یا مهدی(عج) مرحوم میرزا یوسف شهاب تبریزی ایا صاحب زمان یا حجّةالله اورکلر اولدی قان یا حجّةالله رکابه قوی قدم چک ذوالفقاری ظهور ایت الأمان یا حجّةالله دوتوبدور ظلمت غم ماسوانی جمالون ویر نشان یا حجّةالله زمان غیبتون چوخ طول چکدی بو طوله یوخ توان یا حجّةالله حسینون قویما قالسون قانی یرده او قانی یوخ آلان یا حجّةالله گتوردی کوفیان کرب و بلایه حسینی میهمان یا حجّةالله یوزینه باغلادی راه فراتی او چولده کوفیان یا حجّةالله فرآت آخدی چوله ویردی سوسوز جان نچه پیر و جوان یا حجّةالله مگر مهریّه ی زهرا دگلدی همان آب روان یا حجّةالله امامون اللری اوستنده اصغر ویروردی تشنه جان یا حجّةالله سولی پیکانیله گویا سو ویردی او طفله شامیان یا حجّةالله دگوب اوچ شعبه اوخ بچدی بوغازین روانه اولدی قان یا حجّةالله او قانی اَخذ ایدوب سپدی سَمایه او شاه بیکسان با حجّةالله ایدوب اکبر غمی لیلانی مجنون قویوب بی خانمان یا حجّةالله دوتوبلار قاسمه بیر طوی او چولده عروس ایلر فغان یا حجّةالله گوروبدور کیم جهاندا بیر بیله طوی بیله داماد اولان یا حجّةالله ابوالفضلون دوشوب قوللاری اولدی حسین قدّی کمان یا حجّةالله او اللر دوشمسیدی ایلمزدی جسارت ساربان یا حجّةالله اولوبدور جدّیون بو ماجراسی سنه خیلی گران یا حجّةالله او ساعت که خیامه ذوالجناحی گلوب شیهه کنان یا حجّةالله او صحرای بلاده ویردی جدّون غریبه امتحان یا حجّةالله ویروبدور شمره باش اَل ساربانه ایدوب عشقین عیان یا حجّةالله ((شهاب )) ایسته فَرَج هر دم بو اسمی ایله ورد زبان یا حجّةالله #امام_زمان_عج

تقدیم به محضر مداحان ارزشمند * یار آدین دلده ائدر زمزمه مداحِ حسین فخر ائدر فخرِ بنی آدمه مداحِ حسین جذبهء عشق چکوبدور اونی مولایه طرف عشقینی وئرمز اِئکی عالمه مداحِ حسین ئوزونی بیلسه کرم خانهء اربابه گدا ناز ائدر دهریده مین حاتمه مداحِ حسین قصد قربتله اوخور نوحه نی زهرا بَگنه دئمیون نوحه اوخور درهمه مداحِ حسین حضرت صادق اوزی نوحه خواناوئردی صله قانعم من دئدی بیش وکمه مداحِ حسین ولی مبلغ دانیشا ، چانه ویرا ، امضالاشا ئوزی قورسون ئوزونه محکمه مداحِ حسین خوشدی آهنگ و مقاماتی اگر بیلسه ولی اکتفا اِئتمیه زیر و بَمه مداحِ حسین علمِ قرآن و روایات و احادیث اوخیا هم مسلط اولا المعجمه مداحِ حسین کُتُبِ مقتلی آرتیق اوخویوب آگه اولا خبرِ مستند و مبهمه مداحِ حسین بوقدیم سوزدی دیللّر آز اوخی گوز یاشی آل سالما بیجا یئره هی همهمه ، مداحِ حسین دوتسا مجلس دیه جک لر گنه ای کاش اوخیا وئرمیه سوزلرینه خاتمه مداحِ حسین دوتماسا تئز قوتارار خلق دِیَر احسن اونا اکتفا ائتدی گوزل بیر دَمَه مداحِ حسین سوزلری نافذ اولار گوزلری نوریله دولار چونکه دوشمز گوزی نامحرمه مداحِ حسین یئری وار نوکر اوز اربابینه اوخشاتسین اوزین یعنی صبر ایلیه سایسیز غمه مداحِ حسین اوجا داغلار کیمی حق اوسته مقاوم دایانار اوخشیار قلعهء مستحکمه مداحِ حسین چکسه لر داره اگر ایلمیه حقدن عدول دشمنی خوار ائده بی واهمه مداحِ حسین اوّلِ وقتیده قان ایچره حسین قیلدی نماز قیل تَاَءسی او شهِ اعظمه مداحِ حسین با وضو وارد اولار مجلسه واضحدی ، بلی قاپیدا بوسه وئرار پرچمه مداحِ حسین مطمئناً وئرَر آلله اوزی تاثیرِ نَفَس صدقیله سسله سه یا فاطمه مداحِ حسین بی ریا نوحه دئسه دللری تسخیر اِلییَر دوندَرَر دللری جامِ جَمه مداحِ حسین گاه بیر حاله دوشر نوحه دیوب آغلار اوزی اوخشیار بیر گُلِ پُر شبنمه مداح ِ حسین سو کنارینده سوسوز جان وئرن عباسه دیَر عاشقم مرثیهء علقمه مداحِ حسین خاتمی ا صغر و عباسه دئنن دردوی لیک ایسته چکسین سوزووِی مَخیمَه مداحِ حسین مَخیَمین نوحه سی مهدی آقامین نوحه سیدی چوخ دئیَر قمچی دگوب عمّه مه ، مداحِ حسین شعر از استاد خاتمی

‍ درد دل با حضرت امام رضا (ع) حاج یحیی فغانی تبریزی درد الیندن جانه ای سلطان خوبان گلمیشم بو خراسانه قویوب یوز دیده گریان گلمیشم روزگاریم سخت اولوب دردیم آغر حالیم خراب قلبیمی آشفته لیقدان چولقیوبدور اضطراب سیز اگر لطف ایلسوز اوللام جهانده کامیاب نا امید ایتمون منی ای جان جانان گلمیشم عرش اعلایه مباهی صحن و طاقوز دور سیزون هشت جنت سایه پرورد رواقوز دور سیزون سیز رئوف آل حیدر بو سیاقوز دور سیزون منده بیر سائل آل آچموش دیده گریان گلمیشم من دوتاق بیر رو سیاه و مفتضح دورانیده وار گوزوم امّا سیزون تک مقتدر سلطانیده ایلیوب الله سفارش سائلی قرآنیده سائلم درمانده یم شاه خراسان گلمیشم سیز قاپوزدان قوئساز ای شاهنشهه گردون حشم وار هارام آخر منیم بو یئر ئوزونده من گیدم بیر یاریم گونده قوجالمش عمَه زه وررم قسم درگهوزدن قوئمیون ای شاه خوبان گلمیشم دردیمه گر اولماسا سیزدن علاج ای شهریار قلبیمی بیر آیری درد و محنت و غصه دوتار اوزگه لر آخر منه ایدسون شماتت دل آچار اولما راضی دل شماتتدن اولا قان گلمیشم من بو درگهدن اگر اولسام جهاندا نا امید ائل قوهوم ایلر شماتت یوز ورر درد جدید گل کرم قیل سیدی هر بیر خطامی دوت ندید من بو درگاهه امیدیله آقا جان گلمیشم خلقه احسان ایتماق عالمده سجیَت دور سیزه چون کرامت ایلماق دنیاده عادت دور سیزه شانوزه لایق اولان زیبنده رافت دور سیزه هاردا واردور من کیمی محتاج احسان گلمیشم درگهوزده من همان پر رو گدا هر گاه و گاه گلمیشم بو درگهه هر صبحگاه و شامگاه نیلیوم پر رو ایدوبدور سائلی الطاف شاه ایتموسوز لطف و کرامت چونکه هر آن گلمیشم من او طفلم که بولر مامن آنا دامانینی یا او نوکر که ولی نعمت بولر سلطانینی اولموشام شاها پناهنده سیزه درمانینی دردمین سیزدن آلام بو شهره مهمان گلمیشم کیم ایدر سیز تک علاج دردیمی بی گفت و گو کیم بولر قلبیمده کی دردی سیزون تک موبمو کیم ایدر سیز تک عطا آلماز الیمدن آبرو ای سیزه عالملر اولسون جمله قربان گلمیشم چوخلی اهل درده سیز مشهده درمان ایتمسوز هر کسین وار حاجتی الطاف شایان ایتمسوز رانده اولموش کیمسه نی لطفیله مهمان ایتمسوز منده هر یئردن قوئولموش بیر ایت الان گلمیشم صحن لر ده حسرتیله گزمیشم هر سو آقا ایلرم خاک درون مژگانیله جارو آقا منده ده ایکاش اولیدی همَت آهو آقا بذل احسان ایلیون چون منده نالان گلمیشم آندولا اوغلووز جواده سیدی ال چکمه رم ورمه سوز دل حاجتین من بو قاپوزدان گیتمه رم ال منیم دامن سیزون ترک بو دامن ایتمه رم اهل احسانه یاراشماز رّد مهمان گلمیشم یازموشام اوز دردیمی سلطانه من چوپان کیمی ادعا ایتمز (( فغانی )) شعرده ((حسّان)) کیمی شوق مولادن آچوب دل بلبل دستان کیمی شهر طوسه ایتماقا هر درده درمان گلمیشم

مناجات با امام رضا علیه السلام   محمد میلانی (شاکر) به کارم گیر افتاده خودت مشگل گشایی کن در این دریای طوفانی دوباره ناخدایی کن اجابت با دعای توست، عنایت در عطای توست کرامت با خدای توست،خدایی کن خدایی کن به جای تو به مردم رو زدم نومید برگشتم اگرچه بی وفا بودم تو اما با وفایی کن ببین خالی تر از هیچم، نه یاری نه کمک حالی دخیل افتاده ام بر غربت تو آشنایی کن سلام من به سقاخانه هایت، کفش کن هایت به شوق گنبدت رنگ نگاهم را طلایی کن کبوتر بچه قلبم پر پرواز میخواهد کمی گندم بیاور باز هم ما را هوایی کن تویی مشهور شرق و غرب در آقایی و احسان به جان مادرت زهرا، علی موسی الرضایی کن تو هشت و چهار هستی در عبایت پنج تن پیدا دلم شش گوشه میخواهد مرا هم کربلایی کن

مناجات با امام رضا علیه السلام روح الله دانش کاش میشد پر بگیرم تا حرم پیش سلطان،پیش آقای کرم کاش دعوت میشدم با زاءران در حرم  پر میزدم با عاشقان کاش من را هم صدایم میزدی یک زیارت را به نامم میزدی کاش گردد این گدا پا بوس تو بندهء عاشق تر و مخصوص تو تا تو را میبینم آقا هر جهت زد دلم راهی به سوی مزجعت طفل بودم مادر دستم گرفت پیش تو آورد و عشقم را سرشت زنده شد در صحن نوارنی دلم خاطرات  کودکی  هم  با  دلم صد گره در کار دارم یا رضا من دلی  بیمار  دارم یا رضا درد مند هستم دوایم با شما دستگیری کن شفایم با شما من به شوقت اشک دارم مهربان من  ز هجران بی قرارم مهربان یک دل پر درد شد همپای من در زمستان یاد تو گرمای من عکس زیبایت به دلها قاب شد با نگاهت برف این دل آب شد حال  دستم را  به دستت میدهم روی خود بر سنگ فرشت مینهم پا برهنه صحن  تو طی می کنم من جدایت از خودم کی می کنم در شب قبرم کنی من را خطاب میکنی  آقا  قدم ها  را  حساب با تو عاشق تر شدن عشق من است عشق  زیبای  شما  رزق  من  است من گدایی بیکس و درمانده ام اربعین  از  کربلا  جا  مانده ام سال دیگر یا رضا رخصت بده اربعین ، کرببلا  فرصت  بده میکنم احساس چون بد بوده ام از زیارت کرده ها جا مونده ام خاک پایت میشوم کاری بکن نوکر  بیچاره  را  یاری  بکن روزی نوکر فقط در دست توست کربلای  عاشقت در دست توست

‍ شرف عالم امکان سید جواد حسینی (سدید هریسی) کیم دئسه من دئمرم شاه خراسان دی رضا آزدی شأنینده دئسم رهبر ایران دی رضا خبر آلسان دییرم شأنیده اجدادی کیمی افتخار و شرف عالم امکان دی رضا آستانینده نه شاهلار کی اونا نوکریدی کؤلگه سی جمله سلاطین باشینا افسریدی شیعه لر ئولکه سینین شاهلارینا سروریدی فخر ائدر شیعه کی سلطانلارا سلطان دی رضا دئمیرم تکجه آقا شیعه لرین سروری دیر بلکه دنیا بویی آزاده لرین رهبری دیر آدی گوی لرده ملائک دیلینین ازبری دیر یئرده گویده هامیا حجّت یزدان دی رضا دئمیرم گویده کی اولدوزلارا بنزردی آقا یا گوزل لیکده فقط ماه منوّردی آقا گون کیمی سانما ایشیق لیقلارا مظهردی آقا حُسن سیماده اولارداندا درخشان دی رضا او زماندان کی قدم قویدی خراسانه آقا شرف آرتیردی بوتون کشور ایرانه آقا آمّا افسوس عومور سؤردی غریبانه آقا بو سببدندی کی غمخوار غریبان دی رضا یئر اوزونده ائوی جنّت ، قاپوسی باب نجات صحن پاکیندا آخار چشمه لری آب حیات حرم اطهری سر منشأء خیر و برکات اوزوده صاحب الطاف فراوان دی رضا هر سحر صحن و سرای حرمه ایله رجوع شاهد اول گور نئجه هر گون گونش از باب خضوع گنبدیندن اوپر ایستر آقادان اذن طلوع شمس آفاق ولا آیت قرآن دی رضا من خراسان دا ئولندن صورا دفن اولسام اگر نیلیرم جنّتی ای واعظ فرخنده سیَر آقامین تربتی مین روضه ی رضوانه دَیَر بو قوجا نوکر نا لایقه جانان دی رضا ثامن الحجّة حق شافع یوم عرصات بِیتَهُ جَنَتهُ فِی الارض و یُجیب الحاجات؟ اُذکُرو اِسمَهُ فی المَجلسهُ بِالصَلوات حاجتین ایله بیان صاحب احسان دی رضا شهر یثربدن ائدن گون حرکت طوسه طرف واقف ایدی کی سرانجام شهادت دی هدف وصل جانان ئوره گینده یارادیب شوق و شعف دئمک اولمازدی کی باطنده پریشان دی رضا گر چه آسان دگیل انسانه بو نوعیله سفر سفری کی اولا او شخصه یقین جانی خطر او خطر اولمادی باعث کی ائده صرف نظر اهل یثرب گوروب عزمینده شتابان دی رضا وقت او وقت اولدی کی دوشسون یولا غم کاروانی آلدیلار دوره سین اهل حرم ربّانی بدرقه ائتدیلر آغلار گوزوله مولانی آیریلان لحظه ده نار غمیله یاندی رضا اهل بیته بویوروب شال عزا باغلیالار آلالار دوره سینی اوخشیالار آغلیالار باجیلار داغ فراقیله ئوره ک داغلیالار اؤز عزاسین سووب اوندان صورا یوللاندی رضا چون خراسانی توطّن ائدیب او نیک سیَر کل ایران ائلییب بیعت اونا سرتاسر حاکم وقت او سبب دن ائدیب احساس خطر ظنّ ائدیب سلطنته موجب خسران دی رضا عاقبت نقشۀ شومین ائدیب اجرا او پلید حجّة اللّهی ائدیب زهر جفائیله شهید ابدی لعنت اولا مأمونا مین باره ((سدید)) وار امیدیم کی عذابی اولا عقباده شدید

کربلایی سید موسی سلیمانی 🌹🌹🌹🎤 . طوفان_الاقصی به سبک ای اهل حرم میر و علمدار نیامد... برخیز که نزدیک بُوَد لحظه ی پیکار مدد حیدر کرار( ۲) فریاد بشو بر سر این قوم جفاکار مدد حیدر کرار (۲) در معرکه با ما بُوَد دستِ علمدار مدد حیدر کرار (۲) نابودی اسراییل و صیهون بزن جار مدد حیدر کرار (۲) در غزه به خون مانده تنِ کودک و مادر مدد یاعلی حیدر (۲) باید که دوباره بشویم فاتح خیبر مدد یاعلی حیدر (۲) لعنت به صیهون و به آمریکای خونخوار مدد حیدر کرار (۲) آماده ی آماده شدند لشگرِ احرار مدد حیدر کرار (۲) (وقت دست دگر مشت کنی دست دعا را) بیا مهدی زهرا (۲) شد زمزمه ی عالمیان در همه دنیا بیا مهدی

#ائوین_آباد_حسین بانوای علی حیدرزاده نه گوزَل بارگَهون وار ائوین آباد حسین غَملی بیر قَتگَهون وار ائوین آباد حسین عشق عباسی حسین جان دلیمه مَشق ائله دیم راه حُرّی ئوزومه دَهریده سَرمشق ائله دیم کربلانی آقا جان؛گوردوم او گون عشق ائله دیم سویله دیم با دل گریان ائوین آباد حسین شارع بین حَرَمده آقا گریان اولدوم لایق وَصل رُخ یاریله جانان اولدوم تلّ زینبده قوروب غَمکده گریان اولدوم سَسله دیم زار و پریشان ائوین آبادحسین بخت خوش نوکر نالایقوه یار اولدی غم زده کرب و بَلایه آقا زَوّار اولدی صَحن عباسی گوروب؛مَست عَلمدار اولدی اولدی عباسوه مهمان ائوین آباد حسین

شعر در مقام مادر در اهنگ یابن الحسن ای شه ملک ولا    آئینه ی صدق و صفا آنادی پروانه ی شمع وفا آنادی پروانه تک پر ویرار اوتدا یانار اولادینین دردینی جانه آلار دردینی ایتمز عیان....قلبی محنده یانان بار مصیبت ایر.قدینی همچو کمان سیندیرما قلبین آغلاتما                جنت قاپوسین باغلاتما جانیم سنه قربان ننه.جان ننه.جان ننه عمریم بهاریم جان ننه. جان ننه .جان ننه قربان اولوم من یومولان گوزوه قالمیشام حسرت او شیرین سوزوه سس ویر سسیمه آنا دردین آلیم سنسیز آنا جان نجه ایوده قالیم آچ او گوزل گوزوی. ...بیر اشیدیم سوزوی سن منه خاطر آنا. پیر ایلدون ئوزوی تاج سریم ای جانانیم...حاصل عمروم ریحانیم جانیم سنه قربان ننه. جان ننه. جان ننه عمریم بهاریم جان ننه. جان ننه. جان ننه

در فراق مادر گریز به حضرت زهرا (س) گوهری کیم دییر فرق ایلمز بود و نبودی ننه نین مایۀ خیریدی هر ائوده وجودی ننه نین قدرینی بیل نه قَدَر زنده دی تا وار نفسی افتخار عالمی اول سیر صعودی ننه نین وئر قولاق هر نه دئسه دقّتیلن صحبتینه لعلیدن باشدی یقین گفت و شنودی ننه نین او دانشدیقجا دئنن جان ننه قربانین اولوم اولا عشقین فرحِ باغِ خُلودی ننه نین اؤپ الیندن ایاقیندان باشینا گونده دولان احترام عالمی یوخ حدّ و حدودی ننه نین حرمتین اولسا نه اندازه یقین کمدی گینه عمرین حتّی اولا گر وقف درودی ننه نین سنه خاطر اویانیب چوخ گئجه شیرین یوخودان یات بالام لایلای اولوب دلده سرودی ننه نین وارد اولسا نئچه یول گونده ائوه دور ایاقا یئر نشان وئر ننه وه حین ورودی ننه نین حال حرمتده دولان باشینه پروانه کیمی اولماسین بار غمه نیل رکودی ننه نین الین ئوپ گویلونی آل ساده سؤؤندور اؤره گین یئتیشه قوی گینه ده شأنیوه سودی ننه نین آی ننه رحمتینین ، سایه سی باشینده اولان ائویوین نعمتیدی ذکر سجودی ننه نین گونده اللهه طرف یوز دوتار هنگام نماز مهری اولاده گوره داشلانی زودی ننه نین ایستر اللهدان همیشه بالاسین سالم اولا اولار عشقی بو سوزه دلده شهودی ننه نین گئچورم سوزدن اولام وارد برنامۀ غم آناسین گوردی ئولور زینب مرضیّه شیَم باخدی باخدی ننه یه قوللارین آچدی او خانم توکه اشکین یوزونه تازه یول آچدی او خانم سینۀ فاطمیه گلدی سوواشدی او خانم ائله آهسته دئدی جان ننه قربانین اولوم یومما سن گوزلریوی قوی هله گریانین اولوم قول بویون اولدی ننه یلن بالا قان آغلادیلار قویدولار یوز یوزه چوخ اشک فشان آغلادیلار بیر طرفدنده بلال وئردی اذان آغلادیلار آلدی آغوشه خانم زینب دلبسته سینی اؤپدی زینبده او دم مادر دلخسته سینی دئدی بیر اوخشاما زینب ائشیدن یاندی غمه بئش یاشیم واردی دئییم من نجه لایلای ننه مه اثر ائتدی خانمین ناله سی اهل حرمه حسنینین اوره گی یاندی او اثناده باخین زینبین دوتدی الین آغلادی زهراده باخین دورت بالا بیر ننه آغلاشدی نه آغلاشدی دئییم فاطمیله بالالار ائوده قوجاقلاشدی دئییم آیریلیق موسمی هی گلدی یاخنلاشدی دئییم دئدی زهرا حسنینه بالا قرآن اوخیون بیری یاسین و بیریز سورۀ رحمان اوخیون گلدی نجوایه حسن سورۀ یاسین اوخودی بیر طرفدنده حسین میل آناسین اوخودی زینب اما اولارین ختم دعاسین اوخودی دوتدی درگاه خداونده الین دورت گل ناز صحّت فاطمیه ایلدیلر راز و نیاز آغلیا آغلیا باخ غمزده لر وای دئدیلر سس سسه قوشدولار اوندان ننم ایوای دئدیلر دوشنوب فاطمه نین نعشینه لایلای دئدیلر الینی قویدی حسن فاطمه نین دیده سینه گوزله کلثومه دئدی دگمه حسین سینه سینه یاره دور چونکه باجی سینه هله قان توکولور دگسون اَل یاره لره خون فراوان توکولور یول آچار قان ائله بس بارش باران توکولور غیر ممکندی بو دردین اولا درمانی باجی گزه سن عالم امکانی تاپیلماز علاجی میخ در یاره لییب سینه دن آرتیق اوره گین بین اکبادی قیریب فکر ائدیرم شاهرگین نه گونه قویدی بیزی گور ائوی یانسین فلکین خاتمه وئر سوزیوه « گوهری » قورتاردی دوات حضرت فاطمه نین روحینه گوندر صلوات

 شعرترکی بی وفایی دنیا    دقیقه لر قوتارار ماه وساله آلانما گئجه گونوز دولانار صبحده مساده گئدر آتا آنان نه قدر ئولمیوبله زنده دیلر آماندی قدرینی بیل آتا آناده گئدر اولار که عمریده سنلن همیشه باهمدی وفا چراغی گئچر یار وآشناده گئدر طبیعتین ایشیدی یاری یاریدن آییرار وصال هجر دونر عشق ماوراده گئدر جوانلیقیندا ولی اولما زور وه مغرور قولین گوجی آزالار جسمدن قواده گئدر زمان یلی چمن عمری تارومار ایلر گله تبسم ائدن چهره دن صفاده گئدر گوزل دیوبله گوزلیک گوزللره قالماز دونر قیافه آیا بنزین لقاده گئدر علامت قوجالیقدی باشین توکی آغارار ئوزون اتی قریشار حسن دلرباده گئدر اولار که زمزمه ایلله لحن دلکشیله طنین سس آزالار صوت دلگشاده گئدر دوشر ایاقدان اگر قهرمان عالم اولا دوراندا دیزلر اسر الده کی عصاده گئدر ئولوم توزی گوزه پرده چکر قولاق توتولار نفس شماره دوشر دل دورار صداده گئدر صاقا صولا نگران هی باخار بیرین تانیماز ایکی گوزی دورانه دوشر ضیاده گئدر اجل کمینده گزیر بیرخبر اوتورماگیلان  یاخاوی دوتسا ئولوم گاه التجاده گئدر حلال چورک قازانیب یه حرامه آلانما آغیزدا طعم دونر لذت غذاده گئدر آزا قناعت ائله چوخ باشا بلا گتیرر میانه رو یاشا مفلسده اغنیاده گئدر تومنی بش قرانا وئرمه ارزشی یوخدی نه تک الینده کی پول یغدیغین رباده گئدر بیر آغ کفندی سنه قسمت اولسا مالیندن که یعنی ثروت بی حد وانتهاده گئدر چالیشما وارثه حد شریعتی گوزله بوله له وار یوخی نقره وطلاده گئدر عیالین آغلاسا بیر گون اورکدن آغلیاجاق ایکیمجی گون کسیلوب ناله ونواده گئدر دونر اوچومجی گونه آغلاماق سسی کسیلر بساط غم یغیشوب مجلس عزاده گئدر ائلیکه هفته ده گئچدی ایاق چکر قونشی یواش یواش داغیلیب خویش واقرباده گئدر زمانه دفتریوی ،،سوته دل،،ائدرپاره سینار یازان قلمین شعریدن جلاده گئدر موضوعات مرتبط: پندیات ترکی

شعرترکی برای فراق مادر شعرترکی درمقام مادر شاعر:عبادی گئتدین ای یورقون آناقلبیمی ویران ائلدین منه بوعالمی سن قورخولی زندان ائلدین سن سیز ای روح روان، قالمادی جسمیمده توان حشره جک گوزلریمین،اشکینی باران ائلدین قولاقیمدا هله ده یات بالا لایلای سسی وار منه گهوارده سن خدمت شایان ائلدین ئورگیم قانه دونوبدور، سنون هجرونده آنا غم اندوهه منی هر گئجه مهمان ائلدون بیرده آغوشیوه ای کاش، آلاییدون منی سن بوسینیخ قلبیمی چون،خانه ی احزان ائلدون چوخدی دردیم دور آنا، قویما دوشم چوللره من نقدر دردیم اولوب دهریده درمان ائلدون صحبتیم چوخدی ولی ،قوی بونی آخرده دییم منی سن شیفته  شاه شهیدان ائلدون حضرت زهرا(س) مرحوم حاج محمد علی تأیید