گلمیشم درگه اطهریوه یا حسین محمدباقر منصوری صوتی قسمتی از متن این مداحی : گلمیشم درگه اطهریوه یا حسین باخ بو گوزدن دوشن نوکریوه یا حسین آندی وروخ سنی اصغریوه یا حسین آندی وروخ سنی اکبریوه یا حسین من فدایم آقا حیدری احساسیوه قیل سفارش بیزی او شرف الناسیوه جان عالم فدا با ادب عباسیوه گتدی سمت فرات یوز وریب مشکلات وا حسینا وا حسینا نه گوزل امتحان فارس میدان وریب سو کنارینده جان ساقی عطشان وریب کسیلن قولاری دردلره درمان وریب ددی آخ ای فرات اتدی دریانی مات وا حسینا وا حسینا

یالان دنیا: روضه حضرت زینب(س) من زینبم اول آنادان بختوراولدوم بش سینیده قالدیم ننه سیز خون جگر اولدوم گیتدی آتا قارداش قره اوسته قره سالدیم آخرده حسین ئولدی بئله دربدر اولدوم گل گور نجه غربتده حسین خار ئولورم من (راوی دییر خانمن الری قالب اورگینین باشندا گوزی قالب کربلا یولوندا حسین باجیوام ) گل گور نجه غربتده حسین خار ئولورم من چاره م کسیلیب درده گرفتار ئولورم من یاسدان هله ده چخمامیشام من سنه خاطر اگنیمده قرا کوینک عزادار ئولورم من من زینبم الله هارا گیتدیم قره باشدا بو قاره نی آخر آپارم من هارا باشدا جانیمده چخنجا چخمیاجاخ کوفه یادمدان بازاری دولاندوخ باجی قارداش یارا باشدا زینبیوم سارالمشام سولموشام آغلاماقا بولوط کیمی دولموشان (حسین بئله آدامسیز جان ویریرم آخی منه گورن دیردی زینب بختور باشوا یدی قارداش چینینده تابوتین قبره گیدجک) عزتیله گل منی یردن گوتور عزیزیوم گور نجه خار اولموشام زینبیوم غم گونون یولداشی آدم اولوب دل ازبری سوز باشی من که سنه یامان گونده باجیدیم (حسین مگر یادنان چخب قتلگاهیده الیمی آتدیم یالین خنجره اله دیردیم باشین کسمه قارداشیمین بالالاری یولون گوزلور) من که سنه یامان گونده باجیدیم سن ده گل اول یامان گونون قارداشی زینبیوم کیمیم سینه داغلاسون (حسین نه علی اکبر وار نه قاسم وار حسین علی اکبریوه دینن عمون ئولور قاسمه دینن بیبون جان ویریر حسین هرکیمی یولورسان باشیم اوسته یولا اما) عباسی یولاما بودی قورخوم چوخ اینجیه قولاری یوخدی دوندره تا رو به قبلیه زینبیوم کیمیم سینه داغلاسون ننمه ده گلسین منه آغلاسون گلین گیتدیم گلمدی پا تختیمه گلسون باری گوزلریمی باغلاسون ♦السلام علیک یا اباعبدالله الحسین # کانال مداح سبحانی

‍ حضرت ابوالفضل علیه السلام سبک نوحه:شکر اولا پروردگار تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی# کانال مداح سبحانی

سلام او سینیه کی اوخ سوکنده اوخ دئمه‌دی سلام او اللره کی ساربانه یوخ دئمه‌دی سلام او که عشقینده پر اراده‌ایدی بدنی قوملارون اوسته باشی جداده‌ایدی سلام او سالکه اسلامی سرفراز ائلدی سلام او لبلره که خیزرانه ناز ائلدی سلام او شاهده قانه بوروندی مقتلده وئروب شعار عدالت سوروندی مقتلده سلام او مسته آدین جلوهٔ‌ی حیات ائلدی  ئورگینون یاراسی جبرئیلی مات ائلدی ائدنده لبلری قانلی نگاری یاد حسین  ملک‌لر عرشیده سسلندی زنده‌باد حسین گنه‌ده مرغ خیالیم رهِ ولاده گزور  قلمده دایره ی دشت کربلاده گزور نه کربلا که ملک آستاننه باش ایَر نه کربلا که تماشاسی مین بهشته دگر نه کربلا غمی مردان عشق قدین اگوب رباب و لیلیه‌ده اوردا تازیانه دگوب نه کربلا که گداسینده شاه منصبی وار  گورَن بیلر نه گوزلیکده تلّ زینبی وا

‍ روضه قتلگاه باجیسی ئولسون سوزوم یوخ نعشی پاره پاره دی اوهلالی یاره شرح ایله هانسی یاره دی دلده غم زلفوم بوقدری حورمه میشدیم آی بالا ایندیجا بیله یاره گورممیشدیم آی بالا (دیدی عمه قیزلاری چک کناره دییم بو یارا نه یاراسیدی زینب بالالاری چکدی کناره) اول یاره بی بی دلده کی تاب وتبه بنذر آت دیرناقنون یاره سی ماه شبه بنذر ای فنا دهریده مشکلده قالان گل بو یره گزمه دکترلری آی دردی اولان گل بویره ایستون دردیوه درمان آلاسان گل بویره وای منه دوشدون عزیزیم نه عجب گونلره سن اوپورم حنجروی بلکه بیرآز دینجله سن قول ویر سنده حسین زینب ئولنده گله سن مقتله گلدی دیدی دیدمده قان یاش وار حسین هارداسان سس ویر منه نه یارو یولداش وار حسین دشمنین کامه چاتوب هر الده بیر باش وار حسین

ای منیم سروریم ابوالفضل یولدادی گوزلریم ابوالفضل شامیده دوشموشم ایاقدان داده گل یاوریم ابوالفضل زینبین گوزلری باخور یوللاریوه هارداسان قربانام اوزون قوللاریوه اباالفضلیم اباالفضلیم عالمین ایشلری عجبدی گوندوزی یاره تیره شبدی کربلا حسرتیم اورکده رحلتیم نیمه رجبدی گل دوشوب کربلا هواسی باشیما باجیوام واردی چوخ سوزوم قارداشیما اباالفضلیم اباالفضلیم گل یاتان بختیمی اویاندور زینبی قبلیه دولاندور گون باتور جان گلوب دوداقه شامیده شمع هجری یاندور زینبین قلبی غصه دن دینجله جاق ئولورم یاسیمه منیم کیم گله جاق اباالفضلیم اباالفضلیم ای دوشن اللری بدندن من اوزاق دوشموشم وطندن نه سنی نه حسینی گوردوم دوت خبر مشگله دوشندن سنده دی دردینون دواسی باجیوین گلمسن خوار اولار عزاسی باجیوین اباالفضلیم اباالفضلیم

گلشن غیرته یتمیش  ایکی گل اکدی  حسین غنچه سی اوخلانوب آسوده نفس چکدی حسین بلی عاشق گرک عشق عالمی محشر یارادا ایلدی عشقینه معشوقینی داور آرادا سس گلوب قویما حبیبیم قالا پیکان یارادا آزقالورعالمه اصغر غمی اودسالسون حسین اوخی چک قنداقین آچ قوی ال ایاق چالسون حسین چکدی پیکانی حسین وحشته اعدا دوشدی عرشه سپدی قانینی گویلره غوغا دوشدی اوپدی عطشان بالانی یادینه سقا دوشدی دیدی دینجل بیلورم دینجله جاقسان قارداش بالام اوخلاندی هاچان بس گله جاقسان قارداش آی ابوالفضل گلومه باخ سارالوب آی قارداش یالقوزام دورمی اهریمن آلوب آی قارداش قوزی قربان الیمون اوسته قالوب آی قارداش اولمادون راضی سنی حمل ایلیم خیمه لره گتمورم خیمیه دورقبرقازاق سودامره هارداسان اشگمی سنسیز الورم آی قارداش دمبدم عطرون آلوب دینحلورم آی قارداش اصغری گلدی اوزومده گلورم آی قارداش سویگولوم قول ویروب گورسه سنی سو دیمیه یاواش اوپ سنده بوغازین یاراسی اینجمیه

بانوای عبداللهی ====👆 🏴زبانحال حضرت زینب (س) در شهادت مادر 🎼سبک : ای قلم سوزلرینده اثر یوخ عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی تقدیم به روح مادران آسمانی #روضه مادر # کانال مداح سبحانی

#مجلس_ترحیم کانال مداح سبحانی زبانحال اولاد در فراق پدر در سوم و هفتم چهلم(به جای بابا  از مادر هم میشود استفاده کرد ) درسبک خرابه چراغونه امشب  از کربلایی مالک محمدی 🎧 غمونده ئورک قاندی بابا   وجودیم الولاندی بابا    فراقونده دل یاندی بابا     دلیم یاندی بابا قرخ گوندی سن سیزئورک داغلیرام من قرخ گوندی هرلحظه قان آغلیرام من قرخ گوندی باشه قرا باغلیرام من            دل داغلیرام من ای وای بابام وای  بابام وای  بابام وای لای لای بابام وای بابام وای  بابام وای                                یتوب موسم حزن وماتم یاغیر اوستومه غم دمادم پناهیم گدیب بی پناهم   داخی بی پناهم پوزقوندی آشفته حالیم بابا جان بابا جان ای وای داغیلدی جلالیم بابا جان بابا جان سنسیز چوخ اولدی ملالیم باباجان بابا جان                       پناهیم بابا جان ای وای بابام وای  بابام وای  بابام وای لای لای بابام وای بابام وای  بابام وای گلوبدی ئورک یاره اوغلون  سالیب باشینه قاره اوغلون قالیر سنسیز آواره اوغلون           بیچاره اوغلون بو زندگینون سنه اولمادی هچ وفاسی سنسیز بودونیانون اولماز منه هچ صفاسی سندن صورا اولموشام دردو غم مبتلاسی                  غم مبتلاسی ای وای بابام وای  بابام وای  بابام وای لای لای بابام وای بابام وای  بابام وای #مراسم ختم پدر

🏴#نوحه 🌷#حضرت_رقیه 🔘#ترکی بلایه آغوش آچانیم لای لای بهشته روحی اوچانیم لای لای ایاق یالین یولدا گئجه یاری تیکانلار اوسته قاچانیم لای لای ئولونجه قاره گینیم لای لای همیشه غصه یینیم لای لای هامی یاتانان صورا آخشاملار حسینه نوحه دینیم لای لای خرابده آج ئولنیم لای لای یوزی ئولنده گولنیم لای لای یارالی قلبین آتا هجرینده جفا خدنگین بولنیم لای لای فغانه غمدن گلنیم لای لای عجل سرشکین سیلنیم لای لای خـــــرابه کنجینده بـــــــــلالـــــــردن گوزون یوموم دینجلنیم لا لای جفای زجره دوزنیم لای لای ستاره مثلی سوزنین لای لای #بلایه_آغوش_آچانیم_لای_لای 🌷هدیه به حضرت رقیه سلام الله علیهما (صلوات)🌷 ﷽🥀 ✨اَللّهُمَّ عَجِّل لِوَلیِّکَ الفَرَج