ولادت حضرت علی اکبر سبک:🙏👇 به دیدن من بیا مهتاب در اومد به قلم کربلایی علیرضا علوی زنجانی شبه پیعمبر سنه هیچ کس تای اولماز آیدی جمالون علی بیله آی اولماز آل علینون گوزلی اکبر خلقا و خلقا جدینه بنزر حسینه الله سنی پای ویردی اکبر سن سن نوه ی گل گلزار حیدر ایت بیزه احسان علی آدیوا قربان (۴) کرب وبلا شاهنین بالاسی سن سن لیلا عزیزی گوزل نگاری سن سن درده دواسن یا علی اکبر روحه صفاسن یا علی اکبر عنایت ایله بیزه ویر عیدیانه سسلروک آدون سنون بیز عاشقانه ایت بیزه احسان علی آدیوا قربان (۴) (مخالف) یا علی اکبر غم ایلمه سن احساس آتان حسیندور سنون استادون عباس سن حیدرین نوسی سن سن جاویدان سان ابوالفضین شاگردی سن سن قهرمانسان جمالیندن پیغمبره بنزر جوان سان گوزلدی آدین علی اکبر گوزلدی یادین علی اکبر ایله کرم جان حسین باخ بیر بو جمعه عیدیانه عنایت ایت ویر سن بو جمعه ایت بیزه احسان علی آدیوا قربان (۴) گوزل آدون علی درده دوادی حسینون بالاسی روحه صفادی دونوبدی یثرب بو گون جنانه گلوبدی اکبر بو گون جهانه کعبه ی عشق و وفا هماسی سن سن عاشقلرین قلبینین صفاسی سن سن ایت بیزه احسان علی آدیوا قربان (۴)

ولادت حضرت علی اکبر(ع) عاشقان اولسون مبارک...بیزلره دلبر گلوبدی ام لیلانین مارالی....شبه پیغمبر گلوبدی قلبیلر نوره دولوبدی...باشیمیز شوره دولوبدی شاد اولوبدی حضرت عشق...شیعیان غملر سولوبدی نه گوزلری گوزلدی...قاشلاری بی بدلدی والله باخان دییرکی ....گوزللره گوزلدی ای نازنین و دلبر شهزاده اکبر اکبر گرسنه مه دئسم ای یار....آی باتار اکبر که باتماز هرجوان گر اکبر اولسا.....اکبر حسینه چاتماز شیر میدان حسین سن...عین حیدر جنگ ائدنسن جنگیلرده ام لیلا....سسلر اوغلوم بی بدلسن گوز اکبره ساتاشدی...شمرین سپاهی قاشدی سسلور حسینه عباس...لشگر هامی قاریشدی جنگ دلاوزره باخ علی اکبره باخ گه ورور تیغی دمادم....هم باخور اخیامه هردم شیر حیدر صف شکندی...دشمنه چون سالدی چوخ غم چوخلارین ایلردی برهم...اوت وراردی کوفیانه قاشدیلار کفر اهلی یکسر...قورخودان چون بی بهانه شیر حسیندی اکبر...یار حسیندی اکبر لشگر دییردی باهم....حیدر،حسیندی.اکبر؟ جنگ دلاوره باخ علی اکبره باخ سیامک پندی(خاکساری)

#ولادت_شاهزاده_اعظم_حضرت_علی__اکبر_گریز_به_شهادت بو نارسا قلمیم کثرتِ تولادن خیالی وار که آچا پرده بیر معمادن نه وقتدور على اکبر آدین ایدوب ازبر غرض ولادتِ شهزاده دور بو انشادن یازولا اون بیرِ شعباندا بو دل آرانون اولوپ تولدی لیلای ماه سیمادن امامه ویردیله مژده آقا بیر اوغلون اولوب ورار آیا گونه طعنه جمالِ زیبادن جمالی بیتِ امامتده جلوه گر اولدی ایشیقلانوب او گوزل بیت بو تجلادن چکویدی خامهء نقاشِ قدرتِ ازلی نمونه نقش جمالِ رسولِ بطحادن گلوب امام آناسیندان آلوب یوزیندن اوپوب گوروب که جَدّینه بنزر رخِ دل آرادن کلیمه طعنه ورار منطقی کلامینده آلار تکلّمِ گرمی نفس مسیحادن ورار تبسمی طعنه گونه گوله آیه دلیل قدرت اولار کردگارِ یکتادن باخوب او جلوهء رخساره تا او منبعِ فیض على افاضهء فیض ایلدی او مولادن سوروشدی حالینی بیربیر حریم طاهانون تفقّد ایتدی عنایتله اُمّ لیلادن اذان اقامه بویوردی او شاهِ دریادل نشان ویروب آتالیق رسمینی بو دنیادن دعا ایدوب آناسیندا اوزینده سرورِ دین دعا قبول اوُلور اوُل شهریارِ والادن بویوردی بو بالامون قوی آدین على اکبر که بهره مندیدی بیر اعتلای کُبرادن منیم خیالیمه بیرده باشیندان اوُپدی امام همان قلج یِری منظور اولوب او ایمادن دوباره ببرده قویوب قلبینه دوداقلارینی گوروندی منظرهء کربلا او مأوادن امام ایلدی عاشور نقشینی ترسیم او صحنه منعکس اولدی او قانلی صحرادن ویروب آناسینا سلطانِ دین او مُولودی خدایه حَمد تشکّر ایدوبدی لیلادن او دستهء گلى آلدی خانم محبتیله باساردی باغرینا دلشادیدی او سودادن باخاردی طرهء مشکینی تل به تل داغلوب سالوبدی پرده یوزه طرهء مُطرّادن گلِ بهشته اولار رشک ماه رخساری خرام قدّى آلار جلوه شاخِ طوبادن دیردی مه یوزیوه زلفیوی نقاب ایلمه او ابر تک منی محروم ایدر تماشادن دولاندی دوری سپهرین یتیشدی عاشورا گلوبدی ظاهره بیر صحنه حشرِ عظمادن تعارض ایلدی ایمان و کفر ظلمت و نور فراز اولوب علمِ امتحان او بیدادن امام لشکری بیربیر گیدوب شهید اولدی اوجالدی عرشه فغان اهلِ بیتِ طاهادن . توکولدی تپراقا یکسر ذبیحِ اهلِ وفا منا ایدوب او چولی قطع اولان مَنایادن دیدی بابا بو سوسوزلوق منی هلاک ایلدی علاوه اسلحهء جنگ سالدی یارادن او شاه آغزینا سالدى دلین او تشنه لبین قرار آلوب بو عمل اول جوانِ زیبادن دیدی علی بابا مندنده چوخ سوسوز سان سن بو امر ایدوب منی شرمنده بو تقاضادن سوسوز قایتدی گنه جنگه ایلدی اقدام توکردی تپراقا افراد بی سر و پادن سوسوزلوقی یارانون چوخلوقی هوا ایستی علاوه قانی آخاردی لطیف اعضادن توانی گئتدی بدن دوشدی تاب و طاقتدن آخوبدی قانی اثر قالمادی شکیبادن یارالانوب باشی قان آخدى دولدی گوزلرینه ایدوب او قان اونی محروم چشمِ بینادن دوشردی حیرته دل جلوهء جمالیندن آخاردی قرمزی قان گیسوی سمن سادن او دمده زین عقابه قویوب باشین ناچار خم اولدی قامت او سروِ بلند بالادن على او حالده ناگه یتیشدی بیر ظالم وروبدی قلبینه بیر زخم تابِ فرسادن امیدی قالمادی عمره حیاته دنیاده یقین ایدوب داخی اوز مرگینی او ایذادن یوزین خیامه دوتوب بیر سلام عرض ایلدی دیدی قوتاردی آنام انتظارِ بیجادن سو ایستیدم بابا سندن سو اولمادی ممکن اولوب گوزومده گونوز تار لیلِ یلدادن نیه او حالده شرمنده ایلدیم بابامی نصیب اولمادی بیر شربه سو او دریادن بابا بودی باشیم اوستونده الده سو جدّیم سو ویردی ائتدی منی بی نیاز مینادن الینده ده بابا بیر جام ساخلبوب سو سنه اولار سقایتی رسم و رهِ مدارادن دی بیرده ای بابا گوزله مه سون آنام یولومی خزان آییردی گولی عندلیبِ شیدادن آلان کیمی یارالی اوغلونون سسین شهِ دین آپاردی طاقت و آرام دل او مولادن تمام سرعتیله خیمه لردن آیریلدی کلیمِ عشق گلور گو که طورِ سینادن یتیشدی گوردی دوشوب قانلی قوملار اوسته على آلار او بستری سبقت جهاندا دیبادن پیاده اولمادی معهود عادتیله امام سقوط لفظی مُبرهندی شرحِ طغرادن یوزین قویوب یوزینه قلبی اولمادی آرام نه حاله قالدی سوروشماق او حالی ثُکلادن جمالینی آییراندا اوغول جمالیندن گوروبله دوشدی او شه طاقت و توانادن ایدوبدی قرمزی قان آغ محاسنین الوان آلار طراوتی هر گلده رنگِ حمرادن امام آناسینا هم اهلِ بیته هم اوزینه تحمل ایستدی درگاهِ حیِّ اعلادن او دم چاغوردی بنی هاشمون جوان لارینی اجابت ایتدیله اول یادگارِ زَهرادن دیدی گلون آپارون خیمه گاهه قارداشوزی او امن یِرده بالام حفظ اولار منایادن همیشه دامنِ مولایه چنگ وِر #خوندل کریم کیمدی بو سلطانِ عرشِ مأوادن غَم اِیتمَه شِعرُون اگر نارسادی باخما حسین محال دور آییرا نارسانی شیوادَن #شادروان_خوندل_رحمة_الله_علیه

سرود ولادت حضرت مهدی علیه السلام سبک:👇🙏 ستاره بریزید... جان دل زهرا          مولا صاحب الزمان ای عالمه مولا         مولا صاحب الزمان سنه قربان _. ای شاه شاهان  وی جان جانان یا مهدی جان گل زهرا _  نور هویدا  مظهر ایمان یامهدی جان جان زهرا قیل کرم بیزه                    بو‌شیعه لر گوز تیکوب سیزه 2بار گل خیرالورا آقا            آدی درده دوا آقا سنه جانلار فدا اولا      شه ملک ولا آقا ماه تابان _. حجت یزدان عالمه سلطان یامهدی جان گل زهرا _   نور هویدا مظهر ایمان یا مهدی جان جان زهرا قیل کرم بیزه          بو‌شیعه لر گوز تیکوب سیزه 2بار ای عالمه مولا         خلقته بهانه سن وی قامتی طوبا       صاحب زمانه سن شه خوبان _   شمع شبستان  حامی قرآن یا مهدی جان گل زهرا _ نور هویدا مظهر ایمان یامهدی جان جان زهرا قیل کرم بیزه               بو‌شیعه لر گوز تیکوب سیزه 2بار غنچه ی سرمدی آقا       نوگل احمدی آقا بو جهانه بیرده سن کیمی   مه لقا گلمدی آقا شه والا _. ماه دل آرا منبع احسان یا مهدی جان گل زهرا _  نور هویدا مظهر ایمان یا مهدی جان جان زهرا قیل کرم بیزه            بو‌شیعه لر گوز تیکوب سیزه 2بار ای بانی خلقت         نور جاودانه سن وی عالمه زینت       سن حقدن نشانه سن جان جانها _  یوسف زهرا ای ماه تابان یا مهدی جان گل زهرا _. نور هویدا مظهر ایمان یا مهدی جان جان زهرا قیل کرم بیزه              بو‌شیعه لر گوز تیکوب سیزه 2بار گوز آچوب سبط مصطفی   نیمه ی شعبان عالمه آدین حورو ملک ائدور.     بو گیجه گویده زمزمه در یکتا _. فظلیده دریا ای مه تابان یا مهدی جان گل زهرا _  نور هویدا مظهر ایمان یا مهدی جان جان زهرا قیل کرم بیزه           بو‌شیعه لر گوز تیکوب سیزه 2بار سن نور ازل سن        گوزللر ایچره تک سن جان دل زهرا.          سن نور بی بدل سن درده درمان _. ای گل ریحان عالمه سلطان یا مهدی جان گل زهرا _ نور هویدا مظهر ایمان یا مهدی جان جان زهرا قیل کرم بیزه              بو‌شیعه لر گوز تیکوب سیزه 2بار فاطمه نور عین سن        شاه عالمین سن فخر ائدر شیعه لر سنه    سن عزیز حسین سن روحه ریحان _ نور هویدا صاحب دوران یا مهدی جان گل زهرا _ نور هویدا مظهر ایمان یا مهدی جان جان زهرا قیل کرم بیزه            بو‌شیعه لر گوز تیکوب سیزه 2بار ای ماه منور            خوش گلوبسن عالمه عالم سنی سسلر     گل گلزار فاطمه اولدی شیعه _ چوخ شاد و خندان ای جان جانان یا مهدی جان گل زهرا _ نور هویدا مظهر ایمان یا مهدی جان جان زهرا قیل کرم بیزه             بو‌شیعه لر گوز تیکوب سیزه 2بار مهدی ملکی زنجانی

سرود ولادت امام زمان (عج) 🎵سبک: یار وفادار منی یار وفا دار من... 📝 علیرضا علوی زنجانی ➖➖➖➖➖➖➖➖➖ ➖ #ترکی مژده اولا شیعه‌ لره نیمه شعبان گلوب عشق دیارین بزین حجت یزدان گلوب مهدی زهرا گُوز آچوب گوز آچوب عالمه گویده ملکلر آدینی ایلیوری زمزمه ( یابن الحسن یابن الحسن ای گل زهرا مدد (۲) حُجت حَی اَزلی ای گُل گُلزار عشق حضرت زهرا گُوزلی مَحرم اَسرار عشق خلقت دنیایه هدف سرور سالار عشق ای پسرشاه نجف ای گل بیخوار عشق سفره زهرایه نمک یا اباصالح مدد عشقیده تک عشقیده تک‌ یا اباصالح مدد یا اباصالح اباصالح ابا صالح مدد ( یابن الحسن یابن الحسن ای گل زهرا مدد (۲) #فارسی خاتم اثنا عشری یوسف زهرا بیا منجی کل بشری یوسف زهرا بیا صفای هر انجمنی یوسف زهرا بیا فخر دل پنج تنی یوسف زهرا بیا یوسف زهرا آقا جان یوسف زهرا بیا یوسف زهرا آقا جان یوسف زهرا بیا یابن الحسن یابن الحسن ای گل زهرا مدد (۲) وارث سلطان نجف منبع ایمان تویی ای شه اقلیم شرف حافظ قران تویی مصلح عالم پسر حیدر کراری تو منجی دین نبوی صاحب اسراری تو ای گل ناز فاطمه مهدی زهرا بیا منتقم خون خدا مهدی زهرا بیا ای گُل گلزار عدن مهدی زهرا بیا یابن الحسن یابن الحسن ای گل زهرا مدد (۲) #ترکی گلدی گنه نغمه شادی بو گیجه ایلره تهنیت عرض ایلیروک حضرت‌پیغمبره جلوه نور ازلی یوسف زهرا گلوب زینت آغوش علی مهدی زهرا گلوب شادی ایدین شادی ایدین مهدی زهرا گلوب شادی ایدین شادی ایدین مهدی زهرا گلوب یابن الحسن یابن الحسن ای گل زهرا مدد (۲) نیمه شعباندی هامی شاد و غزلخوان اولوب کیم آدینی ذکر ایلیوب جدینه مهمان اولوب کان کرامتدی آقام آدینه قربان اولوم آیهٔ رحمتدی آقام آدینه قربان اولوم آدینه من آدینه من آدینه قربان اولوم یابن الحسن یابن الحسن ای گل زهرا مدد (۲) مژده محبانه ویرون عید محبان اولوب الله عنایت ایلیوب شیعیه احسان اولوب به‌به عجب گوندی بوگون نیمه شعبان اولوب عید ولادتدی بو گون نیمه شعبان اولوب مهدی گلوب مهدی گلوب نیمه شعبان اولوب یابن الحسن یابن الحسن ای گل زهرا مدد (۲) 📝 علیرضا علوی زنجانی

🌹میلاد علی اکبر🌹 🌹در آهنگ ستاره بریزید 🖊شعرازحقیر: علی عبدی ای شهزاده اکبر مولا یا علی علی اَشبه پیمبر مولا یا علی علی گل طاها ، زاده ی لیلا خوش قدوبالاعلی علی مه زیبا ، دلبر دلها زینت بابا علی علی خوش گلوبسن ای علی اکبر بو جهانه شبهِ پیمبر ای گوزللر گوزللری خلقتین ماه انوری نوه ی حضرت علی حسینون جان ودلبری ای شهزاده اکبر مولا یا علی علی اَشبه پیمبر مولا یا علی علی 🌹🌹🌹🌹🌹 اِئللر هامی یکسر ئوپللر دوداقلارین بیربیرگلورسنون عرشیدن قوناقلارین هامی خندان شاد و خرامان سسلنور الآن علی علی سنه قربان ای یوزی تابان دردلره درمان علی علی سن آقا الگوی جوانسان گلی از گلهای جنانسان پسرِ شاهِ کربلا علی اکبر گوزل آقا هامی عالم جوانلاری سنه یکسر فدا اولا ای شهزاده اکبر مولا یا علی علی اَشبه پیمبر مولا یا علی علی 🌹🌹🌹🌹🌹 بیزدن سنه اکبر ، اکبرجان سلام اولا شاهلار درگهینده گرک کی غلام اولا کانِ عزت گوهر خلقت حیدری صولت علی علی کنز عصمت صاحب شهرت مرد بصیرت علی علی ای حسینون با ادب اوغلی ارشد اوغلی حق طلب اوغلی سنی حق اعلا یارادوب چو ملک سیما یارادوب گوزل الله گوزللیکده سنی بی همتا یارادوب ای شهزاده اکبر مولا یا علی علی اَشبه پیمبر مولا یا علی علی 🌹🌹🌹🌹🌹 میدان بلاده غوغا اِیلدون علی محشر کبرانی برپا اِیلدون علی اولدی طوفان دشت و بیابان تتردی میدان علی علی شه خوبان شاه شهیدان سسلوب اوجادان علی علی دشمنون دَگدَی داشا مکری سالدین آتدان سن یئره بَکری سنه صد مرحبا علی سنه عالم فدا علی باشینا تپراق عالمین اولا سندن صورا علی ای شهزاده اکبر مولا یا علی علی اَشبه پیمبر مولا یا علی علی ✨اَللّهُمَّ عَجِّل لِوَلیِّکَ الفَرَج✨

سرود جشن نیمه شعبان سبک:: عمله دسته دسته دستگاه شور با کلام حاج رضا محمدی (ولایی) ▒▒▒▒▒▒▒▒▒▒▒▒▒▒▒▒▒ جماعت البشارت مهدی گلدی- یوزی آیدان گوزلدی هلالی قاش دوداقی چون عسلدی – جمالی بی مثلدی آقام صاحب زماندی امیرانس و جاندی قمردن باج آلاندی شفیع شیعیاندی بویورموش حضرت طاها کی طاووس جناندی « اباصالح – اباصالح – قدومین گوزلر اوسته » //////////////////////////////////////////////////// منیم شاهیم هامی دنیاده تکدی – شه انس و ملکدی جمال اللهدی زیب نه فلکدی – آقام دنیاده تکدی اونون حبّی بد و نیکه محکدی – آقام حقّه کمکدی جمالین قادر الله عالی چکدی – کی بیر پارچا نمکدی مه برج جلالت شهنشاه ولایت سراپاسی متانت علی تک با صلابت تاپوب والله بونون یرگوی وجودیندن شرافت « اباصالح – اباصالح – قدومین گوزلر اوسته » //////////////////////////////////////////////////// اباصالح بوگون دنیایه گلدی – بزک زهرایه گلدا گوزلیکلر بوتون معنایه گلدی – ملکلرهایه گلدی رئوس اهل عشقه سایه گلدی- گوزل پیرایه گلدی خلائق مشتری صهبایه گلدی – قولوندا آیه گلدی ولایتدن ثمردی یم عشقه گهردی امام منتظردی فروزنده قمردی یوزون گورستدی بارماق یوخ الین یوسف کسردی « اباصالح – اباصالح – قدومین گوزلر اوسته » —------------------------ حاج رضامحمدی(ولایی) ✨اَللّهُمَّ عَجِّل لِوَلیِّکَ الفَرَج✨ اعیاد_شعبانیه۱۴۰۳ سرداران_کربلا پانزدهم_شعبان ولادت_امام_زمان_عج_الله_

میلادیه حضرت امام زمان عَجّلََ اللهُ تعالی فَرَجَهُ الشَّریف کربلایی محمدرضامحمدی(ناعم) مرحبایتیشدی نیمه ی شعبان باغلاردابلبللر اولدی غزلخوان فاطمه جناندا اولدی خرامان آچدی گوز جهانه صاحب دوران یاوری بودنیاداتبارک اولسون قدومی مهدینون مبارک اولسون گلدی جهانه/صاحب زمانه/ تهنیت اولسون/اهل جهانه      دیون مبارک۴ لطفینی قوتاردی حی توانا سویوندی جنتده حضرت زهرا آچدی گوزجهانه ماه دل آرا بزندی عشقیلن پهنه ی دنیا گلدی بوگون عالمه امام زمان سویوندی مرتضی فاطمه خندان گلدی جهانه//.....            دیون مبارک۴ گوزلرینون احمده بنذری واردی صولتیندن حیدره بنذری واردی عسکری سویوندی نیمه ی شعبان الده اومولانین گوهری واردی مهدی زهرادی بو گوهررخشان پورعسکری دی صاحب دوران گلدی جهانه(ناعم)              دیون مبارک۴ ✨اَللّهُمَّ عَجِّل لِوَلیِّکَ الفَرَج✨

مدح علی اکبر(ع) با تعظیم به شعرای فقید ✍ شعر از: محمدی ناعم 🔺🔺🔺🔺🔺🔺 دل شیدا گوزون آچ لطف حق داوره باخ شاهکاره یَدِ صنعتگرِ صنعتگره باخ ابر و باد و‌مه و‌خورشید تماشایه گلوب دل دل ائتمه دل شیدا بو‌گوزل دلبره باخ شهر یثربده دوروب صف به صف افواج ملک گویده جبریل دیور دلبر افسونگره باخ گینه‌ پیغمبری گویا یارادوبدور یارادان انبیا بیربیره سویلولّه که پیغمبره باخ صورتی ختم نبی،فطرت و سیرتده علی حیدر عاشقلری شوریله دیور حیدره باخ آلیب آغوشه حسین گل یوزونه بوسه ویرور مِهر پر نور قوجاقینده مه انوره باخ قلم عاجزدی یازا شبه نبی مدحتینی مرغ طبعیمده عجب باقلی قالان شهپره باخ مدحت اکبری چوخ شاعر وارسته یازوب طبع «بیضائیله»،استاد سخن «مضطره» باخ «یحیوی» ،«ذهنی» و «دلریشیله» «سعدیّ زمان» صفحۀ دفتره گوهر داغیدان «انوره»باخ شعرانون هامیسی اکبری تعریف ائلیوب اوخی دیوانلاری دللرده اولان باوره باخ بو سوزی اهل ادب قطعیدی تأیید الییَر سوزومه صِحّه قویان،دستۀ عاقللره باخ گوی سبقت آپاروب «منزوی» الحق هامیدان اونداکی نظم ائلیوب دفترینه«اکبره باخ» «ناعما»چوخ شعرانون گونی عزلتده کئچوب ساتمیوب عشقی بیری دهریده سیم و زره،باخ هدیه به ارواح طیبه شعرای فقید صلوات

‍ ‍ باسلام سرود ولادت حضرت علی اکبر علیه السلام به سبک اندک اندک اندک اندک #آواز تصنیف بیات ترک سس دوشوب دهره مه انور گلور گلستانه تاز ه بیر دلبر گلور زینت عرش برین ای عاشقان نوگل زهرا علی اکبر گلور بنده‌ی حی تبارک یا علی جشن میلادین مبارک یا علی (2) اولدی گلباران بو گون شهر نبی گل آچوبدی گلشن باغ علی تهنیت عرض ایلوری فوج ملک گلدی دنیایه حسینون گوزلی بنده‌ی حی تبارک یا علی جشن میلادین مبارک یا علی (2) هارادا یوسف یوسف لیلا گلوب محرم راز شهی والا گلوب سوسپور یولارینا فوج ملک نورعین مرتضادی نوگل زهرا گلوب بنده‌ی حی تبارک یا علی جشن میلادین مبارک یا علی (2) ذات حق ویردی بوگون لیلا یه پای حسنونه چاتماز بونون دنیاده آی گلدی تا یاور اولا دینه علی گمیوب گلمز بونا عالمده تای بنده ی حی تبارک یا علی جشن میلادین مبارک یا علی (2) عالمه قویدی قدم پور علی شبهه طاها مرتضانین گوزلی آدی اکبردی پیمبردن نشان شاداولوبدی عترت شاهه جلی بنده‌ی حی تبارک یا علی جشن میلادین مبارک یا علی (2) گویده اولدوزلار بوگون چشمک ورور اون بیر شعبان سالوب دنیایه نور گلدی یاران هاشمیلردن نشان شهر یثرب اولدی یکسر غرق شور بنده‌ی حی تبارک یا علی جشن میلادین مبارک یا علی (2) غنچه لبلر قرمزی گولره بنزر گوز آچاندا قالدی حیران یکسر ائللر اهل ایران آدینه عاشق اولوب به نه زیبا خلق ائدوبدی حی داور بنده‌ی حی تبارک یا علی جشن میلادین مبارک یا علی (2) عرض قیلام منده ای پور علی گلشن زهرانین آیدین گوزلی «مهدیم» غرق گناهم قیل کرم دوت الیمدن سن آقاجان نبی بنده‌ی حی تبارک یاعلی جشن میلادین مبارک یا علی (2) ✍حاج مهدی ملکی