زبانحال علیا مکرمه(س) بحضرت حسین (ع)در شهادت علی اکبر (ع) (سبک : ای ویرن ویرانه یرده ..) بو علی اکبردی قارداش قاننه غلطان گتوردون یا پوزولموش گلستاندان دسته گول خندان گتوردون نوگل صد برگ دور بو شکل زیباسین دوتوب قان سنبل تردور صولوب بو یا که زلف عنبر افشان قامتی سرو سهی دور سرنگون ایلوبله دونان بو نه گولدور بو نه سنبل بیر چمن ویران گتوردون ارغوانی رنگ آلی باد ظلمیله صولوبدور نرگس چشم خماره پرده پرده قان دولوبدور نیزه و خنجرلریله گول کیمی اوراق اولوبدور عترت شاه حجازه شور بی پایان گتوردون قطعه قطعه دوغرانوبدور پیکری گول گلدی قارداش باش باشا اوخلار چاتوبدور گوئیا سنبلدی قارداش گول یوزین گورسه سکینه دوزماقی مشگلدی قارداش پر شکسته عندلیبه مایه ی افغان گتوردون قلب عالم سن حسینیم واردی سنده صبر دریا بو ثبات و صبریله سن دوزموسن بو حاله اما سن بو احواله قالاندا نیلسون بیچاره لیلا لیلیه ایوای اوغول وای ذکرینه عنوان گتوردون وار یئری چیخسا اوزیندن لیلی بو جسمی گورنده غشّدیدی خیمه لرده اوغلی میدانه گیدنده هوش چیخمشدی باشندان حاله گلدی سن گلنده بینوا لیلانی مجنون ایتماقا فرمان گتوردون یوسف مصر وفادور بو جوان ماه سیما چین زلفنده سالوبدور دام عشقه مین زلیخا رشته جاندور کلافه مشتری سی آل طه خیمه گاهون مصر بُولدون بیر مه کنعان گتوردون چاک چاک ایلوب وجودین شام و کوفه اشقیانی نقشه ی جسمین پوزوبلار شکلنون واردور نماسی فوج مژگان تک دوزولموش سینه سینده اوخ یاراسی خانه ی زنبوردور بو یا بدن شان شان گتوردون بو نه عالمدور قیامت عالمین اعلان ویرورسن اکبرین زخمین یوزونده اشگویله سان ویرورسن جان ویروب جدّیم شبیهی سن اوزونده جان ویرورسن احتضارونله منیمده حالیمه میزان گتوردون شدّت سوز عطشدن آل پیغمبر یانوردی سوزش غمدن علاوه اود دوتوردی اودلانوردی سو امیدیله سوسوزلوق آتشین آسان سانوردی یأسه دوندردون امیدی آتش سوزان گتوردون تل به تل قانه باتوبدور تار زلف مشگباری سلب اولوب آل عبانون صبر و تاب و اختیاری اوز ایاقیله گیدنده گیتدی جدّیم یادگاری دوغرانان نعشین عباده ای شه عطشان گتوردون چوخدور آداب توسّل اوّلی داد و فغاندور کیمسه بو باب کرمدن نا امید اولماز عیاندور علت قربت حسینه ناله و اشگ رواندور گل((حسینی)) یاخشی گلدون دیده ی گریان گتوردون ** مرحوم سیدرضا حسینی (سعدی زمان) برچسب‌ها: سیدرضا حسینی سعدی زمان

خاک میریزن ورودی حرم مطهر اباعبدالله و حضرت ابالفضل موقع اومدن زائر روز تاسوعا و عاشورا از پله ها به زمین نخورند

‍ 🌸درسومین روزمحرم ✨به رسم ادب 🌸سلام برحسین ویارانش ✨سلام به عباس ومعرفتش 🌸سلام به سجادو سجودش ✨سلام برزینب وبزرگیش 🌸و سلام به دوستان مهربانم ✨عزاداری ها تون 🌸مورد قبول سیدالشهدا 🖤

‍ آمدن نعش حضرت علی اکبر علیه السلام بحر مصیبته گئنه طوفان گتورموشم بزم عزایه ناله و افغان گتورموشم پیشوازه گوز یاشیله خریدارلر گلون مصر بلایه یوسف کنعان گتورموشم چیخسون قباقه زینب خونین جگر دیون بیر نوجوانی قانینه غلطان گتورموشم یوز قانلو چهره قانلو دولوب آغزی قانیله باشدان ایاقه قانیله الوان گتورموشم هرگز سکینه گلمَسه آتدان دوشورمرم گول پیکرین چو شاخه ی مرجان گتورموشم اولسون خبر جوانی ئولن بینوالره یاس دوتماقا بهانه ی افغان گتورموشم یوخ سینه سینده صاف یئری چوخدور یارالاری آماج زخم نیزه و پیکان گتورموشم یوخ طاقتیم گلون دوشورون اوغلوم اینجیوب امّتلره ویروب اونی قربان گتورموشم گوز یاشیزی یارالارینون قانینه سپون لب تشنه جان ویروب لبی عطشان گتورموشم حسرت گوزونی باغلامیون قانیله دولوب باخسون دویونجا هر یانا حیران گتورموشم گوز باغلیاندا لازمه دور غسلیله کفن گویا اولوبدی غسلی قزیل قان گتورموشم بیمار قارداشین چاغیرون بیرجه یانینه گلسون تلاوت ایتماقا قرآن گتورموشم واردی باشی بدنده چکون شانه زلفینه تا اولماسون جداده پریشان گتورموشم شام اهلینه چیخاندا تماشایه سویلیون بدر منیر و مهر درخشان گتورموشم گلزار حسنه ویرماقا زینت بکائیلن بیر پر شکسته (( قمری )) نالان گتورموشم ** مرحوم میرزا محمّدتقی قمری دربندی https://eitaa.com/kobradsg

‍ 🌹🌹🌹 جوشی زنجیر زنی گلستاندا آچیب گُللر، گلیـب آوازه بلبل‌لر ائدر نوحه یانان دیل‌لر، حسینیم وای حسینیم وای      غمون دنیانی آغلاتدی، نه بو نالانی 🌹آغلاتدی آنان زهرانی آغلاتدی، حسینیم وای حسینیم وای باجون اولسون بو نه حالدی، آرادا پیکرون قالدی منی چولدن چوله سالدی، حسینیم وای حسینیم وای جداده اولدو معراجون، دوشوب الد‌ن اله تاجون طنابه باغلانیب باجون، حسینیم وای حسینیم وای یوخوموش رحم «بجدل‌» ده، قالیبدیر بارماقون الده بله‌کلر قانلی مقتلده، حسینیم وای حسینیم وای یوخوندور ساییبان گوردوم، سینوندان اوخلاری دردیم یرینه زلفومو سردیم، حسینیم وای حسینیم وای قالیبدیر پیکرون یرده، چکیب قان یارووا پرده لباسون قالمش اللرده، حسینیم وای حسینیم وای بالا قیزلار اسیر اولموش، حَرملر دستگیر اولموش باجون بیر گونده پیر اولموش، حسینیم وای حسینیم وای ایکیمیز باغلادیق پیمان، منیم صحرا، سنین میدان سن عریان، زینبون وئیلان، حسینیم وای حسینیم وای هاچان دردون چخار یاددان، سنی اولدوردیلر عطشان آنام زهرا سنه قربان، حسینیم وای حسینیم وای دوشوب‌سن گور نه احواله، باخان آغلار بو گوداله سنه دشمن ائد‌ر ناله، حسینیم وای حسینیم وای هواده قوشلار آغلاییر، یر اوسته داشلار آغلاییر جداده باشلار آغلاییر، حسینیم وای حسینیم وای سنین ای «نیّرموکب» دوزولموش دوروه کوکب دالونجا سیر ائدر زینب، حسینیم وای حسینیم وای یازیب سعد اوغلو برنامه، دوشوب اهل حَرم دامه قطاریم باغلانیب شامه، حسینیم وای حسینیم وای قزل قانون بو گیسوده، گِدیرَم ماتم آلوده حسین جان سن یات آسوده، حسینیم وای حسینیم وای یانوندا اکبرون قالسین، سینوندا اصغرون قالسون بلاده خواهرون قالسین، حسینیم وای حسینیم وای 🌹مرحوم استاد یحیوی اردبیلی🌹

کرب وبلا چولینده طوفاندی یامحمد شور برای دستجات سینه زنی و زنجیر زنی و شاه حسین گویان نوحه روز عاشورا شاخصین حاج اصغر فرشچی (عدلی تبریزی) کربوبلا چولونده طوفاندی یا محمد*ص گوندر کفن حسینه عریاندی یا محمد*ص قان باغلادی اورک لر فریاده گل محمدص گریاندی اهل بیتون امداده گل محمدص پیر و جوان بو یرده قربان دین اولوبدی باشسیز دوشوب بدنلر دین گلشنی سولوبدی اولدوردولر حسینی گون سیردن دونوبدی اکبر کیمی جوانی دوغراندی یا محمدص اوخ سینه ده یارالار پردن آچوبدی شهپر آت سالدیلار پوزولدی گل تک اولوبلاپرپر بیر غنچه وار ایچینده سالدی بو جانه اخگر اصغر ال اوسته عطشان اوخلاندی یا محمدص اوخ حرملیدی قویدی قهرا بو گون کمانه اصغر بوغازی اولدی اوچ پر اوخا نشانه گوردی آتا ال اوسته قانی قاروشدی قانه گولدی اولحظه عالم حیراندی یامحمدص گل غنچسیدی اصغراوخ دگدی پر پر اولدی اللر قماطه باغلی قنداقی قانه دولدی ایلور آتاسی افغان گوردی بالاسی سولدی باغ رسالته گل خنداندی یا محمدص مشک اوخلانوبدی عباس گوزده وار اوخ یاراسی قولارینی سالوبلار دوشموش یره لواسی قانی آخور باشیندان ادرک اخا صداسی درک ایلدی حسینون اودلاندی یامحمدص بو گونده اولمادی بس ویران بوکون وامکان اوغلون باشی کسیلدی قان یاغدی اولدی طوفان غارت اولوب لباسی نعشی قالوبدی عریان عصرین امامی سجّاد گریاندی یا محمدص اخیامه اود ویروبلار یاندی خیمم سراسر قاچسون چوله اوشاقلار مانعدی قوم کافر یاندی یانان قالانلا ر اولدی ملول و مضطر درد و محندن اطفال نالاندی یا محمدص بو کوفیان ندندی جو رو جفاده دویماز غارتده جای نقصان بواشقیادی قویماز اغماز ایدرمگر بو دشمن بناتی سویماز نام دنی بو قومه عنواندی یا محمدص ظاهرده کربلاده گتدی حسین جلالی دشمن ایدوبدی غارت هرنه اولان منالی اولدی اسیر دونان آغلار قالوب عیالی جاه و مقامه دشمن تولاندی یا محمدص ایل لر بویی بو غمده دل اهلی سینه داغلار (عدلی) اودی اورکدن بوگون حسینه آغلار کربو بلایه گتسون پیمان سنیله باغلار قربان مزار پاکه بو جاندی یا محمدص https://eitaa.com/kobradsg

‍ طفلان حضرت زینب کبری (س) (سبک : گلمیشم فغانه یانه یانه عمه) گل حسین قبول ایت بو ایکی غلامی قانیله دولوبدی ایندی دیده جامی عازم ایله میدانه زینبون گلوب جانه غم یمه حسینیم (۲) غم یمه برادر ئولدی یار و انصار تنگ اولوب گوزونده عرصه گاه پیکار گل بولاری ایله سن فدایی یار گل یوزون سولوب قارداش اکبرون ئولوب قارداش غم یمه حسینیم (۲) دشمنون چوخ اولدی ای سلیل حیدر اولدی قانلی صحرا عرصه گاه محشر قوی بولار یولوندا جان ویره برادر توپراق اوسته یاتسونلار باشیمی اوجاتسونلار غم یمه حسینیم (۲) دشمنه بویورما یالقوزام وحیدم قوی قانا بویانسون ایکّی نور دیدم افتخار ایدوم من مادر شهیدم اولماز هر کیمه قسمت ایلیه سنه خدمت غم یمه حسینیم (۲) اوز آتالاری چون ایلیوب اشاره هر زمان حسینیم دوشسه گر فشاره بو ایکی بالامی یوللا کارزاره بو همان او ساعتدی خدمتون سعادتدی غم یمه حسینیم (۲) تحفه یوللّور هر کس یاره اوز بالاسین خیمه ده ایشیتدیم لیلینون نواسین اوخشوری سریّه ایندی مه لقاسین سینه میز گلوب تنگه قوی بولار گیده جنگه غم یمه حسینیم (۲) دشت پر بلانین حالی غم فزادی (( بیکَس )) و غریبوخ یئر گویی بلادی کربلا دگول بو وادی منادی کاش آنام گله قارداش زینبون ئوله قارداش غم یمه حسینیم (۲) ***https://eitaa.com/kobradsg

شجاعت طفلان حضرت زینب(س) شجاعت طفلان حضرت زینب(س) روز    عاشورا   ،  کسیلدی ،  کربلا     قربانلاری اکبریلن    قاسمون    ناحق    توکولدی  قانلاری محضر   مولایه    گلدی     زینبون    اوغلانلاری جوشدی غیرتدن داماردا جاری اولموش قانلاری ایستیوبلر   چوخ   ادبلن   شاهیدن   اذن  دخول چیخدی    استقباله   شوقیلن   او   فرزند   بتول بو    ایکی   دلبند   زینب  ،   مفخر    خیر الانام دوردولار   ال   سینه ده ،  شاهه  ایدوبلر احترام چوخ    تواضعلن    امامه    ایتدیلر  عرض سلام قامت    رعنالرینه    باخدی   سر   تا  پا  ،  امام عرض ایدوب خوش گلمیشوز،ای باجیمون اوغلانلاری بو سوسوزلوق  بی گمان سست  ایلمز ایمانلاری خالصا  لله ،گورک ،  عزت  لباسین   سویماسین قلبیزی   تیر    فراق   دشمن   دین    اویماسین سیز منی تک قویمادیز،الله سیزی تک قویماسین حقی وار باجیم سیزین شیرین سوزوزدن  دویماسین عزتیلن    خیمه ی  شه ده  ،  دو   یار   نیک  خو کایناتین    سروریلن        باشلییوبلار      گفتگو دایی  جان، برنامه نی گلدیک  هماهنگ   ایلییاخ قانیلن   دیوار   ایثاری   بو گون   رنگ    ایلییاخ ویر    اجازه   تا رکابینده    سنون  جنگ  ایلییاخ عرصه نی   کرب  و بلاده   دشمنه  تنگ  ایلییاخ کیم گیدوبدی رزمگاهه ، آدین اوردان سسلییوب شیرزن  باجون بیزی بو گوندن  اوتری بسلییوب شهریار     کربلایه     گورسه    دیللر    ئوزلرین آلدی  آغوشه  حسین، ئوپدی  اولارین  یوزلرین با  کفایت   اللریلن    سیلدی    آغلار   گوزلرین خیمه   اطرافینده   زینبده   ایشیتدی   سوزلرین چوخ   فرحلندی،  دیدی اول  بانوی  نیکو خصال روسفید ایتدیز منی،احسن،صودوم اولسون حلال بو   هیاهوده    تجلا    ایلییوب    عنوان    عشق قانیلن  زینت   تاپوب   دیباچه ی   دیوان عشق الغرض   جنگه   اجازه   آلدیلار   طفلان   عشق صادر    اولدی  شهریار  عشقیدن  فرمان عشق باشلییوبلار   قورخولی  میداندا   عالی   بیر   رجز پیچ   و تابه  دوشدی اهل   کینه  و  اهل   غرض قان   توکنلردن   گلوب   بو   نوجوانلار  قان  آلا آز   قالوب   هیبتلری  ،  اهریمنی   تخدن   سالا سالدیلار  سعد اوغلونی،  میدانیده  حالدان  حالا ثقل   میداندا   ایکی   قارداش  ویروبلر  دال دالا سسلنوللر    عشقیلن ،   میداندا   بو  نور  دوعین ذلته   باش اگمروخ  بیز ، سسلروق لبیک حسین بو  ایکی  طفلان زینب ،   شیر تک  جنگ ایلییور مثل  حیدر عرصه ده ،(هل  من  مبارز ) سسلییور پهلوانلاری ،   عمر  سعد ، لعیندن   ،    ایستییور باخ کیچیک قارداش بویوک قارداشینه گورنه دییور تا   ابوالفضل  واردی اعدا  چپ  باخا  بیلمز  بیزه پر آچور زینب  دییور   اوغلانلاریم، احسن سیزه پرچمی     آلدی    مهارتلن    محمد    تا      اله یک    تنه   سالدی    سپاه   ابن سعده     ولوله ایلییور   وحشی   عربلر   قورخوسوندان   هلهله ناگهان بیر سس گلوب،عباس عموز ساقدور هله باغلیانمز    دشمن    قرآن  ،  سویون  یوللارینی حیف  اولا  داییز ،  عموزین  باغلییوب  قوللارینی نوبه    چاتدی   کربلا  دشتینده   عونین  جنگینه طنطنه   سالدی   رجز  خوانیسی کفرین  هنگینه یادگار     زینب   ،  آللانماز   ،  عدو   ،   نیرنگینه اوخشویور    فن   جدالی   ،   کربلا    سرهنگینه عدنیدن   عونه   ، هزاران   مرحبا ، حیدر   دییور هر  ایکی   قارداشه  احسن  ، روح پیغمبر دییور ** بهلول حبیبی زنجانی https://eitaa.com/kobradsg

"نگهبان قاپیدا دور داخی گلمه قباقا ) ۱۳۳۹۸ ۵۶ حضرت رقیه سلام الله علیها   ای نگهبان قاپیدا دور داخی گلمه قباقا یورولوبدی بو رقیه دورا بیلمور ایاقا باشی اول وضعیده وئرمزله سه ساله اوشاقا سوز آچیلسا کیم اونا تسلیت الان وئره جاق   رحمسیز قلبی یزیدین گوروم آهیله دولا گوندروب راس بریده که بالام ساکت اولا هیچ دیمور، حیفیدی بو فاطمه ریحانی صولا چوخ چتین مرحله دی جان دیمه آسان وئره جاق   ائتمدی آه اسیران او نگهبانه اثر ، طبقی قویدی یره گیتدی سالوب قلبه شرر اورتوگی گوتدی رقیه او باشا سالدی نظر عاشقم من دئدی پاداشیمی جانان وئره جاق   گل بابا یاخشی گلوبسن غربا محفلینه اوجادی منزلتون باخ اسرا منزلینه  بالاوین گلمیه جاق شکوه حدیثی دلینه  دوزموشم غملره چون اجریمی سبحان وئره جاق   اوچ سوالیم وار ایا سبط رسول مدنی اولا باشیوی کیم کسدی کیم ئولدوردی سنی یوزوی کیم بویادی قانه یتیم ائتدی منی بو جوابی منه کیم ای شه عطشان وئره جاق    جان یارالی بابا ایستکلی بابا خسته بابا   قانلی باشه وئره رم یر گوزومون اوسته بابا  نفسیم تنگه دوشوب قوی دیوم آهسته بابا شستشو قانلی باشا دیده گریان وئره جاق شاعر : ولی الله کلامی زنجانی https://eitaa.com/kobradsg

▪️▪️▪️▪️▪️▪️▪️▪️ متن روضه حضرت رقیه سلام الله علیها ▪️▪️▪️▪️▪️▪️▪️▪️▪️ السلام علیک یا رقیه بنت الحسین اولسون سلام دیللره طوفان سالان قیزه آغلارقویوب خرابه ده آغلار قالان قیزه اولسون سلام غم یوخوسوندان دوران قیزه بابا دینده عمه سین یاندیران قیزه   لایلای رقیه لایلای 2 ای درد لره درمان رقیه لایلای جان یارقیه...دست توسل ووراق بی بی رقیه اتگینه...اورگلری آپاراخ شامین خرابه سینه.... هانسی خرابیه...او خرابه ای کی قیرخ گئجه بیر شمعی یانمادی ووردی قمچی وورانلار رقیه نی اوتانمادی...😭😭 به یاد اوساعتی کی گجنون عالمی بیبی رقیه خواب نازیدن اویاندی دوتدی یارالی زینبین اتگیندن دئدی عمه....من بابامی سندن ایستیرم آی عمه...... (خداسنی آندورم رقیه نین او بابا ..بابا ..دین ساعتینه هیچ عمه نی قارداش بالا سینا یتیم دار ائلمه😭) دئدی عمه دور چراغی یاندور...آل قوجاقیوه منی بو خرابه نی دولاندور آختاروم تاپوم بابامی...تانشان وریم یارامی....😭😭😭 اما آی رقیه یه دملی سوزی اولانلار رقیه نین آغلاماقی حسینون یارالی باشین گتیردی خرابیه...😭😭😭 (نه حاجتین وار آل نظره😭) جان یاحسین.....آخ حسینون یارالی باشی خرابنین چولونده ال به ال طبقده دولاندی ...چاتدی رقیه نین بالا جا اللرینه....ایله کی رقیه روپوشی ووردی کناره...بیر اوندا گوردیلر رقیه یارالی باشی آلدی قوجاقینه😭😭😭 سارالان لبلرینی قویدی بابانین دوداقلارینه😭😭😭 (قیز بابانی گوزل اوخشار ها جان رقیه) دئدی جان بابا...یارالی بابا بورسمیدی قیزین باشی آتا آلا قوجاقینه...بابا بابا خرابده اما رسم عوض اولدی....هیچ دیمه دی آجام..هیچ دیمدی سوسوزام😭😭 دیدی بابا ندن باشون کوله باتوب بابا ندن دوداقلارون یاره دی بابا😭😭 یری وار حسین دیه آی بالا....باشوم خولیه مهمان گئدیب....دوداقلاریما خیزران یاره سی دگیب😭😭😭 اما اوغملی زینب بیر آن گوردی رقیه سسدن دوشدی...جان یارقیه ...یارالی باش بیر طرفه رقیه ده دوشدی بیر طرفه😭😭😭 سسلن دردیوه یارالی یا حسین😭😭😭😭😭😭😭😭😭 التماس دعا

نوحه کربلا کربلا    کربلا     ای     تربت     شهیدان حسین عاشقلری  ششگوشه قبره  قربان بیز   غم   رختین   سویماروق کربلادن                دویماروق آند  اولسون   حسینون   گنبدینده   علمه کربلا    یولوندا   بیز    دؤزَروخ   هر  غمه صبا    بو     پیامی    یتور     نهر    علقمه بیز   غم   رختین   سویماروق کربلادن                دویماروق ثار الله     آرتیردی      کربلا      امتیازین قیلدی قان  ایچینده حسین عشقین نمازین قاتلی سجده ده کسدی سوسوز  بوغازین بیز   غم   رختین   سویماروق کربلادن                دویماروق وئر  باده  تشنه ی  پیمانه یوق حسینجان سن شمع وفا  بیز پروانه یوق حسینجان کربلا  عشقیندن   دیوانه یوق  حسینجان بیز   غم   رختین   سویماروق کربلادن                دویماروق قربانم     آقامون    قانی    آخان     مقتله زهرا  اوغلون دشمن  آتدان  ییخان مقتله اوجا    تلّین   اوستن  زینب  باخان   مقتله بیز   غم   رختین   سویماروق کربلادن                دویماروق امّ البنین  اوغلی   قانه   باتوب  او  چولده جان فکرین ابوالفضل باشدان آتوب اوچولده سو آخوب قول دوشوب پرچم یاتوب او چولده بیز   غم   رختین   سویماروق کربلادن                دویماروق ** حاج ولی اله کلامی زنجانی

عشقینی ایثارینی دنیایه إعلان ایله دی کربلا دشتینده خَصمی قانه غلطان ایله دی مرحبا أم البنینه اوغلی طوفان ایله دی قوم خنّاسه دئدی راه خطایه گئتمه رم مین أمان نامه گله أربابیمی ترک ائتمَرم....

ای عمه سین آغلار قویان دلبریم لای لای محمد عاملی ای عمه سین آغلار قویان دلبریم لای لای ویرانه یرده دفن اولان گوهریم لای لای واویلا یا زهرا غم غصه لر یوردی سنی نازلی دردانه اف ایله درمان تاپادیم درد پنهانه سن سیز بو ویرانه منه اولدی ویرانه واویلا یا زهرا گوزیاشلی اگنونن سنون رختیده سویدوم اوز اللریمله گا اوزون تپراقا قویدوم ✨اَللّهُمَّ عَجِّل لِوَلیِّکَ الفَرَج✨

وداع حضرت علی اکبر (ع) آز غصه ویر بو قلب پریشانه قوی گیدوم دوندرمه باغریمی آنا جان قانه قوی گیدوم یاخشی دگل مسافری یول اوسته ساخلاماق صف صف دوروب باخور منه پیکانه قوی گیدوم بی صبر لوق چوخ ایتمه باخار چون غریب آتام سنده منی گل ایندی غریبانه قوی گیدوم الله یولوندا چون منی قربان ویروب بو گون گل سنده ال گوتور منی مردانه قوی گیدوم گر ایسته سن بو قلبیوه چوخ نسگل اولماسون زینت ایدوب بو زلفیمه وور شانه قوی گیدوم اما وارونسا سو منه گوستر ثواب دور ویرمزله سو بو دشتیده قربانه قوی گیدوم آغلاما که آغلاماقون وقتی وار گلور آغلارسون أوندا کیم باتارام قانه قوی گیدوم حقّون وار اوندا ای آنا هر قدر آغلاسان یوخدور سوزوم ئولونجه گل افغانه قوی گیدوم گورسن جداده شامه گیدر نازنین باشوم گل دوش دالومجا کوه و بیابانه قوی گیدوم یوللاردا قویمارام سنی یالقوز غم ایتمه چوخ گللم سنی آپارسالا هر یانه قوی گیدوم چون من بو گونده گیتمه لیم ال گوتور داخی بلکه یتوم بو شوقیله جانانه قوی گیدوم دنیاده چوخ آنانی اوغولسوز قویوب فلک یوخدور علاج گردش دورانه قوی گیدوم هرگز سنون وجود یولین اولمارام ذلیل غمناکوام همیشه عزیزانه قوی گیدوم ** مرحوم محمدتقی فرهادی غمناک تبریزی

) زبانحال خانم لیلا (س) گیتمگون سالدی سراسر قلب ائوینده شور علی گَلمَگون درد آرتیروب لیلایَه یاتما دور علی سَس دوشوب اَخیامیده پیغمبره بَنزر گلور خیمه دن چیخدیم نَه گوردوم غملی بیر منظر گلور بیر عَبا اَللرده دور بیر دسته گُول پرپر گلور مُصحَفِ قرآندی بو ، یا دوغرانوب اکبر گلور بَختور لیلی اولوب مجنونیدن مشهور علی من سنه یوسف دئسم نقصان یِتر اِجلالووه مین زلیخالر قالار سرگشته تَک بیر خالووَه نقطه ی بِسم الله قرآن چیخوب اقبالووه یوسف زهرا سن اوغلوم خوش سنون اَحوالووه یوسف کنعان یانوندا وصله ی ناجور علی آیریلوب گیتدون سنی تاپشوردوم حَیّ ذوالمَنه مختصر گیتدون دونوب جیران باخیش باخدون منه ایستدیم بیرده وِیرام بوسه او وَجهُ الاَحسَنه خیمه دن چیخدیم گَلم گوردوم باخور عَمّون سنه گَلمگه آردونجا اولدوم من اودی معذور علی موسی عمرانی خوشدور بو چوله دعوت ائدم ترک ایده سینانی بو طوره گلوب قویسون قدم لَن تَرانیدن گورَه اِنّی اَراهو بیش و کَم لامکانون نورینه اوخشار بیر آز احمد شِیَم بو جماله بذل ائدوب نوری او نور طور علی قامتون دیوان عشقه دلنشین اَبیاتیدور خط و خالون آیه آیه مُصحَفِ آیاتیدور خَلقاً و خُلقاً وجودون خاتَمه مرآتیدور دوغرانان اعضا دیورسن قبله حاجاتیدور من طواف عشقیده اِحرامیمه مسرور علی قاشلارون تَشبیهیدور بیر جوت هِلالی خنجره کیپریگون لشکر گوزون صَهبادی صف صف لشکره یوخ گمان یاقوت رُمّانی چاتا بو لبلره مَرحبا صورتگره ، الله اکبر اکبره عارضون چون بَدر ، زُلفون ظلمت دیجور علی اَمر مشکلدور که خالق خلق ایده تای اکبره شده ی مرجان دوزولمیش زلفووَه خوش منظره حیفیدور بَدری خُسوفه قویما زُلفون دوندَره شانه وِیرماقیم بو زُلفه قالدی اَمّا آخره توز قونوبدور زلفووه ایکاش اولیدیم کور علی تِئز غروب ائتدون نَدن ای بَختیمون صبح اولدوزی تار ایدوب بو گَلمگون اوغلوم گوزومده گوندوزی من گُلاب و عطره بو چولده گمانیم یوخ دوزی وئر اجازه قوی یووم گوز یاشیمیله گُول یوزی اوخشامازدیم من بِیله درد ایلوری مجبور علی هیچ یاراشمازدون بو دَهر فانیه ای مَه جمال قصر مینویه سنی لایق بیلوبدور ذوالجَلال قامتیم بیر لحظه ده قاشون کیمی اولدی هِلال بَختمیله زُلفیمون عنوانینه گَلدی زَوال آغ گونوم اولدی قَرا ، قارَه گونوم آغدور علی (( نادرون )) وار حاجتی ایستر بو دَرگَهدن صِله بلبل باغ ولایتدور قونار گُولدن گُوله سیز اونا باب کَرم آچدوز دوشنده مُشگله ئوز اَلولَه نوکرین گَل زورقین چَک ساحله چون سلیمانون یانیندا گورسنوبدور مور علی ** حاج نادر بابایی https://eitaa.com/kobradsg

‍ نوحه حضرت علی اکبر(ع) روح روانیم اکبر آرام جانیم اکبر دور یاتما قان ایچینده ای وای جوانیم اکبر سس وئر یارالی اوغلوم یاتما وفالی اوغلوم بو قلبی داغلی بابا باشون آلوب دیز اوسته گوردی سنی بو حالدا قلبی اولوب شکسته سسلر جوانیم ایوای آغلار جنازون اوسته سس وئر یارالی اوغلوم یاتما وفالی اوغلوم قویدون منی کمک سیز ای نور چشم بابا جانیم سنه فدادی دور ای شبیه طاها مخیمده سالدی قاره باشی بلالی لیلا سس وئر یارالی اوغلوم یاتما وفالی اوغلوم ایوای منه یارالی نعشون یره سالوبلار یاره سنه ویروبلار آرامیمی آلوبلار مخیمده خیردا قیزلار دور منتظر قالوبلار سس وئر یارالی اوغلوم یاتما وفالی اوغلوم بو چشم اشکبارون نور و ضیاسی سن سن دور بیر ایاقه اکبر قلبیم صفاسی سن سن دیندیر منی یارالی دردیم دواسی سن سن سس وئر یارالی اوغلوم یاتما وفالی اوغلوم روحون اوچوب سمایه ای جنّتین هماسی دین رسول حقّین سن اولموسان فداسی امّا یارالی جسمین وار غملی ماجراسی سس وئر یارالی اوغلوم یاتما وفالی اوغلوم ** حسن طیبان میانجی

شهادت حضرت علی اکبر (ع) (سبک : خدا حافظ ای آنام باجی ) وئرن سوسوز الده جان بالا یاندیم اکبریم یاندیم جفائیله دوغرانان بالا یاندیم اکبریم یاندیم چکوب سنون زحمتون على محنتون دیله یازدیم طوی ایلسیدیم اوغول سنه هیچ بو قدری یانمازدیم دئسیدون ازّلده ئولمگون عرصه گاهه قویمازدیم منی غمی یاندیران بالا یاندیم اکبریم یاندیم دؤزمز اوغول مرگینه آنا یاتما قوملار اوستونده آنووی قویما یانا یانا یاتما قوملار اوستونده گتورمه من زاری سن جانا یاتما قوملار اوستونده سن سیز اولام ناتوان بالا یاندیم اکبریم یاندیم اولان منیم ماه منظریم آی کیمی غروب ائتمه صنوبریم مهر انوریم آی کیمی غروب ائتمه اویان اوغول یاتما اکبریم آی کیمی غروب ائتمه قویما منی ناگران بالا یاندیم اکبریم یاندیم او لیلیم درد و محنته دیلده چکمرم پرده گئدم هارا اوخشارام سنی آغلارام همین یرده سالوب سنون ئولمگون منی چاره سیز اولان درده نجه ائدوم من عیان بالا یاندیم اکبریم یاندیم (( فصیحی )) صدقیله روز و شب نوحه لر یازار آغلار سالار خیاله مصیبتون ایلر آه و زار آغلار توسل ایلر سنه منه قلبیدن یانار آغلار دیلیمجه سویلر جوان بالا یاندیم اکبریم یاندیم ** بلال فصیح

کربلا و آرزوی زیارت (با آهنگی ساده و دلنشین) 🟧🟪🟧🟪 دوزدی یوخ خیر عَمَلیم یابن الزهرا قبریوه ایسته گلیم یابن الزهرا 🟧🟪🟧🟪 اَشکیله دولدی گوزوم فاطمه اوغلی وار سنه چوخلی سوزوم فاطمه اوغلی سنی زهرا جانی تِز تَذکره می یاز هجریوه یوخدی دوزوم فاطمه اوغلی 🟧🟪🟧🟪 گوزلریم گور نجه دولمازلا یارالی عُمرومون گوللری سولمازلا یارالی باخما کی لایقِ درگَه دَگولم من آقالار نوکری قوومازلا یارالی 🟧🟪🟧🟪 یا حسین سن گوروسن دَربَدرم من گوز یاشین دائم عذاره اَلَرم من یوزی قاره اَلی بوش نوکره بیر باخ آلتی گوشه حَرَمون بیرده گورَم من 🟧🟪🟧🟪 ماتَمونده قَره کوینک گییَرم من سَحَر آخشام آدیوی سسلییَرَم من سن منی بیرده چاغیر خیمه گَهونده گور نجه اصغره لایلای دییَرم من 🟧🟪🟧🟪 چوخلار آماده اولور آه و نوایه میهمان اولماقا شاهِ شُهدایه سنی اکبر جانی رحم ایله حسین جان منیده دعوت ایله کرب و بلایه 🟧🟪🟧🟪 مُرغ روحوم ایلیور گورنجه پرواز (بیکَسم ) لطفووله ایله سَر اَفراز اوجا بوی قارداشیوین خاطری مولا منه بو جَمعیله بیر بینُ

┄━═✿♡﷽♡✿═━┄ ➖➖➖➖➖ حسینه آدم آغلار عالم آغلار #حسینیه_غمکش ➖➖➖➖➖ شهادت حضرت امام حسین (ع) رجز روز عاشورا .. .. .. مرحوم غمکش .. .. .. حسینه آدم آغلار ، عالم آغلار علی آغلار ، رسول خاتم آغلار خانم زهرا حسینیم وای دئینده یئر آغلار منبر آغلار پرچم آغلار حسینیم وای ، حسینیم وای ، حسینیم .. .. .. .. حسینه جان عاشقلر فدادی اونا مدفن زمین کربلادی جهان هجر حسینده مبتلادی بو مولا لنگر و ارض و سمادی دئیر عیسی حسین وای مریم آغلار یئر آغلار منبر آغلار پرچم آغلار حسینیم وای ، حسینیم وای ، حسینیم .. .. .. .. حسین قیمت وئروبدی ماسوایه قدم قویدی او گون که کربلایه دولان کعبه کیمون دور لوایه وورار سینه اولار کی محکم آغلار یئر آغلار منبر آغلار پرچم آغلار حسینیم ، وای حسینیم وای ، حسینیم .. .. .. .. چکوبدی ال او گون که اکبریندن او مولا قاسم نام آوریندن اوجا قامت وزیر و لشگریندن اونا هم کوثر و هم زمزم آغلار یئر آغلار منبر آغلار پرچم آغلار حسینیم وای ، حسینیم وای ، حسینیم .. .. .. .. بویوردی دین و قرآن زنده قالسون گرکدی نهضتیم عرشه اوجالسون منی تپراقه قو ... .

.من حسینم .... من حسینم کیم منه گوز یاشی توکسه برملا روحینه وئرم صفا قلبینده قالماز ابتلا نامه ی اعمالینه نقش ایلرم مهر ولا مستقیم دعوت یازیب وئرم برات کربلا کربلایه گلسه ئوز سفره مده مهمان ایلرم . . من حسینم معنویت وئرمیشم اجلاسیمه عطر جنت حس ائدر عاشق گلنده یاسیمه قول وئرم بو سوزه آند اولسون ئوز احساسیمه کیم سرین سو میل ائدنده آغلاسا عباسیمه آب کوثرپا یلانان ساعتده جبران ایلرم . . من حسینم ایلدیم دارالشفا درگاهیمی دینه خاطر باده تاپشوردوم جلال و جاهیمی عهد وپیمان اوسته اوتدوم هر یانیخلی آهیمی اصغریمدن ئوزدوم ال راضی ائدم اللاهیمی راضی اولسا اللاهیم شکر فراوان ایلرم . . کیم منه عرض ارادتده امیدین باغلاسا تشنه لب اطفالیمه فکر ایلسه دل داغلا سا معرفتلن ظهر عاشورامه یانسا آغلا سا طول عمرونده ئوزی ئوز احترامین ساخلاسا زندگیسینده نه مشکل اولسا آسان ایلرم . . من حسینم عهد یمه قویدوم وفا سرمایه سی کربلا صحرا سینه سالدیم فتحنا سایه سی نهضتیمین قانیلن مستحکم اولدی پایه سی کوینگیمده ئو زآنام یازمیشدی قرآن آیه سی اکبریم مین اولسادا قرآنه قربان ایلرم . روز عاشوراده هر دردو ملالیم بیر یانا نهر علقمده اولان طوفانلی حالیم بیر یانا خیمده باشیز قالان اهل و عیالیم بیر یانا تله جان آغلار قا چان یورقون غزالیم بیر یانا ایندی ده قبریمده اول احواله افغان ایلرم . . یوم عاشورا منه اولدی چتین بیر مسئله خیمه لرده سالدیلار دامانیمی الدن اله باجی قارداشلیقدا هیهات عالمه زینب گله گورموشم بیر منظره زینب گلنده مقتله ایلسم تشریح اگر دنیانی گریان ایلرم . . اولماسیدی زینبیم کل قیامیم طردیدی عالم امکان هله قانلی غبار وگردیدی تنگنای ظلموده دشمنلریم نامردیدی اهل بیتیم تک به تک باشدان ایاقه دردیدی اهل بیتیمدن دئسم عرشی نوا خوان ایلرم