ای علمدار من یار و غمخوار من 🌾▪️🥀🌾▪️🥀 زبانحال امام حسین علیه السلام در بالین حضرت ابوالفضل علیه السلام 🍁سبک_خیمه_نی_سیلمیشم مشابه . مرحوم مخلص اردبیلی . ای علمدار من یار و غمخوار من یاتما صحراده قارداش گلدیم امداده قارداش دوغرانوب پیکرون قالمیوب صاف یرون گل تک اعضاده قارداش گلدیم امداده قارداش . . گل کیمی پیکرون سر به سر یاره دور یاره لردن آخوبدور قان گیدوبسن اوزوندن لحظه ای هوشه گل بیرجه منله دانش سویله قارداش بیلوم من اولسا هر بیر سوزوندن قان دوتوب گوزلرون یوخ الون سیلمگه قوی سیلوم من او قانی ایندی شهلا گوزوندن آچ گوزون قیل نظر قالمشام بیر نفر بین اعداده قارداش گلدیم امداده قارداش . . بیدقون سرنگون اولموسان غرق خون بیر سلامت یرون یوخ گل کیمی پیکروندن قطعه قطعه ایدوب لشکر کینه جو تکیه گاهون اولوبدی صورت انوروندن دوندریم ایندی من آرخون اوسته سنی بیر اوپوم حسرتیله قان دولان گوزلروندن حق یولوندا بو گون جان فدا ایلدون سن بو مأواده قارداش گلدیم امداه قارداش . . بیر بولیک عترتیم خیمه ده منتظر گوزلرین یولدا قویدی لشکر ظلم پرور قالمادی یار من ای هوادار من بو قدر دشمن ایچره یالقوزام ای برادر ایندی ایلر هجوم هر طرفدن قشون قتلیمه منتظردور شمر دون الده خنجر ظلمیله تشنه لب باشمی کسمگه اولموش آماده قارداش گلدیم امداه قارداش . . آه او وقتدن امان شاه تشنه لبان باخدی حسرتله گوردی دوشدی قارداش نفسدن قالدى یرده بدن یوخدی بیر دفن ایدن دوغرانوب قالمیوبدور یار و انصار و کسدن یوز ویروبدی نه غم ایتمرم من رقم واردی بیر التماسیم شاه بیداد و رسدن امر صادر ایده «مخلص» هر غصه دن اولسون آسوده قارداش گلدیم امداده قارداش

غمونده امّ البنین اوغول دلده مین فغان آغلار 🍁▪️🍁▪️ حضرت ام البنین درماتم حضرت عباس علیه السلام . 🔰سبک_خداحافظ_ای_آنام_باجی … 3 سبک ( شیرین سوسوزم آیدین اولدوزوم … عم اوغلی چوخ گول سارالار … ) مشابه . غلامعلی باقری الهامی ( هوشی تبریزی) . غمونده امّ البنین اوغول دلده مین فغان آغلار گلر نوایه ایـدریوزه اشکینی روان آغلار سالار سنون یاده حسرتون ای وفا شعاراوغلوم ایلرآه وزار اوغلوم . . دیولّه بزم وفاده سن عالی امتحان ویردون وفایولون جهاندا هرعاشقه نشان ویردون کنار نهریده باتوب قانه تشنه جان ویردون آنان سنون حالیوه یانار هر دم وهر آن آغلار . . غم وملالون سنون اوغول جانیمه شررسالموش قراروصبروتوانیمی اختیاریمی آلموش هزارحسرتله سینه ده اللریم منیم قالموش گوزوم توکراشک عارضه دل چکرفغان آغلا . . نقدری چکدی جهانیده زحمتون بو بی غمخوار او زحمتیله بسلدی ایله سرو خوشرفتار ولیک اولمادی گوره سنده نه شجاعت وار بونسگیلونده آنان سنه هردم هرزمان آغلار . . ایدوب سنون داغ حسرتون قلب زاریمی القان گرک گلم آه ونالیه صبح وشام ایدم افغان اولوبدی دورت اوغلوم ای اوغول قالموشام بیله نالان بو غمده هانسی آنا اولارایلمز توان آغلار . . ره وفاده عجب اوغول گوزدن عالمی آتدون دوشوب محاقه آی کیمی ابرخونیده باتدون او سرو قدّیله نجه خردا قبریده یاتدون او خردا قبرون گورن ایدرحالیوی بیان آغلار . . اولان سپهرشجاعته ای جمالی مه طلعت باتوب نجه ابرخونیده ظلمیله اومه صورت گوزونده احبابین ایلیوب یکسرعالمی ظلمت توکرعذاره سرشکینی هرپیروهرجوان آغلار . . بوغمده بیکس آنان اوغول گورنجه توان ایتسون یری وارهرصباح وشام آه والامان ایتسون بسان بلبل خزان ناله وفغان ایتسون بهار عیشه اسوب صر صر خزان آغلار . (غلامرضا) آدلی نوحه خوان اولدی بوسوزه بانی یتوردی تا(هوشی)آخره شوقیله بو عنوانی گوزلدی زینت تاپا اگر بوسوزیله پایانی غمونده امّ البنین اوغول دلده مین فغان آغلار .

. 🍁🥀▪️بعد آن مَشکِ پاره‌ی پسرش شَرم دارد از این چرا زنده است هر کجا شیرخواره می‌بیند از نگاهِ رباب شرمنده است ..😔 🍁یا‌حضرت‌ام‌البنین‌‌سلام‌الله‌علیها

متن شعر عزای حضرت ام البنین سلام الله علیها -(ستاره میبارم قمر ندارم من) سبک:به سمت گودال از خیمه دویدم من ستاره میبارم قمر ندارم من به من نگید مادر پسر ندارم من ام البنینم وای جسم عزیزم رو چه زیر و رو کردند به پیکر عباس نیزه فرو کردند ..... وقتی به خاک افتاد علقمه شد بی تاب تا مشک آبش ریخت شد از خجالت آب ...... کجاست علی اصغر رباب پریشونه گهواره خالی و لالایی میخونه ..... ای کاروان با این دلم چها کردی سه ساله ی ما را چرا نیاوردی .... شد خیمه ها غارت وقتی علمدار رفت ناموس آل الله تو کوچه بازار رفت .... شنیده ام زینب زد دست غم بر سر از داغ اون گودال از دست اون خنجر

دوشمز هئچ محنته دنیاده اوغوللار آناسی 🍁▪️🍁 اوغوللار آناسی 🍁زبانحال حضرت ام البنین سلام الله علیها در فراق فرزندانش . علیرضا حضرتی (ناعمی) . دوشمز هئچ محنته دنیاده اوغوللار آناسی فخر ائدر عالمه آزاده اوغوللار آناسی . . شکر اولا چون منه حق شامل ائدوب مرحمتین دورد اوغول وئردی علیدن منه، رعنا و متین بیت حیدرده آدیم اولدی منیم ام بنین هر گؤرن سسلدی معناده اوغوللار آناسی . . دورد اوغول بسلدیم عالمده منه یار اولالار اللریمدن دوتالار غم گونی غمخوار اولالار نئجه کی من وارام آرزیم بویودی وار اولالار یانمویا محنت عظماده اوغوللار آناسی . . من دئیردیم نه غمیم عالمی چون ترک ائدرم اولارین عزّیله چگنینده مزاره گئدرم یوخ بیلن ایندی نئجه خونجگرم، دربدرم غرقیدور موجیلی دریاده اوغوللار آناسی . . دورد اوغول بسلدیم هر دوردوده شایسته مرام دوردوده حق تانیان، تابع فرمان امام اولدولار فاطمه نون اوغلونا هر دوردی غلام آلاجاق اجرینی عقباده اوغوللار آناسی . . دورد اوغول بسلدیم هر دوردی ادب دریاسی چوخ سئوردیم هاموسیندان ولی من عباسی چون بگنمیشدی اونون عشقین حسین مولاسی عاشقیدی اونا دنیاده اوغوللار آناسی . . ایندی حسرتله سولان صورته گؤز یاشیم آخار یاندیرار شعلۀ آهیم دل آفاقی یاخار گؤرّم عباسی گؤزوم هر یئره محنتله باخار سالار اول ماه وَشی یاده اوغوللار آناسی . . وطن اهلی منه بو آدی گلین دای دئمیون ائشیدنده اولورام زار و حزین دای دئمیون یوخدور اوغلوم آدیما ام بنین دای دئمیون بلى بوشدور بلی سوداده اوغوللار آناسی . . باغبانلار کیمی باغیم سارالوب آغلیارام غصه لر طاقتیمی الدن آلوب آغلیارام دورد گولومدن منه بیر غنچه قالوب آغلیارام ائوه باخدیقجا گلر داده اوغوللار آناسی . . ائدرم شکر منه غصّه چاتوب پای دئیرم اصغری یاد ائدیب عبد اللهه لای لای دئیرم یادیمه دوشسه ابوالفضلیم حسین وای دئیرم آغلیار محنت زهراده اوغوللار آناسی . .

نالۀ جانسوزی كيمدی دل پريشان ايلوری 🍁▪️🍁▪️ حضرت ام البنین علیها سلام حاج اصغر فرشچی  (عدلی تبریزی) . نالۀ جانسوزی كيمدی دل پريشان ايلوری ياندورور بو دل لری از بس كه افغان ايلوری . كيمدی بو اولموش سيه  پوش غوطه غم دريا سينه گه بقيع ده گه ايوينده چشمی گريان ايلوری . ماجراي كربلا دن  چوخ گچوب  امّا هنوز بو خانم غمديده دی  ياد شهيدان  ايلوری . نه بو زينبدی  نه كلثوم  بو همان اُم الْبَنين دورت  اوغول الدن ويروبدور شكر يزدان ايلوری . دمبدم سويلور منه اُمّ البنين ايتمون خطاب يثرب اهلين  بو بياناتیله نالان ايلوری . كربلا داغی اوركده  واحسينا  سسلوری عالمی  بو دردينه  واللهی  حيران  ايلوری . گه ديورعباسيم  ايوای گه ديور ايواي علي آغلادور اصغر آناسين  قلبی سوزان ايلوری . «عدليا» اُمّ البنينه وار سوزون ايله   بيان  اللری مشكل  گشادي  درده درمان ايلوری

دشت بلاده ای شه شهر جلاله یار اوغول 🌾▪️🌾▪️🌾▪️ زبانحال حضرت ام البنین سلام الله علیها رضا غلامپور ( دلپاک) . دشت بلاده ای شه شهر جلاله یار اوغول عرصۀ کارزاریده مایۀ افتخار اوغول . . ام بنیندی شهرتیم لایقیدیم بو شهرته ایمدی ولی اوغولسوزام باخ منه بیرده قسمته وار یئری بو لقب اگر قلبیمی سالسا محنته چون کی منه یاراشمیری ایمدی بو اشتهار اوغول . . فصل وصالی ایلدی موسم هجر تا تمام سولدی سارالدی گللریم اسدی خزان یئلی مدام گل گور اوزون نه نوعیله حسرت الینده صبح و شام غالب اولوبدی حالیمه حالت احتضار اوغول . . تنگ دوشور نفس گهی صحبت گه زمان وئریر گاهی کسیر امانیمی گاهی منه امان وئریر بی کس آنان مدینه ده گوزلری یولدا جان وئریر گل باشی اوسته چکمه سین بیر بئله انتظار اوغول . . صفحۀ دلده یازمیشام نکته به نکته حالیوی حالتیوی بولن بولر غصه دوتوب خیالیوی ائیله دوشوبدی گویلومه بیرده گورم جمالیوی صونرا بو جسم خسته دن روحوم اولا کنار اوغول . . پادشه کرامت جانیله اولموسان معین تا یئته اصل مقصده قافلۀ عزیز دین لفظ جلیل حضرت حقه قسم گورر چتین بیرده سنون کیمی اوغول دیدۀ روزگار اوغول . . گور نجه غملی سینه ده تنگه دوشوب داخی نفس نچه نفس قالیر باتا خسته گونش کیمین جرس بیر نچه لحظه دن صورا روحوم اوچور سینیر قفس طائر عمری ائیلیری دام اجل شکار اوغول . . جای عجب دگول اگر لاله صفت سارالمیشام واردی دلیل محکمی ایمدی بو حاله قالمیشام اوغلوم ئولوب سنین کیمی باشیما قاره سالمیشام بزام عزا دوتوب سنه ائتمیشم آه و زار اوغول . . دست خسوفه دوشدی تا ظلمیله سن کیمی قمر نظم سپهر عصمته ائیلدی ظلمتی اثر قلبی سینیق ستاره لر صیحه چکنده سربه سر شمس عوالم آغلادی ناله ائدیب مدار اوغول . . گرچه بو داغلی سینه ده چوخدی سئوال بی جواب لیک بیری وئریر منه رنج و عذاب بی حساب نیله دی سنله بولمورم وای منه حلقۀ رکاب یئرده سوروندی گل یوزون اولدی نشان خار اوغول . . واردی بیر اوخ حکایتی طاقت آلیب بیانیدن هانسی بیان اگر دئسه بول کی دویوبدی جانیدن یئتدی او دم کی اوچ پر اوخ مقصدینه کمانیدن قانیله دولدی گوزلرین گوندوزون اولدی تار اوغول . . کون و مکانی محو ائدیب دایرۀ شهامتون کوی وفاده گور نجه کامل اولوب رسالتون سری نه دور آنان ئوله چوخ کیچیلیبدی قامتون قسمت اولوبدی قدیوه خرداجا بیر مزار اوغول . . عرصه گه ملالیمه تنگیدی عرصۀ وجود آغلاماسام نه ایلرم من سنه ای وجود جود غملیدی هر قضیه دن وای منه قصۀ عمود بیرده روای حاجته همت نیزدار اوغول . . بعضی خبرده وار عجب آیری غمون حکایتی مشکی دیشینده ساخلاماق فاش ائدیری حقیقتی بس یوخوموش قولون سنون ایلمیسن بو همتی قالمیا تشنه خیمده عترت شهریار اوغول . . حیف ولی او زحمته زحمتیوه آنان فدا ئوپدی بیراوخ سو مشکیوی عرصه گه بلاده تا آخدی سو باخدین آغلادین قلبیوی دوتدی ابتلا اهل حرمدن ائتدی بو غم سنی شرمسار اوغول . . شه دن اوزاقدا یاتماقین عمده ملالیدور منه واردی دلیلی بی گمان آندولا حی ذولمنه سن یخیلاندا نیلدی اهل جفا مگر سنه خیمیه حمل اولونمادی پیکر زخمدار اوغول . . یاتسا یارالی بی گمان قلبیده مین خیالیله بیر کس اویاتماز اولماسین قلبی کدر ملالیله یات کی یارالی یاتمیسان قبریده خسته حالیله دورما کی دورماقین ائدر محشری آشکار اوغول . . دوشدی تخلصین ائیشی گور نه بو یئرده مشکله قویمادی اوز کنارینه وئرمدی پاک یئر دله هرنه یازیب یازیب بیزه یازدیغینی قبول ائله اجرینی ایسته تا وئره حضرت کردگار اوغول .

عباس آناسی امّ بنین رحلت ایلدی 🍁🥀▪️🍁🥀▪️ حالات حضرت ام البنین سلام الله علیها . حاج اسماعیل فرشی ازهر (غمخوار تبریزی) . عباس آناسی امّ بنین رحلت ایلدی دارالولانی غرق وغم و محنت ایلدی . عباس آدی دلینده گوزی یاشلی داغدار فکر وصالینی بیر اوزون مدت ایلدی . جان ویردی یولداگوزلری اول باوفاوخانم جاری عذاره اشگ غم و حسرت ایلدی . زهرا بالالارینه اوزون بولدی خادمه صدق و صفاییله اولارا خدمت ایلدی . قویمازدی غم دوتا او صولان گللرین دلین رفع ملالت اولماقا جدّیت ایلدی . پروانه اولدی باشلارینا صبح وشامیلر هرنه اولار بگندی سووب دقت ایلدی نازین چکردی فاطمه نین دورت بالاسینون خدمت محبّتیله اوخوش فطرت ایلدی . عبّاسیدن ازل حسنیله حسینینون آلماقه دللرین اله چوخ همّت ایلدی . گوگلون آلاردی زینب و کلثومون هرزمان مین مهریله محبّتیله صحبت ایلدی . قویمازدی گرد وغم دوتا زینب عذارینی شیرین دیلیله رفع غم محنت ایلدی . شانه ووراردی زلفونه کلثوم و زینبین ووردقجا شانه عشقی اونون شدّت ایلدی آغلار گورنده حضرت زهرا بالالارون صبره اونازدانه لری دعوت ایلدی . هرگون گلوب گیدنده خانم صحن خانه دن قنفذله ثانیه دایانوب لعنت ایلدی بیرگون شه ولایته شرمیله عرض ایدوب لطفون منی اگر چه بورا قسمت ایلدی . باشیم اوجالدی ائللرآرا طایفه آرا شاکر منی همیشه بله نعمت ایلدی . واردور حضور انوریزه عمده خواهشیم لطفون سببدی دل آچیلوب جرات ایلدی بیر آیری آدیله منی بو ایوده سسلیون وادار عرایضه منی بو علّت ایلدی . سیز سسلین زماندا آقا فاطمه منی گورّم بالالارین غمی چوخ شدّت ایلدی . یاده دوشور آنالاری گوز یاشلاری آخور یول آچماقا او دللره غم سبقت ایلدی . جانلار فدا اولا حسنینین آناسینا کیم اول خانم کیمی بولارا رأفت ایلدی . بیرده محالدور اونا تای عالمه گله گورّم آدی گلنده غموز سبقت ایلدی . امّ البنین آدین شه دین ایتدی انتخاب امّ البنین آدیله خانم شهرت ایلدی . هر یر دیردیله بو اوغوللار آناسیدی چوخ صاحب جلال اونی بو عزّت ایلدی . افسوس جان ویرنده گوزون تیکدی یولّارا هرگز دیمه گلوب بالالار شرکت ایلدی . ایتمشدی کربلاده اولار عهدینه وفا تسلیم جانه بیر بیرینه سبقت ایلدی . هر گون بقیعده عارضه باغلاردی گوز یاشین عبّاسیدن دییوب دانشوب صحبت ایلدی . دورت اوغلونون غمی داخی سالدی ایاقدن حسرتله جان ویروب سفر جنت ایلدی خاک بقیعده عزّتیله قبره قویدولار امّ البنینی پیک اجل راحت ایلدی . عبّاسه ای صبا خبر ایله گلوب گوره درد و غمون نجه اونی بی طاقت ایلدی . سسلردی کربلاده منیم بیر آییم باتوب مهر امامتی ایله خم قامت ایلدی . قربان اولا آناسی اوجا بویلی اوغلونا زهرا بالاسینا نه گوزل نصرت ایلدی . اصغر دییلّه قالدی سوسوز سو ویرنمدی اوندان خجیل منیم بالامی امّت ایلدی من بیر دولی گوزیله ربابه باخانمادیم قلبیم همیشه یانماقی بو خجلت ایلدی . بیله سوزی یازانمازدون ای قلم یقین عباس آناسی لطفونی بی منت ایلدی . عباس آقا اماندی بو«غمخواری» درک قیل بو روسیاهی گور نه اسیر محنت ایلدی . ویرّم قسم غمین آناوا قوومیون منی باخمون بو نوکروز سیزه آز خدمت ایلدی . دنیاسی گچدی ، آخرتیندن فسرده دی لطف ایله سوز یقین یارادان رحمت ایلدی .

چو لاله داغدار و دلغمین است 🥀▪️🥀▪️🥀 حالات حضرت ام البنین سلام الله علیها صفا تویسرکانی . چو لاله داغدار و دلغمین است زبان حال آن مادر چنین است . همی فرمود با قلب حزینی اویلی کیف لی ام البنینی . که یعنی من کجا ام البنینم که با داغ عزیزانم قرینم . مرا ام البنین دیگرندانید باین نامم دگر هرگزنخوانید . سخن بامن بجز ازغم مگوئید دل شاد ازمن گریان مجوئید . شنیدم دست عباسم جدا شد جدا از تن بدشت کربلا شد . شنیدستم من دل زار و خسته که فرقش با عمود کین شکسته . شنیدستم بروی خار و خاره تنش افتاده بی سر پاره پاره . شنیدستم لب عطشان برآب ز سوز تشنگی گردیده بیتاب . دریغا درجهان آمد شکستم که برمرگ عزیزانم نشستم . اگرعباس من می داشت دستی به کار او نمی آمد شکستی . اگردست ستیزش بودعباس کجا می شد قتیل قوم خناس . ولی با اینهمه گریان و نالان منم بهرحسین آن جان جانان . که من هستم کنیز باب و مامش حسین شاه است و عباسم غلامش . (صفا)با چشم گریان تن پرازتب سرود این مرثیت را دردل شب . بامید عطای خسرو ناس امیر کاروان عشق عباس . .