قصيدة [ آيبني ] اداء الرادود : حيدر البياتي الشاعر : المرحوم عبد الامير الفتلاوي آيبني شگـول اعليك آيبني دولبني زماني بيك دوليني ـــــــــــــــــــــــــــــــــــــ دولبني زمان بيك ياسلوه شلون انساك ونسه أيامنه الحلوه اشهل بلوه المثلها ما جرت بلوه آيبني العند الموزمه ذنبي ــــــــــــــــــــــــــــــــــــــ تذب البيك تسعه امن الشهر شالت اونالت من ثجيل الحمل ما نالت أمك جابتك يمدلل او حالت اويوم البيه صرت ياشبل شيبني ــــــــــــــــــــــــــــــــــــــ شيبني اصيارك والهدم حيلي هز مهدك يشمامه او سهر ليلي منك حرمت امك ليش ياويلي آخر ما گلت حقها او تطالبني ــــــــــــــــــــــــــــــــــــــ اطلبك سهر ليلي والمنازع ذاك اطلبك باللبن من درَّتي الغذاك نسيت ارباك يا جاسم نسيت ارباك يمدلل سگمني ارباك وتعبني ـــــــــــــــــــــــــــــــــــــ تعبني وسگمني او غير اللوني على صدري ربيت او مر على امتوني حسبت احساب وحسابي طلع دوني على راسي ابيوت امشيده تبني ــــــــــــــــــــــــــــــــــــــ تبني البيت لامك والجعيده امك تصاحبني وتجيب الواجب ابصمك ريت الگبر ضمني قبل ما ضمك الموت الموت يبني اوياك يرغبني ــــــــــــــــــــــــــــــــــــــ يرغبني الكبر سني او شوفي ازهيد حيلي راح مني والجريب ابعيد يبني من تجي الشبان يوم العيد صار النوح يوم العيد يطربني ــــــــــــــــــــــــــــــــــــــ يطربني العزه والنوح بالهجري يفي الصيف يا عذب الهوه اليسري اخذني الكبر منحيه الضهر تدري ابذلة كبرتي يبني تسيبني ــــــــــــــــــــــــــــــــــــــ تسيب امك يجاسم من بعد عدها عين الله على العريس واحدها تريد اتناشدك تگعد او ناشدها تگلك باليسر منهو اليرچبني ــــــــــــــــــــــــــــــــــــــ يبني الفاجدات اكثرهن امخلفات ماتدري تموت ام الولد لو مات يبني ارباي وينه او سهر ليلي الفات يبني ليش ماتگعد تحاچيني

قصيدة " يبن عم الحسين " ادَاء :الرَادود حَيدر البَياتي كَلمات: الشاعِر كَرار حَسين الكَربلائي يَـبن عَم الحَسيِن والافعَال مَعروفه الك يَوم بـِ صَفين والك يَوم بالكَوفة رَسول الله يِحب والِدك حُبيَن لان مِن صِلبَه انت وتنصُر حَسين..           يـَ مُسلم.. يـَ مُسلم ➖➖➖➖➖➖➖➖. افعَالك   تِحلالَك مُسلم تَقبل الله اعمَالك يَا مُخِلص للـَ مُخِلص اِسمَك ثِقه عِند حسين هـِنيالك انتَ مُعَلم الكَون قَانون الامَانه مِنك عرفت الناس مَو حِلوا الخَيانه العَايَف دَرب الحَسيِن مَا يندِل مكانه المَا عَرّگ ظَهر خَيل لا يكَول انا وانا بَطل عُمرك خَمسين والف شَاب مَو مِثلك وحَدك بَس الجِيش يبَوسون برَجلَك ابَو طَالِب يكَلك كَفو ونعَمِين لان مِن صِلبَه انت وتنصُر حَسين       يـَ مُسلم.. يـَ مُسلم ➖➖➖➖➖➖➖. يَا مُلهَم  كِل مُسلم يَالعندَك الدِين حَسين يا مُسلم يَا دَاعِي كِل واعَي جِيل المَشه بدَربك جِيل متقدَم اسمَك ينعرَب جان مَفهوم الرِجوله صَوغة حَيدر انطَاك سِيفِ من الطِفوله خِطواتك على الكَاع كِتبت هل مَقوله الاَزم ظَهره الحَسيِن خل يِمشَي اعَلى طَوله بـَ السِمه مو بـَ الكَاع يكتبَون امجادَك انتَ خَيال الخَيل عَلي جان اُستاذَك عَقيل اتباهَى بَـ اسمك بالميادِين لان مِن صِلبَه انت وتنصُر حَسين         يـَ مُسلم.. يـَ مُسلم ➖➖➖➖➖➖➖➖. طُبِّ لِيها وافنِيها الوَادِم لهَالها بلا رووس ودِيها اجه عِيدك هِز ايدك اضحَك يَـ مُسلم وكَوم بچيهَا رَوس القاده الكبَار راويها المِنية خَليهَم يختلَون كِل عشَرة بزويِة اخزَر اوَل الجِيش ما تِلكه البقِية مَا تِخطي الركَب دَوم ضَربة حَيدَريه يَا سَفير التارِيخ عَلي وياك شِد حِيلك وانصُر ابن الزَهراء والزَهراء تدعيِلك يِسولف مضر عنك بالدواوين لان مِن صِلبَه انت وتنصُر حَسين         يَـ مُسلم.. يـَ مُسلم ➖➖➖➖➖➖➖➖➖. اتصَور هَل المنظَر بالكَوفة عباس وياك اتصَور ثنيناتكُم بيناتكُم حَتى الهوه يصِير هنَاك لون احمَر مُسلم طبتَك موت محَد يرفَع ايده صوت الكَافِل يصيح هَلا يابو حميدَه و انتَ تحاچي عبَاس شِد يبن الصميده خَل يفرَح عَلي اليوم سوينه اليريده مُسلم وبيدك سَيف يلاكيك يا عَاقل الكَوفة تشرد للشام اذا صَال ابو فاضِل النبي ادم يشكُر ربه مرتين لان مِن صِلبَه انت وتنصُر حَسين         يـَ مُسلم.. يـَ مُسلم ♥️..

قصيدة " من رمحك وعاين " الرادود : حيدر البياتي الشاعر : محمد البشير آنا الچنِت تمسَح أَثَر خِطواتِي و مَا تِلفُظ أسمِي وتِكتِفي بـ مَولَاتِي مِن رُمحَك وْ عايِن عَليّه شُوف الزَمَان شسَوة بيّه ------------------ أَمَاْ بَعَد يَا با ألفَضِل، نَاشَدتك وحورائَك آنا أشكُو إلك يا يمة مِن، تعبي وظُلُم دَهرِي و هَوَانهْ دَربِ السَبِي مَايِنمِشي، وْ حَرّ الشَمِس فََطَر ضِوانَهْ يَا رَيتَه مْا طَاح العلَم، وياريَت آنه الطِحت بمكانه شَحچيلَك و شَبچيلَك مِن دمُوعِي وكٌل كلمَة حافِر تسحَگ إعلَى ضلُوعي الوَادِم يصِيحولي سِبيه شوف ألزَمان شسوه بيّة ------------------- يَا خُويَة مِن طَاح العَلَم، إختَك بقت حَالَتها حالة أتَلافَت ببين ألخيَم، و عيُونِي تسأل عَن كَفالَة گالولي مَا يِرجَع بعَد ،و گلتلهُم يِهدني أستِحالة حَد ما شفت خيل العدة، تسحگ علىٰ حسين وجماله مِنها وَ عِرفتكَ للخِيم مَا تِرجع مِنها وَدِريتك يا كَفِيِلي مْكطع وَحانت بـ كَلبي المُغرِبيِة شوف ألزَمان شسوه بيّة ——————————- لَمن طِلعنا امِن الخِيم، صَعدُوني عالنُوك الهَزِيلة مَا عِندي مَاي ولا عَلم ، ولا عِندي كَافِل اَشتِكيِله راسَك عَلى سِن الرِمح، وشَياله يِضحك مِن يِشيله كِل البَنات إتگيدن ، هَمزين مَا جَتي العَليلة لو جَاية جَا فُوك المَرض مَچتوفة و چا مَاتت أول ما دِخلنه الكُوفة و تلحَگها يا خُوية رُقية شوف ألزَمان شسوه بيّة ——————————— وَدونِي للكُوفة و صِرت، عَطشَانه الك و الحيِرة حِيرة و تأشِر اعليه الخَلك، هَايه الگبْل جَانت أمِيرة آنه الهِضمني مُو هَذن، يا خُوية والهَضمة الجِبيرة كِلمن عَشيرتها إجت، بس آنه مَا عِندي عَشيرة كِل وحدة وإخوَتها مِشت إلا آني تِكطر دِمه اعله ارماح رُوح إخواني رَاحو أخُوتي ابلايَة جَية شوف ألزَمان شسوه بيّة ——————————- طَبينه للشَام ونِسه، تِلگن ضَعنه بالهَلاهِل ما صَيحت بَس الگلب، صَيح يخوية يا بو فَاضل شِمات تتغَالب ضِحك، وآنه وَحيده ومَالي كَافل لو مَيتة خُوية ولا شِفت، احجار وتُراب اعليه نَازل لو احجِي مية عَام هَم ما كَفه كِل السَبي بچفه و هَذن بچفه شُلون أشگف و مچتوفة اديه شوف ألزَمان شسوه بيّة -

مداحی‌ که امسال در موکب‌های عراق زیاد شنیدید نوحۀ «کل خطوه نمشیها» با نوای کربلایی خضر عباس فوق العاده زیبا #اربعین۱۴۰۳

نحن جنودک بقیه الله ... مداح لبنانی ، حسین خیرالدین

فاهدنا بکربلا ... مداح لبنانی ، حسین خیرالدین