درشهادت حضرت سیدالشهدا (ع)گریز به قتلگاه باتمادی قانه حسین تا شیعه لر قان آغلاسون یا هر ائیل اون گون محرم باشه قاره باغلاسون یا حسین وای سسلیوب بو غمده سینه داغلاسون باتدی قانه ائتدوقی پیمانی ایفا ایلسون دینِ اسلامی یر اوسته بیرده احیا ایلسون باتمادی قانه که یر گوی ناله و داد ایلسون یا آناسی باشی اوسته داد و بیداد ایلسون ظلمیله قیزلار یانوب غارتده فریاد ایلسون قانه باتدی ظلم الیندن دینی آزاد ایلسون جدینه نازل اولان، قرآنه امداد ایلسون باتمادی قانه حسین دنیاده اولسون صحبتی ثبت اولا تاریخیده یا معنوی شخصیتی ظاهراً  گئتسون الیندن آبرو و عزتی باتدی قانه تا که قرآنون اوجالسون شوکتی حشره تک پاینده قالسون دینون حیثیتی باتمادی قانه بلا دشتینده اول شاه حجاز ائتمه دی ایسی قوم اوسته بی هدف سوز و گداز ایسته دی دنیاده تاپسون پرچم دین اهتزاز باتدی قانه ، اوز قانیلن آلدی اول شه دستماز عالمه اعلان ائدوب برپا گرک اولسون نماز باتمادی قانه که سالسون شورمحشرعالمه باتمادی قانه که باتسون کون وامکان ماتمه باتمادی قانه که بیر عده باشا ویرسون قمه باتدی القانه که خلق اللهی ارشادایلسون جدینون فرهنگینی دنیاده ایجادایلسون باخمادی نهر اوسته دوغرانمیش سراسر پیکره باخمادی قرانه خاطر اِرباً اِربا اکبره باخمادی ظلمیله اولموش پاره حلق اصغره ایستدی بو جانلار اولسون نهضتون سرمایه سی قانیلن سیراب اولونسون دین و قران پایه سی باتمادی قانه اسیر اولسون عیال مصطفی ایلسون قصد جسارت زینبه  قوم دغا ناقه اوسته قیزلاری یا شامه تک ایتسون نوا صبر ائدوب بو ظلمه چون وئرمیشدی سوز روز ازل دستگیر اولسون عیالی ، چاتماسون دینه خِلل ائتمدی کرب و بلاده قدرت اوسته انقلاب دینه خاطر خنجر آلتیندا ائدوبدور پیچ و تاب وئردی باشین نور عین حضرت ختمی ماب جامه ذلت ئولونجه تا مسلمان گیمه سین باش وئروب دنیاده اما ظالمه باش اگمه سین باتمادی قانه که دولسون داشیلن صاق و صولی  باتمادی قانه طنابه باغلانا زینب قولی باتمادی قانه دوشه قیزلارونون شامه یولی اول زمان قانه باتوبدور سرور عالی جناب بو زماندا ائتمه سین ناموسیمیز کشف حجاب باتمادی قانه حسین تا آغلاسون اهل سما باتمادی قانه گئینسون قاره عرش کبریا باتدی قانه کربلاده ظلمیله اُول مقتدا ایسته دی ناهی جهاندا مُنکره معطوف اولا باش و جان وئردی حسین ، تاامربر معروف اولا باتمادی قانه ائده بیر عده تزویر و ریا ظاهرا دیندن دئسون باطنده کفره مبتلا ممکلتده نصب اولونسون بیرق جوروجفا باتدی قانه شوره گئدی سلسبیل و زمزمی حشره تک أسین جهاندا تا عدالت پرچمی باتدی قانه که ریاست ده گرک دینی اولا دین اولان یرده حکومت ده گرک دینی اولا دین سیاسی دی سیاست ده گرک دینی اولا قانیلن یازدی ریاستده اولان عادل اولار حاکم دین سُنَّتِ پیغمبره ، عامل اولار باتدی قانه حقّیلن بیر آیری سودا ایلسون قانیلن اَوّل ایدن اوز عهدین امضا ایلسون باش وئروب بیرده یزیدی خوار و رسوا ایلسون آگه ائتسون عالمه ،باش خنجره گر توش اولا فخردور ، اما گرک ظالم اوتی خاموش اولا قانه باتدی کربلاده مرتضا شهزاده سی ایلسون ثابت جهانون وار هله آزاده سی چون یزید پستی مست ائتمیش ریاست باده سی امر حقّیله بلا دشتینده طوفان ایلدی باتدی قانه کاخ استبدادی ویران ایلدی باتدی قانه درس ایثار و شجاعت اورگده هر زمان مظلومه ظالمدن برائت اورگده حق یولوندا باش وئروب آخر شهادت اورگده یعنی انسانه شهادت دور وئرن هر عزتی عاشق و معشوق ارا ، امّا وار آیری لذتی کیمسه ده اولماز لیاقت قاننینه غلطان اولا تشنه لب قلبی دچار ناوک پیکان اولا باش بدندن آیریلوب گل پیکری عریان اولا سجده ده قانه باتا مه صورتی حیدر کیمی نیزده باشی گئده معراجه پیغمبر کیمی نیزیه باشین ووراندا زینبِ زار آغلادی بیرده اول باشه باخوب سجادِ بیمار آغلادی بیرده غارتده یانان ظلمیله ، قیزلار آغلادی یازمادی شیدا ولیکن پرده چکدی مطلبه نیزیه باشی وورانلار نیلوبلر زینبه محمدرضا‌صادقی‌شیدا

قتلگاه دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار  نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار  اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه  نه  چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم  دوداقوندان یارالی داغیلوب قلبون اوپوم قوی ایاقوندان یارالی بیر  یاران وار  یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم  دوره سی نیزه اوخودی بو چوخور  یرده گئچن گون بو قدر داش یوخودی باخورام هر داشا القاندی یارالی یارالی مقتلین  قانیله  الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه  مرحم گیدورم وئر ابوالفضله خبر شمریله باهم گیدورم دئینن دور  قافله یولاندی یارالی یارالی هم رهیم دشمن ناداندی یارالی یارالی

لبیک یا ابالفضل سقای  دشت   کربلا    لبیک  یا ابالفضل ای هردودست ازتن جدالبیک یاابالفضل لبیک  یا ابالفضل لبیک  یا ابالفضل سلطان جودی و سخا لبیک یا ابالفضل راضی تو باشی برقضا لبیک یا ابالفضل لبیک  یا ابالفضل لبیک  یا ابالفضل سردار  و  شیر نینوا  لبیک  یا ابالفضل همچون علی مرتضی لبیک یا ابالفضل لبیک  یا ابالفضل لبیک  یا ابالفضل ای   قمر   عرش  خدا  لبیک یا ابالفضل مصداق عشقی و وفا لبیک  یا ابالفضل لبیک  یا ابالفضل لبیک  یا ابالفضل بیقرار اصفهانی‌

شاهزاده حضرت علی اصغر (علیه السّلام) سبک : من عبّاسم منه دریالر آغلار من علی اصغرم باب الحوائج هر چتین درده وار منده معالج چاره سیز قالانلار- دردیلن یانانلار سسلسون اورکدن- باب الحوائج چرخ عزّ و شرف شهبازیم من فاطمه اوغلینون هم رازیم من هم گل گلشن گلزار عشقم کربلا شاهینون سربازیم من من همان اصغرم- همدل اکبرم کوی عزّ و شرف- جانبازیم من چاره سیز قالانلار- دردیلن یانانلار سسلسون اورکدن- باب الحوائج من علی اصغرم باب نجاتم شیرخوارم ولی حیدر مثالم چاره سیزلر منه دردین دیه لّر من امام اوغلیم عینُ الحیاتم من در حاجتم- چشمه ی رحمتم کربلانون گل- طنّازیم من چاره سیز قالانلار- دردیلن یانانلار سسلسون اورکدن- باب الحوائج من همان اصغرم چاتدیم مرامه لشکر کفریلن چخدیم قیامه قولّاری باغلی گلدیم کارزاره دگدی اوخ حلقیمه گولدوم امامه شه دیدی جان بالا- من دیدیم جان بابا بولدی عالم حسین- همرازیم من چاره سیز قالانلار- دردیلن یانانلار سسلسون اورکدن- باب الحوائج من همان اصغرم یوردوم ربابی باغری قان ایلدیم اول دل کبابی ایچمیشم اوز قانیمی دریا یانندا تشنه دل ایلدیم شرمنده آبی من علی اصغرم- بیرده سو ایچمرم شاهیمون تشنه لب- سربازیم من چاره سیز قالانلار- دردیلن یانانلا سسلسون اورکدن- باب الحوائج «عدلجویم» نه شان و شوکتیم وار نه ریاست نه پول نه دولتیم وار نیلورم منصب و جاه و جلالی بسدی بو اهل بیته نصبتیم وار «عدلجو» نوحه یاز- عالمه ایله ناز سنده سویله حسین- سربازیم من شاعر : احد عدلجوی تبریزی

▪️نوحه جدید امیری_یاحسین 🎼سبک:ای صفای قلب زارم... https://eitaa.com/khtmkhani ای پناه بی پناهان یاحسین ای شاه خوبان سنه ای زهرا بالاسی شیعیانین جانی قربان سنه من نوکرم / آدیوی سسلرم ئولونجه یا حسین/ قاپوندان گیتمرم حسین جانم حسین امیری یا حسین لرزه سالدن کائناته سَس یتیشدی شش جهاته یتیریبسن ای لب عطشان خضری سن آب حیاته قیامون زنده دی / آدون پاینده دی جهانین شاهلاری / قاپوندا بنده دی https://eitaa.com/khtmkhani شوکتون ضرب المثلدی عزّ و شأنون بی بدلدی آلتی گوشه قبرون ارباب عرش اعلادن گوزلدی من اولدوم دلغمین / گدانین دوت اَلین آقا سن بیل آنان / چاغیر بو اربعین مدفنون چوخ دلگشادی قتلگاهون غم فزادی تل زینبده یانار دیل خیمه گاهون با صفادی اولاندان قحط آب / اولوب دیللر کباب گمان لایلای چالور / گینه آغلیر رباب عَلقم اوسته آی باتوبدی اشکیمی قانه قاتوبدی اوردا بیر غیرتلی سردار ایندی شرمنده یاتوبدی وجودی دوغرانیب / سینیخ قلبی یانیب گلنده خیمیه / سو مشکی اوخلانیب شَرف آل عباسن سن شه گلگون قباسن من یوزی قاره غلامم سنده شاه کربلاسن اَیا سِبط رسول / سنی جان بتول گدای (بیکَسم ) / منی ایله قبول ___https://eitaa.com/khtmkhani امام_حسین_علیه_السلام محرم_۱۴۰۳

سبک شاخسی و واحد سینه زنی(وصال تبریزی) ای شاه کرم ، من مفتخرم ، قاپوندا اولموشام گدا عزتدی منه ، تا آدیم اولا ، غلام شاه کربلا ، ای شاه کرم منیم ای گهر نایابیم داخی هجرانه یوخ تابیم دیرم سنسن اربابیم یاحسین سنه قربان شاها جانیم هم اوزوم هم خاندانیم شکر اولا سنسن سلطانیم یاحسین مولا یاحسین مولا یاحسین آقام آقام آقام آقام شاه عرصات ، کشتی نجات ، سنه اولونجه بندیم جانان گئچرم ، من آند ایچرم ، همیشه درگهیندیم ای شاه کرم الیوی گل الیمنون اوزمه دامن وصلونون سوزمه اشکیمی رخساره دوزمه آقاجان اورگیمده قراریم سنسن بو دلیمده شعاریم سنسن بولوسن کی یاریم سنسن آقاجان مولا یاحسین مولا یاحسین آقام آقام آقام آقام دل معرفتی ، هم عافیتی ، حسین محبتونده دی عشقین دادی دا ، هر بیر زادی دا ، اونون زیارتونده دی ای شاه کرم عرش ناز ائیلر رواقی شهرتی دوتموش آفاقی می مست ائلیوب عشاقی والله دله ، آدینی مدیون ائیلوب منی عشقی مفتون ائیلوب هامی عالمی مجنون ائیلوب والله مولا یاحسین مولا یاحسین آقام آقام آقام آقام زین اوستن حسین ، تا دوشدی یره ، جهان دوشوب تلاطمه باش آچدی بتول ، سسلردی اوغول ، گوز آچ آناندی فاطمه دور گلدیم اوغول قانلا آلدی دستمازین قیلدی عشقیله نمازین سفره دیلین آچدی رازین آقامیز یوزی اوسته دوشوب قعوده دل آچوبدی او دم معبوده قتلگهده دوشوب سجوده آقامیز مولا یاحسین مولا یاحسین آقام آقام آقام آقام با سوز و تعب ، باخ یاللعجب ، آچوب حسین دعایه ال دل کامه چاتوب ، باش فکرین آتوب ، ائدور اوز عهدینه عمل باخ یاللعجب یارب آگهسن کاریم نون خواهشیم وار دلداریم نون گئچ گناه عزاداریم نون یارب جانی وقف ائتدون اللهه چاتدون عشق فنا فی الله احسن اولسون سن تک شاهه یارب مولا یاحسین مولا یاحسین آقام آقام آقام آقام سبک👇👇👇👇👇👇👇

من کرم دریاسیم آل علی سقاسیم آدیم ابوالفضلدی مشکل آسان ایلرم هر درده درمان ایلرم آدیم ابوالفضلدی شیرم و شیر اوغلویام دلدن حسینه باغلیام آدیم ابوالفضلدی من مثالم غیرته آزادلیخ حریته آدیم ابوالفضلدی مرتضی اوغلی ، منصبیم سقا لطفوده دریا ، یوم هیجاده ضرب شصتیمله ، قورخوشار عدا یل ام البنین غیرت اللهم یقین حیدر آتام یعصوب دین آدیم ابوالفضلدی بحر عشقه لنگرم من یادگار حیدرم آدیم ابوالفضلدی جنگیده نهری آلام اوردوی کفره اوت سالام همتلی سردارم ماردین باشین کسم استاد جنگ تن به تن قوخماز علمدارم گر قباقیمده ، صف چکه یکسر مین نفر لشکر کوفیده هی هات، ضرب شصتیمله چون شعله آذر یل ام البنین قصه و اوهامیدی قطعا خیال خامیدی کفره ایدم بیعت قول کفره اویمارام سلطانیمی تک قویمارام کفره گله لعنت الده کسگین بیر کسر دشمنلرین نسلین کسر یوخ اوزگه بیر صحبت چون منه خیبر شکن شخصا ویریب تعلیم فن جنگ اورگدیب حیدر اوخشاریم چوخدی ، شیر شیرانه مرد میدانه قهریدن سالام ، ظلمی تشویشه لرزه کیوانه یل ام البنین من دایانسام بیرطرف دشمن دایانسا بیرطرف یوخدور جلو داریم جمله ایلر غرق خون کفر اهلینی خارو زبون بو تیغ خونباریم حیف اولا یول گوزلیور لب تشنه لر سو ایستیور پوزقوندی افکاریم یوخسا دویمام جنگیدن چوخ جان آلاردیم هنگیدن شاهدی داداریم فارس میدان ، هامی قرآن یار مولایم من هوادارو ، یارو غمخواره آل زهرایم یل ام البنین

ای شاه کرم زهرا بالاسی دلداده لرین سن سن آقاسی توت اللریمی قویما یخیلیم بار محن و غمده سیخیلیم قلبیم داریخیر یوخ دیلده دوزوم روز و شب حسین آغلاردی گوزوم اورگیمین گینه حرم هواسی وار حرمیوین آقا عجب صفاسی وار مریضه عشقه قبریوین دواسی وار ? حسین ثارالله حسین ثارالله حسین ثارالله ابی عبدالله ☑️ بند دوم سنسیز آقاجان بی تاب اولارام حالیم پوزولار بی خواب اولارام سالام یادیما زیبا حرمین گویلوم ده اسر قیرمیز علمین عکسین چکرم آغوشه حسین یانام دییرم بین الحرمین آقا نقد گرح بو هجریدن یانام حرمین حسرتینده قویما اوتلانام صفالی قبریوه فدا آتام آنام ? حسین ثارالله حسین ثارالله حسین ثارالله ابی عبدالله ☑️ بند سوم ای میر همام عالی درجات ای بنده لره کشتی نجات بیزدن او سپه سالاره سلام نهر اوسته یاتان سرداره سلام نوکرلریوه لطف ائیله آقا اولسون جانیمیز عباسه فدا آقا حرم فراقی صبریمی آلیب منی بو آیریلیخ بلالره سالیب گوزوم او آلتی گوشه قبریده قالیب ? حسین ثارالله حسین ثارالله حسین ثارالله ابی عبدالله ☑️ بند چهارم من ریزه خوره نالایقیوم ترد ائتمه منی من عاشقیوم گر عبد گنهکارم آقاجان من عشقیوه بیمارم آقاجان باخ نوکریوه قویما الی بوش لطف ائیله منی زائرلره قوش آقا بو اربعین نصیب اولا گلم حرمه پا پیاده الده بیر علم سنه دییم جانم فدادی هر قدم ? حسین ثارالله حسین ثارالله حسین ثارالله ابی عبدالله

ای شاه کرم زهرا بالاسی

علی ای جملۀ خوبان عالم حسنوه بنده شهادت خلعتی بو قامت زیبایه زیبنده غم ایتمه بو شهادت روح اسلامی ایدر زنده سعادتدور شهادت حیات بیر جاودان اوسته یا علی اکبر علی پیمان آلوب مندن بلا بزمینده جانانیم فدای راه دین اولسون هامی یاران و انصاریم اوزومده باش ویرم حتّی یتیشسون باشه پیمانیم بلی عاشق دوزر مین زحمته بیر امتحان اوسته یا علی اکبر بو بیر یاره که قلبوندن وروب بو لشکر اعدا منیمده قلبیمین بندین قیروب ای قلبیمه یارا اودور قانون کیمی خون دلیم گوزدن آخور گویا توکولسون تا منیمده قلبیمین قانی بو قان اوسته یا علی اکبر علی ای کوکب صبح امیدیم کامُوه چاتدون منیم اشکیمله اوز قانونلا بو تپراقی ایسلاتدون سحر اولدوزلاری چون تِز باتالّار سنده تِز باتدون غروب ایتدون داخی بیر اختریم یوخ آسمان اوسته یا علی اکبر ناز ایلوسن منه سسیمی یا اشیدمیسن جسمین تیکیبدی نیز و شمشیر یا یره تپراقلار اوسته ایسیده یاتما یارالیسان دور حمل ایدیم جنازوی بیر باصفا یره یا علی اکبر ✅ارسالی جناب امیر ذاکری