آز قالدی حسین کرب و بلایه چاتا الله یتمیش ایکی قربانلیقی قانه باتا الله آز قالدی اولا بیر باجی مغموم و عزادار خون دلینی اشکینه زینب قاتا الله آز قالدی اولا قافله سقاسیز او چولده نهر اوسته ابالفضل دلاور یاتا الله آز قالدی حسین باشی گیده نوک جدایه دشمن او یارالی باشا داشلار آتا الله آز قالدی اولا اکبر و قاسم قانا غلطان اصغر آتا آغوشینه قانه باتا الله آز قالدی عمر سعد لعین ایلیه بلوا فرزند رسولی زر و سیمه ساتا الله آز قالدی حسین خیمه لری غارت اولونسون چوللرده رقیه اتگی اود دوتا الله التماس دعا

#دلم........ دلم     میل    خراسان   دارد   امشب هوا   هم   حال    باران  دارد   امشب وجودم    چون   کبوتر های    عاشق برای    پر  زدن    جان   دارد  امشب چه    ساعات   عجیبی   گشته  اصلا فلک   صد نجم و کیوان دارد امشب به   مشهد   می رود این قلب خسته ولی   حالات   بحران    دارد   امشب خودم   غافل از   این   قلب   حزینم سخنها   بس   که پنهان  دارد امشب چه    گویم    بر  که   از این  ناتوانی مگر   این    قصه   پایان دارد امشب خدایا      مرهمی   ده       بی   قرارم اگر    این    درد   درمان دارد امشب عبـــــــــــــادے_طارمـــے

مدح حضرت امیرالمومنین ،مولی الموحدین علی (ع) (سبک : گل ای امید دل منتظران) همای معراجیم علی دی علی صفای منهاجیم علی دی علی گدای درگاهِ اَبَالْحَسَنم باشیمدا کی تاجیم علی دی علی شمسِ ضُحی دی علی ، کنز عطادی علی سسله ئورکدن آدین ، درده دوادی علی مددی مولا علی جان علی جان سنه من قربان آقاجان آقاجان * جلالت و جاهیم علی دی علی سماده کی ماهیم علی دی علی نه وصف ائدورسیز منه شاهیلری یئر اوسته تک شاهیم علی دی علی یازمالی سوزلری وار ، گورمه لی گوزلری وار تا به ابد آقامین ، عشقینه مشتری وار یاعلی مـــولا آقا جان آقا جان من سنه قربان آقاجان آقاجان * صفای محرابیم علی دی علی ایشیقلی مهتابیم علی دی علی رعــیّتــــــــم فخـــــر ائدرم آقاما ئولونجه اربابیم علی دی علی سسله ولا گوهرین ، کسمز آقام نظرین باشین اوجا ائلیوب ، دهریده شیعه لرین یاعلی مولا علی جان علی جان سنه من قربان آقاجان آقاجان * ولایتین یاری علی دی علی اونون علمداری علی دی علی او اشک شوقی کی گوزومدن آخار ازل خریداری علی دی علی قویما غمه بویانیم ، محنت اودوندا یانیم ایسته نجفده گلیم ، باشیوه بیر دولانیم یاعلی مولا آقا جان آقاجان سنه من قربان آقاجان آقاجان ** محمدعلی مصیبی تبریزی

تشت گذاری ترکی 🌺 گنه یابن الحسن باشلاندی ماتم یاسه گلدوک  سو توکدوک طشته گوزدن ماتم عباسه گلدوک چاغیروق داده یاری اوزون قولی نگاری مریدان ابوالفضل  قورالار طشت گذاری  ایدر دل نوا......گلر بو صدا ایاباب الحوائج 2 بیز عباس اللریندن آلموشوق درده دوانی  هرایل عباس آدیلا باشلاروق  بزم عزانی اوخولار نوحه خوانلار ویرار سینه جوانلار گورنده طشت و مشکی گلر جوشه بو قانلار اورکلر یانار....یانار اودلانار ایاباب الحوائج 2 سنی زهرا ابوالفضل سالما بو جمعی نظردن باجون زینب مزارین گل ئوزون قوتار خطردن گلوب زینب نوایه سنی سسلیر هرایه دیر قارداش ابوالفضل  دوشوب باشیم بلایه اورک داغلدی.... یولوم باغلدی ایاباب الحوائج

اوخشامالار: آخدی گلاب غم یره سولدی گل یاسیم باجی جان ویردی نخلستانیده غیرتلی عباسیم باجی گل دوت الیمدن زینبیم الرده ئولدی قارداشیم دنیا دولاندی باشیمه آیرلدی مندن یولداشیم دشمن ایچینده آغلادیم آخدی عذاره گوز یاشیم گیتدی الیمدن حیف اولا قیمتلی الماسیم باجی آلدیم داغلمیش باشینی اولده یورقون سینمه سیلدیم گوزون ئوپدوم یوزون ائتدیم بو نوعی زمزمه تک قویما عباسیم منی یوخ طاقتیم بو ماتمه چوخ سسلدیم سس ویرمدی حیف اشجع الناسیم باجی

ای     سرور   وارسته گل  بیر باشیمین اوسته گل    بو   دم     آخرده مولا      ابی     عبدالله روحیم  چیخوری تندن گلسن   دم آلار  سندن بو    یار    سفر کرده  مولا    ابی      عبدالله یوخ  دادرسیم  قارداش گل نوکریوه چک باش سس وئرسسیمه بیرده مولا     ابی      عبدالله چوخ   منفعلم     سندن  والله    خجلم     سندن باخ   خجلته    نوکرده  مولا     ابی     عبدالله مشکیم جالانوب قارداش باش پارچالانوب قارداش چکمیش گوزه  قان پرده  مولا       ابی      عبدالله سو  مشکیده   قالسیدی    یول  خیمیه  سالسیدی ایچسیدی  سو  اصغرده    مولا      ابی      عبدالله گوزدن  آخوری   قان یاش دوشموش علمیم  قارداش صد   پاره دی     پیکرده   مولا       ابی       عبدالله سقانی     ییخوب      آتدان سواوسته سوسوزعدوان باخ    عشقه     برادرده   مولا      ابی        عبدالله مشکه  دگن   اوخ  آخر دگسیدی  گوزومدن  گر یانمازدی      ئورکلرده    مولا      ابی عبدلله

🏴فراق مادر 🏴 🏴شعرازحقیر ؛ علی عبدی بانوای:#کربلایی_منوچهر_حسن_زاده الهی وئر منه گوزیاش اِئدیم فغان ننه مه وجودی شمعی تک اولادینه یانان ننه مه اورک داریخسا فراقینده دسته گل آلارام هدیه اِیلییرم قبریده یاتان ننه مه ائوویمده دیزلریمی من قوجاقیمه آلارام یواش یواش اولونار گوزیاشیم روان ننه مه چکوبدی چوخ گئجه اولادی اوسته بی خوابی بجادی وئرسله گر لوح قهرمان ننه مه منیم ایاقیمه قویدی جوانلقین نئچه ائیل جفادی آغلاماسام بیله مهربان ننه مه آنا اَیاقینین آلتیندا ثبت اولوبدی بهشت حدیثی خاتم مرسل اِئدیب بیان ننه مه کاش ایندی زنده اولیدی ئوپیدیم اَل اَیاقین اورک تاپاردی صفا من دیَّنده جان ننه مه یازولدی سوز آنادان ای قلم گریزین آپار مدینه ده گئجه هنگامه دفن اولان ننه مه نه دردین اولسا سنون ساخلاما اورکده دینن فشار دربیله پهلولری سینان ننه مه قاپی دالیندا خانم ناگران دایانمیشیدی آچیلدی ضرب لگدلن او ناگهان ننه مه قاپی دالیندا قیزارمیشدی بیرنئچه مسمار باتوبدی سرعتیله سینه سی یانان ننه مه اوجالدی سس اوهیاهوده وای بالام ئولدی کنیزه فضه یتیردی ئوزون جوان ننه مه گوروبدی فاطمه نین یئرده پیکرین بی هوش دیدی الهی ئوزون وئر دوباره جان ننه مه یواش یواش اوگلوب هوشه آچدی قانلی گوزون توکوبدی گوزیاشینی اَهل دودمان ننه مه ائلیکی آغلادی کلثوم و زینب و حَسَنین اوجاتدی ناله سینی گوگده قدسیان ننه م

شعر ترکی در فراق پدر (سبک شبانگاهان) بودنیاده گورمین خوش گون ای گونی قاره یات بابام لایلای گیدن قبره اولمیان آخر دردینه چاره یات بابام لایلای غمی باشدان آت بابام لایلای چالیم ایندی یات بابام لایلای آه وواویلا ***** بودنیانون رنج و دردیندن راحت اولدون سن مقصده چاتدون بیزی آخر قویدون آواره تپراق آلتیندا دیده تر یاتدون غمی باشدان آت بابام لایلای چالیم ایندی یات بابام لایلای آه وواویلا ****** الی قوینوندا اورک داغلی دیده تر شیرین دیل لرون قالدی قالوب ایندی زارودل خسته قیزلارون آغلار یات بابام لایلای غمی باشدان آت بابام لایلای چالیم ایندی یات بابام لایلای آه وواویلا

زبانحال حضرت امام جواد علیه السلام🍁 ✍ حیدری زنجانی الهی غریبم آخور گوزیاشیم دوشوبدی بلایه بلالی باشیم من ئولسم کیم آغلار یانوب سینه داغلار غریبم خدا الولاندی لبلر جگر پارچالاندی وطندن اوزاقم اورک ناگراندی گرفتار و زارم شه بی قرارم منه بیریانان یوخ اودی داغدارم غریبم خدا باشیم اوسته آفت غباری اسیلدی ره چاره بیردن الهی کسیلدی بهاریم خزاندی دلیم اوتدایاندی وطندن کنارم بالام ناگراندی غریبم خدا مدینه یولوندا گوزوم قالدی باری گوروم درده دوشسون منیم تک بویاری جمالیم سارلدی توانیم آزالدی نه بیرکس ایشیتدی سوزوم دیلده قالدی غریبم خدا ﷽ ✨اَللّهُمَّ عَجِّل لِوَلیِّکَ الفَرَج✨ محمدی

حالات وداع امام حسین(ع) سفره گیدنده شاهلارچوخ اولارجلالی قارداش نه سنون کیمین که زلفین یولار اهل عیالی قارداش یخلوبدی سر سپاهون چوخالوب غم و ملالون هله ئولموبدی زینب آنام اوغلی پوزما حالون ویر اجازه من دالونجا گتوروم بو اهل عیالون دیمسونله تا که آزدور بو شهون جلالی قارداش قوی ئوزوم گلوم دالونجا آنام اوغلی رزمگاهه باش آچوب ایدیم سماجت او دنی صفت سپاهه سنی سرپرست آلیم تا بو بنات بی پناهه چاغروم صفا و صلحه سپه قتالی قارداش دیگوروم او کهنه کوینگ ندی گیموسن نئدورسن باخوب آغلوسان خیامه ئوره گیمی قان ایدورسن بو عزالی اُمّهاتی کیمه تاپشوروب گیدورسن ایده جک نه چاره سنسیزبو باشی بلالی قارداش بو یتیمه قیزلاریکه منه ایلدون سفارش هامولارینا تسلّی ویروب ایلرم نوازش ایده سویگلی رقیون من زاره هرنه خواهش اونی قویمارام عذاره آخا اشک آلی قارداش بو سیاق که قصد ایدوبسن او بلالی کار زاری قوی آنام وصیّتینه عمل ایلوم ایندی باری گل اوپوم سوسوز بوغازون ایدیم اشک عذاره جاری وار اگر سنون باشوندا اجل احتمالی قارداش دلِ نو عروسه هجرون نجه گور شررسالوبدور طویی یاس اولوبدی گوگلین غم بیشمارآلوبدور گل ئوزون تسلی ویر گیت الی سینده قالوبدور اونی قویمیور دانشسون ادب و کمالی قارداش دیگوروم بو خیمگاهه دوشجک یولون دوباره ؟ اوتوروم منِ بلاکش بو یول اوسته انتظاره ساچمی آلیم الیمه توکوم اشگیمی عذاره باش آچوب دعا ایدم من سنی ای وفالی قارداش هله چوخ شتاب قلیما دایان ای عزیز زهرا باشیوا دولانیم اوّل صورا ایله عزم دعوا گوروسن سالوب اوشاقلار نجه داد و شور و غوغا ئورگیم یانور گورنده بو اسفلی حالی قارداش ای اولان وجودی خون دل خیرة النسادن یتور ای پناه عالم شهه بو سوزی گدادن دی بو ((منزوی ))اگر چه چوخ اوزاقدی کربلادن ولی کربلائی دائم دولانور خیالی قارداش ** مرحوم رحیم منزوی اردبیلی

‍ ای بشر بیل که بو دنیا سنه یار اولمیاجاق دار دنیاده قوناقسان سنه دار اولمیاجاق   دویمادون بیرجه بو دنیاده گرگ اویمیاسان بیلمدون که سنه دنیاده قرار اولمیاجاق   بیلمدون که سنی آلله نیه خلق ائتمیشدی  بنده مست اولسا رضا ذات کبار اولمیاجاق   بشرین فلسفۀ خلقتی جدّیتدی او که غافلدی اونا لطف نگار اولمیاجاق   بش مین ایل عمر ائده سن سجده ده دائم قالاسان  ذره جه اولسا ریا اوندا عیار اولمیاجاق   تک نمازیله اوروجدان سنه ایمان چیخماز دوزدی ایماندی٬ ولی لایق یار اولمیاجاق   اصل ایمان اودی هر درسده نمره آلاسان  بیر گل آچماقلا مثلدور که بهار اولمیاجاق   مردمین حقّینی غصب ائت صورا سال سجاده بئله سجاده سنه حایل نار اولمیاجاق   اولماسا مؤمن اگر ئوز عملینده عارف باشه مین ایل ویرا مولا اونا یار اولمیاجاق   اوخی بیر زندگیِ «بلعم باعورانی ائله طاعت ائله سون لیل و نهار اولمیاجاق   ایکی یوز ایل یخیلوب سجده گهه قیلدی نماز هامی سویلور بونا قبرینده فشار اولمیاجاق   ولی قبره قویولاندا یوخودی ایمانی بلی باورده یقین اولماسا ٬بار اولمیاجاق   هامی مسئولیدی٬ رهبردن الی سربازه اَل اله وئرمسه٬ ملتده وقار اولمیاجاق   گر علی شیعه سی سن٬ قونشیوین احوالینه باخ ئوز عیالون دئمه بو درده دچار اولمیاجاق   یئرمی قصری ائله اون بش٬ بئشینی یوخسولا وئر اوندا باخ گور سنه گلشن او مزار اولمیاجاق   دئمه من عرضه لییم٬ نفسوی توجیه ائلمه گَلی بیر گون سنه ده راه فرار اولمیاجاق   ایلده دورت یول گئدوسن مکیه مُحرِم اولاسان مَحرم اول٬مُحرمِ بی مهره عیار اولمیاجاق   سن اگر مکّیه گتماقدا بهشت آختاروسان دولان ئوز شهریوی قورخما سنه عار اولمیاجاق   گجه لر گور نقدر آج بالا وار ائولرده بی ریا مکه اودور فیلم نوار اولمیاجاق   اوردا قوی آلله ئوزی فیلم گوتورسون سندن ائله بیر فیلم که٬همتاسی دوبار اولمیاجاق       🌹حاج قدرت چوپانی🌹 ﷽🍁 ✨اَللّهُمَّ عَجِّل لِوَلیِّکَ الفَرَج✨

قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم وجودیوین یاره دی هر یانی سوروندوقوجا سوزولور قانی خیامه ساری یوزون اوسته سورونمه سن بیل ننمین جانی قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم بلانی جانه آلارام قارداش سوزومون اوسته قالارام قارداش جفائیلن قانه باتان جسمه ئولونجه لای لای چالارام قارداش قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم