🍃 توسّل بحضرت ولیعصر(عج) 🍃 دَوای دَرد و اَلم صاحبَ الزَّمان گله جک بوگلشنی پوزولان دینه باغبان گله جک اجازه  اولسا اگر   رَبّ  ذولجَلالیندن جلال اَرض و سَما ، مُنجی جهان گله جک حَقی قسم وئرورَم عرشینون جَلالتینه فَرج امورینه اَمر ایلَسون که جان گله جک ظهوری باشلاناجاق کعبه دن یازولّا اونون مدینه شهرینه امّا ئورکده  قان گله جک یانان قاپی گِنه ده نوحه سین او گون تَزَه لَر جوان ئولَن نَنَه نون یوسفی جوان گله جک اوگونده فاطمه نون قبری آشکار اولاجاق او غملی قبری وِئرن بیزلره نشان گله جک اَلینده پرچم نُصرت ، گَلنده  گورسَنه جک او پرچمی گتوروب کعبیَه وِران گله جک هایانداکاخ لَرین خِشتی قانیلن دوزولوب همان او کاخ لَری پایه دَن یخان گله جک ستمگرون  قَدینی  انتقام  اَلی  اَگه جک او باطل عمرینه بیرتیغ جانستان گله جک دیانَتین ساتوب هرکیمسه نرخ سیم و زَره او اُمَّتین حالینا بیر نماز قیلان  گله جک گلنده صوت  اَنَالحَق  دوداقلاریننان اونون عُروق دین مُبینه دوباره  قان گله جک اگر چه  گُللریمیز  آفت  سِتمله سولوب کِئچربوفصل خزان بیرده گُل ستان گله جک عَدالتیله   اَله  تیغ   ذوالفقاری   آلان بوگون صاباح بیریگون بیلمورم هاچان گله جک جهاندا چوخلاری وار جمعه لَر گودَر یولونی دیوله هاردا قالوب بَس او مهربان ،گله جک وداعِ روضه سینی (نادرا) بهانَه ائله  اوخونسا هاردا یقین گوزیاشی روان گله جک         ( اللهم عجل لولیک الفرج )

بانوای عبداللهی ====👆 السلام علیک یا فاطمه الزهرا (س) زبانحال زینب کبری(س) در تشییع مادر گونی قاره زینبم من آنام ایوای آنام ایوای زینبون دویمادی سندن آنام ایوای آنام ایوای اِئووندن نصف شب هارا گدیرسن سینه ده یارا گدیرسن نچه آیدی اویمیزدن اوجالور ناله صداسی سنی آغلاداردی دائم باشیوون دردوبلاسی وای منه ساغالمیوبدی قانلی سینوین یاراسی اِئووندن نصف شب هارا گدیرسن سینه ده یارا گدیرسن کیم گوروبدی بیر جوانین قدّی سن کیمی بوکولسون نیلمیشدون قاپیمیزا نچه بی حیا توکولسون سینوی میخ در اُؤیسون زینبین قلبی سوکولسون اِئووندن نصف شب هارا گدیرسن سینه ده یارا گدیرسن آناجان جوانلیقیندا رخت وصلی نیه سویدون منی بو اوشاخلیقیمدا سن اوزون یرونده قویدون سنی درد و غصه یوردی نیه مندن بئله دویدون اِئووندن نصف شب هارا گدیرسن سینه ده یارا گدیرسن بو گئجه قال آنا ایوده سینه سین داغلیه زینب صبحه تک سنه دویونجا سس چکه آغلیه زینب او دوزلمیین یاراوی تازه دن باغلییه زینب اِئووندن نصف شب هارا گدیرسن سینه ده یارا گدیرسن ای پرستوی مدینه دوشموسن دام بلایه قوزانار ناله ی زینب آناجان عرش علایه ایاقونان اوپورم من گله سن کربوبلایه اِئووندن نصف شب هارا گدیرسن سینه ده یارا گدیرسن رسم عالمدی آنایه سویلییر دردینی هر قیز محنت و غم لر الینده قالدی زینب ولی یالقیز (بیکَس) اولسا غم و دردین کیمه سویله سین یتیم قیز اِئووندن نصف شب هارا گدیرسن سینه ده یارا گدیرسن ✍کربلایی مهدی عبادی (بیکس)

‍ ۞زبانحال امیرالمومنین(ع) کنار قبر مخفی حضرت زهرا(س)۞                    ۞سینه زنی۞ 🌹🌹🌹🌹🌹🌹🌹🌹 ئولدروبلر سنی  زهرا  نجه من آغلامیوم قالمیشام بی کس و تنها نجه من آغلامیوم 🌻🌻🌻🌻🌻🌻🌻🌻🌻🌻🌻🌻 ای علی غصّه سینی درک ایلوب تز قوجالان در و  دیوار  آراسیندا  سسی  بیردن اوجالان یاری یانمش قاپودا سینه سینون قانی قالان قانلی  مسماره   باخاندا  نجه  من  آغلامیوم 🍀🍀🍀🍀🍀🍀🍀🍀🍀🍀🍀🍀 منزلیم سنسیز اولوب بیت الحزن فاطمه جان اوز   ائویمده   گجه لر  آغلیا   بیلمم  اوجادان آغلیاندا   اوجادان   ایلور   حسین  دلده فغان وای  ننه   سسلنور   اوندا   نجه من آغلامیوم 🌿🌿🌿🌿🌿🌿🌿🌿🌿🌿🌿🌿 حسنی    زینبی    آرام     ایدورم  حسرتلن یوخیا    ویرم   حسینی  گجه لر   زحمتیلن گلرم   قبریوین    اوسته   دل    پر محنتیلن دولانار   باشیمه   دنیا    نجه  من  آغلامیوم 🌾🌾🌾🌾🌾🌾🌾🌾🌾🌾🌾🌾 چمن عشقیده وقت اولمادی بیر گل دره سن گُله سن گل کیمی اطفالیوی سن گُلدوره سن نازیلهو  بخت   ائوینه   زینبوی   گونده رسن زینبون   اولدی   معزّا   نجه   من   آغلامیوم 🌻🌻🌻🌻🌻🌻🌻🌻🌻🌻🌻🌻 یا حبیبی  اَجبی  جاءَ  الی  قبرک  حبیب ها  علیُّ  بشرُ  کیفَ  بشر  اولدی  غریب دور علی قبریوین اوسته الی قوینوندا گلوب یوخ دیزیمده داخی یارا نجه من آغلامیوم 🌺🌺🌺🌺🌺🌺🌺🌺🌺🌺🌺 غم غم اوستن یارالی قلبیمه زهرا قالانور وای منه سن یخلان کوچه ده ثانی دولانور ذوالفقاری چکه بیلمم ئورگیم پارچالانور بیر بیله صحنه ده آیا نجه من آغلامیوم 🌲🌲🌲🌲🌲🌲🌲🌲🌲🌲🌲🌲 قدرتیم واردی سنون قانیوی ثانی دن آلام ذوالفقاریله  شرر  خرمن  اعدایه  سالام ولی تاپشوردی پیمبر الی قوینوندا قالام صبر ایدوم دین اولا احیا نجه من آغلامیوم 🌷🌷🌷🌷🌷🌷🌷🌷🌷🌷🌷 سنیدون فاطمه دنیاده من یار و معین سن ئولندن صورا خیبرکن اولوب خانه نشین تک قاپوم باغلی دگل باغلادیلار حیدر الین راضیم  مرگیمه  زهرا  نجه  من  آغلامیوم 🥀🥀🥀🥀🥀🥀🥀🥀🥀🥀 "#عینی_فرد"حقّه شفیع حضرت زهرانی آپار چوخ مقرّبدی سنی غصّه و غمدن قوتارا بی ریا یازسان اگر نوحه آدون فوری یازار چوخ گوزل دوشدی بو انشا نجه من آغلامیوم...... 🌹🌹🌹🌹🌹🌹🌹🌹🌹🌹🌹 ✍استـــــاد عیـــــنے فـــرد 🎤اجرای شعربالا توسط استاد عینی فرد

‍ ‍ ‍ #زبانحال حضرت امیرالمومنین (ع) در کنار مزارحضرت زهرا (ع) سبک : ای حرمینه ناز ائدن ... عطری گلور محرمون ... واردی باشیمدا یا حسین ... فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم گرد غمون نشست ائدوب قلبیمه چوخ چتین سیلم جان یتیشوب دوداقیمه فاطمه راضیم ئولم گلمیشم ایندی قبریوون اوسته بیر آزجا دینجلم ئولمور علی ندن؟ ندن گلمیشم آغلیام گئدم سن ائویمه گلین گلن وقته یوخیدی چون آنان غصه لَنَردون هر زمان گوز یاشین ایلدون روان زینب عروس اولان زمان بخت ائوینه گیدن زمان فاطمه نیلوم اوندا من گلمیشم آغلیام گئدم آیریلیقون سالوبدی اود بو دل پر شراریمه یالوارورام یوخی گَله دیدۀ اشکباریمه محسنی آل قوجاقیوه گَل یوخودا کناریمه روح تاپا بو خسته تَن گلمیشم آغلیام گئدم محنت فاطمه سنی ایلدی «عینی فرد» حزین قلبووی یاندیرار چخار سینه دن آه آتشین شعر یازاندا صدقیلن یاز ائله پاک نیّتین گور نه گوزلدی سر سخن گلمیشم آغلیام گئدم

🌿 یاس کبود 🌿 یافاطمه چه خوانَمت ای بهترینِ هو از مقدم تو جلوه  گرفته  زمینِ  هو یافاطمه زگلشن هستی تو آن گلی یاس کبودِخوش سیَرو بی قرینِ هو کوثر ترا صدا کند اُمّ الکتابِ حق زائر بخانه ات شده روحُ الاَمینِ هو منصوره برمَلائک و کوثر به سَرمدی بربنده گان شدی تو عطای بهینِ هو در دامنت حسین وحسن پروریده ای کلثوم و زینبت همه مَحووعَجینِ هو لفظ تمام اِنس و مَلک گشته یاحسین بی سر نوشته نام وِرا  یا و سینِ هو (نادر) ترا بس است همین نوکری اگر شاکرشوی ز نعمت حِصنِ حَصینِ هو 🌹🌹🌹🌹🌹🌹🌹🌹🌹

🌹نوحه زبانحال حضرت زینب(س)🌹                   در سوگ مادر مهمان  گئدن  گجه جانانه  آی نَنه سن سیز اولاربو ائو ویرانه آی نَنه عزّتلی گونلریم ایستور گجه قاچا تیر غمی فلک  بو کونلومه  ساچا گئتمه دایان هَله تابیرده صبح آچا قوی منله یوزیوزه یان یانه آی نَنه چوخ تِزخزان یلی دوشدی بوگلشنه والله  یاراشمیور  بو آق کفن  سنه باری یول اوسته گَل رحم ایله بیرمنه دور بیرده زلفیمه وِر شانه آی نَنه خوشدور گنه سنی من سَسلیم آنا بیرده جوابیمه سنده دئسون جانا قویما بو سینه می  نار غمه  یانا قوی منله یوزیوزه یان یانه آی نَنه بوآیریلیق چَتین ساعتدی زینبه سن اولماسون جهان غُربتدی زینبه آخر گوروشدی بو فرصتدی زینبه سن شَمعسن قیزون پروانه آی نَنه شهرین غَریبیدور اهل ولا بوگون قولّاری باغلیدور شیرخدا بوگون مَهبط اولان ائووَه دوشدی بلا بوگون شهر اهلی اولدولار بیگانه ای نَنه یاندی قاپی اوگون گویلر کَدَر اولوب مسماریلن قاپی بیلدی نَلَر اولوب صوداَممین بالون آخر هَدر اولوب محسن اوگون دوشوب طوفانه آی نَنه 🍁🍁🍁🍁🍁🍁🍁🍁🍁

بانوای عبداللهی ====👆 شام غریبان امام حسین(ع) __________________ آچ گوزلرون ای قانه غلطان یاتما کل اوستنده پریشان زهرا آناوی دیندر اوغلوم گلدیم دوتام شام غریبان حسین یارالاریوا قربان اسیر بالالاریوا قربان دور ای شه قلبی شکسته یاتما کول اوسته زارو خسته ای زینت آغوش زهرا گل یات یارالی سینم اوسته حسین یارالاریوا قربان اسیر بالالاریوا قربان اهل جفا سنی یوروبدی فاطمه قلبین یاندیروبدی آنّوندّا گورّم بیر یاران وار شیشه کیمی داش سیندیروبدی حسین یارالاریوا قربان اسیر بالالاریوا قربان غمونده آغلارام حسینیم سینمی داغلارام حسینیم توان اولا سینان قولومدا یاروی باغلارام حسینیم حسین یارالاریوا قربان اسیر بالالاریوا قربان گوندوز قرا یللر اسنده تاب وتوان قالمادی سنده باشیما توپراقی سپردوم شمر باشون سوسوزکسنده حسین یارالاریوا قربان اسیر بالالاریوا قربان اوغول بیوک جنایت اولدی سنه چوخ حکّ حرمت اولدی باشسیز جنازون یرده قالدی خیمه لرونده غارت اولدی حسین یارالاریوا قربان اسیر بالالاریوا قربان باد ستم باغیوه اسدی جفاده ساربان تلسدی ال باشدا من ایوای دینده او ظالیم اللریوی کسدی حسین یارالاریوا قربان اسیر بالالاریوا قربان آیری دوشمز بلبل گُلندن آدون دوشمز آنان دلیندن دوتوبدی دامنون ولایی اوزنوکروندی دوت الیندن حسین یارالاریوا قربان اسیر بالالاریوا قربان عبداللهی تخلص به ولایی✍

بانوای عبداللهی ====👆 وصیت ام ابیها اسوه تقواحضرت زهرا (س) به علی ابن ابوطالب (ع) سبک عم اوغلی چوخ گل سارالار کناریمه گل عم اوغلی جان آغلاماسنه قربان شرشگیوی کل عذاریوه باغلاما سنه قربان آغلاما حسین آغلور اشکینی یوزه باغلو عم اوغلی عجّل وفاتی من ایستدیم نمازاوسته قاپوم یاناندان مریض اولوب اولموشام اودور خسته آچیب یارامی بیر اللّی باغلیاردیم آهسته غمیمده داغلی سینوی داغلاما سنه قربان ولایت اوسته گلون صولوب چون دوچاراولوب خاره سینمده واربیر درین یارایوخ او یارمه چاره ایوه گئدیب گلسن هرزمان باخما قانلی مسماره یانان قاپیمی عوض ایله ساخلاما سنه قربان سنه نجه شرح ایلیوم باشیمین بلاسیندن یانارقلبون فاش ایدم اگرکوچه ماجراسیندن یره یخلدیم دورانمادیم ثانینین جفاسیندن دیدیم حسن دوت الیمی آغلاما سنه قربان عذاریوه توکمه گوزیاشون آزغم وملال ایله اله بیرهیچ من یوخودوم سن بیله خیال ایه منه گوره سن چوخ اینجیدون گل منی حلال ایله منه باخوب دیزلریوی قوجاقلاما سنه قربان آغلاما حسین آغلور اشکینی یوزه باغلور عبداللهی ✍

زبانحال حضرت زهرا س بالینیمه گل پیک اجل گلدی عم اوغلی باغلا گوزونی فاطمه دینجلدی عم اوغلی زهرا سنه قربان ماموریدی پیک اجل الان باشیم اوسته بیر سنده گل ای سویگلی جانان باشیم اوسته ای ناطق قرآن اوخی قرآن باشیم اوسته قرآن سسیووه سن بیلوسن چوخ هوسیم وار خوش لحنیله قرآنون اوخی تا نفسیم وار ای مونس غم آز منی غرق محن ایله مندن سورا ترک گل و باغ و چمن ایله وئر غسل اوز الونله من زاره کفن ایله آگاه ایلمه ثانی شدادی عم اوغلی گلسه بیلوسن روحیمه ایذادی عم اوغلی غسلومدا گوزون اشکینی خون دله قاتما گورسون اثر ظلم و ستم نالون اوجاتما اگنیمده اولان کوینگی سعی ایله چیخاتما بیر نحویله تا غسلومی ویر کوینگیم اوستن کشف ایلمه بیر کیمسیه قمچی اثرین سن جان ویرمگیمی گرچه چوخ آسان سانورام من یادیمه دوشور محسن اورکدن یانورام من ثانی لگدین محسینه قاتل سانورام من چون من کیمی مظلومه گورنمز گوز ایوینده ناموس حقی کیم ویرار آیا ئوز ایوینده بیر اللی قیام ایتدیم اولان وقته مصلی گتدیم عمله ذکر قنوتیمی بیر اللی گیزلینجه نماز ایلمیشم اولمیا بللی گیزلینجه نماز ایتمگیمین علتی واردی چون قنفذ ایدن ظلمیلرین شدتی واردی هجران اوخونا حکم مشیتله نشانم لبیک دیوب محفل جانانه روانم ام حسنیمدن چوخ حسیندن نگرانم بلبل تک اونی بسلمیشم چونکه گل اوسته قورخوم بودی خولی قویا مطبخده کل اوسته بیر گون گزورم چوللری آواره دولاننام مقتلده قیزیم زینبیلن منده دایانام گودالیده زینب بویانان قانه بویاننام یانام غم اطفال پریشان حسینه گوزیاش توکرم خیمه سوزان حسینه گلم من ئوزوم شام غریبان حسینه لازمدی اولاخ کوفه ده مهمان ایکیمیزده واجبدی دوتاخ شام غریبان ایکیمیزده ای باشسیز عیال و حرمین باشدان آتان باش می صورتینین نسبتی اللهه چاتان باش سنسن دی گوروم سینمین اوستونده یاتان باش یا گوزلرون آچ قانلی گوزونن تانییم من یا منله دانش تا کی سوزونن تانییم من ایندی واریدیم کرب و بلاده من خسته یاندیردی یانان قلبیمی بیر قلبی شکسته گوردوم یاتیب ایستکلی رقیون سینن اوسته هر دم دیور ای شاه لب عطشان منی دیندیر تیر غم ایدیب سینمی شان شان منی دیندیر ایتدوقجه اوغول حنجر منحوریووه دقت یوز ویردی اوغولسوز آنووا حالت رقت گوردوم که دگوب حنجریووا اون ایکی ضربت بیلدیم بالا چوخ اینجموسن گل سینم اوسته جان تک باسوم اغوشیمه دینجل سینم اوسته استاد منزوی

⭐️گزيده اى از شعر : تعريف حضرت سيدالشهدا (ع) 👇👇👇👇👇👇👇👇👇👇 حسين او نوريدي كي آفتابه ناز ائله دي حسين او عطريدي عطر گلابه ناز ائله دي حسين او مستِ مبارك نفسدي روز الست شراب عشقي ايچوب شيخ وشابه ناز ائله دي حسين او سوره دي تفسير اولاندا آيه لري كلاس عشقيده يوز مين كتابه ناز ائله دي حسين او تشنه دي سوزِ عطشده ياندي ولي سوسوز دوداقلاري نهرِ پُر آبه ناز ائله دي او انقلابي كي خلق ايتدي كربلاده حسين قسم خلايقه هر انقلابه ناز ائله دي ✨بهزاد قاسمى اردبيلى ✨