شب میلاد امام زمان .عج. هیئت امام حسن مجتبی .ع. شعراز سید بشیر حسینی چاتاجاقدور منه بیر خوش خبر ان شاء الله کربلایی یوسف ملک پور

🌸شادنامه حضرت رقيه (س)🌸 یاران! گنه قولاقیمه بانگ اذان گلور بو کهنه جسمیمه ائله بیل تازه جان گلور شهر مدینه ده نه خبر واردی بیلمورم دسته به دسته اُول یئره قدّوسیان گلور گویا آچوب اوگول کی چوخ اوخشور قیزیل گُوله بولبول کیمین فرشته اولوب نغمه‌خوان گلور دنیا گولی دگول، بو گلِ باغ عشق‌دور عشق اهلینون مشامینه عطر جِنان گلور آلدیم خبر کی وار نه خبر ای صبا یئلی!؟ هم عطر و هم اذان سنیله توأمان گلور آهسته سؤیله‌دی منه وئر مشتولوق دئییم بیلدیم او دم ندندی صبا شادمان گلور شایسته‌دی بشارتی وئرسین گرَک «بشیر» چون‌سوزلری آخار سوکیمین چوخ روان گلور ای شیعه‌لر! دیوم نه خبر وار مدینه‌ده شادی ائدون، بو مجلسه چون دوستان گلور آلله، حسینه بیر قیز عطا ایلیوب بیلون دیدارینه جِناندا اولان حوریان گلور بعضی ئوپور ایاقلارینی بعضی ال‌لرین وجد و سروره عشقیله بوسه وُران گلور فرمایش ایلیوبدی پیمبر کی گول‌دی قیز گرچه بیر عدّه‌یه قیز اولاندا گران گلور امّا حسین، حمد و ثنا ائتدی آللّها چون کی بیلوردی رحمت رحمان عیان گلور باخدی او غنچه لب‌لرینه باغبان، گولوب شوقه نچون گورنده گولی باغبان گلور آدین «رقیّه» قویدی ترقّی ائدوب چو سَرو رشد ایلدیقجا قامتی چوخ دلستان گلور قلبون سخیلسا غم یئمه بیر یارقیّه؛ دیء قلبه رقیّه‌نی چاغوراندا توان گلور بو باجی‌سین جوان علی اکبر چوخ ایستیور علّت اودور کی هیئتینه چوخ جوان گلور ایستولله سؤیله‌سینله رقیّه غلامووک آللهیدن صورا، سیزه تنها گمان گلور درگاه عزّ و جاهیوه، امّیدیله «بشیر» شعرین یازوب الینده دوتوب ارمغان گلور 9/7/1384 برای هیئت حضرت رقیه (س) که در قم و شاید در جهان برای اولین بار برای آنحضرت مراسم تولد گرفته بودند سروده شد. سیدبشیرحسینی میانجی https://telegram.me/bashirhoseinii

https://telegram.me/bashirhoseinii کانال بشیرالشعرا (سید بشیر حسینی میانجی)

خوش قدم قوناق خوش گلموسن بو ئولکیه ای خوش قدم قوناق! باشدان باشا قم اولدی سنیله حرم، قوناق! (همسایه سایه ات به سرم مستدام باد) (1) کولگون باشیمدان اولماسین عمریمجه کم، قوناق! شهر قما گلن گونووی بیز اونوتماروق واجبدی حُرمتون بیزه ای محترم قوناق! سندن قاباق کویریدی بو گورملی دیار گولّندی سن گلنده بو یئر دمبدم قوناق! چوخ گورمشوق کرامتیوی بیز بو شهریده سن سن کریمه عترته، ای ذوالکرم قوناق! از بس گوزلدی گنبد و گلدسته و ضریح دوشمز بو یئرده یادمه باغ ارم، قوناق! پیغمبرین قیزیل گولونون عطری سنده وار ای هر جهتدن حضرت زهرا شِیَم قوناق! شاهلار گدا کیمی باش اگور آستانه وه قاف کرامت اوسته ووروبسان علَم قوناق! عفو ائت قوناق دئدیم سنه، سن ائو صاحابی سان هم ائو صاحابی سان بیزه بو یئرده هم قوناق هاردا سنون کیمی قوناق تاپیلار میزبان اولا حاشا تاپیلسین، آدیوه اولسون قسم قوناق! عرض ایلروق رضا باجیسی! اشفعی لنا ای قارداشین یولوندا اولان قدّی خم قوناق! قم اهلینون قوناقی غم و غصّه چوخ گوروب یارب! گوروم کی گورمه سین هئچ درد و غم قوناق چوخداندی کی گویرچین اولوب قان اولان اورَک گویلوم چوخ ایستیور حرمه چوخ گلَم قوناق عمرون آز اولدی گول کیمی، دردون یازان زمان دفتر سیزیلدار آهیله، آغلار قلم، قوناق! دامجی دنیزی وصف ائده بیلسون محالدور بیر نمدی شعریم ای شرف و شأنی یم قوناق! «سیّدبشیر»ین عرضی بودور گل عنایت ائت اوزگه دیاره قویما بو قومدان گئدم، قوناق! (1) مصرع داخل پرانتز از سید حمید رضا #برقعی. #حضرت_معصومه_ورود_قم #23ربیع #خوش_گلموسن_بو_ئولکیه_ای_خوش_قدم_قوناق سیدبشیرحسینی_میانجی

کلیپ: میانا زلزله‌سی شعر از: سید بشیر حسینی میانجی با صدای: حسین کریمی تدوین کننده: مهدی براتی