا قوش کیمین نگاهیم اولوبدی عشقون آی بابا گناهیم دیار کربلاده باتدی ماهیم هاچان گلر او مهربان یارالی گل هارداسان هاردا گوزوم قالوب یولدا ** فرهاد فکردی اردبیلی

زبانحال حضرت رقیه (س) - جواب گلدیم سنون دیداروه رقیه خوش گلدون ایت غمخواروه رقیه کوسمه قیزیم مندن شرمندیم سندن سن سن منیم دادیم دوزوم رقیه گویلرده پارلاق اولدوزوم رقیه آهو باخیش زیبا قیزیم رقیه چوخ مایلم گفتاروه رقیه کوسمه قیزیم مندن شرمندیم سندن پیمانه ی صبرون ستمله دولدی رنگون بنفشه تک سارالدی صولدی دردون آنامناندا سنون چوخ اولدی قربان دل بیداروه رقیه کوسمه قیزیم مندن شرمندیم سندن کیم سن کیمی دوزدی غم و بلایه کیم غرق اولوبدی سن کیمی عزایه چاتماز الون دوباره کربلایه قان آغلارام اسراروه رقیه کوسمه قیزیم مندن شرمندیم سندن گلمز سنون نسگیللرون شماره بختون کیمی اولوب گونونده قاره یوخ دردوه دنیاده راه چاره ملحق اولارسان یاروه رقیه کوسمه قیزیم مندن شرمندیم سندن دنیاده توش محنت و الم سن آز سنّیله احبابه محترم سن غم چکمگه عیناً جوان ننم سن ادامه ویر پیکاروه رقیه کوسمه قیزیم مندن شرمندیم سندن خرابه نون اورک سیخار هواسی قوتارمیاندی باشوون بلاسی توخدامیوب قولاقوون یاراسی سیلی دگوب رخساروه رقیه کوسمه قیزیم مندن شرمندیم سندن گلدیم سنی دلشاد ایدم عزیزیم چتین زمان امداد ایدم عزیزیم غم غصّه دن آزاد ایدم عزیزیم محرم اولام اسراروه رقیه کوسمه قیزیم مندن شرمندیم سندن خرابه یئر سنه وطن یازیلدی یوخ سن کیمین غریب ئولن یازیلدی ئوز معجرون سنه کفن یازیلدی قان آغلارام مزاروه رقیه کوسمه قیزیم مندن شرمندیم سندن ** فرهاد فکری اردبیلی

نوحه حضرت رقیه (س) (سبک : سن شهدا سروری ، من اسرا رهبری) رقیه    چوخ    آغلاما     غم    خانه ده گیشدی     گونون    گوشه    ویرانه ده سالما     اشاقه      باشون توکمه   یوزه  گوز  یاشون یوللارا     باخما       قیزیم گلمز       علی   قارداشون آغلاما     ای        فاطمه     ریحانه سی قارداشیمون      سوگول     دردانه سی گوردی    فلک   باشیوه  غم  شانه سی آز    منی   آغلات    قیزیم گل  سینمه    یات   قیزین آهو  باخیش  نازلی شیرین  دل   قیزیم غصه سی چوخ هرسوزی نسگل قیزیم آغلاما    بسدور گوزوی   سیل    قیزیم یوللارا     تیکمه     گوزون عمه وه   دِه    هر  سوزون آخشام    اولاندا    باخوسان     یوللارا گول   یوزوی   قویما     قیزیم    دیوارا قلبیمه    وورما    گوزلیم    چوخ     یارا یوللارا     باخما       قیزیم گلمز       علی   قارداشون آخشام   اولوب    همشه  گون   باتاندا گئجه     گویه     ستاره لر      چیخاندا هی    دیوسن    عمه    بابام     هایاندا چوخ     باباوی     سسلمه گلدی     گئجه    غم   یمه آخشام  اولوب  هر گئجه  گون  باتاندا هامی     گیدیب      ایولرینه     یاتاندا هی دیوسن    قالدی     بابام    هایاندا چوخ     باباوی     سسلمه گوندی  گیچر     غم   یمه دشمن    دینین   ایوی   ویران      اولا سالدی  شمادت   سنی   حالدان   حالا قویما    یوزون    تپراقا   یورقون     بالا یوردی    شمادت     سنی غصه      قوجالدیب    منی ** مختار  صادق زاده

احوالات حضرت امام سجاد (علیه السلام) حضرت سجاد قرخ ایل شادوخندان اولمادی دردینه جز درد دین بیر اوزگه درمان اولمادی کربلاده کربلانین گوردی عاشورا سینی فاطمه اوغلی حسینین محشر کبراسینی قانه غرق اولموشلاری پر موج قان دریاسینی سانما احساساتی دریا تک خروشان اولمادی بیرطرف قانلار سپیلدی ایتدی گلگون داشلاری بیرطرف جام شهادت نوش ایدوب یولداشلاری بیر طرفده قانینه غلطان دوشوب قارداشلاری ایلدی حسرت اولار تک قانه غلطان اولمادی ایتدی اقبال شهادت دین یولوندا اهل دین چاتدیلار بو فیضه یتمیش بیر نفر مرد آفرین اولدی بیله فیضدن محروم فخر الساجدین چوخ چتین گلدی اونا بو امر آسان اولمادی بیرطرف فیض شهادتدن اولوبدی بی نصیب دردی درد اوسته گلوب نه بیر دوا نه بیر طبیب دور و بر بی شرم دشمن ایل اوزاق قالموش غریب دردینه جز درد دین بیر اوزگه درمان اولمادی چوخ سوَردی توپراقا دین اوسته قانی آخماقی سرخ رو قان ایچره قانین چهر دینه یاخماقی چون چتین گلدی دوروب جنگاهه ساکت باخماقی حیف خستیدی قیامه اوندا امکان اولمادی گوردی دشمنلر نجه قلب بتولی اویدولار قزلاری نه وضعیله غارت گونونده سویدولار چوللره یانمیش چادرلاردان چخوب یوز قویدولار هامّی قاچدی سانما بیر فردی گریزان اولمادی خیمه گاه دین یاناندا دوندی شامه گوندوزی ایستدی بوگیروداری گورمه سین حق بین گوزی امر ایدوب قاچدی هامی قالدی یانار اوددا اوزی عمه سی اوددان چخاتدی اوددا سوزان اولمادی گوردی قان دریاده غرق اولموش یارالی نوحینی سو یانیندا تاپدی دینین کشتی مطروحینی ویرمدی الدن گنه روحیۀ پر روحینی ظاهرا پوزقون ولی باطنده پژمان اولمادی خاک و خونیله هم آغوش اولدی جانبازان دین قالدیلار بی سراو خونین چولده سربازان دین سرفراز اولدی جدالرده سرافرازان دین گوردی بو حالی گنه دل صبری تالان اولمادی گوردی غوغائیله دولموش سرزمین کربلا قتل عامیله اولوب خاموش مطلق برملا هر طرف آچمیش گل سرخ شهادت جابجا سانما سونلار کربلا دینی گلستان اولمادی دور ایدوب هربلبل شوریده بیر گل باشینه هر آنا اوغلون تاپوب ویردی خبر گوزیاشینه هربالا اوخشار آتایه هرباجی قارداشینه نینوا دشتی نواسیزبی نواخوان اولمادی خون طاها وعلی و خون زهرا و حسین رگ لرینده جابجا جاری حسینه نور عین ترک ایدوب قانلو بیابانی امام نشأتین بو حیاتی مرگدن واقعده آسان اولمادی بیر طرفدن دست بسته دل شکسته قلبی پاک بیر طرفدن وار قاباقدا سرنوشت هولناک قرخا دین همره یتیم داغ دیده سینه چاک سانما بو مولا اوزی جزه اسیران اولمادی نه اسارت قید کین قوللاردا گوزده اشگ تر بیر حیات مرگبار و محنت افزا بیر سفر نه سفرآدی سفر باشدان باشا خوف و خطر بو اسارتده اونا امنیت جان اولمادی نه سفر دوشموش یول اوسته چوخ غم آور شهرلر هر طرف اهل جنایات خِفا و جَهرلر طعن بیگانه شماتت لر عتاب و قهرلر روبرو وحشی لر اونلان اولدی انسان اولمادی کوفه شهرین دولدوروب باشدان باشا جوش و خروش روبرو حقی دانان دنیاپرست وخود فروش قول قونادسیز قوش کیمی آل پیمبر سربدوش کیم دیر قلب شریفی غنچه تک قان اولمادی ناقۀ عریان لار اوسته پیکر تبداریله روبرو ایله آییلماز یوخلیَن افکاریله یوخلیَن خلقی اویاتدی آتشین گفتاریله اولمیه بیدار او گون روشن مسلمان اولمادی نقطۀ پرگار ایمان اهل کفره دستگیره شیریدی روباه لر مکریله ایتمیشدی اسیر بسته زنجیر اولا عار ایلمز شیر اوغلی شیر دوزدی زنجیره قولی باغلی پریشان اولمادی ویرمدی روحیه سین الدن امام دادخواه گوردی تهدیدات خصمی خسرو اقلیم جاه دشمنه دشمن لر ایچره ووردی ضربه گاه گاه اوز وقارین ساخلادی پابند خذلان اولمادی مجلس ابن زیاده گیتدی قولدا قید کین قتلینه شمشیر کینه چکسدی جلاد لعین وقرینی سندیرمادی اول حجت روی زمین ذره جه دین اوسته اؤلماقدان هر اسان اولمادی اوتدان الهام آلدی زینب بانوی مهدِ وقار ویردی فرمان دوردی آل الله یریندن بیقرار آلدیلار جلاد الیندن عابدی پوزقون قطار عابدین قتلینده اجرا قانلو فرمان اولمادی کوفه ده دللرده قویدی انقلابی بیر اثر پای تخت آل هنده باغلادی بار سفر وارد اولجاق گوردی نه شامات یکسر شور و شر اؤلدوره روحیه سین بو وضع عنوان اولمادی چوخ چتین گلدی اونا شام جفا هنگامه سی دلخراش اولدی اونون شاماتده برنامه سی باشینه اود یاغدیراندا دوتدی اود عمامه سی قوللاری باغلیدی خاموش ایتسون امکان اولمادی چوخ جفا شام ایچره گوردی فرقۀ بیداددن چوخ شماتتلر ایشیتدی قوم بد بنیاددن بارها قورتولدی شَرِّ قان توکن جلاددن استقامتله دایاندی حالی پژمان اولمادی درد و رنجه آشنا ایتدی اونی بیگانه لر گه یری زندان اولوب گه گوشۀ ویرانه لر شمع تک دورین آلوب پرسوخته پروانه لر ایله هیچ پروانیه شمع شبستان اولمادی شاعر : مرحوم تائب

سینه زنی من گدایم گدای اباالفضل سر نهاده به پای اباالفضل در سر من هوای ابا الفضل در دل من ولای اباالضل کیستم من گدای اباالفضل چشم من بر عطای اباالفضل عاشق روی آن مه لقایم آرزومند کرب بلایم درد مندم بود او دوایم به شوم از شفای اباالفضل سیدی کن بسویم نگاهی من گدا تو همان پادشاهی درد من را ز لطفت دوایی عقده قلب من را د وا کن خسروا قسمتم کربلا کن قبر صحن سرای اباالفضل خون شد آخر ز هجرت دل من کی شود حل این مشکل من کی شود کربلا منزل من بشوم من فدای اباالفضل جان فدای شه کربلا کرد حق سلطان دین را ادا کرد او به عهد الستی وفا کرد شد جدا دست های ابا لفضل هر دو دستش جدا شد ز پیکر کرد جان را فدای برادر

بسم الله الرحمن الرحیم روضه امام سجاد ع ای قلم محنت یازاندا یاز آقام سجادیدن چوخ توکوب اشگین عذاره دیده ی ناشادیدن عمریده هچ اولمادی بیر گون گوزی یاشسیز قالا قالمامیشدی اول قدر غملر اونی دیلدن سالا زهریله مسموم ائدوبدور گل کیمین سولدوردولار قانلن قلب بتولی ظلم ائدوب دولدوردولار یاد ائدردی شاه دینین دیلده کی اوخ یاره سین خلوت ایلردی مکانین تا اوجالداردی سسین هر موقع آقانین سفره سینا سرین سو گتیرردیلر یا ایستی غذا ،،،آقا آغلاریمیش .....سوال الدیلر آقا نچه ایلردی کربلانین ماجراسی قوتاریب ولی سیز گینه آغلیسوز . بویوردی نجه آغلامیوم یاریم گونون عرضینده گوموزون قاباقیندا اون سگیز نفر بنی هاشم نن عزیزلریمیزدن آج سوسوز اولدوردولر 😭😭😭 هی دیردی دیده ی گریانوه قربان بابا اللرونده قالدی اوخلی سوت امر مهمان بابا . سینوه قویدی باشین اوخسته قربانون بابا . آغلادیم عمروم بویی چیخدی سوسوز جانون بابا .. سن کفنسیز قبره گئتدون سینه می آلدی محن اوخشادیم دائم سنه ای بی کفن ای بی کفن ... سنده گل آل باشیمی آغوشوه ای مهربان ..بابا جان اوغلون ئولی اود توتوب قلبیم دیزیمده قالمیوب تاب و توان عمه می هی سسلورم اما بابا سس ورموری گوئیا سجادینون قانلی دوداقین گورمیور گوزلریم قالدی یولوزدا گلماقا تعجیل ایدون لااقل جانیم چیخان لحظه لری گورون گئدون سینه ده زمانه دن غم بی شماریم وار بابا حضرت عباس عمومدان انتظاریم ولر بابا لطف ائدوب گلسون گینه دورام دولانام باشوا گلمه تک گلسون گتور حتما یارالی عمه می گویلوم ایستور بو زمان باشی بلالی عمه می گلسه عمم یارالی گوزلریمی باغلار اوزی اوتوروب باشیمین اوسته باش آچار آغلار اوزی هر یانا اوز توتورام جواب آلانمورام ولی درد الینده نیلیوم ساکت اولانمورام ولی غم توکوبدور بابان باد مصیبت چمنه ایشیمیز قالدی فقط حضرت مهدی گلنه او گلوب نوا ائدر ایاقیمون یاراسینا اوگلوب ائدر محبت وطن آواره سینه آچارام بوینومون اوندا یاراسین رویت ایدر خط زنجیره توکر اشگینی طبابت ایدر .... 🌴🌴🌴🌴🌴🌴🖤🖤🖤 ختم امام سجاد ع ::: ای عابد دشت کربلا ادرکنی ای وارث شاه شهدا ادرکنی هم خسته ی تب بودی و هم تشنه آب ای بسته به زنجیر جفا ادرکنی 🤲🏻🤲🏻😭😭😭 التماس دعا

نیایش شبانه با حضرت عشق ❤️❤️ بارالها🙏 از كوی تو بيرون نشود پای خيالم نكند فرق به حالم چه برانی،چه بخوانی چه به اوجم برسانی چه به خاكم بكشانی نه من آنم كه برنجم نه تو آنی كه برانی نه من آنم كه ز فيض نگهت چشم بپوشم نه تو آنی كه گدا را ننوازی به نگاهی در اگر باز نگردد … نروم باز به جايی پشت ديوار نشينم چو گدا بر سر راهی كس به غير از تو نخواهم چه بخواهی چه نخواهی ... باز كن در كه جز اين خانه مرا نيست پناهی😔🙏 آمیـــن یا رَبَّ 🙏 شبی‌دیگر شد✨ جذب کن آرزوهایت را درلحظہ ای که پلک هایت سنگینی‌میکند رویاهای‌شیرین خود را ببین ویقین داشته باش بدست می‌آوری هرآنچه به نیکی‌خواسته ای شبتون خدا پسندانه✨🙏

ذکر و تقویم روز و سلام صبحگاهی ارباب ــــــــــــــــــــــــــــــــــــ #ذکر_روز پنج شنبه: لا الهَ الا الله المَلكُ الحَقُّ المُبين (100مرتبه) ــــــــــــــــــــــــــــــــــــ #پنج‌شنبه  »»»»»»»» ۱۴۰۳/۵/۱۱ 🙏سلام صبحگاهی ارباب بی کفن... 🌺🌺🌺🌺🌺🌺 به رسم هر روز صبح با سلام بر ارباب بی کفن روز مون رو شروع کنیم... 🌺🌺🌺🌺🌺🌺 اَلسَّلامُ عَلَيْكَ يا اَبا عَبْدِاللهِ ، وَعَلَى الاَْرْواحِ الَّتي حَلَّتْ بِفِنائِكَ ، عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ ، وَلا جَعَلَهُ اللهُ آخِرَ الْعَهْدِ مِنّي لِزِيارَتِكُم ، ❤️ اَلسَّلامُ  عَلَى الْحُسَيْنِ     ❤️وَعَلى عَلِيِّ بْنِ الْحُسَيْنِ       ❤️وَعَـلـى  اَوْلادِ  الْحُسَيْنِ         ❤️ وَعَلى اَصْحابِ الْحُسَيْنِ ❤️❤️❤️❤️❤️        

حضرت رقیه (سلام الله)   سلام اولا او قیزا خیمه لر یانان ساعت اولوبدو اکبر آلان گوشواره سی غارت   سلام اولا یوزونه گوزیاشی آخان بالیا دگنده سیلی دونوب علقمه باخان بالیا   سلام اولا هامونون مشکلون آچان بالیا ایاق یالن باش آچوخ چوللره قاچان بالیا   سلام اولا او قیزا قلبین إتیلر یاره گجاودن یخیلیب چولده قالدی آواره   سلام اولا اوقیزا یوللار اوسته آغلاردی ایاقلارین یاره سین معجرینن باغلاردی   سلام اولا اوقیزا دوندو گوزلری ابره خرابه یئرده ئولوب عمه سی قویدی قبره   غارت اولدی صبر اویم غارتده هاردیدون بابا خیملر تاراج اولان حالتده هاردیدون بابا   اونداکی نصفی یانان چادورده سسلیدوق سنی عمه ام ائیلوردی نوا خلوته هاردیددن بابا   ناقدن شامین یولوندا ساربان یخدی منی قالدیم او صحرایه پروحشته هاردیدون بابا   آغلیاندا من سنه دشمن بابا گولدی منه یاندی قلبیم آتش محنده هاردیدون بابا   کاش اولیدوک گورمیدوق هیچ بیر یزید مجلسین قالمادی طاقت دل عطرتده هاردیدون بابا موضوع: حضرت رقیه (س) احوالات ,

آچ گوزلریوی قلبیمی غم دلدی رقیّه شیرین دانیشان دیللره قرباندی رقیّه ویرانه ده غم شعله سینه سن آلیشاردون آزاد اولا روحون گئجه گوندوز دانیشاردون آخشاملار اولاندا منه گیزلین دانیشاردون سنسیز عسل اولسا منه حنظلدی رقیّه غم یولداشیم اولدون باشیمی دائم اوجاتدون گوزیاشیمی امّا اورگیم قانینه قاتدون کوسدون نیه مندن قره توپراقیده یاتدون گرچه بولورم دشمنون ارذلدی رقیّه یاندیردی یانان قلبیمی بو درد فراقون رنگون سارالوب غنچه کیمی سولدی دوداقون قاچدون او قدر چولده قابار اولدی ایاقون باخدوم ایاقون آلتینا تاولدی رقیّه یانّام دئیرم قلبیمیز اودلاندی الهی سنسن بو قدر محنتون عالمده گواهی اللرده ئولوب بو بالا واردور نه گناهی قاتل دئیرم شمریله بَجدلدی رقیّه پنهان ائدرم دردیمی دیلده بولن اولماز گوزیاشیم آخار صورته امّا سیلن اولماز چوخ قیزلار ئولوبدور ولی سن تک ئولن اولماز عالم بئله بیر ظلمه معطّلدی رقیّه لایلای چالارام قبریوین اوسته منِ نالان دینجلدون عزیزیم ائلدون زینبی گریان عمّه ئن بالا اولسون یومولان گوزلره قربان چوخدور مُحنیم بو هله مُجملدی رقیّه هیچ من دئمورم عمّه وی سن گوزدن آتوبسان سس وئر یورولان زینبه آخر نه یاتوبسان سن عمّه دئ منده چاغوروم هی سنه جان جان هجران اوخی قلبیم باشینی دلدی رقیّه #اللهم_عجل_لولیڪ_الفرج

مقام مادر حسن نجفلو (بویوروب حضرت صادق بو حدیثی علنی احترامیله دانیشدیر آتانی هم ننه نی) اوجالا بلکه مقامون چو اویس قرنی ائده احسان سنه جناتی ملیک العرصات ئولن ارحامووی سال یادیوه گوندر #صلوات یتیشوب محضر پیغمبره بیرگون اؤ جوان سوروشوب بو سؤزی ،مطلب هامیا اولدی عیان چوخ گناه ایلمیشم، توبه یولون ایله بیان قورخورام باشه چاتا عمر، گنهکار ئولم من مسلمانم آغا ، ایستمورم خوار ئولم باخدی پیغمبر رحمت او جوانون یوزونه چوخ ترحمله قولاق وئردی یانقلی سوزونه بویوروب واقف اول الان بو مقامین دوزونه بیله بیر توبیه اسباب شفاعت ،آنادی ئوپ ایاقیندن اونون باب سعادت آنادی باشینی سالدی اشاقه گوزی ایسلاندی جوان ائله بیر آه چکیب قلبیدن اوتلاندی جوان ننه سی یاده دوشوبدی ئورگی یاندی جوان دئدی افسوس بو نعمت گئدیب الدن منه وای نچه ایللردی ئولوبدور ننه م ایوای ننه وای

‍ 💢درفراق مادر 💢«درسبک » منم باید برم آخه برم سرم بره زبانحال دختر یا زبانحال حضرت زینب (ع) آنا آنا آنا سنه اولا جانیم فدا بیزی قویوب یالقوز سن ایدوسن سفر هارا وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ همیشه گویلومی محبتیله آلموسان قولیوی بوینوما من آغلیاندا سالموسان بیزی قویوب تنها ننه هایاندا قالموسان(۲بار) وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ سنون مصیبتون قرار و صبریمی آلوب سیزیلتی سسلرون بدنیمه لرزه سالوب گه گور اوزون نجه غریب آتام تنها قالوب (۲بار) وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ یامان گونومده گل قیدیمه بیرده قال ننه قلبی سینیق قیزام منی قوجاقه آل ننه اوشاقلغیم کیمی لایلایی بیرده چال ننه(۲بار) وفالی آی ننه - حیالی آی ننه ننه سینان پهلولری - یارالی آی ننه ننه (۲بار) ♻️♻️♻️♻️♻️♻️♻️♻️♻️♻️♻️♻️♻️♻️♻️♻️ سکسته گویلومی همیشه آی آلان آنا مریض اولاندا من یانیمدا آی قالان آنا اویاق قالوب گجه منه لای لای چالان آنا(۲بار) وفالی آی نه نه -حیالی آی ننه ننه پهلولری سینان - یارالی - آی ننه ننه(۲بار)