غربتده آنا زینبی ئولدوری مُحن گل هی سسلدیم امداده، حسین گلمدی سن گل   قلبیم ورم ایلوبدی آنا یوخدی دواسی بیمار حسینم منه یوخ عمر صفاسی آدی دیلمون ازبری باشیمده قراسی قربان ایدورم جانیمی جانانمه من گل   آند اولسون او سالار بزرگ شهدایه یوخدور آرامزدا ابداً ذرّه گلایه خدمتده قصوریم اولا شاید اُسرایه گلمور باشون اوسته او اللرده ئولن گل   عمروم یتیشوب باشه عزا منظره سیله سازش ایلدیم غم یولونون داغ دره‌سیله ای کاش گیدم قبره حسینون قره سیله رغبت ایلمز آق کفنه قاره گین گل   هجر عالمی سر رشتة آسایشم ایتدی سانکی منی غمر کیپریگمون اوسته یریتدی شمعی اریدر شعله منی غصّه اریتدی ذوب اولدی یانان شمع مثالنده بدن گل   خوشدور سنه نسگل‌لریمی ویرسم عریضه وار هر بیر عیادت ایدنه اجر فریضه تحفه گتورلّر آنا دیدار مریضه تربت منه بسدی دیمورم الده کفن گل   زینب داخی جان قورتارا بلمز بو خطردن سینم اوجالور هر نفس آلدوقجا جگردن واضحدی وفاتیم منه آلنمداکی تردن حتماً ایدرم شام کنارینده وطن گل   سودا ایلدیم عمریمی نقد غمه ساتدیم طوفان زده کشتی کیمی امواجده باتدیم سن شانه وران قاره ساچی تِل تِل آغارتدیم آی نازیله گیسولریمی گونده هورن گل   سندندی بو پیکرده اولان جوهر و شیرم جسممده توان یوخ اورگی یاره‌لی شیرم یثربده‌دی افسون قالان قوم و عشیریم یوخدور بو بلالی باشمون اوسته گلن گل   زینت اولا آز قالدی وجودیم دل قبره رخساریمی مونس ایدم آب و گل قبره آز قالدی گیدم حسرتیله منزل قبره آی منزل قبره گیجه گزلنده گیدن گل   گون مثلی تجلّی ایلدی عاطفه منده آز قالدی اولا هر سوموگوم سرمه بدنده نوحه دیمشم سوزیله هر اوغلون ئولنده سنده بو آدامسیزر قزووا نوحه دیین گل   روشن گونوزوم سن کیمی اولمادی منمده رنگیم سارالوب سولدی قرا پیرهمنده وار قمچیلرین نقشه‌سی یورقون بدنمده ای کوچه‌ده گُل صورتینه سیلی دگن گل   امکانی وار عشقیم آنا چوخ باشدا تاپولسون شوقیم ایکی سیّد ایکی قارداشدا تاپولسون گلسون وار امیدیم سنه یولداشدا تاپولسون بلکه سنیله گلدی حسینیله حسن گل

بانوای عبداللهی ====👆 تانقدروارنفس دراهنگ ای غمی بی‌حد انا سبک: میگذرد کاروان..دراهنگ ای غمی بیحدانا تانقدر وار نفس شوقیله من سسلرم ای شه جود وکرم آدوه من نوکرم . ای شاه کربلا.یاحسین سلطان سرجدا.یاحسین . یامولا یامولا..یاحسین اللهم ارزقنا …کربلا کربلا کربلا کربلا . مهد و وفا کربلا خاک شفا کربلا دردی اولانلار بیلر درده دوا کربلا اللهم ارزقنا کربلا …کربلا کربلا کربلا کربلا . ای مه برج حیا ای شرف الاولیا دعوت ائله تا اولاخ زائر کرب وبلا . قیل کرم ای شاهنشاه دین تا گلم قبروه اربعین یامولا یامولا یاحسین اللهم ارزقنا … . . . سن کیمی شاهنشهه نوکر نالایقم من سنون اما آقا مکتبوه عاشقم . یابن طه یابن فاطمه وئرمرم آدوی عالمه یامولا یامولا یاحسین اللهم ارزقنا کربلا…

مدح و منقبت حضرت زینب کبری سلام الله علیه چارده معصوم ایچینده گرچه یوخ آدون خانم تک به تک اون دوردی ده دائم سلام ایلر سنه اگلشن وقته آتان حیدر امیرالمومنین گورجاقین ریحانه سین فوراً قیام ایلر سنه حضرت ام البنین که شأنینه جانلار فدا ئوز وجودین بیر کنیز اوغلون غلام ایلر سنه بو مسلم دی امامه اقتدا ماموم ائدر حکمتیله اقتدا تبدار امام ایلر سنه حسن مطلع کربلاده گر حسینین آدی دیر اهل روضه مطلبی دایم ختام ایلر سنه حضرت صاحب زمان که قطب عالم دور بوگون هر سلامینده او حضرت احترام ایلر سنه دایماً قان آغلیار ام المصایب زینبه سسلنر وای عمه وای حزن مدام ایلر سنه مریم و سارا و هاجر غبطه ایلر رتبه وه قرن لردی اهل عالم مات اولوبلار خطبه وه چوخ جلالت ائتمیش اعطا خالق یکتا سنه چوخ کمالات اورگدوبدور حضرت زهرا سنه بدو خلقتدن گلوب هر قدر قدیسه زنان جمع ائدیبدیر محسناتین دست حق یکجا سنه واردی اندیشه مده بانو بیله بیر فرض محال پنج تنده مستتر یر قایلم گویا سنه پنج تن گر شش تن اولسیدی یقینیم وار منیم ذهن لر گیتمزدی آیری بیر کسه الا سنه جایگاهون عرشیدی که انبیالر رشگ ایدر فاصله چوخدور یتئشسین مریم عذرا سنه والدین اطهرون چون موجب خلقتدیلر بو حساب اوسته تفاخر ایلیر حورا سنه توتیای چشم اولاردی خاک پاک مقدمون عرشیان تعظیم ائدیپ یا زینب کبری سنه پرچم اسلام قرآنی سن احیا ایلدون نهضت خونین عاشورانی ابقا ایلدون * کربلایی رحیم شایان

بانوای عبداللهی ___👆 زبان حال حضرت زینب ( س ) 🌿🏴 آنام زهرا دعا ایتدی دعاسی مستجاب اولدی ئولوم ایستردی الًلهدان ویروب جان کامیاب اولدی          یارالی جان ویرن لای لای         گیدن قبره جوان لای لای وُروب پَر مُرغ روحی ایلیوب ترک آشیان گیتدی اریوب جسم پاکی غصًه دن قدًی کمان گیتدی یوزونده سیلی آثاری گوزونده لخته قان گیتدی فراقینده یانوب دیللر پریشان بو تراب اولدی آنام بو فانی دنیادن گیدوب مقصودینه چاتدی غروب ایلوبدی جدًیمدن صورا اُول مَه لقا باتدی بیزی آغلار قویوب آزرده خاطر قبریده یاتدی مَلکلر باش آچوب غمدن مُعزًا  نُه قِباب اولدی نَنه سیزلیق یامان درددی گرفتار اولمیان بیلمز بیر ایوده دورت یتیم قالسا ئولونجه یوزلری گولمز خصوصا قیز اوشاقی غصه دن آیا ئولر ئولمز؟ یاشاماخ زینبه مشکلدی غمدن دلکباب اولدی یتیملیق دردی بیر یاندان سالوبدی زینبی دلدن اورگیم داغلیدی نیلوم آنام زهرا گیدوب الدن یازوب دست قضا برنامه می محنت کش اوًلدن آخور اشکیم ملالیم دلده بی حدً وحساب اولدی آتام حیدر قوجالدی یاندی قلبی نار هجرانه پرستار اولموشام من ایوده طفلان پریشانه دولانًام من بولارین باشلارینا مِثل پروانه جانیم فقدان مادره منیم پُر اضطراب اولدی آنام زهرا حسینی تاپشوراردی من چکم نازین دیردی جان حسینون جان سنون بو محرم رازین سو سو زدان سولماسون رنگی گوزتله بو گُل نازین حسینون عطر و بوئیندن باجیسی فیض یاب اولدی شاجری زنجانی 🌿🏴

عالمون داشون آتدون _یارالی زهرا گوزلرون یومدون یاتدون _یارالی زهرا علی دئسون دردینی کیمه؟ منه سس ور فاطیمه علینی ترک ایلمه قاپیمی یاندیران ظالیم_بئلیمی سیندیروب زهرا منه گوره سنه سیلی_ویروب زهرا "خانیم الوب باغریم قان خانیم سنه من قربان خانیم " تاپشریم نجه قبره _سنی من زهرا تاپشراجاقسان کیمه_منی سن زهرا دوشور گوزوم مسماره خانیم در و دیواره خانیم ازون قیل چاره خانیم منیم کی بیرکسیم یوخدی _علی یه رحم ائله زهرا گلر کیم اشکیمی سن سیز _سیله زهرا "خانیم الوب باغریم قان خانیم سنه من قربان خانیم "

(🌷با مداحی حاج جواد حسن زاده 🌷 ( دور ای بهارین گل یاسمنی  دور ای بلشن قانا پیرهنی  کفن یاراشمور ننه قامتیوه  قربان اولوم یارلی صورتیوه  ))  ((  گوزلرین آچ ننه جان  ایلمه قلبیمی قان  گوی ایاقوندان ئوپوم  بو گئجه یاتما اویان )) دور ای وفالی آنا باخ سوزومه بو هجریدن قان دولوری گوزومه دور گور نه گلوب آناجان باشیما دانیشیرام چوخ گئجه اوز باشیما گوزلرون آچ یارالی ای ائلیمین مارالی سالدی فلک سنیلن بو بالاوی آرالی دور ای بالالارینی گوزدن آتان دور ای یورولان غم ایوینده یاتان  من نیلمشدیم سنی آلدی فلک ایویمه بئله اودی سالدی فلک  لطف ایله گل دانیشاق کوسمه ننه باریشاخ  قویما بیزی ننه جان هئجر اودونا آلیشاخ  دور ای  یارالی ننه آچ گوزیوی دئنن اورکده منه هر سوزیوی هاچان بو غمی دانارام ننه جان سنسیز ایویمده یانارام ننه جان ای منه روح و روان حالیم اولوبدی یامان « صادقینین » اولاجاق هر سوزی گل ننه جان  ـــــــــــــــــــــــــ۱۴۰۳/۷/۲۹

ای بقیع آلموسان آغوشه پیمبر بالاسین سئخموسان سینوه جان مثلی حسینون آناسین قول قابورقاسی سئنان فاطمه سینونده یاتیب چوخ مدارا ائله اینجیتمه آماندی یاراسین ای بقیع ملکی نه شمع و نه چراغون واردی نه مجلل حرم و صحن و رواقون واردی اونی مولا سینه سی یاره قویوب قبر ائوینه حرمتین سعی ائله چوخ ساخلا قوناقون واردی ای بقیع غم نقدر قلبلره اوت سالاجاق نقدر فاطمه نین مدفنی گیزلین قالاجاق ای دلیم غم یئمه بیر جمعه یقینیمدی گلوب حضرت فاطمه نین قانینی مهدی آلاجاق ✍عباسی معروفان اهری

😭😭آیری عالمدی ننه دردی تز انسانی قوجالدار بو قدیم سوزدی دیللر ننه نی قیز گوزل اوخشار😭😭 ننه یاسینده قیزین اوخشاماسی عالمی داغدار گوردی زینب ننه سین اوخشاماسا یاسی اولار خوار😭😭 (ایله یانا یانا سسلندی ننه) 😭😭دائم توکولن گوزیاشی لای لای ننه لای لای اولمیان قارداشی نه باجیسی لای لای ننه لای لای 😭😭( سسلدی قیزیم زینب بالا گل یاخینا) 😭😭اوتلور منی توکولن وقته گوزیاشون غم چکمگین تز اولدی هله واردی بش یاشون 😭😭دردیم چوخ اولدی رخت محبت گیینمدیم چوخ یول سنون شیرین دلیوه جان دیینمدیم شرمندیم بالا سنه آنالیغ ایلیینمدیم 😭😭

سوتوک اسما یووم تامن ولی آهسته آهسته وراخ غسلون ایداخ شیون ولی آهسته آهسته (اسماءمبادا همسایه لر بوللر) علینین آدامی یوخدی سس ویرماقوینان سن علیه کمک اول سوتوک اسما یووم تامن ولی آهسته آهسته وراخ غسلون ایداخ شیون ولی آهسته آهسته یوزون دوندر صاقا صولدان گیدیب قنفذ خطا یولدان مواظب اول سنان قولدان خزان وروبدی گلی باغبان باخور آغلور خدا بولور کفنین بندینی نجه باغلور تابوته وردیلر حرکت زینب آغلادی گویا ایدوب آناسینا بونوعی کشف راز قال بوگئجه بیزیله گونوز باری دوش یولا شب زنده داریلر ایلمز شبدن اعتراض ظلمت گئجه آنا گیدیسن هانسی منزله (اوشاقدی بعضی فکریلر الر ئوز عالمینده هله اینانمیر ننه نین تابوتی یولا دوشور بیردن دیدی) خدا مادرم را کجا میبرن گمانم برای شفا میبرن مرو مادرم مرو مادرم مرو مادر امشب کنار سفره خالیست جای مادر فضه دییر من بوگئجه هرنه الدیم اواوشاقلار غذا یمدیلر فضه آنامیز هاردا بئله داریخمشوخ زینبی آرام الیرم حسین آغلور حسن بولمورم نلر گوروب اتاقین بیر گوشه سینده بئله سخلوب هردن دییر سیز یوخودوز اوکوچه ده من گوردوم سیز گورمدیز آنام نجه سخلدی دیواره بیرآز قوزاندم اوکوچه ده که اوسیلی منه دیسین ایستادم به سر پنجه پااما حیف دستش از روی سرم رد شدو بر مادر خورد ننم سخلدی دیواره دیدی اوغول قسمت بویوموش کوچه ده سیلی منه دیسون قوخدوم ننون ئولسون اوآغر ال سنه دیسون ✨اَللّهُمَّ عَجِّل لِوَلیِّکَ الفَرَج✨

بانوای عبداللهی ___👆 زبان حال حضرت زینب ( س ) 🌿🏴 آنام زهرا دعا ایتدی دعاسی مستجاب اولدی ئولوم ایستردی الًلهدان ویروب جان کامیاب اولدی          یارالی جان ویرن لای لای         گیدن قبره جوان لای لای وُروب پَر مُرغ روحی ایلیوب ترک آشیان گیتدی اریوب جسم پاکی غصًه دن قدًی کمان گیتدی یوزونده سیلی آثاری گوزونده لخته قان گیتدی فراقینده یانوب دیللر پریشان بو تراب اولدی آنام بو فانی دنیادن گیدوب مقصودینه چاتدی غروب ایلوبدی جدًیمدن صورا اُول مَه لقا باتدی بیزی آغلار قویوب آزرده خاطر قبریده یاتدی مَلکلر باش آچوب غمدن مُعزًا  نُه قِباب اولدی نَنه سیزلیق یامان درددی گرفتار اولمیان بیلمز بیر ایوده دورت یتیم قالسا ئولونجه یوزلری گولمز خصوصا قیز اوشاقی غصه دن آیا ئولر ئولمز؟ یاشاماخ زینبه مشکلدی غمدن دلکباب اولدی یتیملیق دردی بیر یاندان سالوبدی زینبی دلدن اورگیم داغلیدی نیلوم آنام زهرا گیدوب الدن یازوب دست قضا برنامه می محنت کش اوًلدن آخور اشکیم ملالیم دلده بی حدً وحساب اولدی آتام حیدر قوجالدی یاندی قلبی نار هجرانه پرستار اولموشام من ایوده طفلان پریشانه دولانًام من بولارین باشلارینا مِثل پروانه جانیم فقدان مادره منیم پُر اضطراب اولدی آنام زهرا حسینی تاپشوراردی من چکم نازین دیردی جان حسینون جان سنون بو محرم رازین سو سو زدان سولماسون رنگی گوزتله بو گُل نازین حسینون عطر و بوئیندن باجیسی فیض یاب اولدی شاجری زنجانی 🌿🏴

🌸سرود ولادت حضرت زینب کبری سلام الله علیها🌸 🎶به سبک ممد نبودی ببینی.... گلدی جهانه شیعیان قهرمان زینب قهرمان زینب وئردی حسینه تازه جان عاشقان زینب عاشقان زینب قهرمان زینب                 زینب یا زینب . 2بار زهرایه پای ویردی بونی خالق یکتا خالق یکتا گلمز دا بیرده زینبه دهریده همتا دهریده همتا شکر حق دادار ائدوب دختر طاها دختر طاها     گوز آچدی گلدی عالمه پر توان زینب پر توان زینب        قهرمان زینب                       زینب یا زینب 2بار آلدی قوجاقینه بونی سرور بطحا سرور بطحا زینب قویوبدی آدینی شاد اولوب زهرا شاد اولوب زهرا آچمور گوزون گهواره ده ماه دل آرا ماه دل آرا      گویا حسینی آختارور مهربان زینب مهربان زینب        قهرمان زینب                     زینب یا زینب 2بار زهرایه نورعیندی با صفا زینب با صفا زینب جان دل حسیندی با وفا زینب با وفا زینب یار معین دینیدی با حیا زینب با حیا زینب     زهرای اطهردن گلوب بیر نشان زینب بیر نشان زینب     قهرمان زینب               زینب یا زینب 2بار گلدی بشارت جبرئیل ویردی طاهایه ویردی طاهایه ذات خدا لطفون عیان ائتدی زهرایه ائتدی زهرایه دخت علی المرتضا گلدی دنیایه گلدی دنیایه      قویدی قدم بو عالمه شیعیان زینب شیعیان زینب     قهرمان زینب                 زینب یا زینب 2بار آغوشینه آلدی حسین بو گل یاسی بو گل یاسی بیلدی حسینه وار بونون شور و احساسی شورو احساسی بیردن آچوبدی گوزلرین گولدی سیماسی گولدی سیماسی      اولدی حسینون عاشقی جانفشان زینب جانفشان زینب             قهرمان زینب                         زینب یا زینب 2بار گفتاره گلدی ناگهان حضرت طاها حضرت طاها بیر. سری فاش ائتدی رسول آغلادی زهرا آغلادی زهرا تنگ ائدر بیر گون بوللارا عالمی اعدا عالمی اعدا         درد و بلادن چوخ اولار قلبی قان زینب قلبی قان زینب       قهرمان زینب                   زینب یا زینب 2بار ذوق ایتدی بلبلر اوخور نغمه ی شادی نغمه ی شادی شور و شعف جشن سرور ایندی بر پادی ایندی بر پادی گلدی حسینون خواهری زین و اب آدی زین و اب آدی       «مهدی» دئیر لطفون منه ائت عیان زینب ائت عیان زینب          قهرمان زینب                          زینب یا زینب 2بار ملتمس دعا مهدی ملکی #پنجم_جمادی_الاولی #ولادت_حضرت_زینب_سلام_الله