احوالات حضرت زهرا سلام الله علیها کیم قورا مجلس بوگون حضرت زهرا آدینا اونی محشرده سالار زینب کبری یادینا کیم اورکدن صدقیلن یا حضرت زهرا دئیر بیل اونون پاداشینی شخصاً خود طاها ویرر خانمین مجلسی دائم بیزه عزت یارادار کِبری نابود ایلیر قلبیده رفعت یارادار خانمین آدینه قربان آدینون عاشقیم آدی آغزیمدا گزنده دادینون عاشقیم خانمین آدی اگر اولماسا آغزیمدا روان کارا گلمز بیلورم روز قیامتده زبان بیر خانمدور بو خانم آلله اونی مدح ایلیوب آدینه قربان اولوم قلبلری فتح ایلیوب بیر خانمدور بو خانم ئوپدی پیمبر الینی بیر خانمدور بو خانم ساخلادی دین مشعلینی بیر خانمدور بو خانم حیدره امداد ائلدی گلدی مسجده آچوب اللرین آزاد ائلدی بیر خانمدور بو خانم فاش ائلدی مکرین ائوین خطبه ایراد ایلیوب یخدی ابوبکرین ائوین بو خانم کیمدی؟ خدایا بوقدر همتی وار بو نه عورتدی علی مثلی اونون غیرتدی وار بو خانم کیمدی که قرآندا گوزل شهرتی وار بو خانم کیمدی که هر یرده بیله صحبتی وار بو خانم فاطمه دور بیله تاپوبدور جلوات عشقیله گیزلین اولان قبرینه گوندرصلوات بیر خانمدور بو خانم گویلر اونون عاشقیدی آللهین ذکرین ائدن یرلر اونون عاشقیدی دوقوز ایل احمدِ مختارین هواداری اولوب دوقوز ایل حیدرِ کرارین علمداری اولوب دوقوز ایل خدمت ائدوب شمس رسالت ائوینه دوقوز ایل خدمت ائدوب شاه ولایت ائوینه دوقوز ایل عاشق اولوب احمده مستانه کیمی دوقوز ایل یاندی علی شمعینه پروانه کیمی حیف اولا ئولدی آتاسی خانمین سولدی یوزی گئجه گوندوز بابا هجرانینه آغلاردی گوزی حیف اولا دشمن اوگون طاقتنی الدن آلیب کوچده سیلی وئروب قان گوزونه لکه سالیب حیف اولا وقرینی سیندیردی اونون ظالملر حیف اولا قلبینی یاندیردی اونون غاصبلر حیف اولا دورد بالاسین ویردی اوگون قوم دنی حیف اولا قانه باتوب گوردی علی فاطمه نی حیف اولا گلمدیلر داده اوگون اهل وطن نقدر قونشولاری سسلدی زینبله حسن اولان اولدی خانمی قان آپاریب دوشدی یره بیر بولوک جلاد ایچینده فاطمه دوشدی گیره یوز دولاندیردی او ساعتده خانم ساق و صولا فضه نی داده چاغیردی سینده کارّی یارا فضه جان تزگل یوبانما هارداسان ئولدی بالام کاش اولیدی باشیم اوستونده بوساعتده آنام فضه جان ایله کمک من ائلیوم یردن قیام رگلریمده تا قانیم وار حیدری تک قویمارام من گرک عالملرون مولاسینه امداد ائدم دشمن نادان الوندن حیدری آزاد ائدم دئ حسینملن حسن گلسون منیم امدادیمه تکیه ایلوم من بوساعتده ایکی اولادیمه انشاءالله ادامه دارد جواد https://eitaa.com/haj_javad_mohammadi

بسم الله الرحمن الرحیم نوحه حضرت زهرا سلام الله علیها در سبک کوچه ها را غم گرفته ای علینون جانی زهرا روحیمون ریحانی زهرا آچ گوزون ای جان طاها دردیمون درمانی زهرا باتما بیردن علینون هلالی جان یارالی یارالی یارای۲ ای پیعنبر یادگاری قلبیمون صبرو قراری تک سنیدون آی عزیزیم حیدرون دارو نداری گئتمه الدن علینون جلالی جان یارالی یارالی یارالی۲ محنتون چوخ اعظم اولدی قامتون غمدن خم اولدی آغلادون طاها غمونده گوز یاشون چون زمزم اولدی حیف اولا چاتدی عمرون زوالی جان یارالی یارالی یارالی۲ حیدرون پشت و پناهی غم گونونده تکیه گاهی دین اسلامین بو ساعت یاتما ای یورقون سپاهی واردی دلده علینون ملالی جان یارالی یارالی یارالی۲ گلستانیم سولدی زهرا محسنیم سقط اولدی زهرا سن یخیلدون منده گئتدیم بیلمدیم هیچ نئولدی زهرا صولدی گل تک علینون جمالی جان یارالی یارالی یارالی۲ فاطمه صبریم جالاندی غم غم اوستوننن قالاندی ویردلار اود قوم عدوان باب حیدر اودا یاندی ائتدی دشمن علینی عزالی جان یارالی یارالی یارالی۲ من علی المرتضایم جانشین مصطفایم دینمدیم قرانه خاطر من همان شیر خدایم واردی منده پیعنبر کمالی جان یارالی یارالی یارالی۲ زینبون آغلار غموندن قلبینی داغلار غموندن بوقچادا بیلمم نَلَر وار هی آچار باغلار غموندن گوزلریندن آخار اشگ آلی جان یارالی یارالی یارالی۲ یاتما ای جان پیعنبر ای اولان قرانه کوثر باشون اوسته آی عزیزیم آغلیور فتاح خیبر آچ گوزون ای پیعنبر خصالی جان یارالی یارالی یارالی۲ وارجوادون دردی زهرا آغلیار گزلینده تنها لطف ائله جان پیعنبر دردینه ایله مداوا واردی دلده سنه عرض حالی جان یارالی یارالی یارالی۲ والحمدلله رب العالمین ✅ اصلی ✅ https://eitaa.com/haj_javad_mohammadi

دم گیری ویا اوخشاما زبان حال علی علیه السلام در کنار قبر حضرت زهرای اطهر سلام الله علیها بقیع چولونده آغلارام یانیقلی قلبی داغلارام یاده دوشر درد و غمون دیزلریمی قوجاقلارام زهرای من زهرای من زهرای من زهرای من قبرون یانوندا قالمشام غم غصه دن سارالمشام آچ گوزلرین باخ بیر منه زهرا جانی قوجالمشام زهرای من زهرای من زهرای من زهرای من آی ظلم الیندن دینجلن غم غصه دن جوان ئولن بو محنت ئولدورر منی قبرون اوسته اولماز گلن زهرای من زهرای من زهرای من زهرای من دئمه دردون بیلنمدیم گوز یاشیوی سیلنمدیم قولوم باغلاندی فاطمه هرایوه گلنمدیم زهرای من زهرای من زهرای من زهرای من گل تک سولوبسان فاطمه غمدن دولوبسان. فاطمه درد و غم زماندن راحت اولوبسان. فاطمه زهرای من زهرای من زهرای من زهرای من دنیا بویی گولمز ئوزوم هممیشه آغلیار گوزوم دئینده نوحه من سنه آغزیمدا تتریر سوزوم زهرای من زهرای من زهرای من زهرای من یانماز اوجاقیم فاطمه گولمز دوداقیم فاطمه قبروندن آیریلان زمان گلمز ایاقیم فاطمه زهرای من زهرای من زهرای من زهرای من سو سو ویرور اولدوزلارون باشین آچوبدی قیزلارون ائوده قیامتدور خانم آغلور سنه یالقوزلارون زهرای من یا فاطمه زهرای من یا فاطمه رخت وفانی سویمارام خاک بقیع دن دویمارام زوارون اولّام هر گئجه بوردا سنی تک قویمارام یا فاطمه یا فاطمه یا فاطمه یا فاطمه اثر جواد محمدی

بسم الله الرحمن الرحیم نوحه یحضرت زهرا سلام الله علیها در سبک امشب نوای کودکان بر بام کیوان است شام غریبان است 💧💧💧💧💧💧 ای نور چشم مصطفی یا حضرت زهرا صدیقه کبری عالم سنه اولسون فدا یا حضرت زهرا صدیقه کبری 💧💧💧💧💧💧 عشقیله زیبا آدیوی سسلر هامی دنیا ای دختر طاها دنیاده تک سنسن خانم محبوبه یکتا ای دختر طاها غیر از علی المرتضی گلمز سنه همتا ای دختر طاها ای محور آل عبا یاحضرت زهرا صدیقه کبری 💧💧💧💧💧💧 ختم پیغمبردن صورا تاپدی عدو جرئت ای شافع امت یاندیردلار درگاهیوی ای قبله حاجت قویمادلار حرمت ائتدی سنه چوخلی جفا غافل اولان امت ای بائس خلقت گوردی باشون چوخلی بلا یا حضرت زهرا صدیقه کبری 💧💧💧💧💧💧 افسوس اولا مهجور اولوب قران کیمی قدرون چوخدور خانم دردون قدرین کیمی گزلین قالوب دنیا بویی قبرون چوخدور خانم دردون قورتاردی قوم بی حیا دریا کیمی صبرون چوخدور خانم دردون آغلار سنه شاه و گدا یا حضرت زهرا صدیقه کبری.. 💧💧💧💧💧💧 گویا گلور زینب سسی پوزقون اتاقوندن آغلور فراقوندن حقه شکایت ایلیور آه و فغانوندن آغلور فراقوندن یاده سالور نوحه دئیور غملی زمانوندن آغلور فراقوندن حقه گوره باتدون قانا یا حضرت زهرا صدیقه کبری 💧💧💧💧💧💧 ایام غم گلدی گئنه_عالم سنه آغلار اوز سینه سین داغلار نوحه دئیر روح الامین آدم سنه آغلار اوز سینه سین داغلار حاجر سنه یاس ساخلیار مریم سنه آغلار اوز سینه سین داغلار شیعه ائدر آه و نوا یا حضرت زهرا صدیقه کبری.. 💧💧💧💧💧💧 دفن ایلینده مرتضی ایلر نوا آغلار ایلر نوا آغلار گویده ملکللر سسلنر یا ویلتا آغلار یا ویلتا آغلار یرده بالالارون دئیر ایوای آنا آغلار ایوای آنا آغلار یر گوی سنه ساخلار عزا یا حضرت زهرا صدیقه کبری 💧💧💧💧💧💧 جنتده ختم المرسلین سینمش قولون گوزلر سینمش قولون گوزلر صف صف ملائک صف چگوب ساق و صولون گوزلر صاق و صولون گوزلر گلسون سنون آغوشیوه محسن یولون گوزلر محسن یولون گوزلر سنده (جواد) دئ بر ملا. یا حضرت زهرا صدیقه کبری اصلی ✅ https://eitaa.com/haj_javad_mohammadi

بسم الله الرحمن الرحیم فاطمه محور آفرینش.. مدح و روضه حضرت زهرا سلام الله علیها شعر از حاج جواد محمدی.. 🔷🔷🔷 فاطمه ای آللهون ئوز دلبری فاطمه ای پیمبرون کوثری فاطمه ای صدق و صفا گوهری فاطمه ای شیرخدا همسری فاطمه ای خدیجه نون دختری فاطمه ای حسن حسین مادری فاطمه ای یر یوزونون جوهری نوری تحیرده قویان گویلری الله ائدوب لطف و عنایت سنه بسته دی چون کل ولایت سنه 🔷🔷🔷 خالق ائدر چوخلی محب سنه رتبه ویرر روز قیامت سنه بزل ائلیر حکم شفاعت سنه غبطه ائدر هامّی جماعت سنه گوزون تیکر یکسره امت سنه بیر بیرائدر هاموسی رجعت سنه بعضی ائدر دلده ارادت سنه بعضی ائدر عرض شکایت سنه قیام ائدر اوندا قیامت سنه یوزون دوتارختم رسالت سنه امّتیمه ایله شفاعت قیزیم یوخسا تاپار هامّی هلاکت قیزیم لرزه دوشر جانلارا بی واهمه هامّی دیر یکسره یا فاطمه 💧💧 فاطمه ای عزت روی زمین فاطمه ای مونس هر دل غمین فاطمه ای مسجده تنها گئدن فاطمه ای دشمنی رسوا ائدن فاطمه ای عشقیده طوفان ائدن فاطمه آی حیدری حیران ائدن فاطمه ای یر گویی تابان ائدن گوزل آدی دردلره درمان ائدن فاطمه ای سرّینی پنهان ائدن کوینکنی سائله احسان ائدن فاطمه ای حقیله میثاق ائدن بویماقینی یوخسولا انفاق ائدن بیزلره‌ده لطف و کرامت ائله روز قیامتده شفاعت ائله 🔷🔷 فاطمه ای یر گویه لنگر خانم سنسن اولان قرآنا پیکر خانم فاطمه ای آللها مظهر خانم اولدون اوگون دینینه یاور خانم فاطمه ای شیعه لرون مادری عالم بویی خانملارین سروری فاطمه ای احمدین اعظم قیزی تک سنیدون زندگی سینون دوزی فاطمه ای سایه نشین خدا فاطمه ای اون بیر امامه آنا فاطمه ای نابغه بندگی فاطمه ای جوهره زندگی فاطمه ای سیده عالملره درس وفا اورگدن حاجرلره فاطمه ای حیدرون همسنگری تکجه اولوبسان آقامین لشکری فاطمه ای خطبه لری ماندگار سوزون قالوب شیعه لره یادگار قربان اولوم دلده اولان صبروه قربان اولوم گیزلین اولان قبروه فاطمه ای شرم و حیا ساخلیان دردلرینی دلده خفا ساخلیان فاطمه ای گل یوزی گولدن ساری کوچده اولدی سنون عمرون یاری فاطمه ای کوچده سیلی یئین پیکرینه ضربه محکم دئین فاطمه ای صبریده دریا خانم فاطمه ای حکمته دارا خانم فاطمه ای روح و روان علی اولدی غمون فصل خزان علی فاطمه ای زندگیدن تئز دویان فاطمه ای زینبی آغلار قویان 💧💧💧 هر گئجه سویلردی ننه جان ننه سینده‌کی یاروه قربان ننه آی گونی گوندن سارالان آی ننه وای ایکی آیدا قوجالان آی ننه آی یوزی نیلی گوزونه قان دولان آی بابامی دشمن الیندن آلان آی سینه‌سی یاره ننه جان ننه سیلی گویردن یوزه قربان ننه نسگیل اولوب زینبه هجران ننه قبرون اولوب هایاندا پنهان ننه قونشولارون گلمدیلر آی ننه دردیمیزی بیلمدیلر آی ننه زینبین اوخشار ملییر آی ننه اشکینی گوزدن الییر آی ننه یاسه گلن اولمادی ای وای ننه تک دئیرم من سنه لای لای ننه یتیم قالوب بالالارون آی ننه توختامادی یارالارون آی ننه حسن دئیر باغری اولان قان ننه حسین دئر من سنه قربان ننه 💧💧💧 بابام گزلین قبریوه مهمان گلر قامتی خم گوزلری گریان گلر ( جواد) سنه نوحه دئیر آغلیار ماتمونده سینه سینی داغلیار #اصلی https://eitaa.com/haj_javad_mohammadi

نوحه حضرت زهرا سلام الله علیها زبان حال حضرت علی علیه السلام در بقیع.. ای زینبین گوزدن آتان همسریم لای لای همسریم لای لای وی سینه سی قانه باتان دلبریم لای لای دلبریم لای لای جان زهرا جان زهرا آغلارام قان زهرا سندن صورا دنیا منه اولدی غم خانه اولدی غمخانه بهشته اوخشار منزلیم دوندی زندانه دوندی زندانه دوشدی صفادن گلشنیم سولدی گلخانه سولدی گلخانه قالدی اورکده هر زمان اللریم لای لای اللریم لای لای جان زهرا جان زهرا آغلارام قان زهرا آچ گوزلرین بیر باخ منه ای گل طاها ای گل طاها گئتدون الیمدن قالمشام بیکس و تنها بیکس و تنها خاک بقیع ده هر گئجه آغلارام زهرا آغلارام زهرا گزلین مزاره اشگ الر گوزلریم لای لای گوزلریم لای لای جان زهرا جان زهرا آغلارام قان زهرا ای گل یوزی پیغنمبره بنزریم زهرا بنزریم زهرا قربان او باغلی گوزلره گوزلریم زهرا گوزلریم زهرا قالدی اورکده گور نجه سوزلریم زهرا سوزلریم زهرا جوش ایلیور دریا کیمی غملریم زهرا غملریم زهرا جان زهرا جان زهرا آغلارام قان زهرا آند اولسون آلله خانم دویمارام سندن دیمارام سندن جانیم چخیجا قاره وی سویمارام تندن سویمارام تندن هر گون اوشاقلار سورشور قبریوی مندن قبریوی مندن قاره گونه ائوده قالیب گللریم لای لای گللریم لای لای جان زهرا جان زهرا آغلارام قان زهرا گئتدون اوزون قالدی منه غملرون زهرا غملرون زهرا دور گور نجه آغلور سنه حیدرون زهرا حیدرون زهرا دیلدن دوشوب سندن صورا دلبرون زهرا دلبرون زهرا دائم اولان دیلده منیم ازبریم لای لای ازبریم لای لای جان زهرا جان زهرا آغلارام قان زهرا سنده (جواد) شام و سحر آغلا زهرایه آغلا زهرایه توک خالصانه اشک تر آغلا زهرایه آغلا زهرایه درد دل ایله مختصر آغلار زهرایه آغلا زهرایه آ آهیله سویله دم به دم مادریم لای لای مادریم لای لای جان زهرا جان زهرا آغلارام قان زهرا اصلی ✅ https://eitaa.com/haj_javad_mohammadi

نوحه حضرت زهرا سلام الله علیها زبان حال حضرت علی علیه السلام در قبرستان بقیع چوخدور علینون ملالی زهرا گئتدون مزاره یارالی زهرا قالدی عمواغلون دنیاده یالقوز داغیلدی سنسیز جلالی زهرا یارالی زهرا یارالی زهرا بالالاروندان آرالی زهرا 💧💧💧 ائدیم نه چاره اورک دولوبدی چمنده سن تک گلوم صولوبدی گلزار حیدر خزان اولوبدی چاتوپدی عمرون زوالی زهرا یارالی زهرا یارالی زهرا بالالاروندان آرالی زهرا 💧💧💧💧💧💧 قلبونده غملر گلوب دوزولدی سینن دلیندی قانی سوزولدی نیلوم الوندن الیم اوزولدی باتدی علینون هلالی زهرا یارالی زهرا یارالی زهرا بالالاروندان آرالی زهرا 💧💧💧 درد فراقون اورکده قالدی گئتدون مزاره علی قوجالدی اوشاقلار ائوده گل تک سارالدی دور ای پیغمبر خصالی زهرا یارالی زهرا یارالی زهرا بالالاروندان آرالی زهرا 💧💧💧 دئمه غمونده دوزوب دایاندیم غسلون ویرنده سندن اوتاندیم سینون یاراسین گورنده یاندیم صولدی عمواغلون جمالی زهرا یارالی زهرا یارالی زهرا بالالاروندان آرالی زهرا 💧💧💧 از جواد https://eitaa.com/haj_javad_mohammadi

دم گیری ویا اوخشاما زبان حال علی علیه السلام در کنار قبر حضرت زهرای اطهر سلام الله علیها اورک یارالی فاطمه باشی بلالی فاطمه باتدی سنیله گور نجه عمروم هلالی فاطمه یارالی زهرا وفالی زهرا یارالی زهرا وفالی زهرا گلوب بقیع ده آغلارام یانیقلی قلبی داغلارام یاده دوشر درد و غمون دیزلریمی قوجاقلارام یارالی زهرا وفالی زهرا ۲ مزارون اوسته قالمشام غم غصه دن سارالمشام آچ گوزلرین باخ بیر منه زهرا جانی قوجالمشام یارالی زهرا وفالی زهرا ۲ آی ظلم الیندن دینجلن غم غصه دن جوان ئولن بو محنت ئولدورر منی قبرون اوسته اولماز گلن یارالی زهرا وفالی زهرا=2 دئمه دردون بیلنمدیم گوز یاشیوی سیلنمدیم قولّاریمی با غلادیلار هرایوه گلنمدیم یارالی زهرا وفالی زهرا 2 گل تک سولوبسان فاطمه غمدن دولوبسان. فاطمه درد و غم زماندن راحت اولوبسان. فاطمه یارالی زهرا وفالی زهرا 2 دنیا بویی گولمز ئوزوم همیشه آغلیار گوزوم دئینده نوحه من سنه آغیزدا تتریر سوزوم یارالی زهرا وفالی زهرا 2 سوندی چراغیم فاطمه گولمز دوداقیم فاطمه قبروندن آیریلان زمان گلمز ایاقیم فاطمه یارالی زهرا وفالی زهرا 2 سو سو ویرور اولدوزلارون باشین آچوبدی قیزلارون ائوده حسن نوحه دئیور آغلور سنه یالقوزلارون یارالی زهرا وفالی زهرا 2 رخت وفانی سویمارام خاک بقیع دن دویمارام زوارون اولّام هر گئجه بوردا سنی تک قویمارام یا فاطمه یا فاطمه یا فاطمه یا فاطمه اثر جواد محمدی https://eitaa.com/haj_javad_mohammadi

بسم الله الرحمن الرحیم نوحه حضرت زینب سلام الله علیها تقریباً در سبک باشوندا قاره دیلده یاراسی باشدا قراسی ئولور خدایا زهرا بالاسی سسلور حسینی نور دوعینی گئدور سمایه آه و نواسی جانم حسینجان جانم حسینجان جانم حسینجان 💧💧💧💧💧💧 جانی چیخاندا ..یولا باخاندا دیلدن چکوب آه گوزلر آخاندا سسلندی ایجان تئز گل حسینجان آخر زماندا ...سن اوخی قران غمدن قوجالدیم سولوب سارالدیم واریمدی دلده قارداش یاراسی جانم حسینجان جانم حسین جان جانم حسینجان جانم حسین جان 💧💧💧💧💧💧 وار دلده دردیم هم آه سردیم غمونده دائم قاره گئیردیم نی تک نوالی باشیم بلالی گوزومده قان یاش ائلدن آرالی قلبیم سیخلدی ائویم یئخلدی گئدوب حسین جان دیزیم قواسی جانم حسینجان جانم حسینجان جانم حسینجان جانم حسینجان 💧💧💧💧💧💧 ای کان غیرت.. ایله محبت گل باشیم اوسته قوی منه منت چوخ آزدی فرصت واریمدی محنت گورَم جمالون گل قویما حسرت دئیور جماعت الآن بو ساعت ایکاش گلیدی حسین اخاسی جانم حسینجان جانم حسینجان جانم حسینجان جانم حسینجان 💧💧💧💧💧💧 اجل چاتوپدی بختیم یاتوبدی کرب و بلاده گونوم باتوبدی ای قانه غلطان ئولوبسن عطشان بو خسته جانیم قبریوه قربان یاتوبسان عریان چو ماه کنعان باجون اولیدی گوزون فداسی جانم حسینجان جانم حسینجان جانم حسینجان جانم حسینجان 💧💧💧💧💧💧 از جواد.. اصلی ✅ https://eitaa.com/haj_javad_mohammadi

بسم الله الرحمن الرحیم نوحه حضرت زهرا سلام الله علیها با این سبک.خوانده می‌شود.. قان یاغدی کربلاده صحرایه یا محمد.. ✅ نوحه.. ای سینه ده یاراسی مظلوم ئولن آنام وای عرشه گئدن نواسی مظلوم ئولن آنام وای ای وای یارالی مادر لای لای وفالی مادر 🔷🔷🔷 حضور یاره گئتدون باشوندا قاره گئتدون سیندی قولون قنادین سیننده یاره گئتدون ای وای یارالی مادر لای لای وفالی مادر 🔷🔷🔷 ئوز قانیوه باتوبسان گوزدن بیزی آتوبسان حسینوندن آیریلوب هاردا گئدوب یاتوبسان ای وای یارالی مادر لای لای وفالی مادر 🔷🔷🔷 زینب یالقوز قالوبدی باشه قارا سالوبدی کلثومین آغلاماسی صبریم الدن آلوبدی ای وای یارالی مادر لای لای وفالی مادر 💧💧💧 سندن الیم اوزولدی غم غم اوسته دوزولدی گورنده جا نمازون اشکیم گوزدن سوزولدی ای وای یارالی مادر لای لای وفالی مادر 🔷🔷🔷 باشیمده قاره واردی قلبیمده یاره واردی آیریلیقا آی ننه مگر بیر چاره واردی ای وای یارالی مادر لای لای وفالی مادر 🔷🔷🔷 اوزون مقصوده چاتدون زینبی گوزدن آتدون قونشولاردان نه گوردون گئدوب بقیع ده یاتدون ای وای وفالی مادر قلبی یارالی مادر از جواد 🔷🔷 https://eitaa.com/haj_javad_mohammadi

شعر های گوناگون هیئتی و عاشقانه.. خواهش میکنم از عزیزان و دوستان هیئتی دقت بفرمایید.. جواد ای عزیزان هیئته طاهایه خاطر گلمیشم قول قابورقاسی سینان زهرایه خاطر گلمیشم مدّعی چوخ طعنه ویرما من حسین نوکریم سائله احسان ائدن. سقایه خاطر گلمیشم هییته گلدون عزیزیم ائتمه توهین بیرینه اوجادا اولسا مقامون تِز دوشرسن درینه کیم گوله هیئتده گر فاطمه نون نوکرینه بالاسی غیرتلیدی تئز بر یئیر غیرتینه بونی بیل بوهیئتین صاحبی وار عزتی وار کیم گلور بو هیئته حتما اونون دعوتی وار حفظ ایله شخصیتن سیندیرما زهرا قوناقین قویما عباس کسه زهرا ائویندن ایاقین جواد https://eitaa.com/haj_javad_mohammadi قلبیمی غملر آلوب یارب نوایه گلمشم دیل منه همدم اولوب بزم عزایه گلمشم دئمشم ائودن چیخاندا صدقلن یا فاطمه دردیمه درمان آلام دارالشفایه گلمیشم 🔷🔷☘☘🔷🔷 گلمیشم بیر قاپیا منطق و عرفان یریدی گلمیشم بیر قاپیا عاشقه پیمان یریدی بیلورم زهرا خانم هیچ کسی نامید ائلمز گلمیشم بیر قاپیا دردلره درمان یریدی 🔷🔷☘☘🔷🔷 ای خدا رحم ایله سن عقلیم باشیمدان جایماسین دوت الیمدن دائماً ، نفسیم منی آلاتماسین بیلورم لطفون سنون همیشه شامیلدی منه بیر جورایله هیچ زمان هیئت یادیمدان چیخماسین 🔷🔷☘☘🔷🔷 هیئتی یادان چیخاتسام بی قرار اولّام یقین اهل بیتون مکتبونده خوار زار اولّام یقین بیلمسم گر قدرینی مسجدلرین هیئتلرین حیدره دشمن ، ولی اغیاره یار اولّام یقین ✅✅✅✅✅ هیئته گلدون گرک عزتین حفظ ایلیسن اوزوه ارزش قویوب حرمتین حفظ ایلیسن هیئته گلدون گرک آل علیدن دئیسن نه که گلدون هئیته بیر کسی تعریف ائدسن... هیئته گلدون گرک شخصیتین حفظ ائدسن نه که هرزه دانشوب مردمی هی گلدور سن هیئته گلدون گرک سس ویرسن آغلیاسان نه که بیحال اگلشوب دیل دوداقین باغلیاسان هیئته گلدون گرک مداحی تشویق ائدسن بیری گر روضه دئسه آغلیوب اوندان گئدسن ✅✅✅✅ من حسین عاشقیم عالمی حیران ایلرم اوزومی هم مالیمی آدینه قربان ایلرم.. من حسین عاشقیم ظالملره باش اگمرم آقامین بیر درناقین کُلِّ جهانه ویرمرم.. چون حسین عاشقیم اوز عشقمه فخر ایلورم اولماسا قلبیمده عشقی بو جهانی نیلورم. من حسین عاشقیم آیری مکانه گئتمرم بودی فخریم هر زماندا من حسینه نوکرم 🔷🔷☘☘🔷🔷 https://eitaa.com/haj_javad_mohammadi

🔸 مدح حضرت زهرا سلام الله کیم دئسه یا فاطمه اهل سمادن باش گلر دوز چاخیرسان آدینی حمدُ ثنادن باش گلر شعر و نوا توسط. حـاج جـواد محمـدی https://eitaa.com/haj_javad_mohammadi