نوحه وفات حضرت ام البنین (س) شاعر : مرتضی اسکندری(ساعد)زنجانی بانوای : کربلایی منوچهرحسن زاده 👇👇👇👇👇👇👇👇👇👇👇 ئولور ام البنین گل آخرین دیداره یا عباس فراقونده گوزوم یاشی آخور رخساره یاعباس باشیم اوسته دوروب منیم پیک اجل خبر ویر زینب و حسینه سنده گل ابو فاضل مدد ابوفاضل مدد گیجه گوندوز آدون اوغلوم منیم ورد زبانیم دی هارا گیتسم گوزل آدون منیم نام و نشانیم دی اوزون فورا باشیم اوسته یتور فصل خزانیم دی آنون قبره گیدور اما ئورکده یاره یا عباس آدیم اولدی اوگون که مادر عباس اوجالدیم من فلک لردن ملک لردن سنه خاطر باج آلدیم من اشیتدیم قولارون دشمن سالوب فورا قوجالدیم من جانیم قربان اولا بو قطع اولان قولاره یا عباس منی هرکیم گوروب سویلردی گورنه بختورسن سن علینون همسری دورت شیر دل اوغلانه مادر سن خیال ایتمزدیم هیچ بیر گون ویرم دورت اوغلومی الدن ئولوب اوغلانلاریم یوخدور الینده چاره یا عباس @yyahoosein دیوللر که دوشوبدور کربلاده بحرا نا باشین امان نامه جیران لحظه اوجالدیبسان آنا باشین سینوب آهن عمودیله باتوب آخر قانا باشین آتام ِقربا ن آنام قربان بو بیر ایتاره یا عباس #شادی_روح_سلیم_صلوات #کربلایی_مرتضی_اسکندری_زنجانی #کربلایی_منوچهر_حسن_زاده #پیشنهاد_دانلود

🕌 هیئات امام حسن مجتبی علیه السلام 💠 پنجشنبه ۲ / ۱۲ / ۱۴۰۳ 🎤 کربلایی عباس پسندیده نازنین رقیه _ مه جبین رقیه ای اله آلان دین _ پرچمین رقیه زینبه ای یار وفادار اولان لشگر اسلامه علمدار اولان ای خلایقه بحر بخشش وبذل قویمادون یاتا پرچم ابالفضل خوش گلوبسن ای گوزلرین ضیاسی جانیمیز اولا آدوون فداسی (2) ای سرور سینه _ مفخر عالمینه وئردی حق سنی پای _ شاه دین حسینه ای ایکی دنیاده در نابمیز فخر ائلییر دی سنه اربابمیز ای بودهریده اولمیان مثالی خوش گلوبسن ای اکبرین مارالی خوش گلوبسن ای گوزلرین ضیاسی جانیمیز اولا آدوون فداسی(2) ای صفای خلقت _ حامی ولایت فاطمه مثالی _ معدن کرامت سکه سی ای دهریده رایج خانیم قیل نظر ای باب الحوائج خانیم سن عزیزه آل مصطفاسن اهل عالمون دردینه دواسن خوش گلوبسن ای گوزلرین ضیاسی جانیمیز اولا آدوون فداسی (2) مظهر شهامت _ معدن شجاعت ای گوزل وجودی _ باشدان باشا غیرت تختیدن ای آل یزیدی سالان دمشقیده پرچم نصرت ویران یوخ سنه چاتان مهربان رقیه خوش گلوبسن ای قهرمان رقیه خوش گلوبسن ای گوزلرین ضیاسی جانیمیز اولا آدوون فداسی (2) ای چاتان کمال _ بهترین خصاله خصلت و روشده _ زهرای سه ساله چاتدی سنه ای عالمین عزتی فاطمه رفتاری علی غیرتی سن رقیه جان فخر ماسوا سن مظهر وفا سنبل حیاسن خوش گلوبسن ای گوزلرین ضیاسی جانیمیز اولا آدوون فداسی (2) خاکی

(قارداش آیریلیقی) ایداد فلک الیمدن آلدی سن عاشق باوفانی قارداش توش ایتدی منی غم فراقه توکدی باشیما بلانی قارداش تا سن واریدون منیم یانیمدا تاپمازدی منی بلا و محنت فکر ایتمزیدیم جهاندا غم وار دلشادیدیم هر زمان و هر وقت قویمازدون اولام غمین و دلگیر ای معدن صبر و استقامت یاندیردی یاخوب بو قلب زاره سالدی غم جانستانی قارداش هیهات گله جهانه بیرده سن تک یاراشقلی یاره گلمز خلق ایچره زبانزدیدی حُسنون مثلون بولورم دوباره گلمز اول شان و شرافت و وقارون مانندی بو روزگاره گلمز دوغسون آنالار چتیندی لکن بیرده ائله مهربانی قارداش هر یرده آدون گلنده ایندی گوز یاشلاری ایسلادار عذاری سویلر هامی با وفا یرون بوش ای بزم محبتون نگاری اول خاطره‌لر دوشنده یاده هجرونده ائده‌للر آه و زاری یاندیردی یاخوب غم فراقون اعوانیله آشنانی قارداش ای جوهر جان و شمع محفل هجرونده چکور اورک شراره اولدوخ غم و غصّه‌نون اسیری دوندی گونوموز او شام تاره سن‌سیز بو ایوین صفاسی یوخدی گلمز بو ایوه گولوش دوباره بستر ائلدون او تیره خاکی آغلاتدون اِئلی اوبانی قارداش ای مظهر عشق و شور وایثار هجرونده اورک غذاسی قاندی چرخی فلکون دونیدی ایکاش گتدی باشیما نلر عیاندی بوکدی بئلیمی غم فراقون قارداش غمی قارداشا یاماندی جغد غم ایدوب یاتاق ندندی بو منزل و آشیانی قارداش دنیا بویی قارداش اولسا(راشد) عباس کیمی وفالی اولماز بیر عمر ایدوب حسینه خدمت هئچ بنده بئله موالی اولماز هر لحظه ائدردی عشقین ابراز عاشقدی غم و ملالی اولماز سویلردی قاپیندا نوکرم من گور عاشق مبتلانی قارداش 🍃🌾🍃🌾🍃🔸

ولادت با سعادت امام حسن مجتبی (ع) ✍شاعرعلیرضاعلوی زنجانی #اهنگ شمع و پروانه منم 🌹دستگاه سه گاه🌹 به به مولادی گلوب صلح و صفادی گلوب صبره معنادی گلوب حلم دریادی گلوب مولادی گلوب (۲) عالملره سلطاندی گلوب عطر گل ریحاندی گلوب باغ گل رضواندی گلوب جاناندی گلوب (۲) روح و ایماندی گلوب یار قراندی گلوب شیر میداندی گلوب درده درماندی گلوب جاناندی گلوب(۲) نیگار دل آراردی حسن بند دل زهرادی حسن دی دردیوه درماندی حسن درماندی حسن (۲) ماه تاباندی حسن مرد میداندی حسن دینه قرباندی حسن جان جاناندی حسن جاناندی حسن(۲) سردار دلاوردی حسن عشق عالمی گوهردی حسن شاهنشه باوردی حسن سروردی حسن (۲) خورشید دین دی حسن ماه مبین دی حسن عطر یاسین دی حسن طه و سین دی حسن یاسین دی حسن (۲) ماه گل زهرادی حسن یوسف کیمی زیبادی حسن علم حقه دارادی حسن دریادی حسن (۲) گل زیبادی حسن روح و بقادی حسن لطف عطادی حسن جود وسخادی حسن مولادی حسن(۲) تاج سر آدم دی حسن سر چشمه زمزمدی حسن دردانه خاتمدی حسن مولادی حسن (۲) سبط پیغمبره باخ مظهر داوره باخ رحمت کوثره باخ شیر دلاوره باخ زیبا گوزلره باخ(۲) ماه چمن آرایه باخون دلبر دل آرایه باخون عشقیله او مولایه باخون مولایه باخون(۲) خلقتده زینته باخ الگوی خلقته باخ دومین حجته باخ دریای شوکته باخ زیبا صورته باخ (۲) زهرا گتیرن دلبره باخ آیداندا ایشیق گوزلره باخ مولاده اولان هیبته باخ مولادی حسن (۲) شاعرعلیرضا علوی زنجانی ۱۳۹۶/۳/۱۵ ✨اَللّهُمَّ عَجِّل لِوَلیِّکَ الفَرَج✨

مناجات شبانه ✍️حاج ولی الله کلامی زنجانی نوا:#کربلایی_منوچهر_حسن زاده «فارسی» من آمدم ای خدا درد خود دوا کنم رُخصت بده در زنم هی خدا خدا کنم ماه من، شاه من، مهربان اله من جان مولا علی، بگذر از گناه من شرمندۀ رحمت و نعمت الهی ام عصیان شده موجب آه و روسیاهی ام گشته اشکم روان، بر رُخ سیاه من جان مولا علی، بگذر از گناه من گرچه از این بنده ات جز خطا ندیده ای روی گناهان من پرده ها کشیده ای آبرویم نبر، چون توئی پناه من جان مولا علی، بگذر از گناه من ذکر زبانم بُوَد یا علیّ و یا عظیم بنما هدایت مرا بر صراط مستقیم عاصیم، نادمم، اشک من گواه من جان مولا علی، بگذر از گناه من #ترکی_ درگاهوه گلمیشم ای خدای بی نیاز قُؤما قاپوندان منی وار اورکده سوز و ساز مفلسم، بیکسم، باخ بو اشک و آهیمه جان مولا علی، چک قلم گناهیمه از بس گناه ائتمیشم گوزیاشیم دونوب سئله رحمت یولون باغلاما آبرومی حفظ ائله پی آپاردیم ئوزوم چوخلی اشتباهیمه جان مولا علی، چک قلم گناهیمه امر ایله سن یان منه، اوتدا مسکن ایلرم اما ئوزوندن اوزاق سالسان اوندا نیلرم گلمیشم یالوارام یار دادخواهیمه جان مولا علی، چک قلم گناهیمه وئرّم قسم حیدره عالمین امیدینه محرابه قانی آخان کوفه نین شهیدینه ایله مونس منی، اول وفالی شاهیمه جان مولا علی، چک قلم گناهیمه

وفات حضرت زینب کبری س  🌷 با مداحی حاج جواد حسن زاده 🌹   (به قلم استاد حسین قربانپور)  (وفا) شامیده قارداش غریبم درد الیندن ناشکیبم یوخدی بیر یار و معینیم اشنادن بی نصیبم گل قارداش حسین سینه یانوبدور فراقندا گل جان ویریرم جان دایانبدور دوداقمدا حسین دل خستیم گل حسین جان اوستیم گل گوزریم یولاردا گریان اولموشام زارو پریشان گل اوخی قران برادر تا ویریم اسوده من جان دنیایه اخا عشقیمی علان ویررم من سن گلسن حسین عزتیلن جان ویررم من حسین دل خستیم گل حسین جان اوستیم گل عشقیدن آسان باج آلدوم چوخلی قیل و قاله قالدوم نعشیو ی عریان گورنده آغلادم یاندم قوجالدوم عریان بدنین اوستونه اغ زلفومی سردیم سینن ساچلان قهریله اوخ نیزنی دردیم حسین دل خستیم گل حسین جان اوستیم گل دردیمه هم پایه یوخدی باشیم اوسته سایه یوخدی گور نجه قارداش غریبم بیر نفر هم سایه یوخدی بو غربتیمه گل سینوی داغلا حسینیم جان اوسته منیم گوزلریمی باغلا حسینیم حسین دل خستیم گل حسین جان اوستیم گل عطر و بوی یاس اولیدی دل دولی احساس اولیدی ایندی بوردا سنله قارداش اکبر و عباس اولیدی دل صحبتینی دلبر و دلداره دییردیم سینم غمینی قولسوز علمداره

نوحه حضرت زهرا س شاعر:استادحاج حسین غفاری اردبیلی ذاکر:کربلایی منوچهرحسن زاده ای یاس خوش عطریم راحت یات زهرا جان دینجلدون غملردن آی تک بات زهراجان گوز یاشیم الرم یا زهرا یا زهرا چوللرده ملرم یا زهرا یا زهرا سنسیز یثرب بنزر بیر غملی زندانه زینبیم هر گئجه آغلار یانه یانه قالمیشام آواره الیمده یوخ چاره ئوزون گل زینبین زلفینه وور شانه گوز یاشیم آلرم یا زهرا یا زهرا چوللرده ملرم یا زهرا یا زهرا ای کاش من ئولیدیم - سن آغلاردون منه ای وای اولسون منه - آغلورام من سنه اذان وقتی زینب - سجادووی آچار یوز دوتار بقیعه - سسلر گل آی ننه گوز یاشیم آلرم یا زهرا یا زهرا چوللرده ملرم یا زهرا یا زهرا حسن آغلیاندا در و دیوار آغلار گوز یاشی آخاندا گویده قوشلار آغلار حسینون سوروشما احوالین زهرا جان وای منه دينده قانلی مسمار آغلار گوز یاشیم آلرم یا زهرا یا زهرا چوللرده ملرم یا زهرا یا زهرا حیدر تک ایوونده گوشوارون تک قالدی قلبیمده نشانه نقشون گویچک قالدی سجادون کلثومه قرآنون زینبه اما سندن منه قانلی کوینک قالدی گوز یاشیم آلرم یا زهرا یا زهرا چوللرده ملرم یا زهرا یا زهرا قرآن ناطق سن آدون جاویداندی روبندون آلتیندا مین آیه پنهاندی غسلووی وئرنده گوردوم سیلی ردین تیتره دی دیزلریم قلبیم غمدن یاندی گوز یاشیم آلرم یا زهرا یا زهرا چوللرده ملرم یا زهرا یا زهرا #شادی_روح_سلیم_صلوات #حاج_حسین_غفاری_اردبیلی #مداحان_اردبیل #کربلایی_منوچهر_حسن_زاده #پیشنهاد_دانلود

نوحه سینه زنی بانوای:کربلایی منوچهرحسن زاده ‍ فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم #شادی_روح_سلیم_صلوات

به سبک عجب رسمیه رسم زمانه شعرترکی به سبک عجب رسمیه شاعر:#استاد_فرهاد_فکری_اردبیلی بانوای:#کربلایی_منوچهر_حسن_زاده عجب رسمیدی رسم زمانه عمروللر دونر آخیر خزانه گئدرانسانلار اولاردان فقط بیر آد قالاجاق بیزه نیشانه آمان آیریلق آمان آیریلق اولار دنیاده یامان آیریلق *** آیرلیق سُوزی قلبی یارالار هانی آتالار هانی آنالار گدیبلر الدن،ایتوبلر گُوزدن حسرت قالیبدی یورقون بالالار آمان آیریلق آمان آیریلق اولار دنیاده یامان آیریلق #شادی_روح_سلیم_صلوات اَللّهُمَّ عَجِّل لِوَلیِّکَ الفَرَج

ا با مداحی حاج جواد حسن زاده 🌷🌷 پیشنهاد دانلود ای گولومون گلابی.. درک ایله بو ربابی یوخدی بو چولده اوغلوم سو سوزونون جوابی دادیم دوزوم یات ملر قوزوم یات گجه اوزوندی دان الدوزوم یات چالوخلاما یات اوغلوم آز حالیمی قات اوغلوم سو اولماسا صود اولماز سو فکرینی آت اوغلوم ساغ سولا باخما اوغلوم یات گویه باخما اوغلوم دوزوم بالیم یات قادان آلیم یات یورولموشام یوخ علی حالیم یات چالوخلاما یات اوغلوم آز حالیمی قات اوغلوم سو اولماسا صود اولماز سو فکرینی آت اوغلوم

🚩 جلسه هفتگی هیئت منتظران ظهور 🗓 دوشنبه 1403/12/06 توسل: امام حسین علیه السلام 🎤 حاج روح الله رمضانی خاکی

💧زبانحال زینب(س) در قتلگاه💧 بانوای:کربلایی منوچهرحسن زاده شاعر:#استاد_نادر_بابایی قارداش یاسوندا نظم جهان بَرهَم آغلیار سُکّان عَرشه نَصب اولونان پرچم  آغلیار غم چَترینی آچوبدی فلک بو مکانیده درد آغلیار بو حالووَه قارداش غم آغلیار اولمازسنون کیمی اوروج اَلده ئولن اَخا آدون گلنده ، مَحرم  و نامَحرم  آغلیار آخر  وداعووِین  هَله ده داغی سینه دَه داغلار بو نسگیلونده سنه هردَم آغلیار کرب و بلایه گلسه اگر قاره بیر  دومان گوز یاشیمه باخاندا  اودا نَم نَم  آغلیار دور  باخ  رَشیده زینبوون  روزگارینه ایندی اولوبدی گور نجه قَدّی خَم آغلیار کرب وبلاده قالماقا یوخ قسمتیم حسین داغ داش اولار بو یولدا منه هَمدم آغلیار قوی تاپشوروم جَنازووِی صُبحون نَسیمینه عطرون یایلسا گُلشن اَرا  شبنم  آغلیار قاره یل اَسدی توز بورودی گُل جنازووی باغلانمیان  یارالارووا  مَرهم   آغلیار لیلایلن  رباب  یانان  خیمه گاهیده اوغلی ئولنلرون سنیچون باهم آغلیار (نادر)یازاندا خون دلیله بو نوحه نی گوردی که اَلده خامه دوتوب ماتم آغلیار #پیشنهاد_دانلود #حاج_نادر_بابایی #شادی_روح_سلیم_صلوات #کربلایی_منوچهر_حسن_زاده