گلور بوی محرم یا ابوالفضل یتشدی ماه ماتم یا ابوالفضل گنه عاشقلرون جولان وئروللر سنه خاطر آقا احسان وئروللر آچیب سفره سنه احسان وئروللر قالیب حیرتده حاتم یا ابوالفضل گئیب قاره هامی ایرانین اهلی سنه عاشقدی بو دنیانین اهلی دوشرپیچ وخمه شیطانین اهلی اسنده قاره پرچم  یا ابوالفضل اولوب بازار عشقون گورنه رایج آلور دردی اولان سندن نتایج تانور دنیا سنی باب الحوائج سنی سسلر بو عالم یا ابوالفضل آدون عاشقلره عزتدی والله مدال عزت و شوکتدی والله بو سرمایه بیزه نعمتدی والله اولوب عشقون مکرم یا ابوالفضل سنی بزم عزاده هامی سسلر سنه خاطر قره کوینک گئیه لر بو آدی بیز لره اورگتدی مادر دئدی سسله دمادم یا ابوالفضل سنون وار حرمتون زهرا یانندا عزیز ائتدون اوزون مولا یانندا سودان میل ائتمدون دریا یانندا اولوب شرمنده علقم یا ابوالفضل #ورود_محرم

نوحه جدید ویژه ورود ماه محرم سبک( یافاطمه من عقده ی دل وانکردم) عاشقلرین پیرایه سی گلدی محرم عشق اهلنین سرمایه سی گلدی محرم مظلوم حسینین. باشلاندی یاسی درده دوادی بزم عزاسی مظلوم حسین جان مظلوم حسین جان جانم حسین جان جانم حسین جان بیلمم نه عالمدی هامی عالملر اغلار قاره گیبب کل جهان حاتملر اغلار پیغمبران از ادم و خاتملر اغلار عرشه چخیر غم ناله سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان یر گوی بو آی سسلر دییر ایوای حسینیم زهرا سنه اغلار چالار لای لای حسینیم عاشقلره الله وریبدی پای حسینیم چوخلار اولوب دیوانه سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان درداهلینین چشم امیدی کربلاده الانداقان آغلیرملکلرنینواده باتدی حسین قانه سوسوزدشت بلاده زهرا سالیب باش قاره سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان ماه بنی هاشم باتوب قانه بو ایدا قوللار دوشوب نهراوسته یان یانه بو ایدا سقا گلیر بو غصه دن جانه بو ایدا چوخدور اورکده یاره سی گلدی محرم مظلوم حسین  باشلاندی یاسی درده دوادی بزم عزاسی ای سو یانیندا جان ورن عطشان حسین جان گل جسمی اوچ گون اوچ گجه عریان حسین جان عالم یارالی قلبیوه قربان حسین جان عرشه گیدن گهواره سی گلدی محرم مظلوم حسینین. باشلاندی یاسی درده دوادی  بزم عزاسی مظلوم حسین جان مظلوم حسین جان جانم حسین جان  جانم حسین جان

▪️اول محرم شیعه لرآماده اولسون فصل ماتم باشلانور گرم اولور عشق آل ویری یعنی محَرَم باشلانور مشتری هرکیمدی گلسون عشق دانشگاهینه نقد جان الده گتورسون زینبون درگاهینه کربلا جنّتدی آند اولسون ربابون آهنینه فصل تَکریم شهیدان مُعَظّم باشلانور شعر حُریّت اوخور هر بنده که آزاده دی جوش ایدن قانلار محبّت ساغرینده باده دی عشق اودیندا یانماقا پروانه لَر آماده دی جسم بی جانلار، مَسیحادن آلا دَم باشلانور جاودان نعمتدی ذکر یاحسین انسانلارا عشق ممتازی اونون فرمانروادور جانلارا بیز حسینون مستیوک، آمادیوک طوفانلارا لطف حقدن احتزاز قاره پرچم باشلانور گوز یُومار صرّاف لر، یاقوتیدن اَلماسیدن سینه لر آئینه تک تصویرآچار احساسیدن آز قالور دوتسون حَرَملَر دامن عباسیدن قصۀ لب تشنگانِ نَهر عَلقَم باشلانور نینوا بیر یردی اوردا نقدجان سُوداسی وار نیمۀ شَبدَه، حسین وساربان سُوداسی وار غارت اخیام وار، تیر و کمان سُوداسی وار اصغرون اوخلانماقی، قول باغلی کَم کَم باشلانور آزقالور دست حسین دامان دلبر دوتماقا آزقالور یتمش ایکی باشسزبَدَن پَردوتماقا آز قالور زهرا قیزی مقتلده خَنجَر دوتماقا ای حسینچی، باغلا اِحرام عَزا، غَم باشلانور ✍ بقلم سیف الشعراء استاد سیفی اردبیلی

#شهادت_عباسیه ▪️توسل به حضرت ابوالفضل علیه السلام 🎼سبک: ای ویرن ویرانه یرده... بقلم سیف الشعراء استاد سیفی اردبیلی ➖➖➖➖➖➖➖ ای سوسوز طفلان عشقه منصبی سقا اباالفضل قبروه حسرتدی شیعه قیل توجه یا اباالفضل اولموشوق هجرونده نالان باغلانان یولاره قربان سن امیر و سر سپاه لشگر میر امم سن سن سپاه آل طاها ملجاء اهل حرم سن منصبون باب الحوائج صاحب جود و کرم سن بیز دخیل آستانون سسلروک جان یا اباالفضل سن اطاعتده نمونه سن شجاعده یگانه سن فتووده علی تک شهره سن خلق جهانه سن اوعاشق سن بلشدی پیکرون نهر اوسته قانه ایچمدون سو دینی ایتدی همتون احیاء اباالفضل سن علی تک قهرمانون نخل عمریندن ثمرسن صحنۀ عشقون هماسی برج توحیده قمر سن درد منده چاره سن سن بیکسه آیدین سحرسن شیعه لر مشکلده سسلر دمبدم مولا اباالفضل ای شهادت عرصه سینده جان بکف تابنده کوکب سن اومولاسن واروندور حقیدن اون یدی منصب کربلاده دالدالاندی سیوه بیچاره زینب ساخلادون ناموس حقی یکه و تنها اباالفضل خرمن عمرون دریغا دست ظلمیلن تالاندی اوخلانوب مشک کانه جام امیدون جالاندی قولارون دوشدی بدندن سجده گاهون پارچالاندی پرچم اسلامی الدن ویرمدون اما اباالفضل حرمت جانانه خاطر شوقیله چکدون اوزوندن زحمت پیمانه دوزدون چخمادون اما سوزوندن حقی گوزدن قویمادون سن وردیلار اوخ ساخ گوزوندن ساخلادون خنجر دیشونده ایلدون دعوا اباالفضل مرحبا ام البنیندن امدیگون پستان عشقه قولارون آرتردی قیمت لوحۀ پیمان عشقه نوحی سن حیرتده قویدون ایتدیگون طوفان عشقه دوغرانوب قرآن یولیندا ایتمدون پروا اباالفضل جان قویوب دوردون سوزونده اگمدون باش بت پرسته عشقه خنده وردون اما اولمادون بیر ذره خسته یاره لی قولسوز دوشنده مرکبونده توپراق اوسته باشون اوستونده آچدی قوللارین زهرا اباالفضل

سلام دوستان بزرگوار لطفا با ما همراه باشید. التماس دعا اللهم عجل لولیک الفرج❤️ السلام علیک یا حضرت اباالفضل یا باب الحوایج💚 سردار یا ابوالفضل سالار یا ابوالفضل عشقینن اولموشوخ بیز بیمار یا ابوالفضل بیمار یا ابوالفضل بیمار یا ابوالفضل بیمار یا ابوالفضل ───── ◉ ───── سن ساقی ولاسن سقای کربلاسن لب تشنگان عشقین سن دردینه دواسن ام البنین عزیزی دلبند مرتضی سن ───── ◉ ───── آینه صفا و ایثار یا ابوالفضل عشقینن اولموشوخ بیز بیمار یا ابوالفضل بیمار یا ابوالفضل بیمار یا ابوالفضل بیمار یا ابوالفضل

#علی_اکبر( ع ) #شور_زنجیر_زنی ▪️مخصوص زنجیرزنی سه ضرب ➖➖➖➖➖➖➖➖ کرب و بلا چولنده طوفاندی یا اباالفضل اوغلی‌ئولوب‌حسینون‌گریاندی یااباالفضل تل اوستونه چخوبدی قانلی عبا النده پرپر اولوب مناده یوخدور رمق گولونده اشگی آخار عذاره اکبر آدی دلنده سلطان هر دو عالم بیجاندی یا اباالفضل قانه باتوبدی یکسر دین حقون فداسی آلمش قوجاقه نعشی بیکس‌لرون آقاسی داغلی اورکدن عرشه اوج ایلیر نواسی رنگی‌صولوب حسینون‌نالاندی یا اباالفضل ایوای دئین زمانی دشمن ایدر شماتت اکبر باشندا وا ردی حیدر کیمی جراحت لیلا یانندا اولدم افسوس اولا خجالت جدی رسوله اکبر میهماندی یا اباالفضل شاه جهان بویوردی قارداشینه او ساعت زینب گلن زمانی ایله اوزون هدایت قویما فغانه گلسون اول معدن کرامت جبریل خیمه گهده درباندی یا اباالفضل پرواز ایدوبدی قوشلار گویده نوایه گلدی اخیا میدن چخوبدی قزلار صدایه گلدی ترک ایتدی آسمانی حوران عزایه گلدی قرآنه هدیه ویرمک اساندی یا اباالفضل فریاد اوجالدی یردن اسدی بتون فلک لر آچدی باشین سماده ایوای دئیدی ملک‌لر زینب نوایه گلدی دوندی قانا اورک لر اکبر شهید راه قرآندی یا ابالفضل

بسم الله الرحمن الرحیم ▪️شعر به مناسبت شروع محرم 🎼سبک : بزم عزاده گیمیشم قاره یا عباس ... 🎼سبک: ممد نبودی ببینی ... ✍بقلم ابراهیم تون خوش قلم میاندوآبی ای شیعه لر مولامیزون - یاسی باشلاندی یاسی باشلاندی قان آغلیون چون فاطمه - دیده گریاندی دیده گریاندی دیده لر پرنمدی       ماه محرمدی هر شهریده اسدی گینه - قاره پرچم لر قاره پرچم لر پیراهن ماتم گیوب - شیعیان یکسر شیعیان یکسر قاره گینلر عشقیلن - یا حسین سسلر یا حسین سسلر بو قاره کوینگ شیعیه - حکمِ ایماندی حکم ایماندی دیده لر پرنمدی        ماه محرمدی ماهِ محرمده اورک - داغلیار زهرا داغلیار زهرا ایوای حسینیم وای دیر - آغلیار زهرا آغلیار زهرا دلده نوا باشه قرا - باغلیار زهرا باغلیار زهرا نارِ محن نن سینه سی - اود دوتوب یاندی اود دوتوب یاندی دیده لر پرنمدی        ماه محرمدی ماه محرمده قانا - غرق اولار اکبر غرق اولار اکبر کرب و بلاده ، تشنه لب - اوخلانار اصغر اوخلانار اصغر آواره چوللرده قالار - عترَتِ حیدر عترَتِ حیدر زینب دیر یا ربَّنا - بو نه دوراندی بو نه دوراندی دیده لر پرنمدی        ماه محرمدی _______________

#‍یاحسین داغلار آغلار داشلار آغلار ماتمونده یا حسین نیزه لرده باشلار آغلار ماه ماتم باشلانوبدی غملی گوزلر یاشلانوبدی اهل عالم گیدی قاره سرور دین حیدر آغلار دل غمونده داغلاروخ بیز عاشقانه آغلاروخ بیز عاشق مولا اولانلار آه و افغان ایلر آغلار قورموشوخ ماتم اساسی شیعه گیدی غم لباسی گوز یاشی توکدی عذاره قطب دین پیغمبر آغلار ماتمونده عالم آغلار آدم آغلار خاتم آغلار غم ائله غمدیور بو غمده مومن آغلار کافر آغلار آغلوری گوگده ملک لر اوخشوری محراب و منبر بیر قولاق وئرسن گوررسن مسجد اوخشار منبر آغلار غصه دن طاها سیزیلدار حضرت زهرا سیزیلدار سسلوری ای وای اوغول وای مادر غم پرور آغلار عاقل و دیوانه آغلار کعبه و بت خانه آغلار بو غم عظماده شیعه آچ گوزون گور کیملر آغلار شاه دینین یاسی گلدی روز عاشوراسی گلدی آتش غمده یانانلار گل آدیوی سسلر آغلار آت اورک بیر کربلایه اوردا باخ شور و نوایه بیر نظر سال قتلگاهه حنجر اوخشار خنجر آغلار محنت مولا قوتولماز سوز یازاندا پرده لی یاز ساخلا ال یازما «شهابی» خامه اوخشار دفتر اغلار

شرط عشق چیست ؟ و عاشق کیست ؟ بیانی از سیر سالک راه عشق از کعبه تا کربلا .. .. مرحوم عابد تبریزی .. .. تا بزمگه وصله اولا رهسپر عاشق اوّل قدم عشقده باشدان گچر عاشق اعلان وفا ایلماقا خلق آراسندا معنالره ایستر ویره رنگ صور عاشق .. درک ایتماقا مطلوب دلین أوز وطنیندن حق رحمتی تک کعبیه ایلر گذر عاشق تلقین محبّتله مقامی هوسینده آئینۀ آفاقه سالار بیر نظر عاشق .. حول حرم حقّده آختاردیقی نوری بیر قانلی بیاباندا گورر جلوه گر عاشق ترک ایلر امانگاهینی شوق خطریله تاپسون حرم قرب ده عالی خطر عاشق .. أیضاح مناهج سر و سوداسی باشندا أکمال مناسکدن ارادت کسر عاشق طوف حرم عشق هواسیله حرمدن تکمیل حدود ایلمه میش کوچ ایدر عاشق .. فعلیله وفا قولینه آرترماقا تحقیق سرگشته دوشر چوللره شوریدہ سر عاشق موسی کیمی ربّی ارنی نغمه سی دلده میقات ملاقاته اولا رهسپر عاشق .. نفسى بولر اوفی ایلمز خواهش عشقی بیر عدّه ده ایلر اوزونه همسفر عاشق چون مرکز منظومۀ شمسی یر اؤزونده اطرافنه رخشنده کواکب دوزر عاشق .. سیّالۀ نامرئی امواج وفادن انصارینی عزمندن ایدر باخبر عاشق بیر طیّ نگاه دل آگاهله یولدا همرهلری معیار وفادن سچر عاشق .. میعاد محبّتده سالار رحل اقامت شوقیله بلا مقدمینه منتظر عاشق توپراقه گورر اوّل سوداده توکولموش بیر عدّه غم هجرده خونین جگر عاشق .. عهد ازل احکامینی ایتماقلیقا اجرا هر محنت و اندوه و بلایه دؤزر عاشق آرتدیقجا بلا و غمی آرتار جذباتی شوقیندن اولار گل کیمی بشکفته تر عاشق ادامه ⬇️⬇️

قان لجّه سنه غرقه سُور فُلک حیاتین بحر غمه دنیانی ایدر غوطه ور عاشق نه پایه ده دور گُستره خصمنده دنائت بیر کهنه لباس اگنینه آخر گییر عاشق .. تفصیلله تحصیل اولونان درس وفانی بیر ترک سر ایتماقدا ایدر مختصر عاشق قانیندن ائدر سیل روان، سوز خیامی قویماز ایده دنیا یوزونی پر شرر عاشق .. انجم یرینه نقش هلالیله وجودین گردون کیمی پر مشعل ایدر سر به سر عاشق طور آتشنی بارقة شمع رُخیله بیر نخل سنان اوسته ایدر شعله ور عاشق .. ماهیت مقصودینی آندیرماقا خلقه تکبیر جدالرده مکرّر دبیر عاشق مذبوح اولونان بیر باشیله نوک جداده اؤز اهلینه یولّاردا اولار راهبر عاشق .. گون تک گورونر نقش هلالیله جداده تا اهلینه شام غمی ایلر سحر عاشق کهف آیه سی باشلار بو امیدیله که تاپسین اوز سجده گهی اؤسته نشان حجر عاشق .. کول اوسته یاتار دیره گیدر باشیله أیتسین تا انفس و آفاقده سیر سیر عاشق تعقیب مرامینده یتندن صورا قتله قالی باشیله نیزه ده شامه گیدر عاشق .. وارث أولا یحیی مثلین ایلیه تجدید آرامگه ایستر باشنا طشت زر عاشق بیر هر ایکی دنیایه بها گوهر غلطان مخزون اولا ویرانه ده دلدن سُوَر عاشق .. هر بوالهوسه عاشق صادق دیماق اولماز واقعده شه کرب و بلا دور اگر عاشق بو بیرنفره عشقه همپایه تاپیلماز هر گون گله دنیایه اگر مین نفر عاشق .. عشق اوندا گرامیدی که معدودیدی اهلی عاشقده نه قیمت اولا گر هر بشر عاشق «عابد» یتور اتمامه سوزون گرچه یتیشمر پایانه بو مطلب یازیلا هر قدر عاشق .. عاشقده اگر درج اولونوب عین غم ایتمه معشوق یولوندا چون ایدر ترک سر عاشق خوش طرزیله نظم اولدی بو أشعار ولیکن بیر اوزگه بیانیله یازیب أوزگه لر عاشق

ماه عزا گریز به کوچ از کربلا .. .. مرحوم دلریش .. .. مگر نولوبدی بو اهل جهانه آغلاللار بهار ابری کیمی بی بهانه آغلاللار قوروبلا حلقۀ ماتم تمام پیر و جوان مگر بو پیر و جوان بیر جوانه آغلاللار .. یاخوبدی قان اله طوی گورمین جوان قاسم گتورموش عالمی بو غم فغانه آغلاللار علم که واردی علامتدى یاس عبّاسه علم گورنده اودور اول جوانه آغلاللار .. دیه لَّه ویردون ایکی قوللارون فرات اوسته حسین قامتی دوندی کمانه آغلاللار گورنده سرویله شمشادی گلستان ده خلق علی اکبر سرو روانه آغلاللار .. سالوبلا یاده اونون پاره پاره پیکرینی توکَلَّه اشک او طاها نشانه آغلاللار اوشاقلار امموری پستان خیال ایدوب پیکان اولاردا اصغر شیرین زبانه آغلاللار .. دیللَّه سو یرینه قان ایچوب بو طفل صغیر بوغازی اوخلارا اولموش نشانه آغلاللار سالوبلا خیمه لرون یانماقین مگر یاده ویروبله سس سسه چوخ یانه یانه آغلاللار .. ایدوبدی شمر حرم قوشلارین پراکنده چکلله ناله یانوب آشیانه آغلاللار چکوبله قتلگهه یوخسا کاروان غمی بیر اوزگه غم یتیشوب کاروانه آغلاللار .. گوروبله یرده مگر پاره پاره نعشلری چکوب صدا اُسرا تشنگانه آغلاللار تاپوبدی اوغلون آنا قارداشین باجی سسلر قوری یر اوسته او باشسیز قالانه آغلاللار .. حسین جنازه سینه یوز دوتوب دیدی زینب گلوب حرم لرون آه و فغانه آغلاللار باخاندا پیکریوه گون ایوینده عُریاندور باشون ووروبدولا نوک سنانه آغلاللار .. گوروبله اللریوی دوتمور هیچ بیری آرام آچوبلا باش ستم ساربانه آغلاللار یزیده شمر آپارور ارمغان بلالی باشون توکللر اشک بله ارمغانه آغلاللار .. جفای کرب و بلا یتدی باشه باشونلا گیده لَّه شامه غم خیزرانه آغلاللار ویرولَّه عترتیوه گوشۀ خرابه مکان گول اوزلیلر او خرابه مکانه آغلاللار .. میسّر اولمادی دلریش بو ایل اولا زوار چکر مصیبتون هر آن بیانه آغلاللار. خوشا اوکسلره کرب و بلاده هر شب و روز قویوبلا یوزلرین اول آستانه آغلاللار

عطری گلور  محرّمین   هر  یره   قاره چکدیلر فاطمه  نوحه   باشلادی گویلره   قاره چکدیلر یااباعبدالله حسین – یا اباعبدالله حسین گییدی  گنه حسینچی لر   پیرهن    عزالرین ابر   بهاری  تک   دولوب  گوزلری   آشنالرین شهرلری دولان  ائشیت  وای آنا وای نوالرین معرفت  اهلی  مسجد و  منبره    قاره  چکدیلر اهل ولایتین بو  آی  گولمیه  جاق  دوداقلاری دسته لرین سالوب  یولا  کوچه لرین اوشاقلاری کوی   شهادته   گلور  کرب و  بلا    قوناقلاری جنّت اولوبدی غم سرا،  سر دره  قاره چکدیلر اصغره خاطر  ایندیدن  ایلمیون   سو  صحبتی خالی  قدحلر   الده دی   ساقیه   وار   خجالتی فاطمه  مهریدور  فرات   اوغلونا  وئرمور  امّتی خیمه ده    گاهوارة     اصغره     قاره   چکدیلر سسلوری  صاحب الزمان   سینه  زنانِ  عالمی قاره   لباسوزی  گییون گلدی حسین  محرّمی وئردی نشان  ملکلره  فاطمه   قانلی  کوینگی آهیله   عرش   اعظم   و  اکبره    قاره  چکدیلر قانه  حسینی آز   قالور  اهل   ستم    بویاندیرا کوفه    رعیّتی   گلور   خیمة     شاهی   یاندیرا باشلاری   نیزیه  ویرا  سینه ده   آت  دولاندیرا گور  هامی کوی و برزنه یکسره  قاره چکدیلر آه او زماندان  ایستدی شمرکسه حسین  باشین تلّیده  زینب  آغلادی سسلدی داده قارداشین آچدی سکینه  باشینی توکدی  رقیّه  گوز  یاشین خیمه   سرای  عترتِ   حیدره    قاره   چکدیلر قاره یلاَسدی باتدی گون قدسیان الامان دئدی یرده حسین جنازه سی نیزده  باش اذان دئدی کوینگینی  آپاردیلار فاطمه  باخدی جان دئدی اهلِ    مدینه    مرقدِ    مادره     قاره   چکدیلر