جهد ایله ((کریمی )) اولاسان اهل حقایق تا یازدیقون اشعار اولا فعلونله موافق گورسونله سنی منصب نوکر لیقا لایق سعی ائتمه آدون شعریده دیلدن دیله دوشسون دیلدن دیله جاری ائله قوی سوز دیله دوشسون **https://eitaa.com/kobradsg

کوچ اسرا-گفتگوی خانم زینب(س) با امام حسین(ع) سوال جواب ‍ کوچ اسرا-گفتگوی خانم زینب(س) با امام حسین(ع) سوال جواب زینب (س) ای لاله کیمی قانه باتان باش باجون ئولسون آچ قانلی گورون باخ منه قارداش باجون ئولسون بیر باشدا کی قارداش اولا بیر بیله جراحت مطبخده کول اوسته یاتار آیا نجه راحت یاتدون نجه مطبخده سن ای شمس امامت ای ماه تمام اوّل شبده نیه باتدون آخر یارالیدون کول ایچینده نجه یاتدون امام(ع) چوخ آغلاما پوزما منیم احوالیمی زینب بو قانلی یوزومدن گوروسن حالیمی زینب ائو صاحبی مهمانه ائدر لطف و کرامت لازمدی یاتاندا یئرینی ایلیه راحت خولی ده ولیکن یوخیدی بسکه لیاقت کول اوسته جگر قانیمی گوز یاشینه قاتدیم قویدوم یوزیمی حسرتیله کوللره یاتدیم زینب (س) مطبخ که حسینجان سنه بیت الحزن اولدی آیا دی گوروم یانیوه هئچ بیر گلن اولدی یا قانلی کولی قانلی یوزوندن سیلن اولدی هئچ صبح آچلینجا گئجه نی یاتمامیشام من بیر لحظه نظردن حرمون آتمامیشام من امام(ع) خولی باجی جان دینینی دنیاسینه ساتدی قویدی منی مطبخده اوزی قصریده یاتدی یاتمیشدیم او حالیله آنام گلدی اویاتدی سسلندی حسین عترتیوی گوزدن آتوبسان پیغمبرون اوغلی نیه مطبخده یاتوبسان زینب (س) نه حالیده گوردون آنامی ای شه خوبان شرح ائت باجووا شادیدی یا حالی پریشان آیا آنامون حالی نجیدی سنه قربان سینمیش قولون آیا یارالی سینه ده گوردون سنله دانیشوب گولدی و یا غمزده گوردون امام(ع) ای مهر و وفاده منه زهرایه برابر زهرا یوزی گولمز نقدر وار بو ستملر پهلوسینه قویموشدی الین زار و مکدر ناراحتیدی چوخ در و دیوار اثریندن اوپدوم یارالی سینه ده مسمار اثریندن زینب (س) گر اولسا جدادن باشیوی اگماقا امکان اگ پاک ائلیوم قانینی ای سرور دوران دشمن نیه گورسون یوزیوی قانله الوان زلفیمله سیلم مه یوزیوی دوشمه خسوفه شاید سنی گورسون تانیسون ملت کوفه امام(ع) سیلمه یوزیمین قانینی ای منبع عصمت بو قاندی منه شاهد و عنوان شفاعت حشره یوزی قانلی گلرم روز قیامت الده یارالی باشیمی عنوان ائدرم من بو قانله چوخ درده درمان ائدرم من زینب (س) سن سن یارالی نی ده کسیک باشلارا رهبر باشوز ائلیوب کوفه نی پر نور و معطر سقا باشی اما آرادا یوخدی برادر چوخ آختاریرام ماه بنی هاشمی قارداش دوزمور ئوره گیم ایستوری قارداشیمی قارداش امام(ع) هئچ کس اونون احوالینی مندن صورا بولمز بیر باش کی او حاله قالا نی ده دورا بولمز قاتل اونی چون گوردی جدایه وورا بولمز قویدی یارالی جسمینی میدان آراسیندا شامه گئدیر اما باشی قلخان آراسیندا زینب (س) قرآن سسیوی کسمه برادر قولاقیمدان حالین بولورم قیزلاریوین اوز سیاقیمدان ایستور اوزین آتسون بو رقیه قوجاقیمدان دوزمور بالا قیزلار داخی یوخ چاره محلی قرآنله وئر عترت اطهاره تسلّی امام(ع) قرآن اوخویاندا وورور اعدا من زاری قرآنله یوخدور بو گروهین سر و کاری سن ناقه ده لای لای دی رقیّم یاتا باری ناراحت اولار قویما جداده منه باخسون دیندیرگوزونون یاشینی سیل قوی سنه باخسون زینب (س) دشمن سنی مظلوم ائلدی کامینه چاتدی بیگانه خیانت اَلین اسلامه اوجاتدی قرآنی شهید ائتدیله قرآن سسی یاتدی تنها بوئیدی دیلده کی مقصودی یزیدین پامال ائده احکامینی قرآن مجیدین امام(ع) ظالم باجی مین ایل یاشاسا کامه چاتانماز هند اوغلی داخی بیر گئجه آسوده یاتانماز قرآنیمون احکامینه خائن اَل آتانماز هر حالیده من حامی قرآن مبینم تفسیر ائلین قانله قرآنی حسینم زینب (س) بیر گونده داغیلدی هامی یاور باشیمیزدان قمچی ووروری ایندی بو لشگر باشیمیزدان هاردیدون او گون آلدیلا معجر باشیمیزدان الله بولوری حاضرم هر گونه عذابه اما دگولم راضی بو جور کشف حجابه امام(ع) سندن باجی جبریله قوشون معجر آلاندا جان اوسته چالوردیم ال ایاق قرمزی قاندا باش سجده ده جان سینه ده قلبیم ضرباندا چوخ سعی ائلدیم تا گلم امداده او ساعت افسوس دیزیمده یوخودی دورماقا طاقت زینب (س) باشون کسیلندن صورا ای مهر ولایت گون باتدی گئجه گلدی دوتوب عالمی ظلمت من خیمده مشغولیدیم اطفاله او ساعت کیم نیمه ی شب یاد ائلیوب یانوه گلدی کیملر دی گوروم شام غریبانوه گلدی امام(ع) سن گئتدون آنام گلدی الینده قره معجر قارداشیم حسن گلدی آتام ساقی کوثر سالدی اوزینی سینه مه حسرتله پیمبر بجدل یتشوب مقصده چاتماقه تلسدی چیخموردی اوزوک دُزمدی بارماقیمی کسدی زینب (س) ایکش نظامات جهان منحل اولیدی نه شمر و نه خولی نه بوگون بجدل اولیدی بارماقوی قطع ایلین اَللر شل اولیدی بیر اَل کی چکردون فقرا باشینه هر آن کیم کسدی بیلکدن اونی زینب سنه قربان امام(ع) قویماز باجی بو قانلاری یئرده ید قدرت بیر گون گلی دنیانی دوتار صوت عدالت ظاهر اولاجاق مهدی موعود امامت نیروی عدالت یخاجاق ظلم بناسین ظالم گوره جاق ظلمتون البته جزاسین

سوز عطش * ای فرات   ای فرات ای چوللره آخان سو  غم دللره سالان سو قانه دونیدون        قانه دونیدون *** چوللرده آخدون قان اولدی دللر سولدی عطشدن مخیمده گوللر سن باعث اولدون اوخلاندی اصغر مخیمده سولدی گوللر یاندی عطشدن اصغر قانه دونیدون     قانه دونیدون **** اصغر گوزونده دوندون سرابه دوندی رقیه قلبی کبابه رحم ایتمدون هیچ بیکس ربابه سخدون دل کبابی    قویدون ملرربابی قانه دونیدون     قانه دونیدون **** یاندی عطشدن اولاد طاهـــا عطشان یارالی جان ویردی سقا شرم ایتمدون بس زهرادن آیا سقانی یاندیریبسان ائلدن اوتاندیریبسان قانه دونیدون     قانه دونیدون **** ویردون سن ای سو چوخ قلبه یاره آل عبـــانی سالدون فشاره نقدر ایچرسو بیر شیر خواره ششماهه نورسیدی بیرجرعه سو بسیدی قانه دونیدون     قانه دونیدون **** آغلارحسین عطشانه داغ داش عطشان کسیلدی یتمیش ایکی باش ای سو دونیدون القانه ایکاش آغلاتدون عالمینی یاندیرمیسان حسینی قانه دونیدون     قانه دونیدون https://eitaa.com/kobradsg 👇

موج غمدن یوخ هراسیم،من بلا غواصیم صود ویروبدور مام غیرت،غیرتون دریاسیم من حسین بن علینون روح پُر احساسیم لشگر پر شور حقون تیغهء الماسیم نهضت خونین عشقون آیری بیر عباسیم

#رجز سورونوب جانب ميدانه او شش ماهه بالا قالميا تا شهدادن او بياباندا دالا ملر آهولرى سالدى او بالا حالدان حالا اوجادان آغلاديلار سسلرى ميدانه چاتوب قيديب خيميه سلطان سر پيمانه چاتوب آلتى آيليق او گون اولمشدى او لب تشنه شهيد عموسى محسنين عمرينن ايدوبدور تقليد محسنون مژده وصلين اونا اوخ وردى نويد محسن قاتل اولوبدور در و ديوار آراسى اصغرين فاتحه سين وردى ولى اوخ ياراسى بالا حلقونه باخدى آتا يومدى گوزينى باغليا بيلمدى اكبر داغى اوسته گوزينى باخدى بير دلسيزينه تز ديله گتدى سوزينى قديمى ايدى منيم بار غم و محنت اوغول نيتيم خيردى ورمه منه چوخ خجلت اوغول

اوغول علی آغلاما يات (2) سنده يانمیسان منده (2) -------------------------- آنان اولسون چاره ندی (2) منده سوسوزام سنده (2) -------------------------- سو يولّارين باغلادلار (2) فرقه ی جفا گستر (2) -------------------------- بهاريميز اولودی خزان (2) سولدی غنچه لر گولَّر (2) -------------------------- بو حالتون بی کس آناوين (2) قلبينی کباب اِيلر (2) نه منده سوت وار نه ده سو (2) اولدوم آخه شرمنده (2) -------------------------- مگر ديور آب فرات (2) فاطمه آنام مَهری (2) -------------------------- نَدن حرام اودی سنه (2) بو شريعنون مَهری (2) -------------------------- بو عالمون چرخی دونه (2) توش اولوب سنه قَهری (2) -------------------------- نه چاره اِيلوم علی جان (2) يوخدو رحم دوشمنده (2) -------------------------- اوغول نِجه روادی بو (2) بهر تک فرات آخسين (2) -------------------------- قريب آنان حسرتينن (2) بو آخان سووا باخسين (2) -------------------------- بو حالينن سوز عطش (2) ياندريپ سنی ياخسين (2) -------------------------- سوسوز اوشاخلار ملشير (2) شاميان اِدير خنده (2)  https://eitaa.com/kobradsg 👇

سبک =============👆 زبانحال امام حسین (ع) در بالین حضرت ابوالفضل (ع) اویان منیم آرخام ائلیم آچ گوزون ابوالفضلیم دوگورنجه سیندی بلیم آچ گوزون ابوالفضلیم صاحب علم یاتما قولاری قلم یاتما یارالی بوگُل جنازه دن من دونمرم قارداش خیامه سنسیز یارالی تک گیدنمرم قارداش عبایه بوکسم جنازوی حمل ایدنمرم قارداش هرایمه یوخ گلنیم آچ گوزون ابوالفضلیم نیه بو احواله قالموسان فاش ایله اوزون قارداش شب تاره وای منه دونوب ایندی گوندوزون قارداش اماممی آچمشام سیلم قان دولان گوزون قارداش الیم گلمیرمن نجه سلیم آچ گوزون ابوالفضلیم نجه باخوم پیگریوه وای منه یاران چوخدی یارالی دور سیندی بلیم دلده طاقتیم یوخدی سنی آت اوستن یره سالان آلنوا دگن اوخدی نه دردون وارسویله بیلم آچ گوزون ابوالفضلیم عبداللهی ✍ سبک عم اوغلی چوخ گل سارالار

زبانحال حضرت زینب س در حالات غسل حضرت رقیه س غسلین ویرنده گوز یاشیمی قانه قاتمیشام بیربیر تیکانلاری ایاقیندان چیخاتمیشام بنیان صبریمی دیمه غم سیلی یخمادی بعضی تیکان ایله یرین آلمیشدی چخمادی