شجاعت میدان رزمه گوردولر الده علم سقا گلور سو آلماقا مامور اولوب بیر تشنه لب دریا گلور حمله ائدیر الده علم ایستیر فقط چاتسین سووا جان نقدینی آلمیش اله آماده دی آتسین سووا حاضردی گر سو اولماسا اوز قانینی قاتسین سووا دورین آلیب گرچی عدو یوخ یاوری تنها گلور سالمیش حصاره علقمی بیر عده اللرده کمان بیر عده سی ائتمیش کمین تا حمله ائتسون ناگهان مجبور اولوب شمشیرینی آلسین اله اول قهرمان روبه صفت لر اوستونه چون شیر بی پروا گلور سیماسینه باخسان اگر ائیلوب سوسوزلوق چوخ اثر با اینکه عطشاندور ولی چوخ با صلابت جنگ ائدر هر کس که میدانه گلر اوز قانینی ائیله ر هدر عباسه اولسون روبه رو هر پهلواندان لا گلور دعوادن آیری قصدی یوخ ایستور فراته یول آچا عنقای غیرت سعی ائدیر قاف تمنایه اوچا جنگه اراده ائتمه میش یول آختاریر لشگر قاچا چون کیم دایانسا باشینه شمشیر رعد آسا گلور شمشیری اعجاز ائیلییور قوللاری قولاردان اوجا حیران قالیب بو هئیبته بو قدرته اهل جفا ائیلیور خواتین حرم عباسی مخیمده دعا لب تشنه لر یول گوزلیور فریاد واویلا گلور سیندیردی سایسیز لشگری ووردی فراته پرچمی سیراب ائدیب مشکی سودان دیلدن بیر آز گئتدی غمی اما اوزی میل ائتمه دی حیرتده قویدی عالمی دنیایه بیر ده بیر بئله اهل وفا آیا گلور ؟ سرگرم جام عشقیدی صاق قول گوروب اولدی قلم شمشیری آلدی صول اله میداندا اول کان کرم مشگین باسیب دیر باغرینا جان تک او سقای حرم مشکه طرف اوخلار گوروب گویده ائدیر غوغا گلیر بیر کس ده جرات اولمادی تا روبرو کسسین یولون بیر آیریسی ائتدی کمین سالدی ستمله صول قولون نه حاله قالدی بیلمیرم الدن وئریب صاق و صولون زاغ و زغن فرصت تاپیب قان توکمگه یکجا گلور مشکی باسیب دیر باغرینا حفظ ائیلوری مانند جان واردیر امیدی خیمیه مشکی یئتیرسین اول زمان اما بیر اوخ سو مشکینه ائتدی اصابت ناگهان آخدوقجا مشکیندن سویی دیلده غم عظما گلور یوز دوتدی اخیامه اودم سسلندی قارداش داده گل یالقیزیلیب دشمن منی ائیله کرم امداه گل مشک اوخلانوب قوللار دوشوب گل سیدی فریاده گل فرصت تاپیب اهل جفا باش کسماقا اعدا گلور بیر پهلوانین اولماسا دعواده قوللاری اگر یاره دگنده جسمینه باشین کرگ ائتسین سپر دشمن ده انصاف اولماسا دیل یاره سی اوخدان بتر قلبی دلر هم یاندیرار هر دردیدن بالا گلور عباسی السیز اولماقی گرچه غمه توش ائیله دی اما آلیب مادر سسین دردین فراموش ائیله دی جام محبت تشنه لب سقانی #مدهوش ائیله دی تئز گل علم یاتدی اخا داده آنام زهرا گلیر التماس دعا

هارداسوز اهل عزا ماه محرم دور گلون دولدوروب غم عالمی ایام ماتم دور گلون حضرت زهرا باتیب یاسه حسینم وای دئیور کربلا دشتی سراسر غصه و غم دور گلون سس ویرون سسلیر امام عصر اوز انصارینی تک قالیب میدانیده احوالی برهم دیر گلون حق و باطل روبرو اولموش چتین دور مسئله اولماسا فهم و بصیرت درکی مبهم دور گلون اوخلارین اهل جفا قویموش کمانه بیر به بیر اولدوره یالقیز امامی چوخ مصمم دیر گلون فاطمه اوغلی یئنه هل معینی سسلنه نیر عالم امکانیده بیر ایری عالم دور گلون گوئیا حیدر قیلیر صبحون زمانینده نماز دوره سی الده قلنجی ابن ملجم دیر گلون ابن ملجم دن بتردیر کربلا قاتل لری توپراق اوسته پاره پیکرلر مجسم دیر گلون بداهه

ائیلمه چوخ آه و نوا لایلای علی اصغریم یات دردیوه یوخ منده دوا لایلای علی اصغریم یات بو قدر چالما ال ایاق باشیمی سالما بلایه آغلاما سن آغلیاندا گلور حرملر نوایه اهل جفا باغلیوبدور سو یولون آلعبایه تشنه قالیب آلعبا لایلای علی اصغریم یات باخماسان حسرتله بئله سینه می چوخ داغلامارام آغلاماسان یاتسان اگر من بو قدر آغلامارام چاره م اگر اولسا منیم اللریوی باغلامارام خیمه ده سو یوخدی بالا لایلای علی اصغریم یات کیمه دئیوم دردیمی من درد و غمیم چوخدی بالا دولانمیشام خیمه لری قطره ده سو یوخدی بالا قیمتی بیرجرعه سویون سه شعبه لی اوخدی بالا رحم ائیلمه ز اهل جفا لایلای علی اصغریم یات حالیوه یانام بیلسین حالی پریشان نگران یوما گوزون باخ آناوا گلشنیمی ائتمه خزان باخ منه بیر گول گوزلیم صبریم ائوی اولدی تالان بیر نظر ائیله آناوا لایلای علی اصغریم یات

حر ره خوش حالینه او کیمسه لرین وار درایتی شامل اولوبدی حالینه حقین عنایتی اونلار کی اوز مرامینی دیناره ساتمادی هول و هراس محشری یاتدان چیخاتمادی عاقل اولان همیشه سرانجامی آختارار صادق اولان همیشه ائدر حقی اختیار عاقل اودور تفکر ائده ائتمیه خطا صادق اودور کی ائیلمییه نفسینه جفا آزاده مرد اودور کی اولا صاحب اختیار اوز قولینه عمل ائلییه وئرمیه شعار گر بیر زمانی اولسا هامی شبهیه دچار عاقل اولان تعقل ائدر حق یولون تاپار تاریخه عبرت اولدی قضایای کربلا آیریلدیلار محکده او چولده مس و طلا بیر بیر او چولده مدّعی لر دالدالاندیلار ناحقّه یار اولوب هاموسی حقی داندیلار هر لحظه دشمنین سایی آرتیب چو مور و مار تنگ اولدی شاه تشنه لبه حلقه حصار شمس هدی وئریب او چوله جلوه حیات فرصت وئریب دی بلکه آچیلدی ره نجات یئتمیش ایکی گهر اوزونی ائیلدی عیان گورمز مثالین اونلارین هیچ دور و هئچ زمان ظاهرده آلدی بیر گئجه مهلت امام عشق باطنده وئردی بیر گئجه فرصت امام عشق شمس هدی وئریب او چوله جلوه حیات فرصت وئریب دی بلکه آچیلدی ره نجات افسوس نوری شپ پره لر درک ائدنمدی سعد اوغلی نفس خواهیشینی ترک ائدنمدی صبح اولدی نور حق ائدیب جلوه سین عیان اتمام حجت ائیله دی سلطان انس و جان چوخ سعی ائدیب که جلوه دلداری گوستره انسانلیقا شرایط و معیاری گوستره اما مصمم اولدوی قشون اوز جفاسینه عقبانی بوشلیوبدولا دنیا هواسینه سعد اوغلی قالدی وسوسه ری ده بد مرام سعد اوغلی ملک ری دن اوتور اولدی بد مرام گییدی لباس رزم وئریب لشگره نظام تجهیز ائدیب سلاحه پیاده سوارینی تعیین ائدیب امیر یمین و یسارینی تاپدی قرار مرکز لشکرده اول لعین وئردی غلامینین الینه کفر پرچمین آماده اولدی حمله ائده لشگر جفا طبل وورلدی دولدی نوائیله کربلا درک ائیلیوبدی حر او هنگامه ده خطر دوشدی وجودی لرزیه دیلدن تاپیب شرر بیر سمتیده باخیر گوروب حق وحقیقتی بیر یاندا سعدین اوغلون او کان شقاوتی بیر سمتیده بهشته باخیر دیلده حسرتی بیر سمتیده باخیر گوروری کفر و ظلمتی دنیا گوزونده جلوه ائدیری سراب تک عشقی ولی زبانه چکیردی شهاب تک بختی اویاندی تاپدی سعادت او باوقار تصمیم دوتدی جانینی اوددان ائده کنار مست اولدی کوی عشقیده صهبای نابیدن دریانی تاپدی ال چکیب آخر سرابیدن گوز یومدی ملک و منصب و مال و منالیدن مخمور اولوبدی باده ناب وصالیدن سرعتله عزم کعبه جانان ائدیب دی حرّ بیر ایش گوروب کی عالمی حیران ائدیب دی حرّ وئردی مس وجودینه عشقیله بیر محک گلدی بو نیّتیله حسینه ائده کمک بیر آز قالاندا خیمیه ترک ائتدی مرکبین یاتدان چیخاتدی منزلت و قدر و منصبین شمشیرین آچدی چکمه لرین سالدی بوینونا گه اللرین قویوب یوزینه گاه قوینونا اقرار ائدیب او پاک نهاد اوز گناهینه سالدی اوزون شکسته کرم بارگاهینه ائتدی سلام صورتینی قویدی توپراقا عرض ائیله دی کرم قاپوا گلمیشم آقا جرمیم بویوک دی من آقا اینجیتمشم سنی عفو ائیله فاطمه آناوین حقینه منی ایوای اوزوم قرادی اگر ائتمسن کرم عفو ائتمسوز اگر منی ای شاه نیلرم من بیلمدیم جسارت ائدیب سینه داغلادیم شرمنده یم سنه یولی بو چولده باغلادیم سن شاه با کرامت و من بندیم آقا ائیله کرم خجالت و شرمندیم اقا ای فاطمه عزیزی منه ائیله بیر نظر گور شرمیدن تمام وجودیم نئجه اسر من گرچي خاطی ام سن هدايت چراغيسان دارالامان دی درگهین ای شاه انس و جان اوز جرمیمیمن بویوکولوگونی بیلمیشم آقا مین بیر امیدیله قاپوا گلمیشم آقا قوش تک گلیب بو درگه لطفه سیخیلمیشام ای ذولکرام سن دوت الیمدن ییخیلمیشام چاره يوخومدي رحم ائله بو حال زاريمه باخ گوزده اشکه باخ بو دل داغداریمه من بيلمديم كي ايش يئته جاق بو نهايته سالدیم بو چولده آل رسولی مشقته ادامه در کانال @hushmand

احوالات حر ره قسمت دوم مولا سنین كرم قاپوي بيلميشم اوميد من روسیاهی بیر باخیشا ائیله رو سفید شانین بیوکدی من بیلیرم قدر و قیمتین گلدیم چالام امیدیله درگاه عزّتین من گلميشم رضایتیوی اخذ ائدم شها شرمنده جانی محضروه ائیلییم فدا سن کشتی نجات سان حق رهنماسی سان شانین بیوک دی حضرت زهرا بالاسی سان بذل ائتدی تازه کوینگینی سائیله آنان بذل ائیله دی رکوع حالیندا اوزوک آتان جدین همیشه لطفیله عفو ائتدی دشمنی جدّین رسولین حقیینه گل عفو ائله منی وئره م قسم آقا سنی زهرا و حیدره عفو ائت منیم گناهیمی شهزاده اکبره سن سن بو گونده عالم هستی ده مقتدا توبه م قبول اولا منی سن قیل اوزون دعا تا گوردي حرّي حال نزاریله شاه دين ائتدی مخاطب اکبری زهرایه نورعین تازه گلن قوناقیمیزی پيشواز ائدون لطف و محبتیله اونی سرفراز ائدون ارزنده مردي دی گتورون احتراميني حفظ ائیلییون او مرد شریفین وقارینی تحویل آلیب قوناقینی سلطان سرافراز عفو ائیله دی قصورینی شاهنشه حجاز مبهوت ائدوبدی حرّی امامین محبتی ذلّتی لباسینی چیخادیب تاپدی عزّتی زهرا بالاسی سرور و سالار عالمین عفو ائیلیوب دی حری او سلطان مشرقین کوی وفاده حر وئریب عالی امتحان نفسین ایاقلییب گل امیدی تاپدی جان آغلار گوزیله عرض ائلییب اذن وئر شها تا ائلییم بو عرصه ده من جان سنه فدا میدانه گلدی هیبتیله حر نامدار یوز دوتدی اول سپاهه کی ای قوم نابکار انصاف ائدون ندن بو قدر ائیلیسوز جفا بیر آز ائدون رسول خداوندین حیا نه یولدی بوسیزی چاغیر دوزخ و شرار یوخدون ندن سوزوزده سیزین قول و اعتبار آیا مگر حسینه اوزوز نامه یازمادیز علت ندور سویون یولون اخیامه باغلادیز بو پادشاه فاطمیه نازدانه دور پیغمبرین بالاسی دی حقه نشانه دور حرّم حسین فاطمه نین من گداسیم باطل دن اوز چوورموشم حقین فداسیم حرّم منی هامی تانیور سر سپاهوزم شمشیر الده طالب مرد مبارزم حرّم دلاورم شه کونینه یاورم بیر لحظه سین یزید اوتوران کاخه ورمرم هر نه نصیحت ائتدی سپاهی او با وفا بیر کیسمه ائتمدی سوزینه ذره اعتنا شمشیرینه ال آتدی ائدیب حمله بی امان صفلر دگیب دی بیر بیرینه قاچدی کوفیان هر سمته حمله ائتدی پوزوب نظم صفلری الحق گوزل بیرآد قویوب اول شیره مادری گر چی او قهرمانه بیری اولمادی حریف دگدی یارا قان آخدوقجا قول اولوب ضعیف میداندا خصم گوردی که یوخ قاچماقا امان هر بیر طرفدن ائیله دیلر اوخلارا نشان دگدی او قدری یاره بدن دوشدی تابیدن گچدی بدن ده یاره سی حد و حسابیدن آت دان ییخلدی قالمادی تاب، ائیلیسین قیام شرمنده یوز خیامه دوتوب عرض ائدیب سلام آلدی سسین امام زمان توکدی گوزیاشین میدانه گلدی آلدی دیزی اوستونه باشین گوردی دگیب دی باشینه بیر یاره آغلادی دسمالین آچدی باشدا اولان زخمی باغلادی فرمایش ائتدی دینوه گلدین حمایته آچ گوزلرین اوتانما یئتشیدین سعادته یازدوقجا شرح حال بو آزاده مردیدن #مدهوش اولور قلم آلیشیر بند بندیدن خوش حالینه کی حر اولوب عاقبت بخیر من قورخورام زبس منی نفسیم ائدییب اسیر

وقتی شوند قافیه با هم رباب و آب این آب آتشی شود اندر دل رباب سوزنده چون گدازه آتشفشان بود وقتی که می چکد به رخ زرد اشک ناب هر جا صدای طفل صغیری رسد بگوش حتی صدای خنده به دل میدهد عذاب در هر کجا که آب ببیند و یا که مشک از هُرم خاطرات ، دلش می شود کباب بی اختیار صبح و مسا ناله می کند آه ای رباب! بس کن و یک لحظه هم بخواب وقتی بخواب رفت ولی دید باز هم تیر سه شعبه سوی دلش می کند شتاب یک لحظه هم ز داغ دلش کم نمی شود بارد اگر دو دیده شب و روز چون سحاب باید اجل بیاید و از غم رها کند ورنه خوش است با غم خود زیر آفتاب #مدهوش ناله های رُباب است اهل دل چنگی به دل چگونه زند نغمۀ رَباب @hushmand

حسینم تئز یئتیش داده قولوم دوشدی علم یاتدی منه سس وئر بو صحراده قولوم دوشدی علم یاتدی الیم یوخ دور تاپیب فرصت منه یاره ورور اعدا یارالی باشیم اوستونده نئچه جلاد ائدیر غوغا خوشام منت قویوب گلسن سنی بیرده گوورم مولا یتش بو چولده فریاده قولوم دوشدی علم یاتدی فراتی آلماقا قارداش چالیشدیم ائیلدیم همت بلادن حفظ ائدم مشکی نقدری ائیله دیم دقت منه دست قضا اما بو چولده وئرمه دی فرصت بو میدان بلایاده قولوم دوشدی علم یاتدی منیم اطرافیمی لشکر آلیب الده کمان قارداش نشان اولدی اوخا مشکیم سووا یوخدی گمان قارداش امان بو بی وفالردن امان قارداش امان قارداش کمک یوخدور بو دعواده قولوم دوشدی علم یاتدی گلم اخیامه امکان یوخ گوزوم گورمور بو میدانی باشیم دان قان آخیر سو تک الیم یوخدور سیلم قانی او اوخ که مشکیمه دگدی منه تار ائتدی دنیانی ییخلدیم من بو صحراده قولوم‌دوشدی علم یاتدی گلیردیم خیمه ساری کسیلدی ظلیمله اللر منی هر سمتیدن ائتدی نشانه لشکر کافر آنام زهرا گلیب داده سنین قارداش یولون گوزلر منه آغلیردی معناده قولوم دوشدی علم یاتدی شراریله دولوب سینم غمه آکندیم قارداش آدیم سقا سوسوزلاردان سو یوخ شرمندیم قارداش منی‌اخیامه حمل ائتمه نقدری زندیم قارداش قالام خوشدی بو ماواده قولوم دوشدی علم یاتدی سنه نوکرلیق عالمده شرافت دیر فضیلت دیر رکابینده شهید اولماق منه عین سعادت دور سنی بیرده گورم مولا بو آخر دم غنیمت دیر ره عشق و تولاده قولوم دوشدی علم یاتدی اگر مشکیمده قالسیدی سو من بیله سیخیلمازدیم گلردیم خیمییه قاداش بله آواره قالمازدیم الیم گر سالم اولسیدی یوزوم اوسته یخیلمازدیم اوزون گل سال منی یاده قولوم دوشدی علم یاتدی #هوشمند

باشدان بو قدری آغلاما سو فیکرین آت علی سینم ده راحت اول هله آسوده یات علی آلمیش عطش قراریوی دوشدون قراریدن رحم ائیله اولدوزوم منه چیخما مداریدن سوز عطش منیم گولومی ائیلییر هدر قلبیم نئجه شراره چکیر کیم بیلر مگر یوخ خیملرده سو یانیرام ائیلیرم فغان ال پیمبره سو یولون کسدی کوفیان بیر غنچه گل مثالی قوجاقیمده سولموسان دوشدن نفس دن آغلادین از بس، یورلموسان چاره م ندور مصیبته دل داغلیرام علی از بس چالیقلیسان الیوی باغلیرام علی شرمندیم اوغول منه رحم ائیله آغلاما حسرتله باخما قلبیمی آهیله داغلاما بیر بیر اورکده آرزیلاریم اولدولار یالان سن گوز یومان زمان اولورام منده نیمه جان ای گلستان عمریمه خوش عطر گول بالا گلسین قادان بو جانه گوز آچ بیرده گول بالا آیدین دی(روشن دی) باشیوین هله چوخ ماجراسی وار دوز بو گئجه گوراق سحرین نه بلاسی وار مهلت قورتارسا باشلاناجاق صبح ، قان سوزی هر دم یئتیر قولاقیمه تیر و کمان سوزی سیراب ائدیب دی زهریله اوخلاری حرمله ایوای منه کمانینی آلسا اگر اله هر دم دوشور خیالیمه هجران سوزو علی وار دور منای عشقیده قربان سوزو علی نیلییم نقدری دیل دئدیم آخر دیل آچمادین فرصت سنه آز اولدی قباقیمده قاچمادین بیلمم نه لر مقدر ائدیب دیر قضا منه اما یقین که اوز گتیریب دیر بلا منه قورخوم بودور اوغول سنی مندن اجل آلا ئوللم اگر یئرین بو قوجاقیمده بوش قالا قربان اولا آنان بیله گوزیاشیوه سنین پروانه تک دولانام اوزوم باشیوه سنین ایکاش اولا دیلین دیه سن دردیوی منه گر تاپماسام بو چولده سو مشکل دی ایش سنه شرم ائیلورم گئدیب دیم عباسه دردیمی هیچ بیر آنا مصیبته دوشمز منیم کیمی چاره م ندور گرگ شرر محنته یانام سو تاپمادیم گوزوم قاباقیندا ئولور بالام

اي عزیز اهل کسا حسين ذبح اعظم كربلا حسين بارگاهی باب السخا حسين کربلاسی دارالشفا حسين نيلييوبدي عشقین اوركلره عاشق اولموش اهل وفا سنه تاج و تختيدن شاهلار ال چكيب عجزيله اولوبدور گدا سنه منده قاره اگنیمده گوزده یاش ائیلیرم آقا التجا سنه سن منه محبت گوزيله باخ کوی عشقه اول رهنما حسین سن الستيده سويلدون بلی حقدن آلمیسان عالي امتياز قتلگاهيده عهديوه وفا ائيلدون سن اي سرور حجاز قلبیدن آخان قانه آلمیسان ظهر عشقيده قانلي دستماز بير نماز قيلدون كي ائیلسین اهل عشق اونا اقتدا حسين من نئجه دئيوم نوكرم سنه من هارا سنین دولتین هارا معرفت یوخومدی مقامیوه دوت اوزون الیمدن منیم آقا وار همیشه لطف و کرامتون سالماسان الی بوش بیرین یولا مین امیدیله گلمشم بو گون اولموشام قاپوندا گدا حسین نوک نی ده شامات و کوفه ده حق و باطلي روشن ائیلدون حق كتابيني قانیویله سن هر نه فتنه دن ايمن ائیلدون چوللري دولاندین وليك سن كربلا چولون مسکن ائیلدون چاتدي اعتباره بلا چولي تاپدي مقدموندن صفا حسين گون کیمی عیاندیر جلالتین بحر لطفوون يوخ نهايتي ائيليیب عنايت خدا سيزه هم سخاوتي هم شجاعتي هر ایکی جهاندا حسین چی لر اخذ ائه در آدیندان شرافتی آلتی گوشه لی قبریوه سنین جان عالم اولسون فدا حسین منتظر قالیب گوزله رم آقا من همیشه ماه محرمین نوحه خوانیلر نوحه باشلیا بزم عشق اولا بزم ماتمین روحمیز تاپار ذوقیله صفا هر زمان اسر قاره پرچمین بزم ماتمیندن گلیب تاپار دردمند درده دوا حسين کوفه نین مین اوزلی جماعتی اوزلری سنی دعوت ائتدیله بوشلییوبلا نور هدائتی کفر و ظلمیله بیعت ائتدیله کسدیلر جفائیله باشیوی خیمه گاهیوی غارت ائتدیله اولقدر جفا ائتدیلر او گون تتره ییبدی عرش خدا حسین تا سنین باشین چئخدی نیزیه دوندی طور سینایه کربلا نور حق ائدیب جلوه عالمه دوشدی حیرته کل ماسوا قاره یئل اسیب قوپدی های و هو زینبین یاغیب باشینه بلا خیمه گاه و مقتل آراسینی ائیلییوبدی سعی و صفا حسین صبحه جک فراقینده خیمه ده وای بابا دئدی قیزلار آغلادی یاد ائدیب آنالار بالالارین درد و غصه دن سینه داغلادی نازینی بالالاروین چکیب زینب آغلادی یاره باغلادی اهلبیتیوه پاسبان اولوب یاتمادی او کان وفا حسین صبح آچیلدی اولدی حرملره کربلا غمی تازه دن عیان هر کس آختاریب اوز عزیزینی قلبلر اولوبدی دوباره قان گلدی حکم عمر سعدیدن گرک کوفیه گئده غملی کاروان سالدیلار یولی قتلگاهیدن عرشه چیخدی آه و نوا حسین گلدی زینبین قتلگاهیده تاپدی نعشیوی باشلادی نوا گوردی سربسر یاره دور بدن خوش مکان اولوب سینه ن اوخلارا بیلمدی یانیب آغلاسین و یا تسلیت دئسین آغلیانلارا فرصتی یوخیدی دویونجا بیر آغلاسین دئسون وا ی آخا حسین گوردي توپراق اوستونده قارداشین نعشيوه چكيب پرده لخته قان ديلده قالمادي صبر و طاقتي سسلدي حسين زينبم اويان بير دانيش گوروم هاردادور باشین اللرين نيه كسدي ساربان باشوون داليجا گرگ گئه دم گئتسه قانلي باشوون هارا حسين رحم يوخدي دوشمنده نيليوم كاروانيمي لنگ ائدنمیرم ظلم اشقيادن تالانمشام جسميوه بير اورتوك چكنمیرم دفن ایدنمه ديم ي پيكرون اخا آيرلیيب بو چولدن گئدنمیرم وار يئري اولنئجه يانام اگر آغلییوب ائدم آه و وا حسین گلمیشم بو دریای غمده من جام صبریمی دولدوروم گئدیم بیر دویونجا باشسیز جنازه وی قان ایچینده غلطان گوروم گئدیم عفو ائله منی ممکن اولمادی توپراقا سنی تاپشروم گئدیم نیلیوم مشیت بو گون هله ائیلیوری بئله اقتضا حسین کربلادن آیریلدی کاروان گوزده اشک حسرت اورکده غم گوزیاشی مرکب کیمی آخیب دفتر اوسته #مدهوش اولوب قلم آتش مصیبتده اودلانیب زینبین دیلیجه ائدیب رقم بو یارالی باشسیز جنازه وه جان زینب اولسون فدا حسین #مدهوش #محمد_هوشمند @hushmand

دوشدون ایاقدان ائتمه بو قدری فغان اوغول يانديرما سينه مي سنه قربان آنان اوغول بیر قطره ده سو یوخدی خیامی دولانمیشام هیچ بیر یئره یوخومدی دوباره گمان اوغول گوندرمیشم رقیه عموندن سو ایسته سین ایکاش سو تاپا سنه اول مهربان اوغول قلبيم دوشور دوگنمیه باخدوقجا من سنه آز قالدی عمریوین گولی اولسون خزان اوغول منده یورولموشام سوسوزام چاره یوخ ولی بو تشنه لیق آلیب هامیمیزدان توان اوغول حسرتله باخما سینه مه شرمندیم بالا آز داغلا داغلی سينمه مي ای بیزبان اوغول اولسا دیلین اقلی دییرسین نه ایستیسن دیلسیز باخیشلارین ائدیر هر قلبی قان اوغول یومما گوزون آخاندا گوزون من باخانمورام باخ بیر دوباره گول سنه قربان بو جان اوغول گر سو تاپولماسا منه بیر آیری چاره یوخ آرزی باغین عطش ائده جاقدی تالان اوغول بیر کیمسه بیلمیری اورگیمدن نه لر گئچیر آهیم چکیر زبانه چو آتشفشان اوغول قان قان دئیور فرات کنارینده نیزه لر مین لر نفر آلیب اله تیر و کمان اوغول آخدوقجا گوزلرین اوره گیم سو کیمی آخیر قلبیمده واردی آتش و سوز نهان اوغول بیز آز باخاندا سن وئریسن قول قاناد منه بیر باخ منه فدا سنه بو خسته جان اوغول چوخ آرزیلار اوره کده واریمدی هزار حیف بیر بیر تمام آرزیلار اولدی یالان اوغول نیلوم نچاره وار منه باغلاندی سو یولی سو اولماسا خزانه دونر گلستان اوغول مدهوش ائدیر اورکلری باخدوقجا گوزلرین خاطیرده خاطرین قالاجاق هر زمان اوغول

اولین قمه زن واسه ابا عبدالله علیه السلام در تاریخ شیعه !! 😳😳😳😳😡😡😡😡😡 خدایا هر که تابع این خبیث هست رو هدایت ، و گرنه نیست و نابود بفرما . و مسئولینی که تابعیت این نجاست رو گرفتن ، به دَرَکه واصل بفرما .

هر چند تشنه بود و زبان بیان نداشت تاب شنیدن سخنش را جهان نداشت خورشید با ستاره ی عطشان دمیده بود جز او ستاره ی دگری آسمان نداشت لب تشنه بود و در طلب آب از فرات اصلا کسی به حملۀ دشمن گمان نداشت این آخرین ستاره به دامان مهر عشق می سوخت از حرارت و تاب و توان نداشت در آخرین نگاه به میدان و خیمگاه دیگرتوان ناله و آه و فغان نداشت آن سو حریف تیر چنان در کمان نهاد گویا دگر فراغت هیچ امتحان نداشت تیر سه شعبه کاش به مقصد نمی رسید ایکاش این حریف ز اول کمان نداشت تیر آنچنان به طایر جانش نشست کرد حتی برای بال زدن هم زمان نداشت آتش گرفت عالم هستی از این ستم اما کرانه ، صبر خدای جهان نداشت از بیکسی غریب زمان، شد غر یب تر جز اشک و آه مونس و آرام جان نداشت نه روی رفتنش به خیام و نه ماندش با زخم عشق طاقت زخم زبان نداشت در خیمگاه دلهره ای داشت مادری اما خبر ز واقعه و داستان نداشت زخمی نشسته بر دل تاریخ از ان زمان از دست دشمنی که ز وجدان نشان نداشت #محمد_هوشمند @hushmand

دیار کرب و بلا اهل عشقه جنت دیر اگر چه جنت اوزی کربلایه حسرت دیر نظیری یوخ دی جلالت ده کربلا چولونون خدا بیلیر نه قدر صاحب جلالت دیر حسینین آدی گلیر لاله مثلی قلبیم اسیر ایکی جهاندا بیزه مایه شرافت دیر نقدری آه و فغان ائیله دیم ثمر یوخدو بو ایل ده قسمتیمیز ناله ایله غربت دیر بیله خیاله گلیر قسمتیم ده، دعوت یوخ دئییلله کرب و بلا قسمت اولسا دعوت دیر دئیین منیم طرفیم دن او قبر زائرینه بیزی دعا ائیلیین دم هله غنیمت دیر نقدری ایستییرم صبر ائده م فراقینده اورک یانیر آلیشیر آیری بیر قیامت دیر شرار هجرینه چوخ خوشدی که یانام کول اولام بو فیضه چاتسام اگر ، عشق دن علامت دیر خیال وصل نگاریله اولموشام مدهوش منی بو حاله سالان حسرت زیارت دیر #هوشمند

محبت عالمي بزم ولانین عاشيقي ام وصال ياره گوره هر بلانین عاشيقي ام هواي وصل هوادن چكيب كناره مني نسيم ياریله حال و هوانین عاشيقي ام جنون عشق آليب صبر و تابيمي الدن بو يولدا باشه گلن ماجرانین عاشيقي ام عنائت اولماسا بیر كيمسه وصله یول تاپماز گلیب اومیدله لطف و عطا نین عاشيقي ام بو آستانیده آب حیات آختاریرام فنا یوروب منی دار بقانین عاشيقي ام یالانچی عشقیلره من وورولمارام اصلا جهاندا عترت خیرالورانین عاشيقي ام خطور ائدن ده منيم ذهنميه حديث بكا خلوص قلبیله بزم عزانین عاشيقی ام آقام حسينین آدي روحيمه صفا گتيره ر نقدري وار نفسيم كربلانین عاشيقي ام او پاك تربتي درماندي جمله امراضه بصيرت آلمآقا خاك شفانین عاشيقي ام جانيم فدا اولا شهزادگان تشنه لبه شبيه جدي اولان دلربانین عاشيقي ام بیلن شهادتی بالدان شیرین مرام اوسته حسن نشانه سی اول باوفانین عاشيقي ام سو ايچمي ين لب علقمده تشنه سرداری امير لشكر او قولسوز فدانین عاشيقي ام ربابه سویگلی دنیانی آغلادان غمینه علی اصغر مشکل گشانین عاشیقی ام نماز ظهری قيلان اوخلارين هجومینده ائله غریب قالان مقتدانین عاشيقي ام گون اورتا چاغی چیخیب تئز باتان جفالاریلا مدار عشقیده شمس الضحانین عاشيقي ام او چولده قانه باتان باوفا مجاهدلر كتاب عشقيده هر آشنانین عاشيقي ام یازاندا شعری دئیر حسرتیله هر بندیم شكسته ني كيمي دایيم نوانین عاشيقي ام نصیبیم اولسا اگر قتلگاهیده دئیره م چاتام سعادته منده منانین عاشيقي ام بیر عمریدی منی #مدهوش ائدیب بهشت عطری خدا نصیب ائله من كربلانین عاشيقي ام #مدهوش @hushmand

1-7. بسته شدن راه فرات او گون که اهل جفا سو یولونی باغلایلار بنات فاطمه نین سینه سینی داغلادیلار قوتاردی خیمه ده سو اصغر اود دوتوب یاندی رباب اصغره باخدوقجا یاندی اودلاندی سکینه تاپمادی سو بس دولاندی اخیامی گلیب حضور ابوالفضله الده سو جامی او شاهزاده ادبله ازل وئروبدی سلام شیرین دیلیله بو نوعی ائدیب ادای کلام سلام اولا سنه ای لشکرین علمداری سلام ای بابامین غم گونونده غمخواری سلام اولا سنه ای صاحب علم عموجان سلام اولا سنه ای صاحب کرم عموجان سلام اولا سنه ای آل حیدره سقا دخیلیوم عموجان ائیله حاجتیمی روا کرم و فضلیده سن بی بیکرانه دریاسن فدا اولوم آدیوا اهلبیته سقاسن فدا بو جانیم عموجان ایکی اوزون قولوا علاج ائیله سوسوزدان آلیشدی آلعبا غبار محنت و غم قلبیمین باشین بورویوب نظاره ائیله نئجه گور دوداقلاریم قورویوب جفا خدنگی بو صحراده قلب زاری دلیر آنام رباب باخور اصغره فغانه گلیر هامی سوسوزدی غم غصه دن اولوب بی تاب ولی یاخین دی اوله غم دن اول حمیده ماب بونی عمو بیلیرم فن رزمه داراسن فراتی آلماقا وار قدرتین تواناسن اووزون بیلرسن عمو یوخ سو مشک لر بوشالیب دوشوب فشاره علی اصغرین غمی چوخالیب اوتانوری دییه دردین سنه رباب عموجان عطشدن اولدی گوزل قارداشیم کباب عموجان سو یوخدی سوز عطشدن اورکلر اودلانوری علاج ائله که هامی قیزلار اود دوتوب یانوری اجازه آل گوتوروب مشکیوی جهاد ایله بو دلشکسته لرون خاطرینی شاد ایله سپهر غمده سولوب دی صفالی اولدوزلار سو جامی الده نوایه گلیب بالا قیزلار اماندی دردیمه لطفیله چاره ائیله عمو یاخیندی قارداشیم ئولسون داخی تاپیلموری سو آنام رباب باخیر اصغره اورک داغلیر علاجی یوخدی آچور هی قماطینی باغلیر صحابه قیزلاری یکسر قوناق گلیب دی منه تیکب گوزون هامی اهل حرم بو چولده سنه

جواب گوروب سکینه نی جام الده حضرت عباس خجالتیندن آلیشدی یانیب او اشجع ناس آلیب قوجاقه او نازلی قیزین اوپوب یوزونی نوازش ائیله دی پاک ائتدی آغلیان گوزونی دئدی بالا بو قدر قلب زاری یاندیرما خجالتیم منه بسدی داخی اوتاندیرما بو چولده سو یولونی باغلیوبلار اهل جفا اورگیمی غمیله داغلیوبلار اهل جفا اوشاق بیوک هامینین دردینی قیزیم بیلورم خجالتیم دن اوزوم غصه مرگ اولوب اولورم سحر آچیلسا امیریم دن اذن اولسا اگر عمون سو آلماقا خاطر تمام سعیین ائدر داریخما نازلی بالا مشگیمی گوتورم من خیامه ممکن اگر اولسا سو گتیرم من سویون یولوندا جهاد ائیلیوب قانا باتارام سو اولماسا داخی گوزدن بو عالمی آتارام بو قدری آغلاما گلمه فغانه ای گل یاس واریمدی قدرت هله اولمیوب عمون عباس گلنده اصغر آدی قان اولور منیم اورگییم ربابین حالینه چوخ چوخ یانورمنیم اورگییم

حضرت علی اکبر ای منی ایاقدان سالان غمی جدیمین شبیهی جوان اوغول یاتما دور گئدک خیمیه آنان اولدی غصه دن باغریقان اوغول گرچه گل سولاندا خزان ائدیر باغبانین صبر و طاقتین گرچه یاندیرور قلبیمی منیم اغلادور منی درد و محنتین مایه مباهاتدور اوغول حق یولوندا بو استقامتین دین یولوندا القانه باتمیسان فخردیر منه هر زمان اوغول ای جوان اوغول حالیمی پوزور قانلی عرصه گاه ایچره یاتماقون تک قویوب قوجا وقتیده منی کوی عشقیده وصله چاتماقون قان ائدور یانان قلبیمی منیم تشنه لب بو گون قانه باتماقون وئرموسن ندن سس منه مگر قالمیوبدی سنده توان اوغول ای عزیز جانیم نه یاتموسان دور ایاقه آل پرچمین اله دوره می آلیب لشگرجفا ائیلیوله میداندا هلهله سنسیز عالمی نیلورم علی اود سالیر فراقین یانان دیله وار یئری گوزوم یاشی قان اولا ائیلییم اولونجه فغان اوغول قالمیشام بو چولده شماتته ای دیزیم قواسی گوز آچ اویان یاره لر ایاقدان سالیب سنی ضعف ائدوبسن از بس آخیب دی قان قالمیوب دی جسمونده صاف یئرین دوغرویوب جفاییله کوفیان هر طرفدن ائیلور بو بیکسی تیر درد و محنت نشان اوغول عمروین گلون نشتر خزان صفحه صفحه اوراق ائدیب چوله چوخ چتین دی بو غملی منظره گلشن ایچره ایستکلی بلبله اولما راضی آه و فغانیله باشین اوستونه عمه لر گله یاتما گون قباقینده دور گیدک واردی خیمه ده سایبان اوغول

1-3. زبانحال حضرت قاسم علیه السلام ای سرور دوران عمو ائیله عنایت قاسمه لب تشنه ام احسان ائله جام شهادت قاسمه گر چه یتیمم یوخ غمیم سنسن امامیم هم آتام بیر خواهشیم وار قیل نظر تا منده مقصوده چاتام خوشدور بو گون میدانیده اکبر کیمی قانه باتام جان وئرماقا آمادییم وئر جنگه رخصت قاسمه بیر بیر بو گون انصاریوی میدانه ائتدین رهسپار جام شهادت ایچدیله حقه اولوبلار جان نثار ویر اذن میدان سال یولا منده اولوم غمدن کنار تا ساقی کوثر اوزی ائتسین سقایت قاسمه وئر اذن عمو منده بو گون دنیانی حیران ائیلوم بو نقد جانی سن کیمی بیر شاهه قربان ائیلییوم جنگه گئدیم بو دشمنه میدانی طوفان ائیلییوم بوندان اضافه وئرمه سین دنیا اذیت قاسمه میدان رزمه گتئماقا وار الده عنوان گلمیشم الده آتامین نامه سی شاد و خرامان گلمیشم ظلم و عدودن تنگ اولوب سینم دولی قان گلمیشم خوشدور چاتیب دور ای عمو بو لحظه نوبت قاسمه سینّیم ده آز اولسا منیم شرط مقال اورگشمیشم عشقین منی سیراب اوئدیب راه کمال اورگشمیشم عباس عمومدن بیر قدر فن جدال اورگشمیشم خوار ائیلرم دشمن لری حق ائتسه نصرت قاسمه وئر اذن میدان ائتمه غم ای عالمه سلطان عمو تا ائیلییوم بو جانیمی منده سنه قربان عمو خوشدور ائده م قربان اگر عشقونده باش و جان عمو بالدان شیرین دور گر اولا قسمت شهادت قاسیمه 981010 لینک کانال اشعا ر @hushmand

اولسون گوزل حضوریوه مندن سلام عمو گل باشیم اوسته لطف ائله ای ذولکرام عمو امکان یوخوم دی بیره گلم پای بوسیوه سالدی کمنده قاسمی قوم ظلام عمو اطرافیمی آلیب دی قوشون الده تیغ کین بو یاره جسمه یاره وروللار مدام عمو عشقونده یاره لر منه بالدان شیریندیلر ورسون ورور نقدر بو قوم لئام عمو گل باشیم اوسته ای شه عالم آتام گلیب مقتلده گوزلییور یولوی الده جام عمو مین قاسمین فدا اولا جانی سنه شها عمرون گوروم همیشه اولا مستدام عمو فخر ائیلورم که اکبریوه یولداش اولموشام باشیم قانیلا اولدی اوزوم سرخ فام عمو امکانی اولسا نعشیمی حمل ائیله خیمیه چشم انتظار قالمیا بیکس آنام عمو عالمده بی پناهلیرین سن پناهی سان قربان اولوم کرامتیوه تشنه کام عمو عفو ائیله سسله دیم سنی سالدیم مشقته گلسن تاپار بو زخم فراق التیام عمو

روحیم دوشوب تلاطمه امنیت آختارور گرداب غمده گوهر پرقیمت اختارور موج ائیلیور گوزوم ده اورک قانی دمبدم گوز کاسه سی دولوب بوشالا رخصت آختارور صرصر اسوب چمن سارالیب سولدی لاله لر بو خسته جان دعا ائدراق نعمت آختارور واضح دئیوم اورک یانیری نار حسرته گوزلر حسینه آغلاما هئیت آختارور عشق حسین تازه لنور دیلده ایل به ایل بزم عزانی گور نئجه بو ملت آختارور نومید اولمیوب بیری بو آستانه دن هر کس ییخیلسا بو قاپیا عزت آختارور هیچ داستاندا عشق حسینین مثالی یوخ دنیا بویی بو عشقی هامی خلقت آختارور صدقیله گلسه کیم اوجالار شان و شهرتی آخرده خوار اولار ولی کیم شهرت آختارور افتاده گل غرور و منیت دن اول اوزاق دیوان عشق قاضی سی، خوش نیت اختارور شاعر بیلیر که مدح ائلیینمز حسینی، لیک شعری بهانه دور، کرم و خلعت آختارور هر کیمسه نی قبول ائلسه شاه تشنه لب خوش حالینه او اهل دلی جنت آختارور کیم بولسه قدرینی اوزینی خوار ائیلمز سالم یاشار حسینچیلیقا هیبت آختارور هر کیم حسینچی دور گرک اهل نماز اولا شیعه اولان شریعته جدیت اختارور حق اوسته باتدی قاننیه سلطان دین حسین احکام دینه شیعه اودور دقت آختارور کرب و بلانی ایستوری گویلوم داریخمشام بو خسته جان نه وقت دی که تربت آختارور جانیم فدا حسین آقامین عشق پاکینه کرب و بلایه اهل ولا، دعوت آختارور هر کیم حسینچی دور کرگ آزاده مرد اولا نوکر همیشه شاهینه ، سنخیت آختارور عباس باخ یئتیردی هارا گور مقامینی چوخلار گوزل آدین چاغیریب حاجت آختارور یاد ائیلرم او ساعتی که ابن سعد دون سو یوللارینی باغلادی چون بیعت آختارور اما مگر ستمگره بیعت ائدر حسین کیم ظالمه باش اگسه بلی، ذلت آختارور بیر بیر بوشالدی مشک لرین قالمادی نمی سو جامی الده خیمه لری عترت آختارور عباس اجازه الدی گلوب نهر علقمه دولدوردی مشکی اصغره بیر شربت آختارور تشنه فرانی آلدی، چیخیب تشنه لب سودان بو امره عقل واله اولوب، حکمت آختاریر دورت سمتیدن سپاه عداوت کسیب یولی عباس گوز سپر ائلییوب رجعت آختارور قصدی بودور سویی یئتیره تشنه قیرلارا ساقی عشق، حق دن اوزی نصرت آختارور چوخلار یول اوسته الده قلنج ائتدیلر کمین هر کس وورا اوزون قولا بیر ضربت آختارور حاصل کسیلدی قوللاری سو مشکی اوخلانیب تشریح ائدم بو دردی قلم عزلت آختارور دوتدی یوزون خیامه دئدی داده گل حسین بو آخرین نفس ده اورک وصلت آختارور شه خیمه دن نه سرعتیله گلدی مقتله قارداشی غملی حالیله اول حضرت آختارور میداندا گوردی لشگر کوفه، شتابیلن قولسوز وزیری شاه قَدَرقدرت آختارور میدانی حیرتیله گزور گوز یاشین توکور قوللار الینده بیر کیچیلن قامت آختارور گون آی دالیجا سیر ائلییور ائیلسین غروب یا عرصه گهده یار قمر طلعت آختارور تا گوردی توپراق اوسته اوجا سروی یاره لی سیندی بئلی بو امره اورک طاقت آختارور آلدی باشین دیز اوسته نحالیله بیلمیرم سسلندی دور اماندی غمیم شدت آختارور قربان اولوم سنه گوزون آچ منله بیر دانیش یالقیز گوروب بو قوم منه خفت آختارور قارداش اویان یامان گونه قویما بو بیکسی قلبیم سینیقدی سن کیمی هم صحبت آختارور چارم آزالدی سیندی بیلیم یاتدی پرچمیم دور حمل ائدیم خیمده سنی ، عترت آختارور قیزلار سو جامی الده سنون گوزلیور یولون عطشان دی قیزلاریم بو سودان قسمت آختارور چوخ زحمتیله آچدی گوزون عرض ائدیب اخا بیر عمردور گوزوم بیله بیر ساعت آختارور چوخ افتخاریله سنه جان ائیلیورم فدا بو آستاندا شاه و گدا دولت آختارور اولسا اگر قصوریم اقا عفو ائله منی مندن رضا اول ایمدی که جان رفعت آختارور ویردیم سو قولی قیزلارا شرمندیم آقا اولدی قصور نوکرون ، حلیت آختارور یانام بو درده یوخ دی مروت بو قومیده اخیامی غارت ائیلماقا فرصت آختاریر قورخوم بودور اسیر ائدلر اهلبیتوی دشمن بیزی اسیر غم و محنت اختاریر عباس هر قدر دانیشب آغلادی امام باخدوقجا قلبی گوردی یئنه رویت آختاریر قارداشی دن وداع ائله دی عرصه گاهیده آگاهیدی جدا او باشی زینت آختاریر گلدی خیامه سسلدی زینب هایانداسان غم لشگری بو بیکسیله الفت اختارور گل زینبم حسینوه بیر تسلیت دئنن قارداشیم اولدی داغلی دلیم قوت آختارور عباسیدن صورا بو جهانین نه ارزشی تئز سال یولا که طائر جان هجرت آختاریر هر چند شور کرب و بلا اربعین ده دی #مدهوش او قبر گوشه سینی خلوت آختارور @Hushmand

گل هراییمه اولموشام نشان تیر کین اعدایه سیدی باش کسیلمه میش باشیم اوسته گل لطفیویله سال سایه سیدی ای عزیز زهرا هرایه گل دوره می آلیب لشگر جفا جنگیدن قاچانلار بو لحظه ده سبقت ائیلییر یاره وورماقا آز قالیر کسیلسین باشیم منیم یوخ امان اوزون تئز یئتیر اقا گورماقا جمالین بو صون نفس گلمیشم تمنایه سیدی سسلیرم هرایه سنی شها عذر ایستیرم من بو دعوته ممکن اولسییدی اگر گلم راضی اولمازیدیم بو زحمته قولاریم دوشوب مشکیم اوخلانوب قارداشین قالوبدور قالمیشام بو یرده شماتته هر گلن وورور هر گئدن وورور تیغ و نیزه سقایه سیدی ادامه دارد

1-2. طفلان زینب س کربلاده زینب علیا جناب ائتدی عاشورا بیر آیری انقلاب بیر نظر سالدی وفا بازارینه کربلانین جلوه لی اسرارینه گوردی یالقیز عرصه ده قارداشینی قانه دوندری خانیم گوزیاشینی گوهر عشقه نه لازمدیر محک ایستییر قارداشینه ائتسین کمک ائتماقا تا دینینه دئینین ادا اذنی وار اوغلانلارین وئرسین فدا خیمیه دعوت ائدیب اوغلانلارین تا اوزی سالسین یولا قوربانلارین شدت غمدن یانیب اولدی کباب هر ایکی دلداده سین قیلدی خطاب اي ايكي نورس غزال هاشیمي سعی و همتله اوجالدین باشیمی من سيزه شير شهامت وئرميشم درس عزت ، درس غيرت وئرميشم تنگ ائدیب اشرار کوفه عرصه نی سیز سرافراز ائیلیون بو گون منی قارداشم یالقیزدی ایثار ائیلیون عشقوزی دلداره اظهار ائیلیون هر ایکی عالم حسیندور رهبریم قارداشیمدور سروریمدور دلبریم سيز شهامتله آنازدان ال چكون دوشمن دينین بو گون قانين توكون یادگار جعفر طياريسوز نسل پاک حیدر کراریسوز قوخمیون بو لشگر كفاريدن ایستییون قوت حق داداریدن حق بيزوک شان و شرافت بيزده دیر هر ایکی دنیاده عزت بیزده دیر ايستييورسوز گر آناز اولسون رضا جان ائدین بو مكتب حقه فدا کوی عشقه منله باهم یول سالین سعی ائدون جنگ ائتماقا رخصت آلین گر اجازه ویرمه سه شاه امم سیز وئرین مولانی زهرایه قسم ملک حق سلطانیینه تعظیم ائدین حق یولوندا جانیزی تقدیم ائدین الغرض زینب قوتاردی سوزلرین باغرینا باسدی اوپوب دی گوزلرین آتش هجرانیله داغلاشدیلار سس وئریبلر بیر بیره آغلاشدیلار جامه صبری خانیم چاک ائیلدی درّ تک گوزیاشلارین پاک ائیلدی وئردی درسین گورسدیب راه و نشان محضر شاه حقه ائتدی روان ایستیوبله همزمان اذن دخول یار یارین تحفه سین ائتدی قبول دوردولا ال سینه ده با احترام وئردیله شاهه وقاریله سلام عرض ائدیبئله غمدن اولدوق سینه تنگ گل قبول ائله بیزه وئر اذن جنگ قیل عنایت ای شهنشاه جهان تا حضورینده ویراق جانانه جان اذن وئر بیزده اولاق قوربان سنه روزگاری تار ائده ک بو دوشمنه مکتبونده درس عشق اوگشموشوک جنگه لازم فن و مشق اورگشمیشوک سینه میز تنگ اولدی شاها قیل نظر یولا میدانه بیزی قیل مفتخر دشمنه برپا قیامت ائیلیاق دین و قراندان حمایت ائیلیاق گلموشوخ باشیله جاندان گئچماقا سو یئرینه حلقیدن قان ایچماقا الغرض دقتله باخدی پادشاه قالدی حیران چکدی آه اوستوندن آه باغرینا باسدی ایکی دلداده سین گورسه دیب مهر و محبت جاده سین گوردی زینبین قارداشین غرق ملال عرض ائدیب ای صاحب عز و جلال غم یئمه ای پادشاه تاجدار حالیوی پوزما اخا اولما فکار زینبین جانی اولا قربان سنه تحفه می قیترمه قوی منت منه آغلاما جانیم فدا گوزیاشیوه زینبی قارداش دولاندیر باشیوه بو ایکی گل که منیم باغیمده وار اذن وئر اولسون منایه رهسپار یاندی دیلدن پادشاه انس و جان اذن وئردی ائیلیب جنگه روان گلدی میدانه ایکی کوه وقار سنیده آز رتبه ده والاتبار باده وصل نگاره مست ومست هر ایکی ساقی لب عطشان می پرست پنجه لر قدرتلی چون شیر ژیان فن اشنا رزمه چون پهلوان غرق اولوبلار سیرته هم صولته سالدیلار اهل جفانی حیرته بیر به بیر کوی وصاله گتدیلر تا نفس وار خصمیله جنگ ائتدیلر تشنه لر آب حیاته چاتدیلار گلدیلر اکبر یانیندا یاتدیلار خیمیه نعشین گتیردی شاه دین اولدیلا اهل حرم چوخ دلغمین گور دی کیم باهم دئدی یولداشدیلار زینبه جاندیر بولار قارداشدیلار زینبه گلدی خبر پیشواز ائله خسته مهمانلار گلیر اعزار ائله گر چی زینب یاندی سینه داغلادی گیزلدیب دردین نهاندا آغلادی سیل غم سرحدّ صبرین ییخمادی خیمه ده قالدی قباقه چیخمادی من دئدی قارداشیمی چوخ ایسترم کاش یوز اوغلوم اولا قربان وئرم گر چه هر بیر مادره جاندیر بالا اولمارام راضی حسینیم تک قالا شکر ائده م لازم دی حی داوره اغلاسام باجادی اوغلوم اکبره

یئتشدین کوی وصل یاره قارداش جانیم قربان بئله معیاره قارداش عجب وئردین نشان غيرت اوزوندن چکوبسن عشقیوی بازاره قارداش گئچیب سن دین یولوندا باش و جاندان فدا بو همت و ایثاره قارداش اومیدیم دادخواهیم ای پناهیم نظر ائله من بی یاره قارداش قالیب یالقیز بو سایسیز لشکر ایچره نئجه گور قارداشین آواره قارداش بلیرسن دویمادیم قارداش سوزوندن منه قارداش دینن صد باره قارداش بیلیم سیندی اخا چاره م آزالدی اوزون آگاه سن اسراره قارداش سنین گول پيكرینده صاف يئرین يوخ اولوب قربان کیمی صد پاره قارداش چكيب قان پرده شهلا گوزلرینده نولوب بس تیغیوه قوللاره قارداش بهشت عطری گلیر قولسوز بدندن آنام زهرا گلیب دیداره قارداش؟ آنام زهرا اوغول واي سسلينده چاتوبسان رتبه اطهاره قارداش قانا باتدین اگر چه باش اوجاتدین منه باغلاندی راه چاره قارداش نئجه سنسیز دئیوم من خیمه گهده بو غملی حالیوی قیزلاره قارداش رقیم اگلشیب ایندی یول اوسته تیکیب حسرتله گوز یوللاره قارداش دور ای آرخام ائلیم نام و نشانیم گوتور شمشیری دور پیکاره قارداش اوتانما گلمیوب نازلی رقیم اورگ دردین گتیر اظهاره قارداش دیزیم گلمیرگئدم بیرده خیامه دیلیم دوتمیر گلم گفتاره ابوالفضل امان بو بي مروت اشقيادن ترحم ائيلمز بيماره قارداش یقین اولدی اسارت اهلبیته چکللر مجلس اغیاره قارداش سالیب فرصت اله بو قوم بدخو اولوب جسمون نشان اوخلاره قارداش باجیم زینب اولار دوشمن اسیری گئدر شاماته باشدا قاره قارداش اگرچه شایگان دور شعر مدهوش ولیکن وار صله اشعاره قارداش #هوشمند #مدهوش @hushmand

وداع امام سجاد ع دیار کرب وبلا تاپدی آیری حال و هوا یئتنده آیریلیق هنگامی ظهر عاشورا وصال یارینه عاشق اولوبدی آماده یاخینلاشیب سالا محراب عشقه سجاده بویاندی یاور و انصاری بیربه بیر قانه دیار کرب و بلا دوندی بیر گلستانه صفالی لاله لریله بزندی قربانگاه سالیب جهانه ندا لا اله الا الله یانان اورکلری آب بقا ائدیب سیراب هوای وصلیله عاشقلر ایچدی باده ناب بویاندی قانه حبیب و بریر و زاده قین قالیب دی عرصه ده یالقیز رسوله نور دوعین شهادت امرینی شوقیله اختیار ائله دی قرار وصل او مولانی بیقرار ایله دی بیلیردی چاره یولون باغلییوبدی قوم عنید نماز عشقه اوزون حاضر ائتدی شاه شهید قیتدی خیمه لره سرور زمین و زمان وداع ائتماقا اهل خیامی دیلده فغان وداع آخریینی اهلبیته وئردی خبر بویوردی گئتمه لیم رزمه اولدی وقت سفر اورکده آتش مهر و وفا آلیشدیردی حیالی قیزلاریینی بیر به بیر دانیشدیردی حرملری باشینا ییغدی لطف و ناز ائله دی سینیق اورکلرینی آلدی سرفراز ائله دی بیلیردی آز قالیری موقع شهادتینه گلیب دی خیمه ده سجادینین عیادتینه نه گوردی طاقتی یوخ هم مریض و عطشاندیر دوورب اوتورماقا امکانی یوخ پریشاندیر مرضی شدت ائدیب هم عطش اذیت ائدیر طبیب عالمه ، زینب گلیب طبابت ائدیر گوروب آتاسینی تا وارد اولدی اول سرور مصمّم اولدی دورا اسدی یئل کیمی دیزلر بویوردی عمه سینه قیل کمک ایاقه دوروم دورانماسام کمک ائت بلکه روبه رو اوتوروم اگر چه اولمادی ممکن او لحظه حال قیام وئریب دی حضرت سجاد امام عصره سلام امام باخدی گوروب چهره سینده گرد ملال محبتیله دانیشدیردی حالین ائتدی سوال آتا بالاسینی جان تک باسیب دی آغوشه فراق گونلرینه وصلیدن وئریب توشه بو صحنه قلب زمین و زمانی داغلاردی آتا بالا نئجه سسیز یاناردی آغلاردی محبت عالمی بزم وصال اولوب خلوت آچیلدی موسم هجراندا وصلیدن صحبت رموز عشقی بیلر سالک طریق نگار اشارتیله ائدیب یار تبلی الاسرار بیانه گلدی بویور ای امیر ارض و سما منه گوروم نئجه دی ایمدی وضع و حال بابا نیه وجودیوه بو قدری ابتلا یئتیشیب بویور گوروم بو قوشونلا ایشین هارا یئتیشیب بو سوزده قلبی امامین دوباره داغلاندی شرار محنتیله اود دوتوب الولاندی بویوردی سختیدی گر چه دییم نه لر اولدی اسیب دی باد جفا جنگ شعله ور اولدی مصمم اولدی جفاسینده لشکر شیطان حساب و روز جزانی چیخاتدیلار یاتدان نه جنگ مثلیینی گورمز داخی زمین و زمان بویاندی قاننه یکسر بو چولده پیر و جوان ایکی سپاهه ده میدان رزم تنگ اولدی بویاندی کرب وبلا قانه لاله رنگ اولدی یاخینلاشیب دی که منده قرار یاره گئدیم حضور یاره نه خوشدور بدنده یاره گئدیم بو یئرده حضرت سجادین اولدی اشکی روان گلوب تکلمه جانیم سنه فدا آتاجان شکسته حالین ائدیر قلب داغداره اثر هایاندور نیه بس یوخدی قارداشیم علی اکبر یورولموسان نیه حالون بئله پریشاندی یارالیدی بدنون سربسر قیزیل قاندی ندن حالین پوزولوب بیله مثل بیر گل یاس منه بیان ائیله بس هاردادور عموم عباس امام ایشیددی سوزون قلبیدن چکیب بیر آه بویوردی اولدولا یکسر شهید عشق الله محبت اهلی وفاسین منه نشان وئردی جهاد ائدیب هاموسی عاشقانه جان وئردی عمون فراته طرف حمله ائتدی سو گتیره ولیک قویمادیلار مشکی خیمیه یئتیره بو چولده باد جفائیله گلشنیم سولدی سو اوسته قارداشیمین قوللاری قلم اولدی بونی خلاصه دئیوم دیلده محنتیم چوخدی رجالیدن ایکیمزدن صورا قالان یوخدی بو قدری آغلاما محنتده صبر ائتمه لیسن باشین بلالیدی شامه اسیر گتمه لیسن نقدری که دگیب انصاریمه ستمله یارا علاوه منتظروندی سنون ده فوج بلا اگر چه اولمادی سهمین سنون شهادتدن بو امتیازه چاتارسان بلا و محنتدن شهادت امری یاخین دی منایه گئتمه لیم بو دم حضوریوه نئچه وصییت ائتمه لیم یاخینلاشیب منیم عمریم یئتیشین اتمامه سنی کفیل ائدورم من بنات و ایتامه بو چولده حافظ قرآن و دین و عترت سن آتان شهید اولاجاق سن امام امت سن من حاضرم که گئچم حق یولوندا جانیمدن گرک دی سن اولاسان پاسدار قانیمدن گرک دی عهدیمه بو چولده من وفا ائلییم بو جانی منده ره عشقیده فدا ائلییم وداع ائدیب سیزی بزم نوا قوروب گئدورم حرملری سنی اللهه تاپشوروب گئدورم رضای حقه رضایت واریم بلی دئمیشم قلم یازاندا بلا منده کربلا دئمیشم کفن ده اولماسا خاک شفا کفن دی منه صفاسی چوخدی بو یئر دایمی وطن دی منه بو غمده صبر ائله ائتمه نوا خداحافظ بو قدری آغلاما ای با وفا خداحافظ یاخنیلاشیب گورسن باشیمی جدا اوسته منه وطن اولاجاق کربلا خداحافظ اورکده دیگ محبت اودم جوشوب داشدی آتا بالا ایکیسی دیلده غم قوجاقلاشدی گوورب بو منظره نی زینب وفا پرور بهار ابری کمی دولدی اشکیله گوزلر

امام حسرتیله خیمگهدن آیریلدی قیتمه دی داخی دیللرده حسرتی قالدی نه حال قالدی قلم ده نه تاب دفترده دوباره محشر اولار گلسه جمع محشرده وداع روضه سی مدهوشی ائیله دی گریان یازا یازا دئدی مولا جانیم سنه قربان