قتلگاه حسین دوشوبدی مقتله یئتیش هرایه یا علی خلیل عشقی ییخدیلار سوسوز منایه یا علی هایانداسان که قانیله دولوبدی دشت کربلا ائدوبله اهل بیتیوه ایشقلی گوندوزی قرا حسین دوشوبدی مقتله بدن یارالی باش یارا ورور یارا گلیب گئدن او مقتدایه یا علی هایانداسان کی شمر دون سالیب جهانه ولوله مرید اولوبدی نفسینه آلیب دی تیغ کین اله نچاره زینبه اگر رقیه گلسه مقتله نئجه دوزر صغیر اوشاق بو ماجرایه یا علی آلیب نماز عشقینه اورک قانیلا دستماز یوخ اکبری اذان دئسین یئتیشدی موقع نماز جبین یارادی باشی یارا بویاندی قانه جانماز مگر عدو امان وئرور او پیشوایه یا علی یارالی پیکرینده گر یاراسی بی شماریدور آتیب گوزوندن عالمی وصاله بیقراریدور فراته میلی یوخ داخی خمار جام یاریدور نه اینجییور یارا لاری نه وار گلایه یا علی قاچور صاقا قاچور صولا اورک یارالی زینبون سنی هرایه سسلیور باشی بلالی زینبون باخور حسینه گوزیاشی توکور عزالی زینبین اورک یانور بو محنته گلیر نوایه یا علی حسینه یوخدی بیر کمک آلیب آرایه کوفیان بدنده یوخدی صاف یری اولوبدی اوخلارا نشان سوسوزدی هم یارالیدی بدنده قالمییوب توان گئنه بو حالیلین اچیب الین دعایه یا علی نقدری وار دی لشگرین مگر اورکده کینه سی گلن وروور گئدن ورور اغیرلاشیب دی سینه سی یاخیندی قانه غرق اولا محبتین سفینه سی امید یوخ بو چولده بیر غم آشنایه یا علی #هوشمند #قتلگاه لینک کانال اشعار @hushmand

1-3. قتلگاه بعد شهادت هایانداسان حرملرون گلیب نوایه یا علی بلالی زینیبن باشی دوشوب بلایه یا علی هایانداسان یوبانما گل گتیر حسینوه کفن بلالی چولده قورخولی اوشاقلار آختاریر وطن آدامسیز اهل بیتیوی ورور او چولده هرگلن فغان و ناله خیمه دن چیخیر سمایه یا علی وفا ائدیب اوز عهدینه چاتیب کمال عزته گوزوندن عالمی آتیب یئتیشدی بی نهایته نماز عشقی باشلادی قوشولدی بزم وحدته فنای عشق یار اولوب چاتیب بقایه یا علی هوا دوتولدی قاره یئل اسوبدی داغلار آغلادی گورنده ذوالجناحینی صغیر اوشاقلار آغلادی یانان خیامین حالینه صفالی باغلار آغلادی گلیب فغانه مهر و مه باتیب عزایه یا علی خدنگ و تیغ و نیزه لر چوله یاییب دی قرآنی توکولدی تشنه ظلمیله یئره حسینوین قانی رقیه سسلیر عمه سین دیور منیم بابام هانی آچیب او نوگل وفا الین دعایه یا علی هایانداسان که عترتین دوشوبدی خوف و وحشته امامی اولدورن عدو گلیر خیامه غارته صغیر اوشاقلار آغلاشیر قشون گلیر جسارته نه چاره واردی چاتمورال بیر آشنایه یا علی قشون گلیر بو فکریله خیامی غارت ائیله سین او یئرده یوخ بیر آشنا گلیب حمایت ائیله سین حیالی قیزلارین کیمی کیمه شکایت ائیله سین اسیر اولان گرک دوزه بو ماجرایه یا علی بو چولده لشکر جفا چولون دوتوب صاقین صولون سو اوسته ائتدیلر قلم امیر لشگرین قولون اولییدی کاش بیر نفر کسیدی لشگرین یولون اوشاق بیوک قاچیر چوله گلور نوایه یاعلی قوشون قوتاردی غارتی سویوبدولار اوشاقلاری جفائیله اولوب یارا ایاقلاری قولاقلاری گورنده قمچی قیزلارین اسیر دیلی دوداقلاری وئریب او خردا آهولار صدا صدایه یا علی خزان اولان بهاریده دل اهلی دلبر آختاریر رباب آه و وآییله علی اصغر آختاریر او چولده لیلی حزین علی اکبر آختاریر اورک ملالینی دییه او با وفایه یا علی گهی قاچور چوخور یئره گوره یارالی قارداشین گهی خیامه باش ورور توکور عذاره گوز یاشین نه حاله قالدی نیزه ده گورنده قارداشین باشین سووردی باشه توپراقی گلیب نوایه یا علی حسیینون شهادتی دل جهانی داغلادی خزان اولان قیزیل گولی جفا یئلی وراقلادی او قانلی پیکری عدو گلاب تک ایاقلادی مقام عشقیده حسین چاتیب رضایه یا علی مین اوزلی خلقی کوفه نین قوناقی دعوت ائتدیله اولده بیعت ائیلییب صورا خیانت ائتدیله اوشاقلاری وورا وروا خیامی غارت ائتدیله اورک یارادی چاتمیر ال ولی دوایه یا علی #مدهوش #هوشمند #قتلگاه لینک کانال اشعار @hushmand

2-60. حر عشق امد اما غرق آتش بود از کردارخویش آشکارا حال خود می گفت با رفتار خویش در دلش بیم و امیدی زنده شد از نار و نور باخودش اندیشه می کرد از گناه و عار خویش چشم خود را بسته بود و یگ نگاه تازه داشت در خیالش هی ورق می زد کتاب کار خویش دست می شست از هر انچه پایبستش می نمود از مقام و منصب و از درهم و دینار خویش از سیاهی سوی خورشید هدی در سیر بود تا کند روشن دمی چشم و دل بیدار خویش مادرش نامید حرش وی سراپا حر بود سعی در دیدار جان میکرد و در انکار خویش رسته بود از قید نفس و در هوای عاشقی بال و پر می زد بسوی مطلع الانوار خویش در سپاه کفر نور حق دلش را خیره کرد حق و باطل را مشخص کرد با معیار خویش بسکه از حد و حدود خود تخطی کرده بود طالب دیدار شد با خجلت بسیار خویش خوار و افتاده سوی دارالشفا در سیر بود تا مداوایی کند درد دل بیمار خویش بر در رحمت رسید و حال خود اظهار کرد پای شه می ریخت اما اشک گوهروار خویش کس نگردد نا امید از آستان شاه دین بر کسی هرگز نمی بندد در دربار خویش حر از بس مهربانی دید از سلطان عشق اب شد از خجلت و بوسید پای یار خویش سوی میدان بازگشت و قلب لشگر را گشود عالمی را غرق حیرت کرد با پیکار خویش موعظه میکرد اما هیچ امیدی نیافت حمله ور شد بر عدو با تیغ اتشبار خویش بال وپر زد خویش را تا قاف ازادی رساند جاودانی کرد با ایثار جان اثار خویش می شود آزاده ازادگان ان بنده که شاه می بندد به زخم عشق او دستار خویش پیگرش را اقربایش دور کردند از حرم ورنه کی فرقی گذارد شاه بر انصار خویش هر که امد بر مسیر عاشقی مدهوش شد بر مدار افتاد با خال لب و پرگار خویش #هوشمند #مدهوش

نور قران کیم جسارت ائده گر مکتب و ایمانیمیزه اونی پِشمان ائدروخ آند اولا قرانیمزه بیل یقین محکمه سی حشره کیمی قالمیاجاق چکه جک شیعه بو بی دینلری دیوانیمزه قرانی یاندیرانین ال قولی باغلانمالیدی وای او گون دن که دوشه قورخلی طوفانیمزه شیعه نین مکتبی وار رهبری وار صاحبی وار هامی لبیک دئییب شاه شهیدانمیزه قویماروخ قرانا بو اهل جفا چپ باخالار قسم اولسون بو دامارلاردا گزن قانیمزه قرانین نوری بو خفاشیلری کور ائده جاق هامیسی باش اگه جاق منطق و برهانیمزه وای او گوندن که بیزه حمله یه فرمان یئتیشه کیمده جرات اولاجاق تا گله میدانیمزه نوردیر یانسادا قران سیزی مقهور ائده جاق دولت حق سالاجاقدور سیزی زندانیمیزه دوشه جک دیر باشیزا سوزشی بو اودلاریزین سالمیسز بسکه بو فعلیله شرر جانمیزه وقف اولوب عترت و قرانه بیزیم وارلیقیمز حق وئریب شان و شرف بو گوزل ایرانیمزه قرانی نازل ائدن وعده وئریب ساخلیاجاق حقی غالب ائده جاق دهردیده دشمانیمیزه #محمد_هوشمند #مدهوش @Hushmand

با عرض سلام و ادب و احترام و وتسلیت ایام عزای سالار شهیدان ، خدمت دوستان بزرگوار که تازه به جمع ما پیوسته اند خیر مقدم می گویم و از اساتید معزز و شعرای عزیز و مداحان اهلبیت س حاضر در کانال و همچنین دوستان مداح که از برادران عراقی هستند تشکر م یکنم و التماس دعا می نمایم و برایتان ارزوی سلامتی و توفیق دارم حضور شما بزرگواران انگیزه ما را زیاد می کند و امیدوارم با نکته نظرات و حمایت خویش بنده را در این مسیر یاری فرمایند. از تک تک بزرگواران التماس دعا دارم با تقدیم احترام هوشمند (مدهوش) لینک کانال اشعار به کانال خودتان بپویندید و به دوستان معرفی فرمایید 👇👇👇👇👇👇👇👇 https://eitaa.com/hushmand اشعار شاعر اهلبیت(س) کربلایی محمد هوشمند (مدهوش) کپی و انتشار اشعار با ذکر منبع بلامانع است

یارب حسینم می رود، کز دل توانم می رود صبرم به یغما می رود گویی که جانم می رود از بس شتابان می رود، سوی قرارش بی قرار دنبال او چون سایه ای، روح و روانم می رود این بحر غم، این چشم نم ،این مشکهای بی رمق بحر سخایم تشنه لب، از خانمانم می رود آتش زده بر جان من، درد و غم جانان من ازفرش تا عرش برین آه و فغانم می رود آه از غم هجران یار ، وای از نگار زخمدار از من گرفته اختیار، مهر جهانم می رود او مست وصل دلبرست، بی اکبر و با اکبر است سرمست کوثر این چنین ، از دودمانم می رود دلبسته ام بر روی او، بر هیبت نیکوی او یارب همای عزتم ، از اشیانم می رود او می رود سوی عدو، خواهم روم دنبال او منزل به منزل کو بکو، نام و نشانم می رود ای ساربان لختی امان من مانده ام بی جسم و جان دنبال آن سر روان پیر و جوانم می رود هر زخم تیر و خنجری بر پیکر او میرسد گویی که زخم نیزه ها در استخوانم می رود او می رود دامن کشان ، من ماندم و درد نهان از دست قوم بی امان دارالامانم می رود او شاهکار خلقت و مدهوش بزم وحدت است مهر سراپا رحمتم کز اسمانم می رود

عباسم و به این شه بی یار یاورم من نوکر حسینم و سردار لشگرم این امتیاز در همه عمر من بس است از کودکی نمک خور زهرای اطهرم در جستجوی آبم و قصدم جدال نیست در هر مقام مجری فرمان رهبرم از کثرت حریف مرا هیچ باک نیست من وارث شجاعت فتاح خیبرم من گر چه تشنه ام به لب آبی نمی زنم در آب من نظاره گر نقش دلبرم این آب را اگر برسانم به خیمه ها دیگر خیال این سر و جان نیست در سرم رحمی به شیرخواره کنید و به مادرش باید که آب را برسانم به اصغرم اندیشه ای به عاقبت کار خود کنید یک مشک بیشتر که ز دریا نمی برم هرگز بدون آب از اینجا نمی روم یا اب می برم به خیم یا نمی روم #محمد_هوشمند #مدهوش @hushmand

. بسته شدن راه فرات او گون که اهل جفا سو یولونی باغلایلار بنات فاطمه نین سینه سینی داغلادیلار قوتاردی خیمه ده سو اصغر اود دوتوب یاندی رباب اصغره باخدوقجا یاندی اودلاندی سکینه تاپمادی سو بس دولاندی اخیامی گلیب حضور ابوالفضله الده سو جامی او شاهزاده ادبله ازل وئروبدی سلام شیرین دیلیله بو نوعی ائدیب ادای کلام سلام اولا سنه ای لشکرین علمداری سلام ای بابامین غم گونونده غمخواری سلام اولا سنه ای صاحب علم عموجان سلام اولا سنه ای صاحب کرم عموجان سلام اولا سنه ای آل حیدره سقا دخیلیوم عموجان ائیله حاجتیمی روا کرم و فضلیده سن بی بیکرانه دریاسن فدا اولوم آدیوا اهلبیته سقاسن فدا بو جانیم عموجان ایکی اوزون قولوا علاج ائیله سوسوزدان آلیشدی آلعبا غبار محنت و غم قلبیمین باشین بورویوب نظاره ائیله نئجه گور دوداقلاریم قورویوب جفا خدنگی بو صحراده قلب زاری دلیر آنام رباب باخور اصغره فغانه گلیر هامی سوسوزدی غم غصه دن اولوب بی تاب ولی یاخین دی اوله غم دن اول حمیده ماب بونی عمو بیلیرم فن رزمه داراسن فراتی آلماقا وار قدرتین تواناسن اووزون بیلرسن عمو یوخ سو مشک لر بوشالیب دوشوب فشاره علی اصغرین غمی چوخالیب اوتانوری دییه دردین سنه رباب عموجان عطشدن اولدی گوزل قارداشیم کباب عموجان سو یوخدی سوز عطشدن اورکلر اودلانوری علاج ائله که هامی قیزلار اود دوتوب یانوری اجازه آل گوتوروب مشکیوی جهاد ایله بو دلشکسته لرون خاطرینی شاد ایله سپهر غمده سولوب دی صفالی اولدوزلار سو جامی الده نوایه گلیب بالا قیزلار اماندی دردیمه لطفیله چاره ائیله عمو یاخیندی قارداشیم ئولسون داخی تاپیلموری سو آنام رباب باخیر اصغره اورک داغلیر علاجی یوخدی آچور هی قماطینی باغلیر صحابه قیزلاری یکسر قوناق گلیب دی منه تیکب گوزون هامی اهل حرم بو چولده سنه جواب گوروب سکینه نی جام الده حضرت عباس خجالتیندن آلیشدی یانیب او اشجع ناس آلیب قوجاقه او نازلی قیزین اوپوب یوزونی نوازش ائیله دی پاک ائتدی آغلیان گوزونی دئدی بالا بو قدر قلب زاری یاندیرما خجالتیم منه بسدی داخی اوتاندیرما بو چولده سو یولونی باغلیوبلار اهل جفا اورگیمی غمیله داغلیوبلار اهل جفا اوشاق بیوک هامینین دردینی قیزیم بیلورم خجالتیم دن اوزوم غصه مرگ اولوب اولورم سحر آچیلسا امیریم دن اذن اولسا اگر عمون سو آلماقا خاطر تمام سعیین ائدر داریخما نازلی بالا مشگیمی گوتورم من خیامه ممکن اگر اولسا سو گتیرم من سویون یولوندا جهاد ائیلیوب قانا باتارام سو اولماسا داخی گوزدن بو عالمی آتارام بو قدری آغلاما گلمه فغانه ای گل یاس واریمدی قدرت هله اولمیوب عمون عباس گلنده اصغر آدی قان اولور منیم اورگییم ربابین حالینه چوخ چوخ یانورمنیم اورگییم

دار دونیاده اوشاق هر بیر ائوین زینتی دی آنانین عزتیدی مونس و همصحبتی دی صالح اولاد بهشتین گلی ، حق رحمتی دی اوشاقین هر ایشی خوشدی، یئتیره ر قلبه صفا ساخلار هر لحظه سینی دفتر ذهنینده آنا تله سر هر آنا کورپه بالاسی تئز دیل آچا گول تیکر قونداقینا ، گلشن عومری گول آچا آرزو ائیلر اوشاق یول گئده، آهسته قاچا بالاسین شام و سحرگوزلری تک گوزلر آنا جانینی هر نه بلا گلسه سپر ائیلر آنا گرم بسترده بالا راحت اولوب یاتسا اگر اوز خیالینده آناسی اوتوروب نقشه چکر پر آچار روحی زماندان ائیلییر فوری گذر آرزو ائیلر اولا کاش اجلدن مهلت اولا اولادینه دونیا بویی خوش گون قسمت آنادا اولماز اوشاقین غم و اندوهینه تاب آنانین قلبینی ائیلر بالانین دردی کباب بیلمیرم کرب بلاده ، نئجه صبر ائتدی رباب هر نقدری بالاسین اوخشادی یا ییرقالادی یاتمادی تشنه بالا دردی غم اوسته قالادی آه او گوندن سویولون باغلادیلار کوفه لیلیر اهلبیتین اورگین داغلادیلار کوفه لیلر ایشه باخ ظلم ائیلییب ، آغلادیلار کوفه لیلر ایچدیله اوز لری حیوانلاری اول دشتیده سو آل پیغمبره سو یوللارینی کسدی عدو عومرونون گلشنینی گوردی خزان بیکس آنا هریانا ووردی اوزون قسمت الی چیخدی بوشا تشنه لیقدان آلیشیب یاندی آنا، یاندی بالا اورگین قانینی قاتمیشیدی هامی اشک لره اولمادی سو نقدر عجز ائیلدی مشک لره اصغرین ایستی هوا قطع ائیلیردی نفسین لحظه لحظه آنانین الدن آلیردی هوسین آنا گیزلنده یانیردی اوجادانموردی سسین هردم آهسته دیوردی نه ائدیم سولدی بالام "شرم قویمور گئدیب عباسه دییم اولدی بالام" چاره سیز قالدی آچیب ، گه بله دی اصغرینی گاه آچیب، گاه قویوب قونداقینا اللرینی گه باسیب باغرینا حسرتله سولان دلبرینی اصغرین غصه سی اهل حرمی ائتدی کباب بو سیاق دا گجه نی صبح ائیلدی غملی رباب دئدی الله نه دی چاره م، بالام آز قالدی اوله شرم قویمور گتیرم دیلده اولان دردی دیله تاپماسام بو گئجه سو گر سارالان غنچه گله عمرومون حاصلینی باد خزان سولدوراجاق چکوری سون نفسین صبحه داخی قالمیا جاق بالا قربانون اولوم ائیلمه بو قدری فغان شرمیدن اودلانیرام آغلاما ای روح و روان یوخ سو اخیامیده اولموش هامی سندن نگران چاره تاپسام سینه می نارغمه داغلامارام بالا راحت یاتا بیلسن الیوی باغلامارام سارالیب رنگین اوغول بنذیری سولموش چمنه بئله فکر ائتمه کی ارزان وئره جک لر سو سنه گل داخی ایستمه سو سن بالا رحم ائله منه قورخورام دردیمی بو لشکر کین چوخلییالار بچه آهو کیمی سو اوسته سنی اوخلییالار علی یاندیرما منی یوخ سوا هیچ یئرده گمان گر تاپیلسا بیر ایچیم سو اولاجاق قیمتی قان سویون اطرافین آلیب دورت مین عدو الده کمان بختیمن اولدوزی آز قالدی جفائیله باتا قورخورام گر سوا گتسون سنه دشمن اوخ آتا یات بیر آز سینه مین اوسته بالا چالما ال ایاق ایش چتیندی هله صبر ائیله بیر آزدا بو سیاق سوزوری خرداجا گوزلر ائلییور صبریمی طاق آغلاما سینمه باخدوقجا اوتاندیرما منی شرم دن اودلانیرام سن داخی یاندیرما منی بئله فیکرائیله میشم آلتی آیی اوز اوزمه اصغر یم دیل آچاجاق، سوز قاتاجاق دی سوزومه نه قادان اولسا رضایم گله الان گوزومه گله ایکاش غمین بو دل و بو جانه علی تاپمادیم سو اوزومی ویرمیشام هر یانه علی بیر امیدیم وار اگر وئرسه امان دست قضا قدرتی وار عمون عباس قشوندان سو آلا گئجه وقتی آپاروم دیلده کی دردی من هارا باجیلارعمه لرین وئردی سنی الدن اله وای منه گوز قاباقیندا بالام آز قالدی اوله دییه بیلمه م کی نه حالیله گئجه اولدی سحر یاندی هر کیمسه او دلسیز بالایا ائتدی نظر تشنه لیق ائتدی ربابین ثمر عمرین هدر او قدر آغلادی اول سودامرون باتدی سسی گوز آچیلمیردی فقط بیر جه قالیردی نفسی آتش شرمییله اودلاندی علمدار وفا هی باخیب تیغینه قولارینه ائیلوبدی نوا صبح آچیلسا منه گر اذن وئره جنگه آقا منده اوز قدرتیمی جنگییده اعلان ائدره م یا گتیرم سو و یا جانیمی قربان ائدره م گئجه نی صبحه کیمی یاندی غمه اهل حرم دولانیب خیمه لرین دوره سینی الده علم سسین آلدوقجا علی اصغرین اول کان کرم غیرتی جوشه گلیب صبر ائلییب دلده نوا شرمیدن سو سوز ی گلدوقجا یانیب دوندی سووا

وار یئری عالم گله افغانه تاسوعا گونی کشتی عترت دوشوب طوفانه تا سوعا گونی وار یئری دگسین بو گون نقش عوالم بیر بیره چکدی شمشیر عداوت امتی پیغمبره آز قالیر توکسون حسینین قانینی اعدا یئره میزبان سو وئرمه دی مهمانه تاسوعا گونی کوفه دن قان توکماقا تجهیز اولور لشگر گلیر کربلایه هر طرف دن نیزه و خنجر گلیر زینبه هر بیر طرف دن چاره سیز غملر گلیر گوئیا عالم دونوب زندانه تاسوعا گونی حقی باطل دن آییریماق اهلینه چوخ ساده دی جبهه حقه کمک یئتمیش ایکی آزاده دی بو گئجه قان توکماقا شمر دغا آماده دی اود سالیب دیر عالم امکانه تاسوعا گونی هر ایکی لشکر قیلیر بیر کعبه یه گرچه نماز بیر طرف نور حقیقت دیر بیری اما مجاز بیر طرف سیم و زر اهلی بیر طرف اهل نیاز کورپودور فردوسه یا نیرانه تاسوعا گونی غم دوتوب کرب بلانی حشر اولور گویا بپا قورخودور آل اللهی مغرور اولوب شمر دغا سسلنیر کیم ائتمه سه بیعت گرک قانه باتا یوخدی امنیت داخی بیر جانه تاسوعا گونی گر چه ائلییور لشگری کفری حقه دعوت حسین عالم عالیم دیر یزیده ائیلمز بیعت حسین باش وئرر وئرمز ولی فاسق لره فرصت حسین تا یئتیرسین امتی سامانه تاسوعا گونی وار هله فرصت باخا لیلا علی اکبره دمبدم لایلای چالیر قیزلار علی اصغره آیری عالم دیر چاتیب گویا بو دنیا اخره آز قالییب دیر موسم هجرانه تاسوعا گونی هر کیم ایستیر که یئتیش سین کربلا میدانینه هر کیم ایستیر که قانین قاتسین حسینین قانینه هر کیم ایستیر که محک وورسین اوزی ایمانه وار یئری چکسین اوزون میزانه تاسوعا گونی هر کیم عاشیق دی حسینه فکر جان ائیتمز بوگون رهبری حتی گوتورسه بیعتین گئتمز بوگون هیچ عبادت معرفتله بیعته یئتمز بوگون بیر بیوک تفسیر دیر قرانه تاسوعا گونی روز تاسوعادی درده آشنا عباسیدور ملجأ اهل حرم صاحب لوا عباسیدور معنی عهد وفا صدق و صفا عباسیدور نه گوزل ائتدی وفا پیمانه تاسوعا گونی شیعه تاسوعا گونی قاره گییر ساخلار عزا کیم ده واردیر معرفت عباسه ائیلر اقتدا یا حسین کیم سسله روحی تاپار ذوق و صفا وار کیمین دردی چاتار درمانه تاسوعا گونی هر ایل ایام محرم دیلده غملر جوش ائدر بیر گلستاندور که هر بیر بلبلی مدهوش ائدر چون حسین عشقی جهنم آتشین خاموش ائدر عشقیوی چک نظمه یاز دیوانه تاسوعا گونی فرا رسیدن تاسوعا و عاشورای حسيني را به محبین اهلبیت س تسلیت عرض می کنم و از محضر شما عزاداران التماس دعا دارم خاکپای عاشقان حسيني محمدهوشمند(مدهوش) کانال اشعار @Hushmand

دئيوم احكام قرآني، قالان قالسين گئدن گئتسين بيلین اوضاع میدانی قالان قالسين گئدن گئتسين --------------------- دوتوب تصميم سعد اوغلي، سحر بو چولده جنگ ائتسین چكيب شمشيريني چوخلار مقام و منصبه يئتسین گوتوردوم بيعتي منده آچيقدير يول گيدن گئتسین تانيتديم كفر و ايماني، قالان قالسين گئدن گئتسين ------------------ بو صحراي بلا ايچره جدال حق و باطل دیر ائده دينه حمايت كيم رضاي حقه شامل دیر بو آز جمعييته اما نئچه لشکر مقابل دیر قالا هر كيم آخار قاني، قالان قالسين گئدن گئتسين ------------- منه آيدين دي بو لشگرده قورتارماز عداوت وار سحر بو چولده قان درياسي اوضاع قيامت وار سه شعبه اوخ قلنج ،عطشان دوداقيله شهادت وار بوياللار قانه مهماني، قالان قالسين گئدن گئتسين ---------------- اولون آگه سحر رحم ائيلمز بو قوم بد طينت جفاده نقص قويمازلار جهاني دولدورار وحشت باتار قانه مجاهدلر يانار خيمه اولار غارت سوياللار خردا طفلاني قالان قالسين گئدن گئتسين -------------------------- امير دين اولا هركيم جسارتله فساد ائتمز عمل احكام قرانه يزيد بد نهاد ائتمز تقيه آدينه ايمدي او كسلر كي جهاد ائتمز ائده ر مظلوم قرآني قالان قالسين گئدن گئتسين ---------------- ائده لر حقّي ناحق قويمارام تا كي شهادت وار اگم باش ذلّته حاشا عليدن بيزده غيرت وار بو قانلي خطّين اوستونده ايكي عالمده عزت وار گرگ بذل ائيليم جاني قالان قالسين گئدن گئتسين --------------- حقيقت عرصه گاهينده قوي بير لشگريم واردير شبيه حضرت طاها علي اكبريم واردير بيان حق ائده ديلسيز علي اصغريم واردير گوزتلير قانلي پيكاني قالان قالسين گئدن گئتسين --------------- حريفيم چوخ قوي پنجه گليب بيرحم و ناكس دي گئدن اولسا بئله فيكر ائتمسین بو شاه بيكس دي منيله صبحه جك قالسا علي اصغريم بس دي بو حقین شرح و برهانی قالان قالسين گئدن گئتسين ------------ منيله قالسا هر كيمسه گرگ عشقه سفير اولسون تانيسین باطل و حقي اموراته بصير اولسون اوزي اوز اختيارينده شهيد اولسون اسير اولسون گرگ آتسين بو دونياني قالان قالسين گئدن گئتسين ------------- اله جان رشته سين عشاق آليب عالي مرام اوسته حساب اوسته كتاب اوسته حلال اوسته حرام اوسته گلر بير گون قيام ائيلر بالام مهدي قيام اوسته قصاص ائيلر بو دوناني قالان قالسين گئدن گئتسين ---------------- منه خاطير گليبدي كوفه و شاماتيدن لشگر سيزيله ايشلري يوخدور گيدون بو دشتيدن يكسر بوراجان راضييم سيزدن رضا سيزدن اولا داور سوزومون اولدي پاياني قالان قالسين گئدن گئتسين ------------------ عيار عشقيدن كامل چيخيب مردان آزاده خلوصيله هامي بزم وصاله اولدي آماده اولوب #مدهوش عشق اهلی گلیب بیر یولدا فریاده قبول ائتدوق بو پيماني، قالان قالسين گئدن گئتسين

لینک گروه تشکل مذهبی الغدیر سراب در ایتا https://eitaa.com/joinchat/2585264347C8a4cbfacb4 پایگاه اطلاع رسانی هیئت های هفتگی ازکلیه مداحان و شعرا و مستمعین استدعا داریم واردگروه بشوند تادرخدمت شریف شما انجام وظیفه کنیم

دیار کربلاده آچدی بیر غملی حکایت اوخ وروب دیر قلب تاریخه ساغالماز بیر جراحت اوخ اوخین یوخ اختیاری الده نه جای مذمت وار کماندارین کرگ دیر امرینه ائتسین اطاعت اوخ اولیدی الده امکانی چیخاردی اوز مسیریندن مشیت بیله دیر اما گرک ائتسین اصابت اوخ دیار کربلاده بحر غم طغیان ائدن وقته ائدیدی زینبین ای کاش احوالین رعایت اوخ عمر سعد ایسته دی اوز ذات ناپاکین عیان ائتسین دوتوب شیطانلاری شاهد اوزی آتدی او ساعت اوخ گلیب هر سمتیدن اوخلار او صحراده که قان توکسون! و یا اینکه گلیردی کعبه نی ائتسین زیارت اوخ؟ یئتیشدی فیض عظمایه فنای شوق یار اولدی کیمه اولدی منای حق ده بیر لحظه قسمت اوخ نه اولدی روز عاشورا، اصابت دن، جراحت دن اورک لر قان اولار گلسه دیله ائتسه روایت اوخ نه لازم دور عمودیله بیری آتدان یئره دوشسون یئخا هر پهلوانی زین دن ائیلر کفایت اوخ نه خوشدور اولسا قاصد اوخ اگر یارین دیاریندان ائدر دیلده اولان اندوه هجرانه طبابت اوخ اورک آیینه سین دن دگسه داش تک سیندیرار قلبی باجی قارداش آراسیندا سالار درد فراقت اوخ بیرین سالدی ایاقدان تا قیامت باغریقان ائتدی بیرین اما یئتیردی وصل یاره ائتدی راحت اوخ نقدری وار جفا سنده، یارا سنده، دوا سنده یقین وار وعده ی دیدار و پیغام زیارت اوخ دئئین یوخدور نه جراتله قاناد آچدین ندور تقدیر دانیش دیللن بلیسن وار بو فعلینده نه حکمت اوخ دیردی بیر یارالی سجده ده راز و نیاز اوسته محبت دیر محبت دیر محبت دیر محبت اوخ

بو گئجه عترت پيغمبره آخر گئجه دي تشنه لبلر تلسیر كوثره آخر گئجه دي بو گئجه کرب و بلا دشتی تاپیب آیری صفا وصل معشوقیله دلخوشدی هامی اهل وفا آز قالیر قانیله سیراب اولونا کوی منا تله سیر چاتماقا دل دلبره آخر گئجه دي دولدوروب کرب و بلا دشتنی طوفان وغبار لشگر کفر چکیب خیمگه حقه حصار جذب ائدیب یئتمیش ایکی عاشقی خلوتگه یار بو گجه راهرو و رهبره اخرگجه دی اصغری ایستی هوا بس که سالیبدی خطره خیمه لرده سو تاپیلمور داخی اول صود امره جنگ فرمانی یئتیب تیغلره نیزه لره گلموری هیچ بو گئجه باوره اخر گجه دی گون باتان چاغي اوجالدی قشونون همهمه سی خوف و وحشت یارادیب تشنه لره منظره سی وعده حقه چاتیب ختم پیمبر نوه سی گوئیا فرصت ایکی لشگره آخر گئجه دی شاه علمداريني گوندردي گوره وار نه خبر دئدیلر امر اولونوب اولمیا تا فرصت هدر جنگه آماده اولون ائيلمه سوز بيعت اگر ايستیریق ايش اولا تا يكسره آخر گئجه دي یئتیریب مطلبی سردار حرم رهبرینه شاه امر ائیلدی مهلت آلا سر لشگرینه تا کی آماده اولا گئتماقا حق محضرینه سجده شکر ائده لر داوره آخر گئجه دي امر شاهيله علمدار گئديب مهلت آليب ذكر و قرانه بو آخر گئجه ني فرصت آليب آنالار سينه سيني درد و غم و محنت آليب ائله بیر آز قالیري محشره آخر گئجه دي گئجه نين ظلمتي گيزلتمدي رنج و كدري اورگي ياندي بيليب كيمسه بو غملي خبري دولدورب صبحه كيمي ناله سسي خيمه لري بیلدی لیلا کی علی اکبره آخر گئجه دي دايانیدي بو گئجه كاش كي اولميدي سحر دولدوروب کرب و بلا دشتینی اندوه و خطر بالاسيندان چكه جك ال نئجه آيا ننه لر شانه حسرت قالاجاق تئللره آخر گئجه دي خیمه ده خلوت ائدیب اوز بالاسینان هر آنا درد دل ائیلیری تا غصه هجران آزالا تاپشیریر قویما اوغول تک قالا شاه شهدا گرچه بو فرصت اوغول مادره اخر گجه دی خيمه لردن اوجالير عرشه طرف رازو نياز تشنه لبلر قيلیري خالیقه عشقيله نماز عجب عالمدي بو آخر گئجه ده سوز و گداز حیف اولا بیر بئله یاورلره آخر گئجه دی شاه دین خیمه سینی دوره لییب قوم جفا ولي لبيك دئيوب امرينه اصحاب وفا دئيیر عباس يئمه غم سنه قوربانم آقا اذن وئرسون منه بو لشگره آخر گئجه دي بو گئجه منتظر عاشقلره فرصتدي هله درد دل ائتماقا بیر دم ده غنيمتدي هله يوخدي غم چونكه ابوالفضل سلامتدي هله حیف اولسون او اوزون اللره آخر گئجه دي سحر اما اولاجاق جنگ و جدل بيعت اوچون كسه جك شمر حسینین باشينی خلعت اوچون سالاجاق خيميه يول اهل جفا غارت اوچون بو گئجه گلموري هيچ باوره آخر گئجه دي دئه دي هر كيمسه كي لبيك آليب وصله جواز كيم اولوب عاشق حسينه ائلییور حوريه ناز مجلس اُنسه دگیل مردم بیگانه مجاز دم غنیمتدی دل مضطره اخر کجه دی تشنه لبلر هاموسی آغلیري اصغر غمينه قاليب حسرت بالار بير قوري مشگین نمينه گوز تیکیب لر هامی عباسین اوجا پرچمینه حیف اولسون او وفا گستره آخر گئجه دي بو گئجه اولدي يقين عرصه سحر تنگ اولاجاق حقیله باطل آراسيندا بیر آغیر جنگ اولاجاق قالسا جان قیدینه هر کیمسه اونا ننگ اولاجاق انتخاب ائتماقا خیر و شره آخر گئجه دي التماس دعا #محمد_هوشمند #مدهوش کانال اشعار @Hushmand

َحمایت از هیئات حسینی و مقابله با حرمت شکنان ای نماز و روزه اهلی، یار قران شیعه لر هارداسیز یالقیز قالیب شاه لب عطشان شیعه لر شیعه لر فصل عزا ماه محرم دور گلون باشلانیب شور و نوا ایام ماتم دور گلون فصل احیای شریعت موسم غم دور گلون باغلیاق بیردفعه ده یاریله پیمان شیعه لر ای دیین هر روز و شب یا لیتنا کنا معک آختاریر ایمدی دوباره شاه مظلومان کمک گئی قرا کوینک آقا ، باغلا باجی قاره لچک هارداسیز، بو سیز بو دشمن لر، بو میدان شیعه لر هارداسیز ای شیعه لر بو غمده فریاد ائیلیین ساخلییون دیلدن عزا پیغمبری شادائیلیین دشمنین آمالینی همتله برباد ائیلیین قویمیون فرصت تاپا اولاد شیطان شیعه لر آل سفیان تشنه لب سلطانی ایستیر ئولدوره شمرلر خنجر چکیب مولانی ایستیر ئولدوره ال بیر اولموش عترت و قرانی ایستیر ئولدوره بیزلره دشمن وئریب جنگه فراخوان شیعه لر ائیلییر بیر عده هر یئرده جفا هیئت لره ایستیور هر سمتیدن وورسون یارا هیئت لره قوخمیون هر گون وئرون شور و صفا هئیت لره ائیلین اوز عشقیزی دونیایه اعلان شیعه لر گونده مین رنگه دونور هر گون چالیر بیر نوعی ساز بیربیره ایستور ورا دونیانی خصم حقه باز نه تانیر قدر حسینی بی حجاب و بی نماز قویمیون جولان ائده بو اهل طغیان شیعه لر چوخلاری ال بیر اولوب ییخسین بنای هیئتی گونده بیر شبهه دئیور قاتسین هوای هیئتی سعی ائداق حفظ ائتماقا بیزده لوای هیئتی اتحادیله سالاق دنیایه طوفان شیعه لر بو حسین دریادی گر چه هر نه یی تطهیر ائده ر کیم یزیدی مسلک اولسا لیک اونا وئرمز ثمر صدقیله کیم دامنین دوتسا اولار زیر و زبر موسم خرمن دی، وقت فیض شایان شیعه لر ایستیور دین دشمنی خوار و فتاده هئیتی الده وار برنامه سی چکسین فساده هئیتی سیزده دایر ائلییون چوخ صاف و ساده هیئتی قویمیون هیئتده قالسین عیب و نقصان شیعه لر مدعی سسیز گلیب کوهی پر کاه ائیلسین گونده بیر جلده دوشور تا خلقی گمراه ائیلسین اهل حق لازم دی تا دنیانی آگاه ائیلسین الده لازم دیر اولا منطق له برهان شیعه لر اهل حقین وار یئری قلبین همیشه غم سیخا دین آدیلا ایستیور بیر عده قرانی ییخا قویمویاق صفین اولا قران جدا اوسته چیخا تابع قران و عترت دیر کماکان شیعه لر ای عزا اهلی مقدس دور حسینون پرچمی جلوه ی احکام قران دور سرای ماتمی قویمیون بیر عده قاتسین محرم و نا محرمی سست اولوب آیا نیه بو قدری ایمان شیعه لر هیئتی اولماقدا وار انسلارا چوخ امتیاز گر تولی و تبری اولسا هم سوز و گداز یوخ عزانین خیری گر سردسته اولسا بی نماز وای اگر تعطیل اولا احکام قران شیعه لر چون بیلیر دشمن که امکان یوخ عزا تعطیل اولا ایستیور بزم عزانی ائیلیه بی محتوا محتوا سیز اولسا هیئت ائیلمز درده دوا تربیت تاپسین گرک هییتده انسان شیعه لر ای عزا اهلی بیلین قرآنی هر امره گواه وقت بحران عترت و قران دی محکم تکیه گاه اهلبیتی دانسا کیم ، اوز عمرینی ائیلر تباه بیز قانادیله اوچار ایا قوش هاردان شیعه لر اولماسا گر بیر کسین قران و عترت باوری موقع حساس اولا بیلمز حسینون یاوری واجبات اهلی اولار والله حسینون نوکری دین پیغمبردی هر بیر شخصه میزان شیعه لر شیعه مهدینین یولون گوزلر امام حق بیلر واردی ایمانی که بیر گون منجی عالم گلر کیم زیارت ائیله سه اندوه و غمدن دینجه لر چوخ گوزل دور گر اولا قسمت او دوران شیعه لر

1-6. قان اولان سو عالم امکانه وئرمیش رونق و سامانی سو دونده رر باغ و گلستانه قوری صحرانی سو هر نیین اولسا حیاتی حق سودان احسان ائدیب زندگی ممکن دگیل گر اولماسا بیر آنی سو سو وئرر رونق گلستانه اگر گلسه خزان ائیلییر سرزنده هر بیر تشنه لب انسانی سو جنگیده گر ایچمسه سو پهلوان دیلدن دوشر کربلاده سالدی دیلدن تشنه لب سقانی سو مشکی سالدی چیگننه آلدی اله شمشیرینی گوردی تا دیلدن سالیب دیر عترت طاهانی سو گلدی میدانه مخاطب ائتدی قوم کافری بیلمیسز حق ائلییب مهریه زهرانی سو مرد اولان دعوا ائدر کسمز اوشاق لاردان سویی اولسا انصاف ائیله مز هر مطلبه میزانی سو من علمدار حسینم گلمیشم سو آلماقا تا اولا دونیا بویی سقالیقین عنوانی سو من حسینسیز نیلیریم بو دار دنیا لذتین ایچمرم بیرقطره سین دوتسا اگر دونیانی سو عترت زهرا یانیر گول تک سولوب اهل حرم وار نه خیری ائیلسه سیراب اگر صحرانی سو سالدی پیچ و تابه عطشانلیق علی اصغری نیلسین آیا اناسی اولماسا احسانی سو رحم و انصاف ائیلیین هر سمت دن اوخ آتمیون اولسا گر بیر مشک اولار بو دردیمن درمانی سو هر طرف دن اوخ گلیب سعی ائتدی مشکی ساخلاسین قالدی بو مهر و وفانین واله و حیرانی سو آخ او دم دن مشک اوزی آغلاردی سقا حالینه اوخ دلیب سو آخدی سیراب ائلیییب هریانی سو اولدی سو اوسته قلم بیر جوت اوزون قول سیندی باش آغلادار تا روز محشر حضرت زهرانی سو سسله دی گل داده قارداش اوخ توخاندی مشکیمه هارداسان گل قتلیمه ووردی منیم امضانی سو اولمادی قسمت اولا تکمیل مامورییتم گور نئجه سالدی گوزومدن عالم امکانی سو گل ولی اما دئنن زینب ربابه سویلسین ائیله دی شرمنده اصغردن سوسوز سقانی سو دوازدهم محرم1400 @hushmand

ای قبیله اهلی بو چولده من گلمیشم‌ نوا ائیلیوم گئدیم دفن ائدیم بابامین جنازه سین حقینی ادا ائیلیوم‌ گئدیم ممکن اولمادی دفن ائدم قالیب توپراق اوسته باشسیز جنازه سی غرق اولوب دی دریای محنته ظلم الیله حقین سفینه سی بیلمورم ندن وار بو امتین رهبرینه بو قدر کینه سی شرح ائدیم کرگ قانلی نهضتی ظلمی بر ملا ائیلییوم گیدیم امر حقّ دی هر زمانیده تا قیلا امامه نماز، امام من امام‌ برحق عالمم گلمیشم نمازین اوزوم قیلام سیز منه بیر آز ائیلیون کمک کفن و دفنینی ائیلییم تمام آلتی گوشه بیر طرح، عرش تک قبرینه بنا ائیلییوم گدیم ای قبیله اهلی بو دشتیده چکدی تیغینی لشکر عنید اهل کوفه شمشیر کینیله ائتدیلر بابامی سوسوز شهید دفن ائده م پیمبر بالاسینی ائیلییون کمک قالمیوم فرید اهلبیتین قلبی داغلیدور دردینه دوا ائیلییوم گیدیم بو صفالی گلشنده جمع اولوب هم جوان و هم پیر و شیرخوار کیم قانین وئریب راه حق ده هر ایکی جهان اولدی رستگار باخدوقیجا بو گل بدن لره درد و غم آلیر مندن اختیار برگ برگ بو گللری ییغیم صبریمی فنا ائیلییوم گئدیم نار غم منی یاندیرار یاخار گوزیاشیم دونر قانه آغلارام سو گورنده هر بیر مکانیده من بو تشنه قربانه آغلارام پیکرینده سايسيز یاراسینه سینه سینده پیکانه آغلارام گلمیشم ولا اهلینی بوگون درده آشنا ائیلیوم‌ گئدیم آلتی گوشه بیر قبریده کرگ دفن ائدم عزیز پیمبری حشره جک وئرم من قوجاقینه قبر ایچنده ششماهه اصغری وار سفارشی قبره تاپشیرام بو مکاندا قارداشیم اکبری اولماسا کفن بیر حصیریله دفنه اکتفا ائیلییوم گئدیم @Hushmand

مرا کشانده به مطبخ سرای غم سر تو ببین که آمده بر شهر کوفه مادر تو چقدر داغ تو سنگین شدست بر دل من نشسته خاک بمیرم به روی انور تو به هر کجا که سفر می کنی بهشت من است تنور گشته کنون طور عشق دیگر تو چقدر این سر شوریده امتحان دارد چقدر داده برایت شکوه داور تو زسر گذشتی و سر شد تمام زندگی ات که سر بخاک نهد عشق در برابر تو عدو اگر چه ترا کشته، زنده تر شده است حقیقت و هدف و نام و یاد و باور تو سر بریده تو میهمان اهل جفاست بگو کجاست بمن ای عزیز پیکر تو چگونه آمده ای کو سپاه و سردارت کجاست قاسم و عباس وعون و اکبر تو نگو که شام غریبان نشد عزا برپا گرفت بزم عزا در خیام خواهر تو چه خوش که عشق کند اهل شعر را مدهوش در آن شبی که زند دست عجز بر در تو التماس دعا

مرا کشانده به مطبخ سرای غم سر تو ببین که آمده بر شهر کوفه مادر تو چقدر داغ تو سنگین شدست بر دل من نشسته خاک بمیرم به روی انور تو به هر کجا که سفر می کنی بهشت من است تنور گشته کنون طور عشق دیگر تو چقدر این سر شوریده امتحان دارد چقدر داده برایت شکوه داور تو زسر گذشتی و سر شد تمام زندگی ات که سر بخاک نهد عشق در برابر تو عدو اگر چه ترا کشته، زنده تر شده است حقیقت و هدف و نام و یاد و باور تو سر بریده تو میهمان اهل جفاست بگو کجاست بمن ای عزیز پیکر تو چگونه آمده ای کو سپاه و سردارت کجاست قاسم و عباس وعون و اکبر تو نگو که شام غریبان نشد عزا برپا گرفت بزم عزا در خیام خواهر تو چه خوش که عشق کند اهل شعر را مدهوش در آن شبی که زند دست عجز بر در تو التماس دعا

هر چند نیست این دم آخر مجال تو اکبر ، بیا که سیر ببینم جمال تو یکدم بیا به خیمه کمی درد دل کنیم هر چند نیست این دم آخر مجال تو در خلق و خو، چقدر شبیه پیمبری دل می برد ز صاحب هر دل، مقال تو چون نخل استواری و چون کوه با وقار بس بیکرانه است سپهر جلال تو در باغ عشق، سرو وجود تو دیدنیست نازم به این مجاهدت و اعتدال تو چون شیر با وقار به میدان روانه ای شیرافکنی و شیر من ای جان ،حلال تو با رفتنت بهار مرا می کنی خزان اما برو که هست در این ره کمال تو تا زنده ام ز هجر و غمت ناله می کنم از دل برون نمی رود هرگز خیال تو لب تشنه ای و مادر تو دست خالی است خون داده ام اگر چه به پای نهال تو با هر دقیقه عمر تو ، دارم حکایتی عمرم گذشت در گذر ماه و سال تو در راه حق شهید شدن آرزوی توست طوبی به این بصیرت و طوبی به حال تو با یک نگاه چشم تو صد کاروان دل مدهوش می شود به تماشای خال تو

ای تشنه با تلاطم دریا چه میکنی ای کشتی نجات به صحرا چه می کنی بالا نشین عالم امکان، به روی خاک با شور و حال عالم معنا چه می کنی ای زخمی جهالت یک نسل بت پرست با درد جهل و کینه اعدا چه می کنی از حال خویش با من دلخسته باز گو با زخم عشق و درد و مداوا چه می کنی ای پادشاه ملک ولا لشکرت کجاست بی سر چنین به معرکه تنها چه می کنی بنگر چگونه اهل حرم نوحه میکنند ای مهربان برای تسلی چه میکنی؟ شاعر تمام هستی خود را به عشق باخت با این دل شکسته و رسوا چه می کنی # مدهوش شد هر آنکه زدل گفت یا حسین با قلبهای عاشق و شیدا چه میکنی هوشمند

کیم کول اوستونده وئریب یئر بئله مهمانه اوغول کیم گتوردی باشیوی کوفه ویرانه اوغول سینم اوستونده سنی بسلدیم ای روح و روان ساخلامیشدیم گوزوم اوسته گئجه گوندوز نگران وای منه قانلی باشین گور ائلییوب هاردا مکان دوندریب له نئجه گور باغریمی القانه اوغول نقدر ظلمیده طغیان ائلییوب اهل جفا باشوی تشنه کسیب لر دالیدان وا اسفا پیکرین باشدان ایاقه یارادی نازلی بالا منی دردین گتیریب ناله و افغانه اوغول گلمیشم دیده سی گریان چکیرم حسرتیوی گوزون آچ ائیله بیان باشه گلن محنتیوی کیمه تاپشورمیسان ای شاه جهان عترتیوی یوخدی بیر کس چکه باش زینب نالانه اوغول باشوا وئردیله مطبخده یئر ای ماه لقا گلمیشم دیدیوه بو منزله من دیلده نوا یوخسا زهرا هارا بو منزل بیگانه هارا وای اولا بیر بئله منزل بئله دورانه اوغول آنا قربانین اولا قویما کول اوسته یوزوی نگرانم دیله گل منله دانش هر سوزوی هله فرصت دی اوپوم قانیله دولموش گوزوی بیر ده قسمت اولا هیهات بو پیمانه اوغول بیله تقدیری دی سن جاه و جلاله چاتاسان حقه لبیک دئیوب قانیوه عطشان باتاسان قویماز اعدا سنی بوندان صورا راحت یاتاسان گیده جاق قانلی باشین نیزه ده هریانه اوغول گرچه سو وئرمه دی عطشان باشیوی کسدی عدو تشنه ی جام بلاسن سنه لازم دگی سو لب عطشانیوه حسرت چکیری جام و سبو عالم عطشانیدی بیله لب عطشانه اوغول

احوالات کوفه در پنجاه و هفت بند 1 ای قلم زینت اوچون زینب آدین دفتره یاز عرض اشکیوی قات جوهره جوهره یاز حاجتین اولسا اگر، مشکل آچان اللره یاز سعی ائله مدح و ثنا عترت پیغمبره یاز توشه آختارسان اگر واقعه محشره ياز 2 خانیمی مدح ائلییه م یوخ بیلیرم منده توان زینبین منزلتین شعر ائلییه بیلمز عیان قویوب حیرتده وفا اهلین او بانوی جهان من فقط ایستیره م اوز عشقيمي اظهار ائلییوم روحيمي كوي تولاسينه زوار ائلییوم 3 بئله بير قيز ياراشار حيدريله زهرايه آناسیندان صورا يوخدي اونا بير همپايه یدی معصوم حضوریندن آلیب سرمایه نسل تاريخه نئچه ایل دی ائدیر بيله خطاب كيم حسینه اولا عاشق ائلیيه ر حفظ حجاب 4 گرچي معصوم دگيل عصمته دارادي خانيم فعل و اندیشه ده آیینه زهرادی خانیم یوخدی همتاسی فصاحتده توانادي خانيم قویدی حیرتده ادب اهلینی گفتاریندن وئردی عشاقه نشان دوز یولی رفتاریندن 5 معرفت دفترینه شور و غزل زينبدي عرصه عشقیده بی مثل و مثل زينبدي منطق و همت وسیرت ده گوزل زينبدي حکمت و صبریده فرزانه دی يوخ همتاسي فعل و گفتاری اولوب زین ابین معناسی 6 زینبین رتبه سینه کیمدی عبادتده چاتان وئرمیوب نافله سین فوته او زهرایه نشان آیریلان وقته امام ائیلدی بو سرّی عیان ائیلییب بيله سفارش خانيما میر هدا باجی ائله منیده نافله شبده دعا 7 دهم ماه محرم پوزولوب انجمنی کربلا دشتی اولوب زاده زهرا وطنی آزقالیردی اولا اوخ نیزه امامین کفنی آسمان شرفه جمع ائدیب اولدوزلارینی قهرمان زینبه تاپشیردی آدامسیزلارینی 8 كربلا نهضتينه چونكه بقا لازميدي ائله بحراندا او بانوی وفا لازیميدي اولا بیر کیمسه کفیل اسرا لازمیدی بالاجا قیزلارا یوللاردا پرستار اولدی دیلده غم، باشدا قرا، مونس و غمخوار اولدی 9 جانینه آلدی خانیم کرب بلا محنتنینی گورسیدیب مهر وفا و کرم و همتینی حفظ ائدیب گوزلری تک فاطمه نون عترتینی شرع احکامینی هر یئرده آلیب دی نظره اوزی میندیردی خانم قیزلارینی ناقه لره 10 کوفه و شامه گئدیب محکمه برپا ائله دی هر یئره قویدی قدم دوشمني رسوا ائله دی تا جهان واردي حسين عشقینی ابقا ائله دی ائیلییب سینه سینی راه ولایتده سپر بيله بر باجي نه دنيايه گليب دي نه گلر 11 زينبين همتي عاليدي وئریب عالي ثمر دفع ائديب عترت زهرايه گليب هر نه خطر کوفه و شامه ائدیب باشلارین آردیجا سفر حیف اولا منزلتین بیلمدیلر کوفه لیلر قان اولان قلبینی قان ائله دیلر کوفه لیلر 12 تا شهید ائیله دی قارداشلارینی اهل جفا قان توکن خصمه اسیر اولدی او گون آلعبا کوفیه وارد اولوب قوللاری باغلی اسرا زینبین قلبینی یاندیردی او غم غصه سیخیب باخدی اطرافه گورورب دی هامی پیشوازه چیخیب 13 شهره بیر سالدی نظر ملتي غفلت ده گوروب مدّعی شخص لري قعر ضلالت ده گوورب دردینین چاره سینی مطق و فصاحتده گوورب سیندیریب منزلت زاده سفیانی خانیم دانیشیب خوار ائله دی زاده مرجانی خانیم 14 آفرين زينبه مظلومه ده عزّ و شرفه فرصتی وئرمه دی زهرا گولی هرزه علفه اُسكُتو كلمه سي بير اوخ كيمی دگدي هدفه ائله تاثیر ائلدی صحبتی سسلر کسیلیب حبس اولوب سينه لرين ايچره نفس لر كسيليب 15 گوردولر درده گلیب زینب کبری دانیشیر كلمه كلمه ساليري ديل لره غوغا دانيشير اولمیا شاه نجفدی بئله گویا دانيشير قلبلر مولکونی خوش لحنیله تسخیر ائلییر کسیلن باش اوخویان آیه نی تفسیر ائلییر ادامه دارد بقیه در https://eitaa.com/hushmand/635 @Hushmand

احوالات کوفه قسمت دوم 16 اي دغل باز جماعت بيزي دعوت ائله دوز اف اولا غيرتوزه مكر و خيانت ائله دوز تانیوب حقی ولی كفريله بيعت ائله دوز سيزده يوخ ذره وفا عهديزه پيمانلاريزا ننگ اولا غیرتيزه يئل كيمي ايمانلاريزا 17 سيم و زر توغلادي سیز دینیزی حراج ائله دوز قلب پيغمبري تير غمه آماج ائله دوز حرمين غارت ائدیب معجره محتاج ائله دوز چاغیروب ائیله میسیز مکریله مهمانی شهید الده قران ائله دوز صاحب قرآنی شهید 18 شهريزي چولقاليب خوف و طمع مكر و دغل يئتيشیر هر يئل اسنده سيزين ايمانه خلل ائتمه ديز نامه لريزده يازیلان قوله عمل نفسيزین خواهيشني هر ايشه معيار ائله دیز كفريله ال بير اولوب حقيله پيكارائله دیز 19 وای سیزه فخر ائدیسیز ائله دوقوز ظلم لره خارجی آد قویوسوز عترت خیرالبشره قویمارام قارداشیمین زحمتی گئتسین هدره گر چی قدیم خم اولوب سیزلره حاشا اگیلم ائتمه سم زنده حسین قانینی زینب دگیلم 20 ووروسوز سینه زه چوخ شوقیله کفرون داشینی قان ائديبسيز سيز آنام فاطمه نین گوزياشيني وورموسوز نيزيه قارداشيم حسينین باشيني اوزوزي معره كه ده فاتح ميدان بيليسيز آغلییر عترت زهرا باخيسيز سيز گولوسوز ۲۱ بئله فكر ائيلميین اولدي حسين اولدي تمام قانی آخدوقجا یازیر صفحه تاریخه پیام اولاجاق قطره به قطره قاني اسباب قيام هئچ زامان مقصدینه اهل جفا چاتمیاجاق بو قانین صاحبی الله دی بو قان باتمیاجاق 22 توكمیون باشيميزه كول سیز ایا قوم دغا گولمیون ساخلامیشام قارداشیما دیلده عزا ال پیغمره ائتدوز نیه بو ظلمی روا سیندیریب بیعتیزی ظلمیده طغیان ائله دوز حضرت ختم رسالت جگرین پاره له دوز 23 خانیمین صحبتی اوخ تک ائلیب خصمی نشان حقی نا حق ائلین لر اویانیب لار یوخودان بعضی سی باشه ویریب بعضی لری ائتدی فغان چوخلارا گر چی قضا توبه یولون باغلاردی هر کس اعمالینه دقت ائلیوب آغلاردی 24 آغلیان گوزلرینی گوردی بئله ائتدی خطاب آغلیون حق اوزوی وئرسین سیزه شایسته عذاب توکموسوز قارداشیمون قانینی با قصد صواب کینه لر داشینه سیندیر دوزهدائت چراقین سو کنارینده سوسوز باشینی کسدوز قوناقین 25 وار یئری قان یاغا گویدن یئره طغیانیزدن حق سیزی خوار ائده جاق نعمته کفرانیزدن یاخشی پیشواز ائله دوز یاره لی مهمانیزدن نقدر آغلیاسوز ائیلییه سوز سوز و گداز اولون آگاه کی بیزدن توکولن قانی یوماز 26 آغلییورسوز ولي وئرمز داخی گوزیاشی ثمر هیچ بیلوروسوز کی بو مدت ده بیزه اولدی نه لر ائيليون نيزه ده قران اوخويان باشه نظر گوزلريز وار نه سبب گورموري حق جلوه سيني قولاقيز درك ائلمیر قيزلارينین ناله سيني 27 بئله فكر ائيلمييون خوش سيزه دوران اولاجاق كاخ اميديزي بو شعله آهيم يیخاجاق قوللاری باغلی رقیه م سیزی تختدن سالاجاق بيلین حق اهلي اولر ذلته باش اگمزلر باش وئرن لر اليني بيعت اوچون ويرمزلر 28 زینبم چوخدی غمیم دیلده سولوب دی چمنیم قالدی گونلر قباقیندا شه خونین کفنیم اوخویان نیزه ده قرآنی حسینمدی منیم نیزه باشینده اولوب عشقی منه راهنما یوخسا زینب قولونی باغلیا بیلمز اعدا 29 زینبم دخت علی فاطمه یه ریحانه گلمیشم نی کیمی غمدن نئجه گور افغانه اغلارام شام و سحر تشه اولن قربانه قارداشیم حق دئدی ظلیمله کسوب سوز باشینی قانه غلطان ائله دوز اوغولونی هم قارداشینی

https://t.me/madhooshtabrizi**** احوالات کوفه قسمت سوم 30 حفظ ائديب عزّ و و وقارين هدفه يئتدي خانيم هر يئره قويدي قدم دوشمني خوار ائتدی خانيم قانلی باش هر یئره گئتدی دالیجا گئتدی خانیم داغلی دیلدن دئدی لبیک حسینین سسینه قارداش عشقینده گئدیب اهل جفا مجلیسینه 31 شیرزن همتیله ائیله دی بیر تازه جهاد اوندا کی دعوت ائدیب مجلیسینه ابن زیاد نئجه مجلس هامیسی اهل جفا، اهل فساد گلدی جبرا او یئره دیلده فغان اهل حرم ناشناس حالدا گلیب زینب مظلومه اودم 32 مست قدرت اوتوروب تختیتده اول مرد شرور گوردی قولباقلی گلیر اهل حرم دوتدی غرور دعوت ائتمیشدی قوناق تا ائلییه جشن و سرور چوخ تکبرله باخیردی اونا احسن دییه لر یول گوزتلیردی حرملر اونا عجز ائیلیه لر 33 اسرا وارد اولوب مجلسه چوخ هیبتیله آغلیان آغلامادی مونس اولوب محنتیله دشمنین حربه سینی رد ائیلییب دقتیله ائیلیب حقه توکل اسرا قوخمادیلار تختین اوسته اوتوران ناخلفه باخمادیلار 34 عشقیده صادق اولان نفسینی انکارائیله دی حقین احیاسینه زینب عجب ایثار ائلدی کرکس کوفه نی عنقای حرم خوار ائلدی آلدی سیمرغ وفا جوجه لرین زیر پره اعتنا ائیلمه دی دشمن پر سیم و زره 35 اوج قدرتده زیاد اوغلی اولوب خوار غرض خفّته دوندی غروری چوخالیب دیلده مرض ایستییب آلعبادن او زمان آچسین عوض باخدی بیر خیل اسیرانه بئله ائتدی خطاب بو تکبّرلی خانیم کیمدی بئله ائیلیر عتاب 36 دئدیلر کی آدی زینبدی وفا گوهریدی نبوی زاده دی هم فاطمی هم حیدری دی او کسیک باش کی باتیب قانه بونون دلبریدی اسرا رهبری برج شرفین اولدوزیدی حسنینین باجیسی شیر خدانین قیزیدی 37 اوز خیالینده او نامرد سالیب فرصت اله یوز دوتوب زینبه نحس آغزین آچیب گلدی دیله دئدی حمد آللها کی سیزلری خوار ائتدی بئله سیزی رسوا ائله دی سالدی بلایه باشیوی نئجه گوردون دی گوروم آللهیلا قارداشیوی 38 قهرمان زینب او ساعتده اوزون وئردی نشان ایاقا دوردی شهامتله سوزون ائتدی بیان یوز دوتوب ابن زیاده بویوروب لال اول اوتان گرچی قارداش لاریمی دوغرادی اعدا گورودوم حق یولوندا نه یئتیشدی بیزه زیبا گوردوم 39 تانیمیرسان منی بیل عصمت کبری قیزیام حسنینین باجیسی حضرت زهرا قیزیام نوه حضرت طاها شه بطحا قیزیام سسلنور ماذنه لرده آدی هر گون بابامین ساخلادی دینی ایاق اوسته جهادی آتامین 40 زینیم، زین ابم شاه ولایتدی آتام منبع لطف و سخا ، کان کرامتدی آتام اولین کشته محراب عبادتدی آتام تانییورسیز اسدالله دی یدوالله دی بابام وقف ائدیب عومرونی قرآنیلیه اسلامه تمام 41 زینبم ختم رسل حضرت طاهادی بابام مخزن وحی خدا حکمته دارادی بابام ما خلقدن بولوسوز رتبه ده والادی بابام خلق ائدیب عالمی الله بابامین خاطرینه یارادیب جنتی زهرا آنامین خاطرینه 42 حق یولوندا نه بلا گلسه واریم دیلده رضا بیزه قرآنی وئرن صبریده ائیلیبدی عطا قارداشیم ائیلدی اوز جاننی قرانه فدا بیلیسیز نازل اولوب آیه تطهیر بیزه معدن وحی بیزوخ باش ایک هیهات سیزه 43 فرصتین وار هله حق ائتمز عذابه عجله نئچه گون مسند قدرت ده يئرين خوشدي هله قارداشیم ئولدی گلیب مقصد و منظورین اله بئله فكر ائيلمه بو بزمه اسيرم گلديم قانلي نهضتده شهيدانه سفيرم گلديم 44 زینبم باخما یانان قلبیمه آغلار گوزومه بیلمیشم حق دئماقی منده فریضه اوزومه یانیرام قافیه و سجع قاریشماز سوزومه تیغله گلشن پیغمبری ویران ائله دیز بیربه بیر ائللریمی قاننه غلطان ائله دیز 45 یاندیرار قارداشمین نیسگلی هر لحظه منی قالدی توپراقلارین اوستونده کفن سیز بدنی کهنه پیراهنی ده قالمادی اولسون کفنی اللره دوشدی باشی اولدی کول اوستونده قوناق یانورام سن وروسان قانه باتیر قانلی دوداق 46 اي شقي ظلم ائليیوب قلبمي يانديرما بئله قارداشیم یاره لیدی قانه بويانديرما بئله باخیري قيزلاري اول باشه يارا ويرما بئله او دوداقلار كي ووروسان اوني پيغمبر اوپوب هم آنام فاطمه هم شير خدا حيدر اوپوب 47 زینبین منطیقینه قالمادی دوشمن ده جواب بیلدی دریا قاباقیندا دایانا بیلمز حباب ایسته دی بلکه چکه ضعفینه مجلسده حجاب دئدی جلادیم هانی خدمت شایان ائله سین زینبی قارداشی تک قانینه غلطان ائله سین 48 اسرا گوردی زیاد اوغلی ائدیر ظلمین عیان هاموسی دوردی ایاقه ائلدی آه و فغان مجلسین اهلی بو تصمیمنه اولدی نگران اسرا دوردی ایاقه خانیمی دوره لدی دوشمن دینی او مجلسده خدا خوار ائله دی 49 سیندی مجلسیده زیاد اوغلی قالیب خفتیله زینبین قلبینی یاندیردی ولی محنتیله اسرا جمعینه بیر ائتدی نظر دقتیله باخدی سجاده دئیوب قافلیه محرم سن یوخ حسین بن علینین قالانی، سن کیم سن ادامه در @hushmand