حضرت #امام_زمان عج الله فرجه الشریف عاشقم بیر گُله من،عاشق اونا گُللردی گُل نه گُل، گُل یوزی آئینه پیغمبردی مین خزان گَلسه ده سولماز، بو گُل حیدردی سایه سینده بو گُلون، مُلک و مَلک دالدالانور گونده اوچ دفعه اونون باشینه، دنیا دولانور گُل نه گُل، نوروینی بوندان آلوری شمس و قَمر حیف دیر طلعتینی یوسفه اوخشاتسام اگر تک بونون بیر باخیشی یوسف کنعانه دگر نور ذات اَزَلی اون بیر امامین گوزودی بو گُلون مُشتریسی حضرت زهرا ئوزودی گُل نه گُل، رشک آپاران حُسنونه گُللردی بونون دئمَرَم آی، ئوزی آیداندا منوِّردی بونون حُسنونه بنده اولان جمله گوزللردی بونون گلشن جنّت الاعلایه بو گُل، سؤ گُلی دی باغ جنّت گُلی یوخ یوخ، دئنه زهرا گِلی دی گُل نه گُل، مثلی نه گُلزار و نه گُلشنده اولار باخسا آی حُسن دل آراسینه شرمنده اولار گون دئدیم سهو ائلدیم، گون بو گُله بنده اولار اهلبیتون گوزلی، شاهد حُسن اَزَلی باغ جنّتده دئیلر بونا زهرا گوزلی گُل نه گُل، حق بونی ئوز ذاتینه مظهر یارادیب مَه جمالین بو گُلون مهردن اَنور یارادیب دیمَرم یوسفه، پیغمبره مظهر یارادیب تک نه یئرلرده، سمالرده بو دلبر سوزودی گوزلری قاشلاری، سیماسی پیمبر ئوزودی گُل نه گُل، شرح ائلیه وصفینی قاصردی زبان گُل نه گُل، حُسنی ملک، غنچه لبی، قاشی کمان گُل نه گُل، هر تِلینه باغلیدی مین حور جنان بونی خلّاق اَزَل حُسن ازل خلق ایلیوب گُل گوزلدور، بونی گُلدنده گوزل خلق ایلیوب جمله دلخوشدی هره، بیر دل و بیر دلبرینه هر کس ئوز یارینی تشبیه ائدی بیر تازه گُله یئر یوزی دولسا گُلیله، گینه چاتماز بو گُله روحیمیز روز اَزَلدن بو گُلون شایقیدی تک نه بیز، حضرت زهراده بونون عاشقیدی بیز که دنیانی فدا ایلَمیشوق عشقیمیزه وئردوق ای مُدّعیلر جیفۀ دنیانی سیزه بسدی تنها پسر فاطمه نین عشقی بیزه ثبت اولوب دفتر عشّاقیده باشدا آدیمیز مهدی فاطمه دیر ایمدی بیزیم هر زادیمیز دئمیون یوخدی بیزیم، ساقی جان پروریمیز دئمیون یوخدی بیزیم، سروریمیز، رهبریمیز دئمیون یوخدی بیزیم، سؤگُللومیز، دلبریمیز حُسنی آیداندا گوزل، دلبریمیز واردی بیزیم یوسف فاطمه تک رهبریمیز واردی بیزیم قوی نفاق اهلی دئسونلر بیزه دیوانه دیلر نه تانور عشقی اولار، عشقیله بیگانه دیلر اولارین سوزلری هم ئوزلری افسانه دیلر عشق سرمستی بولر لذّت مستانه لیقی وئرمه روق هر ایکی دنیایه بو دیوانه لیقی بزم خلوتگه وحدتدی بیزیم هیئت میز نام و شهرت نَدی، پرچمدی بیزیم شهرت میز نیلروخ ثروتی، مهدی دی بیزیم ثروت میز او بیزه عشقدی جانانه دی دلبردی بیزه او گُل حضرت زهرادی، او رهبردی بیزه گَل آقا مصئبۀ عدلی مقام ائت ئوزیوه قویما حسرت قالا عاشقلریوی گُل یوزیوه گَزمه گوز یاشلی بیابانلاری قربان گوزیوه سنه زیبنده دی مؤمنلره سرور اولاسان سنه تنها یاراشیر عالمه رهبر اولاسان بیز حسین غملرینه، سینه میزی داغلیاروخ نَقَدر واردی نفس، سینه ویروب آغلیاروخ هر محرّمده قرا باشمیزه باغلیاروخ دوداقین بوزمه محرّمده قرا باغلیانا دوداقوندان چالی بیر یول دیساق عبّاس آقیا «عدلجو» سانما که شاعر اولی هر نوحه یازان اوچولار ائو، گوره معمارین ایشین قبر، قازان هر گَلن نوحه یازان اولسا، نه لازمدی یازان صدقیله نوحه دیوب آخسا اگر گوز یاشون بونی بول نوحه یازاندان چوخ اولار پاداشون ✍️ احد عدلجوی تبریزی ____

سلام وقتتون بخیر جمعه ها دلتنگ 💔 آهنگ قدم های توایم 💚 در میان کوچه و پس کوچه ها 🍃 عاشق نقش رد پای توایم♥️ أللَّھُمَ عـجِـلْ لِوَلیِڪْ ألْفَرَج 🙏

تقدیم به مادران آسمانی آنا فراقی بیر قوجاق دولوسی گل گتورموشم قبرین اوسته سینق دیل گتورموشم بهارین ابری تک گوزلریم یاشین یُووام مزاریوی سئل گتورموشم دور ساغلقین کیمی منه سویله جان اشیدوب سسیوی اولوم شادمان گلسون بو جانیما دردون هارداسان بالاندان کسمه الفتون آی ننه گراندی درد فرقتون آی ننه سنسن عزیز آنام دردیم علاجی گوزمون نوری‌سان باشیمون تاجی سنسیز قیزشموری کونلومون ساجی عشقون یاراشقی سنسن آی ننه حیاتون عاشقی سنسن آی ننه دیزلرین اوستویدی بشیگیم منیم سویلردون ای ایویم اِشیگیم منیم یاتمازدون چکردون کشیگیم منیم دوشن هر خیاله سنسن آی ننه چاتمیان مآله سنسن آی ننه سنی خلق ایدنده خالق داور یارادیب خَلقاً و خُلقاً مطهر شانیوه گلوبدی سوره‌ی کوثر گوزللر گوزلی سنسن آی آنا محبّت مشعلی سنسن آی آنا سن گیدندن وردیم اولوب آه و وای یریوی بش گوروب چکرم هرآی آنا بالاسنا دینده لای‌لای دیورم بس ینه سنسن آی ننه لای‌لای دیَن منه سنسن آی ننه (راشدم)هجرونده جگر داغلارام باخارام عکسیوه یانّام آغلارام گوزومون یاشینی یوزه باغلارام منیم وردیم ذکریم سنسن آی ننه حیاتمدا فکریم سنسن آی ننه

#مهدیه ای شهریار محتشم وی صاحب فضل وکرم قوی گوزلریم اوسته قدم یابن الحسن یابن الحسن ۲بار برج عدالت ماهی سن دنیا عقبا شاهی سن هر دردیمین آگاهی سن یابن الحسن یابن الحسن ۲بار سن فاطمه عیساسی سن حقین یدِ بیضاضی سن زیبالرین زیباسی سن یابن الحسن یابن الحسن ۲بار قربان اولوم گوز یاشیوه حسنون چکن نقاشیوه گلسن دولاننام باشیوه یا بن الحسن یا بن الحسن ۲بار عالم قاپوندا بنده دی حسنوندن آی شرمنده دی چشمِ امیدیم سنده دی یا بن الحسن یا بن الحسن ۲بار رحمت هماسی سن آقا دللر صفاسی سن آقا دردلر دواسی سن آقا یا بن الحسن یا بن الحسن ۲بار عشقونده بیز دیوانیوخ نورینده بیز پروانیوخ گل بیز دولانوخ باشیوه یا بن الحسن یا بن الحسن ۲بار باخما منیم گناهیمه پرونده سیاهیمه باخ بیر منیم گوزیاشیمه گل بیر دولانیم باشیوه  یابن الحسن    یابن الحسن ۲بار دللر صفاسی هارداسان عالم آقاسی هارداسان زهرا بالاسی هارداسان یا بن الحسن یا بن الحسن ۲بار نه قصر و تالار ایستروخ نه تاق و بستان ایستروخ توفیق دیدار ایستیروخ یا بن الحسن یا بن الحسن ۲بار ای چوللرین آواره سی ای فاطمه مَه پاره سی ای چاره سیزلر چاره سی قربان الویم گوز قاشیوی یا بن الحسن یا بن الحسن ۲بار

‍ ‍ #_روضه_حضرت_زهرا_س خزان ویروب چمنی باغبان باخِی آغلیر خدا بیلیر کفنین بندین نئجه باغلیر علی...کفن ائلیور زهرانی اوچ مینجی بنده یتیشنده....چاغیردی..بالالاریم..بالالاریم گلون .گلون ننه زی گورون...ننه زدن آیرولون ایله کی امیرالمومنین آقااذن وئر دی اَوّلده گئتدیلر دولاندیلار امامین باشینا بابا...باشون ساق اولسون بابا... بابا..سنی ننمون جانی آغلاما بابا دئدی مولا دئمورم سینوزی داغلامیون بالاریم ننه ز ئولوب حقیز وار اوجادان آغلیاز اما بیلوسیز مشکیلیمیز واااار اوجا دان آغلامیون بابا نیه؟؟؟ دئدی بالالاروم،،،مدینه اهلی اِشیدَرآغلاماقیزی...دورالار ننه زون وصیتی یرده قالار...گرک گئجه زمانی دفن اولا اما آی زهرایه آغلیانلار.بیریاندا بالاجا اوشاقی دی لار...سن حساب ائله بالاجا اوشاقین گوزی برابرینده ننه نین جنازه سی قالا ائوین وسطینده بیر یاندان باخیلار ننه نین اُیورقون بدنینه جان زینب زینبین گوزی دوشیر زهرانین اُسینان قولونا اُیارالی سینه..سینه... ایستیور اوجادان آغلیا بیردن یادینا دوشدی باباسی دئیوب اوجادان آغلامیون بیلمیرم گوروب سیز یانه بیر دودمانیده ننه اولماسا اُائوین صفاسی اولماز آقا یابن الحسن،،،حل ائله ئورک نیسگیلینی قوی دئیوم دورت اوشاقین مُشکلینی آغلیاندا بالالار آغزینا قویدی الینی زینب الین قویوب آغزینا...دئدی جوان ئولن ننم لایلای لایلای ننه۲ جوان لیقی یالان ننه....حسن وحسینینه طوی دوتمیان ننه ‍ ‍ ‍ #لعن_الله_قاتلیک_یا_فاطمة_الزهرا

مزارون  اوسته  آی ننه باشی   بلالی  گلمیشم باشیمدا قاره گوزده یاش اورک  یا رالی  گلمیشم اویان  تسلی وئر  منه اورک   یا را لیام    ننه  بلا  چو لو ند ه  آی  ننه چکوبدی چوخ بلاباشیم او   غملی    قتلگا هد ه دونوبدی قانه گوزیاشیم دونوب  کمانه   قا متیم ئولوبدی یتدی قارداشیم اورک یا رلی خسته جان با شی    قرالی گلمیشم اویان    تسلی   وئر  منه اورک     یا را لیام     ننه هجوم    هر  بلا د ه من دایانمیشام باج آلمیشام حسین ئولنده ئولمیشم دیریلمیشم.قوجالمیشام با شیما   غملی  کوفد ه کی قانیدن تاج آلمیشام دور ایله  چا ر ه آی ننه         با شی یارالی   گلمیشم ا و یا ن تسلی وئر  من ا و ر ک ی  یارالیم   ننه

زبانحال زینب به امام حسین(ع) منیم         پناهیم       امیدگاهیم         دایان  حسینیم ، سنه سوزوم وار اوپوم  ایاقون ،  یانان   دوداقون         آمان  حسینیم ، سنه  سوزوم وار دایان    برادر     عزیز    مادر    گلیر   دالونجا    پیاده   زینب هارا گیدورسن ؟ شتاب  ایدورسن  قالوبدی بحرِ  بلاده زینب نه  چاره   ایلیم   یانیر  بو   قلبیم  چکیبدی  دردِ  زیاده  زینب وداع  آخر  توقف  ایت   بیر  زمان حسینیم  سنه  سوزوم  وار باجووا لطف ایت  بیر آز دایان گیت  آماندی  قارداش  آماندی ئوللم گوزومده یاشیم آغاردی باشیم  غمیم  بلورسن گراندی ئوللم اَیلدی   قددیم   یارالی  قلبیم    خدنگِ  ظلمه   نشاندی ئوللم ترحم   ایله   آتووا   ویرمه   عنان  حسینیم  سنه  سوزوم وار بو   عده  قیزلار   غمه  گرفتار   حرمسراده    قالیبدیر    آغلار او  فوجی  آیا  بو  چولده  تنها   بلالی زینب نه  نوعی ساخلار تعجبیم    وار   مگر   آتالار    بالالارینی   بو   نحوی   یوخلار کمک لری یوخ  بلالری چوخ  اینان حسینیم سنه سوزوم وار اگر   برادر    قیتماقا  وار      او   کهنه  کوینگ   ندیر    بدنده اورک  سیخلدی  ائویم  یخلدی او  کوینگی سن  آلوب گینده منه بس اولدی مشخص اولدی سنی سویارلار  یقین  ئولنده همیشه مغموم   همیشه مظلوم  اولان حسینیم سنه سوزوم  وار قیزین  رقیه  دینده  عمه   هانی  بابام  بس  ایدیم   نه  چاره نیجه  دییم  من  گیدوبدی  الآن  خیامه  گلمز    بابون  دوباره او   باغری  قانلار   او   آغلیانلار    بالالاروندور   ائدیر   نظاره آتوب گیدورسن اولارا سن سن گمان حسینیم سنه سوزوم وار ✍مرحوم انور اردبیلی

وفات حضرت زینب (س) قیز آناسین سسلر امداده دوشنده مشگله غم گونونده گلمسه ایلر آناسیندان گله جان ویرنده زینب یوز دوتدی مدینه سمتینه غملرین گوز یاشیله زهرایه عرض ایتدی بئله **** گل آنا یا فاطمه گل جاری ایله گوز یاشی جان ویرور زینب یانندا نه ایلی نه قارداشی گوزلریم یولدا اولوب بو سوز منه ورد زبان داد یالقیزلیق غمیندن آه غربتدن امان جان ویرنده سن آنا توکدوم یوزه گوز یاشیمی آغلادیم پوزدوم حسینیله حسن قارداشیمی یاسوه باتدیم باتوردوم یاسه آل هاشمی ایندی یوخدور آل هاشم واقف اولسون مطلبه قبره قویسونلا دویونجا آغلاسونلار زینبه کیمسه جان ویرسه یغالار اقرباسین باشینه باشی اوستنده هامی رخصت ویرر گوز یاشینه احتضار حالنده باجی گوز تیکر قارداشینه آختارور جان اوسته حسرتله گوزوم قارداشیمی من غریبم تا گلوب آلسون دیز اوسته باشیمی روز و شب قارداشیزا گوز یاشی همدمدور آنا آغلادان ایندی منی جان اوسته بو غمدور آنا باجی قارداش عالمی بیر اوزگه عالمدور آنا بو نه مهر و نه محبتدور یوزه قانیاش یازور اشکیم آخدوقجا گوزیمدن عارضه قارداش یازور اودلانان پروانیم دولموش گوگل پیمانه سی قوی دیسونلر آدیما شمع وفا پروانه سی قبریمه یازسونلا زینبدی حسین دیوانه سی عالمین بولسون منیم روحیم حسینه بسته دور ایندی ده پیراهنی بو داغلی سینه م اوسته دور گور آنا سندن صورا دوشدی نه غوغایه باشیم ظلمیله بیر بیر الیمدن گئتدی یدی قارداشیم قوللاریم باغلاندی آخر قانه دوندی گوز یاشیم آتدی عالمده فلک سنگ فراقی داغ داشا خدمت ایتدیم دینه عزت تاجینی قویدوم باشا ویردوقون مهر و وفا درسی آنا سینم ده دور کربلانون غملری اندوهی یکسر منده دور بالش اوستنده ویرم جان گور منه زیبنده دور اوز گوزوم گوردی حسینیم توپراق اوسته ویردی جان قویمارام باش متکایه عشقیمی ویرم نشان سن نجه اولدون آنا عالم آرا ایتگین مزار سن کیمی قبریم منیمده خلقه اولماز آشکار لیک اوچ یئرده مزاریم گون کیمی شهرت تاپار مصرده یا شهر یثربده بولر چوخلار منی گلسه زواریم دمشقه قبرده یوخلار منی **

جمعه  چاتور  کم کم   باشا            گون  آز  قالور  گوزدن  آشا هر یئرده سن   سالم   یاشا           یابن الحسن   یابن الحسن      یابن الحسن   یابن الحسن چوخ  منتظر   قالدوخ  یولا            پیمانه ی     غیبت      دولا جانلار   سنه    قربان   اولا           یابن الحسن   یابن الحسن       یابن الحسن یابن الحسن هجرون  بیزی   گتدی  دیله            موکول  اولور   آیدان  ایله بس   نیلیاخ   بوندان   بئله          یابن الحسن   یابن الحسن         یابن الحسن یابن الحسن

مداحی و ترحیم خوانی نوحه های ناب قیامت بی حسین غوغا ندارد”شفاعت بی حسین معنا ندارد”حسینی باش که در محشر نگویند”چرا پرونده ات امضاء ندارد… @mohammadd1352 https://eitaa.com/khtmkhani

کانال ما را به دوستان معرفی کنید با تشکر👆

🏴اربعین نوحه سی 🎼سبک: ای کانون_ بشرین_ شیعه لرین_ نگاری یا مهدی... ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان ✍شاعر:لاادری ________