قسمت دوم: قتلگاه حسینی
قسمت اول: https://eitaa.com/hushmand/526
آچدی گوز بو کشمکشده شاه مظلومان حسین
دعوت ائتدی زینبی صبره امیر ماسوا
آغلاما زینب بلورسن یوخ بو احواله دوزوم
تز قییت اخیامه ال اوز مندن ای کان وفا
قوی منی قانیله سیراب ائله سین شمشیرلر
تا بو قانیله جهان دا دین حق تاپسین بقا
محنتین چوخدور نظام صبریوی پوزما هله
آغلاما مندن صورا باشین چکر چوخ ابتلا
آه و زارائتمه بلالی عرصه ده محکم دایان
سرپرست ائتدیم سنی بو چولده یورقون قیزلارا
من گرک قران یولوندا باش و جانیمدن گئچه م
وار بیوک تکلیف بوینومدا کرگ اولسون ادا
سنده صبر ائیله قاباقدا محنت شامات وار
قلبیمی آه شرر باریله بئیله داغلاما
بو شهادت دور هله رنج اسارت وار باجی
سرنوشتینده یازیب، درد و بلا، کلک قضا
آغلاما سن آغلاسان کیم قیزلارین نازین چکر
ناله ائتمه اولما راضی دشمن دین شاد اولا
تز قییت اخیامه ایندی اولدورر قیزلار اوزون
وئر تسلی قویما قیزلاریم ائده آه و نوا
بیر نفر یوخ خیمه لرده قیزلاری آرام ائده
آغلاییر نازلی رقییم سسلنیر ایوای بابا
قارداشین امرین باجی ناچار اطاعت ائیله دی
گلدی اما آز قالیب روحی بدن دن آیریلا
ناگهان گوردی کی دگدی نظم عالم بیر بیره
قاره یئل اسدی گییندی عالم امکان قرا
بیر زمان گوردی حسینین باشی چیخدی نیزیه
گوییا چیخدی قرانلوق بیر گیجه شمس هدا
جلوه رخسارینی رویت ائدیب سرنیزده
سسلدی قارداش یارالی باشیوه جانیم فدا
ای امیدیم تکیه گاهیم باخ جدادن بیر منه
زینبه تاب و توان وئر قویما صبریم قورتارا
کامه چاتدین سن شهادتله یئتشیدن مقصده
زینبین قالدی کمک سیز یوخ داخی بیرآشنا
راحت اول قارداش باجین ثابت قدم عهدینده وار
قویمارام تا جان دا جان وار بو آخان قانلار باتا
لشگریم قیزلار، سلاحیم گوزیاشی، آهیم سپر
ظاهری قدرت لری زینب کرگ ائتسین فنا
کاخ استبدادی قولباقلی گرک فتح ائیلییه م
سن قوتولدون زینبه باشلاندی تازه ماجرا
تا نفس وار نسگلین یاده سالیب دیل داغلارام
اولمادی بیر کس اولا یاور پیمبر اوغلونا
سن بیلرسن ائیلیر مدهوش محشردن هراس
ای کرامت صاحبی احسان ائله روز جزا
980505
بیا ای شیعه عاشق نوا کن فصل ماتم شد
هلال غم دمید از کربلا و موسم غم شد
بیاور چشم اشک آلوده و پیراهن مشکی
که یکبار دگر در عالم امکان محرم شد
به سوی کربلا از هر طرف عشاق می آیند
هر آنکس گفت یا زهرا به بزم وصل محرم شد
چه رازی دارد این مکتب چه سری دارد این نهضت
که تا روز قیامت آبروی هر دو عالم شد
صدای وا اخا و وا حسینا می رسد بر گوش
جهان غرق عزای اشرف اولاد آدم شد
حدیث عزت و شور شهادت می شود تکرار
اساس عیش ظلم و ظالمان تا حشر برهم شد
امان از کینه و حب ریاست در دل انسان
که اسباب خیانت گاه قدرت، گاه درهم شد
چه ظلمی رفت بر آلعبا در روز عاشورا
که جمعی روی خاک افتاد و جمعی قامتش خم شد
نشان تیغ کین شد تا دو دست صاحب پرچم
اسارت عترت زهرای اطهر را مسلم شد
به روی خاک و زیر تیغ دشمن تشنه در مقتل
چنان تسلیم و راضی بود گویا حق مجسم شد
چو ماوا کرد راس نیزه را تفسیر قرآن کرد
بنای دین حق با منطق و ایثار محکم شد
بقای کربلا تصویب شد با منطق زینب
قیامت کرد هر ان فرصتی اندک فراهم شد
من از روز ازل مدهوش خاک کربلا هستم
به هر زخمی که خوردم تربت معطور مرهم شد
#هوشمند
#مدهوش
#بوی _محرم
کانال اشعار
@hushmand
خروج از مدینه
بیلمم نه واردی بو گئجه دیلدن توان گئدیر
گوزدن اولور اورگ قانی سو تک روان گئدیر
آیا نولوبدی ناله سسی دهری دولدوروب
یئردن بو نوعی گویلره آه و فغان گئدیر
ترک ائلییور مدینه نی سرعتله کاروان
نه سرّیدور که شمس امامت نهان گئدور
بوشلور ندن قطا قوشی اوز آشیانه سین
قوشلار چمندن آیریلیری نغمه خوان گئدور
باعث ندور مدینه داخی قالمالی دگیل
فرمان الرحیل گلیب کاروان گیدیر
ائو اهلینه وطن ائیله غربت اولوب هامی
بزم نگاره جان گوتوورب باغریقان گئدیر
دور زمانه آیری سالیر ائل قبیله نی
آغلار قالیر قالان گئدن ائیلور فغان گئدیر
هجران سوزی دوشنده اورکلر دونور قانا
گوزیاشینین دالیجا گلیر موجه قان گئدیر
تعجیل ائدیر یول اوسته ائله میر کاروان
گویا سفر بهانه دی آرام جان گئدیر
رنگ خزان ندن بوریوب صحن گلشنی
بیر دسته گول الینده دوتوب باغبان گئدیر
جمع ائیلییوب دی باشینه دنیا گوزللرین
ترک ائیلییور مدینه نی جان جهان گئدیر
کروبیان دوروبلا تماشایه صف به صف
شهپر آچیب ملائیک اونا سایبان گئدیر
ناله ائدیر مدینه چکیر ناز و حسرتین
بو کاروان دالیجا زمین و زمان گئدیر
یول باشلیوبلا مقصده عز و جلالیله
چوخ نازیله جلالیله پیر و جوان گئدیر
فخر ائیلییور اوغول آنایا خدمت ائیله سین
هر بیر انا یانیجا گوزل بیر جوان گئدیر
دین پرچمی الینده علمدار سیر ایدیر
گویا آلیب قوجاقه آیی آسمان گیدیر
هیچ بیر کسین اورکده ولی یوخدی غصه سی
شهزاده لر بو قافلیه پاسبان گئدیر
سو واردی مشکلرده اورکده لرده یوخدی غم
تشنه اولان سو میل ایلیوب شادمان گئدیر
هر تک تکی صفا و ملاحتده بی نظیر
بیراوچ یاشیندا دختر شیرین زبان گیدیر
حیران قالیب قضا و قدر بو قضیه دن
بو قورخلی سفر نیه طفل و زنان گیدیر
کیمدیر بو غملی قافلیه یولدا ساربان
کیم دعوت ائیلیوب دی کیمه میهمان گئدیر
فرصت یوخیدی بسلیه گلشنده گوللرین
بیرغنچه نی قوجاقه الیب باغبان گئدیر
گتدوقجا کاروان آزالیر بسن ندن سایی
خالص عیاریلر سئچیلیر بی گمان گیدیر
هر سمتیدن صبا ائلییور طوف باشینه
سرمست اولوبدی قافله تک بی امان گیدیر
2
هر سمته کاروان گیدیر حال و هوا گلیر
هر بیر یئره نزول ائلیوللر صفا گلور
سسیز گئدیر او قافله اما قولاقلارا
هر بیر قدم یانیقلی فغان و نوا گلور
کروان دالیجا توستی کیمی قوزانیر غبار
ایلیور عیان او غملی چوله آشنا گلور
سرعتله وعدگاهه طرف کاروان گئدیر
پیشوازه شوق و ذوقیله فوج بلا گلور
معناده سس گلور نیه غفلتده قالموسوز
آگاه اولون کی عترت خیرالورا گلور
جام بلایه لایق اولان زبده مشتری
جان نقدی الده خامس آلعبا گلور
سرمست جام عشقیدی حقین مناسینه
شوقیله جانین ائتماقا یاره فدا گلور
حقه بلی دین داخی هیچ امره لا دیمز
دیلدن رضادی باشینه هر نه ماجرا گلور
آرتیرماقا او شوره یئرین اعتبارینی
اول غم دیارین ائتماقا دارالشفا گلور
زهرای اطهر آغلوری معناده اوغلونا
هر ناله سینده نالیه ارض وسما گلور
سو صحبتی گلنده دیله اودلانور اورک
نی تک فغانه علقمه و نینوا گلور
هر بیر زمان که صادر اولور حکم امامیدن
عباس اطاعت ائتماقا الده لوا گلور
شه دورسین آلیب دی جوانان هاشمی
بیر جمع با محبت و اهل وفا گلور
ظاهرده کوفه اهلی گلیب کسدیلر یولی
معناده پیشوازه هامی انبیا گلور
رسم و رسومه ائیلور عمل میهمانلارا
اوخ الده پیشوازینه اهل جفا گلور
عاشقلری یغیب باشینا پاکباز عشق
پیمان عشقیین حقینی ائتسین ادا گلور
98
ادامه دارد.................
2-4. دانشگاه کربلا
ای اولان عشق اهلینه طور تجلا کربلا
سنده وار یئتمیش ایکی نور تولا کربلا
بیر منا وار سنده که یئتمش ایکی قربانی وار
شیعه نین سنده سوسوز قانه باتان سلطانی وار
عالمی سیراب ائدن لعل لب عطشانی وار
سنده دور قولسوز یاتان شرمنده سقا کربلا
کربلا سنده محبت اهلینین عنوانی وار
تورپاقین قانیله الوان دور گوزل برهانی وار
هر مریض و دردمندین دردینین درمانی وار
سنده دور هر بیر یارا قلبه تسلا کربلا
کعبه دن آرتیق دی بو دنیاده شان و عزتین
عاشقین چوخدو هامی دیللرده واردی حسرتین
کیمای عشق دیر، خاک شفادیر تربتین
عالمی حیران قویوب بو سر عظما کربلا
گلستان اولسا جهان ،شور و طراوت سنده دی
عالمی روشن ائدن نور هدایت سنده دی
گوئیا اسرار و آثار قیامت سنده دی
نکته سنج اولسا بیری وار چوخلی معنا کربلا
کربلا وار سنده دانشگاه احساس و شعور
فارغ التحصیل اولار کیم ائتسه تاریخین مرور
قتلگاهین هر زمان گر ائتسه ذهنیمده خطور
اود سالار بو مجمر قلبه تمنا کربلا
معرفتله گلسه هر کیم کوی مهر و وحدته
یوخدی ذره شک و تردیدی چاتیبدیر عزته
باشین اگمز کیم حسینه تابع اولسا ذلته
باش وئرر ائتنمز ولی اوز نفسین اغوا کربلا
کربلا سنده ولایت اهلینین مولاسی وار
قدرده عرش خدا سن، گرچه غم دریاسی وار
کیم حسینه دیل وئریب، باشینده حق سوداسی وار
آرزو ائیلر سنی صبح و مسا یا کربلا
کربلا سند مهد عزت سن ،مطاف انبیا
سنده دفن اولموش یارالی نورچشم مصطفا
عالمی درده سالیب سنده یاتان تشنه فدا
یوخ سنین اجلالیوه عالمده همتا کربلا
کربلا سنده اولان اللهی چوخ یاد ائیلییر
یاده سالدوقجا غم و اندوهی فریاد ائیلییر
مکتب سرخ حسین دنیانی آباد ائیلییر
مدعی اولسون کرگ هر یئرده رسوا کربلا
کربلا سنده نه قدری کهربا تک جذبه وار
چاتما توپراقیوه احرار اولوبلار بیقرار
نار عشقه یانماقا دیوانه لر پروانه وار
هر کس اوز عشقی قدر ائیلییر تقلا کربلا
کربلا اولسون سلام و تحنتیت احساسیوه
آغلارام تا عمر وار ظلمیله پرپر یاسیوه
گلمیشم عرض ارادت ائتماقا عباسیوه
هاردا وار بیر بیله سقا بیله مولا کربلا
#هوشمند
#مدهوش
کانال اشعار
@hushmand
1-1. کوچ از قتلگاه
دور ای منای حقیقت ده دوغرانان یارالی
نه یاتموسان اویان ای سرور زمان یارالی
باجوون یانیر غم هجرانه بیر عنایت ائله
دانیش منیله اولوب صبر ائوی تالان یارالی
یئتیشدی آیریلیق هنگامی بیرمنه سس وئر
اماندی داده یئتیش باغریم اولدی قان یارالی
نئجه گوروم سنی بو حالیده باجون اولسون
نه واردی دفن ائیلین وار نه سایبان یارالی
چتین دی داغ فراقین دوزنمورم قارداش
اولوب بو حادثه دن قامتیم کمان یارالی
بدنده یاره لرین قطره قطره قان وئروری
ستاره دن دولودی قانلی آسمان یارالی
بو قطعه قطعه اولان پیکره باجوون قوربان
تالانمیشام داخی یوخ مرهمه گمان یارالی
بلی دئییب باشیوی تیغ ظلمه تاپشیردین
بلایه طالب اولوب وئردین امتحان یارالی
بو چولده گلشنمی غم یئلی خران ایلدی
شرار ظلمه یانیب باغ و باغبان یارالی
بهشت عطری گلیر بو یارالی پیکردن
بهار عمرون اگر چه اولوب خزان یارالی
گلنده همدمیم عباس و اکبریدی منیم
کیمیله گور گیدیری شامه کاروان یارالی
مقام وصله چاتیب راحت اولموسان قارداش
فراق تیری منی ائیلیور نشان یارالی
عجله ائتدی باشون میزبانی خلعت اوچون
آپاردی کوفیه قیمتلی ارمغان یارالی
یارالی پیکریله اولموسان فنا فی الله
قالیب بو عشقیوه حیرتده قدسیان یارالی
یارالی جسمیله تورپاقلار اوسته ناز ائدیسن
یئتیردی اوجه سنی عشق بیکران یارالی
بویاندی قانینه بو چولده یار و انصارین
سو اوسته اولدی اوخا اصغرین نشان یارالی
چولون مباح سویون ویرمه دی سنه لشگر
باشیوی کسدیله لب تشنه کوفیان یارالی
سنی قوناق چاغیرانلار خیانت ائیله دیلر
گتوردولر گوروشه نیزه و سنان یارالی
نقدری سعی ائله دین دشمنین هدایتینه
او قدرعناد ائله دی خصم جانستان یارالی
نقدر ائتمسین احسان بو قان توکنلریوه
ولیک سیندریب عهدین بو کوفیان یارالی
کرگ اولونجه یانام گوزیاشیم اخا یوزیمه
کسوبدی باشیوی لب تشنه میزبان یارالی
خطرلی دیر سفریم قیل دعا بو خونجگری
که بلکه شامه یئتیشسین بو کاروان یارالی
دوباره بو چوله قارداش زیارته گللم
اگر اجل دن اولا زینبه امان یارالی
ئولونجه دیلده منیم نیسگلیم آزالمیاجاق
نقدر اشگیم اولا عارضه روان یارالی
بو بیر گونون غمی امکانی یوخ دی شرح اولسون
یازیلسا هر نقدر غملی داستان یارالی
نسیم وصلیله هر دم اورک اولور#مدهوش
فدا جلالتیوه ای شه جهان یارالی
التماس دعا
پرچم عزای حسینی
پرچمت را دیدم و دل از غمت سرشار شد
باز هم فصل عزا و عاشقی تکرار شد
باز شد ماه محرم زندگی معنا گرفت
کوچه های زندگی لبریز عطر یار شد
هر کجا رفتم صدای یا حسین آمد بگوش
مرغ روحم پر گشود و مست این گلزار شد
تا به لب نام ترا بردم دلم آتش گرفت
غیر عشقت هرچه در دل داشتم انکار شد
این چه غوغاییست در عالم، چه سوز و ناله ای
این چه فریادیست کز آن عالمی بیدار شد
چای سرد روضه ات با اشک شد شور آفرین
خوش بحال آنکسی مست آمد و هشیار شد
جلوه حسنت چنان کون و مکان در برگرفت
صد هزاران هم چو یوسف در پی دیدار شد
خواستم وصفی کنم از حسن رویت یک دمی
شد قلم #مدهوش و دفتر غرق در اسرار شد
کانال اشعار
@Hushmand
#هوشمند
چون هلال غم نشان از بار محنت مي دهد
بر عزاي شاه دين پيغام دعوت مي دهد
آسمان هر دو عالم را گرفته ابر غم
بارش طوفانی چشمم شهادت می دهد
پیچ و تاب پرچم نصر من الله حسین
رهروان را تا به سرمنزل علامت می دهد
کاروانی می رسد منزل به منزل از حجاز
وادی کرب و بلا را قدر و قیمت می دهد
ناخدای عشق با هفتاد و یک یار صدیق
می رسد با کشتی و دل را بشارت می دهد
مي دهد سر را بپاي عهد و پیمانش ولي
با يزيدان مثل او كي دست بیعت می دهد
کشتی راه سعادت در میان موج خون
مژده بر اهل ولا بهر هدایت می دهد
شد رضا قربان کند هفتاد دوذبح عظیم
چون منای عشق را رنگ فضیلت می دهد
نیزه ها شمشیرها و تیر های خونفشان
عاشقان را جرعه جرعه جام وحدت می دهد
چند روزی کام اصغر تلخ شد از تشنگی
دشمن از تیر سه شعبه آب و شربت می دهد
آه از آن ساعت امام افتاد در دریای خون
شمر دون بر لشگرش فرمان غارت می دهد
خیمه ها آتش گرفت از شعله کین عدو
کربلا یک جلوه از هول قیامت می دهد
نخلهای سربریده زینب غمدیده را
در کنار جسم بی سر سرسلامت می دهد
در شب شام غریبان آهوان خسته دل
خفته در دامان زینب شرح محنت می دهد
هچو شمعی تا سحر آن بانوی شورآفرین
در كلاس عشق درس استقامت می دهد
صبر زینب کرد حیران حضرت ایوب را
امتحانی لایق خود در مصيبت می دهد
یک سبد گل کربلا را تا ابد گلزار کرد
بوی سیب قتلگه جان را طراوت می دهد
کانال اشعار
@hushmand
ائیلیوب عجب نعش اطهرین
کربلا چولون با صفا حسین
قافله گئدیر کوفیه قوناق
دور بیزی اوزون سال یولا حسین
جانیمیز بو جانه فدا حسین
دور ایاقه بیر خواب نازیدن
ای منیم پناهیم نه یاتمیسان
کربلا چولون ائیلدین وطن
حقه باش وئریب باش اوجاتمیسان
ای اومید عالم اویان ندن
اهل بیتیوی گوزدن آتمیسان
بستر ائتمیسن قانلی توپراقی
زینبی غمینده قوجاتمیسان
باغریمیز دونو ب قانه غصه دن
یوخدی بیر نفر آشنا حسین
دور ایاقه سال زینبی یولا
درد و غصه دن باغریقان گئدیر
شام و کوفیه جبریله بو گون
سندن آیریلیر کاروان گئدیر
قتلگهه باخدوقجا قیزلارین
ائیلوری سرشگین روان گئدیر
کربلایه باخدوقجا قلبیمه
غم گلیر اورکدن توان گئدور
یوخ امان اقلی باجون سنه
بیر یول اوسته دوتسون عزا حسین
وار یئری بو غم واردی تا نفس
آل حیدری یاندیریب یاخا
وئرمه دي سنه قاتلین سودان
چوللره فراتی آخا آخا
یوخدی جسمیده صاف یئرین حسین
اولموسان نشان نیزیه اوخا
بیر کس اولمادی یار اولا بیزه
دفن ائده ک سنین نعشیوی اخا
هاردا واردی سن تک فدا اولان
یا کی کربلا تک منا حسین
بیر دانیش دئیوم دردیمی سنه
ای باشی بدندن اولان جدا
قوی دئیوم کی سندن صورا نئجه
حمله گتدی اخیامه اشقیا
چاره تاپمادیم قاچدی چوللره
خردا قیزلارین دیلده وای بابا
بیر یانان چادیردا کئچن گئجه
مسکن ائیلدی آل مصطفی
دردیمز چوخ اولدی بو صحنه ده
اولمادی ولیکن دوا حسین
هانسی محنتون یادیمه دوشور
ائیلیور منیم صبریمی تالان
قانه باتدی بیر بیر کمک لرون
ایچدیلر هامی سو یئرینه قان
چارم اولمادی من باخا باخا
کسدی باشیوی شمریله سنان
گویلره چیخیب وای بابا سسی
ذوالجناح سنسیز گلن زمان
ذولجناح اوزی نوحه باشلادی
اولدی حشر اعظم بپا حسین
وار یئری اگر کربلا چولون
گوزیاشیملا القانه غرق ائه دم
بحر غم جوشور قویموری منی
دیلده کی اولان دردی گیزله دم
یوخ دی بیر تسلی وئرن بیزه
باشیمه دگور قمچی دمبدم
دفن ائدنمدیم پاره جسموی
دوشمنه اسیرم کرک گئده م
بیلمیرم هاچان قسمتیم اولار
بیئرده بو دیار بلا حسین
توپراق اوسته محراب عشقیده
چاتموسان بیوک امتیازوه
باخمادی عدو قتلگاهیده
صون نفسده سوز و گدازیوه
قاتلی ن سنه رحم ائتمیوب
قویدی خنجر عطشان بوغازوه
جان عالم اولسون فدا سنین
آخر عومر قانلی نمازیوه
واردی هاردا سن تک نماز ائدن
سجده گاهی اولسون یارا حسین
گلدی زینبین عشقینی سنه
آیریلان چاغیندا نشان وئره
اوخشارام دویونجا سنی اگر
باشیوی کسنلر امان وئره
هاردا سن کیمی وار غریب اولن
سو یانیندا لب تشنه جان وئره
اکبریم هایاندا قاليب بویور
کاروان دالیجا اذان وئره
چوخ خطرلیدور بو سفره اوزون
ائله کاروانی دعا حسین
ای حقیقت اوستونده دوغرانان
سو یانیندا ظولمیله تشنه کام
تا کی واردی عومروم عزالیام
محنتون یادیمدان چیخاتمارام
آتلارین ایاقینده خورد اولان
سینه وین فداسی آتام آنام
بو شهادتین واردی تا جهان
ائتدی دین و قرانی مستدام
هر زاماندا آزاده مردیلر
ائیلییه ر سنه اقتدا حسین
گون ایونده گول جسمیوی قویوب
غصه دن باجوون باغریقان گئدیر
باشوون دالیجا حرملرین
شام و کوفیه میهمان گئدیر
بوش قالیب قوجاقی ربابیوین
اصغرین گزیر ناگران گئدور
اکبریله عباسیله گلن
شمرشومیله بی امان گئدور
چاره یوخ گرک دور باجوون گئده
گتسه قانلی باشوون هارا حسین
بیر به بیردییم دردیمی سنه
وئرمیری امان لشکرجفا
تا نقدری وار عمر حقلییم
آغلییوب بو غمده ائدم نوا
اولمادی فراقت سنه باجون
اوز الیله بیر قبر ائده بنا
من گرک گئده م شام و کوفیه
ائیلییم کسیک باشه اقتدا
وار باشیمدا چوخ ماجرا هله
اولمییوب دی دئینیم ادا حسین
باخدی باخدی باشسیز جنازه یه
زینب حزین اولدی باغریقان
کاروانی جبرا آیریدیلار
عرشه اوج ائدئیب ناله و فغان
ناگهان سالیب شورعالمه
قتلگاهیدن نغمه اذان
حیرته دوشوب جمله کاینات
عشق آلیبدی #مدهوش دن توان
باده وصالیله مست اولوب
کیم چاغیردی بیر دفعه یا حسین
#کوچ
#هوشمند
#مدهوش
کانال اشعار
@hushmand
با سلام و عرض ادب به همه دوستان عزیز ، اساتید شعر و مرثیه بزرگوار که در کانال حضور دارند ، به همه دوستان عزیز که تازه به جمع ما اضافه شده اند خیر مقدم عرض می گویم و التماس دعا دارم
خاکپای عاشقان اهلبیت علیهم السلام : محمد هوشمند
ای تشنه با تلاطم دریا چه میکنی
ای کشتی نجات به صحرا چه می کنی
بالا نشین عالم امکان، به روی خاک
با شور و حال عالم معنا چه می کنی
ای زخمی جهالت یک نسل بت پرست
با درد جهل و کینه اعدا چه می کنی
از حال خویش با من دلخسته باز گو
با زخم عشق و درد و مداوا چه می کنی
ای پادشاه ملک ولا لشکرت کجاست
بی سر چنین به معرکه تنها چه می کنی
بنگر چگونه اهل حرم نوحه میکنند
ای مهربان برای تسلی چه میکنی؟
شاعر تمام هستی خود را به عشق باخت
با این دل شکسته و رسوا چه می کنی
# مدهوش شد هر آنکه زدل گفت یا حسین
با قلبهای عاشق و شیدا چه میکنی
هوشمند
ای گوزل آدی ائدن قلبی مصفا یا حسین
شور عشقی ائیلیین دیللرده غوغا یا حسین
ای امام سوم ای نور دو عین مرتضا
ای عزیز حضرت زهرا و عشق مصطفی
سنده کی حسن و جلال و شوکته جانلار فدا
ائیلیر عشقین اورکلرده تجلا یا حسین
شمع عشقینده گئجه گوندوز یانان پروانه یم
کوی عشقینده سنون بیر عمریدی دیوانه یم
آشنایم عشقیویله غیردن بیگانه یم
نوکرم سن سن منه عالمده مولا یا حسین
هر نه ییم سن دن دی شان و افتخاریم سن آقا
نوکرم من سن امیر تاجداریم سن آقا
سن امامیم سان جهاندا اعتباریم سان آقا
شهریاریم سان منیم ای شاه والا یا حسین
شاکرم پرودگاره آشنای عشقیوم
آیری بیر کس ده گوزوم یوخدی گدای عشقیوم
قاره پوشم نقد جان الده فدای عشقیوم
قطره یم وصلون منی ائییلوبدی دریا یا حسین
جمع عشاقیله بیر کرب بلا مشتاقیم
گلمیشم عشقونده افغانه نوا
درد مندم آستانینده دوا مشتاقیم
وار باشیمدا روز و شب شوق تمنا یا حسین
ای مقدس عشقی دیللرده اولان رمز حیات
نور پاکی ای وئرن انسانه ظلمت دن نجات
ریزه خوار دولتین دور تا قیامت کاینات
سایه لطفونده پابرجادی دنیا یا حسین
سن صراط مستقیمی گون کیمی ائتدین عیان
سندن اورگندی شرافت درسینی اهل جهان
نهضتوندن فیض آلار دنیا بویی پیر و جوان
هاردا وار سن تک امیر دولت افزا یا حسین
#مدهوش
990505
هر کس عالمده ره عشقیده ایثار ائله دی
نفسینین خواهشینی شوقیله انکار ائله دی
اوزونی مجلس جانانه سزاوار ائله دی
کیم ره حقه قدم قویدی هدایت تاپدی
کیم ره عشقیده خواراولدی شرافت تاپدی
عشق حسین ابن علی دی، شه اقلیم وفا
عشقی تفسیر ائیله دی اولدی ره حقه فدا
اولدی دانشگه عشاق جهان، کرب وبلا
هر کیم اوز عهدینه عالمده وفاداراولدی
آقام عباس کیمی عشقه علمدار اولدی
کیمدی عباس، وجاهتده اونون یوخ مثلی
زاده ام بنین ، عبد خدا، پور علی
کیم توسل ائله سه مشکل آچار قانلی الی
اولدی هوشیار بصیرتله تاپیب حق یولونی
وئردی اسلامه فدا باشینی بیر جوت قولونی
ادامه دارد
شروع عزا
ای عزادار آگه اول گلدی یئنه ماه عزا
دولدوروب عالم لری آه و فغان ، شور و نوا
حضرت زهرای اطهر باتدی بو آی ماتمه
کربلا اولدی منا اولاد فخر آدمه
کربلا دشتینده طغیان ائیله دی قوم عنید
الده قران ائتدی لر بیر عده قرانی شهید
ایندی ایللردن صورا شیعه ائدیر ماتم بپا
ساخلییور اون گون محرم شاه مظلومه عزا
قاره پرچملر اسیر هر کوچه و بازاریده
سیر ائدر عشاق اون گون گلشن و گلزاریده
کیم عزادار اولسا بو غمده ائده اشکین روان
معرفتله اولسا واجب دی بو انسانه جنان
هر اورکده گر حسین عشقی اولا بیر مختصر
کیمیا تک هر مس افکاری ائیلر سیم و زر
معرفت اولسا اولار دریای گوهر گوزیاشی
صادق اول عشقینده گور عالمده نیلر گوزیاشی
ای حقیقت آختاران لار با وفا آزاده لر
ای شهید کربلایه عاشق و دلداده لر
ای اولان الگولری کرب و بلانین نهضتی
آختاران بو آستاندا فخر و شان و عزتی
ای بیلن عزت لباسی شاه دینین قاره سین
آختاران هر دردینین باب کرمدن چاره سین
گل صداقتله بو بزم عشقه آغلا بی ریا
وار یقینیم کی گلر بو مجلسه آلعبا
گل ولی غفلتده قالما فکر ائله ای خوش مرام
گور نیه خاطر گئچیب جاندان شهید اولدی امام
شاه دین امر بمعروف اوسته باتدی قانینه
بیزده لازم دی اطاعت ائیلیاق فرمانینه
بو حسینین قاره سی عزّت دی هم فرهنگدور
اولماساق اهل عمل بو ادعا لر ننگدور
مکر ائدیر شیطان الیندن تا آلا سرمایه وی
سنده سعی ائیله حسینی ائیله اوز برنامه وی
کیم حسینی اولسا باطل دن حمایت ائیله مز
سفره دین دن یئییب دینه خیانت ائیله مز
کیم حسینی اولسا تقواسی اولار پیرایه سی
اولسا امکانی یقینا یاتماز آج همسایه سی
کیم حسینی اولسا بیت المالی پامال ائیلمز
نفسینه خاطیر امور دین ده اهمال ائیلمز
هر کسه لازمدی اول دیو نفسین داشلاسین
امر و نهیی اوزگه لردن یوخ اوزوندن باشلاسین
غیبت و بهتان و تهمتدن اوزاق اول ای بشر
ارزشی یوخدی بو آز عمرین بئله ائتمه هدر
دوز یولا دعوت ائدن اولسون کرگ مرد عمل
فعل و گفتاریینده اولسون مردمه ضرب المثل
دین و دونیامیزده لازمدیر کی دقت ائیلیاق
محرم و نامحرمین حدین رعایت ائیلیاق
کیم حسینیدی گرک عزت لباسین سویماسین
اهل بیته تابع اولسون دینه بدعت قویماسین
آختاریر بیر عده قرآنیله قرآنی ییخا
نیزه لر اوسته دوباره قویمویاق قرآن چیخا
جاهلیت بیر ده ایستور یول تاپا آیینیمه
قاتمیشام بیگانه فرهنگین مقدس دینیمه
شیعه ده لازمدی اولسون هم شعار و هم شعور
اوندا دی معنا تاپار فرهنگ والای ظهور
قویمویاق ظلم و جنایت بیزلره فرهنگ اولا
مهدی زهرا نیه بیزدن گرک دلتنگ اولا
غفلت ائتساق دینی تحریف ائیلییه ر بیگانه لر
صاحب قدرت اولار حکم ائلییه ر دیوانه لر
حقی ناحق ائیلمز مولا حسینون عاشیقی
یاخشی اخلاقه اولار دارا حسینون عاشیقی
وار نه علت بو قدر تبلیغ دن یوخدور ثمر
خلقی دنیا دردی، دین دردین دن ائتمیش برحذر
کشور اسلامییده هر گون ندن آرتیر فساد
بس نولوب آیا صداقت هیچ کیمیه یوخ اعتماد
روز و شب ذکریم اولوب یا مهدی گل یا مهدی گل
وای منه هیچ دوتموری منده شعاریله عمل
سسلروخ گل یوخ دی اما بیر حقیقی انتظار
انتظار اهلی وئریر من تک فقط دیلده شعار
گل منی لطفیله عفو ائله آقا شرمندییم
ائیله دیم نوکرلیقا گر ادعا شرمندییم
آه یا صاحب زمان نفسیم منی ائیلیب اسیر
یالقیزام سندنصورا بیر آیری کس یوخ دستگیر
هارداسان یاابن الحسن گلدی گنه ماه عزا
شیعه لر قاره گییوب ائیلیور بو ماتمده نوا
آستانوزده غلام اولماق سعادت دیر بیزه
نوکر اولماق جدیوه حقدن عنایت دیر بیزه
هارداسان فریاده گل ای مهدی صاحب زمان
هارداسان ای اهل ظلمین جانینه رعشه سالان
هارداسان گل ای امید و منجی اهل جهان
بسدی بوندان آرتیق ایتمه ماه رخسارون نهان
هارداسان دنیا سرارسر غصه و غم دور آقا
شیعه لر قاره گییوب ماه محرم دور آقا
ادامه دارد.....
بورا کوی وفادی وادی عشق و صفا زینب
همان جدیم دیین یئردی دیار کربلا زینب
بو یئر قارداشیوه مقصود و منظوره چاتان یئردی
حقیقت اوسته ایثار ائیلییب قانه باتان یئردی
بو توپراقین صفاسی چوخدی قارداشین یاتان یئردی
منه مدفن دی بو یئر رتبه ده عرش خدا زینب
بو یئرده گلمیشم اوز عشقیمی حقه ائده م اثبات
مباد سولدورا دین خدانین گلشنین آفات
باش اگسین اهل ظلمه من کیمی آزاده لر هیهات
اولا حتی بدن دن باشی ظلمیله جدا زینب
بو یئر آزاده لر باشیله جانیندن گئچن یئردور
منای عشقیده لب تشته لر قانین ایچن یئردور
آنالار اوز الیله اوغولونا خلعت بیچن یئردور
بورا جای عملدور نه حدیث و ادعا زینب
بو چولده قارداشین ایستیر بیوک بیر امتحان وئرسین
رضای حقه خاطیر قانلی گودال ایچره جان وئرسین
گرک عاشیق اولان معشوقینه عشقین نشان وئرسین
مقام وصل یاره چاتماقا اولسون فنا زینب
بو چول معبودیمله بزم وصل وعده گاهیمدور
عروج عشقیمه سرمنزلیمدور شاهراهیمدور
سپاهیم اولماسا یوخ غم علی اصغر سپاهیمدور
بو نهضتده منیله همقسمدور بو بالا زینب
بو یئر اهل جفا انصاف سر حدین ییخان یئردیر
سو تک دینین یولوندا قرمزی قانلار آخان یئردیر
بابا وای قارداشیم وای ناله سی عرشه چیخان یئردیر
یاخین دیر خیمه لر ظلمیله یانسین برملا زینب
یزید فاسقه باشیم ده گئتسه ائتمرم بیعت
شهادت اهلیینه هر بیر زماندا ننگ دیر ذلت
خوشام اولسا مرام اوسته منه جام بلا قسمت
رضای حقه خاطر ائیلرم سعی وصفا زینب
منیله بو مکاندا باش و جان قیدین آتان قالسین
کرگ عشق اهلینه بو نقطه دن عالی نشان قالسین
حسینین باشی ده گئتسه گرک دین جاودان قالسین
گرک روشن اولا بو یولدا وار هر ماجرا زینب
منه جدیم خبر وئرمیش بو دشتین ماجراسیندن
بو کوفه اهلنین رسم و رسومندن وفاسیندن
یوخوم قورخی بو سایسیز لشگرین ظلم و جفاسیندن
هدف آیدین دی، یول معلوم، مقصد آشنا زینب
اسیر اوز نفسینه اولماز اولان معبودینه بنده
بو چولده قانیمیله ساخلارام قرآنی پاینده
داریخما ائت توکل اللها آماده اول سنده
منه لازمیدی سن تک بیر شریک با وفا زینب
اوزون آماده ائت درد وبلا و محنته زینب
دوشرسن سنده بو نهضتده چوخلی زحمته زینب
ایکی عالم چاتارسان لیک عالی عزته زینب
چتین تکلیف دور صبر ائله تا آسان اولا زینب
بو یئر خاک شفادور گلسه هر کیم اخذ ائدرتوشه
اولار اهل وفانین کعبه سی بیر قبر ششگوشه
اگر قسمت اولا کرب بلا بیر یولدا #مدهوشه
توکور باران کیمین اشکین یوزه ائیلر نوا زینب
2.38M
میدان رزمه گوردولر
الده علم سقا گلور
سو آلماقا مامور اولوب
بیر تشنه لب دریا گلور
حمله ائدیر الده علم
ایستیر فقط چاتسین سووا
جان نقدینی آلمیش اله
آماده دی آتسین سووا
حاضردی گر سو اولماسا
اوز قانینی قاتسین سووا
دورین آلیب گرچی عدو
یوخ یاوری تنها گلور
سالمیش حصاره علقمی
بیر عده اللرده کمان
بیر عده سی ائتمیش کمین
تا حمله ائتسون ناگهان
مجبور اولوب شمشیرینی
آلسین اله اول قهرمان
روبه صفت لر اوستونه
چون شیر بی پروا گلور
سیماسینه باخسان اگر
ائیلوب سوسوزلوق چوخ اثر
با اینکه عطشاندور ولی
چوخ با صلابت جنگ ائدر
هر کس که میدانه گلر
اوز قانینی ائیله ر هدر
عباسه اولسون روبه رو
هر پهلواندان لا گلور
دعوادن آیری قصدی یوخ
ایستور فراته یول آچا
عنقای غیرت سعی ائدیر
قاف تمنایه اوچا
جنگه اراده ائتمه میش
یول آختاریر لشگر قاچا
چون کیم دایانسا باشینه
شمشیر رعد آسا گلور
شمشیری اعجاز ائیلییور
قوللاری قولاردان اوجا
حیران قالیب بو هئیبته
بو قدرته اهل جفا
ائیلیور خواتین حرم
عباسی مخیمده دعا
لب تشنه لر یول گوزلیور
فریاد واویلا گلور
سیندیردی سایسیز لشگری
ووردی فراته پرچمی
سیراب ائدیب مشکی سودان
دیلدن بیر آز گئتدی غمی
اما اوزی میل ائتمه دی
حیرتده قویدی عالمی
دنیایه بیر ده بیر بئله
اهل وفا آیا گلور ؟
سرگرم جام عشقیدی
صاق قول گوروب اولدی قلم
شمشیری آلدی صول اله
میداندا اول کان کرم
مشگین باسیب دیر باغرینا
جان تک او سقای حرم
مشکه طرف اوخلار گوروب
گویده ائدیر غوغا گلیر
...... با نوای گرم استاد رضایی
شجاعت
میدان رزمه گوردولر
الده علم سقا گلور
سو آلماقا مامور اولوب
بیر تشنه لب دریا گلور
حمله ائدیر الده علم
ایستیر فقط چاتسین سووا
جان نقدینی آلمیش اله
آماده دی آتسین سووا
حاضردی گر سو اولماسا
اوز قانینی قاتسین سووا
دورین آلیب گرچی عدو
یوخ یاوری تنها گلور
سالمیش حصاره علقمی
بیر عده اللرده کمان
بیر عده سی ائتمیش کمین
تا حمله ائتسون ناگهان
مجبور اولوب شمشیرینی
آلسین اله اول قهرمان
روبه صفت لر اوستونه
چون شیر بی پروا گلور
سیماسینه باخسان اگر
ائیلوب سوسوزلوق چوخ اثر
با اینکه عطشاندور ولی
چوخ با صلابت جنگ ائدر
هر کس که میدانه گلر
اوز قانینی ائیله ر هدر
عباسه اولسون روبه رو
هر پهلواندان لا گلور
دعوادن آیری قصدی یوخ
ایستور فراته یول آچا
عنقای غیرت سعی ائدیر
قاف تمنایه اوچا
جنگه اراده ائتمه میش
یول آختاریر لشگر قاچا
چون کیم دایانسا باشینه
شمشیر رعد آسا گلور
شمشیری اعجاز ائیلییور
قوللاری قولاردان اوجا
حیران قالیب بو هئیبته
بو قدرته اهل جفا
ائیلیور خواتین حرم
عباسی مخیمده دعا
لب تشنه لر یول گوزلیور
فریاد واویلا گلور
سیندیردی سایسیز لشگری
ووردی فراته پرچمی
سیراب ائدیب مشکی سودان
دیلدن بیر آز گئتدی غمی
اما اوزی میل ائتمه دی
حیرتده قویدی عالمی
دنیایه بیر ده بیر بئله
اهل وفا آیا گلور ؟
سرگرم جام عشقیدی
صاق قول گوروب اولدی قلم
شمشیری آلدی صول اله
میداندا اول کان کرم
مشگین باسیب دیر باغرینا
جان تک او سقای حرم
مشکه طرف اوخلار گوروب
گویده ائدیر غوغا گلیر
بیر کس ده جرات اولمادی
تا روبرو کسسین یولون
بیر آیریسی ائتدی کمین
سالدی ستمله صول قولون
نه حاله قالدی بیلمیرم
الدن وئریب صاق و صولون
زاغ و زغن فرصت تاپیب
قان توکمگه یکجا گلور
مشکی باسیب دیر باغرینا
حفظ ائیلوری مانند جان
واردیر امیدی خیمیه
مشکی یئتیرسین اول زمان
اما بیر اوخ سو مشکینه
ائتدی اصابت ناگهان
آخدوقجا مشکیندن سویی
دیلده غم عظما گلور
یوز دوتدی اخیامه اودم
سسلندی قارداش داده گل
یالقیزیلیب دشمن منی
ائیله کرم امداه گل
مشک اوخلانوب قوللار دوشوب
گل سیدی فریاده گل
فرصت تاپیب اهل جفا
باش کسماقا اعدا گلور
بیر پهلوانین اولماسا
دعواده قوللاری اگر
یاره دگنده جسمینه
باشین کرگ ائتسین سپر
دشمن ده انصاف اولماسا
دیل یاره سی اوخدان بتر
قلبی دلر هم یاندیرار
هر دردیدن بالا گلور
عباسی السیز اولماقی
گرچه غمه توش ائیله دی
اما آلیب مادر سسین
دردین فراموش ائیله دی
جام محبت تشنه لب
سقانی #مدهوش ائیله دی
تئز گل علم یاتدی اخا
داده آنام زهرا گلیر
التماس دعا
هارداسوز اهل عزا ماه محرم دور گلون
دولدوروب غم عالمی ایام ماتم دور گلون
حضرت زهرا باتیب یاسه حسینم وای دئیور
کربلا دشتی سراسر غصه و غم دور گلون
سس ویرون سسلیر امام عصر اوز انصارینی
تک قالیب میدانیده احوالی برهم دیر گلون
حق و باطل روبرو اولموش چتین دور مسئله
اولماسا فهم و بصیرت درکی مبهم دور گلون
اوخلارین اهل جفا قویموش کمانه بیر به بیر
اولدوره یالقیز امامی چوخ مصمم دیر گلون
فاطمه اوغلی یئنه هل معینی سسلنه نیر
عالم امکانیده بیر ایری عالم دور گلون
گوئیا حیدر قیلیر صبحون زمانینده نماز
دوره سی الده قلنجی ابن ملجم دیر گلون
ابن ملجم دن بتردیر کربلا قاتل لری
توپراق اوسته پاره پیکرلر مجسم دیر گلون
بداهه
ائیلمه چوخ آه و نوا لایلای علی اصغریم یات
دردیوه یوخ منده دوا لایلای علی اصغریم یات
بو قدر چالما ال ایاق باشیمی سالما بلایه
آغلاما سن آغلیاندا گلور حرملر نوایه
اهل جفا باغلیوبدور سو یولون آلعبایه
تشنه قالیب آلعبا
لایلای علی اصغریم یات
باخماسان حسرتله بئله سینه می چوخ داغلامارام
آغلاماسان یاتسان اگر من بو قدر آغلامارام
چاره م اگر اولسا منیم اللریوی باغلامارام
خیمه ده سو یوخدی بالا
لایلای علی اصغریم یات
کیمه دئیوم دردیمی من درد و غمیم چوخدی بالا
دولانمیشام خیمه لری قطره ده سو یوخدی بالا
قیمتی بیرجرعه سویون سه شعبه لی اوخدی بالا
رحم ائیلمه ز اهل جفا
لایلای علی اصغریم یات
حالیوه یانام بیلسین حالی پریشان نگران
یوما گوزون باخ آناوا گلشنیمی ائتمه خزان
باخ منه بیر گول گوزلیم صبریم ائوی اولدی تالان
بیر نظر ائیله آناوا
لایلای علی اصغریم یات
حر ره
خوش حالینه او کیمسه لرین وار درایتی
شامل اولوبدی حالینه حقین عنایتی
اونلار کی اوز مرامینی دیناره ساتمادی
هول و هراس محشری یاتدان چیخاتمادی
عاقل اولان همیشه سرانجامی آختارار
صادق اولان همیشه ائدر حقی اختیار
عاقل اودور تفکر ائده ائتمیه خطا
صادق اودور کی ائیلمییه نفسینه جفا
آزاده مرد اودور کی اولا صاحب اختیار
اوز قولینه عمل ائلییه وئرمیه شعار
گر بیر زمانی اولسا هامی شبهیه دچار
عاقل اولان تعقل ائدر حق یولون تاپار
تاریخه عبرت اولدی قضایای کربلا
آیریلدیلار محکده او چولده مس و طلا
بیر بیر او چولده مدّعی لر دالدالاندیلار
ناحقّه یار اولوب هاموسی حقی داندیلار
هر لحظه دشمنین سایی آرتیب چو مور و مار
تنگ اولدی شاه تشنه لبه حلقه حصار
شمس هدی وئریب او چوله جلوه حیات
فرصت وئریب دی بلکه آچیلدی ره نجات
یئتمیش ایکی گهر اوزونی ائیلدی عیان
گورمز مثالین اونلارین هیچ دور و هئچ زمان
ظاهرده آلدی بیر گئجه مهلت امام عشق
باطنده وئردی بیر گئجه فرصت امام عشق
شمس هدی وئریب او چوله جلوه حیات
فرصت وئریب دی بلکه آچیلدی ره نجات
افسوس نوری شپ پره لر درک ائدنمدی
سعد اوغلی نفس خواهیشینی ترک ائدنمدی
صبح اولدی نور حق ائدیب جلوه سین عیان
اتمام حجت ائیله دی سلطان انس و جان
چوخ سعی ائدیب که جلوه دلداری گوستره
انسانلیقا شرایط و معیاری گوستره
اما مصمم اولدوی قشون اوز جفاسینه
عقبانی بوشلیوبدولا دنیا هواسینه
سعد اوغلی قالدی وسوسه ری ده بد مرام
سعد اوغلی ملک ری دن اوتور اولدی بد مرام
گییدی لباس رزم وئریب لشگره نظام
تجهیز ائدیب سلاحه پیاده سوارینی
تعیین ائدیب امیر یمین و یسارینی
تاپدی قرار مرکز لشکرده اول لعین
وئردی غلامینین الینه کفر پرچمین
آماده اولدی حمله ائده لشگر جفا
طبل وورلدی دولدی نوائیله کربلا
درک ائیلیوبدی حر او هنگامه ده خطر
دوشدی وجودی لرزیه دیلدن تاپیب شرر
بیر سمتیده باخیر گوروب حق وحقیقتی
بیر یاندا سعدین اوغلون او کان شقاوتی
بیر سمتیده بهشته باخیر دیلده حسرتی
بیر سمتیده باخیر گوروری کفر و ظلمتی
دنیا گوزونده جلوه ائدیری سراب تک
عشقی ولی زبانه چکیردی شهاب تک
بختی اویاندی تاپدی سعادت او باوقار
تصمیم دوتدی جانینی اوددان ائده کنار
مست اولدی کوی عشقیده صهبای نابیدن
دریانی تاپدی ال چکیب آخر سرابیدن
گوز یومدی ملک و منصب و مال و منالیدن
مخمور اولوبدی باده ناب وصالیدن
سرعتله عزم کعبه جانان ائدیب دی حرّ
بیر ایش گوروب کی عالمی حیران ائدیب دی حرّ
وئردی مس وجودینه عشقیله بیر محک
گلدی بو نیّتیله حسینه ائده کمک
بیر آز قالاندا خیمیه ترک ائتدی مرکبین
یاتدان چیخاتدی منزلت و قدر و منصبین
شمشیرین آچدی چکمه لرین سالدی بوینونا
گه اللرین قویوب یوزینه گاه قوینونا
اقرار ائدیب او پاک نهاد اوز گناهینه
سالدی اوزون شکسته کرم بارگاهینه
ائتدی سلام صورتینی قویدی توپراقا
عرض ائیله دی کرم قاپوا گلمیشم آقا
جرمیم بویوک دی من آقا اینجیتمشم سنی
عفو ائیله فاطمه آناوین حقینه منی
ایوای اوزوم قرادی اگر ائتمسن کرم
عفو ائتمسوز اگر منی ای شاه نیلرم
من بیلمدیم جسارت ائدیب سینه داغلادیم
شرمنده یم سنه یولی بو چولده باغلادیم
سن شاه با کرامت و من بندیم آقا
ائیله کرم خجالت و شرمندیم اقا
ای فاطمه عزیزی منه ائیله بیر نظر
گور شرمیدن تمام وجودیم نئجه اسر
من گرچي خاطی ام سن هدايت چراغيسان
دارالامان دی درگهین ای شاه انس و جان
اوز جرمیمیمن بویوکولوگونی بیلمیشم آقا
مین بیر امیدیله قاپوا گلمیشم آقا
قوش تک گلیب بو درگه لطفه سیخیلمیشام
ای ذولکرام سن دوت الیمدن ییخیلمیشام
چاره يوخومدي رحم ائله بو حال زاريمه
باخ گوزده اشکه باخ بو دل داغداریمه
من بيلمديم كي ايش يئته جاق بو نهايته
سالدیم بو چولده آل رسولی مشقته
ادامه در کانال
@hushmand
احوالات حر ره قسمت دوم
مولا سنین كرم قاپوي بيلميشم اوميد
من روسیاهی بیر باخیشا ائیله رو سفید
شانین بیوکدی من بیلیرم قدر و قیمتین
گلدیم چالام امیدیله درگاه عزّتین
من گلميشم رضایتیوی اخذ ائدم شها
شرمنده جانی محضروه ائیلییم فدا
سن کشتی نجات سان حق رهنماسی سان
شانین بیوک دی حضرت زهرا بالاسی سان
بذل ائتدی تازه کوینگینی سائیله آنان
بذل ائیله دی رکوع حالیندا اوزوک آتان
جدین همیشه لطفیله عفو ائتدی دشمنی
جدّین رسولین حقیینه گل عفو ائله منی
وئره م قسم آقا سنی زهرا و حیدره
عفو ائت منیم گناهیمی شهزاده اکبره
سن سن بو گونده عالم هستی ده مقتدا
توبه م قبول اولا منی سن قیل اوزون دعا
تا گوردي حرّي حال نزاریله شاه دين
ائتدی مخاطب اکبری زهرایه نورعین
تازه گلن قوناقیمیزی پيشواز ائدون
لطف و محبتیله اونی سرفراز ائدون
ارزنده مردي دی گتورون احتراميني
حفظ ائیلییون او مرد شریفین وقارینی
تحویل آلیب قوناقینی سلطان سرافراز
عفو ائیله دی قصورینی شاهنشه حجاز
مبهوت ائدوبدی حرّی امامین محبتی
ذلّتی لباسینی چیخادیب تاپدی عزّتی
زهرا بالاسی سرور و سالار عالمین
عفو ائیلیوب دی حری او سلطان مشرقین
کوی وفاده حر وئریب عالی امتحان
نفسین ایاقلییب گل امیدی تاپدی جان
آغلار گوزیله عرض ائلییب اذن وئر شها
تا ائلییم بو عرصه ده من جان سنه فدا
میدانه گلدی هیبتیله حر نامدار
یوز دوتدی اول سپاهه کی ای قوم نابکار
انصاف ائدون ندن بو قدر ائیلیسوز جفا
بیر آز ائدون رسول خداوندین حیا
نه یولدی بوسیزی چاغیر دوزخ و شرار
یوخدون ندن سوزوزده سیزین قول و اعتبار
آیا مگر حسینه اوزوز نامه یازمادیز
علت ندور سویون یولون اخیامه باغلادیز
بو پادشاه فاطمیه نازدانه دور
پیغمبرین بالاسی دی حقه نشانه دور
حرّم حسین فاطمه نین من گداسیم
باطل دن اوز چوورموشم حقین فداسیم
حرّم منی هامی تانیور سر سپاهوزم
شمشیر الده طالب مرد مبارزم
حرّم دلاورم شه کونینه یاورم
بیر لحظه سین یزید اوتوران کاخه ورمرم
هر نه نصیحت ائتدی سپاهی او با وفا
بیر کیسمه ائتمدی سوزینه ذره اعتنا
شمشیرینه ال آتدی ائدیب حمله بی امان
صفلر دگیب دی بیر بیرینه قاچدی کوفیان
هر سمته حمله ائتدی پوزوب نظم صفلری
الحق گوزل بیرآد قویوب اول شیره مادری
گر چی او قهرمانه بیری اولمادی حریف
دگدی یارا قان آخدوقجا قول اولوب ضعیف
میداندا خصم گوردی که یوخ قاچماقا امان
هر بیر طرفدن ائیله دیلر اوخلارا نشان
دگدی او قدری یاره بدن دوشدی تابیدن
گچدی بدن ده یاره سی حد و حسابیدن
آت دان ییخلدی قالمادی تاب، ائیلیسین قیام
شرمنده یوز خیامه دوتوب عرض ائدیب سلام
آلدی سسین امام زمان توکدی گوزیاشین
میدانه گلدی آلدی دیزی اوستونه باشین
گوردی دگیب دی باشینه بیر یاره آغلادی
دسمالین آچدی باشدا اولان زخمی باغلادی
فرمایش ائتدی دینوه گلدین حمایته
آچ گوزلرین اوتانما یئتشیدین سعادته
یازدوقجا شرح حال بو آزاده مردیدن
#مدهوش اولور قلم آلیشیر بند بندیدن
خوش حالینه کی حر اولوب عاقبت بخیر
من قورخورام زبس منی نفسیم ائدییب اسیر
وقتی شوند قافیه با هم رباب و آب
این آب آتشی شود اندر دل رباب
سوزنده چون گدازه آتشفشان بود
وقتی که می چکد به رخ زرد اشک ناب
هر جا صدای طفل صغیری رسد بگوش
حتی صدای خنده به دل میدهد عذاب
در هر کجا که آب ببیند و یا که مشک
از هُرم خاطرات ، دلش می شود کباب
بی اختیار صبح و مسا ناله می کند
آه ای رباب! بس کن و یک لحظه هم بخواب
وقتی بخواب رفت ولی دید باز هم
تیر سه شعبه سوی دلش می کند شتاب
یک لحظه هم ز داغ دلش کم نمی شود
بارد اگر دو دیده شب و روز چون سحاب
باید اجل بیاید و از غم رها کند
ورنه خوش است با غم خود زیر آفتاب
#مدهوش ناله های رُباب است اهل دل
چنگی به دل چگونه زند نغمۀ رَباب
@hushmand
حسینم تئز یئتیش داده
قولوم دوشدی علم یاتدی
منه سس وئر بو صحراده
قولوم دوشدی علم یاتدی
الیم یوخ دور تاپیب فرصت
منه یاره ورور اعدا
یارالی باشیم اوستونده
نئچه جلاد ائدیر غوغا
خوشام منت قویوب گلسن
سنی بیرده گوورم مولا
یتش بو چولده فریاده
قولوم دوشدی علم یاتدی
فراتی آلماقا قارداش
چالیشدیم ائیلدیم همت
بلادن حفظ ائدم مشکی
نقدری ائیله دیم دقت
منه دست قضا اما
بو چولده وئرمه دی فرصت
بو میدان بلایاده
قولوم دوشدی علم یاتدی
منیم اطرافیمی لشکر
آلیب الده کمان قارداش
نشان اولدی اوخا مشکیم
سووا یوخدی گمان قارداش
امان بو بی وفالردن
امان قارداش امان قارداش
کمک یوخدور بو دعواده
قولوم دوشدی علم یاتدی
گلم اخیامه امکان یوخ
گوزوم گورمور بو میدانی
باشیم دان قان آخیر سو تک
الیم یوخدور سیلم قانی
او اوخ که مشکیمه دگدی
منه تار ائتدی دنیانی
ییخلدیم من بو صحراده
قولومدوشدی علم یاتدی
گلیردیم خیمه ساری
کسیلدی ظلیمله اللر
منی هر سمتیدن ائتدی
نشانه لشکر کافر
آنام زهرا گلیب داده
سنین قارداش یولون گوزلر
منه آغلیردی معناده
قولوم دوشدی علم یاتدی
شراریله دولوب سینم
غمه آکندیم قارداش
آدیم سقا سوسوزلاردان
سو یوخ شرمندیم قارداش
منیاخیامه حمل ائتمه
نقدری زندیم قارداش
قالام خوشدی بو ماواده
قولوم دوشدی علم یاتدی
سنه نوکرلیق عالمده
شرافت دیر فضیلت دیر
رکابینده شهید اولماق
منه عین سعادت دور
سنی بیرده گورم مولا
بو آخر دم غنیمت دیر
ره عشق و تولاده
قولوم دوشدی علم یاتدی
اگر مشکیمده قالسیدی
سو من بیله سیخیلمازدیم
گلردیم خیمییه قاداش
بله آواره قالمازدیم
الیم گر سالم اولسیدی
یوزوم اوسته یخیلمازدیم
اوزون گل سال منی یاده
قولوم دوشدی علم یاتدی
#هوشمند
باشدان بو قدری آغلاما سو فیکرین آت علی
سینم ده راحت اول هله آسوده یات علی
آلمیش عطش قراریوی دوشدون قراریدن
رحم ائیله اولدوزوم منه چیخما مداریدن
سوز عطش منیم گولومی ائیلییر هدر
قلبیم نئجه شراره چکیر کیم بیلر مگر
یوخ خیملرده سو یانیرام ائیلیرم فغان
ال پیمبره سو یولون کسدی کوفیان
بیر غنچه گل مثالی قوجاقیمده سولموسان
دوشدن نفس دن آغلادین از بس، یورلموسان
چاره م ندور مصیبته دل داغلیرام علی
از بس چالیقلیسان الیوی باغلیرام علی
شرمندیم اوغول منه رحم ائیله آغلاما
حسرتله باخما قلبیمی آهیله داغلاما
بیر بیر اورکده آرزیلاریم اولدولار یالان
سن گوز یومان زمان اولورام منده نیمه جان
ای گلستان عمریمه خوش عطر گول بالا
گلسین قادان بو جانه گوز آچ بیرده گول بالا
آیدین دی(روشن دی) باشیوین هله چوخ ماجراسی وار
دوز بو گئجه گوراق سحرین نه بلاسی وار
مهلت قورتارسا باشلاناجاق صبح ، قان سوزی
هر دم یئتیر قولاقیمه تیر و کمان سوزی
سیراب ائدیب دی زهریله اوخلاری حرمله
ایوای منه کمانینی آلسا اگر اله
هر دم دوشور خیالیمه هجران سوزو علی
وار دور منای عشقیده قربان سوزو علی
نیلییم نقدری دیل دئدیم آخر دیل آچمادین
فرصت سنه آز اولدی قباقیمده قاچمادین
بیلمم نه لر مقدر ائدیب دیر قضا منه
اما یقین که اوز گتیریب دیر بلا منه
قورخوم بودور اوغول سنی مندن اجل آلا
ئوللم اگر یئرین بو قوجاقیمده بوش قالا
قربان اولا آنان بیله گوزیاشیوه سنین
پروانه تک دولانام اوزوم باشیوه سنین
ایکاش اولا دیلین دیه سن دردیوی منه
گر تاپماسام بو چولده سو مشکل دی ایش سنه
شرم ائیلورم گئدیب دیم عباسه دردیمی
هیچ بیر آنا مصیبته دوشمز منیم کیمی
چاره م ندور گرگ شرر محنته یانام
سو تاپمادیم گوزوم قاباقیندا ئولور بالام
اي عزیز اهل کسا حسين
ذبح اعظم كربلا حسين
بارگاهی باب السخا حسين
کربلاسی دارالشفا حسين
نيلييوبدي عشقین اوركلره
عاشق اولموش اهل وفا سنه
تاج و تختيدن شاهلار ال چكيب
عجزيله اولوبدور گدا سنه
منده قاره اگنیمده گوزده یاش
ائیلیرم آقا التجا سنه
سن منه محبت گوزيله باخ
کوی عشقه اول رهنما حسین
سن الستيده سويلدون بلی
حقدن آلمیسان عالي امتياز
قتلگاهيده عهديوه وفا
ائيلدون سن اي سرور حجاز
قلبیدن آخان قانه آلمیسان
ظهر عشقيده قانلي دستماز
بير نماز قيلدون كي ائیلسین
اهل عشق اونا اقتدا حسين
من نئجه دئيوم نوكرم سنه
من هارا سنین دولتین هارا
معرفت یوخومدی مقامیوه
دوت اوزون الیمدن منیم آقا
وار همیشه لطف و کرامتون
سالماسان الی بوش بیرین یولا
مین امیدیله گلمشم بو گون
اولموشام قاپوندا گدا حسین
نوک نی ده شامات و کوفه ده
حق و باطلي روشن ائیلدون
حق كتابيني قانیویله سن
هر نه فتنه دن ايمن ائیلدون
چوللري دولاندین وليك سن
كربلا چولون مسکن ائیلدون
چاتدي اعتباره بلا چولي
تاپدي مقدموندن صفا حسين
گون کیمی عیاندیر جلالتین
بحر لطفوون يوخ نهايتي
ائيليیب عنايت خدا سيزه
هم سخاوتي هم شجاعتي
هر ایکی جهاندا حسین چی لر
اخذ ائه در آدیندان شرافتی
آلتی گوشه لی قبریوه سنین
جان عالم اولسون فدا حسین
منتظر قالیب گوزله رم آقا
من همیشه ماه محرمین
نوحه خوانیلر نوحه باشلیا
بزم عشق اولا بزم ماتمین
روحمیز تاپار ذوقیله صفا
هر زمان اسر قاره پرچمین
بزم ماتمیندن گلیب تاپار
دردمند درده دوا حسين
کوفه نین مین اوزلی جماعتی
اوزلری سنی دعوت ائتدیله
بوشلییوبلا نور هدائتی
کفر و ظلمیله بیعت ائتدیله
کسدیلر جفائیله باشیوی
خیمه گاهیوی غارت ائتدیله
اولقدر جفا ائتدیلر او گون
تتره ییبدی عرش خدا حسین
تا سنین باشین چئخدی نیزیه
دوندی طور سینایه کربلا
نور حق ائدیب جلوه عالمه
دوشدی حیرته کل ماسوا
قاره یئل اسیب قوپدی های و هو
زینبین یاغیب باشینه بلا
خیمه گاه و مقتل آراسینی
ائیلییوبدی سعی و صفا حسین
صبحه جک فراقینده خیمه ده
وای بابا دئدی قیزلار آغلادی
یاد ائدیب آنالار بالالارین
درد و غصه دن سینه داغلادی
نازینی بالالاروین چکیب
زینب آغلادی یاره باغلادی
اهلبیتیوه پاسبان اولوب
یاتمادی او کان وفا حسین
صبح آچیلدی اولدی حرملره
کربلا غمی تازه دن عیان
هر کس آختاریب اوز عزیزینی
قلبلر اولوبدی دوباره قان
گلدی حکم عمر سعدیدن گرک
کوفیه گئده غملی کاروان
سالدیلار یولی قتلگاهیدن
عرشه چیخدی آه و نوا حسین
گلدی زینبین قتلگاهیده
تاپدی نعشیوی باشلادی نوا
گوردی سربسر یاره دور بدن
خوش مکان اولوب سینه ن اوخلارا
بیلمدی یانیب آغلاسین و یا
تسلیت دئسین آغلیانلارا
فرصتی یوخیدی دویونجا بیر
آغلاسین دئسون وا ی آخا حسین
گوردي توپراق اوستونده قارداشین
نعشيوه چكيب پرده لخته قان
ديلده قالمادي صبر و طاقتي
سسلدي حسين زينبم اويان
بير دانيش گوروم هاردادور باشین
اللرين نيه كسدي ساربان
باشوون داليجا گرگ گئه دم
گئتسه قانلي باشوون هارا حسين
رحم يوخدي دوشمنده نيليوم
كاروانيمي لنگ ائدنمیرم
ظلم اشقيادن تالانمشام
جسميوه بير اورتوك چكنمیرم
دفن ایدنمه ديم ي پيكرون اخا
آيرلیيب بو چولدن گئدنمیرم
وار يئري اولنئجه يانام اگر
آغلییوب ائدم آه و وا حسین
گلمیشم بو دریای غمده من
جام صبریمی دولدوروم گئدیم
بیر دویونجا باشسیز جنازه وی
قان ایچینده غلطان گوروم گئدیم
عفو ائله منی ممکن اولمادی
توپراقا سنی تاپشروم گئدیم
نیلیوم مشیت بو گون هله
ائیلیوری بئله اقتضا حسین
کربلادن آیریلدی کاروان
گوزده اشک حسرت اورکده غم
گوزیاشی مرکب کیمی آخیب
دفتر اوسته #مدهوش اولوب قلم
آتش مصیبتده اودلانیب
زینبین دیلیجه ائدیب رقم
بو یارالی باشسیز جنازه وه
جان زینب اولسون فدا حسین
#مدهوش
#محمد_هوشمند
@hushmand