《 آناجان 》 باشیمدان عشقیوی ئولسمده آتمارام آناجان بو عشقی ، وئرسله دنیانی ساتمارام آناجان سنیله اوزگه لرون فرقی چوخدی خلقتده اودور کی من سنی اغیاره  قاتمارام آناجان دوشنده یادیمه هر آن او مهربان باخیشون سحر اولونجا  یقین بول کی یاتمارام آناجان سنی گورنده آنا قوش کیمی اوچاردوم من سن اولماسان پر آچوب باش اوجاتمارام آناجان دیل اورگدنده منه سن ازل حسین دئمیسن سنون او لطفوی یاددان چیخاتمارام آنا جان حسینون عشقیدی کی ساخلیوب منه زنده اورکدن عشقینی بیر آن  آزاتمارام آناجان  دعالرینده منی یادیدن چیخاتسان اگر یقین که مقصده هیچ موقع چاتمارام آناجان حلال ائله منی زحمتلریم قوجاتدی سنی دوباره گلسن ائوه دای قوجاتمارام آنا جان یورولموسان بولورم گل ائوینده راحت یات  او خوابیدن سنی بیرده اویاتمارام آناجان اگر قئیدسن ائوده گوزده کی بو خون دلی بئله عذاره یقین بول بوشاتمارام آناجان سنون غمون ائله بیر غمدی کی یخوب ائویمی یقین ئولوب ، غمه من بیرده باتمارام آناجان مزاریوه گلرم ئولمسم شب جمعه لر گوزووی یولدا قویوب من یوباتمارام آناجان سنون غمون منی یاندیردی ، سوز بئله گلدی و گرنه هئچ سوزی بیله یاراتمارام آناجان #آناجان #محمدرضا‌صادقی‌شیدا

زبانحال حضرت زینب (س) در وداع مادر گئتمه ننه قربان اولوم قال بو گئجه مهمان منه من سسلیوم جان آی ننه سن سسله بیرده جان منه رسم وفانی پیلمه لطفا منی ترک ایلمه عصرین بو وقتی هر زمان تا سن آلاردون دستماز گوزیاشلی ایلردون ننه اللهیلن راز و نیاز دور آچموشام سجّاده وی باشلا ننه بیرده نماز ایله قنوتینده دعا بیرده اوخی قرآن منه رسم وفانی پیلمه لطفا منی ترک ایلمه دوزدی گلوب عدنِ بریندن بو زمان دعوت سنه اما محبت ایله قال قوی بو گئجه منت منه آخشام چاقی گئتماقلیقا ائودن ندور علت ننه سنسیز بو ائوده قالماقون یوخ لذتی بیرآن منه رسم وفانی پیلمه لطفا منی ترک ایلمه هیچ کیمسه نون بو تِئزلیقا باغ و بهاری سولمادی گل جسمیوون اوسته ننه بیر کیمسه زلفون یولمادی بو عمروده هرگز ننه بو ائو سنه ائو اولمادی بو ائو اولار سندن صورا بیر گوشه زندان منه رسم وفانی پیلمه لطفا منی ترک ایلمه ائودن سنون آیریلماقون بو قلبیمی اوخ تک بولَر اوغلانلارون گوزیاشینی رخسارینه هر دم اَلَر صبحه کیمی هجرانیوه بو قیزلارون آغلار مَلَر اولماز یقین حشره کیمی بو آیرلیق آسان منه رسم وفانی پیلمه لطفا منی ترک ایلمه آخشام اذان وقتی چئخار گویده ، ستاره ، آی ، ننه الله سنی بیرآی کیمی لطف ایلموشدی پای منه مین آی گله بو عالمه اولماز یقیناً تای سنه سن تک ائده اوز نورینی صبح و مسا احسان منه رسم وفانی پیلمه لطفا منی ترک ایلمه آیا روادور بیر ننه یومسون گوزون ئولسون جوان آیا روادور قیزلارون بو تئزلیقا گوروسون یامان آیا روادور قوزانا عرشه صدای اَلاَمان آیا روادور بو ائوی ائتسون فلک ویران منه رسم وفانی پیلمه لطفا منی ترک ایلمه ائودن بئله آیریلماقون بیر اوخ کیمی قلبی سوکر شیدا کیمی هر کیم اولا خون دلین گوزدن توکر آند اولسون اللهه ننه هر قامتی بو غم بوکر یوخسا گئجه آیریلماقون آگه اولوب چوخدان منه رسم وفانی پیلمه لطفا منی ترک ایلمه #محمدرضا‌صادقی‌شیدا

🔹️در غم از دست دادن پدر🔹️ عالمده منیم شان و وقاریم آتامیدی گلزار و گل و باغ و بهاریم آتامیدی یر گوی منیم اولسیدی بئله فخر ائلمزدیم فخریم بوئیدی دار و نداریم آتامیدی سسلردیم آتا ، جان بالا دوشمزدی دیلیندن منت سیز اولان غم گونی یاریم آتامیدی مشکلده قالاندا اونی سسلردیم همیشه الدن دوتانیم دلده قراریم آتامیدی دنیا غمی سیخمازدی منیم قلبیمی چونکه داغ تک دایاغیم دیلده شعاریم آتامیدی حیف اولدی یوموب گوز منی ترک ائتدی الهی ایمدی بولورم تکجه نگاریم آتامیدی 🔹️بجای کلمه " آتا " میتوان از کلمه " آنا " هم استفاده کرد . ✍: #محمدرضاصادقی_شیدا

⭕️نماهنگ میلاد با سعادت امیر ⭕️المومنین حضرت علی علیه السلام شاعر :# شعر ترکی علیرضا علوی شاعر:# شعر فارسی استاد ناصر دوستی آهنگ ساز : همایون خرم تنظیم کننده میلاد حیدری خواننده محمدرضا رضایی 🌺🌺🌺🌺🌺 آهنگ :«شمع و پروانه منم » سرود ولادت با سعادت مولای متقیان حضرت علی (ع) ✍️ شاعر علیرضا علوی زنجانی ✍️ فخرآدمدی گلوب جان خاتمدی گلوب جان جاناندی گلوب سلطاندی گلوب وارث علم نبی شاه عالمدی گلوب جان جاناندی گلوب سلطاندی گلوب گلدی بو گئجه شیر خدا دولدی بو گئجه قلبه صفا سسله علی سویله خدا مولایه گوره قیل عطا ویربیزلره کرب وبلا لطف ایله خدا ویر بیزلره کرب وبلا لطف ایله خدا تویی تو شاه من چراغ راه من زمین به شوق روی تو ، می ریزد سمن به پای تو زمانه مست بوی تو ، می خواند غزل برای تو حق را چو قرینه تویی _آیینه تویی (۲) جان طاها ای شه من سرّ فتحنا شه من ای نور اعلا وی شه من اولا شه من ، مولا شه من والی و والا شه من ، عالی و اولا شه من ، والی و والا ای شه من مولا شه من مولا شه من مشکات عزل سن سن علی محبوب ملل سن سن علی هم شاه و گوزل سن سن علی مضمون غزل سن سن علی ای عاشق یار نبی دلدار نبی(۲)

وفات شهادت گونه حضرت زینب سلام الله علیها                 زبانحال به سبک ای قلم سوزلرینده اثر یوخ زینبم سال منی یاده قارداش بیر کسیم یوخ بو دنیاده قارداش جان ویرور زینبین ناگراندی شامیده تئز گل امداده قارداش   یا حسین یا حسین یا حسین جان 2بار ای دوشن قتلگهده یارالی زینبم باشیم اولدی بلالی بیرده گل باشیوه من دولانیم زینبین دوشدی ائلدن آرالی     یا حسین یا حسین یا حسین جان 2بار شامیده گوزلریم یولدا قالدی آیریلق قلبیمی درده سالدی گل ایاقدان دوشوب ایندی زینب فرقتین صبریمی آلدن آلدی    یا حسین یا حسین یا حسین جان 2بار من اسیر بو درده و فراقم نیلیوم کربلادن اوزاقم گل الین قوی حسین سینم اوسته واردی دیلدن سنه چوخ علاقم      یا حسین یا حسین یا حسین جان 2بار ای صولان گولشنین باغبانی ترک ائدور زینبون بو جهانی حسرتیم قالدی قارداش اورکده گورمرم بیرده من کربلانی     یا حسین یا حسین یا حسین جان 2بار زینبم حالیمه داغ داش آغلار دردیمی بیلسه کیم قان یاش آغلار رسمیدی که باجی جان ویرنده باشی اوسته گلوب قارداش آغلار     یا حسین یا حسین یا حسین جان 2بار جانه هجران غمی لرزه سالدی چوخ سوزوم بو یانان دیلده قالدی سیندی قارداش بئلیم آیریلقدان داغ هجران توان آلدن آلدی      یا حسین یا حسین یا حسین جان 2بار ای مناده چاتان کامه قارداش شامیده اولدی هنکامه قارداش جان ویرور زینب دل شکسته سال یولون ایندی بیر شامه قارداش     یا حسین یا حسین یا حسین جان 2بار گل حسین هاردا قالدون اماندی زینبین قلبی بیر پارچا قاندی گل سنی من گوروم بیر دویونجا گل باجون حالی قارداش یاماندی     یا حسین یا حسین یا حسین جان 2بار زینبی سالدی دیلدن زمانه درد هجران منی گتدی جانه قلبیده نسگیلیم چوخدی قارداش یوخدی ایندی منه آشییانه        یا حسین یا حسین یا حسین جان 2بار عون و فضل و ابوالفضل و جعفر اولدولار دین قرآنه یاور ویر خبر قولسوز عباسه قارداش یول گوزتلور دینن غملی خواهر      یا حسین یا حسین یا حسین جان 2بار ویر خبر اول گل یاسه گلسین قارداشیم مجلس یاسه گلسین گوگلوم ایستور گله باشیم اوسته وار سوزوم دیلده عباسه گلسین      یا حسین یا حسین یا حسین جان 2بار عرض قیلام من ای دخت زهرا بهر عفتده ای در یکتا «مهدیم» چوخدی جرم و گناهیم دوت الیمدن منیم جان طاها         یا حسین یا حسین یا حسین جان 2بار ملتمس دعا مهدی ملکی

#پست_ویژه ▪️درخواستی اعضا ‍ زینبم چاره منه یاراشیر قاره منه خنجرین چکدی فلک ووردی هی یاره منه زینبم یانا یانا گدیم الله هایانا قمچی گورسم دیرم وای آنام ایوای آنام مظلوم آقاما لای لای عطشان آقاما لای لای زینبم دربدرم غم اکم غصه درم کربلا هاجریم شامه مهمان گدرم من زینبم باش یارالی یار و یولداش یارالی گدیرم شامه قوناق باجی قارداش یارالی زینبم وای گونومه ایلیمه آی گونومه آخان اولدوزلارما دوتولان آی گونومه مظلوم آقاما لای لای عطشان آقاما لای لای لاله لر داغدا یانار سینه لر داغدا یانار من چکن غصه لره داغلارا داغدا یانار عزیزیم ایل گئجه لر دل آچار دل گئجه لر بیر گئجه گل یوخوما دردیمی بول گئجه لر مظلوم آقاما لای لای عطشان آقاما لای لای ✨اَللّهُمَّ عَجِّل لِوَلیِّکَ الفَرَج✨ ___________ _

پندیات ترکی اوخشاما برای پدر و مادری که فرزند ندارند دان اولدوزون اولمادی سینه سوزون اولمادی دردون بیزی یاندیردی سنون قیزون اولمادی چمنده گُل سولماسا شاخدا وروب یولماسا آنا یانقلی ئولر اگر قیزی اولماسا اِللر اورک داغلاسون عزاسینی ساخلاسون قیز عوضینده نیلک باجیلاریم آغلاسون

زبانحال حضرت زینب (س) بر سر تابوت مادر (سبک : عجب رسمیه...) گیتمه ننه جان ، صبر ایله دایان قال بو گیجه ده ، بو ائوده مهمان دور اوخی قرآن ، من سنه قربان گیجیلن گیتسن ، اوللام پریشان لای لای ننه جان ( ۴ ) حسنن حسین قوجاقلا شوبلار گلوب باباما سایاقلاشوبلار دیوللر آنا سنی قرآنا گیتمه دایان او دم آغلاشوبلار لای لای ننه جان ( ۴ ) بوش اوطاقوندا سالدیم جا نماز حضوریوه وار بو ائوده نیاز سن سیز آغلارام سینه داغلارام آنا دور اولوب موقع نماز لای لای ننه جان ( ۴ ) اولدوم آی ننه غملره آماج تاب زبانیم اولوبدی تاراج گیجوب چراغلار یاتوب اوشاقلار بیر بوسه وه وار منیم احتیاج لای لای ننه جان ( ۴ ) ** ابراهیم تون خوش قلم برچسب‌ها: ابراهیم تون خوش قلم

پندیات ترکی در فراق مادر سید شاکر حسینی گتورم دهری افغانه آنام لایلای آنام لایلای گوزوم یاشی دونر قانه آنام لایلای آنام لایلای 🔹 گیجه گوندوز ایدوب ناله  جها نه ولوله سالام چولی محزون گزن آهوکیمی دائم ملر قالام گلستاندا آچان گلدن همیشه عطروی آلام اولارذکر دلیم هرآن آنام لایلای آنام لایلای دوشنده یادیمه داغ ملالون قلبیمی داغلار در ودیواره حسرتله باخاندا گوزلریم آغلار سزیلتم اوج ایدن وقته هامی اشگین یوزه باغلار دیرم وای یانا یانه آنام لایلای آنام لایلای سنه اظهارایدم دردیم اورکده طاقتم یوخدی آدامسزقالمشام نیلوم ملال ومحنتم چوخدی پریشان ایلرم دهری سوزم دلده مدام اوخدی دوزنمم داغ هجرانه آنام لایلای آنام لایلای شب یلدا گویون اوسته گوزه گورسنمدی ماهیم اوجالدی کهکشانلاره یارالی قلبیدن آهیم قفسدن  پرویروب اوچدی اور گیم داغلادی یاهیم باخان آغلاربونالانه آنام لایلای آنام لایلای ➖➖➖➖➖➖ 🔹به جای کلمه " آنام " میتوان از کلمات " آتام " یا  " بابام " برای پدر و کلمه " بالام " برای فرزند استفاده کرد. #فراق_مادر

 شعرترکی بی وفایی دنیا    دقیقه لر قوتارار ماه وساله آلانما گئجه گونوز دولانار صبحده مساده گئدر آتا آنان نه قدر ئولمیوبله زنده دیلر آماندی قدرینی بیل آتا آناده گئدر اولار که عمریده سنلن همیشه باهمدی وفا چراغی گئچر یار وآشناده گئدر طبیعتین ایشیدی یاری یاریدن آییرار وصال هجر دونر عشق ماوراده گئدر جوانلیقیندا ولی اولما زور وه مغرور قولین گوجی آزالار جسمدن قواده گئدر زمان یلی چمن عمری تارومار ایلر گله تبسم ائدن چهره دن صفاده گئدر گوزل دیوبله گوزلیک گوزللره قالماز دونر قیافه آیا بنزین لقاده گئدر علامت قوجالیقدی باشین توکی آغارار ئوزون اتی قریشار حسن دلرباده گئدر اولار که زمزمه ایلله لحن دلکشیله طنین سس آزالار صوت دلگشاده گئدر دوشر ایاقدان اگر قهرمان عالم اولا دوراندا دیزلر اسر الده کی عصاده گئدر ئولوم توزی گوزه پرده چکر قولاق توتولار نفس شماره دوشر دل دورار صداده گئدر صاقا صولا نگران هی باخار بیرین تانیماز ایکی گوزی دورانه دوشر ضیاده گئدر اجل کمینده گزیر بیرخبر اوتورماگیلان  یاخاوی دوتسا ئولوم گاه التجاده گئدر حلال چورک قازانیب یه حرامه آلانما آغیزدا طعم دونر لذت غذاده گئدر آزا قناعت ائله چوخ باشا بلا گتیرر میانه رو یاشا مفلسده اغنیاده گئدر تومنی بش قرانا وئرمه ارزشی یوخدی نه تک الینده کی پول یغدیغین رباده گئدر بیر آغ کفندی سنه قسمت اولسا مالیندن که یعنی ثروت بی حد وانتهاده گئدر چالیشما وارثه حد شریعتی گوزله بوله له وار یوخی نقره وطلاده گئدر عیالین آغلاسا بیر گون اورکدن آغلیاجاق ایکیمجی گون کسیلوب ناله ونواده گئدر دونر اوچومجی گونه آغلاماق سسی کسیلر بساط غم یغیشوب مجلس عزاده گئدر ائلیکه هفته ده گئچدی ایاق چکر قونشی یواش یواش داغیلیب خویش واقرباده گئدر زمانه دفتریوی ،،سوته دل،،ائدرپاره سینار یازان قلمین شعریدن جلاده گئدر موضوعات مرتبط: پندیات ترکی