با نوای جعفر مطلبی غمونده باغریم اولدی قان هارا گئدورسن آی ننه اماندی صبر ائله دایان هارا گئدورسن آی ننه بابام رسوله نور عین اورکلرین حبیبی سن جهاندا یوخ تایین آنا نجیب لرین نجیبی سن کیمه اذیتین دگیب که شهروون غریبی سن منه بو سری قیل بیان هارا گئدورسن آی ننه صغیر اوشاقلارین ندن بو نوعی گوزدن آتمیسان ائوین صفاسی یوخ داخی که گون مثالی باتمیسان نماز وقتدور اویان نه بی جواب یاتمیسان اویان عزیز جان اویان هارا گئدورسن آی ننه کیمه دئیوم اورک سوزون که یوخدی آشنا منه نئجه دوزوم بو سنّیده هجوم ائدیب بلا منه جهان محبت ائیله سه مگر اولار آنا منه منه عزیز و مهربان هارا گئدورسن آی ننه اجل آییردی تئز سنی بو عالمین وفاسی یوخ سن اولماسان داخی ائوین نواسی یوخ صفاسی یوخ ئولوم چتین دی هر ندن بو دردین هیچ دواسی بهارین اولدی تئز خزان هارا گئدورسن آی ننه دئدیم اجل وئره امان آناما خدمت ائیلیم اقلی فرصت اولمادی دویونجا صحبت ائیلیم کرگ اورک یاناندا من اوزومله خلوت ائیلیم حالیما یوخدی بیر یانان هارا گئدورسن آی ننه بابام اجازه وئرموری اوجادان آغلیام سنه که بلکه سس یئتیشمییه بو نصف شب ده دشمنه دویونجا اوخشیانمادیم گلیر بو غم گران منه خراب اولیدی بو جهان هارا گئدورسن آی ننه غریب ئولن عزیز آنام ائدیم باشا نچاره من نه وار ائوه اگلیب گئدن نه واردی تسلییت وئرن بابام علینی سیندیریب سپاه غصه و محن قولی شکسته قهرمان هارا گئدورسن آی ننه

باشیم اوسته گل یئتیشدی وقت هجران یا علی آز قالیر چیخسین بو یورقون جسمیدن جان یا علی ای منیم آرام جانیم روحیمه آرامیشیم سنلن اولدی بو بئش اون گون دهریده آسایشیم اخر عمرومده وار ای با وفا بیر خواهشیم گل حلال ائیله منی ای شاه مردان یا علی لطف حقدن دوقوز ایل تاپدیم بو ائوده افتخار دالدالاندیم سایه لطفونده ای شمس وقار شعله عشقینده یاندیم روز و شب پروانه وار حیف اولا تئز باشلانیر ایام هجران یا علی حیف اولا ظلمیله اولدی گلشن عمروم خزان آچمامیش غنچه گولوم خار غمه اولدی نشان درگهون یاندی قولون باغلاندی قلبین اولدی قان حقیوی غصب ائتدیلر اشرار دوران یا علی دلخوشیدیم زندگی ده سنلن اولدوم کامکار قویمادی آسوده زهرانی ایوینده اهل نار بیعت اوسته ظلمیله درگاهیوی یاندیردیلار حقیوی چوخ اشنالر ائتدی کتمان یا علی صادقم قولیمده هر بیر مطلبه اگاهسن تابع امرم امامیم سان ولی الله سن حالیوی پوزما بو نوعی چکمه بئیله آه سن جانیم اولسون سن کیمی مظلومه قربان یا علی دلخوشیدیم عمر اولا تا ائیلییم خدمت سنه نئلییوم اولدی مقدر بیر بئله محنت سنه عفو ائیله اولدی بو از مدت ده چوخ زحمت سنه گل حلال ائیله وئروم جانانیمه جان یا علی شعله اهیله بیله قلب زارین داغلاما چشمه چشمه زمزم اشکین عذاره باغلاما سن امیر المومنین سن بسدی مولا اغلاما صبر ائله پوزما وقارین ائتمه افغان یا علی باشیم اوسته گل بیر آز اگلش سنه زهرا فدا سن ا مین و مونسیم سن یا علی المرتضا بیر نئچه کلمه وصییت ائیلوم ای با وفا چاره یوخ دور صبر ائیله ای شیر یزدان یا علی ایستورم تیر مصیبت یاره قلبی دلمسین موقع تشیعیمی ظالیم جماعت بیلمه سین حقیوی غصب ائیلیین امت نمازه گلمسین ثبت اولا تاریخه لازم دیر بو عنوان یا علی هر زمان ئولسم عم اوغلی ای شهنشاه جهان قیل گئجه غسل و کفن اخبارینی ائتمه عیان ایستورم دنیا بویی قالسین منیم قبریم نهان تا اولا ظلم ائیلیین رسوای دوران یا علی واردی اگه سن بو یاره سینه ده نیسگل لریم قالدیلار مند ن صورا اغلار بو شیرین دیللریم گلشنیم سولدی قالیر سنده امانت گوللریم قویما اولسونلار بو غمده زار و نالان یا علی #محمد_هوشمند #مدهوش @hushmand

باشیم اوسته گل اوخی قران عم اوغلی یا علی بلکه زهرا جان وئره آسان عم اوغلی یا علی صبر ائله بو غمده بیله قلب زاری داغلاما سیل اشکیین دمبدم گوزدن عذاره باغلاما یوخ دوزوم بو حالیوه منده عم اوغلی اغلاما جانیم اولسون جانیوه قربان عم اوغلی یا علی جنته وئرمز بیلیرسن فاطمه درگاهیوی گل گوروم جان اوسته بیرده وجه وجه اللهیوی شاد ائله بو لحظه آخرده خاطر خواهیوی وصلیم آز قالدی اولا هجران عم اوغلی یا علی گلشن عمروم جفا و کینه دن اولدی خزان گوللریم قالدی سنین امیدوه ای باغبان قویما ائتسین زینب و کلثوم چوخ آه و فغان صبر ائله ای سینه سی سوزان عم اوغلی یا علی غملریم موجه گلیر یانام پریشان آغلارام حالیوه جان اوسته ای مظلوم دوران اغلارام حقیوی غصب ائتدیلر بو محنته قان آغلارام یوخ سنه بیر یار و پشتیبان عم اوغلی یا علی دوقوز ایل عشقونده من مهر وفادن دویمادیم عمروم آز اولدی عم اوغلی دورت بالادن دویمادیم جانه دویدم لیک بو ایوده صفادن دویمادیم دفتر عمروم تاپیر پایان عم اوغلی یا علی اهل کینه ظلمیله درگاهیوی یاندیردیلار سالدیلار فرصت اله حقین مسلم داندیلار مال و منصب وعده سیله چوخلاری آللاندیلار دین آدیلا ائتدیلر طغیان عم اوغلی یا علی ظلموله اود وردیلا درگاهیوه قوم عنید آستان وحی ده محسن بالام اولدی شهید وار اومیدیم حقیمی آلسین خداوند مجید باغریم اولدی غصه دن القان عم اوغلی یا علی بیر نئچه لحظه بودنیاده سنون مهمانیوم آغلاما ای فاتح خیبر سنون قربانیوم گل باشیم اوسته عم اوغلی طالب احسانیوم جان زهرا ائیلمه افغان عم اوغلی یا علی کوی عشقینده بلادن ائتمرم اصلا گله بیر نئچه کلمه وصییت ائیلیوم اجرا ائله دفن و کفنیم گیزیلین اولسون قویما دوشمنلر بوله ایستورم قبریم قالا پنهان عم اوغلی یا علی آسمان خاطرین دوتموش بیله ابر ملال فاطمه قربانین اولسون اولما چوخ غرق خیال آیریلیق وقتی یئتیشدی ائیله زهرانی حلال دردیمه ائیله اوزون درمان عم اوغلی یا علی امر حق دور ئولماقا وار اشتیاقیم یوخ سوزوم بو حسین و زینیبن احوالینه یانام اوزوم آغلاسا اوغلوم حسین هیچ حالدا یوخ منده دوزوم قانینه بیر گون اولار غلطان عم اوغلی یا علی آه او گوندن قان ائدللر زینبین گوزیاشینی زینت ائیلر نیزیه اعدا حسینون باشینی نیلیر گورسه او حالدا زینبیم قارداشینی نیلرم گر اولسا غسلی قان عم اوغلی یا علی #فاطمیه #هوشمند #مدهوش @hushmand

جعفر مطلبی سبک یک

جعفر مطلبی سبک دو

باشیم اوسته گل اوخی قرآن هم اوغلی یاعلی بانوای محمدعلی فریدی🎤

منزل آقای شوندی شام غریبان حضرت زهرا شعراز آقای محمد هوشمند مدهوش بانوای علیزاده هشترودی قم هیت تشنه گان فرات 1402/9/6

هیت تشنه گان فرات شب شام غریبان حضرت زهرا به روایتی منزل آقای شوندی شعراز آقای محمد هوشمند مدهوش با نوای علیزاده هشترودی 1402/9/6 علیزاده: دفن گوهر عفت نصف شب کنج بقیعده گنج عفت دفن اولور شمس الینده بیر وفالی ماه طلعت دفن اولور گون بولوط مثلی دولوب گوزدن توکور قانیاشینی آی یوزونده وار جفادن بیر علامت دفن اولور گون دوتولموش ائیلیور اولدوزلار افغان نصف شب قاره توپراق آلتدا گویا بدر عصمت دفن اولور نور چشم حضرت طاها دوشوب گوزدن ندن قول سینیق یوز نیلی پیکرده جراحت دفن اولور شیر حق ده قالمیوب دی شدت غمدن توان یاریلن گویا او دم شاه ولایت دفن اولور ظلمیله وسعتلی دنیانی زبس تنگ ائتدیلر بی وفا امت الیندن اولدی راحت دفن اولور آتش هجره یانیر پروانه نین سینمیش پری یار یاریندن چکیر ال مام عترت دفن اولور اذن یوخ تاریخ بوندان چوخ داخی وئرسین گواه عالم امکاندا بیر غملی حکایت دفن اولور بیر مصیبت خسته سی رنج و جفادن دینجلیر سیندیریب آیینه نی سنگ کدورت دفن اولور بیلیمرم ویرانه اولماز عالم امکان ندن قاره توپراقدا گل باغ رسالت دفن اولور بی وفا امت علینین ‌گلشنین سولدوردولار بو گئجه گل لرده کی حسن و لطافت‌ دفن‌اولور حقینی غصب ائتدیلر بیر کس طرفدار اولمادی ظلم اولان یئرده ائله عدل و عدالت دفن اولور عالمین مظلومه سین مظلوم عالم دفن ائدیر هر ایکی دلداده دیلده داغ حسرت دفن اولور بو جلالتده خانیم گلمز داخی بو عالمه اسوه ایثار ‌و الگوی عبادت دفن اولور دورت گولون دن آیریلیب باغ وفاده باغبان قامتی خم زلفی آغ بیر ماه صورت دفن الور فتنه ایامیدن بیر آن فراغت تاپمادی ائیلیی

[Forwarded from اشعار و دلنوشته های مدهوش(کربلایی محمد هوشمند)] زبانحال گوزومده قطره قطره موج ائدن دریانی گیزلتدیم اورکده باشلانان بیر سهمیلی طوفانی گیزلتدیم او گون دن کی یخیلدی دلبریم، منده یخیلمیشدیم سیخیلدیم ائوده یاندیم، دیلده کی عنوانی گیزلتدیم وفالی همسریم اوز دردینی مندن نهان ائتدی آلیشدیم منده اما آتش سوزانی گیزلتدیم آتام ال ذوالفقاره مانع اولدی، حکمت و تدبیر غمه دوزدوم دایاندیم خنجر برانی گیزلتدیم اجل آخر آییردی یاریمی مندن دل شبده بقیعده اوز الیلمه گوهر تقوانی گیزلتدیم وصیت ائیلمیشدی نکته نکته ائیلدیم اجرا اوزوم دفن ائیلدیم تنها گل طاهانی گیزلتدیم وئرنده غسل یاندیم داشدی اما کاسه صبریم وفا سیندان اوتاندیم یاره لی جانانی گیزلتدیم مگر زهرا کیمی بانو گلر بیرده بو دنیایه حقیقت جلوه سی اول مظهر قرآنی گیزلتدیم غمیم گلمز بیانه اوز الیلمن قبرینی قازدیم اوزوم آغلار گوزیله عصمت کبرانی گیزلتدیم هامی اوز دردینه درمان گزر من چاره سیزلیقدان قره توپراقلار آلتدا دردیمه درمانی گیزلتدیم آز اولدی عمری گل مثلی سارالدی جور اعدادن اودور قبرین نهان ائتدیم عزیز جانی گیزلتدیم جلال و شوکتین درک ائیلنمیز من کیمی بیر کس حقیقت عالمی، من عالم امکانی گیزلتدیم دل شبده ال اوزدوم وارلیقمدان اوز حیاتیمدان او دم کی توپراق آلتیندا مه تابانی گیزلتدیم بو محنتده نقدری واردی عمروم آغلاسام آزدی او گیزلین قبر ایچینده حشره جک زهرانی گیزلتدیم دعا سینده دئدی عجل وفاتی مستجاب اولدی نه چکدیم آیریلقدان اتئمدیم اعلانی گیزلتدیم #محمد_هوشمند #مدهوش @hushmand

#سقیفه شورا ائدیب بیر عده ی نادان سقیفه ده ائدسینله تا خلیفه نی اعلان سقیفه ده پیغمبرین جنازه سی دفن اولمامیشدی لیک قدرت طلب لر ائتدیله جولان سقیفه ده بیر ایش گوروب مهاجر و انصار او صحنه ده آل رسولی ائتدیله نالان سقیفه ده اَل بیراولوب مسلم اولان حقی داندیلار کبر و منییّت ائیله دی طغیان سقیفه ده حکم غدیری داندیلا بیر عده حق نما باطل لر آلدی منصب وعنوان سقیفه ده ایگرمی اوچ ایل رسول خدا خون دل یئدی افسوس امری اولمادی میزان سقیفه ده غصب ائتدیلر خلافتی مکر و جفائیله خلق ایچره سالدی تفرقه شیطان سقیفه ده بیلمم نه اولدی امت حق اولدی منفعل سالدی علی نی فتنه ایاقدان سقیفه ده اوچ دورت گونه پیمبری یاتدان چیخاردتیلار زهرانین ائتدیلر اورگین قان سقیفه ده دوشدی بلا و محنته زهرای مرضیه بو ظلم و جوره یازدیلا فرمان سقیفه ده یاندیردیلار جفاییله وحی آستانه سین ظلم و جفاده قالمادی نقصان سقیفه ده نشر ائلیوبله جعلی روایات شیخ لر تحریف اولوبدی مکتب قران سقیفه ده اسلامیانی سالدیلا گرداب حیرته تاریخه دوشدی آتش خسران سقیفه ده ظلمیله آچدی امته ابواب فتنه نی هر کس غدیری ائیله دی کتمان سقیفه ده باخ امتین وفاسینه سیندیردی بیعیتین گور کیملریله باغلادی پیمان سقیفه ده جنگ و جدل جهانیده اولمازدی بو قدر اولسیدی گر او جمع ده ایمان سقیفه ده بیر فتنه ایله امت اسلامی بولدولر مین فرقه اولدی نسل مسلمان سقیفه ده هر کیم که کفر و ظلمله او گون بیعت ایله دی ائتدی بنای وحدتی ویران سقیفه ده کرب و بلا مصیبتینی ائتدیلر رقم اونلار کی حقی ائیله دی پنهان سقیفه بیر اللری که باغلادیلار مرتضا قولون یازدی حسین قتلینه عنوان سقیفه ده بیر اود که مرتضا قاپسین آچدی باغلادی ایتدی حسینی خیمه سی سوزان سقیفه ده #مدهوش بیر تفکر ائله شعر یازما چوخ باخ گور نه اولدی عزت انسان سقیفه ده #محمد_هوشمند #مدهوش @hushmand

دفن گوهر عفت نصف شب کنج بقیعده گنج عفت دفن اولور شمس الینده بیر وفالی ماه طلعت دفن اولور گون بولوط مثلی دولوب گوزدن توکور قانیاشینی آی یوزونده وار جفادن بیر علامت دفن اولور گون دوتولموش ائیلیور اولدوزلار افغان نصف شب قاره توپراق آلتدا گویا بدر عصمت دفن اولور نور چشم حضرت طاها دوشوب گوزدن ندن قول سینیق یوز نیلی پیکرده جراحت دفن اولور شیر حق ده قالمیوب دی شدت غمدن توان یاریلن گویا او دم شاه ولایت دفن اولور ظلمیله وسعتلی دنیانی زبس تنگ ائتدیلر بی وفا امت الیندن اولدی راحت دفن اولور آتش هجره یانیر پروانه نین سینمیش پری یار یاریندن چکیر ال مام عترت دفن اولور اذن یوخ تاریخ بوندان چوخ داخی وئرسین گواه عالم امکاندا بیر غملی حکایت دفن اولور بیر مصیبت خسته سی رنج و جفادن دینجلیر سیندیریب آیینه نی سنگ کدورت دفن اولور بیلیمرم ویرانه اولماز عالم امکان ندن قاره توپراقدا گل باغ رسالت دفن اولور بی وفا امت علینین ‌گلشنین سولدوردولار بو گئجه گل لرده کی حسن و لطافت‌ دفن‌اولور حقینی غصب ائتدیلر بیر کس طرفدار اولمادی ظلم اولان یئرده ائله عدل و عدالت دفن اولور عالمین مظلومه سین مظلوم عالم دفن ائدیر هر ایکی دلداده دیلده داغ حسرت دفن اولور بو جلالتده خانیم گلمز داخی بو عالمه اسوه ایثار ‌و الگوی عبادت دفن اولور دورت گولون دن آیریلیب باغ وفاده باغبان قامتی خم زلفی آغ بیر ماه صورت دفن الور فتنه ایامیدن بیر آن فراغت تاپمادی ائیلییه تا قبر ایوینده استراحت دفن اولور ساییله احسان ائدن تازه لباسین طوی گونی نصف شب گیزلنجه بیردریای رحمت دفن اولور بو سواله یوخ ندن بیر اهل دل وئرسین جواب دخت طاها نصف شب آیا نه علت دفن اولور وار یئری شیعه اولونجه ائیلسین اشکین روان گوهر خلقت زبس اولدی اذیت دفن اولور یاز قلم‌ محنت آغیردی گر چه ‌جسمی یاره دی قالمادی جسمی آراده تاپدی فرصت ، دفن اولور بیر یارالی شاهیدن واردور سراغیم پیکری بس توکولدی دوره دن سنگ عداوت دفن اولور نه لباسی وار بدنده، نه باشی، نه اللری هیچ بیلن یوخ بو یارالی هانسی ساعت دفن اولور کربلایه حضرت سجاد گلدی دیلده غم باخدی گورسون تا نئجه نعش امامت دفن اولور بیر حصیره بوکدی گول مثلی داغیلمیش پیکری هانسی بیر پیکرده بو قدری جراحت دفن اولور هاردا وار بیله یارالی هاردا وار بیله شهید پیکری قربان کیمی اولموشدی قسمت، دفن اولور عالمه ویردی تکان شاه شهیدین نهضتی گول بیتیر هر بیر مکاندا زخم حسرت دفن اولور یاندیرار ام البنینی حشره تک بو مسئله خردا قبر ایچره هاچان بیر سرو قامت دفن اولور هر زمان مال و مقامه توغلانوب خلق جهان خلقیده بیلمم هاچان بو کهنه عادت دفن الور #محمد_هوشمند #مدهوش @hushmand

جلالت حورای انسیه دلیل خلقت عالم دی تاج نسوان دیر پیمبرین قیزیدی بیر نمونه انسان دیر گئجه گونوز دولانور باشینه، زمین و زمان که شمع مجلس وحد ت دی، نور یزدان دیر خدا رضایتی وابسته دور رضایتینه شفیع روز جزادور، عزیز جانان دیر دانیشدیقی سوزی، مافوق دور خلایق دن نفسی لری ائله بیل آیه آیه قرآن دیر مقام و منزلتین هاردا درک ائدر انسان که برّ و بحر و قلم بو مقامه حیران دیر کیمین اورکده اولا سخت و چاره سیز دردی آدینی سسله سه صدقیله درده درماندیر خدوم درگهی فوج ملک دی فخریله گداسی درگهینین بوذریله سلمان دیر حیا و عفته معنا وئریب حیاتینده حریم عصمت حقّه خانیم نگهبان دیر طویوندا سائیله وئردی لباس تازه سینی عطاسینی یازا بیلمز قلم فراوان دیر دییردی بو سوزی پیغمبر امین خدا آتاسی بئیله وفالی بالایه ، قربان دیر جلال و شوکتی هم کُفو مرتضا علی دور بهشت و دوزخه بیر بی بدیل میزان دیر هزار حیف ولی داندیلار جلالتینی او اهل کفر که ظاهرلری مسلمان دیر هجوم ائدوبله ملک اذن ایستین قاپییا نه دور بو کینه جماعت ده بو نه ظغیان دیر قاپی آلیشدی الولاندی های و هوی قوپدی همان قاپی که ملائک او یئرده درباندیر حریف قوه لی، یانمیش قاپی ، آغیر ضربه قاپی دالیندا قالان بیر ضعیفه ، نالان دیر قاپی آچیلدی ولی باغلانیب علی قاپوسی توکولمدی یئره گویلر ندن نه عنوان دیر نه اولدی شرحینه هیچ بیر قلمده شرح اولماز که میخ یازدیقی احکامیدن اورک قاندیر جانین ولایته خاطر خانم فدا ائله دی بو عشق اهل ولایه دلیل و برهاندیر ایاقلار آلتدا سولوب باغ و گلشن و غنچه بو درد و محنته تا حشر دیده گریاندیر دایاندی ایش او یئره فضه نی چاغیردی خانیم علینی سسلمه دی گر چه شیر یزدان دیر هرایه گلدی ولی فضه چوخ یوبانمیشدی گوورب که گلشن و گل ظلم الیله تالان دیر قلمه نوایه گلیر پرده لی کئچیم سوزدن که تا قیامته جک قلبلر پریشان دیر بو قدری عرض ائلییوم ییخدیلار علینین ائوین اولونجا حشر اورک ناز غمله سوزان دیر علی همیشه جهاندا غریب و مظلوم دور اگر چه هر ایکی دنیاده میر و سلطان دیر نه چکدی آل پیمبر جفای امت دن نچون بیر عده سینین فعلی کفر و طغیان دیر قلم نوایه گلیب یوخ دیئن بو مسئله نی ندور دلیلی که زهرا مزاری پنهان دیر #هوشمند #مدهوش @hushmand