🌴 مدح وشجاعت ابوالفضل العباس ع🌴 درده  ابوالفضل آدی درمان وئرر روحه صفا جسمه آدی جان وئرر بی سرو  سامانلارا   سامان وئرر مادحینه    خلعت    شایان   وئرر مُستمعه   اجر   دو  چندان   وئرر آدینه   قربان   جانین انسان وئرر درده     عزاداری    دچار      ایلمز سائل    دربارینی    خوار     ایلمز•••  قبله    حاجتدی   ابوالفضل   آقام کان    کرامتدی    ابوالفضل   آقام معنی   غیرتدی    ابوالفضل   آقام مرد   شجاعتدی   ابوالفضل   آقام بحر    شهامتدی   ابوالفضل   آقام چوخ اوجا قامتدی ابوالفضل آقام واژه  یوخوم   مِدحت   بی حدینه مات   آپارار   سروی   باخا  قدّینه•••  ئولمیوب   ئولمز    آقامز   زنده دی حشر   اولاننجاق   آدی  پاینده دی درگهینه      هامی      پناهنده  دی کلّ     پناهنده  سی      ایمنده دی دشمنی خلق ایچره سرافکنده دی چهره سی خورشید درخشنده دی چوخدا گوزل سیز  دئمیین یوسفه باشدا  دگر  بیر توکی  مین یوسفه•••  💫السَّلامُ عَلیک یاابوالفَضل العَباس ع💫 ✍اثر حاج فرهنگ خدایی

#احوالات_حضرت_موسی_ابن_جعفر_علیه_السلام   زِندانِیدَه وِئردِیم باشا پِیمانِیمی یارَب تَقدِیم ائدُورَم مَحضرِیوَه جانِیمی یارَب مَن سِلسِلهء دَرد و غَمَه سِلسِله بَندَم شُوقِیله یانان مَجمَرِ عِشقُوندَه سِپَندَم  اَل چِکَمُوری بو ظالَمِ دُورانِ سِتَمیندَن تا جانَه گلَم اِیلیَم اَفغان ستَمیندَن حاشا اِیلیَم من گلَه زِندان ستَمیندَن جِسمِیم بو آغِیر حَلقِهء زَنجِیریله خُوشدِی عِشقُوندَه اؤرکَ نالهء شَبگِیریلَه خُوشدِی  عِشق اَهلِینَه زِندانِ جَفا جای صَفادِی عِشقِین غَمی داغِ دِلِ مَجرُوحه دَوادِی زَنجِیرَ اَنِیسَیم دِئ اِیشِیم ذِکر و دُعادِی عِشق اَهلِینَه بیر جَنّت مأوادِی بُو زِندان وار جِلوِهء حَق سِینِهء سینادِی بُو زِندان عِشقُوندَه بَلایَه دِلِ غَمدِه اوُلُوب رام مِیثاقِیمِی تا سَن دِئدِیقُون تَکَ اِئدُم اِتمام دِلسُوختَه عیشّاقَه بُو مَحبَس وِئرَر اِلهام تَدرِیس اِئلَدِیم عالمَه مَن دَرسِ وَفانِی حِیرتدَه بو تَعلِیم قُویار اَهلِ جَهانی هارُون بُو اُمیدِیله منِی اِئتدِی گِرِفتار وادار اِئدَه تا این‌که مَنی سازِشَه ناچار بُولمُوب که اوُلوب جامِ دِلِیم عِشقِیلَه سَرشار اَل چَکَدیم او دَم، مامَلکَِیمدَن سَنَه خاطِر سَندَه بالامی تئز یِتُور الله مَنَه خاطِر مدّتدِی که مَن سُوختِهء نارِ فراقَم هِجرانِیله مأنُوس اوُلالی یارِ فَراقَم شادَم سنُون عشقُوندَه خَریدارِ فَراقَم جدَِّیم کِیمی عِشقُون اوُلالی جُزوِ جَلالیم اَسماء شَریفُون اوُلوب عُنوانِ مَقالِیم آگه سَن ئوزُون هر غمَه شُوقِیله رِضایَم تَمکِین ائدَرم شُوقِیلَه تَسلیمِ قَضایَم لِیکَن بو زَمان طالِب دِیدارِ رِضایَم دِلدَن نُولی رَفعِ محَن و حَسرَت اوُلیدِی صُون دَمدَه اوُغول وَصلی مَنَه قسمَت اوُلیدِی هَر مُحنتَه مُحنَت زدَه دِل دؤزدِی دایاندِی پَروانَه کیمی آتَشِ هِجرانیدَه یاندِی مَعصُومَه قِیزیمدان اؤرگِیم چُوخ نِگراندِی بولمُور هَله اَحوالیمِی مَعصُومَه وَطندَه نِیلَر بُوله گر حالِیمی مَعصُومَه وَطندَه رَدّ ایلَمدِی خالق اوُنُون پاکَ دُعاسِین بَغدادَه گلُوب اوُغلی رِضا گُوردِی آتاسِین گُورجاق وَلی زِندانیدَه جان اوُسته باباسِین قانَه دؤنُوب اشگی دِئدِی ای خُسروِ خُوبان بو حالَه سالُوب کیم سَنی جانِیم سَنَه قُربان آچ گُوزلرُون ای عالمِین امّید و پَناهی اِی فیض وِئرَن عالمَه الطافِ نِگاهی بو سِلسلهء عشقیدَه عشقُوندِی گُواهی سَن سازِش ائدُوب ظالمَه باش اگمدُون اَصلاَ حِیرتدَه دِی بو قُدرَتیوَه مردُمِ دُنیا عَهدُوندَه نه یاخشی بابا ثابِت قدَم اوُلدُون بیر گُول کیمی بو گُوشهء زِندانیدَه سولدُون شاد اوُلمادُون عُمرُوندَه همِیشَه غَمَه دُولدُون دُنیایَه بو جان وِئرماقُون آخِر اوُلی حَسرَت کِیم سَن کیمی چِکدِی بو قدَر دَرد و مُصیبَت اِی مَجلسِ تارِیکی ائدَن مرکزِ اِیمان اِی حُجّتِ بَر حَقِِّ حَق اِی وَجههء اِیمان بیر بَندهء مُحتاجِیدِی #خادم سنَه قُربان لُطف ایلَه قاپُوزدا اوُنا تُوفیقِ ارادَت تَوشیحَوِیلَه بیردَه وِئر اَشعارِینَه زِینَت #شادروان_خادم_رضوان_الله_علیه

سینه‌زنی امام کاظم(ع) در سبک یافاطمه🍁 ⬛️ موسی بن جعفر جان وئرور گل داده زهرا سسلور بوگون اوغلون سنی امداده زهرا محبسدیم من _ قلبی شکسته جان اوستیم من _ گل باشیم اوسته ⬛️ زندانیده گل گورنجه حالیم یاماندی گوزدن آنا صبح و مسا اشکیم رواندی زهر جفادن پیکریم اود دوتدی یاندی سن اگنووه گِی قاره گل بغداده زهرا محبسدیم من _ قلبی شکسته جان اوستیم من _ گل باشیم اوسته ⬛️ من اون بیرایل زندانیم قرانه خاطر هر ظلمه صبر ائتدیم حقِ منّانه خاطر دَگدی منه سیلی ننه جانانه خاطر بیردا غریبم یوخ گلن فریاده زهرا محبسدیم من _ قلبی شکسته جان اوستیم من _ گل باشیم اوسته ⬛️ گل وئر صفا بو مجلس محنت فزایه جانیم چیخور تعجیل ایله تز گل هرایه ایکاش اولیدی قیزلاریم گلسون عزایه سن بینوا معصومه‌نی سال یاده زهرا محبسدیم من _ قلبی شکسته جان اوستیم من _ گل باشیم اوسته ⬛️ من شیعیان حیدره شاه و امیرم هارونه امّا اون بیرایلدی دستگیرم زنجیر و کونده واردی بوینومدا اسیرم کیم تاب ائدر آخر بئله بیداده زهرا محبسدیم من _ قلبی شکسته جان اوستیم من _ گل باشیم اوسته ⬛️ اهل و عیالیم گوزلری یوللاردا قالدی معصومه ی دلخسته‌نی کیم یاده سالدی موسی بن جعفر شهر غربتده قوجالدی من قالمیشام بیر غصّه‌لی بلواده زهرا محبسدیم من _ قلبی شکسته جان اوستیم من _ گل باشیم اوسته ⬛️ گلسون یقینا حالیمه دیل داغلیارسان سن ماتمیمده باشه قاره باغلیارسان یوخدور عزاداریم آنا سن آغلیارسان هئچ گورمدیم خوش گون فنا دنیاده زهرا محبسدیم من _ قلبی شکسته جان اوستیم من _ گل باشیم اوسته ⬛️ #کربلایی_حسن_طیبان ✨اَللّهُمَّ عَجِّل لِوَلیِّکَ الفَرَج✨💫

▪️▪️▪️▪️▪️▪️ #_موسی_بن_جعفر_ ✍متن روضه موسی بن جعفر علیه السلام @matnenoheh السلام علیک یا ابالحسن یا موسی بن جعفر ایها الکاظم یابن رسول الله....‌ دست توسل ووراق باب الحوائج آقا موسی بن جعفراتگینه ....اورگلری آپاراق کاظمینه .....به یاد زندانی بغداد او آقایی که زندان گوشینده گئجه گوندوز آللهینن رازونیاز ایلردی جانم یا موسی بن جعفر اله دیردی بارالها تنگ اولوب زندان منه حبسده بیر ایل کچور هر آن منه موسی جعفر ابا ابراهیمم یاخشی ئوز گوسترمدی دوران منه صادقم صادق امامون اوغلیام عبد صالحدور گوزل عنوان منه اولدوم اول گونکه امام کاینات یتدی سندن رتبۀ شایان منه آلله سنی آندورم موسی بن جعفرین قولونداکی غل وزنجیرینه .... گوزی بومجلسده اولانلاری الی بوش یولا سالما آی غریب آقایا دملی دردی اولانلار غریبه آغلیان اولماز....غریب جان ورنده گوزلرین باغلیان اولماز آقانین همیشه گوزلری یولدا اولاردی آخی زندانی اولانین ملاقاتینه گله لر اون بیرایل زندان گوشینده نه بیر حالینی بیلن اولدی نه بیر ملاقاتینه گلن اما قیزین علاقه سی بابایا بیر آیری علاقه اولار.....باباسی اولمیان قیزین داخی هیچ کسه نازی اولماز خانم معصومه آخشام اولاندا اورگی تنگه گلردی .....هرکاروان مدینه دن رد اولاندا ...‌.گوزی او کارواندا اولاردی دیردی شاید بابا م اوکاروان ایچینده اولار آلله سنی آندورم موسی بن جعفرین گوزی یولدا قالان بالالارینا هیچ بالانی آتایا خاطر نیسگیلی ائلمه😭😭😭 اما آی اورگینین گیزلین سوزین موسی بن جعفر آقایا دینلربیر بالاجا قیزدا چوخ آتاسینین انتظارین چکدی گریز ب حضرت رقیه س⬇️⬇️⬇️ من بیر قیزی تانورام آخشام اولاندا گون باتاندا سسلیردی بابا هاردا قالوبسان.....بابا بیر کس سفر اوسته سنین کیمی یوبانما دی گلردی سیخیلردی عمه سی زینبین قوجاقینه عمه....😭شامین قیزلاری منه دیل یاراسی ووردیلا....امان امان دیل یاراسیندان عمه یزیدین قیزی منه گولدی....عمه مگر قارداشسیزا گوله لر....جان یارقیه دییوم دئمیوم نه عالم اولدی زینبه دیردی:منیم عمه ازل گونن بابامدا چوخ گوزوم واردی بیرآز دینجلسه بوردا سوز آچلسا چوخ سوزوم واردی بی بی هانسی بالا قیزدا بواندازه دوزوم واردی بابامدان آیرلان گونن باشما هر بلا گلدی آلله هیچ کسین قارداشی بالاسین یتیم ایلمه سین جان ویردی بابانین باشی دوشدی بیر یانا بالا دوشدی بیریانا خانم اوبالاجا بالانی باسدی باغرینا دئدی قلبین آلان دومان بالام...‌.‌‌ بابادان دویمویان بالام...‌‌.. باباسینون قانلی باشین گورن زمان...‌‌ قورخوسونان ئولن بالام..... سسسلن دردیوه یارالی یا حسین😭 https://eitaa.com/kobradsg

✅احادیثی از پيامبر اکرم (صلی الله علیه وآله) «در باب بسم الله»: 🍃هرگاه سفره پهن مى شود، چهار هزار فرشته در اطراف آن گرد مى آيند. چون بنده بگويد: بسم اللّه فرشتگان مےگويند: خداوند، به غذايتان بركت دهد! سپس به شيطان مى گويند: اى فاسق! بيرون شو. تو بر آنان، راه تسلّط ندا رى. 📚كافى 🍃هر كس بسم اللّه الرحمن الرحيم را قرائت كند، خداوند به ازاى هر حرفِ آن؛ چهار هزار حسنه برايش مى نويسد و چهار هزار گناه از او پاك مى كند و چهار هزار درجه او را بالا مى برد. 📚بحارالأنوار 🍃 اگـر بنـده اى... در ابتداى وضويش، بسم اللّه الرحمن الرحيم بگويد، همه اعضايش از گناهان پاك مى شود. 📚تفسير الإمام العسكرى عليه السلام 🍃هر كس بسم اللّه الرحمن الرحيم را قرائت كند خداوند در بهشت، هفتاد هزار قصر از ياقوت سرخ براى او بنا كند. 📚مدينة المعاجز امام صادق عليه السّلام فرمودند: 🍃هر گاه يكى از شما وضو بگيرد و بسم اللّه الرحمن الرحيم نگويد. شيطان در آن شريك است و اگر غذا بخورد و آب بنوشد ، يا لباس بپوشد و هر كارى كه بايد نام خدا را بر آن جارى سازد، انجام دهد و چنين نكند، شيطان در آن شريك است. 📚محاسن ✅با بسم الله الرحمن الرحیم شروع کنید ونشردهید

السلام علیک یا ابوالفضل العباس (ع) دئدی ای ام بنینون گل بی خاری اویان منه گولدورمه بو میدانیده اشراری اویان دیمورم آل نظره لشکر کفاری اویان بلیمون سینماقینون خاطرینه باری اویان نیه بو حاله قالوبسان سنه اصغر قربان یارالی باشووه قارداش علی اکبر قربان سنی درس علوی جنگه زبر دست ایلیوب غیرت اللهی علی روحووه پیوست ایلیوب حیف‌اولا دشمنوی‌دست‌زمان‌پست ایلیوب کیم‌ئوپوب‌لبلروی عطری‌منی‌مست ایلیوب قوریان لبلرووه جام لبالب قربان کسیلن قوللاریوا غمزده زینب قربان ایستورم‌گوز یاشیما‌باشوین‌اوسته بویانیم سن یانان آتش حسرتده گرک منده یانیم گل‌گئدک خیمه‌ده سن‌یات ایاق‌اوسته دایانیم باشووی تپراقا قویما باشووا من دولانیم تیتریور اصغریمون لبلری مثلی بدنیم منتظردور سنه قیزلار ایویمی یخما منیم

🏴#حرکت_کاروان_از_مدینه 🏴#ترکی ▪️▪️▪️▪️▪️▪️▪️ مدینه دن آی بابا گؤزلرین دولا دولا دعا ائله دور منی کربلایه سال یولا الوداع . آی وطن آی مدینه آی بابا عازمم . غملی بیر سرزمینه آی بابا چتیندی سندن بابا آیریلوب گئدم ولی یازیبدی هجران منه سرنوشتیمون الی گلور صدای جرس کاروان دوشور یولا نجفده آل الهی گؤزلیور آتام علی الوداع . الوداع قارداشیم آنام منیم السلام . السلام خاک پاک مدفنیم مدینه نین دویمادیم گرچه من صفاسینه بقیع بی مشعلین صحن غم فزاسینه ولی خوشام تربت نینواده دفن اولام من انتظارم بابا کربلا هواسینه عاشقم . عاشقون باشدا ماجراسی وار کربلا . دشتینون آیری بیر هواسی وار بلا دیارینده من امتحان وئرم گرک شهادته تشنه یم تشنه جان وئرم گرک جوان شهزاده می با وفا وزیریمی علی اصغر وئرم نوجوان وئرم گرک نیزیه . اوخلارا توش اولار منیم ائلیم قارداشیم . جان وئرر غصه دن سئنار بئلیم او یولدا قویدوم قدم اللهین رضاسی وار شهادتین نهضتین اجری وار جزاسی وار من آغلورام زینبه زینب آغلیور منه بیلور سفر غملیدی یاسی وار عزاسی وار گؤزلیور . زینبیم تل زینبیه نی آختارور . قمچیلر باغریقان رقیه نی بو یولدا هر کس بابا گلسه بیر دلیلی وار سریه و قاسم و اکبریله لیلی وار سه ساله شیرین دیلیم شیرخواره اصغریم منیله یولداشدی بیر ناگران گیلیلی وار الله عاشقلری کربلایه یول سالور ائل گئدور. باغریقان بیر مریضه قئز قالور ♦السلام علیک یا اباعبدالله الحسین

شهادت حضرت امام کاظم علیه السلام مرحوم حسینی سعدی زمان بزم غم برپا اولوبدور عالم امکانیده حضرت موسی بن جعفر جان ویروب زندانیده شیعه نین لازمدی سیل اشکی، موج ایلوب داشا بو غریبین محنتی ایلر اثر محکم داشا ویردی زندان گوشه سینده اوز عزیز عمرین باشا اولمیوب اولماز بیله مظلوم اولان دورانیده رشته ی نظمه یقین گَلمز غمی تقریریله اون بیر اولدی مصاحب حلقه ی زنجیریله هر گئجه صبحی تاپاردی ناله ی شبگیریله کیم گوروب بیله جفایه صبر بیر انسانیده بس که زنداندا ضعیف اولموشدی جسم اطهری بام زندانه چخاردان وقتیده اول سروری یِل دگنده صاق صولا گُل تک اَسَردی پیکری عرض ایدردی دورموشام یارب ازل پیمانیده باش قویان وقته سجوده گر باخِیدی بیر نفر کهنه بیر جامه گورردی هرچه ایلردی نظر مطلقاً تشخیص ویرمزدی لباس ایچره بشر جسمی بیر تشریح محض اولموشدی چون زندانیده عاقبت مسموم اولوبدور گردش تقدیریله مجلسه احضار ایدوب هارون دون تزویریله پرده چکدی ایستدی اوز فعلینه تدبیریله بیر حکیمه آندیروب حالین او شه اول انیده غیظه گَلدی بس که رسوا اولدی هارون ظلوم جدّیوه یاصاحب الاَسلام ایدوب بیر ظلم او شوم گلشن پیغمبره معناده اَسدیردی سموم اطمه آق ساچلارین آلدی اَله رضوانیده گوز یاشیم آخمور یوزه بی فاصله اوز باشینه ایتمدی هارون ترحّم اول شهین گوز یاشینه بیر بلا گَتدی او کین گُستر امامین باشینه یوخ ویرن مثلین نشان بو عالم ویرانیده مجلسین اهلی داغیلدی گیتدی جمله ساکنان غیظیله سند ابن شامک دوردی یردن اول زمان ووردی بیر سیلی امامه آه یا صاحب زمان اوزگه بیر حالت گوروندی حجّت سبحانیده تازه دن عودت ویرولدی محبسه شاه زمن ویردی زندان گوشه سینده جان امام ممتحن اوچ گئجه گوندوز وجودی قالدی یرده بی کفن عین عزّتدور بو ذلّت محضر جانانیده هر قَدَر ایتدی جفا هارون اگرچه دویمادی گون قاباقینده ولیکن جسمین عریان قویمادی شمر کافر تک بو مظلومین لباسین سویمادی قالدی عریان جسمیله امّا حسین میدانیده سیّدی آدیم "حسینیدور" قاپوزدا بیر گدا ایلورم مدّتدی یاباب الحوائج التجا ایستورم بو درد بی درمانیمه سندن شِفا اولما راضی من قالوم بو درد بی درمانیده

حضرت امام کاظم علیه السلام مرحوم وافی تبریزی یافاطمه دور قبریدن بغداده گل غوغایه باخ زنداندا اوغلون جان ویرور بیر محنت عظمایه باخ موسی بن جعفر حالینه هر کیم باخور زار أغلیور هارون ایدن ظلمه باخور اغیار و اخیار أغلیور سویلور اوغول وای حضرت احمد مختار أغلیور طاق سپهره اوج ایدن فریاد وا موسایه باخ اون یدی ایل زندانیده هر محنته تاب ایلیوب شام و سحر گوزدن روان اشک در ناب ایلیوب ظلمیله مسموم اولماقی أخرده ایجاب ایلیوب زهر ستمله دوغرانان اکباده باخ احشایه باخ جسم ضعیفی حبسیده از بسکه اولموشدی ضعیف تنهالباسه اوخشادوب هر بیر گورن نفس شریف چون کنده و زنجیریله بیر مدت اولموشدی نحیف شمس الدجا تعبیر اولان اول کهربا سیمایه باخ بونلان بیله رحم ایتمدی هارون او زار و مضطره نه روح زهرایه باخوب شرم ایتدی نه پیغمبره ویردی گینه مین ظلمیله زهر جفا اول سروره دوغراندی اکبادی دلی مسموم اولان اعضایه باخ سند بن شاهک مکریله قوردی مرتب بیر اساس موسی بن جعفر قتلینه ویرسون بیر اوزگه التیاس ساقینی یاره اوغلووا گیردردی بیر تازه لباس اظهار اسلام ایلین اول مرتد و ترسایه باخ حضار بزمه یوز دوتوب ویردی نشان اول حضرتی سویلوب بو ایشده اولماسون اصلا خلیفه تهمتی پیغمبر اوغلون سیز گورون بو منزلی بو حرمتی هر امرینی اجرا ایدن خدام حور أسایه باخ حضاریدن الدی بیری اول بیکسین حالی خبر اول شه الین ویردی نشان یعنی گورون وار نه اثر بلدی هامی مسموم اولوب اول سید خونین جگر سویلر یدالله اوغلونون اوجونداکی حضرایه باخ یانسون دلیم فاحش دیسم نه ظلم ایدوب اول بیحیا بیکس امامه نیلدی حضار مجلسدن صورا گلچهره سینده ایمدیده شاید همان اثار اولا سیلی یرین کشف ایلین اول صورت زیبایه باخ زهرا چراغین ظلمیله اخرده خاموش ایتدیلر پیغمبرین زحمتلرین الحق فراموش ایتدیلر کهنه عبائیله گینه اول نعشی روپوش ایتدیلر بیر مختصر تابوتیله تشییع اولان مولایه باخ اوچ گون قالوب زندانیده زنجیره باغلی پیکری دوردومجی گون رخصت یتوب دفن ایتدیله اول مضطری عصرین امامین دورت نفر حمال توهین اوری تشییع ایدوب بی مهر اولان بو بیوفا دنیایه باخ موسی بن جعفر قتلینه هارون گهی فرصت تاپور گاهی حسین بن علی نعشینده دشمن ات چاپور زینب باشیندان شمر دون که چادر و معجر قاپور گل کربلا صحرا سینه اول غارت و یغمایه باخ دشمن ایله اود ووردولار خرگاه شاه محشره بال و پری سوزان اولان قوشلار داغیلدی چوللره یاندی تالاندی قالمادی نه معجر و نه چادره بیر ساتره محتاج اولان ذریه طاهایه باخ شاها سنون درگاهیوه یوز قویموشام اهیمیله امیدیله دود دل و ابرام ابراهیمیله گورسم سر افرازم اگر لطف شهنشاهیمیله «وافی» کیمی فخر ایلرم دنیاده بو معنایه باخ

استادکلامی کانال جامع شعر مذهبی ترکی و فارسی عاشقم بیر سیده سیدلرین مولاسیدی موسوی لر باشینون تاجی شرف معناسیدی ناز ائدر موسالره بو فاطمه موساسیدی شانلی سلطانلار او شاهون درگهینده بنده دی تاسیادت ئولمیوب موسی بن جعفر زنده دی عاشقم بیر سیده دوشموشدی ائللردن اوزاق اون بیر ایل زنداندا قالمیشدی او مأنوس فراق تاج زرّینِ مدینه شمع ایوان عراق باصفا قبری دیار کاظمینه افتخار امتحان و صبری اولاد حسینه افتخار عاشقم بیر سیده هارونه باش اَندرمدی دشمنان اهلبیته دست بیعت وئرمدی نور اسیر ظلمت اولدی اون بیر ایل گون گورمدی قورخولی زندانیده ذکر حق سبحان دئدی جان چخنجا سینه دن یامرگ یا قرآن دئدی عاشقم بیر سیده ساداته شخصیت وئروب قوللاری باغلی جهانه درس حرّیت وئروب اوغلونون قبری خراسان ملکونه عزت وئروب سویگولون ایرانیان باوفایه تاپشوروب یوخ غلط یازدیم که ایرانی رضایه تاپشوروب عاشقم بیر سیده عشقی دل سوزاندادی قبری بغداده یاخین روحی بیزیم ساماندادی زائران کاظمین معصومه سی ایراندادی هم قما هم مشهده حق اولدوزیلان آی وئروب بو باجیلان قارداشی ایرانیانه پای وئروب عاشقم بیر سیده زنجیره باغلاندی قولی سرور سادات عالم راه قرآندور یولی باش قویاردی سجدیه قلبی ملالیلن دولی عرض ائدردی بارالها راضیم تقدیریدن عاشقم آزاده یم اندیشه یوخ زنجیریدن                      

بی وفایی دنیا شاعر: مرتضی اسکندری(ساعد) ای دل ندور بهانه بئله بی قرارسن دنیادن اوتری بیر بئله بی اختیارسن بیجا یره ئوزون وروسان آب و آتشه دائم اسیر دامن گرد و غبارسن بیر گون گلوب سنیده قوجاقه آلار اجل سنده گدنلرون کیمی بی اعتبارسن دنیا وفا نه شاهه ایدوب نه گدالره باقی فقط خدادی عبس انتظارسن اوچ گونن اوتری باغلا ما بئل دار فانیه دنیا طناب داریدی محکوم دارسن بیر گون سنی مزاره قویار اقربالرون ناز ایلمه که صاحب ایل و تبارسن اوچ گون سنه عزا دوتاجاخ ایستینلرون دوردومجی گون غریبه شهر و دیارسن ایل و تبار و شهرت و ثروت بهانه دور اعمال خیرون اولسا یقین رستگارسن قورخوم بودور که خیر عملون کم گله اوگون اعمالون اولماسا هدف مور و مارسن