۞﷽۞ حلول ماه محرم الحرام درسبک مـوسـم غـم گلیب غـم اعـظـم گلیب گـیـب عـالـم قـرا مــه مـاتـم گلـیب لک لبیک حسین (۴) آچیلیـب دور عَـلَـم گینه انـدوه وغـم توتوب آفـاقی هـم مـه مـاتـم گلـیب لـک لبیک حسین(۴) شـیـعـه قـاره گـیـر آدیوی سـسـلـیـر شاخصی اهلی دیَر مـه مـاتـم گلیب لک لبیک حسین (۴) کیم حسین وای دیه قـاره کوینک گـیـه صـدقـیلـه سـسـلیـه مـه مـاتـم گـلـیـب لـک لبیک حسین(۴) قـاره می بـاغلارام سینـمـی داغلارام سس چکیب آغلارام مـه مـاتـم گلـیـب لـک لبیک حسین(ع) دیلـده شـور حـرم اَلـده قـاره عَـلَـم اَسَـه جـاخ دمبدم مـه مـاتـم گـلـیـب لـک لبیک حسین(۴) داغـلار آغـلار سنه داشـلار آغـلار سنه بـاغـلار آغـلار سنه مـه مـاتـم گـلـیـب لـک لبیک حسین(۴) قـلـب زهـرا یـانیب سینه لرداغلانیب غمون عالم سانیب مـه مـاتـم گلـیب لـک لبیک حسین(۴) گـویـده یکسر ملک ئیرده قانلی اورک دیـور اهـل و فـلـک مـه مـاتـم گـلـیـب لـک لـبـیـک حسین(۴) عشـقـیوی بسلـروخ اولماسان نیلـروخ یـاحسین سسلـروخ مـه مـاتـم گـلـیـب لـک لـبـیک حسین (۴) وار آدیـنـدا صـفـــا تـربـتـونـده دوا حــرمـونـده شــفــا مـه مـاتـم گـلـیـب لـکـ لبیک حسین(۴) ای شــه ذولـکــرم (عـاجـزه)قیل کرم بـیـرده بین الحرم مـه مـاتـم گلیب لـک لبیک حسین (۴) ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

زبانحال حر (ره) کریمی مراغه ای . ای نورِ چشمِ مصطفیٰ، التّوبه توبه ای زاده‌یِ خیرُالنّساء، التّوبه توبه . درگاهیوه گلدیم حسین، استغفرالله یا مَن شفیع المذنبین، استغرالله . . حرِّ غریبم رزملرده شهسوارم شاها ریاحی قومینه من افتخارم ایمدی قاپوندا بیر غُلامِ خاکسارم بیچاره‌ام زار و حزین استغفرالله التّوبه توبه (2) . . شاها بو چولده باشیوی سالدیم بلایه ای کاش ازلد‌ن گلمیییدیم کربلایه ائتمه بابان پیغمبره مند‌ن گیلایه یابن الامیرالمومنین استغفرالله التّوبه توبه (2) . . قورخوتدوم اهلِ بیتیوی ائتدیم هراسان باعث منم جمعیتون اولدی پریشان اوز ائتدیگیم اعمالیمد‌ن اولدوم پریشان اوللم خجالتد‌ن یقین استغفرالله التّوبه توبه (2) . . من بیلمه‌دیم مُنجر اولار ایش بو مقامه فکر ائیلدیم تنظیم اولار بیر صلح‌نامه بی‌دین جماعت اولدولار یاغی امامه قالدون بو چولده بی‌مُعین استغفرالله التّوبه توبه (2) . . شاها سنی وئرر‌م قسم خیرالنّسایه جدّون رسوله هم آنان شیرِ خدایه عفو ائت منیم تقصیریمی گئچ مُجتبی‌ٰیه عرض ائیلیر‌م من یا حسین استغفرالله التّوبه توبه (2) . . اولسون شریح‌ین قانیله ساقّالی الوان ائتدی جهاندا دینینی دیناره قربان اویدی اونون فتواسینه بیر عدّه نادان چکدی یوزیوه تیغِ کین استغفرالله التّوبه توبه (2) . . ال دامنوندن چکمر‌م ای شهریاریم یوز قویموشام درگاهیوه وار انتظاریم چوخ چوخ جسارت ائتمیشم وار اعتذاریم ای پیشوایِ مسلمین استغفرالله التّوبه توبه (2) . . نذر ائتمیشم ائتسون منیم حقّیمده احسان الان وئر‌م بو جانیمی عشقونده قربان گل سال یولا قربانیوی ای شاهِ عطشان ائیله منی قربانِ دین استغفرالله التّوبه توبه (2) . . کلاً کریم ‌الطبعسوز، سیز خانواده تقصیری اولسا هر کسین حدد‌ن زیاده نادم قَییتمز دورسا بو بابِ سخاده قَیترمه حرّی دل غمین استغفرالله التّوبه توبه (2)

نوحه وداع 🌺 سبک ... خداحافظ ای آنام باجی ... ▪️🔸▪️🔸▪️🔸▪️🔸▪️🔸▪️ من عازمم قانلی مقتله زینبیم خداحافظ چتین سلامت حسین گله زینبیم خداحافظ                باخما صاق صولا زینب                سال منی   یولا   زینب ▪️▪️🔸🔸▪️▪️🔸🔸▪️▪️ گرک بو گون ترک ایدم سنی باغریقان باجیم زینب حلال ائله سال یولا منی قهرمان باجیم زینب اماندا ساخلا رقیه می مهربان باجیم زینب محبت ائت بو شیرین دیله زینبیم خداحافظ ئورک گزور وصل دلبری قلبده قراریم یوخ باشیمدا غیر از شهادت و وصلت نگاریم یوخ سروش غیبی ندا ائدور الده اختیاریم یوخ مسافرم آیری منزله زینبیم خداحافظ بو کربلا غملیدور ولی خوشلورام هواسین من وئریب رسید آلمیشام ازل کربلا بلاسین من آتام کیمین کوفه لیلرین گؤرمدیم وفاسین من منیم یازیم یازدیلار بئله زینبیم خداحافظ دایان باجی ایندی آغلاما سیل گؤزون یاشین زینب سلامتدی ئولمیوب هله غملی قارداشین زینب گورن زمان نیزه لرده سن قارداشین باشین زینب گؤزون یاشی بنذیر سئله زینبیم خداحافظ ئولوب علمدار لشگریم سن منه علمدار اول یانان زمان خیمه لر باجی قیزلاریما غمخوار اول اماندی سجاد مضطره لطف ائله پرستار اول امامیدن دوتما فاصله زینبیم خداحافظ بو کوینک اگنیمده زینبیم یادگار زهرادی که ظاهرا کهنه دور ولی جامه دل آرادی منه لباس ظفر سنه محنتی غم افزادی بو رازی عالم گرک بیله زینبیم خداخافظ اله دوشر دشمنیم سویار کهنه پیرهن قالماز گئدر اودا غارته باجی اگنینه گیین قالماز شهید اولاندا جنازه می دفن اولا کفن قالماز چتین بو غم دلدن اسگیله زینبیم خداحافظ باجی بودور آخرین سؤزوم روی صحبتیم سنسن علی قیزی قهرمان اولار یار نهضتیم سنسن حرملرین پاسبانی سن روح عزتیم سنسن سنه چاتار غملی قافله زینبیم خداحافظ

🎧سلطان الذاکرین استاد سلیم موذن زاده 🎙التوبه توبه

زبانحال حضرت مسلم بن عقیل علیه السلام . . سبک:👇🙏 یارالی_جان_یارالی حضرتی ناعمی یاحسین کوفه لیلرعهده وفاایلدیلر کوفه ده مسلمی آماج بلا ایلدیلر ای امام الثقلین/وارث میرحنین قلبیم القانه دونوب/کوفیه گلمه حسین ای شهنشاه سنه مسلموین جانی فدا کوفیه گلمه که یوخ کوفه نون اهلینده وفا ملتینده نه وفاوارنه شرف وارنه حیا اولمویان ظلمی بواشراررواایلدیلر خبریم واردی آتان چوخ بولاراخدمت ائدوب ابوالایتامیمیش،ایتامینه چوخ رأفت ائدوب آج قالوبدور،فقرایه چورگین قسمت ائدوب آتاوین دِینینی حقونده ادا ایلدیلر کوفه ده ذرّه جه هئچ رنگ صداقت یوخوموش ملتینده سنه ای شاه لیاقت یوخوموش شهرحیدرده عجب،بوی ولایت یوخوموش سیندیروب باغلادیقی عهدی جفاایلدیلر یوللامیشدی آقاجان اون ایکی مین نامه بولار گؤرکی برپاائلیوبلرنئجه هنگامه بولار باش اگوب دولت سفیان روشِ شامه بولار دینی دیناره ساتوب عمده خطاایلدیلر ای خانم فاطمه نون سئوگلی ای شاه امم گلمگوندن نگرانم بوریوب قلبیمی غم بیعت ائتمیشدی ازلده منه بوقوم ظلم بونه غوغادی،نه طوفاندی بپاایلدیلر قالدیم آواره حسینجان اورگیم قان اولدی نه دوباره سنه نامه یازام امکان اولدی نه ده بوملت بی شرمیده وجدان اولدی باغلیوب قوللاریمی غرق بلاایلدیلر ایندی جانیم یئتیشوب سینمه نالانم آقا فاطمه عترتینون حالینه گریانم آنا زینبین خاطرینه حالی پریشانم آقا بونه فتنه ایدی بوکفّاردغا ایلدیلر گؤرورم گلمگیوین کوفه ده چوخ صحبتی وار سویولون باغلاماقین شهرتی یوخ صحبتی وار حرمله آدین ائشیتدیم سه پراوخ صحبتی وار یوخ تعجب اگرهرظلمی آقاایلدیلر ایستیوللرهامی اشراری اجیرایلدیلر سعدین اوغلون سپه ظلمه امیرایلدیلر ئولدوروب اکبری لیلانی اسیرایلدیلر بوبویوک ظلمی گوررسن ظلماایلدیلر قورخورام طاقتوی ظلمیله الدن آلالار تندن عباسین اوزون قوللارین ای شه سالالار داغ سقاده یانان وقتده گولوب ال چالالار قدّیوی اونداگؤررسن نجه تا

زبانحال حضرت مسلم (ع) محمدرضا رمضانی ذوالفنون سبک :👇🙏 گلمیشم فغانه یانه یانه عمه ای منیم امیریم_وی منیم امامیم مسلمم حسین جان_وار سنه سلامیم ظلمه دستگیرم من دشمنه اسیرم من ای عزیز زهرا ۲ منله بیعت ائتدی_چوخلاری اولده چون گوروبله سندن_واردی حکمیم الده دوندولر ولیکن_موقع جلده دشمن ایچره تک قالدیم تیغیمی اله آلدیم ای عزیز زهرا ۲ گرچه من تکیدیم_ائتدیم استقامت گوردی هامّی مندن_قدرت و شهامت گوئیا یازیلمیش_مسلمه شهادت یوخ شکایتیم اصلاً جان نثاریوم مولا ای عزیز زهرا ۲ مسلمه سنیدون_زندگیده اسوه ائتمرم بلادن_حق یولوندا شکوه اولدی هم قطاریم_هانی بن عُروه طوعه آدلی بیر خاتون ایلدی منی مدیون ای عزیز زهرا ۲ گلمه سن حسین جان_جانب عراقه گلمه سیدی بو_معدن نفاقه حرمت ایلمولّه_کوفیان قوناقه گلمه کوفیه ساری یوخ وفانون آثاری ای عزیز زهرا ۲ یوخدی فرصتیم تا_ایلییم اشاره یوز ویروب نلر بو_زار و دلفکاره یا حسین اماندی_گلمه بو دیاره کوفه دن گل اعراض ائت هر یره گئدورسن گیت ای عزیز زهرا ۲

‍ ورود_به_ماه_محرم 📈 شاعر : مرحوم تائب تبریزی ✅در آهنگ : من عباسم منه دریالر آغلار ☘️☘️☘️🍂🍂🍂☘️☘️☘️ دوتوب ماتم بو آی پیغمبر آغلار دیر زهرا حسین وای حیدر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ باتوب یاسه بو آیدا کون و امکان چخوب عرشه بو آیدا داد و افغان اولون شیعه بو آیدا سیزده نالان بو ماتمده بتول اطهر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ گرک شیعه بو غمده داده گلسون ویروب سس زینبه امداده گلسون دمادم آغلیوب فریاده گلسون بو غمده یرلر آغلار گویلر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ توکر صاحب زمان قانیاش عذاره یتر غم دمبدم اول دلفگاره گلر شوریله هر دم آه و زاره مدام اوز جدّینه اول سرور آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ بو آی چوخ ظلم ایدوبدور قوم کافر باتوبدور قانینه شهزاده اکبر اولوب مجنون غم لیلای مضطر دیر ایوای اوغول اول مضطر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ بو آی زینب دوتوب دلدن شراره اولوب قاسم وجودی پاره پاره آناسی باغلیوبدور باشه قاره او قاره گون توکر اشک تر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ کسوب سو یولارین قوم بداختر سولوب سوز عطشدن غنچه گل‌لر ال اوسته اوخلانوبدور تشنه‌ اصغر اوخ آغلار یاره آغلار اصغر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ بو آی اولدی حسینین عالمی تار بو آی جان ویردی عبّاس وفادار سالوب قوللارینی سو اوسته اشرار حسین وای قارداشیم وای سویلر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ بو آی آغلار قالوبدور آل یاسین باتوبدور قانه انصار شه دین اولوب دشت بلا قانیله رنگین ایدوبدور قان ترابی احمر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ بو آی زینب گرفتار غم اولدی پیمبر گلشنی بو آیدا سولدی دیار کربلا قانیله دولدی اوقاندان قانه دونموش دللر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ بو آی قالدی شه لب تشنه یالقوز یانوب دلدن او قارداشسیز اوغولسوز وورولدی قلبینه بیر تیر دلدوز او زخم تیره زخم خنجر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ حسینی یخدی آتدان اهل کوفه اولوب آماج گل جسمی سیوفه دوشوب قان پرده سیندن گون کسوفه سپهر دینه ماه انور آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ دیموب قاتل حسین بی یار و کسدی قفادن باشینی لب تشنه کسدی دوتولدی گون یوزی قاره یِل اسدی بو حاله گویلر آغلار یرلر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️ دوشوب گل پیکری توپراقلار اوسته گل آچمیشدی یارالار دسته دسته گلوب بیر دسته بلبل دلشکسته ایدوب اول گل وجودی منظر آغلار (( چاره سیز قالانلار غملره یانانلار)) ((سسلسونله با هم آقا حسین جان)) ((مولانا یا حسین)) ☘️☘️☘️🍂🍂🍂☘️☘️☘️

کربلا آماده اول شاهنشه خوبان گلیر فاطمه اوغلی اوزاق یولدان سنه مهمان گلیر وار صفالی گوللری سرو قامت اکبری شیرخواره اصغری خوش سنین اقبالیوه ای سرزمین باصفا کعبه نی ترک ائلیب دیر کعبه اهل ولا فخر ائله مهمان گلیر توپراقیوه العبا ویرماقا عزت سنه یئتمیش ایکی جانان گلیر کربلا سنده نه وار که قبله گاه عشق سن وصل معشوقه مسیر و شاهراه عشق سن هر کیمین یوخدور پناهی سرپناه عشق سن نقد جان الده گلن لر بی سر و سامان گلیر کربلا اماده اول ال اللهی پیشواز ائیله کاروان چوخ با صفادور حرمت و اعزاز ائله ال قوجاقه اصغری عرشیله فرشه ناز ائله حرمله باخما الینده زهریلی پیکان گلیر کربلا ماه محرم دیر غمین دریاسی وار شاه دینین نهضتینده یوم عاشوراسی وار بیر سند دور قانیله یئتمیش ایکی امضاسی وار هر کسین واردور الینده رشته پیمان گلیر کربلا اماده اول بیر با وفا لشگر گلیر عون و فضل و جعفر و قاسم گلیر اکبر گلیر باقر ال محمد هم علی اصغر گلیر باغبان گویا الینده سنبل و ریحان گلیر کربلا آزاده انسانلار سنه گلدی قوناق وصل حقه وار او جمع با صفاده اشتیاق صف چکیب یوللاردا اما ظلمت و کفر و نقاق بیعت اوسته جنگ وظلمه کوفه دن فرمان گلیر کربلا آماده اول هر سمتیدن لشگر گلیر توکماقا قان اوخ گلیر نیزه گلیر خنجر گلیر کسماقا باشین امامین شمر بداختر گلیر لشگر حقه مقابل لشگر شیطان گلیر محرم مدهوش

سلام خدمت شما عزیزان لطف کنین متن روضه هر شبو ارسال کنین که استفاده کنیم ممنون از شما😊🌸 در خواست اعضا است @mohammadd1352

مداحی و ترحیم خوانی نوحه های ناب قیامت بی حسین غوغا ندارد”شفاعت بی حسین معنا ندارد”حسینی باش که در محشر نگویند”چرا پرونده ات امضاء ندارد… @mohammadd1352 https://eitaa.com/khtmkhani

درشهادت حضرت سیدالشهدا (ع)گریز به قتلگاه باتمادی قانه حسین تا شیعه لر قان آغلاسون یا هر ائیل اون گون محرم باشه قاره باغلاسون یا حسین وای سسلیوب بو غمده سینه داغلاسون باتدی قانه ائتدوقی پیمانی ایفا ایلسون دینِ اسلامی یر اوسته بیرده احیا ایلسون باتمادی قانه که یر گوی ناله و داد ایلسون یا آناسی باشی اوسته داد و بیداد ایلسون ظلمیله قیزلار یانوب غارتده فریاد ایلسون قانه باتدی ظلم الیندن دینی آزاد ایلسون جدینه نازل اولان، قرآنه امداد ایلسون باتمادی قانه حسین دنیاده اولسون صحبتی ثبت اولا تاریخیده یا معنوی شخصیتی ظاهراً  گئتسون الیندن آبرو و عزتی باتدی قانه تا که قرآنون اوجالسون شوکتی حشره تک پاینده قالسون دینون حیثیتی باتمادی قانه بلا دشتینده اول شاه حجاز ائتمه دی ایسی قوم اوسته بی هدف سوز و گداز ایسته دی دنیاده تاپسون پرچم دین اهتزاز باتدی قانه ، اوز قانیلن آلدی اول شه دستماز عالمه اعلان ائدوب برپا گرک اولسون نماز باتمادی قانه که سالسون شورمحشرعالمه باتمادی قانه که باتسون کون وامکان ماتمه باتمادی قانه که بیر عده باشا ویرسون قمه باتدی القانه که خلق اللهی ارشادایلسون جدینون فرهنگینی دنیاده ایجادایلسون باخمادی نهر اوسته دوغرانمیش سراسر پیکره باخمادی قرانه خاطر اِرباً اِربا اکبره باخمادی ظلمیله اولموش پاره حلق اصغره ایستدی بو جانلار اولسون نهضتون سرمایه سی قانیلن سیراب اولونسون دین و قران پایه سی باتمادی قانه اسیر اولسون عیال مصطفی ایلسون قصد جسارت زینبه  قوم دغا ناقه اوسته قیزلاری یا شامه تک ایتسون نوا صبر ائدوب بو ظلمه چون وئرمیشدی سوز روز ازل دستگیر اولسون عیالی ، چاتماسون دینه خِلل ائتمدی کرب و بلاده قدرت اوسته انقلاب دینه خاطر خنجر آلتیندا ائدوبدور پیچ و تاب وئردی باشین نور عین حضرت ختمی ماب جامه ذلت ئولونجه تا مسلمان گیمه سین باش وئروب دنیاده اما ظالمه باش اگمه سین باتمادی قانه که دولسون داشیلن صاق و صولی  باتمادی قانه طنابه باغلانا زینب قولی باتمادی قانه دوشه قیزلارونون شامه یولی اول زمان قانه باتوبدور سرور عالی جناب بو زماندا ائتمه سین ناموسیمیز کشف حجاب باتمادی قانه حسین تا آغلاسون اهل سما باتمادی قانه گئینسون قاره عرش کبریا باتدی قانه کربلاده ظلمیله اُول مقتدا ایسته دی ناهی جهاندا مُنکره معطوف اولا باش و جان وئردی حسین ، تاامربر معروف اولا باتمادی قانه ائده بیر عده تزویر و ریا ظاهرا دیندن دئسون باطنده کفره مبتلا ممکلتده نصب اولونسون بیرق جوروجفا باتدی قانه شوره گئدی سلسبیل و زمزمی حشره تک أسین جهاندا تا عدالت پرچمی باتدی قانه که ریاست ده گرک دینی اولا دین اولان یرده حکومت ده گرک دینی اولا دین سیاسی دی سیاست ده گرک دینی اولا قانیلن یازدی ریاستده اولان عادل اولار حاکم دین سُنَّتِ پیغمبره ، عامل اولار باتدی قانه حقّیلن بیر آیری سودا ایلسون قانیلن اَوّل ایدن اوز عهدین امضا ایلسون باش وئروب بیرده یزیدی خوار و رسوا ایلسون آگه ائتسون عالمه ،باش خنجره گر توش اولا فخردور ، اما گرک ظالم اوتی خاموش اولا قانه باتدی کربلاده مرتضا شهزاده سی ایلسون ثابت جهانون وار هله آزاده سی چون یزید پستی مست ائتمیش ریاست باده سی امر حقّیله بلا دشتینده طوفان ایلدی باتدی قانه کاخ استبدادی ویران ایلدی باتدی قانه درس ایثار و شجاعت اورگده هر زمان مظلومه ظالمدن برائت اورگده حق یولوندا باش وئروب آخر شهادت اورگده یعنی انسانه شهادت دور وئرن هر عزتی عاشق و معشوق ارا ، امّا وار آیری لذتی کیمسه ده اولماز لیاقت قاننینه غلطان اولا تشنه لب قلبی دچار ناوک پیکان اولا باش بدندن آیریلوب گل پیکری عریان اولا سجده ده قانه باتا مه صورتی حیدر کیمی نیزده باشی گئده معراجه پیغمبر کیمی نیزیه باشین ووراندا زینبِ زار آغلادی بیرده اول باشه باخوب سجادِ بیمار آغلادی بیرده غارتده یانان ظلمیله ، قیزلار آغلادی یازمادی شیدا ولیکن پرده چکدی مطلبه نیزیه باشی وورانلار نیلوبلر زینبه محمدرضا‌صادقی‌شیدا

قتلگاه دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار  نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار  اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه  نه  چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم  دوداقوندان یارالی داغیلوب قلبون اوپوم قوی ایاقوندان یارالی بیر  یاران وار  یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم  دوره سی نیزه اوخودی بو چوخور  یرده گئچن گون بو قدر داش یوخودی باخورام هر داشا القاندی یارالی یارالی مقتلین  قانیله  الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه  مرحم گیدورم وئر ابوالفضله خبر شمریله باهم گیدورم دئینن دور  قافله یولاندی یارالی یارالی هم رهیم دشمن ناداندی یارالی یارالی