من باجی بو دشته مهمان گلمیشم
ائتماقا ایفای پیمان گلمیشم
بو یئری جدیم منه وئرمیش نشان
کربلادیر آدی ای روح و روان
بوردا دوغراللار منی بو کوفیان
دین حقه وئرماقا جان گلمیشم
کربلادیر کوی جانان دور بو یئر
قبله گاه اهل ایمان دور بو یئر
خیمه گاهیم اودلانان یئردور بو یئر
اولماقا قرانه قوربان گلمیشم
دشمنیم قتلیمده عنوان آختارور
دل هوای وصل جانان آختارور
اصغریم اوچ شعبه پیکان آختارور
ائتماقا دنیانی حیران گلمیشم
ائیلسون بو دشته دقتله نظر
غملیدیر واردیر بلاسی سربه سر
دینه خاطیر ائیلدیم منده سفر
الده وار محکم بیرعنوان گلمیشم
دین یولوندا اکبریمدن گچمیشم
باش و جاندان پیکریمدن گچمیشم
اکبریمدن اصغریمدن گچمیشم
تا قالا پاینده قران گلمیشم
بو فراتی کی آخیر هر بیر یانا
آز قالیر کی شرمیدن دونسون قانا
بو سو اوستونده باتار سقا قانا
آگهم واردور نه طوفان گلمیشم
توپراقی چوخ آشنادیر سربسر
بیز قوناق گلدوک نئچه شام و سحر
واردی طور عشقیمه حق دن نظر
آلماقا بیر فیض شایان گلمیشم
منجلی دور صحبت قالو بلی
همقسم دور منله یئتمیش بیر فدا
تک تکی داغ مثلی محکم باوفا
وئرموشم حقه فراخوان گلمیشمم
صبر ائله بو چولده ای والا گهر
با صفادور دولدوورب گرچه خطر
من شهید اوللام ائدرسن سن سفر
کوی عشقه الده برهان گلمیشم
#هوشمند
#مدهوش
#بوی _محرم
کانال اشعار
@hushmand
با عرض سلام و ادب و احترام و آرزوی سلامتی و سربلندی
به همه اساتید و دوستان حاضر در کانال ،و خدمت اساتید بزرگوار مدح و مرثیه و شعرا و سروران عزیز ،
به دوستان بزرگوار که تازه به جمع ما پیوسته اند
🌴🌹🌹خیر مقدم می گویم🌹🌹🌴
و از اساتید معزز و شعرای عزیز و مداحان اهلبیت علیهم السلام حاضر در کانال و همچنین دوستان مداح که از کشورهای دیگر هستند تشکر می کنم
و برایتان آرزوی سلامتی و توفیق دارم حضور شما بزرگواران به ما روحیه می دهد و انگیزه ما را زیاد می کند
و
امیدوارم با نکته نظرات و حمایت خویش بنده را در این مسیر یاری فرمایند.(مخصوصا اشتباهات تایپی)
دستبوستان هستم و از تک تک بزرگواران التماس دعا دارم
🌴انتقادات و پیشنهادات را با کمال افتخار می پذیرم
💐1k💐
ID: @M_hushmand ارتباط با ما
۰۹۳۷۵۸۹۱۱۶۹
با تقدیم احترام
محمد هوشمند (تخلص مدهوش)
لینک کانال اشعار
به کانال خودتان بپویندید و به دوستان معرفی فرمایید
👇👇👇👇👇👇👇👇
https://eitaa.com/hushmand
🌹🌹🌹لطفا همه مطالب کانال را مرور بفرمایید🌹🌹🌹
ابتدای مطالب کانال
https://eitaa.com/hushmand/80
اشعار شاعر اهل بیت(ع) کربلایی محمد هوشمند (مدهوش)
☘️🍀☘️🍀☘️
کپی و انتشار اشعار با ذکر منبع بلامانع است
🌸🌸🌸🌸🌸🌸
از لطف و محبت همه شما بزرگواران و عزیزان سپاسگزارم
سربلند و سلامت باشید
حضورتان مایه دلگرمی حقیر است
خاکپای عاشقان اهلبیت علیهم السلام
محمد هوشمند (مدهوش)
عاشقی
هر عاشقي به كوي تو زوار مي شود
با اتهام عشق گرفتار مي شود
خاك درت به دیده دل گنج و كيمياست
هر کس که عارفست خريدار مي شود
هر كس كه کوی وصل ترا مي كند طلب
با نقد جان روانه بازار مي شود
دلهاي عاشقان همه در اختیار توست
هر عشق در سراي تو انكار مي شود
در كوي وصل هر كه كند ادعاي عشق
سر مي دهد به پاي تو سردار مي شود
کی میرسد به بحر وصال تو اشک من
کی راه وصل کوی تو هموار می شود
هرآن به اشك ديده نويسم عريضه اي
از کوی تو عنايت بسيار مي شود
اوراق عشق را چو بخواهم ورق زنم
هر لحظه كربلاي تو تكرار مي شود
بر كلك بي بضاعت من كن عنايتي
تصوير و شرح واقعه دشوار مي شود
ده برگ ماتم تو كتاب محبت است
نام مبارک تو چراغ هدايت است
ادامه دارد..
#محمد_هوشمند
#مدهوش
#بوی _محرم
کانال اشعار
@hushmand
دار دونیاده اوشاق هر بیر ائوین زینتی دی
آنانین عزتیدی مونس و همصحبتی دی
صالح اولاد بهشتین گلی ، حق رحمتی دی
اوشاقین هر ایشی خوشدی، یئتیره ر قلبه صفا
ساخلار هر لحظه سینی دفتر ذهنینده آنا
تله سر هر آنا کورپه بالاسی تئز دیل آچا
گول تیکر قونداقینا ، گلشن عومری گول آچا
آرزو ائیلر اوشاق یول گئده، آهسته قاچا
بالاسین شام و سحرگوزلری تک گوزلر آنا
جانینی هر نه بلا گلسه سپر ائیلر آنا
گرم بسترده بالا راحت اولوب یاتسا اگر
اوز خیالینده آناسی اوتوروب نقشه چکر
پر آچار روحی زماندان ائیلییر فوری گذر
آرزو ائیلر اولا کاش اجلدن مهلت
اولا اولادینه دونیا بویی خوش گون قسمت
آنادا اولماز اوشاقین غم و اندوهینه تاب
آنانین قلبینی ائیلر بالانین دردی کباب
بیلمیرم کرب بلاده ، نئجه صبر ائتدی رباب
هر نقدری بالاسین اوخشادی یا ییرقالادی
یاتمادی تشنه بالا دردی غم اوسته قالادی
آه او گوندن سویولون باغلادیلار کوفه لیلیر
اهلبیتین اورگین داغلادیلار کوفه لیلر
ایشه باخ ظلم ائیلییب ، آغلادیلار کوفه لیلر
ایچدیله اوز لری حیوانلاری اول دشتیده سو
آل پیغمبره سو یوللارینی کسدی عدو
عومرونون گلشنینی گوردی خزان بیکس آنا
هریانا ووردی اوزون قسمت الی چیخدی بوشا
تشنه لیقدان آلیشیب یاندی آنا، یاندی بالا
اورگین قانینی قاتمیشیدی هامی اشک لره
اولمادی سو نقدر عجز ائیلدی مشک لره
اصغرین ایستی هوا قطع ائیلیردی نفسین
لحظه لحظه آنانین الدن آلیردی هوسین
آنا گیزلنده یانیردی اوجادانموردی سسین
هردم آهسته دیوردی نه ائدیم سولدی بالام
"شرم قویمور گئدیب عباسه دییم اولدی بالام"
چاره سیز قالدی آچیب ، گه بله دی اصغرینی
گاه آچیب، گاه قویوب قونداقینا اللرینی
گه باسیب باغرینا حسرتله سولان دلبرینی
اصغرین غصه سی اهل حرمی ائتدی کباب
بو سیاق دا گجه نی صبح ائیلدی غملی رباب
دئدی الله نه دی چاره م، بالام آز قالدی اوله
شرم قویمور گتیرم دیلده اولان دردی دیله
تاپماسام بو گئجه سو گر سارالان غنچه گله
عمرومون حاصلینی باد خزان سولدوراجاق
چکوری سون نفسین صبحه داخی قالمیا جاق
بالا قربانون اولوم ائیلمه بو قدری فغان
شرمیدن اودلانیرام آغلاما ای روح و روان
یوخ سو اخیامیده اولموش هامی سندن نگران
چاره تاپسام سینه می نارغمه داغلامارام
بالا راحت یاتا بیلسن الیوی باغلامارام
سارالیب رنگین اوغول بنذیری سولموش چمنه
بئله فکر ائتمه کی ارزان وئره جک لر سو سنه
گل داخی ایستمه سو سن بالا رحم ائله منه
قورخورام دردیمی بو لشکر کین چوخلییالار
بچه آهو کیمی سو اوسته سنی اوخلییالار
علی یاندیرما منی یوخ سوا هیچ یئرده گمان
گر تاپیلسا بیر ایچیم سو اولاجاق قیمتی قان
سویون اطرافین آلیب دورت مین عدو الده کمان
بختیمن اولدوزی آز قالدی جفائیله باتا
قورخورام گر سوا گتسون سنه دشمن اوخ آتا
یات بیر آز سینه مین اوسته بالا چالما ال ایاق
ایش چتیندی هله صبر ائیله بیر آزدا بو سیاق
سوزوری خرداجا گوزلر ائلییور صبریمی طاق
آغلاما سینمه باخدوقجا اوتاندیرما منی
شرم دن اودلانیرام سن داخی یاندیرما منی
بئله فیکرائیله میشم آلتی آیی اوز اوزمه
اصغر یم دیل آچاجاق، سوز قاتاجاق دی سوزومه
نه قادان اولسا رضایم گله الان گوزومه
گله ایکاش غمین بو دل و بو جانه علی
تاپمادیم سو اوزومی ویرمیشام هر یانه علی
بیر امیدیم وار اگر وئرسه امان دست قضا
قدرتی وار عمون عباس قشوندان سو آلا
گئجه وقتی آپاروم دیلده کی دردی من هارا
باجیلارعمه لرین وئردی سنی الدن اله
وای منه گوز قاباقیندا بالام آز قالدی اوله
دییه بیلمه م کی نه حالیله گئجه اولدی سحر
یاندی هر کیمسه او دلسیز بالایا ائتدی نظر
تشنه لیق ائتدی ربابین ثمر عمرین هدر
او قدر آغلادی اول سودامرون باتدی سسی
گوز آچیلمیردی فقط بیر جه قالیردی نفسی
آتش شرمییله اودلاندی علمدار وفا
هی باخیب تیغینه قولارینه ائیلوبدی نوا
صبح آچیلسا منه گر اذن وئره جنگه آقا
منده اوز قدرتیمی جنگییده اعلان ائدره م
یا گتیرم سو و یا جانیمی قربان ائدره م
گئجه نی صبحه کیمی یاندی غمه اهل حرم
دولانیب خیمه لرین دوره سینی الده علم
سسین آلدوقجا علی اصغرین اول کان کرم
غیرتی جوشه گلیب صبر ائلییب دلده نوا
شرمیدن سو سوز ی گلدوقجا یانیب دوندی سووا
#محمد_هوشمند
#مدهوش
@Hushmand
هدایت شده از سیدداود روحانی اصل
💠 جهاد تبیین: فرد اصلح کیست و چه ویژگیهائی باید داشته باشد ؟!
❇️ بیشترین تکرار مقام معظم رهبری و فرماندهی معظم کل قوا مدظله العالی از ویژگیهای نامزد اصلح در طول ۲۸ سال گذشته :
🔺۳۳ مرتبه : مدیریت اجرایی قوی
🔺۳۰ مرتبه : شیوه تبلیغات صحیح
🔺۲۸ مرتبه : پایبند به مبانی
🔺۲۱ مرتبه : خستگیناپذیر و جهادی
🔺۲۰ مرتبه : صمیمی و خدمتگزار مردم
🔺۱۹ مرتبه : استکبار ستیز و شجاع
🔺۱۸ مرتبه : دارای ایمان و تقوا و توکل
🔺۱۶ مرتبه : پرهیز از بداخلاقی انتخاباتی
🔺۱۵ مرتبه : شناخت نیاز و درد جامعه
🔺۱۱ مرتبه : دارای تدبیر بصیرت و برنامه
🔺۱۱ مرتبه : مبارزه با بیعدالتی
🔺۱۱ مرتبه : آرمانها و پیشرفت کشور
🔺۱۰ مرتبه : سادهزیست و غیر اشرافی
🔺۷ مرتبه : التزام به قانون
🔺۶ مرتبه : نگاه به داخل و اقتصاد مقاومتی
🔺 ۵ مرتبه : دوری از فساد، امانت دار
🔺۵ مرتبه : توجه به نظرات و توانایی مردم
🔺۲ مرتبه : صادق و روراست.
✅ جامعه نیازمند تبیین و آگاهیست
#همگام_با_امام_خامنهای 🇮🇷✊🏻
https://eitaa.com/joinchat/2511864164Cc5ed8ddad1
خسرو خوبان
ای شه خوبان حسین
عالمه سلطان حسین
جلوه ی جانان حسین
جان سنه قربان حسین
روحیمین ریحانی یا حسین
دردیمن درمانی یا حسین
یابن الزهرا مولا حسین ۲
بنده یزدان حسین
ناطق قران حسین
صفحه تاریخیده
مهر درخشان حسین
قرانی پاینده ساخلادین
دنیاده حقی زنده ساخلادین
یابن الزهرا مولا حسین ۲
نور هدایت حسین
جلوه ی غیرت حسین
ظالمه باش اگمیین
کان شرافت حسین
ظالمه دست بیعت وئرمه دین
دشمن دینی رسوا ائيله دین
یابن الزهرا مولا حسین۲
عاشق نیکو حسین
ملته الگو حسین
مست ائلیین عالمی
گلشن خوشبو حسین
زهرای اطهرین دلبری
بهشت جاودانین سروری
یابن الزهرا مولا حسین ۲
عالمه رهبر حسین
شافع محشر حسین
بند دل فاطمه
جان پیمبر حسین
نشان عزت دیر پرچمین
مکتب غیرت دیر ماتمین
یابن الزهرا مولا حسین۲
گلدیم عزا ساخلیام
نوحه دئیب اغلیام
محنتیوی یاد ائدیب
سینه لری داغلیام
ایللردی قاپیندا نوکرم
شوقیله آدیوی سسلرم
یابن الزهرا مولا حسین ۲
ائتمه منی نا امید
گلدیم اولام رو سفید
سنسن آقا شیعیه
حشریده باب امید
هر ایکی دنیاده رهبریم
پناهیم شافع محشریم
یابن الزهرا مولا حسین ۲
باخ آقا بیر حالیمه
غصه لی احوالیمه
ائیله نظر اربعین
من چاتیم امالیمه
اورکده حسرتیم وار آقا
لطف ائیله وئر برات کربلا
یابن الزهرا مولا حسین ۲
ماه محرم گلیب
ماه عزادور آقا
مونسیمیز اون گونی
آه و نوادور آقا
غمینده سینه میزی داغلاروخ
یاناروخ شمع کیمین آغلاروخ
یابن الزهرا مولا حسین ۲
اوخلادیلار اصغری
دوغرادیلار اکبری
ظلمیله عباسوین
اولدی قلم اللری
قان ائتدی تیر غم اشکینی
نشان ائتدی عدو مشکینی
یابن الزهرا مولا حسین 2
گر چی قرادیر یوزوم
چوخدی اورکده سوزوم
بیر الی بوش نوکرم
وار کرمینده گوزوم
عشقونله اولموشوخ آشنا
دردیمیز وار اورکده قیل دوا
یابن الزهرا مولا حسین ۲
#محمد_هوشمند
#محرم
@hushmand
🔸
کل مشارکت ۳۳۸۹۶۵۴۱ نفر
پزشکیان ۱۷۶۵۴۱۷۹ رای
جلیلی ۱۳۱۴۸۹۶۳ رای
تایید نشده
روحیم دوشوب تلاطمه امنیت آختارور
گرداب غمده گوهر پرقیمت اختارور
موج ائیلیور گوزوم ده اورک قانی دمبدم
گوز کاسه سی دولوب بوشالا رخصت آختارور
صرصر اسوب چمن سارالیب سولدی لاله لر
بو خسته جان دعا ائدراق نعمت آختارور
واضح دئیوم اورک یانیری نار حسرته
گوزلر حسینه آغلاما هئیت آختارور
عشق حسین تازه لنور دیلده ایل به ایل
بزم عزانی گور نئجه بو ملت آختارور
نومید اولمیوب بیری بو آستانه دن
هر کس ییخیلسا بو قاپیا عزت آختارور
هیچ داستاندا عشق حسینین مثالی یوخ
دنیا بویی بو عشقی هامی خلقت آختارور
صدقیله گلسه کیم اوجالار شان و شهرتی
آخرده خوار اولار ولی کیم شهرت آختارور
افتاده گل غرور و منیت دن اول اوزاق
دیوان عشق قاضی سی، خوش نیت اختارور
شاعر بیلیر که مدح ائلیینمز حسینی، لیک
شعری بهانه دور، کرم و خلعت آختارور
هر کیمسه نی قبول ائلسه شاه تشنه لب
خوش حالینه او اهل دلی جنت آختارور
کیم بولسه قدرینی اوزینی خوار ائیلمز
سالم یاشار حسینچیلیقا هیبت آختارور
هر کیم حسینچی دور گرک اهل نماز اولا
شیعه اولان شریعته جدیت اختارور
حق اوسته باتدی قاننیه سلطان دین حسین
احکام دینه شیعه اودور دقت آختارور
کرب و بلانی ایستوری گویلوم داریخمشام
بو خسته جان نه وقت دی که تربت آختارور
جانیم فدا حسین آقامین عشق پاکینه
کرب و بلایه اهل ولا، دعوت آختارور
هر کیم حسینچی دور کرگ آزاده مرد اولا
نوکر همیشه شاهینه ، سنخیت آختارور
عباس باخ یئتیردی هارا گور مقامینی
چوخلار گوزل آدین چاغیریب حاجت آختارور
یاد ائیلرم او ساعتی که ابن سعد دون
سو یوللارینی باغلادی چون بیعت آختارور
اما مگر ستمگره بیعت ائدر حسین
کیم ظالمه باش اگسه بلی، ذلت آختارور
بیر بیر بوشالدی مشک لرین قالمادی نمی
سو جامی الده خیمه لری عترت آختارور
عباس اجازه الدی گلوب نهر علقمه
دولدوردی مشکی اصغره بیر شربت آختارور
تشنه فرانی آلدی، چیخیب تشنه لب سودان
بو امره عقل واله اولوب، حکمت آختاریر
دورت سمتیدن سپاه عداوت کسیب یولی
عباس گوز سپر ائلییوب رجعت آختارور
قصدی بودور سویی یئتیره تشنه قیرلارا
ساقی عشق، حق دن اوزی نصرت آختارور
چوخلار یول اوسته الده قلنج ائتدیلر کمین
هر کس وورا اوزون قولا بیر ضربت آختارور
حاصل کسیلدی قوللاری سو مشکی اوخلانیب
تشریح ائدم بو دردی قلم عزلت آختارور
دوتدی یوزون خیامه دئدی داده گل حسین
بو آخرین نفس ده اورک وصلت آختارور
شه خیمه دن نه سرعتیله گلدی مقتله
قارداشی غملی حالیله اول حضرت آختارور
میداندا گوردی لشگر کوفه، شتابیلن
قولسوز وزیری شاه قَدَرقدرت آختارور
میدانی حیرتیله گزور گوز یاشین توکور
قوللار الینده بیر کیچیلن قامت آختارور
گون آی دالیجا سیر ائلییور ائیلسین غروب
یا عرصه گهده یار قمر طلعت آختارور
تا گوردی توپراق اوسته اوجا سروی یاره لی
سیندی بئلی بو امره اورک طاقت آختارور
آلدی باشین دیز اوسته نحالیله بیلمیرم
سسلندی دور اماندی غمیم شدت آختارور
قربان اولوم سنه گوزون آچ منله بیر دانیش
یالقیز گوروب بو قوم منه خفت آختارور
قارداش اویان یامان گونه قویما بو بیکسی
قلبیم سینیقدی سن کیمی هم صحبت آختارور
چارم آزالدی سیندی بیلیم یاتدی پرچمیم
دور حمل ائدیم خیمده سنی ، عترت آختارور
قیزلار سو جامی الده سنون گوزلیور یولون
عطشان دی قیزلاریم بو سودان قسمت آختارور
چوخ زحمتیله آچدی گوزون عرض ائدیب اخا
بیر عمردور گوزوم بیله بیر ساعت آختارور
چوخ افتخاریله سنه جان ائیلیورم فدا
بو آستاندا شاه و گدا دولت آختارور
اولسا اگر قصوریم اقا عفو ائله منی
مندن رضا اول ایمدی که جان رفعت آختارور
ویردیم سو قولی قیزلارا شرمندیم آقا
اولدی قصور نوکرون ، حلیت آختارور
یانام بو درده یوخ دی مروت بو قومیده
اخیامی غارت ائیلماقا فرصت آختاریر
قورخوم بودور اسیر ائدلر اهلبیتوی
دشمن بیزی اسیر غم و محنت اختاریر
عباس هر قدر دانیشب آغلادی امام
باخدوقجا قلبی گوردی یئنه رویت آختاریر
قارداشی دن وداع ائله دی عرصه گاهیده
آگاهیدی جدا او باشی زینت آختاریر
گلدی خیامه سسلدی زینب هایانداسان
غم لشگری بو بیکسیله الفت اختارور
گل زینبم حسینوه بیر تسلیت دئنن
قارداشیم اولدی داغلی دلیم قوت آختارور
عباسیدن صورا بو جهانین نه ارزشی
تئز سال یولا که طائر جان هجرت آختاریر
هر چند شور کرب و بلا اربعین ده دی
#مدهوش او قبر گوشه سینی خلوت آختارور
@Hushmand
1-2. طفلان زینب س
کربلاده زینب علیا جناب
ائتدی عاشورا بیر آیری انقلاب
بیر نظر سالدی وفا بازارینه
کربلانین جلوه لی اسرارینه
گوردی یالقیز عرصه ده قارداشینی
قانه دوندری خانیم گوزیاشینی
گوهر عشقه نه لازمدیر محک
ایستییر قارداشینه ائتسین کمک
ائتماقا تا دینینه دئینین ادا
اذنی وار اوغلانلارین وئرسین فدا
خیمیه دعوت ائدیب اوغلانلارین
تا اوزی سالسین یولا قوربانلارین
شدت غمدن یانیب اولدی کباب
هر ایکی دلداده سین قیلدی خطاب
اي ايكي نورس غزال هاشیمي
سعی و همتله اوجالدین باشیمی
من سيزه شير شهامت وئرميشم
درس عزت ، درس غيرت وئرميشم
تنگ ائدیب اشرار کوفه عرصه نی
سیز سرافراز ائیلیون بو گون منی
قارداشم یالقیزدی ایثار ائیلیون
عشقوزی دلداره اظهار ائیلیون
هر ایکی عالم حسیندور رهبریم
قارداشیمدور سروریمدور دلبریم
سيز شهامتله آنازدان ال چكون
دوشمن دينین بو گون قانين توكون
یادگار جعفر طياريسوز
نسل پاک حیدر کراریسوز
قوخمیون بو لشگر كفاريدن
ایستییون قوت حق داداریدن
حق بيزوک شان و شرافت بيزده دیر
هر ایکی دنیاده عزت بیزده دیر
ايستييورسوز گر آناز اولسون رضا
جان ائدین بو مكتب حقه فدا
کوی عشقه منله باهم یول سالین
سعی ائدون جنگ ائتماقا رخصت آلین
گر اجازه ویرمه سه شاه امم
سیز وئرین مولانی زهرایه قسم
ملک حق سلطانیینه تعظیم ائدین
حق یولوندا جانیزی تقدیم ائدین
الغرض زینب قوتاردی سوزلرین
باغرینا باسدی اوپوب دی گوزلرین
آتش هجرانیله داغلاشدیلار
سس وئریبلر بیر بیره آغلاشدیلار
جامه صبری خانیم چاک ائیلدی
درّ تک گوزیاشلارین پاک ائیلدی
وئردی درسین گورسدیب راه و نشان
محضر شاه حقه ائتدی روان
ایستیوبله همزمان اذن دخول
یار یارین تحفه سین ائتدی قبول
دوردولا ال سینه ده با احترام
وئردیله شاهه وقاریله سلام
عرض ائدیبئله غمدن اولدوق سینه تنگ
گل قبول ائله بیزه وئر اذن جنگ
قیل عنایت ای شهنشاه جهان
تا حضورینده ویراق جانانه جان
اذن وئر بیزده اولاق قوربان سنه
روزگاری تار ائده ک بو دوشمنه
مکتبونده درس عشق اوگشموشوک
جنگه لازم فن و مشق اورگشمیشوک
سینه میز تنگ اولدی شاها قیل نظر
یولا میدانه بیزی قیل مفتخر
دشمنه برپا قیامت ائیلیاق
دین و قراندان حمایت ائیلیاق
گلموشوخ باشیله جاندان گئچماقا
سو یئرینه حلقیدن قان ایچماقا
الغرض دقتله باخدی پادشاه
قالدی حیران چکدی آه اوستوندن آه
باغرینا باسدی ایکی دلداده سین
گورسه دیب مهر و محبت جاده سین
گوردی زینبین قارداشین غرق ملال
عرض ائدیب ای صاحب عز و جلال
غم یئمه ای پادشاه تاجدار
حالیوی پوزما اخا اولما فکار
زینبین جانی اولا قربان سنه
تحفه می قیترمه قوی منت منه
آغلاما جانیم فدا گوزیاشیوه
زینبی قارداش دولاندیر باشیوه
بو ایکی گل که منیم باغیمده وار
اذن وئر اولسون منایه رهسپار
یاندی دیلدن پادشاه انس و جان
اذن وئردی ائیلیب جنگه روان
گلدی میدانه ایکی کوه وقار
سنیده آز رتبه ده والاتبار
باده وصل نگاره مست ومست
هر ایکی ساقی لب عطشان می پرست
پنجه لر قدرتلی چون شیر ژیان
فن اشنا رزمه چون پهلوان
غرق اولوبلار سیرته هم صولته
سالدیلار اهل جفانی حیرته
بیر به بیر کوی وصاله گتدیلر
تا نفس وار خصمیله جنگ ائتدیلر
تشنه لر آب حیاته چاتدیلار
گلدیلر اکبر یانیندا یاتدیلار
خیمیه نعشین گتیردی شاه دین
اولدیلا اهل حرم چوخ دلغمین
گور دی کیم باهم دئدی یولداشدیلار
زینبه جاندیر بولار قارداشدیلار
زینبه گلدی خبر پیشواز ائله
خسته مهمانلار گلیر اعزار ائله
گر چی زینب یاندی سینه داغلادی
گیزلدیب دردین نهاندا آغلادی
سیل غم سرحدّ صبرین ییخمادی
خیمه ده قالدی قباقه چیخمادی
من دئدی قارداشیمی چوخ ایسترم
کاش یوز اوغلوم اولا قربان وئرم
گر چه هر بیر مادره جاندیر بالا
اولمارام راضی حسینیم تک قالا
شکر ائده م لازم دی حی داوره
اغلاسام باجادی اوغلوم اکبره
#هوشمند
#مدهوش
@hushmand
2-60. حر عشق
امد اما غرق آتش بود از کردارخویش
آشکارا حال خود می گفت با رفتار خویش
در دلش بیم و امیدی زنده شد از نار و نور
باخودش اندیشه می کرد از گناه و عار خویش
چشم خود را بسته بود و یگ نگاه تازه داشت
در خیالش هی ورق می زد کتاب کار خویش
دست می شست از هر انچه پایبستش می نمود
از مقام و منصب و از درهم و دینار خویش
از سیاهی سوی خورشید هدی در سیر بود
تا کند روشن دمی چشم و دل بیدار خویش
مادرش نامید حرش وی سراپا حر بود
سعی در دیدار جان میکرد و در انکار خویش
رسته بود از قید نفس و در هوای عاشقی
بال و پر می زد بسوی مطلع الانوار خویش
در سپاه کفر نور حق دلش را خیره کرد
حق و باطل را مشخص کرد با معیار خویش
بسکه از حد و حدود خود تخطی کرده بود
طالب دیدار شد با خجلت بسیار خویش
خوار و افتاده سوی دارالشفا در سیر بود
تا مداوایی کند درد دل بیمار خویش
بر در رحمت رسید و حال خود اظهار کرد
پای شه می ریخت اما اشک گوهروار خویش
کس نگردد نا امید از آستان شاه دین
بر کسی هرگز نمی بندد در دربار خویش
حر از بس مهربانی دید از سلطان عشق
اب شد از خجلت و بوسید پای یار خویش
سوی میدان بازگشت و قلب لشگر را گشود
عالمی را غرق حیرت کرد با پیکار خویش
موعظه میکرد اما هیچ امیدی نیافت
حمله ور شد بر عدو با تیغ اتشبار خویش
بال وپر زد خویش را تا قاف ازادی رساند
جاودانی کرد با ایثار جان اثار خویش
می شود آزاده ازادگان ان بنده که
شاه می بندد به زخم عشق او دستار خویش
پیگرش را اقربایش دور کردند از حرم
ورنه کی فرقی گذارد شاه بر انصار خویش
هر که امد بر مسیر عاشقی مدهوش شد
بر مدار افتاد با خال لب و پرگار خویش
#هوشمند
#مدهوش
@Hushmand
222.2K
سبک شعر با نوای دوست عزیزم جناب عیاری
خسرو خوبان
ای شه خوبان حسین
عالمه سلطان حسین
جلوه ی جانان حسین
جان سنه قربان حسین
روحیمین ریحانی یا حسین
دردیمن درمانی یا حسین
یابن الزهرا مولا حسین ۲
بنده یزدان حسین
ناطق قران حسین
صفحه تاریخیده
مهر درخشان حسین
قرانی پاینده ساخلادین
دنیاده حقی زنده ساخلادین
یابن الزهرا مولا حسین ۲
نور هدایت حسین
جلوه ی غیرت حسین
ظالمه باش اگمیین
کان شرافت حسین
ظالمه دست بیعت وئرمه دین
دشمن دینی رسوا ائيله دین
یابن الزهرا مولا حسین۲
عاشق نیکو حسین
ملته الگو حسین
مست ائلیین عالمی
گلشن خوشبو حسین
زهرای اطهرین دلبری
بهشت جاودانین سروری
یابن الزهرا مولا حسین ۲
عالمه رهبر حسین
شافع محشر حسین
بند دل فاطمه
جان پیمبر حسین
نشان عزت دیر پرچمین
مکتب غیرت دیر ماتمین
یابن الزهرا مولا حسین۲
گلدیم عزا ساخلیام
نوحه دئیب اغلیام
محنتیوی یاد ائدیب
سینه لری داغلیام
ایللردی قاپیندا نوکرم
شوقیله آدیوی سسلرم
یابن الزهرا مولا حسین ۲
ائتمه منی نا امید
گلدیم اولام رو سفید
سنسن آقا شیعیه
حشریده باب امید
هر ایکی دنیاده رهبریم
پناهیم شافع محشریم
یابن الزهرا مولا حسین ۲
باخ آقا بیر حالیمه
غصه لی احوالیمه
ائیله نظر اربعین
من چاتیم امالیمه
اورکده حسرتیم وار آقا
لطف ائیله وئر برات کربلا
یابن الزهرا مولا حسین ۲
ماه محرم گلیب
ماه عزادور آقا
مونسیمیز اون گونی
آه و نوادور آقا
غمینده سینه میزی داغلاروخ
یاناروخ شمع کیمین آغلاروخ
یابن الزهرا مولا حسین ۲
هدایت شده از معاونت فرهنگی و اجتماعی دانشگاه صنعتی سهند
🔺پیام رهبر انقلاب به مناسبت انتخابات ریاستجمهوری
🔹حضرت آیتالله خامنهای در پیامی با سپاسگزاری از همه نامزدها و فعالان عرصه انتخابات بر استفاده رئیسجمهور منتخب از ظرفیتهای فراوان کشور برای آسایش مردم و پیشرفت کشور، در ادامه راه شهید رئیسی تأکید کردند. متن پیام رهبر انقلاب به شرح زیر است:
بسم الله الرّحمن الرّحیم
والحمد لله ربّ العالمین والصلاة والسلام علی سیدنا محمدٍ و آله الطاهرین
سیما بقیّة الله روحی فداه
🔹خدای عزیز و رحیم را سپاس که با اراده و توفیق او ملت بزرگ ایران توانست پس از مصیبت سنگین فقدان رئیس جمهور شهید، در مدت کوتاه قانونی، صحنه انتخابات ریاست جمهوری را سامان دهد و در دو جمعهی پیاپی، انتخاباتی آزاد و شفاف برگزار کند و از میان چند نامزد، با اکثریت آراء رئیس جمهور کشور را برگزیند.
🔹مسئولان محترم برگزاری انتخابات، با شتاب لازم و امانت کامل، وظائف خود را انجام دادند، و مردم عزیز، با احساس مسئولیت به میدان آمدند و صحنهای گرم و پرشور آفریدند و صندوقهای انتخاباتی را در دو مرحله با بیش از ۵۵ میلیون رأی انباشتند.
🔹این حرکت بزرگ در رویاروئی با غوغای دستسازِ تحریم انتخابات، که دشمنان ملت ایران برای القای ناامیدی و بُنبست به راه انداخته بودند، کاری درخشان و فراموش نشدنی است و همهی نامزدهای محترم و همهی کسانی که برای پیروزیِ هر یک از آنان، هفتهها تلاش شبانهروزی کردند در افتخار و ثواب آن شریکاند.
🔹اکنون ملت ایران رئیس جمهور خود را انتخاب کرده است. اینجانب با تبریک به ملت و به رئیس جمهور منتخب و به همه فعالان این صحنه حساس مخصوصاً جوانان پرشور ستادهای انتخاباتی نامزدها، همگان را به همکاری و نیکاندیشی برای پیشرفت و عزت روزافزون کشور توصیه میکنم. شایسته است رفتارهای رقابتی دوران انتخابات به هنجارهای رفاقتی تبدیل شود و هر کس در حدّ توان خود برای آبادانی مادی و معنوی کشور تلاش کند.
🔹به جناب آقای دکتر پزشکیان رئیس جمهور منتخب نیز توصیه میکنم با توکل به خداوند رحمان به افقهای بلند و روشن چشم بدوزند و در ادامه راه شهید رئیسی از ظرفیتهای فراوان کشور بهویژه منابع انسانیِ جوان و انقلابی و مؤمن، برای آسایش مردم و پیشرفت کشور بیشترین بهره را ببرند.
🔹بار دیگر جبهه سپاس بر درگاه حضرت حق میگذارم و به حضرت بقیةالله اعظم روحی فداه درود و سلام میفرستم و یاد شهیدان والامقام و امام بزرگوار شهیدان را گرامی میدارم و از همه نامزدهای محترم و فعالان عرصه انتخابات که در این برهه حساس نقشآفرینی کردند، و نیز رسانه ملی و حافظان امنیت کشور و دستگاههای اجرای انتخابات سپاسگزاری میکنم.
#معاونت_فرهنگی_و_اجتماعی
#دانشگاه_صنعتی_سهند
◀️در کانال معاونت فرهنگی و اجتماعی ما را دنبال کنید.
https://eitaa.com/sutfarhanghi
https://t.me/Sutfarhanghi
عالم امکانه وئرمیش رونق و سامانی سو
دونده رر باغ و گلستانه قوری صحرانی سو
هر نیین اولسا حیاتی حق سودان احسان ائدیب
زندگی ممکن دگیل گر اولماسا بیر آنی سو
سو وئرر رونق گلستانه اگر گلسه خزان
ائیلییر سرزنده هر بیر تشنه لب انسانی سو
جنگیده گر ایچمسه سو پهلوان دیلدن دوشر
کربلاده سالدی دیلدن تشنه لب سقانی سو
مشکی سالدی چیگننه آلدی اله شمشیرینی
گوردی تا سالدی ایاقدان عترت طاهانی سو
گلدی میدانه مخاطب ائتدی قوم کافری
بیلمیسز حق ائلییب مهریه زهرانی سو؟
مرد اولان دعوا ائدر کسمز اوشاق لاردان سویی
اولسا انصاف ائیله مز هر مطلبه میزانی سو
من علمدار حسینم گلمیشم سو آلماقا
تا اولا دونیا بویی سقالیقین عنوانی سو
من حسینسیز نیلیریم بو دار دنیا لذتین
ایچمرم بیرقطره سین دوتسا اگر دونیانی سو
عترت زهرا یانیر گول تک سولوب اهل حرم
وار نه خیری ائیلسه سیراب اگر صحرانی سو
سالدی پیچ و تابه عطشانلیق علی اصغری
نیلسین آیا اناسی اولماسا احسانی سو
رحم و انصاف ائیلیین هر سمت دن اوخ آتمیون
اولسا گر بیر مشک اولار بو دردیمن درمانی سو
هر طرف دن اوخ گلیب سعی ائتدی مشکی ساخلاسین
قالدی بو مهر و وفانین واله و حیرانی سو
آخ او دم دن مشک اوزی آغلاردی سقا حالینه
اوخ دلیب سو آخدی سیراب ائلیییب هریانی سو
اولدی سو اوسته قلم بیر جوت اوزون قول سیندی باش
آغلادار تا روز محشر حضرت زهرانی سو
سسله دی گل داده قارداش اوخ توخاندی مشکیمه
هارداسان گل قتلیمه ووردی منیم امضانی سو
اولمادی قسمت اولا تکمیل مامورییتم
گور نئجه سالدی گوزومدن عالم امکانی سو
گل ولی اما دئنن زینب ربابه سویلسین
ائیله دی شرمنده اصغردن سوسوز سقانی سو
دوازدهم محرم1400
#محمد_هوشمند
#مدهوش
#محرم
کانال اشعار
@hushmand
. ورود به کربلا
گلمیشم بو سرزمینه شوقیله مهمان باجی
وعدگاه وصلیدور وئرّم بو یئرده جان باجی
قیل اوزون درد و غمه آماده ای کان وفا
صبریوی قویما ائده تاراج اندوه و بلا
کربلا دشتی منادی بو جوانلاریم فدا
ائیلرم جانانیمه بو جانیمی قربان باجی
دقتیده باخ بو صحرا وعده گاه عشقیدور
تلّیدن اطرافه بیر باخ شاهراه عشقیدور
عشق محرابی چوخور یئر قتلگاه عشقیدور
باشیمی ذبح ائیلییر قوم عدو عطشان باجی
بو مناده دوغرانار قران یولوندا اکبریم
اللریم اوسته اولار تیره نشانه اصغریم
گر کسیلسه خنجر کینیله باشیم اللریم
ائتمرم بیعت منه حکم ائیلیور قران باجی
من اوزوم آب حیاتم نه غمیم باغلانسا سو
ذره قورخوم یوخ اگر چی دوره می آلمیش عدو
قانلی میداندا اورک قانیله من آلام وضو
تا قالا بو نهضتیم دنیاده جاویدان باجی
من بو یئرده محضر جاناندا وئرم امتحان
یار و انصاریم وئرللر حق یولوندا تشنه جان
نیزه اوستین ائیلیر شامه کیمی باشیم مکان
تا اولا حق و حقیقت عالمه اعلان باجی
قیل اوزون آماده بو فوج بلایه صبر ائله
قارداشین باشسیز دوشن وقته منایه صبر ائله
قیزلاریم گر آغلاسا آه ونوایه صبر ائله
نار غم یاندیرسا قلبین ائیلمه افغان باجی
جلوه ی انوار حق میدان عاشوراده دی
مدفنیم آگاهم ازلدن که بو صحراده دی
نامه دعوت یازانلار قتلیمه آماده دی
اللرینده تیغ و پیکان سسلیور قان قان باجی
کربلا قانلی منادیر هاجری سن من خلیل
بنده سیندن امتحان ایستور بو گون رب جلیل
عاشقه یوخ دور اوز عشقیندن صورا آیری دلیل
جذبه معشوقه دور عشق اهلینه برهان باجی
محمد_هوشمند
#مدهوش
#محرم
کانال اشعار
@hushmand
نقدری موجه گلسون گل تماشا ائتمرم ای سو
عطشدن اودلانیب یانسام دا غوغا ائتمرم ای سو
صولوب دور گلشنیم
غمیم چوخدور منیم
سوسوزدور اصغریم
اگر چه دیل دوداقیم اودلانیر سوز حرات دن
اورکده دردیمی اغیاره افشا ائتمرم ای سو
نقدری ایچمییوبدی آلتی ایلییق اصغریم سندن
اگر اولسم ده نفسیمله مدارا ائتمرم ای سو
نقدری خردا قیزلار الده سو جامی منی گوزلور
بو داغلی قلبیمی سنلن مصفا ائتمرم ای سو
حسینون عشقینه دلبسته یم شاهیم امامیم دیر
نه اولسا امری اجراسینده اما ائتمرم ای سو
منی مامور ائدیب تنها سوا اول سرور دوران
اگر مشکیم اولا سیراب دعوا ائتمرم ای سو
اگر جنگه اجازه وئرمه دی بو قوللارا مولا
اطاعت ائیلیرم آیری تمنا ائتمرم ای سو
اگر اوخلار نشانه ائیلسه میدانیده مشکی
گوزوم ده گئتسه گئتسین منکه پروا ائتمرم ای سو
منیم دنیا و عقباده اقام دار و نداریم دی
حسینین عشقینی جنتله سودا ائتمرم ای سو
اگر گلسه منه شاماتیدن مینلر امان نامه
وئریلسه عالی منصب لرده امضا ائتمرم ای سو
حسینه نوکر اولماق هر ایکی عالمده فخریمدور
بله بیر منصبی هیچ یئرده پیدا ائتمرم ای سو
#محمد_هوشمند
#مدهوش
@hushmand
حسینم تئز یئتیش داده
قولوم دوشدی علم یاتدی
منه سس وئر بو صحراده
قولوم دوشدی علم یاتدی
اسیر محنتم تئز گل
دچار حسرتم تئز گل
الیم یوخ دور تاپیب فرصت
منه یاره ورور اعدا
یارالی باشیم اوستونده
نئچه جلاد ائدیر غوغا
خوشام منت قویوب گلسن
سنی بیرده گوورم مولا
یئتیش بو چولده فریاده
قولوم دوشدی علم یاتدی
فراتی آلماقا قارداش
چالیشدیم ائیلدیم همت
بلادن حفظ ائدم مشکی
نقدری ائیله دیم دقت
منه دست قضا اما
بو چولده وئرمه دی فرصت
بو میدان بلایاده
قولوم دوشدی علم یاتدی
منیم اطرافیمی لشکر
آلیب الده کمان قارداش
نشان اولدی اوخا مشکیم
سووا یوخدی گمان قارداش
امان بو بی وفالردن
امان قارداش امان قارداش
کمک یوخدور بو دعواده
قولوم دوشدی علم یاتدی
گلم اخیامه امکان یوخ
گوزوم گورمور بو میدانی
باشیم دان قان آخیر سو تک
الیم یوخدور سیلم قانی
او اوخ که مشکیمه دگدی
منه تار ائتدی دنیانی
ییخلدیم من بو صحراده
قولومدوشدی علم یاتدی
گلیردیم خیمه ساری
کسیلدی ظلیمله اللر
منی هر سمتیدن ائتدی
نشانه لشکر کافر
آنام زهرا گلیب داده
سنین قارداش یولون گوزلر
منه آغلیردی معناده
قولوم دوشدی علم یاتدی
سنه نوکرلیق عالمده
شرافت دیر فضیلت دیر
رکابینده شهید اولماق
منه عین سعادت دور
سنی بیرده گورم مولا
بو آخر دم غنیمت دیر
ره عشق و تولاده
قولوم دوشدی علم یاتدی
اگر مشکیمده قالسیدی
سو من بیله سیخیلمازدیم
گلردیم خیمه یه قارداش
بله آواره قالمازدیم
الیم گر سالم اولسیدی
یوزوم اوسته یخیلمازدیم
اوزون گل سال منی یاده
قولوم دوشدی علم یاتدی
#مدهوش
#محمد_هوشمند
#محرم
کانال اشعار
@hushmand
🎞 سلام بر مُحرم
🕌 اَلسَّلامُ عَلَیْکَ یا اَبا عَبْدِ اللهِ
وَعَلَی الْاَرْواحِ الَّتی حَلَّتْ بِفِنائِکَ،
عَلَیْکَ مِنّی سَلامُ اللهِ اَبَداً
ما بَقیتُ وَبَقِیَ اللَّیْلُ وَ النَّهارُ
اَلسَّلامُ عَلَی الْحُسَیْن
وَ عَلی عَلَیِ بْن الْحُسَین
وَ عَلی اَوْلادِ الْحْسَیْن
وَ عَلی اَصحابِ الْحُسَین
▪️فرا رسیدن ماه محرم و ایام شهادت سرور و سالار شهیدان حضرت ابا عبدالله الحسین علیه السلام و هفتاد و دو تن از یاران مخلص و جان بر کف آن حضرت را به ساحت مقدس حضرت بقیة الله الاعظم (عج) وتمام عاشقان آن حضرت تسلیت عرض می نماییم .
خاکپای عاشقان اهلبیت ع
#محمد_هوشمند
با عرض سلام و ادب و احترام و آرزوی سلامتی و سربلندی
و عرض تسلیت فرارسیدن ایم شهادت سالار شهیدان حضرت امام حسین علیه السلام و یاران باوفایش،
به همه اساتید و دوستان حاضر در کانال ،و خدمت اساتید بزرگوار مدح و مرثیه و شعرا و سروران عزیز ،
به دوستان بزرگوار که تازه به جمع ما پیوسته اند
🌴🌹🌹خیر مقدم می گویم🌹🌹🌴
و از اساتید معزز و شعرای عزیز و مداحان اهلبیت علیهم السلام حاضر در کانال و همچنین دوستان مداح که از کشورهای دیگر هستند تشکر می کنم
و برایتان آرزوی سلامتی و توفیق دارم حضور شما بزرگواران به ما روحیه می دهد و انگیزه ما را زیاد می کند
و
امیدوارم با نکته نظرات و حمایت خویش بنده را در این مسیر یاری فرمایند.(مخصوصا اشتباهات تایپی)
دستبوستان هستم و از تک تک بزرگواران التماس دعا دارم
🌴انتقادات و پیشنهادات را با کمال افتخار می پذیرم
💐1۰۶۰k💐
ID: @M_hushmand ارتباط با ما
۰۹۳۷۵۸۹۱۱۶۹
با تقدیم احترام
محمد هوشمند (تخلص مدهوش)
لینک کانال اشعار
به کانال خودتان بپویندید و به دوستان معرفی فرمایید
👇👇👇👇👇👇👇👇
https://eitaa.com/hushmand
🌹🌹🌹لطفا همه مطالب کانال را مرور بفرمایید🌹🌹🌹
ابتدای مطالب کانال
https://eitaa.com/hushmand/80
اشعار شاعر اهل بیت(ع) کربلایی محمد هوشمند (مدهوش)
☘️🍀☘️🍀☘️
کپی و انتشار اشعار با ذکر منبع بلامانع است
🌸🌸🌸🌸🌸🌸
از لطف و محبت همه شما بزرگواران و عزیزان سپاسگزارم
سربلند و سلامت باشید
حضورتان مایه دلگرمی حقیر است
خاکپای عاشقان اهلبیت علیهم السلام
محمد هوشمند (مدهوش)
قتلگاه عشق حسینی
اولدی عاشورا گونی کرب بلا دارالبلا
نقش اولوب شمشیر عشقه البلاء ِللولا
لشگر حق فرقه کفریله اولدی روبرو
اولدی آماده ولا اهلی ایچه جام بلا
بیر طرف یئتمیش ایکی عاشق وصاله انتظار
بیر طرف مینلر نفر پیمان شکن اهل جفا
بیر طرفده سامریلر حقی تکفیر ائیلییور
بیر طرف موسای حقّه نیزه سی اولموش عصا
صبح آچیلدی روز عاشورا اوجالدی های و هو
ال اله وئرمیشدی دیو و دد سلیمانی ییخا
تشنه لب لر باده وصلیله سرمست اولدولار
کئچدیلر جاندان رکاب عشقیده اهل وفا
کیم سوار مرکب عشق اولدی چاتدی مقصده
ذلّته باش اگمیین لر دوشدی باشسیز توپراقا
گوندریب قربانلارین لب تشنه میدانه خلیل
کربلا اولدی ذبیح اعظم عشقه منا
وئردی حتی دینه قربان صودامر سربازینی
قالدی تک میدانیده اول خامس آلعبا
نور حق هر قدر جلوه ائله دی کفر اهلینه
خوشلیوب ناری ائدیب لر نور عزت دن ابا
یاره لی شیری حصاره سالدیلار روباه لر
اولمادی بیر دادخواهی تاپدی جرات اشقیا
هر نقدری سسلدی سلطان دین انصارینی
اولمادی ممکن جوابین رد ائده بیر آشنا
هر طرف دن اوستونه حمله ائدیب زاغ و زغن
کیم سالیب فرصت اله وردی او مظلومه یارا
هر نفس چکدوقجا سو تک قان وئروردی یاره سی
پیکرینده یاره لر خندانی دی باشدان باشا
مژده وصلی گتوردی یاریدن بیر اوچ پر اوخ
قاصد یاره اورکده یئر وئریب اول مقتدا
اوخ اورک بندین قیریب گئتدی اورکدن طاقتی
ماسواللهی آتیب گوزدن اولوب مست لقا
باشلادی مقتلده شوقیله نماز عشقینی
سجده گاه عشقیده یوز قویدی قانلی توپراقا
باش یارا، پیکر یارا ،سجاده قان، محرابی قان
ورد و ذکری دیلده یاهو عشقیده اولموش فنا
عشقه باخ ،معشوقه باخ، بزم وصال یاره باخ
دیلده یاهو شوق وصلیله ائدیر ذوق و صفا
عرض ائدیب یارب رضایم هر بلا و محنته
امروون تسلیمییم ای خالق ارض و سما
سجده دن باش قالخیزیب بیر دفعه ده ائتسین قیام
اولمادی امکان آلیب جسمین قوجاقه کربلا
قانی آخدیقجا بدن دن سلب اولوبدی طاقتی
مرغ روحی چرپینیردی جسیمدن اولسون رها
کامه چاتدی اهل کین عالم دوشوب دی لرزیه
الده خنجر مقتله ساری گلیب شمر دغا
گلدی زینب آخرین دیدارینه قارداشینین
باشدا معجر، گوزده اشکی، قلبیده شور و نوا
باخدی بیر گوداله ، باخدی بیر یارالی قارداشا
گوردی قانه غرق اولوب بحر بلاده ناخدا
گوردی جان اوسته یارالی قارداشی مخمور عشق
سسلدی بیر آچ گوزون زینب سنه اولسون فدا
شدت غمدن جالاندی صبرینین پیمانه سی
تاپمادی چاره بلا توپراقینی سپدی باشا
شمر ال آتدی خنجره تار اولدی دنیانین گوزی
حضرت زهرا یوموب گوز یاسه باتیب دی ماسوا
باشدا اول سرعتیله محکم ائتدی معجرین
دوتدی شمرین خنجریندن دختر شیر خدا
قیل مجسم خاطرینده، ال یالین ،خنجر یالین
باجی زینب، شمر قاتل ، ایش یئتیشدی گور هارا
یوخ نیازی شرح ائدم قالدی نحاله اللری
قان قاریشدی قانه آز قالدی اولا محشر بپا
چاره سی سدّ اولدی هر یئردن توکوب گوزیاشینی
یوز دوتوبدی یثربه سسلندی گل داده آنا
گل آنا باخ زینبین احوالینه اقبالینه
حاصل عمرون نئجه گور ظلمیله اولدی فنا
ائیله سو حاضر آنا لب تشنه مهمانون گلور
آزقالیر کی زینبین بو چولده قارداشیز قالا
ادامه در:
https://eitaa.com/hushmand/2887
قسمت دوم: قتلگاه حسینی
قسمت اول: https://eitaa.com/hushmand/2886
آچدی گوز بو کشمکشده شاه مظلومان حسین
دعوت ائتدی زینبی صبره امیر ماسوا
آغلاما زینب بلورسن یوخ بو احواله دوزوم
تز قییت اخیامه ال اوز مندن ای کان وفا
قوی منی قانیله سیراب ائله سین شمشیرلر
تا بو قانیله جهان دا دین حق تاپسین بقا
محنتین چوخدور نظام صبریوی پوزما هله
آغلاما مندن صورا باشین چکر چوخ ابتلا
آه و زارائتمه بلالی عرصه ده محکم دایان
سرپرست ائتدیم سنی بو چولده یورقون قیزلارا
من گرک قران یولوندا باش و جانیمدن گئچه م
وار بیوک تکلیف بوینومدا کرگ اولسون ادا
سنده صبر ائیله قاباقدا محنت شامات وار
قلبیمی آه شرر باریله بئیله داغلاما
بو شهادت دور هله رنج اسارت وار باجی
سرنوشتینده یازیب، درد و بلا، کلک قضا
آغلاما سن آغلاسان کیم قیزلارین نازین چکر
ناله ائتمه اولما راضی دشمن دین شاد اولا
تز قییت اخیامه ایندی اولدورر قیزلار اوزون
وئر تسلی قویما قیزلاریم ائده آه و نوا
بیر نفر یوخ خیمه لرده قیزلاری آرام ائده
آغلاییر نازلی رقییم سسلنیر ایوای بابا
قارداشین امرین باجی ناچار اطاعت ائیله دی
گلدی اما آز قالیب روحی بدن دن آیریلا
ناگهان گوردی کی دگدی نظم عالم بیر بیره
قاره یئل اسدی گییندی عالم امکان قرا
بیر زمان گوردی حسینین باشی چیخدی نیزیه
گوییا چیخدی قرانلوق بیر گیجه شمس هدا
جلوه رخسارینی رویت ائدیب سرنیزده
سسلدی قارداش یارالی باشیوه جانیم فدا
ای امیدیم تکیه گاهیم باخ جدادن بیر منه
زینبه تاب و توان وئر قویما صبریم قورتارا
کامه چاتدین سن شهادتله یئتشیدن مقصده
زینبین قالدی کمک سیز یوخ داخی بیرآشنا
راحت اول قارداش باجین ثابت قدم عهدینده وار
قویمارام تا جان دا جان وار بو آخان قانلار باتا
لشگریم قیزلار، سلاحیم گوزیاشی، آهیم سپر
ظاهری قدرت لری زینب کرگ ائتسین فنا
کاخ استبدادی قولباقلی گرک فتح ائیلییه م
سن قوتولدون زینبه باشلاندی تازه ماجرا
تا نفس وار نسگلین یاده سالیب دیل داغلارام
اولمادی بیر کس اولا یاور پیمبر اوغلونا
سن بیلرسن ائیلیر مدهوش محشردن هراس
ای کرامت صاحبی احسان ائله روز جزا
980505
خروج از مدینه
بیلمم نه واردی بو گئجه دیلدن توان گئدیر
گوزدن اولور اورگ قانی سو تک روان گئدیر
آیا نولوبدی ناله سسی دهری دولدوروب
یئردن بو نوعی گویلره آه و فغان گئدیر
ترک ائلییور مدینه نی سرعتله کاروان
نه سرّیدور که شمس امامت نهان گئدور
بوشلور ندن قطا قوشی اوز آشیانه سین
قوشلار چمندن آیریلیری نغمه خوان گئدور
باعث ندور مدینه داخی قالمالی دگیل
فرمان الرحیل گلیب کاروان گیدیر
ائو اهلینه وطن ائیله غربت اولوب هامی
بزم نگاره جان گوتوورب باغریقان گئدیر
دور زمانه آیری سالیر ائل قبیله نی
آغلار قالیر قالان گئدن ائیلور فغان گئدیر
هجران سوزی دوشنده اورکلر دونور قانا
گوزیاشینین دالیجا گلیر موجه قان گئدیر
تعجیل ائدیر یول اوسته ائله میر کاروان
گویا سفر بهانه دی آرام جان گئدیر
رنگ خزان ندن بوریوب صحن گلشنی
بیر دسته گول الینده دوتوب باغبان گئدیر
جمع ائیلییوب دی باشینه دنیا گوزللرین
ترک ائیلییور مدینه نی جان جهان گئدیر
کروبیان دوروبلا تماشایه صف به صف
شهپر آچیب ملائیک اونا سایبان گئدیر
ناله ائدیر مدینه چکیر ناز و حسرتین
بو کاروان دالیجا زمین و زمان گئدیر
یول باشلیوبلا مقصده عز و جلالیله
چوخ نازیله جلالیله پیر و جوان گئدیر
فخر ائیلییور اوغول آنایا خدمت ائیله سین
هر بیر انا یانیجا گوزل بیر جوان گئدیر
دین پرچمی الینده علمدار سیر ایدیر
گویا آلیب قوجاقه آیی آسمان گیدیر
هیچ بیر کسین اورکده ولی یوخدی غصه سی
شهزاده لر بو قافلیه پاسبان گئدیر
سو واردی مشکلرده اورکده لرده یوخدی غم
تشنه اولان سو میل ایلیوب شادمان گئدیر
هر تک تکی صفا و ملاحتده بی نظیر
بیراوچ یاشیندا دختر شیرین زبان گیدیر
حیران قالیب قضا و قدر بو قضیه دن
بو قورخلی سفر نیه طفل و زنان گیدیر
کیمدیر بو غملی قافلیه یولدا ساربان
کیم دعوت ائیلیوب دی کیمه میهمان گئدیر
فرصت یوخیدی بسلیه گلشنده گوللرین
بیرغنچه نی قوجاقه الیب باغبان گئدیر
گتدوقجا کاروان آزالیر بسن ندن سایی
خالص عیاریلر سئچیلیر بی گمان گیدیر
هر سمتیدن صبا ائلییور طوف باشینه
سرمست اولوبدی قافله تک بی امان گیدیر
2
هر سمته کاروان گیدیر حال و هوا گلیر
هر بیر یئره نزول ائلیوللر صفا گلور
سسیز گئدیر او قافله اما قولاقلارا
هر بیر قدم یانیقلی فغان و نوا گلور
کروان دالیجا توستی کیمی قوزانیر غبار
ایلیور عیان او غملی چوله آشنا گلور
سرعتله وعدگاهه طرف کاروان گئدیر
پیشوازه شوق و ذوقیله فوج بلا گلور
معناده سس گلور نیه غفلتده قالموسوز
آگاه اولون کی عترت خیرالورا گلور
جام بلایه لایق اولان زبده مشتری
جان نقدی الده خامس آلعبا گلور
سرمست جام عشقیدی حقین مناسینه
شوقیله جانین ائتماقا یاره فدا گلور
حقه بلی دین داخی هیچ امره لا دیمز
دیلدن رضادی باشینه هر نه ماجرا گلور
آرتیرماقا او شوره یئرین اعتبارینی
اول غم دیارین ائتماقا دارالشفا گلور
زهرای اطهر آغلوری معناده اوغلونا
هر ناله سینده نالیه ارض وسما گلور
سو صحبتی گلنده دیله اودلانور اورک
نی تک فغانه علقمه و نینوا گلور
هر بیر زمان که صادر اولور حکم امامیدن
عباس اطاعت ائتماقا الده لوا گلور
شه دورسین آلیب دی جوانان هاشمی
بیر جمع با محبت و اهل وفا گلور
ظاهرده کوفه اهلی گلیب کسدیلر یولی
معناده پیشوازه هامی انبیا گلور
رسم و رسومه ائیلور عمل میهمانلارا
اوخ الده پیشوازینه اهل جفا گلور
عاشقلری یغیب باشینا پاکباز عشق
پیمان عشقیین حقینی ائتسین ادا گلور
98
ادامه دارد.................
@hushmand
شجاعت
میدان رزمه گوردولر
الده علم سقا گلور
سو آلماقا مامور اولوب
بیر تشنه لب دریا گلور
حمله ائدیر الده علم
ایستیر فقط چاتسین سووا
جان نقدینی آلمیش اله
آماده دی آتسین سووا
حاضردی گر سو اولماسا
اوز قانینی قاتسین سووا
دورین آلیب گرچی عدو
یوخ یاوری تنها گلور
سالمیش حصاره علقمی
بیر عده اللرده کمان
بیر عده سی ائتمیش کمین
تا حمله ائتسون ناگهان
مجبور اولوب شمشیرینی
آلسین اله اول قهرمان
روبه صفت لر اوستونه
چون شیر بی پروا گلور
سیماسینه باخسان اگر
ائیلوب سوسوزلوق چوخ اثر
با اینکه عطشاندور ولی
چوخ با صلابت جنگ ائدر
هر کس که میدانه گلر
اوز قانینی ائیله ر هدر
عباسه اولسون روبه رو
هر پهلواندان لا گلور
دعوادن آیری قصدی یوخ
ایستور فراته یول آچا
عنقای غیرت سعی ائدیر
قاف تمنایه اوچا
جنگه اراده ائتمه میش
یول آختاریر لشگر قاچا
چون کیم دایانسا باشینه
شمشیر رعد آسا گلور
شمشیری اعجاز ائیلییور
قوللاری قولاردان اوجا
حیران قالیب بو هئیبته
بو قدرته اهل جفا
ائیلیور خواتین حرم
عباسی مخیمده دعا
لب تشنه لر یول گوزلیور
فریاد واویلا گلور
سیندیردی سایسیز لشگری
ووردی فراته پرچمی
سیراب ائدیب مشکی سودان
دیلدن بیر آز گئتدی غمی
اما اوزی میل ائتمه دی
حیرتده قویدی عالمی
دنیایه بیر ده بیر بئله
اهل وفا آیا گلور ؟
سرگرم جام عشقیدی
صاق قول گوروب اولدی قلم
شمشیری آلدی صول اله
میداندا اول کان کرم
مشگین باسیب دیر باغرینا
جان تک او سقای حرم
مشکه طرف اوخلار گوروب
گویده ائدیر غوغا گلیر
بیر کس ده جرات اولمادی
تا روبرو کسسین یولون
بیر آیریسی ائتدی کمین
سالدی ستمله صول قولون
نه حاله قالدی بیلمیرم
الدن وئریب صاق و صولون
زاغ و زغن فرصت تاپیب
قان توکمگه یکجا گلور
مشکی باسیب دیر باغرینا
حفظ ائیلوری مانند جان
واردیر امیدی خیمیه
مشکی یئتیرسین اول زمان
اما بیر اوخ سو مشکینه
ائتدی اصابت ناگهان
آخدوقجا مشکیندن سویی
دیلده غم عظما گلور
یوز دوتدی اخیامه اودم
سسلندی قارداش داده گل
یالقیزیلیب دشمن منی
ائیله کرم امداه گل
مشک اوخلانوب قوللار دوشوب
گل سیدی فریاده گل
فرصت تاپیب اهل جفا
باش کسماقا اعدا گلور
بیر پهلوانین اولماسا
دعواده قوللاری اگر
یاره دگنده جسمینه
باشین کرگ ائتسین سپر
دشمن ده انصاف اولماسا
دیل یاره سی اوخدان بتر
قلبی دلر هم یاندیرار
هر دردیدن بالا گلور
عباسی السیز اولماقی
گرچه غمه توش ائیله دی
اما آلیب مادر سسین
دردین فراموش ائیله دی
جام محبت تشنه لب
سقانی #مدهوش ائیله دی
تئز گل علم یاتدی اخا
داده آنام زهرا گلیر
التماس دعا
#مدهوش
#محمد_هوشمند
@hushmand
ائیلمه چوخ آه و نوا لایلای علی اصغریم یات
دردیوه یوخ منده دوا لایلای علی اصغریم یات
بو قدر چالما ال ایاق باشیمی سالما بلایه
آغلاما سن آغلیاندا گلور حرملر نوایه
اهل جفا باغلیوبدور سو یولون آلعبایه
تشنه قالیب آلعبا
لایلای علی اصغریم یات
باخماسان حسرتله بئله سینه می چوخ داغلامارام
آغلاماسان یاتسان اگر من بو قدر آغلامارام
چاره م اگر اولسا منیم اللریوی باغلامارام
خیمه ده سو یوخدی بالا
لایلای علی اصغریم یات
کیمه دئیوم دردیمی من درد و غمیم چوخدی بالا
دولانمیشام خیمه لری قطره ده سو یوخدی بالا
قیمتی بیرجرعه سویون سه شعبه لی اوخدی بالا
رحم ائیلمه ز اهل جفا
لایلای علی اصغریم یات
حالیوه یانام بیلسین حالی پریشان نگران
یوما گوزون باخ آناوا گلشنیمی ائتمه خزان
باخ منه بیر گول گوزلیم صبریم ائوی اولدی تالان
بیر نظر ائیله آناوا
لایلای علی اصغریم یات
@hushmand
حر ره
خوش حالینه او کیمسه لرین وار درایتی
شامل اولوبدی حالینه حقین عنایتی
اونلار کی اوز مرامینی دیناره ساتمادی
هول و هراس محشری یاتدان چیخاتمادی
عاقل اولان همیشه سرانجامی آختارار
صادق اولان همیشه ائدر حقی اختیار
عاقل اودور تفکر ائده ائتمیه خطا
صادق اودور کی ائیلمییه نفسینه جفا
آزاده مرد اودور کی اولا صاحب اختیار
اوز قولینه عمل ائلییه وئرمیه شعار
گر بیر زمانی اولسا هامی شبهیه دچار
عاقل اولان تعقل ائدر حق یولون تاپار
تاریخه عبرت اولدی قضایای کربلا
آیریلدیلار محکده او چولده مس و طلا
بیر بیر او چولده مدّعی لر دالدالاندیلار
ناحقّه یار اولوب هاموسی حقی داندیلار
هر لحظه دشمنین سایی آرتیب چو مور و مار
تنگ اولدی شاه تشنه لبه حلقه حصار
شمس هدی وئریب او چوله جلوه حیات
فرصت وئریب دی بلکه آچیلدی ره نجات
یئتمیش ایکی گهر اوزونی ائیلدی عیان
گورمز مثالین اونلارین هیچ دور و هئچ زمان
ظاهرده آلدی بیر گئجه مهلت امام عشق
باطنده وئردی بیر گئجه فرصت امام عشق
شمس هدی وئریب او چوله جلوه حیات
فرصت وئریب دی بلکه آچیلدی ره نجات
افسوس نوری شپ پره لر درک ائدنمدی
سعد اوغلی نفس خواهیشینی ترک ائدنمدی
صبح اولدی نور حق ائدیب جلوه سین عیان
اتمام حجت ائیله دی سلطان انس و جان
چوخ سعی ائدیب که جلوه دلداری گوستره
انسانلیقا شرایط و معیاری گوستره
اما مصمم اولدوی قشون اوز جفاسینه
عقبانی بوشلیوبدولا دنیا هواسینه
سعد اوغلی قالدی وسوسه ری ده بد مرام
سعد اوغلی ملک ری دن اوتور اولدی بد مرام
گییدی لباس رزم وئریب لشگره نظام
تجهیز ائدیب سلاحه پیاده سوارینی
تعیین ائدیب امیر یمین و یسارینی
تاپدی قرار مرکز لشکرده اول لعین
وئردی غلامینین الینه کفر پرچمین
آماده اولدی حمله ائده لشگر جفا
طبل وورلدی دولدی نوائیله کربلا
درک ائیلیوبدی حر او هنگامه ده خطر
دوشدی وجودی لرزیه دیلدن تاپیب شرر
بیر سمتیده باخیر گوروب حق وحقیقتی
بیر یاندا سعدین اوغلون او کان شقاوتی
بیر سمتیده بهشته باخیر دیلده حسرتی
بیر سمتیده باخیر گوروری کفر و ظلمتی
دنیا گوزونده جلوه ائدیری سراب تک
عشقی ولی زبانه چکیردی شهاب تک
بختی اویاندی تاپدی سعادت او باوقار
تصمیم دوتدی جانینی اوددان ائده کنار
مست اولدی کوی عشقیده صهبای نابیدن
دریانی تاپدی ال چکیب آخر سرابیدن
گوز یومدی ملک و منصب و مال و منالیدن
مخمور اولوبدی باده ناب وصالیدن
سرعتله عزم کعبه جانان ائدیب دی حرّ
بیر ایش گوروب کی عالمی حیران ائدیب دی حرّ
وئردی مس وجودینه عشقیله بیر محک
گلدی بو نیّتیله حسینه ائده کمک
بیر آز قالاندا خیمیه ترک ائتدی مرکبین
یاتدان چیخاتدی منزلت و قدر و منصبین
شمشیرین آچدی چکمه لرین سالدی بوینونا
گه اللرین قویوب یوزینه گاه قوینونا
اقرار ائدیب او پاک نهاد اوز گناهینه
سالدی اوزون شکسته کرم بارگاهینه
ائتدی سلام صورتینی قویدی توپراقا
عرض ائیله دی کرم قاپوا گلمیشم آقا
جرمیم بویوک دی من آقا اینجیتمشم سنی
عفو ائیله فاطمه آناوین حقینه منی
ایوای اوزوم قرادی اگر ائتمسن کرم
عفو ائتمسوز اگر منی ای شاه نیلرم
من بیلمدیم جسارت ائدیب سینه داغلادیم
شرمنده یم سنه یولی بو چولده باغلادیم
سن شاه با کرامت و من بندیم آقا
ائیله کرم خجالت و شرمندیم اقا
ای فاطمه عزیزی منه ائیله بیر نظر
گور شرمیدن تمام وجودیم نئجه اسر
من گرچي خاطی ام سن هدايت چراغيسان
دارالامان دی درگهین ای شاه انس و جان
اوز جرمیمیمن بویوکولوگونی بیلمیشم آقا
مین بیر امیدیله قاپوا گلمیشم آقا
قوش تک گلیب بو درگه لطفه سیخیلمیشام
ای ذولکرام سن دوت الیمدن ییخیلمیشام
چاره يوخومدي رحم ائله بو حال زاريمه
باخ گوزده اشکه باخ بو دل داغداریمه
من بيلمديم كي ايش يئته جاق بو نهايته
سالدیم بو چولده آل رسولی مشقته
ادامه در کانال
@hushmand
احوالات حر ره قسمت دوم
مولا سنین كرم قاپوي بيلميشم اوميد
من روسیاهی بیر باخیشا ائیله رو سفید
شانین بیوکدی من بیلیرم قدر و قیمتین
گلدیم چالام امیدیله درگاه عزّتین
من گلميشم رضایتیوی اخذ ائدم شها
شرمنده جانی محضروه ائیلییم فدا
سن کشتی نجات سان حق رهنماسی سان
شانین بیوک دی حضرت زهرا بالاسی سان
بذل ائتدی تازه کوینگینی سائیله آنان
بذل ائیله دی رکوع حالیندا اوزوک آتان
جدین همیشه لطفیله عفو ائتدی دشمنی
جدّین رسولین حقیینه گل عفو ائله منی
وئره م قسم آقا سنی زهرا و حیدره
عفو ائت منیم گناهیمی شهزاده اکبره
سن سن بو گونده عالم هستی ده مقتدا
توبه م قبول اولا منی سن قیل اوزون دعا
تا گوردي حرّي حال نزاریله شاه دين
ائتدی مخاطب اکبری زهرایه نورعین
تازه گلن قوناقیمیزی پيشواز ائدون
لطف و محبتیله اونی سرفراز ائدون
ارزنده مردي دی گتورون احتراميني
حفظ ائیلییون او مرد شریفین وقارینی
تحویل آلیب قوناقینی سلطان سرافراز
عفو ائیله دی قصورینی شاهنشه حجاز
مبهوت ائدوبدی حرّی امامین محبتی
ذلّتی لباسینی چیخادیب تاپدی عزّتی
زهرا بالاسی سرور و سالار عالمین
عفو ائیلیوب دی حری او سلطان مشرقین
کوی وفاده حر وئریب عالی امتحان
نفسین ایاقلییب گل امیدی تاپدی جان
آغلار گوزیله عرض ائلییب اذن وئر شها
تا ائلییم بو عرصه ده من جان سنه فدا
میدانه گلدی هیبتیله حر نامدار
یوز دوتدی اول سپاهه کی ای قوم نابکار
انصاف ائدون ندن بو قدر ائیلیسوز جفا
بیر آز ائدون رسول خداوندین حیا
نه یولدی بوسیزی چاغیر دوزخ و شرار
یوخدون ندن سوزوزده سیزین قول و اعتبار
آیا مگر حسینه اوزوز نامه یازمادیز
علت ندور سویون یولون اخیامه باغلادیز
بو پادشاه فاطمیه نازدانه دور
پیغمبرین بالاسی دی حقه نشانه دور
حرّم حسین فاطمه نین من گداسیم
باطل دن اوز چوورموشم حقین فداسیم
حرّم منی هامی تانیور سر سپاهوزم
شمشیر الده طالب مرد مبارزم
حرّم دلاورم شه کونینه یاورم
بیر لحظه سین یزید اوتوران کاخه ورمرم
هر نه نصیحت ائتدی سپاهی او با وفا
بیر کیسمه ائتمدی سوزینه ذره اعتنا
شمشیرینه ال آتدی ائدیب حمله بی امان
صفلر دگیب دی بیر بیرینه قاچدی کوفیان
هر سمته حمله ائتدی پوزوب نظم صفلری
الحق گوزل بیرآد قویوب اول شیره مادری
گر چی او قهرمانه بیری اولمادی حریف
دگدی یارا قان آخدوقجا قول اولوب ضعیف
میداندا خصم گوردی که یوخ قاچماقا امان
هر بیر طرفدن ائیله دیلر اوخلارا نشان
دگدی او قدری یاره بدن دوشدی تابیدن
گچدی بدن ده یاره سی حد و حسابیدن
آت دان ییخلدی قالمادی تاب، ائیلیسین قیام
شرمنده یوز خیامه دوتوب عرض ائدیب سلام
آلدی سسین امام زمان توکدی گوزیاشین
میدانه گلدی آلدی دیزی اوستونه باشین
گوردی دگیب دی باشینه بیر یاره آغلادی
دسمالین آچدی باشدا اولان زخمی باغلادی
فرمایش ائتدی دینوه گلدین حمایته
آچ گوزلرین اوتانما یئتشیدین سعادته
یازدوقجا شرح حال بو آزاده مردیدن
#مدهوش اولور قلم آلیشیر بند بندیدن
خوش حالینه کی حر اولوب عاقبت بخیر
من قورخورام زبس منی نفسیم ائدییب اسیر
#محمد_هوشمند
@hushmand