کوچ از قتلگاه 🆔: هندی تبریزی چون قتلگاهدن دوزولوب شامه قافله دوشدی حسین ایاقینه زینب گلوب دیله قویمازلار آغلیوم سنه بیر آن دوروم گیدوم تا گوز یاشیمله دردیمی بیر آندوروم دوروم گیدوم باش قویماقا ایاقیمه صحرای عشقده گوزلور یولومی خار مغیلان دوروم گیدوم چون سن طریق عشقیده ترک سر ایتموسن منده بو یولدا بی سرو سامان دوروم گیدوم بو نحویلن که سیل کیمی گوز یاشیم آخار قالسام دوتار بو عرصه نی طوفان دوروم گیدوم کربوبلا ده هر نه بلا واردی چکمیشم قالدی بلای کوفه ویران دوروم گیدوم یوخ بیرزادیم الیمده برادر تالانمیشام لابد گرک سنی قویوم عریان دوروم گیدوم چوللرده قالدی السیز ایاقسیز اوشاقلارون ایندی داغیلدی هر بیری بیریان دوروم گیدوم چاره م کسیلدی یتمز الیم بیریره داخی دفن ایتممیش سنی نجه بوردان دوروم گیدوم چوخ ایستورم دوروب دولانام باشیوه سنون باشسیز قالوب سکینه نالان دوروم گیدوم از بس چکوبدی شعله  یانان وقت خیمه لر بیر پارچا اود دوتوب بو بیابان دوروم گیدوم قارداش دوشوب یتیم لرون بیر یانار اودا ممکن دگول او اوددان اوزوم یاندروم گیدوم من بولمورم نه دیللریله اوخشیوم سنی یا دردیمی ایدوم نجه پنهان دوروم گیدوم قارداش یارالی جسمیوی من بیله بولمدیم حالیم دولاندی اولدی پریشان دوروم گیدوم من ایمدیکه یارالاریوی خشک ایدنمدیم قوی باری گوز یاشی توکوب الان دوروم گیدوم ایوای منه وروبلا باشون نیزه باشینه بوباش دالینجا قوی گله هریان دوروم گیدوم قوّت گلور بو قلبیمه گلدوقجا خوش سسون باشون ایدور تلاوت قران دوروم گیدوم گوندوز گرک گورم گیجه نون من تدارکین گلدی زمان شام غریبان دوروم گیدوم چون هر جنازه اوسته حسین یاندورالا شمع منده چراغ آهیمی گوی یاندروم گیدوم یاخشی دگول که چوخ اوتوروب دردسر ویرم یاخش بودور کی تز گیده مهمان دوروم گیدوم بلبل کیمی بو گل بدنوندن دونمورم وار هاردا بیله صحن و گلستان دوروم گیدوم فکریم بودور بو شهرده ، #هندی اوتورمیوم یا کربلایه یا که خراسان دوروم گیدوم

پول مداحی برکت نداره! صحبت های قابل تامل حاجی حسین فخری راجب تعیین نرخ جهت مداحی کردن در مراسمات

مصائب حضرت زینب (س) من    زینبم   که    کوفه لیلر    ویردیلار   منی بی عاطفه     جماعت      اوتاندیردیلار    منی بیر   شهریده که   همسایه   قدیمی گورمیوب او شهریده کوچه  به کوچه  دولاندیردیلار منی **** من     زینبم   اوّل   ننه دن     بختور    اولدوم بش سینیده   قالدیم  ننه سیز خونجگر اولدوم گئتدی  آتا  قارداش  قره  اوستن قره  سالدیم آخیردا   حسین   ئولدو بئله   در به در    اولدوم **** من  زینبم   الله   هارا      گتدیم    قارا    باشدا بو   قاره نی  آخر    آپاروم   من    هارا    باشدا ئولسمده    اگر  چخمیاجاق    کوفه    یادیمنان بازاری دولاندوق   باجی  قارداش  یارا   باشدا **** من        زیبنبم     قلبیمی       غم      داغلادی فلک     منیم     چاره        یولوم         باغلادی کربلاده            غم         باشیما            الندی کسیک        باشلار        احوالیما         آغلادی **** من       زینبم    الیم         الدن          اوزولدی صف         عشقه       قارداشلاریم    دوزولدی رسمیدی       اولدوزلار        گیجه       سوزولر منیم         اولدوزلاریم        گونوز    سوزولدی **

قوی دییم نلر چه میشم حسین من گچن گجه روزگاریدن بیر یانان چادر منزلیم اولوب گور نه دوشمشم اعتباریدن صبح اواولونجا اطراف خیمه نی گزمیشم هراسان گچن گجه   اهل بیتوه  پاسبان اولا اولمیاخ هراسان کچن گجه  بیر نفر مسلمان تاپانمادیم اهل بیتوه پاسبان اولا  اینجیدیم داخی بوردا قالمارام گورمدوم وفا روزگاریدن  سنده یارالی منده یارالی2 من گلنده بوچوله  گلمیشیدیم یاوریلن ایندی اما گئدیرم شمر جفا پروریلن دور دعا ایله منی بوکسلن اللریلن قافله ام بلکه یته شامه سلامت یارالی سنده یارالی منده یارالی2 جانمی لرزه دوتوب بسکی آغردی بوسفر هم ازون گل همی وئر قارداشیم عباسه خبر علمین آلسین اله باجیلاری شامه گئدن ایلسن شیر خدا سهمین عیان قارداش اویان سنده یارالی منده یارالی2 یوخ سوزوم چوخ باجنین قارداشی دعواده ئولر رسمیدی خوش دیلله تسلیت اما وره لر کیم گوروب باجینی قارداش  باشی اوسته دویه لر بو ره عرفدی یارسم شریعت یارالی نجه من آغلامیم صبرن ئولن قارداشیما اشکیمین قانی قارشسن یری وار گوز یاشیما بوتسلی دی مگر قمچی وروبلار باشیما بونه عالمدی حسین سن یارالی من یارالی سنده یارالی منده یارالی   می توانید دانلود کنید                دانلود مهدی لیثی   این را از روی سی دی  با صدای مهدی لیثی نوشته ام شاید ممکن اشتبا هاتی داشته باشه که ازهمه عزیزان عذر می خواهم 

کیه این امام سجاد ( علیه اسلام ) ؟ منبع : شرح زیارت جامعه کبیره ۹۹۰۱۰۱۸ یا سید _ الساجدین

زبانحال ساده با آقا امام زمان(عج) اسوب خزان یلی باغ و گلشنه باخ گلشنده سولان گله گل آقا دوت الیمدن قویما دوشوم ایاقدان کرم قیل بو خسته دیله گل آقا باخ منه بیر آن آقا😭😭 قلبیم اولوب قان آقا😭😭 رحم ائت عاشقلرون بو گوزیاشینا هجرون سالوب شرر اورک باشینا ئولسم یازون سیز قبریمون داشینا هردن منی بیر یاد ائله گل آقا جان سنه قربان آقا😭😭 قلبیم اولوب قان آقا😭😭 گلم ائله آه و وایا گئجه لر غمیم گلمز سنسیز سایا گئجه لر دردی دل ائیلرم آیا گئجه لر یانوب دوندوم داخی کوله گل آقا گل بیزه مهمان آقا😭😭 قلبیم اولوب قان آقا😭😭 غم کاسه سی دولوب بوشالدی آقا چوخلی سوزوم اورکده قالدی آقا هجرونده عاشقون قوجالدی آقا یوخدی دوزوم بو نسگیله گل آقا حالیمه باخ یان آقا😭😭 قلبیم اولوب قان آقا😭😭 فراق اوتوندا نقدری من یانیم نقدری یولارا باخیم اوتلانیم گل ئولممیش باشیوا بیر دولانیم یولوی سال بو منزله گل آقا عالمه سلطان آقا😭😭 قلبیم اولوب قان آقا😭😭 باخ گوزومنن آخان اشک آلیمه نظر ائله اوزون یانان حالیمه فدا اولوم سنه یابن فاطیمه گلسون گلر اورک اله گل آقا چتیندی هجران آقا😭😭 قلبیم اولوب قان آقا😭😭 👇👇

آن روز که شهر ، از تو پر غوغا بود 🖤در خشم تو هیبت علی پیدا بود آن خطبه پر شور تو در کوفه و شام 🖤فریاد بلند و طرخ عاشورا بود

🌸🌸 کوچ از قتلگاه 🌸🌸 دورحسین کرب وبلادن گئدیرم چکورم ال شهدادن گئدیرم یانمیشام جورو جفادن گئدیرم سنه من اغلامادیم_یاراوی باغلامادیم دور اذان وئر یارالی_یول نشان وئر یارالی اورگیم وحشت وغمدن دولودی یولوم ازار و اذیت یولودی دور دعا ائت سفريم قورخولودي دور ه می دشمن آلوب _ایشیم اللهه قالوب دور اذان وئر یارالی_یول نشان وئر یارالی باجون ئولسون سینه می داغلادیلار یوم گوزون قولاریمی باغلاد یلار قمچی گورجک بالالار آغلاد یلار علی اکبر با جیسی _داددی قمچی اجیسی دور اذان وئر یارالی _یول نشان وئر یارالی دور یولا سال باجووی یاتما حسین بو قدر زینبی آغلاتما حسین منی بیگانه لره قاتما حسین سوزلی یم قصه لی یم _غملی یم غصه لی یم دور اذان وئر یارالی _یول نشان وئر یارالی قره گونلی باجووام گوگلومی آل کسیلن اللریوی بوینوما سال خدا حافظ گئدیرم ایله حلال بیرده مشگلدی گلم _قورخورام یولدا ئولم دور اذان وئر یارالی -یول نشان وئر یارالی بیزی بیر تاپشوراسان ساربانا بلکه انصاف ائلیه بیر اوتانا قمچی سیندن بالالار گلدی جانا رحم ائده قزلار یوا_بو اغولسیز لاریوا دور اذان وئر یارالی _یول نشان وئر یارلی قوملار اوستونده قالب گل بدنون هانی زهرا توخویان پیر هنون خس و خاشاک اولا جاقدور کفنون یارالار قان وئرور یارالی _یول نشان وئر یارالی یول اوزاق راحله یوخ مطلب اغیر هر طرفدن باشیما قمچی یا غیر کمکیم یوخدی ابوالفضلی چاغیر علمین آلسین اله _ناقصاتیم دوزه له دور اذان وئر یارالی _یول نشان وئر یارالی ای"کريمي" يوزه ائت اشکی سبیل سال اوزون درگه مولايه دخیل اولماسان هر ايکي دنياده ذلیل سسيوي قات سسينه- زينبين نوحه سینه دور اذان وئر يارالي-  یول نشان وئر یارالی

تاريخ: ۱۳۹۵/۰۹/۲۷ احوالات حضرت رقیه (س) در کوچ از قتلگاه   اوایل شعر حذف شده است   او غملی دشتده هر کس یاناردی اوز کسینه دوشندی نازلی رقیه آتا جنازه سینه   غریق ِبحرِ بلا باخدی بیر سفینه سنه اوزونی سالدی حسینون یارالی سینه سنه   اوپوب کسوک بوغازین آهی عرشه اوج ایتدی توکندی صبرِ دلی اختیاردن گیتدی   توکوب عذارینه ابرِ بهار تک قانیاش دئدی بابا سنی بو نوع گورمیدیم کاش   سوسوز کسوبله باشون سو کیمی اخوب قانون قالوبدی گونلر ایونده بو جسمِ عریانون   سنی بو حاله سالوب هانسی بر شل اولموش ال؟ گوروم اولیدی سنه بو یارا وران الی شل   کسوب کیم اللریوی کیم لباسوی سویدی؟ منی بو خورداجا وقتیده کیم یتیم قویدی   اوقدر ووردیلا قمچی بو کوفیان باشما آخوب باشمدان آخان قان قارشدی گوز یاشما   همیشه مئهر و محبّتله ای شهِ عطشان یتیملر باشنا چوخ چکردون ال باباجان   دو ساقلقون کیمی بیرده منی قوجاقوا آل الیوی باشمه چک قولّاریوی بوینوما سال   بو دل شکسته نی بیرده یتور مرامه بابا یانوندا ساخلا آپارسونلا قویما شامه بابا   جفای شمره داخی دلده طاقتیم یوخدور پیاده گیتماقا یول دیزده قدرتیم یوخدور   اوقدری دیل دئدی دلدن اوجالدی افغانی گتوردی رقّته قلب ِشهِ شهیدانی   گلوب تلاطمه صد پاره دوغرانان پیکر اوجالدی ناگه او دم ساربان کسن اللر   آچلدی قولّاری گلدی محبّتی جوشه او سؤگلی بالاسین چکدی جان تک آغوشه   ویروب او حالیده سعد اوغلی کوچ فرمانین یانان گوگل لرین عرشه اوجاتدی افغانین   دیدی دایانمیون ای کوفیان ِکینه شعار ایدون یارالی بدنلردن اهلبیتی کنار   النده قمچی نچه دسته قوم ِکافردن نجه آیردیلا بلبللری او گللردن   دویونجا قویومادیلار سس چکوب بیر آغلیالار او گل بدنلرون استنده سینه داغلیالار   وروبلا باشلارینا بسکه اهلِ کینه تتار آنا اوغول باجی قارداشدان آیریلوب ناچار   وارا وارا اولاری ایلیوبله ناقه سوار دیار کوفیه یولّاندی دست بسته قطار   سکینه قالدی آتا نعشی اوسته ناله کنان گلوب آیرماقا زجر بن قیسِ بی ایمان   چکوب او گل بدنی گوردی جان تک آغوشه گل عطری بلبلی مدهوش ایدوب گیدوب هوشه   بالاسنا آتا لطفین ز بسکه شامل ایدوب ایکی کسوک الینی بویننا حمایل ایدوب   بو فکره دوشدی وورا فاطمه نشانه سنی چکوب بیلندن او ساعتده تازیانه سنی   بناتِ فاطمه دن صبر و اختیار آلدی او دوغرانان بدنی قمچی آلتنا سالدی   نقدری ووردی حسینون یارالی پیکرینی سکینه دن شهِ دین چکمیوبدی اللرینی   یتیشدی گوردی بو اوضاعی شمرِ بی پروا حسینی وورما دئدی چکمه زحمتِ بیجا   بو قیز که سن گوروسن گلشن ِوفا گلیدور عزیز ِفاطمیه ببر عزیزه سوگلیدور   صباح و شام بو شیرین دله بو شاهِ انام ویروردی مِهر و محبّتله سینه سنده مقام   حسینی وورما گلن وور بو ناز پرورینی سکینه دن چکه بلکه یارالی اللرینی   بیله رؤف بیله مهربان آتا اولماز حسین سکینه سنی ورماقا رضا اولماز   الینده قمچی گلوب جرئته او شوم و لعین هوایه قوزادی ناگه او دم شل اولموش الین   خدادن ایلمدی شرم او حقّدن بیزار آتا یانیندا عزیزه بالانی وورمازلار   سکینیه دیمرم ایلدی نه ظلم و جفا عزیزِ فاطمه نون دوشدی قولاریی یاننا   آیردیلار او گلی شاخهء ولایتدن ولی خزان گلی تک سالدیلار طراوتدن   نهان عداوتنی شمر اشکار ایلدی ورا ورا گتوروب ناقیه سوار ایلدی   باخان او طفله دوتوب اود اورکدن اودلاندی خلاصه کوفیه محنت قطاری یولّاندی   غریبه حال شهِ کربلاده گورسندی دوروب ایاقه او باشسیز جنازه اگلندی   وفا و مهرینی عالملره نشان ویردی عیالینون دالیجا اوزی اذان ویردی   گینه علاقه سینی کسمیوب عیالندن بیر آن بالالارینون دوشمیوب خیالیندن   اگر چه پیکری توپراقلار اوسته قالمیشدی جدا باشیندا گون کیمی اوجالمیشدی   دیارِ شامه کیمی نیزه لرده صبحیله شام ویروردی تسلیت اطفالینه او شاهِ اَنام....   مرحوم صحاف تبریزی منبع مجموعه کانالهای مدح و مرثیه موضوع: کوچ از قتلگاه , زبان شعر و شاعر: نوحه ترکی , صحاف تبریزی