شعرترکی برای فراق مادر شعرترکی درمقام مادر شاعر:عبادی گئتدین ای یورقون آناقلبیمی ویران ائلدین منه بوعالمی سن قورخولی زندان ائلدین سن سیز ای روح روان، قالمادی جسمیمده توان حشره جک گوزلریمین،اشکینی باران ائلدین قولاقیمدا هله ده یات بالا لایلای سسی وار منه گهوارده سن خدمت شایان ائلدین ئورگیم قانه دونوبدور، سنون هجرونده آنا غم اندوهه منی هر گئجه مهمان ائلدون بیرده آغوشیوه ای کاش، آلاییدون منی سن بوسینیخ قلبیمی چون،خانه ی احزان ائلدون چوخدی دردیم دور آنا، قویما دوشم چوللره من نقدر دردیم اولوب دهریده درمان ائلدون صحبتیم چوخدی ولی ،قوی بونی آخرده دییم منی سن شیفته  شاه شهیدان ائلدون حضرت زهرا(س) مرحوم حاج محمد علی تأیید

بانوای عبداللهی ====👆 🏴زبانحال حضرت زینب (س) در شهادت مادر 🎼سبک : ای قلم سوزلرینده اثر یوخ عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی تقدیم به روح مادران آسمانی

راحت ترین دعای آخر مجلس بارالها اوالری که درگاهیوه گوزانوب مایوس وناامید سینه لره گیترمه بارالها اوجادان آمین دین دیلری لال اولدورمه بارالها تمام مریضان مسلمین مخصوصا بیمارستانلاردا ایوده یاتان مریضلره شفا عنایت اله خداوندا بوشلی لارین بورجون ئوز خزانه غیبینن ادا اله خدایا اولاری که اولادلاری یوخدی اگر مصلحتلری اولسا صالح وصالحه اولاد کرامت ایله خداوندا اولاری که ائولری یوخ ئوز وسیع ملکونن اولارا ائو نسیب اله پرچم اسلامی سربلند کفرین پرچمین سرنگون اله بیزلری عاق والدین دنیادن آپارما شب اول قبر چهارده معصومی باشیمیز اوسته حاضر اله شهیدلرین درجه لری عالیدی متعالی اله امام زمانین وجودینه بلا ویرمه بیزلری آقانین ظهورینه اهل اله

دعای اخر .مجلس با زبان تركی بارالها نظر رحمتی بیزدن کسمه باشمزدان توکولن نعمتی بیزدن کسمه بار الها بیزی تیر غمه آماج ائلمه عشق سائللرینی هئچ کسه محتاج ائلمه ای خدا مهدی زهرایه بیزی یار ایله بو عزاداری حسینی قبرینه زوّار ایله ای خدا سینه زن عاشقلری بیمار ائلمه هئچ زمان شیعه نی نامرده گرفتار ائلمه ای خدا قفل غضب وُرما عنایت درینه ثبت ائله آدیمیزی فاطمه نین دفترینه دلده کی حاجتی حضّاری روا ایله خدا هر کیمین دردی اگر واردی دوا ایله خدا بارالها گئجه لر محرم راز ایله بیزی آچ عبادت قاپوسین اهل نماز ایله بیزی ای خدا حالیمیزی حالت عرفانی ائله نور قرآن یله بو دللری نورانی ائله نا امید ایلمه یارب سنی زهرای بتول چک قلم معصیته توبه میزی ایله قبول جان چخان وقته خدایا بیزه امداد ایله قبرین اول گجه سی روحمیزی شادایله (التماس دعا)

دعای آخرمجلس به زبان عربی اَللّهُمَّ اِنّا نَسْئَلُکَ وَ نَدْعُوکَ بِاسْمِکَ الْعَظيمِ الاْعْظَمِ، اَلاْعَزِّ الاْجَلِّ الاْکْرَمِ، بحقِّ امامِ زمانِنا، بِدَمِ المظلوم ده مرتبه يا اَللّهُ يا اَللّهُ يا اللّهُ... یا رحمن یا رحیم یا مُقَلِبَ القُلوب ثَبِت قُلوبَنا علی دینِک و علی مُحَبَهِ الحُسَین فِی الدُّنیا و الاَخِرَه الهی يَا حَمِيدُ بِحَقِّ مُحَمَّدٍ يَا عَالِي بِحَقِّ عَلِيٍّ يَا فَاطِرُ بِحَقِّ فَاطِمَه يَا مُحْسِنُ بِحَقِّ الْحَسَنِ یا قدیم الاحسان بحق الحسین (ع)

شعرترکی برای فراق مادر شعرترکی درمقام مادر شاعر:عبادی گئتدین ای یورقون آناقلبیمی ویران ائلدین منه بوعالمی سن قورخولی زندان ائلدین سن سیز ای روح روان، قالمادی جسمیمده توان حشره جک گوزلریمین،اشکینی باران ائلدین قولاقیمدا هله ده یات بالا لایلای سسی وار منه گهوارده سن خدمت شایان ائلدین ئورگیم قانه دونوبدور، سنون هجرونده آنا غم اندوهه منی هر گئجه مهمان ائلدون بیرده آغوشیوه ای کاش، آلاییدون منی سن بوسینیخ قلبیمی چون،خانه ی احزان ائلدون چوخدی دردیم دور آنا، قویما دوشم چوللره من نقدر دردیم اولوب دهریده درمان ائلدون صحبتیم چوخدی ولی ،قوی بونی آخرده دییم منی سن شیفته  شاه شهیدان ائلدون حضرت زهرا(س) مرحوم حاج محمد علی تأیید

 شعرترکی بی وفایی دنیا    دقیقه لر قوتارار ماه وساله آلانما گئجه گونوز دولانار صبحده مساده گئدر آتا آنان نه قدر ئولمیوبله زنده دیلر آماندی قدرینی بیل آتا آناده گئدر اولار که عمریده سنلن همیشه باهمدی وفا چراغی گئچر یار وآشناده گئدر طبیعتین ایشیدی یاری یاریدن آییرار وصال هجر دونر عشق ماوراده گئدر جوانلیقیندا ولی اولما زور وه مغرور قولین گوجی آزالار جسمدن قواده گئدر زمان یلی چمن عمری تارومار ایلر گله تبسم ائدن چهره دن صفاده گئدر گوزل دیوبله گوزلیک گوزللره قالماز دونر قیافه آیا بنزین لقاده گئدر علامت قوجالیقدی باشین توکی آغارار ئوزون اتی قریشار حسن دلرباده گئدر اولار که زمزمه ایلله لحن دلکشیله طنین سس آزالار صوت دلگشاده گئدر دوشر ایاقدان اگر قهرمان عالم اولا دوراندا دیزلر اسر الده کی عصاده گئدر ئولوم توزی گوزه پرده چکر قولاق توتولار نفس شماره دوشر دل دورار صداده گئدر صاقا صولا نگران هی باخار بیرین تانیماز ایکی گوزی دورانه دوشر ضیاده گئدر اجل کمینده گزیر بیرخبر اوتورماگیلان  یاخاوی دوتسا ئولوم گاه التجاده گئدر حلال چورک قازانیب یه حرامه آلانما آغیزدا طعم دونر لذت غذاده گئدر آزا قناعت ائله چوخ باشا بلا گتیرر میانه رو یاشا مفلسده اغنیاده گئدر تومنی بش قرانا وئرمه ارزشی یوخدی نه تک الینده کی پول یغدیغین رباده گئدر بیر آغ کفندی سنه قسمت اولسا مالیندن که یعنی ثروت بی حد وانتهاده گئدر چالیشما وارثه حد شریعتی گوزله بوله له وار یوخی نقره وطلاده گئدر عیالین آغلاسا بیر گون اورکدن آغلیاجاق ایکیمجی گون کسیلوب ناله ونواده گئدر دونر اوچومجی گونه آغلاماق سسی کسیلر بساط غم یغیشوب مجلس عزاده گئدر ائلیکه هفته ده گئچدی ایاق چکر قونشی یواش یواش داغیلیب خویش واقرباده گئدر زمانه دفتریوی ،،سوته دل،،ائدرپاره سینار یازان قلمین شعریدن جلاده گئدر موضوعات مرتبط: پندیات ترکی

شعر جدید در فراق پدر به سبک من مانده ام تنهای تنها ای منیم نام ونشانیم وی منیم آرام وجانیم وای آتام وای دیلده یوخ تاب و توانیم وی منیم روح و روانیم وای آتام وای غصه دن قان اولدی قلبیم آغلارام من آغلارام من سینه می غملرده بابا داغلارام من داغلارام من دویمادم دنیاده سندن کوسمه بابا سنده مندن جان آتا جان عالمی تئز باشدان آتدون گون کیمی آخشامدا باتدون جان آتا جان ای منیم پشت پناهیم گیتدون الدن گیتدون الدن قالدی اول گوزده نگاهیم گیتدون الدن گیتدون الدن اف اولا بو روزگاره قلب زاره ورودی یاره وای آتام وای اولمادی بو درده چاره باخ بو چشم اشکباره وای آتام وای حیف اولا تئز گیتدون الدن سن آتا جان سن آتا جان دویمادیم دنیاده سندن من آتا جان من آتاجان دهریده ای عز و جاهیم قالدی یوللاردا نگاهیم مهربـانيم بو جهاندا جان پناهیم چیخدی عرشه اشگ و آهيم مهربـانيم گول کیمی صولدون جهاندا ای آتاجان ای آتاجان قالدی چوخ دردین نهاندا ای آتاجان ای آتاجان دل فراقونده یانوبدی قلب زاریم اودلانوبدی جان بابا جان غم غم اوستوندن یاقوبدی راه چاره باقلانوبدی جان بابا جان غم سالوبدی باشه سایه جان بابا جان جان بابا جان ائللرین گلموش نوایه جان بابا جان جان بابا جان زندگینون یوخ وفاسی سنسیز ای آرام و جانیم مهربـانيم اولموشام غم مبتلاسی سنسیز ای روح روانیم مهربـانيم دای داغیلدی عز و جاهیم وای آتام وای وای آتام وای گیتدی الدن جان پناهیم وای آتام وای وای آتام وای ملتمس دعا مهدی ملکی

بانوای عبداللهی ====👆 🏴شعر جدید در فراق پدر ✍بقلم استاد کربلایی رحیم شایان(ارومیه) 🎼در آهنگ گلپونه ها... ای منیم پشت و پناهیم مهربانیم گیتدون الدن وای آتام وای خلق ایجینده عز و جاهیم. همزبانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من گر غبار غم قونایدی چهره مه تز رد ائدردین قلبیم اودلانسیدی غملن بیر باخیشلا سو سپردین اللریندن من ئوپردیم گوزلریمدن سن ئوپردین قالدی اول گوزده نگاهیم باغریقانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من بو قرانلیق روزگاره سانکی بیر روشن چراغ سان بلمدیم که زندگیده سن نئجه محکم دایاق سان بیلمدیم قدر وجودین بیلمدیم که سن قوناق سان حیف ای امیدگاهیم قهرمانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای وای آتام وای وای آتام وای وای آتام وای وای آتام وای تا یتیم اولدوم پوزولدی دودمانیم روزگاریم یوخدی بیر سنگ صبوریم غیر اشک و آه و زاریم بوش یرین گورسندیقیجا آرتیرار رنج و فشاریم ای منیم لطف الهیم زندگانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای ........کانال نوای حیدرکرّار

روضه حضرت علی اکبر (ع) زبانحال حضرت لیلا(س) پیشوازه گلمدیم اودی منن دانشمسان جان رقیه رحم ایله گچ بو گناهیدن ادرک سسین گلنده دیدیم کیمدی ای خدا داد ایستیری شهنشه بی دادخواهیدن اکبردی بو غریب آتاسون داده سسلوری یوسفدی یا صداسی گلور قعر چاهیدن اشیدمیشدیم اوغول ئولسه ننه نین هیچ یوزی گولمز گیدر نوری گوزوندن هرنقدر وار گوزی گورمز ئوزوم گوردوم ، ئوزوم بولدوم، جوانی ئولموین بولمز

بانوای عبداللهی ===👆 ولادت حضرت زینب کبری سلام الله علیها (با آهنگی متین و دلنشین) 🎼سبک : صلی الله علی نبی ، یارسول الله مدد (پیام عزیزی ) زینب ای کوکَب عصمت ، ای گُلِ گُلزارِ جَنّت خَلق ایدنده سنی خالق ، ایلیوب اَلحَق قیامت حیرته سالدی جهانی ،زُهره ی زهرایِ عِفّت آدیوی الله قویوبدی ، زینتِ شاهِ ولایت زینب زینب زینب حُسنِ خُلق و مَنطقونده ، سن مُریدِ مُصطفاسن صبریده مانندِ حیدر ،اوز آنان تَک با حَیا سن باده ی عشقی ایچیبسَن ، حِلمیده چون مُجتباسن بَسدی شٱنونده شریکِ ، پادشاهِ کربلا سن نه دیوم من شوکَتوندن ،ای بتوله نورِ عین ای شَهامتده ابوالفضل ، ای کَرامتده حسین یوخ جَلالتده نَظیرون ، ای دلیلِ شور و شِین اهل عشقی هِمَّتونله ، سن آپاردون زیرِ دِین ای خَمیده قامَتیله ، قامتِ دینی دوزَلدن سن حدیث ِ عشقی بانو ، ایتموسن اَزبَر اَزَلدن نهضَتِ خونینِ عشقه ، سن شریکِ اَعظم اولدون رُتبه ی شایان آلوبسان ، کِردِگارِ لَم یَزَلدن افتخار ایلَر ملائک ، مَقدَموندن ئوپسه بانو فیض آلیبدی مَکتَبوندن ، هم رباب هم شهربانو اَگلَشنده جَنّت ایچره ،اوز آنان زهرائیله سن گَلسه مریم محضَروزده ،اَگلَشَر حتماً دوزانو من مریضِ کویِ عشقم ، لطف اوزیله بیر دوا یاز مندن عاشق چخماز امّا ، دردِ عشقه مُبتلا یاز (بیکَسم) سن کی کَسیمسَن ،ای حسینه یارو یاوَر دعوت ایله بیر دمشقه ، اوردا بیر کرب و بلا یاز #حضرت_زینب_س التماس دعای فرج الاحقر مهدی عبادی کانال نوای حیدرکرّار

🍁 عالم قبر 🍁 ای بشر یاتما اویان حال جهانی خبر آل بی تَوقُّف سووشان چرخ زمانی خبرآل قاچوری توسَن عمرون نجه گور قبره طرف لحظه لر ایلیوری عمرووی فانی خبرآل یاتیشوبدور قَرَه تپراقیده یان یانه هامی لَحَد آلتیندا اولان سِرّ نهانی خبرآل هانی بَس بالش پَر قو هانی بَس رَخت حَریر بو یامان گونده هانی مَحرمون هانی خبرآل اورا بیر یردی که همسایه دی درویش و غَنی خوف بَرزخده قالان پیر و جوانی خبر آل اوزولوب هر یاتانون مال و منالیندن اَلی بیر کفنن صورا یوخ آیری گمانی خبر آل نَه سلاطینه او مَنزلده قالار دَبدَبه لَر نَه گِدا اوردا چَکر حسرت نانی خبر آل نوش ائدر کُلّ خَلایق ئولومین شَربَتینی اَجل آخرده یخار خورد و کَلانی خبرآل قویما نَفسون بوغا گرداب ضَلالتده سنی مَنزل وصله چاتان گوهر جانی خبر آل ئولنون نامه ی اعمالیدی تپراقه گئدن یازیلان نامیه باخ یاخشی یامانی خبرآل سرمه ی غفلتی(نادر)گل ئوزون اَشکیله یو صورادان مَنزلت روح و روانی خبرآل 🍂🍃🍂🍃🍂🍃🍂🍃 اثر استاد حاج نادر بابایی ✨اَللّهُمَّ عَجِّل لِوَلیِّکَ الفَرَج✨