‍ نوحه حضرت ابوالفضل العباس علیه السلام زبانحال امام حسین علیه السلام 🖤🖤🖤 ابوالفضل هارداسان تئز گل بوقلبیم یاندی آی قارداش الیم اوستونده میداندا بالام اوخلاندی آی قارداش گل ای ماه،اولدوزوم باتدی دیدیم لایلای قوزوم یاتدی گل ای ام البنین اوغلی ویرور جان شاه دین اوغلی ربابین نازنین اوغلی سنه مهماندی آی قارداش سنون کی الرون یوخدی منیمده غملریم چوخدی دیمه بواوخ نجه اوخدی سه پر پیکاندی آی قارداش دیسم قلبیم یانور دوزدی قانی قنداقینه سوزدی بیراوخ گلدی بوغاز اوزدی دمبدم بوسه ویرور شه بالانین یوز گوزونه بوسه لر گوردی کی راضی المور ئوز ئوزونه گوردی قان گیشملی بیر قان دییر یاخدی یوزونه گوز وروب آنی ده بیردن آنادان اولدی حسین بالاسی الری اوسته یاری جان اولدی حسین آلابولمز نفسین کیم کسیله حنجره سی خردا سید بیر ایچین چالدی باتوبدور نفسی شه گوروب کی قارشدی گوزونون آغ قره سی شأنه باخ عزته باخ گورنه اوجاتدی بالانی ئوزی قبله یدی قوجاقینده اوزاتدی بالانی

نوحه حضرت ابوالفضل العباس علیه السلام زبانحال امام حسین علیه السلام 🖤🖤🖤 ابوالفضل هارداسان تئز گل بوقلبیم یاندی آی قارداش بانوای سید محمد عاملی

روضه حضرت ابوالفضل(ع) قلبیمین نذریدی بو باش قاباقوندا کسیله گل ایده حاجت قلبیمی، برآورده باشیم گر گولون شاخه‌سی صدمه گوره، خوش رنگی سولا نه قده‌ر دوز دوتاسان، گول آخینار ساغا سولا منه ده صدمه ییتیب، سیّدی! باشون ساغ اولا (بئله گوزوم یولوندا قالوب ددم اوغلی نیه گلمیرسن آند اولا ننم زهرایه سنه قارداش دیمدیم ئوز باشما) (ایندی نولار بو آخرین لحظه گله سن بیر یوزوی قویارسان منیم بو قانلی یوزومه آی قارداش ) منه ده صدمه یتوب سیدی باشون صاق اولا قالموری شاخی سنان گل کیمی پیکرده باشیم دیمورم قارداشوام عرصه ده سر لشکریوم یا الیمده علمیم واردی علم پروریوم منده گر سلطنت عالم اولا نوکریوم خاکبوس اولمیوب اولماز در دیگرده باشیم سن بیلیر سن، سنه قارداش دیمه‌دیم اوز باشیما امر زهرادی کی زحمت ویریر‌م قارداشیما گل ایاقونن اوپوم قوی الین السیز باشیما اولا تا آخر عمرومده نظر کرده باشیم گَل خجل اییله‌دی دونیا سویو، سرلشگریوی سربلند ایله سرافکنده اولان نوکریوی جان دوداقیمدادی، پیشواز ایلیر لبلریوی ایستیر عمرین ویره باشه، لب کوثرده باشیم من هُمای شرفم، حیف سینیب بال و پریم نه الیم وار نه عمودیم، نه بیر آیری کَسریم کاسۀ سر، کُلَه جنگیدی، سینم سپریم ایستیر‌م دهریده سرمشق اولا هر فرده باشیم گر چه ذبح اولماقا باشیم قاباقوندا تلَسور خنجر قاتل اسنده اودا شوقیند‌ن اَسور وار نه جلّادیده جرأت، نه ده خنجر ده کسَر باخما السیزدی چتین ال ویره نامرده باشیم راضییم قاتل بیرحم ایله سنگین دل اولا پرده‌لی بیر طبق ایچره باشیما حامل اولا قالا بیر حاله باشیم، قان گوزومه حایل اولا گورمییه زینبی اغیار آرا بی‌پرده باشیم (زینب دیور گوردوم تلین اوستونده دایانمشوخ حسینیمین رنگی سارالدی بئله قولومی دولادم بوینونا ننمین آی کمکسیز اوغلی ننمین آی اوغلی ئولن اوغلی منه ده گوروم نیه رنگین سارالدی ددم اوغلی نیه بالالاری قورخودورسان اله دییر گوردوم دییر زینب ایویم یخلب آتمی گتیرون قارداشم منی چاغروری قارداشمن گوزی یولدادی دییر ذوالجناحی حاضر الدوخ گوردوم حسینیم سوار اولا بولمور اما گوز آلتی باخدی منه حسین نیه سوار اولمورسان دیدی باجی والله بئلیم گلمیر گیر گولتوقوما باجی بلالارمندا کمرلرین باغلا رقیه مین گوشواره لرین آل دشمن الینده قالار اله گوردولر رقیه دولاشدی قدملرینه بابا نیه دایانبسان گیت عمومون گوزی یولدا قالوب ) اولمارام راضی حسین ماه جمالین پوزولا اذن ویر زینبیوه قارداش علمدارون اولا (آقا گلیر اما بیر یره یتیشنده گوردی قارداش الدن گیدیر آقا ایلشدی قارداشنون قانلی باشون آلدی دیزینون اوستونه اله یوزون یوزونه قویاندا بیر سوز دیدی) سن منه قارداشدون من بولورم ئوزگه سی بولمز مین عالم اولا عالمه مثلین داخی گلمز بیر قدی کی قارداش ئولومی بوکدی دوزلمز (ددم اوغلی نیه باشوی دیزیم اوستونن قویورسان قوملارون اوستونه حسین سن هارا من هارا من نوکرم سنه منیم نجه باشیم سنین دیزین اوستونده قالا؟ گینه گوتوردی قویدی دیزینین اوستونه ابوالفضل ئوزگه دیورم قارداشوام گویلوم ایستیر باشون دیزیم اوستونده قالا قویما یره گوزوی آچ گوز گوزه سوزوم وار دردیم وار سنن بوسوزی اشیدنده ایستدی گوزون آچا دیدی ابوالفضل آند اولا ننم زهرانین سنان قابرقالارنا دا راضی دیرم آچما گوزوی قارداش بونا گوره دیدی آچما گوزوی ) بئلی سنسون ددم اوغلی بئلیمی سندرانون گوزی چخسون آتام اوغلی گوزوه اوخ ورانون دیمیرم بو تلین اوستون منیلن دوروب آشیدون دیمیرم یوزون یوزونده منیلن بیر آغلاشیدون دییرم قولون اولیدی منیلن قوجاخلاشیدون #اوخشاما سولوب گلوم آی سنب بئلیم اییی اویان وفالی قارداشیم اییییی یامان گونومده یولداشیم اییییی یارالسان وفالسان اییییی دوشوب بلالره باشین اییییی یامان‌گونومده قارداشیم اییییی

روضه حضرت ابوالفضل(ع) قلبیمین نذریدی بو باش قاباقوندا کسیله گل ایده حاجت قلبیمی، برآورده باشیم با نوای حاج شهروز اردبیلی😭😭🖤🖤

‍ #روضه حضرت ابوالفضل(ع) نهری تسخیر ایلدی اوچ گئجه روحون سخان رویانی تعبیر ایلدی سسلدی ای سو جوانمرد اول سوسولارنان بارش (اوابوالفضلی که هامنون قاباقندا دایانوب هیچ پهلوانان سوز یمیر ایش بیر یره چاتدی سویا یالوارر) سسلدی ای سو جوانمرد اول سوسولارنان بارش من وساطت ایلرم سنده رقیملن بارش اهل بیته اولسا خدمت فکرون العان وقتیدی آند اولا اربابه اطفالین پریشان وقتیدی (یری وار سو دیه ابوالفضل کیمنن دانشرسان کیمی دیورسن؟ بئله باخدی آی سو من خیمه لردن گلنده گوردوم قالمشدی ربابین یاخاسی اصغر الینده بیر باخدی سویا دیدی آی سو) من یاخانان چکمرم ال چون یاخام الرده دی چوخدی دردیم سنده بیر درداولما درمان وقتیدی قول ویر اخیامه جک ترک ایلمزسن مشکیمی هرنه اولسان کوفی اولما ایکاش اریدیدی منی غیرت سو اولیدیم بوردان یول آلاردم سوزولردیم خیمیه ساری قیزلار ایچه باهم دیه احسان ابوالفضل سویی آهینه کیمین دوتدی مقابل باخدی گوردی بیر صحنه اورک قانی گوزونن آخدی بارماقون گوردی رقیه ورور اشک ترینه تاپمیور چاره یاخور اصغرینون لبلرینه (زینب دییر حسینملن دایانمسوق تلین اوستونده باخوروخ میدانه دییر گوردوم حسینیم بئله گولومسونور اله بیر علی اکبری ئولمیوب اله بیر قارداشلاری ئولمیوب دیدیم حسین جان صبحدن سنی بو حالدا گور مه میشم نه یامان گولورسن نه سونورسن؟دیدی باجی ایشیدمیرسن؟ دیدی باجی قولاق ویر) سوزش لحن علمداریمله داغ داش سسلنور هیچ منه قارداش دیمزدی ایندی قارداش سسلنور (قولاق آساندا گوردولر اله دییر دای ئولورم آی قارداش)

نوحه حضرت ابوالفضل (ع) ای  سو  اوسته  دوشن- قو لی  هم   پرچمی قان    دولان    گوزلری -  آغلادان     عالمی عباس      عباس  -    یارالاندی        باشین قالدی     یالقوز  -   بو   حسین    قارداشین ای    دل  آرا      اولان -  سرویدن     قامتی ماهیدن     باج     آلان -   او    قمر   طلعتی گوزومون      نوریسن -  دیزیمین     طاقتی دور  الیمدن  دوت  ای- سّریمین    محرمی نه  الین  وار  دییم -  بوینوما   سال   قولون نه  سویون وار دییم -   هامی گوزلر یولون سو یولوندا دوشوب-   هم ساقون هم صولون نیه  گلمور   سسین-  ای  حسین   همدمی آچ  گوزون  یا  اخا -    قویما  گریان  اولوم یری  وار   غصه دن-  من   پریشان  اولوم دیمه    شرمنده یم –  سنه    قربان   اولوم گوز   یاشین  ایسلادوب -  ساحل   علقمی ای   الیندن    دوتان -  هامی   یالقوزلارین سنده دی  ای  قمر – گوزی    اولدوزلارین اوجالوب     ناله سی-  بالاجا       قیزلارین سو  غمیندن   چتین -  اولدی   سقا   غمی دییرم      زینبیم -  یاسیوی     ساخلاسین حرمیم     آغلاسون – جیگرین   داغلاسین گیت    آنام   فاطمه -  یاراوی    باغلاسین آغلات   ای  تشنه لب -  کوثر   و   زمزمی ساقی    تشنه  لب -  سولار   آغلار    سنه سو   دیوب   چولده  آ - هولار   آغلار  سنه گوزلرین    توپراقی -  سولار    آغلار  سنه دییرم     اهل   بیت -  دوتا       بو    ماتمی **  حاج ولی اله کلامی

ای سو اوسته دوشن قولي هم پرچمي سینه زنی و مداحی به زبان آذری در سوگ امام حسين(ع) 🎤با صدای «حيدری»

نوحه حضرت عباس ع شب تاسوعا زنجیر زنی سه ضرب بانوایکربلایی_منوچهر_حسن_زاده شاعرمرحوم_فرهاد_فکری_اردبیلی یاحسین یاحسین شرمنده نوکرم من اوخلانوب سو مشگیم یولووی گوزلریم من سقایم سقایم سقای تشنه گانم سو اوستن گلنده باغلادیلار یولومی دورت مین اوخ آتانلار آلدی صاق و صولومی سالدیلار ظلمیله نخلستاندا قولومی اللریم دوشوبدی عنقای بی پرم من سرو تک یخیلدیم آخر قانلی چمنده اوچیلار شیریوی سالوبدیلار کمنده باشیمی دیز اوسته گل آل قارداش ئولنده یالقوزام بی کسم بی یار و یاورم من ئولونجه چیخمادیم قارداش حسین سوزوندن اوخلاندی سو مشگیم منی سالدی دوزومدن بیر اوچ پر اوخ دگوب بو چولده صاق گوزومدن گوزلریم دعواده گورمه سه نیلرم من نوکرم ایت قبول اگر چه ناقابلم خیمه ده قیزلاردان صد حیف اولا خجلم جان اوسته من سنون دیداریوه مایلم بیلورسن خاطروی چوخ چوخ ایسترم من عباسون غصه سی اندازه دن رد اولدی دوشمنیم بو چولده بیلورسن نامرد اولدی سقالیق آخرده منه بیوک درد اولدی شرمنده ی روی علی اصغرم من ناامید اولمیشام من بو اوزون اللردن دشمنی ایلیور شماتت دور و بردن مشگییمده سو یوخدی شرمندیم اصغردن بو چولده شاهین شکسته شهپرم من

‍ حوالات حضرت ابوالفضل (ع)نوحه 🖤(سبک : کاروان رفته منزل به منزل...)🖤 ****** قارداشین قانینه باتدی قارداش دوشدی قوللار علم یاتدی قارداش ساق گوزوم سوزدی باش پارچالاندی غملی زهرانی آغلاتدی قارداش تیر غم قلبیمی بولدی قارداش داده گل قارداشون ئولدی قارداش قویما فرصت گئده باده قارداش هارداسان تئز گل امداده قارداش گوردی قولسوز آت اوستن یخیلدیم گلدی زهرا ننم داده قارداش تیر غم قلبیمی بولدی قارداش داده گل قارداشون ئولدی قارداش گوردی قولسوز منی جان طاها بیر قولون آچدی ام ابیها قوللارون یوخ دئدی تنده اوغلوم سینمه گل اوتانما اوتانما تیر غم قلبیمی بولدی قارداش داده گل قارداشون ئولدی قارداش گل باشیم دوشدی دام بلایه ابر غم باشیمه سالدی سایه خیمه لرده حسین چوخ یوبانما سروریم رهبریم گل هرایه تیر غم قلبیمی بولدی قارداش داده گل قارداشون ئولدی قارداش یاندی دل نار هجرانه قارداش غرق اولوب پیکریم قانه قارداش سالدی آهن عمودین جفاسی باشیمی غملی طوفانه قارداش تیر غم قلبیمی بولدی قارداش داده گل قارداشون ئولدی قارداش

فتح الیوب نهری سودان ، ایچمیوب کرب وبلانین نئجه سقاسی وار؟ شیعه لرین حضرت عباسی وار آند ایچیرم که اونا تای ، گلمیوب کیم دئسه گر تای گلجک، بیلمیوب گوزلرینون قانین هنوز، سیلمیوب شیعه قولوبینده یاشور ، اولمیوب گوز یاشینا رحمت دریاسی وار شیعه لرین حضرت عباسی وار قوی یازا (لطفی)قلم احساسی وار قوی سوروشا هرکسین ، آشناسی وار هر گروهون دوزدی که آقاسی وار هانسی گروهون بله مولاسی وار؟ شیعه لرین حضرت عباسی وار

شعراز_مرحوم_شانی امان_نامه _                                                        ✍ عصر تاسوعا قریب شام عاشورائیدی چخدی لشکردن کناره شمر شوم نابکار ◾◼◾__ یوز دوتوب سمت سپاه شاه دینه دادیله سسلدی أَینَ بنو أُختی؟ سوزون  ایتدی کرار     ◾◼◾____ بولدی شمرین مقصدین پور رشید مرتضی باشینی سالدی اشاقه  با کمال انکسار ◾◼◾____ شاه دین یوز دوتدی عبّاسه بویوردی یا أَخا شمر ذی الجوشن سیزی سسلور گورون نه قصدی وار؟ ◾◼◾____ ایلدی عبّاس فوراً امر شاهه امتثال خارج اولدی خیمه لردن مرتضایه یادگار ◾◼◾____ یوز دوتوب اکراهیله شمره دئدی قصدون ندی؟ وئردی عبّاسه بو طرزیله جواب اول کین شعار ◾◼◾____ هم قبیلم دور آنان سن قتله یتسن تا وارام اوز قبیلم ایچره اولّام بو عملدن شرمسار ◾◼◾____ گئت گوتور قارداشلارون گَل ملحق اول بو لشکره اول سپه سالار لشکر واردی سنده اقتدار ◾◼◾____ هر ریاست ایسته سن وار سویسن هر بیر منصب آل سر سپه حتّی سنه اوز شغلون ایلر وا گذار ◾◼◾____ آلمیشام کتباً امیریمندن امان نامه سنه یوخ تعرّض سیزلره گر اولسا هر شهر و دیار ◾◼◾____ تا ایشیتدی بو سوزی پور غیور مرتضی تیتردی اعضاسی اولدی طبعینه چوخ ناگوار ◾◼◾____ سویلدی ای بی حیا دنیاده عار اولسون سنه شرم ائدورسن اوز آنامدان ایتمیسن زهرادن عار ◾◼◾____ فاطمه اوغلون قویوم یالقوز گلوم سردار ئولوم؟ یوخ بو منصبده شرافت ، وار مذلّت زینهار ◾◼◾____ نه امان نامه نه منصب نه ریاست نه جلال بیر گونوم اولسا حسین سیز عالم اولسون تار و مار ◾◼◾____ سن خیال ائتمه حسینه قارداشام سر لشکرم بیر غلامم گر قبول ائتسه بو شاه تاجدار ◾◼◾____ طول وئرمه صحبته قورخار حسینون قیزلاری خیمه لردن گورموسن زهرا قیزی زینب باخار ◾◼◾____ فکریمه بیر سوز گلور نوعاً چوخ استبعادی یوخ تا خیمده بو خبر نشر اولدی تاپدی انتشار ◾◼◾____ شمر عبّاسیله میداندا ائدنده گفتگو خیمه لرده زینبه یوز وئردی حال انکسار ◾◼◾____ یوز دوتوب درگاه حقّه یادگار فاطمه عرض ائدوب ای دادگر ای مهربان پروردگار ◾◼◾____ قارداشیم عبّاسی آیا بس آنام امّ البنین بسلموب اولسون حسینه بیر بئله موقعده یار ◾◼◾____ شمر آییرسا بیربیریندن بو ایکی قارداشیمی وای منه اولّام یقیناً تا وارام دنیاده خوار ◾◼◾____ شمر گوردی ایلمز عبّاسه افسانه اثر شاهباز اوج همّت کرکسه اولماز شکار ◾◼◾____ او قیتدی لشکره عبّاس خجلتدن ولی شرم ائدردی بیرده سمت خیمیه ائتسون گذار ◾◼◾____ شه توجّه ائتدی لطفاً با وفا سردارینه گوردی عبّاسه وئرور دنیای دون بی حد فشار ◾◼◾____ آز قالور ئولسون خجالتدن او غیرت معدنی ایلدی احضار حضوره قیلدی رأفت بی شمار ◾◼◾____ هر سوزی گرچه امامون قولیجه اولماز دئماخ وار ولی شهرت بو سوزده منده ائتمم استتار ◾◼◾____ ایتدی فرمایش ابوالفضله غریب کربلا میلون اولسا گیتمگه قارداش واروندی اختیار ◾◼◾____ بولمورم بو سوز ابوالفضله نقدر ائتدی اثر دوشدی توپراقه قدوم شاهه اولدی خاکسار ◾◼◾____ عرض ائدوب مولا قاپوندان قوما بیر عبدم ذلیل اولماسام قابل ، قبول ایله واریمدی اعتذار ◾◼◾____ سیّدی سنسیز حیاتی نیلورم دنیاده من خوش دگل سندن صورا عمر اولسا گیرم صدهزار ◾◼◾____ فرض ائله من بیر غلامم شاهزاده اکبره تا ائدوم احراره بیله بندلیقدان افتخار ◾◼◾____ وئرماقا پایانه اوز پیمانیمی خوشخوانیله ایسترم توفیق حقدن عهدیم اولسون استوار ◾◼◾____ خالقیم قیلسون عطا سالم بدن آسوده دل دلنشین اولسون سوزوم چون شعر «شأنی» آبدار ◾◼◾____ مایلم بیر اربعین اوچ اکبر آدلی نوحه خوان اتّفاقیله نصیب اولسون او شش گوشه مزار

خدايا🙏 بحق اين ماهِ عزيز🖤 به ابروےزینب🖤 به بےقرارےرقیه🖤 به غیرت عباس🖤 به حرمت موی سفید ارباب🖤 ﺁﺭﺍمــــش ســلامـــتـــی عــــزت، مـــوفــقـــیـــت، ســربــلــنــدی، ســرافـــرازی شــفــای عــاجــل بــیــمــاران عـاقــبــت بــخــیــری جــوانــان را نــصـیــب هـمـه مـا بـفــرمــا🤲🤲🤲🤲