#شعر_از_یعقوب_رشتبر_آلیله #اجرا_احسن_حبیبی 🎤 #در_سوگ_پدر_مادر_فرزند_برادر #آهنگ_ای_قلم_سوزلروندن🎤 گل با با گوزلریم یولدا قالدی قلبیمون باشینی غصه آلدی آیرلیقدان اورگ قانه دوندی باشیمه درد و غم سایه سالدی گل با با . گل با با.گل بابا جان .۲ گل بابا غصه دن بی قرار م چوخدی دردیم ولی یوخدی چارم هر گیدن گلدی.بس گلمدون سن گوزلورم من یولون انتظارم گل بابا ...... ۲ هجر اودیندان وجود یم یانبدور طاقتیمی الیمدن آلوبدور لعنت اولسون بیله روزگاره باشیمه قاروی تز سالوبدور گل بابا. ۲ یاندی قلبیم دوشوبدور شراره دوزلمگ اولمور غم بی شمار ه گوزلدیم من یولون گلمدون سن نیلیوم بس من بختی قاره گل بابا ......۲ باشیمه قاروی باغلارام من قلبیمی آهیلن داغلارام من نقدر وارجانیم ناله ایلوب صبح وشام اوخشیوب آغلارام من گل بابا ..گل بابا.گل بابا جان..۲ لینک کانال 👇👇👇👇 ﷽🍁 ✨اَللّهُمَّ عَجِّل لِوَلیِّکَ الفَرَج✨

بایراملار ای بایراملار اغلار گوزلر بایراملار هانس قزیم عزیزی اوله گوزی یولدا قالار بایراملار بایرام دا ایل خوش اولار ای ،،، منیم احوالیم ناخوش اولار ای ،،،، دییرم آی نه نه جان بو ایل بایرام سفره ده سنون یرون بوش اولارای،، آی ننه،ای ننه ای اوخشامالار: #قره_بایرام منیم ننم گوزل ننم آی ننم زحمتیمیز اولدی اله ضای ننم بایرام گلیر چرشنبه وار قاباخدا کیم ویره جاخ قیز لاریوا پای ننم #قره_بایرام #یتیم لر - بیاتی لار گوزیاشینی القان ائدر یتیم لر آیریلیقا افغان ائدر یتیم لر اول بایرام قره گیوب اگنینه قبر اوستونه نالان گئدر یتیم لر قزل گوللر آچوب صولار بایرامدا مردم گزر دلشاد اولار بایرامدا یتیم لرین آهی چخار سمایه اورگینه غصّه دولار بایرامدا عزیزیندن عزالیا نه بایرام اگین باشی قرالیا نه بایرام عزیز گونده آناسیندان آیریلان قلبلری یارالیا نه بایرام دیر #بابا قزیل گولی درمیشم گتورمیشم قبرون اوسته سرمیشم عزیز گوندی دور من ئوپوم یوزوندن بایرام اولوب گوروشووه گلمیشم دیر #آنا قزیل گولی درمیشم گتورمیشم قبرون اوسته سرمیشم عزیز گوندی دور من ئوپوم یوزوندن بایرام اولوب گوروشووه گلمیشم : ایسترم قارداش پاین ...ای الله کسمسین قارداش پاین ...ای هامّی باجی چوخ ایستر الله ندندی قارداش پاین.....ای من گویده گوورچینم آی چولدن چوله دوشرم بایراملار اوتورّرام قاپودا قارداش من سنه یول گودرم‌

شعر ترکی در فراق پدر (سبک شبانگاهان) بودنیاده گورمین خوش گون ای گونی قاره یات بابام لایلای گیدن قبره اولمیان آخر دردینه چاره یات بابام لایلای غمی باشدان آت بابام لایلای چالیم ایندی یات بابام لایلای آه وواویلا ***** بودنیانون رنج و دردیندن راحت اولدون سن مقصده چاتدون بیزی آخر قویدون آواره تپراق آلتیندا دیده تر یاتدون غمی باشدان آت بابام لایلای چالیم ایندی یات بابام لایلای آه وواویلا ****** الی قوینوندا اورک داغلی دیده تر شیرین دیل لرون قالدی قالوب ایندی زارودل خسته قیزلارون آغلار یات بابام لایلای غمی باشدان آت بابام لایلای چالیم ایندی یات بابام لایلای آه وواویلا

شام غريبان حضرت امام حسین (علیه السلام)   باتدی گون گلدی گئجه باغریم اولوب قان یارالی من سنه هاردا دوتوم شام غریبان یارالی یارالی جان یارالی قاننه غلطان یارالی زینبون جانی اولا جانیوه قربان یارالی   هله عریان بدنون یرده پریشاندی حسین بو غموندن اوره گیم لاله صفت قاندی حسین اوت ویریب کوفه لیلر خیمه لریم یاندی حسین من سنه هاردا دوتوم شام غریبان یارالی   شرح ائدیم هانسی غمی . دلده غمیم چوخدی حسین هر غمیم بو یارالی قلبده بیر اوخدی حسین بیر چادر وئرمه سه سعد اوغلی ائویم یوخدی حسین من سنه هاردا دوتوم شام غریبان یارالی   باغبان ئولسه حسین گللری گلشنده سولار غم دوتار گلشنی بلبل اوره گی غمله دولار رسمدیر هر ئولنون شام غریبانی اولار من سنه هاردا دوتوم شام غریبان یارالی   قلبیم اکنده اولوب دردیله طوفان گئجه سی شب وصلت قوتاریب .باشلادی هجران گئجه سی یاس دوتالار ئولنه شام غریبان گئجه سی من سنه هاردا دوتوم شام غریبان یارالی   بیر قوشام یاره لیم صید ایلیوبلر بالامی نه یانان حالیمه نه خشک ایلین وار یارامی اوچولار حمله ائدوبلر داغیدوبلار یووامی من سنه هاردا دوتوم شام غریبان یارالی   گون باتاندان بو چولی زار و پریشان گزورم بالالارون داغیلوب چوللره گریان گزورم لانه سیز قوش کیمی اواره و ویلان گزورم من سنه هاردا دوتوم شام غریبان یارالی  

شعرترکی به سبک عجب رسمیه عجب رسمیدی رسم زمانه عمروللر دونر آخیر خزانه گئدرانسانلار اولاردان فقط بیر آد قالاجاق بیزه نیشانه آمان آیریلق آمان آیریلق اولار دنیاده یامان آیریلق ******* آیرلیق سُوزی قلبی یارالار هانی آتالار هانی آنالار گدیبلر الدن،ایتوبلر گُوزدن حسرت قالیبدی یورقون بالالار آمان آیریلق آمان آیریلق اولار دنیاده یامان آیریلق شاعر:فرهاد فکری اردبیلی​​​​​​

(( دور ای بهارین گل یاسمنی  دور ای بلشن قانا پیرهنی  کفن یاراشمور ننه قامتیوه  قربان اولوم یارلی صورتیوه  ))  ((  گوزلرین آچ ننه جان  ایلمه قلبیمی قان  گوی ایاقوندان ئوپوم  بو گئجه یاتما اویان )) دور ای وفالی آنا باخ سوزومه بو هجریدن قان دولوری گوزومه دور گور نه گلوب آناجان باشیما دانیشیرام چوخ گئجه اوز باشیما گوزلرون آچ یارالی ای ائلیمین مارالی سالدی فلک سنیلن بو بالاوی آرالی دور ای بالالارینی گوزدن آتان دور ای یورولان غم ایوینده یاتان  من نیلمشدیم سنی آلدی فلک ایویمه بئله اودی سالدی فلک  لطف ایله گل دانیشاق کوسمه ننه باریشاخ  قویما بیزی ننه جان هئجر اودونا آلیشاخ  دور ای  یارالی ننه آچ گوزیوی دئنن اورکده منه هر سوزیوی هاچان بو غمی دانارام ننه جان سنسیز ایویمده یانارام ننه جان ای منه روح و روان حالیم اولوبدی یامان « صادقینین » اولاجاق هر سوزی گل ننه جان  ـــــــــــــــــــــــــ

شعر در مقام مادر در اهنگ یابن الحسن ای شه ملک ولا    آئینه ی صدق و صفا آنادی پروانه ی شمع وفا آنادی پروانه تک پر ویرار اوتدا یانار اولادینین دردینی جانه آلار دردینی ایتمز عیان....قلبی محنده یانان بار مصیبت ایر.قدینی همچو کمان سیندیرما قلبین آغلاتما                جنت قاپوسین باغلاتما جانیم سنه قربان ننه.جان ننه.جان ننه عمریم بهاریم جان ننه. جان ننه .جان ننه قربان اولوم من یومولان گوزوه قالمیشام حسرت او شیرین سوزوه سس ویر سسیمه آنا دردین آلیم سنسیز آنا جان نجه ایوده قالیم آچ او گوزل گوزوی. ...بیر اشیدیم سوزوی سن منه خاطر آنا. پیر ایلدون ئوزوی تاج سریم ای جانانیم...حاصل عمروم ریحانیم جانیم سنه قربان ننه. جان ننه. جان ننه عمریم بهاریم جان ننه. جان ننه. جان ننه

⚫️⚫️⚫️⚫️⚫️⚫️⚫️ ﷽ #مجلس_ختم_پدر #روضه #ترکی بو دنیانون وفاسی هیچ یوخومیش یامان گونی خوش گونلردن چوخومیش آباد ائله قبر ائوینی ای دل غافل هرقدر که آباد اولا ویراندی بودنیا آی یالان دنیا....امان امان آی بی وفا دنیا وفاسی یوخ بودنیانون یالاندی کهنه دنیا هله...هله قالاندی عاقبت باشلاری داشه چالان دنیادی به یاد مهربان آتا....قبر ائوینه سفره ائلین آتا اما بو رسمیدی آتا سفره گئدنده بالالارون چاغیرار سسلر آی بالاروم سیزی آللهه تاپشوردوم اما....امان او ساعتدن کی بالالار گله لربابانین تابوتین یاپوشا لار وای اولحظه دن کی بالالار گوره او سفری کی....بابا گئدیر....دای بو سفردن گلمیه جک به یاد بابای سفرکرده آتا ائوین چراغیدی ‌‌آتا ائوین دایاقیدی آتالارا حرمت ائدون بش اون گونون قوناقیدی آی آتاسی اولانلار گئدون دولانون آتایزون باشینا به یاد او ساعتی که بو مهربان بابا ائوده بالالارون چراغیدی چهل روزه به سر افسر ندارم...آمان آیروقدان ...‌فغان آیروقدان چهل روزه که تاج سرندارم....قرخ گون اولدی ائویمیزون چراغی سونوب....‌قرخ گوندی بابانین سسی گلمیر چهل روزه پدر رفته زدستم قرخ گوندی بابانین یئری ائوده بوش قالوب اما آتاسیز لیق چتین درد اولار الا کی قیزی اولسا قیزه گران درد اولار باباسی ئولسه بخصوص اگر قیز ائولر ائوینده اولسا آتا ائوینه گئدنده بیر آیری عالمیلن گئدر آتا ائوینه آخه مشکله دوشنده ائله دییر کاش بابام گلیدی....کاش قارداشیم گلیدی اورگیزی ائله بوردان دولاندوراجاقام کربلا چولونه اوزمانیکی عاشورا گونی قتل وغارت توکندی او غملی زینب آتا سی ئولن بالالاری اوغلی ئولن ننه لری ییقدی بیر یاری یانموش خیمیه بیر باخدی صولا بیر ساغا ائله بیردن سسلدی یا علی المرتضی آتا جان هاردا سان مشکلده قاموشام دئدی بیر قوشا بنزیرم بابا اوچانمورام سینیب پریم کیمه دئیوم بودردیمی که تا ائده دوا بابا لایلای بابا۲ قیز بابانی گوزل اوخشار #اوخشاما از زبان دختر👇👇 قیزیل گول دن اولدی...‌آچیلدی خرمن اولدی...آیرولوخ مندن اولمادی آی بابا آیرولوق سندن اولدی لایلای بابا۲ ای قبره نیسگیلی گئدن لایلای بابا۲ غم غصه لردن دینجلن لایلای بابا۲ سندن اوزولدی ال بابا بیرده یوخوما گل بابا #شعر پایان مجلس👇 عاقبت زین دارفانی پرکشیدم یاحسین عشق تو مهرعلی درسینه دارم یاحسین من دراین وادی غریبم جان زهرا مادرت هرشب جمعه گذرکن برمزارم یاحسین ⚫️⚫️⚫️⚫️⚫️⚫️⚫️

🌹السلام علیک یا ثامن الحجج 🎼سبک:نگار نازنین آقام آقام حسبن آقام آقام آقام آقام امام رضا بو جمعیدن سنه سلام امام رضا { 2 } فدا اولوم سنون آقا جلالیوه نصیبیم اولموری گلم مزاریوه هاچان اولور دوشه گوزوم رواقیوه آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 } او درگهه گلن گلر حوائجه تمام دردینه اولار معالجه حریمیوه گلن چاتار نتایجه آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 } صفا ویرر اورک لره رضا آدی غریبه کسلره دوا رضا آدی تمام دردلره شفا رضا آدی آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 } طبیب سن دوا سنون الونده دی مریض لره شفا سنون الونده دی دیوله کربلا سنون الونده دی آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 }

متن مداحی نوحه محرم و اربعین از استادکلامی زنجانی در احوالات حضرت ابوالفضل العباس (علیه السلام) سبک : شبانگاهان ابوالفضلیم ای امیر حرم ، گوزلرون ئوپرم مهربان قارداش دوشوب تندن قولارون آرالی ، آچ گوزون یارالی قهرمان قارداش هوادار مکتب قرآن حسینون جانی سنه قربان ای سوسوز سقا – ای سوسوز سقا سینوب باشون دردیوی بیلرم گوزلرون سیلرم جان علمداریم بوجان اوسته توکمه گوزیاشوی پوزما قارداشوی ای مددکاریم ره حقدن امتحان ویردون رضای جاناندا جان ویردون ای سوسوز سقا – ای سوسوز سقا بو ایثارون ای مدافع دین بلسه ام بنین افتخار ایلر آخان قانون ای وفا گهری خصم فتنه گری شرمسار ایلر دیار عشقه صفا ویردون جهانه درس وفا ویردون ای سوسوز سقا – ای سوسوز سقا اباصالح مرحبا یولووا قطع اولان قولووا آفرین قارداش آدون دلده هر زمان قالاجاق جاودان قالاجاق یار دین قارداش عزیز زهرا و حیدر سن معین دین پیغمبر سن ای سوسوز سقا – ای سوسوز سقا شاعر : استاد کلامی

زبانحال حضرت زینب کبری(سلام الله) بعد از شهادت مادر بزرگوارش مدینه اهلی گلون اوخشیاق جوان ننه می قاپی دالندا تهاجم گونی قالان ننه می گورون فلک من زاری نه تِز یتیم ایلدی نقدرآختاریرام تاپمورام جوان ننه می جنازه سین گجه وقتی بابام مزاره قویوب بقیع چولی آلوب آغوشه مهربان ننه می اگرچه یتدی نفرظاهرآ ایدوب تشییع آپاردی گوگلره باطنده قدسیان ننه می بقیعده یاتسادا روحی ملائکیله گزور یقین زیارت ایدور اهل آسمان ننه می یرینی بوش گوروب ای بیوفالر آغلورسوز؟ گورنمه سوز داخی اول قبر بی نشان ننه می ریایی آغلاماقوز روحیمه شکنجه ویرور که غصه مرگ ایلدوز قامتی کمان ننه می نواسی قویمازیدی استراحت ایلیه سوز؟ اودورکه زحمته سالدوز او جانفشان ننه می بس اعتراض ایلدوز گیتدی بیت الاحزانه بابا داغی دیمه دوز یاندیرور یانان ننه می اوقدری یاندی بیاباندا شمع تک اَریدی جوانلیقیندا قوجاتدی غم گران ننه می داخی یانان قاپینون حیف اولا محافظی یوخ سالوب ایاقدان او هنگامه قهرمان ننه می حکومت اولماسا مانع مدینه دن گیدروق بو شهریده هانی بیر یادینه سالان ننه می باتاندا سینه سینه میخ در هایاندیدوز که فضّه داده گلینجه آپاردی قان ننه می آنامدا دینمه سه محسن سیزی حلال ایلمز که غفلتوز ایلدی مونس فغان ننه می نه بیر عیادته گلدوز نه حالینی بولدوز قویون اوزوم دانیشیم دویدولر هاچان ننه می اوغملی کوچه ده فریادینه گیدیدوز کاش که ثانی ظلمیله قورخوتدی خسته جان ننه می اوکوچه ده نلر اولموشدی منده بیلموردوم که بیرگونی دیله دوتدوم دانشمیان ننه می دیدیم ننه نیه مندن یوزووی گیزلدیسن سئوالیم ایتدی پریشان شیرین زبان ننه می بیوردی گوزله بابان بیلمه سون یوزوم گوَروب بوسوزده باغریما باسدیم گوزی دولان ننه می دیدی قوجاقلاما پهلولریمده صدمه گوروب دوروب دعا ایلدیم گل کیمی سولان ننه می دیدی قیزیم قوی ایدوم من دعا سن آمین دئ دؤننده قبلیه ئوپدوم او ناتوان ننه می دیدی الهی داخی راحت ایله زهرانی من آغلادیم حالیم آغلاتدی ناگران ننه می خلاصه گیتدی ئوزی قالدی خالی محرابی ایتورموشم او بیر اللّی قنوت دوتان ننه می شاعر : استاد کلامی زنجانی مداحی بیشتر ترکی محرم::

۞﷽۞ سرود ولادت حضرت امام رضا (ع) درسبک : ازصلابت و ملت و ارتش و........ عرصـه وجوده قـدم قویدی پادشـاه طوس کشف اولوندی بوعالمینه جلال وجاه طوس گون کیمی ضیاسی ایتدی روشن عالمی گـتـدی شـوره سـاکـنـان عــرش اعظـمی یارضاجان - آقام آقام - یارضاجان اولدی جلوه گر --- نور کبریا جنت ایلیب ---- عالمی رضا اولوب آدی دیلده حک یارضا سـمـاده سسلـور ملک یا رضا یا رضا جان -- آقام آقام --- یارضاجان ای صبا خبر ویر بوگونده رسول خاتمه حضرت رضا گوز آچیب نازیله بو عالمه برج عزتون چیخیبدی شرقیدن آیی گلمیبوب جهان خلقته بـونـون تـایی یا رضاجان آقام آقام یا رضاجان قامتی رسا ... گوزلری گوزل غنچه لبلری ... تلـلّـری گوزل ویریب صـفـا یـثـربـه مقدمی جمالی حیران قویوب عـالمی بـوگلـن علـی اوغلیدی جـلـوه جنانیدی میوه ی دل فاطمـه ذات حـق نشانیدی گـلـشـن ولایتین صـفـالـی لالـه سی ویردی عالمه صفاحسین سلاله سی یا رضا جان آقام آقام یارضاجان پاک آدین ائدر ... بیرده زمزمه مشگله دوشن ... یـا بن فاطمه گـوزل آدین باشلارا سایه دی جمالون آی قاشلارون آیه دی یا رضاجان آقام آقام یارضاجان ای گوزل آدی دردعشقون دواسی یارضا ملجأء شـریفـی اولان کـربـلاسی یا رضا باش اگیب حضوریوه سلامه گلمیشم وار اورکـده دردیـم الـتیـامـه گلمیشم یا رضاجان آقام آقام یا رضاجان آستانیویـن ... مـن گـداسـیـم لطفویـن همیشه ... عطاسـیـم عنایت ائت(عاجزانـه)منه زیـارتـون عـیـدیـانـه منه ❇️التماس دعا 📝علی جعفری(عاجز تبریزی)