شعر ترکی راجع به امام زمان(عج) ای   گوزوم   آغلاما   مولا   گله   جاق غم    یمه    مهدی    والا      گله   جاق روح طاها گله جاق ‚ جان زهرا گله جاق بیر  گونون   جلوه  سی   دائم   گورونور صبح      صادقدن     علائم     گورونور طلعت     حضرت       قائم     گورونور یار محبوب و دل آرا گله جاق کعبه  دن   ظاهر    اولان    وقته    امام ویره     جاق    عالمه      اعلان     قیام دلده     تکبیر      خدا      الده      حسام انقلاب  ایتماقا بر پا  گله جاق ویر      بشارت        ضعفای       زمنه خاندان             شهدای              وطنه شمع      نورین        سالاجاق     انجمنه جان   پروانیه  یارا  گله  جاق ای  خدا    شامه   دونوب    گوندوزوموز کربلا   ده          آغلار         گوزوموز شهدا       سیّدینه       وار      سوزوموز بس هاچان مصلح دنیا گله جاق ای   خدا    شیعه     دوشوبدی     خطره فرجون    سالما    بو     گوندن    سحره مضطروق   منتظروق    خوش     خبره بو خبر هانسی گون آیا گله جاق ای   صبا    بیزدن    آپار    یاره     پیام حجّت    ابن     الحسنه      ایله      سلام دوشموشوق   مشکله   یوخ    دلده    دوام دل دیور حجّت  یکتا  گله  جاق الیمیز      چاتمور      او       دلداریمیزه سرور        و       قافله       سالاریمیزه ایده       درمان        دل       بیماریمیزه چاره ی   درد  احبّا  گله  جاق دی   « کلامی »   بو  سوزی   اهل   دله گلور   اوّل   شه   ویره    احراره    صله  وار     یری     یولارا     آذین      چکیله مژده ویر قطریه دریا گله جاق اثر: حاج ولی ا... کلامی زنجانی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت رقیه (س) در خرابه شام (( نازلی رقیه ابتلا هم سنین اولدی هم منیم محنت و رنج کربلا هم سنین اولدی هم منیم )) باده ی محنتی ایچن رنج اسارتی چکن دشمن دونیدن جفا هم سنین اولدی هم منیم آهو باخیشلی ناز بالا سنّین اولوبدی آز بالا تهمت و داغ اشقیا هم سنین اولدی هم منیم سن منه اعتباریدون شانیمیدون وقاریدون صرصر محنت قضا هم سنین اولدی هم منیم دیده آچاندان عالمه خوش گونه حسرت اولموسان وای بالا درد بی دوا هم سنین اولدی هم منیم قلب لره امیرسن عمه وه بیر سفیرسن پرچم سرخ نینوا هم سنین اولدی هم منیم شامیده نیشخندلر کوفه ده دستبندلر کوچه به کوچه آه و وا هم سنین اولدی هم منیم یتدی غمون نهایته صبر ایلدون مصیبته غملی سیزیلتی اوخشاما هم سنین اولدی هم منیم سیلی زجر دونیدن طعنه هر زبونیدن هر نه گلوب قیزیم یارا هم سنین اولدی هم منیم گوز یومولور زمان گیچور اهل بداهه فخر ایدون مصرع سیف الشعرا هم سیزین اولدی هم منیم ** رحیم شایان ارومیه دو مرع اول نوشته ی آقای سید تقی سیفی اردبیلی میباشد ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حسین کیمدی حسین نور هدادی حسین هم  ابتدا    هم    انتهادی حسین کیمدی حسین ارام جاندی حسین  اوز  عاشقیلن   مهرباندی حسینون  نوری هر یرده  عیاندی حسین  شاه    عزیز      کربلادی حسینون    انقلابی     جاوداندی حسینه  رب منان  نوحه خواندی حسینی مدح   ایدنلر    ناتواندی حسینون باشی  هریرده اوجادی حسین کیمدی حسین خیرالبشردی ایکی   عالم   صدفدی اول  گهردی حسین  شمس الضحادی هم قمردی حسین فخر و عزیز هل  اتی  دی حسین تیتردی عرشی کربلاده قالیب حیران ملکلر  اوصیاده حسینون نقشی وارجام بلاده حسینه جان ویرن جام بلادی حسینی فاطمه جان سسلیردی شهید   راه    قران    سسلیردی ملک لر گویده سلطان سسلیردی حسین محبوب خوبان وخدادی حسینیلن بو خلقت اشنادی حسین فرمانده   کل قوادی حسینون مرقدی مهد صفادی اورا مرقد دیمه دارالشفادی اوگون که گلدی دشت پربلایه تمام   قدسیان   گلدی   نوایه ددی  الله  اوزی    باد  صبایه حسینون  زایری  اوددان جدادی حسینی مادری زهرا تانیردی حسینی زینب کبری تانیردی حسینی احمد و مولا تانیردی حسینون عارفی نور خدادی زبان   زدی   جهاندا   انقلابی اورکلرده ییراچدی عشق نابی بیزه    مهر  نمازیدور    ترابی ترابین اوپسه کیم حاجت روادی اوشاخلیقدان حسینی سسلرم من انام ایتدی بو نوری دیلده روشن دیدی    ایریلما   شاه  بی کفندن  بیلرسن بو سوزم چون کیمیادی گیندیردی منه بیر قاره کوینک نشان ویردی منه دنیاده مسلک حسینه عارف اولدوم اندک اندک سورا بیلدیم که مقصودیم هارادی نقدری گچدی عمرم غم چوخالدی حسینون عشقی صبری الدن آلدی ادی حک اولدی بوسینمده   قالدی حسینون   دردینه   دل    مبتلادی نقدری گچدی عمرم غم چوخالدی حسینون عشقی صبری الدن آلدی ادی حک اولدی  بو سینمده قالدی حسینون   نام    پاکی غم فزادی #عبـــــــــــادے_طارمے ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ای دیلیم ایله دعا سن اغلما جمعه گونی اغلیور ارض وسما سن اغلما جمعه گونی حضرت مهدی گلجک اوچ یوز اون اوچ یاریله اولاجاق درده دوا سن اغلما جمعه گونی 😭😭😭😭 إِنَّـا لِـلَّـهِ وَ إِنَّـا إِلَـیْـهِ رَاجِـعُـونَ کـلُّ مَـنْ عَـلـیـهـا فَـان وَ یـبـقَـی وَجْـهُ رَبَّـک ذوالـجـلالِ والاکـرامِ         🕯امروز مصادف با پنجمین سالگرد درگذشت مداح با اخلاص حسینی " نورالذاکرین زنده یاد حاج محمد باقر منصوری " این مصیبت عظیم را خدمت خانواده محترمشان و تمام جامعه حسینیت تسلیت می گوییم 🔴با ذكر يا حُــسين و صلواتی بر محمد و آل محمد ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب کبری (س) به باد صبا در شهادت حضرت رقیّه 🍃🌹 صبا حسینه ویر خبر قیزون رقیّه جان ویرور سنون کفن سیز اولماقون خرابه ده نشان ویرور بابا بابا دیور یانور ایدور نظر صاقا صولا یقین یولون گوزَتلوری تیکوبدی چوخ گوزین یولا 🍃🌹 بو قدر قویما گوزلری یولوندا انتظار اولا نوید وصلون اولسا گر حیات جاودان ویرور 🍃🌹 پوزوبدی حالی حالیمی گرک اُلونجه دل یانا اگرچه نار غصّه دن یاخوندی قلبیم اودلانا 🍃🌹 تمام غصّه بیر یانا ولی بو غصّه بیر یانا قوری یر اوسته بیله جان بو طفل ناتوان ویرور حرملرون باخور یانور آناسی اشکبار اولور 🍃🌹 جنازه اوسته باش آچوب باجیسی ساچلارین یولور قولوندا قمچی یرلرین گورنده گوزلریم دولور 🍃🌹 حنوطی خاک غسلینی بو چشم خون فشان ویرور نه وار سسیمه سس ویرن نه بیر نفر گَلوب گیدن 🍃🌹 گوره بالام غریب اُلور تدارک ایلیه کفن ایدون نه چاره نه کومک نه وار هراییمه گَلن نه دیز گَلور نه دل دوتور نه گوز یاشیم امان ویرور 🍃🌹 حسین یارالی قلبیمون گَل ایمدی یاره سین بیتور قیزیوی قبره قویماقا اوزون بو منزله یتور 🍃🌹 منی سویوبلا باری سن اَلونده بیر کفن گَتور امیدی یوخدی بیر کسه باجون سنه گمان ویرور وطن دگل بو شهر شام اولا قبیلمه قریب 🍃🌹 جنازه سین گوتورماقا گَله قبیله و حبیب بو اهل شهره نابلد، اسیر شمر، اوزوم غریب 🍃🌹 غریبین اهل شهر اولان سسینه سس هاچان ویرور نه فرش و نه چراغ وار خرابه یردی منزلی 🍃🌹 نه سو و نه طعام وار نه سوز دیه دوتور دلی باجون چتینده حلّ ایده اُلونجه بیله نسگلی 🍃🌹 حجاز عزیزی شامیده بو ذلّتیله جان ویرور باخان بُلر ملالیمی گوزیمده قانلی یاشیمه باشیم اوجالیقی توکوب نه کُل زمانه باشیمه 🍃🌹 نولوبدی بس منیم ایلیم نه گَلدی آل هاشیمه صباح و شام دردسر بیزه بو شامیان ویرور 🍃🌹 سموم جور و ظلمیله خزان اولوبدی گُللرون خزان گُلینه بنزوری بو طفل ناز پرورون 🍃🌹 آجیندان عارضی سولوب سارالدی بو گُل ترون بهار عمر زینبه بو غصّه لر خزان ویرور سزادی بو یتیمه نون فغانی کَونی دولدورا 🍃🌹 اجل سیز اُلدی اَُلدوروب بونی عدو وورا وورا اولوب اَیاقی آبله ایاقه ایستوری دورا دوراندا یاره یرلری اَیاقلاریندا قان ویرور 🍃🌹 حسینی بخت کوکبون دوشوب تنزّله سنون ایدور محبّ سرزنش بو حاله طعنه دشمنون نهان ملالیدن عیان چخار سپهره شیونون 🍃🌹 حسینه آغلاسان خدا مرامیوی اینان ویرور ﷽🍁 @asegansaeedalsohada تلگرام ﷽🍁 ﷽🍁 @Ghateelolabaraat. ایتا ✨اَللّهُمَّ عَجِّل لِوَلیِّکَ الفَرَج✨

😭😭😭 #با_اجرای_حبیبی_احسن #زبان_حال_خانم_ام_البنین(س)🌺 غملی قاپیا قاره علم ویرمشام اوغلوم هر هفته سنه بزم عزا قورمشام اوغلوم اولماز بئله هیات ، بئله یاس ،دور زمنده حالیم پوزولوب زینب آچیق روضه دینده گل صورتووه باشدان آخان قانووه قربان اصغر آناسیندان اوتانان جانووه قربان #شاعر_محمدی_(ناعـــــــم) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌹 بسم رب الحسین 🌹 «اَلسَّلامُ عَلَى الْحُسَیْنِ وَ عَلى عَلِىِّ بْنِ الْحُسَیْنِ وَ عَلى اَوْلادِ الْحُسَیْنِ و عَلى اَصْحابِ الْحُسَیْنِ» در شب جمعه بازم زائرت نیستم از دور سلام ✋ تو نیاز و ضربان دلمے ، ختم ڪلام 🌹صل الله علیک یا اباعبدالله🌹 خدایا در شب جمعه شب زیارتی ارباب بی کفن شفای بیماران .آمرزش گناهان رفع گرفتاری گرفتاران .عاقبت بخیری جوان ها را از درگاه لطفت تمنا داریم🙏 🌹 آمین یارب العالمین 🌹 دعای آخر شب : بارالها ♥️🤲♥️ بیامرز گناهانی را که باعث از بین رفتن پرده عصمتم می شود و ببخشای آن لغزشهای که بدبختی برایم فرود آورده و درگذر از گناهانی که دلیل حبس شدن دعاهایم شده است . خداوندا ♥️🤲♥️ بیامرز اموات ما را و بر آنها سخت نگیر و به دیده اغماض بر گناهانشان بنگر و ما هم که به آنان پیوستیم نیز ببخش و بیامرز و ما را با اولیات محشور بنما . پروردگارا ♥️🤲♥️ توفیق سعادت ذکر نامت را به ما اعطا کن تا با ذکر یادت آرام شویم که نام تو شفابخش دردهای ماست ، ای یاد تو بهترین یادها . آمین ♥️🤲♥️ خــــــدایــــــا مرا قلبی متواضع عطا کن که در سرما و گرما، در لـــــذت و درد، در بیماری و تندرستی و در پاییز و بهار ،شادباقی بمانم و مرا یاری کن تا همه چیز را به آغوش پر مهرتو بسپارم شـــبــــتـــون زیـــبـــا و مـتـبـرکـ بــه نـگـاه خــدا🤲🙏🌺

‍ حضرت رقیه سلام الله علیها استاد غفاری اردبیلی سبک:ای کربلانون صودامرجیرانی اصغر       ای بلبل شیرین سخن لایلای رقیه         ویرانه ده مظلوم ئولن لایلای رقیه آدون قیزیم پاینده دی/سندن بیبون شرمنده دی                   ایوای رقیه/لایلای رقیه تپراقون اوسته یاتماای زهرانشانی سنسن عزیزیم زینبین آرام جانی قول باغلی اولدون شهرشامون قهرمانی ظالملری رسواائدن لایلای رقیه عشقون باشونداتاج اولار/عالم سنه محتاج اولار                   ایوای رقیه/لایلای رقیه اولدوزکیمی آخدون گجه ویرانسراده نسگیل اولاربومحنتون زین العباده قالدی سنون حسرت گوزون کرببلاده اولدی سنه غربت وطن لایلای رقیه دیداره دلبرگلمدی/قارداشون اکبرگلمدی               ایوای رقیه /لایلای رقیه قالدی حسینیم قوملاراوسته پیرهنسیز کرببلاده نورچشمیم قالدی من سیز سنده گئدورسن وای منه قبره کفنسیز ئوزکوینگون اولدی کفن لایلای رقیه قلبیم سنه پیوسته دی/یات خرداجسمون خسته دی                  ایوای رقیه/لایلای رقیه مندن نه گوردون داشیمی آتدون عزیزیم اولدوزکیمی ویرانه ده باتدون عزیزیم کوسدون یاتان بختیم کیمی یاتدون عزیزیم قالدی چراغسیزانجمن لایلای رقیه قویدون منی دنیاده تک/دشمن ایچینده بی کمک                  ایوای رقیه/لایلای رقیه دوزدون فقط اوچ ایل قیزیم غم ماجراسین زینب بیبون چکدی ولی دنیابلاسین الله یتیمون مستجاب ایلردعاسین درگاه حقدن ایسته سن لایلای رقیه وئرسین منیم درمانیمی/غمدن قوتارسین جانیمی                     ایوای رقیه/لایلای رقیه

#فراق_کربلا #پویانفر ــــــــــــــــــــــــــــــــــــــــ من ایرانم تو عراقی چه فراقی چه فراقی بگیر از دلم یه سراغی چه فراقی چه فراقی جوینم فدا سر ساقی چه فراقی چه فراقی دوری دوستی سرم نمیشه و هیچ کجا واسم حرم نمیشه و از تو دورم باورم نمیشه و دارم میمیرم کربلا واسم ضروری حسین اربعین اوضاع چجوری حسین گار من امسال صبوری حسین دارم میمیرم ——————- من ایرانم تو عراقی چه فراقی چه فراقی جوینیم فدات سر ساقی چه فراقی چه فراقی —————— آرزومه راهی مشایه شم کربلایی بشم باهات همسایه شم پرچم سرخت بشه آسایشم آروم جونم این روزا عطر عقاقی میخوام تلخی چای عراقی میخوام گریه تو صحن ساقی میخوام آروم جونم —————— اومدم هرسال پیاده حسین من ستون به ستون تو جاده حسین نوکری مثل من زیاده حسین خودم میدونم گفتی که‌امسال نیام حرم حسین اربعین امسال کجا برم حسین من چجور امسال حرم نرم حسین بگو بدونم اومدم هرسال پیاده حسین من ستون به ستون تو جادهه حسین نوکر مثل من زیاده حسین خودم میدونم من فقط آقا تو رو دارم من به عشق حرم گرفتارم و من به لطف شما بدهکارم آره ببخش خیلی خیلی آقا حرم لازمم یعنی میشه بگم منم عازمم توی صحن قمر بنی هاشمم ایشالله آقا اشک چکیده روی ورق های لحوف ریخت تا خوندم من از تمامی حروف زخمی تنتو با تیغ سیوف میگم نیزه امونت رو برید زینب بی تو یه روز خوش ندید صل الله علیک یا شهید

با نوای زنده یاد نورالذاکرین استاد حاج سلیم موذن زاده 😭😭😭 اورکده غصه دن قالیب الریم قیز اولموشام گوز دن بله دوشموشم آلتی آیدور دارانمیب تلریم 🖤 خدای من اوچ ایل منه بهار اولدی یاز اولدی آییم گونوم نعمت اولدی ناز اولدی ارث آپاردیم دردی بیوک ننمنن آی ایشیق گونوم گولش اوزوم آز اولدی 🖤 واریم یوخوم کربلاده یوخ اولدی منیم غمیم ننمننده چوخ اولدی اوز بی بیمه دینمدیم دردیمی هر نیسکلیم قلبیمده بیر اوخ اولدی 🖤 سو آخماسا چمن لاله بیتیرمز قورد اولماسا قویون سوری ایتیرمز اوجی قوان مارال کیمی ایتمیشم هچ کیم منی ایلریمه یتیرمز 🖤 الله نصیب ایلسین خانم رقیه قبرین اوردا بئله زمزمه ایلیخ داغلار کیمی قلبیم باشی دوماندی گوزلریمده حسرت سرشتی قاندی خدای من سنیم اوشاخ نابلدم یولارا شامین یولین تاپانمورم هایاندی 🖤 سوارسالار قونچا توزا بیرونمز گوز اولسالار گون شاخدن درینمز ییله سینیب منیم خولوم بوداغیم توزلی ساچیم اولنه جک هورونمز 🖤 خدای من بلبل گزر باغدا الاقه اوسته چه چه ویرار گول اوسته ساقه اوسته قویمادیلار یول اوزونی اوخشیام پر پر اولان گولومی ناقه اوسته 🖤 غم اهلیده گونونده یولداش ایستر ایستکلیسین یولداشینان باش ایستر ائل طایفانین گوزی منی ایسته سه منیم گولوم بو چولده قارداش ایستر 🖤 خدایا هیچ دردلینون دردی منن باش اولماز یامان گونده یتیمه یولداش اولماز منیم کیمین باجی دوغماز آنالار اکبر کیمین وفالی قارداش اولماز 🖤🖤🖤 خدای من ظلم الینن سونوب حدبن چراغی برهم اولوب گوزل آتام طفاقی هر یرده کی غم اوز ویریب قورخموشام عمم اولوب اورگیمون دایاغی 🖤🖤🖤

استاد حاج یدالله منعم اردبیلی رضوان الله تعالی علیه کچن زمان منه بیر قصه راویان ددیلر تعجبم نیه من اولمه دیم عیان ددیلر دئدی مریضی آپاردوخ یارالی تبریزه مریضه باخمادیلار سهل دور یامان ددیلر ددیم بو حدیده علت ندور عداوتوزه ددی سیزون آدوزا اردبیلیان ددیلر ددیم داداش ده گوروم اردبیلی کافردی ددی آدین دیشون شهره لنکران ددیلر بیزیم تعصب میز وار ددی سیزون یوخدور بو تبریز اهلی گورنده گدانی خان ددیلر سیز اردبیلی لر امابیرین کی قالخیز دوز یره وراندا قالور نعشی ویردی جان ددیلر سیزی امام زمانون او ایری شمشیری دیون گورک بو سوزی دوزری یا یالان ددیلر وروردی تلویزیون شعر شهریاری نشان بش آلتی شعر اوخودی شاعر جهان ددیلر گوروندی کنگیره سینده جلال و دب دبه سی او ترکی شعریلره شعر جاویدان ددیلر بیزیمکی اولسا یاوشدان دیرکی تریاکیدی همیشه بالیجالی جیرانا قابان ددیلر حسینی حیطه تبریزده نوحه شاعری دی اوجاتدیلار آدینا سعدی زمان ددیلر بیزیم موذنیمیز افتخاریمیزدی بیزه بونی نه من دمورم شرق و غربیان ددیلر وروردی قاهره یوز مین دلار اوچ آی اوخوسون نواری مصره گدوب بلبل جنان ددیلر همین بو شهریده آد قالمادی قویولدی اونا وروب یره آدینا هرزه نوحه خوان ددیلر بو دردیدور کی اونا پول یغیلدی زنداندا ورون یازیقدی ورون اوئلدی ناتوان ددیلر اگر باشین گوتوروب قاشماسیدی ئولموشدی محیط میز بودی مصطوفیه چوپان ددیلر منه ستم زده قرخ ایل بو شهره شعر اوخودوم آدمی کافر دین سیز قویوب یامان ددیلر او دکتریکی دیشدی قیافه سین شهرین سالوب چوله آدینا دزد ره زنان ددیلر وراندا شاه سو ونون بیر ایتین جواب ورور حسین سنون آدوا شاه انس و جان ددیلر بو من او سن اوداکی داش وران اوزون گوردون سنی ورور منه بیر کلب آستان ددیلر باشمداکی قرنی باغلادوم اوزوم طشته قویولدی قلبیمه صبر ایله بیر دایان ددیلر ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

لای لای گوزومون نوری . غرق محنیم لای لای ای قمچی لر التیندا . دلدن دوشنیم لای لای دردیمون درمانی لای لای رقیه گوزلرون قربانی لای لای رقیه سن بیل باباوین جانی من بیکسی اغلاتما قلبون کیمی من یاندیم بختیم کیمی سن یاتما دوندی قانا گوز یاشیم گوزدن بی بی وی اتما ای اصغره گیزلینده لای لای دیینیم لای لای دردیمون درمانی لای لای رقیه گوزلرون قربانی لای لای رقیه دشمن بو باشا خاطر یولدا سنه داش وردی بعضیسی وروب محکم بعضیسی یواش وردی گلدون دله تا دلبر گلدی سنه باش وردی مهمانی گلن وقته الدن گئدنیم لای لای دردیمون درمانی لای لای رقیه گوزلرون قربانی لای لای رقیه نسگلدی انام جانی جسمون ارادا قالسون عمه ن گئجه نین وقتی هانسی قاپونی چالسون قبرون بالا کیم قازسون خلعت بالا کیم السون قالسون قره اگنونده یوخ اغ کفنیم لای لای دردیمون درمانی لای لای رقیه گوزلرون قربانی لای لای رقیه مظلوم بابان اول گون که اصلی وطنه گئتدی ئوپدی سنی تل اوسته تاپشوردی منه گئتدی بیلمم گوزلیم وئردی نه قولی سنه گئتدی گلدی یاسیوا یولدان یورقون گلنیم لای لای دردیمون درمانی لای لای رقیه گوزلرون قربانی لای لای رقیه ای طرفه گولوم منده سنسیز سارالوب سولام توزلی تئله باخدوقجا یانام باشیمی یولام نیلک گوزلیم نیلک غساله ن ئوزوم اولام دورسان دئمه غربتده یوخ قبر کنیم لای لای دردیمون درمانی لای لای رقیه گوزلرون قربانی لای لای رقیه بو شامه گلن گوندن باخدون یولا هر گون سن ئوز حاجتیوی الدون از بس قاپی دوگدون سن دور بیر اوپوشاخ باری مندن نیه کوسدون سن سیلی اجیسیندان دی . شیرین سخنیم لای لای دردیمون درمانی لای لای رقیه گوزلرون قربانی لای لای رقیه

احوالات مجلس یزید آند اولا الده ئولن قارداشیمون غیرتینه اگمرم باش اموی زاده لرون دولتینه غرفه لردن سپولوب گل یرینه کول باشیما جرمی آیا ندی توهین ائدوسن قارداشیما خیمه میز گر چه یانوبدور دل آبادیم وار قوللاریم باغلیدا اولسا اوجا فریادیم وار گر حسین ئولدی یرینده هله سجادیم وار باتمیشوق یاس کیمی گر چه غمیندن یاسه جانشینوک او حسینه من ئوزوم عباسه آز تکبر ائله آللانما یالان دنیادی بیزی چولدن چوله قولباغلی سالان دنیادی یار و انصاریمی بیر گونده آلان دنیادی جام آمالیوی فکر ایلمه دائم دولاجاق بیزی کیم خوار ائلییوبدور ئوزیده خوار اولاجاق جاه و اجلالیوی فکر ائتمه فلک آلمیاجاق تختیدن حق الی فکر ائتمه سنی سالمیاجاق یرده ناحق توکولن قانلاریمیز قالمیاجاق اصغرین قانی سنون تختووی تابوت ائده جک بو جلالی که وارون باد فنایه گئده جک خاریله برگ گل جنتی ظالم قیروسان حقون آئینه سینون حرمتینی سیندیروسان آغلاشور قیزلاری سن یاره لی باشی ویروسان قلبیده کینه نون او قانلی باشا نسبت چوخوموش سنده هئچ عاطفه و رحم و مروت یوخوموش صدمه ویرما او حقیقت دانیشان قانلی لبه شفق ایجاد ائلمه چهره ماه ادبه عترتین گوندوزینی رحم ائله دوندرمه شبه او امامت آئی قیزلار اونون اولدوزلاریدی سن ویراندا ملشنلر او باشین قیزلاریدی قانه غرق اولسا خیال ائتمه یوزی تار اولاجاق معرفت اهلینه بو نقطه ی پرگار اولاجاق هارا دفن اولسا ، ملائک اورا زوار اولاجاق انبیاء مرقدینون یوز قویاجاقدور داشینا دولانار کعبه کیمی بیر گونی عالم باشینا هامی عریانه ویرن جامه برد یمنی اوزینون اولمادی دفن اولماقا حتی کفنی باشی طشت ایچره دی چوللرده یارالی بدنی کسیلنده باشی دگمیشدی فقط آلنینا اوخ گور سالوبسان نه حالا جسمی کیمی صاف یئری یوخ خولی قویموشدی تنور ایچره بیلنمیشدی کوله بیلمدی حیفدی گول اوستونه کوللر دوزوله قوجا راهب یوویب عطریله ، اونی بوکدی گوله عطری قرآنی آلوب تابع قرآن اولدی درک ائدوب حقیمیزی دوندی مسلمان اولدی اوزیده قاره گییوب دیره ده چکدیردی قرا صبحه جک سینه سینه ویردی اولوب نوحه سرا او حسین وای دیدی آغلاشدیلا یورقون اسرا نا مسلمان یودی آغ خدینی ئوپدی دارادی سن مسلمانسان اگر ویرما دوداقی یارادی ** برچسب‌ها: غلامرضا هادی اردبیلی

مجلس یزید - زبانحال خانم رقیه (س) به حضرت زینب (س) (سبک : میگذرد کاروان ...) قویما بی بی جان یزید خسته قوناقی وورا الده دوتا خیزران قانلی دوداقی وورا قلبیمی سویله یاندورماسون لب تشنه بابامی وورماسون عمه جانم (4) غنچه لبی گول آچیپ نو گل ریحانه تک قوی دوداقیندان ئوپوم عاشق دیوانه تک سویله اجازه وئره خصم ستمگر بی بی من دولانیم ذبح اولان باشینه پروانه تک دولوبدی قانیلن گوزلری پارچالانوبدی گول لبلری عمه جانم (4) تا نفسیم واردی اول قانلی باشی ساخلارام تشنه دوداقین ئوپیب کام آلارام آغلارام گوزدن آخان اشکیمی سوزدوررم معجره معجریله بو باشین یاره لرین باغلارام قربانم تشنه سلطانیمه قاداسین آلارام جانیمه عمه جانم (4) من باباما ساقه سیز گول دِیَرم عمه جان آگهی سن خاطرین ایستِیرم عمه جان بیر یول اگر گوز آچا سسلیه جان جان بالا اول سوزه جانی فدا ایلیرم عمه جان ایستورم تا آچا گوزلرین ائشیدم اول شیرین سوزلرین عمه جانم (4) ووردیلا بو خصمی لر قلبیمیزه تیرِ غم بو یارالی سروره ایلدیلر چوخ ستم دادیمزه یوخ یئتن بی کس و بی یاوروک ایندی بورا کاش گله صاحب مشک و علم عباسی گوزلیور گوزلریم اونا واردی چوخلی سوزلریم عمه جانم (4) ** ابراهیم تون خوش قلم

‍ ‍ ‍ ‍ اربعين کلامی زنجانی بر کشتگان نینوا اربعین آمد آل پیمبر کربلا دلغمین آمد جانم حسین جان ای جان جانان من زینبم غملر یوروب ای شه ابرار زلفیم آغاروب گلمیشم قبریوه زوار هجرونده یانام ویلان دولانام زینب شده زائر بر آن قبر شش گوشه بر تربت اطهر زند دم به دم بوسه خاک برادر را برد بر وطن توشه گوید به چشم پر بُکا اربعین آمد جانم حسین جان ای جان جانان

مرحوم حاج سلیم موذن زاده بر کشتگان نینوا اربعین آمد آل پیمبر کربلا دلغمین آمد

اربعین زبانحال حضرت زینب (س) شهرام علیزاده اردبیلی سبک:👇🙏 لایلای گوزیمون نوری ای کرب وبلا شاهی   من زینب نالانم دل داغلی رقیه مسیز   قارداش سنه مهمانم گلمدی شامیده،قالدی رقیون زینبی بلایه،سالدی رقیون ای سرور و سالار  عرفانگه شش گوشه باشیمه دوشوب عشقون  قان رگده گلوب جوشه چاتسام آلارام قارداش  من قبروی آغوشه قرخ گوندی عزادار یتمیش ایکی قربانم غملرباجوی یوردی  شاماتیده پیر ائتدی اندوهیمی هرلحظه  ظلم اهلی کثیر ائتدی زینبی سنون عشقون  چوللرده اسیر ائتدی دلخسته  ربابون تک  غمدیده ی دورانم هجرونده گجه گوندوز  آخدی یوزه گوز یاشیم عشقونده بو یولاردا  چکوبدی بلا باشیم الدن او یاریم گونده   گتدی نچه قارداشیم دنیایه گلن گوندن اقبالیمه گریانم دولوب غمیلن قارداش کاشانه ی احساسیم هجران منی یاندوری سارالدی گل یاسیم گه یادیمه سن دوشدون  گه تشنه لب  عباسیم هریرده دئدیم  اخت سالار شهیدانم دلخسته قزون اولدی  اورگلری یاندوردی جان وردی قوری یرده  زینبی اوتاندوردی هجرانی بیزی اشک  ماتمه بویاندوردی بیلدیم هدف تیر  مصیبت وهجرانم غم سینمه داغ چکدی  صبرین قدحی دولدی تک تک بالالار غمدن   ریحانه کیمی سولدی بیرلحظه گوریدون کاش  زینبه  نه لر اولدی قدیمی بوکوب غملر من روحی پریشانم دوشوب یولا کاروان   گللم یارالی قارداش قلبیم تلسور وصله  زهرا مارالی قارداش زینبی فلک سندن  سالدی آرالی قارداش گوزدن منی آتانان  آواره و ویلانم هئچ آچماموشام باشدان  باشیمده هله قاره قبروه   گلور  زینب    اورگین   آلوب  یاره غمخوار و پرستارم     قافله ی  زواره مسافرونم  قارداش دلخسته بیر انسانم پیغمبرین  اصحابین  آزاد ائدوب اهل کین نسیم  وصال  اسور گویا  چاتوب اربعین غم قافله سی اولوب   مسافر شاه دین دوشوب محنون یاده همناله ی نسوانم ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

(السلام علیک یاحسین مظلوم) ای‌آدی‌دلرباحسین-آدیوه جان‌فداحسین تربتی‌کیمیاحسین-گؤزلره‌توتیاحسین آی اومقدس‌آدیوه-جان‌جهان‌فداحسین روزازلدن اولمیسان-دیللره‌آشناحسین عاشق‌جان‌نثارینام ـ عشقیمه‌وِئربهاحسین •••••••••••••••••••• چونکی‌سنین‌گؤزل آدین عشقیله ازبرائتمیشم ساخلامیشام بیرعمریدیرسینه‌ده دفترائتمیشم قلبیمین آرزوسینه عشقیوی محورائتمیشم باب کرامتونده اؤزجانیمی مِهترائتمیشم لطف ائله آستان‌دن ائتمه بیزی جدا حسین ـــــــــــــــــ دفترعشقه یازمیشام آدیوی افتخاریلن باشیم اوجالدی یاحسین سن وئرن اعتباریلن قویمادین عمریمیزیئته باشه بوانتظاریلن شیعه‌لرین گلورقوناق عدهٔ بیشماریلن دایراولوب قوناقلیقین مملکتونده یاحسین ـــــــــــــــ پای پیاده زایرون جمله سنه طرف گلیر قورخولویولداصف چکیب هامّیسی جان‌بکف‌گلیر جانین آلیبدی اووجوناشیعه‌دی صف‌به‌صف گلیر دوشموری یاده خسته‌لیک شورگلیرشعف گلیر هم بئله میهمانلارا هم سنه مرحبا حسین ــــــــــــــــــ پیروجوان‌دی مردوزن پای‌پیاده یول گئدور چوخلاری نصف‌شب اولورپای‌فتاده یول گئدور گوزلری چون قالیب رَهِ کرب‌وبلاده یول گئدور مُحْرِمِ حجِ‌عمره‌لرمروه صفاده یول گئدور یولداقالان قوناق‌لاری ائیله اؤزون دعاحسین ـــ ذِکرسنین،دعاسنین،لطف‌سنین،عطاسنین حِلّ‌سنین،حرم‌سنین،مروه‌سنین،صفاسنین وصل‌سنین،صبرسنین،سلم‌سنین،رضاسنین فضل‌سنین،کرم‌سنین،موهبت خدا سنین وئردی گؤزل محبتین قلب‌لره جلاحسین ــــــــــــــــ بعضی سئورکی آدیوی چوخ تب‌وتابیلن یازا لوح‌طلاده یاحسین عطر و گلابیلن یازا قاره علملر اوستونه جوهر نابیلن یازا واریئری آسمان یئره اَشک سحابیلن یازا یئرده سنین‌دی گؤئ‌ده ای زیور نُه‌سماحسین ـــــــــــــــــــ من‌به‌کمندعشقت ازعهدقِدَم فتاده‌ام جام میِ محبت ازدست خودت ستاده‌ام چون مئیِ‌ناب خورده‌ام سرخوش‌ومست باده‌ام عقل ز دست‌داده‌ام عاشق صاف‌وساده‌ام گشته‌همیشه زین‌سبب گفت‌وشنودماحسین ــــــــــــــــــ هرکه‌شنیدنام‌تو عشق‌بُودپیام تو هرکه چشیدجام‌تو جامه‌دریدخام تو هرکه فتاد دام‌تو سایه‌فکندبام تو هرکه‌پریدازقفس رام‌شدازسلام تو چون‌به‌مراد ازمریدمی‌رسداین‌صداحسین ـــــــــــ ذکرحسین‌گفته‌ام تاکه حسین شنفته‌ام گوهرسینه‌سُفته‌ام منزل دیده رُفته‌ام نام‌تو دل‌نهفته‌ام نکته به نکته گفته‌ام غنچهٔ باغ محنتم باغم توشکفته‌ام هرگئجه گوندوزوم اولوب ذکرخفیِّ یاحسین ــــــــــــــــ ساخلاعِنان‌مطلبی گئچمییه‌سؤز تعارفه یاخشی مثل‌دی ای‌قلم بسدیر اشاره عارفه ایندی اوره‌ک‌سؤزون‌گَرک دوز‌ ائلییم معارفه اهل دلی تعارف ائت صحبت متعارفه یازدیله گلسین اهل‌ِدل سسلییه بیرده یاحسین ــــــــــــ هجرت‌ایلین‌دن آلتمیش‌ایل سیرائلییب گئچن‌زمان ظلم بنی‌امیه‌دن شیعه‌لراولدو باغری قان گؤردوگَرک‌دی شاه‌دین نهضتین ائیله‌سین عیان کاسهٔ‌صبری‌داشلانیب‌جوشه‌گلیب‌داماردا قان کرب‌وبلاده لشگرین ائیله‌دی جابجاحسین ــــــــــــــ جمع ائلییب‌دی‌باشینه یئتمیش‌ایکی دلاوری زُهره‌جبین و مه‌لقا جان بکف آشنالری یوللادی رزمه ابتدا اوغلی علی‌اکبری زینت عهدنامه‌سی اولدو علی اصغری آیریلوراهل‌بیت‌دن قؤپدو صدای واحسین ـــــــــــــــــ زینب اوشیرزن‌باخیب‌قارداشیناگؤزونده یاش ال اوزه بیلمیرعاشقی آغلیوری یواش یواش پیکری دوشدولرزیه دیزلری تاپدی ارتعاش یَابْنَ‌اَبیٖ‌حسین دایان صبرائله مهربان داداش منده شریک نهضتم دِینیم اولار ادا حسین ـــــــــــــــــ صبرائله زینبون سنه ئوز قُشونون نشان وئره سسلییوم اهل بیتووی تا قاباقوندا سان وئره آل بالاوی قوجاقیوه قویمارقیه جان وئره چون سفراوسته‌سن حسین اکبره دِئ اذان وئره سن‌گئده‌لی حرم‌لرون اولدی گونو قراحسین ــــــــــــــ چونکی جوان‌ننم سنین چکدی ئولونجه نازووی آغلادی من‌ده آغلادیم کشف ائلیینده رازووی وارآنامین‌سفارشی آرتیرام امتیازووی ایندی‌کی یوخدوفاطمه قؤی‌من‌ئوپوم بوغازوی سؤیله‌حیالی زینبین گئتملی‌دیرهارا؟حسین ــــــــــــ صوت‌اَنَاالْعَطَش‌سؤنوب قوزانیب‌آغلاماق‌سسی ناله‌ی‌وامحمدا چولقادی چرخ اطلسی صبره‌مشایعت ائدیرزینبی صبرین آیه‌سی میندیره ذوالجناحینه یوخدو اوشاهی بیرکسی دوتدو رکاب زینبی بلکه مینه‌،آتا،حسین ـــــــــــ محنت آیریلیق چتین‌روضه‌دی سلب ائدیرتوان چونکی وداع‌آخره شیعه‌لراولدی باغری قان بوسؤزوْ سالماغربته آغلادی صاحب‌الزمان یاندی جیگرلریم دئدی دشمنی وئرمه‌دی امان قانه ‌دؤنوب فرات اوگون آغلادی نینواحسین ــــــــ بیزسنه عاشقوک‌حسین گؤزلریمیزحرم‌ده‌دیر جمله گدالرین گؤزو سن‌کیمی محتشم‌ده‌دیر عشق‌ومحبتین‌حسین قلب«قیزیل‌قلم‌ده»‌دیر خدمتی‌ناقص اولسادا دقّتی کیف‌وکم‌ده‌دیر بیرنظراِئیله اولمیشام محنته مبتلاحسین ✍اکبرستاری«قیزیل‌قلم»✍ ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨