مرحوم،محمدباقر منصوری 🖤🖤🖤🖤🖤🖤 #خدا_حافظ_ای_آنام_باجی_ آغلاما، یانان یاره آغلاما، یانان یاره رقیه می؛ ساخلا من گدیم رقیه می؛ ساخلا من گدیم جلوه گاهِ جانانه من گره، باتام قانه من گره، باتام قانه خداحافظ؛ ای آنام باجی آغلاما، یانان یاره آغلاما، یانان یاره خداحافظ؛ ای آنام باجی آغلاما، یانان یاره آغلاما، یانان یاره گره دیم خنجر آتدامه؛ یا غفور و یا الله شهید اولان؛ قتلِ صبر ایله تشنه فی سبیل اله تشنه فی سبیل اله

مرحوم،محمدباقر منصوری 🖤🖤🖤🖤🖤🖤 #خدا_حافظ_ای_آنام_باجی_ آغلاما، یانا یانه آغلاما، یانا یانه رقیه می؛ ساخلا من گدیم رقیه می؛ ساخلا من گدیم جلوه گاهِ جانانه من گرک، باتام قانه من گرک، باتام قانه خداحافظ؛ ای آنام باجی آغلاما، یانا یانه آغلاما، یانا یانه خداحافظ؛ ای آنام باجی آغلاما، یانا یانه آغلاما، یانا یانه گرک دیم خنجر آتدا من یا غفور و یا الله شهید اولان؛ قتلِ صبر ایله تشنه فی سبیل اله تشنه فی سبیل اله

‍ سینه زنی، روز عاشورا . . صحرای کربلاده ، طوفاندی یا محمد گوندر کفن حسینه ، عریاندی یا محمد . . یوم عزادی یاران ، یا روز عید اضحی کرب و بلادی یا رب ، یا دشت ذبح مینا برهم دی نظمِ عالم، قان آغلار اهلِ معنا سر نیزه ده حسینین ، باشی اید‌ر تجلا گون بیر جدانین اوسته ، تاباندی یا محمد . . عباسمین کسیلدی ، بازویِ باوفاسی باش کاسه‌سینده قاسم،ایسلاتدی طوی حناسی میداندا یاتمیش اکبر، آغلار قالوب آناسی خاموش اولوبدور اصغر ، حلقینده اوخ یاراسی پستان او شیرِخواره ، پیکاندی یا محمد . . گلسین بو سرز‌مینِ پر انقلابه زهرا گورسون حسینین عریان دوشموش ترابه زهرا سالسین یارالی جسمین تا رختخوابه زهرا غرق ایله‌سین یاراسین ، سیلِ گلابه زهرا فرزند اشکِ ماد‌ر ، درماندی یا محمد . . شمرِ جفا شعارین ، آرتیرسین حق عذابین یاندیردی خیمه‌گاهین ، پیراهن و طنابین تالان ائدیب آپاردی، اجناسِ بی حسابین پرده‌نشین حر‌ملر، الدن وئریب نقابین چوللرده باشلار آچیق ، ویلاندی یامحمد . . گل آخر اهلِ بیتین ، شامه گيدر پیاده قولار طنابه باغلی ، غرقِ غم و بلاده صد پاره نعشلردیر، عریان دوشوب آراده وئرمیشله دسته دسته، قوشلار قاناد قاناده گولگون بد‌نلر اوسته ،پرراندی یا محمد . . زهرا ند‌ن دایانمیش،ترک ائیله‌مز، جنانی بیلمز مگر او خاتون ، اوضاع کربلانی زینب قالوب کمک سیز، سوزاندی خانمانی اود دان چیخاردا بیلمور ، بیمارِ ناتوانی زینب او اوددان آرتیق، سوزاندی یا محمد . . بیر آز قاباق گورئیدین، سن نینو‌ا چولینده ضعف ائیله‌یب حسینین اوز قانلی مقتلینده نه وار دفاعه یارا ، نه وار سلاح الینده نیزه برابر ینده ، اوخلار مقابلینده سینه قلیج دمنده ، قلخاندی یا محمد ✍مرحوم یحیوی اردبیلی زنده یاد مرحوم حاج سلیم موذن زاده اردبیلی

👆👆👆

👆👆👆 ویدیو حاج محمد باقر منصوری  اردبیلی روحش شاد

👆👆👆 کلیپ خیلی قدیمی از زنده یادمرحوم استاد منزوی اردبیلی

امشب شهادتنامه‌ی عشاق امضاء میشود فردا ز خون عاشقان این دشت دریا میشود #نوحه #عاشورا #محرم #سید_مجید_بنی_فاطمه 🖤🖤

🎧 مکن‌ ای صبح طلوع جواد مقدم امشبی را شه دین در حرمش مهمان است مکن ای صبح طلوع💔 عصر فردا بدنش زیر سم اسبان است مکن ای صبح طلوع💔

شهادت نامه کربلاده بو گئجه غوغا اولوب چون شهادتنامه لر امضا اولوب چیخما ای گون صبر ائله دم غنیمتدور هله گرمدور شوریله عباسین باشی الده بوش مشکی، گوزونده گوز یاشی تشنه دی هم باجیسی هم قارداشی غصه دن غمگین دل سقا اولوب چیخما ای گون صبر ائله دم غنیمتدور هله شمعی خاموش ائتدی فخر بوالبشر طالبان دهر بیر بیر گئتدیلر قالمادی الّا او یتمیش بیر نفر عهدلر آماده ایفا اولوب چیخما ای گون صبر ائله دم غنیمتدور هله طرح ائدوبدی هرکس اوز برنامه سین اهل دل آلمیش اله غم خامه سین اشکیله یازسین وصیتنامه سین چون شب هجران عاشورا اولوب چیخما ای گون صبر ائله دم غنیمتدور هله دولدوروب دشت غمی هجران سسی عاشقان حضرت جانان سسی اوج ائدوبدی گویلره قرآن سسی بو نوا عشّاقه روح افزا اولوب چیخما ای گون صبر ائله دم غنیمتدور هله

کربلاده بو گئجه غوغا اولوب مهدی رسولی🖤🖤😭😭

👆👆👆 ویدیو حاج محمد باقر منصوری  اردبیلی روحش شاد نوحه مادر به علی اصغر(ع) دردیمون   آی  چاره سی  لای لای  علی بوغازدا    اوخ    یاره سی  لای لای  علی هایاندا  قالدون    بالا          نه  تئز  سارالدون  بالا سینه می ترک  ایلدون        جانیمی   آلدون     بالا شهد  بلا  ایچدون  اوغول  نوش اولسون سینه ی     باباده   یرون   خوش  اولسون کنیزیوم   من   قوی  الیم   بوش  اولسون باشیم     تاجی   قاره سی   لای لای  علی سن   دئماق    اولماز   ننه   محتاجی سان کعبه           مسافرلرینون        تاجی سن قونداقون احرام    صودامر   حاجی سن فرشه    گوشواره سی     لای لای  علی سن   که    سوسوزلوقدان    ئولدون   بالا بس   نیه   جان    اوسته   گولوردون   بالا یاره نی    سن    چاره      بیلوردون     بالا یاره سی    اوز     چاره سی   لایلای  علی گولدون   آغیر  سوز   دئمه دیم  من  سنه سو     یرینه    اوخ    آتدی   دشمن  سنه حسینی     یاندیرمادون    احسن     سنه فاطمه     مه     پاره سی    لای لای  علی چکدی    اوغول    فاطمه   نازون   سنون غملی      ربابه       نه       نیازون    سنون امام   اوزی      قیلدی     نمازون  سنون شاه     الی    گهواره سی   لای لای  علی غمدن اوغول   اولمادی  راه   نجات سن   سووا   باخدون  چوله  آخدی  فرات یات  گوزلیم   یات  بالا   آسوده   یات جرعه  سو   آواره سی  لای لای  علی *** حاج ولی الله کلامی

الده   شمع    ماتم   گلمیشوخ     عزایه آغلاروخ      اورکدن     شاه      کربلایه شمع تک شرر باروخ               یانماقا       سزاواروخ یاحسین مظلوم ( 2 ) الده  شمع    ماتم     دلده  شور  و  ناله باغلاروخ  بو  غمده   گوز یاشین جماله باغریمیز   دونوبدی     قانه   مثل   لاله شمع      تک     الولاننوخ              دلدن اود  دوتوب یاننوخ یاحسین مظلوم ( 2 ) بو گيجه  حسینون گیتدی عز  و  جاهی لشگری داغيلدی   ئولدی  سر  سپاهی قیزلاری  سویولدی یاندی خیمه گاهی کسدیلر باشین عطشان               اولدی     قانینه    غلطان یاحسین مظلوم ( 2 ) بو گيجه ربابین  بوش قالوب  قوجاقی جانینی    آلوبدور      اصغرین    فراقی هر  آنانون   ئولسه صود  امر اوشاقی گوز  یاشین  الر  آغلار               آهو    تک   ملر   آغلار یاحسین مظلوم ( 2 ) بو    گيجه   رقیه   آیریلوب    گولیندن اکبر  آدی  دوشمز  بیر  زمان  دیلیندن اللری     ئوزولدی     ظلمیله      الیندن وای  بابا  دیوب   آغلار               آهی     عالمی    داغلار یاحسین مظلوم ( 2 ) بو گيجه   گچوبدی   مصطفی   چراغی اولدولار   امامه       اهل    کوفه   یاغی تشنه لب  حسینون    باشنون  سراغی کوفدن  گلور   هر  آن               خولیه  گیدوب   مهمان یاحسین مظلوم ( 2 ) بو گيجه عروسین عیشی یاسه دوندی قاسمون جفادن  شمع  عیشی سوندی اگننه     لباسِ      قرمیزی      بوروندی طوی  لباسی  قان  اولدی               حجله سی   تالان  اولدی یاحسین مظلوم ( 2 ) ( کریمی )

"در جلالت حضرت اباعبدالله الحسین علیه السلام ترجمه حدیث قدسی - گریز به عصر عاشورا و غارت - شام غریبان و قتلگاه  عریان بدنون یرده دی قارداش باجون ئولسون گُل جسموه قان پرده دی قارداش باجون ئولسون 🖤🖤🖤🖤 ایوای حسین وای (۲) ایلوبدی حسین نوک سِنان نحریوی منحور نه دفن ایلین وار سنی، نه غسل و نه کافور گون تک یارالی باشون اولوب نیزه ده مشهور عریان بدنون یرده دی قارداش باجون ئولسون 🖤🖤🖤🖤   آخدوقجا گوزومدن دیوری گوزیاشیم ایوای درد و غمه توش اولدی بلالی باشیم ایوای وردیم بودی ایوای یارالی قارداشیم ایوای عریان بدنون یرده دی قارداش باجون ئولسون 🖤🖤🖤🖤 حیراندی حسین اهل سماوات بو صبره کیم سن کیمی قارداش دوزَر آیا بیله جبره بیر کیمسه تاپولمور که جنازون قایوا قبره عریان بدنون یرده دی قارداش باجون ئولسون 🖤🖤🖤🖤 آت دیرناقی پامال ایلیوب سینه وی قارداش جسمونده چکوب نقش فنا فی الَلهی قارداش بو حاله نجه صبر ایلیوم بس منِ کُل باش عریان بدنون یرده دی قارداش باجون ئولسون  🖤🖤🖤🖤  بیر قطعه یارالی بدنون صاف یری یوخدور باشدان باشا آماج دم نیزه و اوخدور بو قطعه به قطعه بدنون یاره سی چوخدور عریان بدنون یرده دی قارداش باجون ئولسون 🖤🖤🖤🖤  چوخ ظلم ایلیوبدور سنه بو فرقه ی اعدا بیر ظلم آنام اوغلی منی چوخ یاندورور امّا دروت مین یارالی کوینگیوی کیم سویوب آیا عریان بدنون یرده دی قارداش باجون ئولسون 🖤🖤🖤🖤  ئولسون باجون، آیا بو نجه حالیدی سنده نه اَل، نه لباسون، نه باشون واردی بدنده بو درده نجه طاقت و آرام اولی منده عریان بدنون یرده دی قارداش باجون ئولسون 🖤🖤🖤🖤 معشوقیله لازمدور اولا عاشقی یک رنگ آق زلفیمی منده بویارام قانیله دل تنگ ای شاه سنه ایستی قوم اوستی اولوب اورنگ عریان بدنون یرده دی قارداش باجون ئولسون 🖤🖤🖤🖤 بس که وورولوب نیزه ایدوب جسمیوی گُل گُل سینونده چاتوب باش باشا اوخ، چون گُل و سنبل بو غصّه اولوبدور منِ بیچاریه مشکل عریان بدنون یرده دی قارداش باجون ئولسون 🖤🖤🖤🖤 چوخ ایستیدور آتلار قویا بُلمور یره دیرناق سن قالموسان عریان یارالی، باشیمه توپراق شام اهلی ایدوب جسمیوی قرآن کیمی اوراق عریان بدنون یرده دی قارداش باجون ئولسون 🖤🖤🖤🖤 یاز نوحه «حسینی» بو غمه آغلا ئولونجه عمرون یتیشوب باشه اجل پیکی گَلینجه بیرده بو سوزی قارداشا یاز باجی دلینجه عریان بدنون یرده دی قارداش باجون ئولسون  سعدی زمان"

شام غریبان امام حسین (ع) – تنور خولی عيال خولي گوز آچدي گوره نه غوغادي باخوب نه گوردي كه مطبخده حشر بر پادي تنوريدن گورجك نوريدي تلالو ايدور ديدي خدا بو حقيقتدي يا كه رويادي بو خولينون ايويدور بوردا وا حسين سسي وار بو محترم كيشي لر كيمدي نه قضايادي نه سسدي بو كه ديولر دورون گلور طاها داليجا نوحيدي ادم مسيح و موسادي شعيب و خضر و سليماندي يونس داوود خليل و يوشع و شمعون ذبيح و يحيادي هاموسي قاره گيوب باش آچوقدي سينه زنان تنوري دور ليوبلر عجب تماشادي نه گوردوم اوندا بلند اولدي طرقوا صوتي تمام ايدون ديديلر موقع تسلي دي چيخون قباقنا ايندي اوغول آناسي گلور حسين عزاسيدي بو سر پرستي زهرادي گلوب اوتوردي تنوره اوزاتدي بير اليني اشاره اهلينه بو سوز گوزل بير ايمادي ديوله بير قولي قاخموردي ظلم ثانيدن بير اللي گوتدي او باشي اوجالدي فريادي ديدي حسين گوزون آچ كام آلوم نگاهوندان خبر ويروم سنه اوز قانلي قتلگاهوندان او چولده من واريديم چشم خونفشان واريدي غريبه منظره لر واضح و عيان واريدي يانان چادردا نماز اوسته زينبي گوردوم نه ديزده طاقتي نه قلبيده توان واريدي سرير نازيده صبح ايلين بالالاريوا گیجه نه بستر راحت نه خانمان واريدي گوزوم فراتده دوشدي آخوردي اوز باشينا شريعه ده نه موكل نه پاسبان واريدي ديديم گيدوم گينه گودال قتلگاهه طرف اگر چه اوردادا مين محنت گران واريدي كسوك بوغازيوي اوپدوم اوجادان آغلاماديم كمينده چون الي خنجرده ساربان واريدي غريبه شام غريبان غريبه مجلسيدي ديمه نه بير باش آچان نه بير آغليان واريدي من اوخشاما ديمديم چونكه سينون اوستونده بير اوچ ياشيندا گوزي ياشلي نوحه خوان واريدي آيون ايشقي دوشنده رقيوين يوزونه گوزومدن اولدي روان قلبيده نه قان واريدي بيله خيال ايليديم ثاني كربلايه گلوب يوزونده من كيمي چون سيلي دن نشان واريدي کسیلسون اللری شمرون ، ایوی خراب اولسون گوروم که من کیمی قلبی یانوب کباب اولسون * مرحوم حاج رحیم منزوی اردبیلی

نوحه شب عاشورا شاعر#حاج_ولی_اله_کلامی بانوای#کربلایی_منوچهر_حسن_زاده زنجیرزنی سه ضرب بوگجه غم فزادی غملی شب عزادی گوزلر اگر حسینه آغلاسا قان سجادی الله الله گویلری آه و واویلا آلوب کربلاده فاطمه اوغلی تک قالوب واحسینا گیتدی او بی ادبلر نامه یازان عربلر ترک ایلدی حسینی او عافیت طلبلر قالدی سپاه جانان یتمیش ایکی رجزخوانی وحدته منتسبلر عشقیده منتخبلر الله الله گویلری آه و وا آلوب کربلاده فاطمه. اوغلی تک قالوب واحسینا گوردی خانم سکینه گیتدی او اهل کینه گوزلری یاشلی گلدی محضر شاه دینه عرض ایدوب ای لب عطشان شمع شب غریبان کیم اولاجاق بو چولده یاور دین و قرآن الله الله .... ویردی شه مدینه بوسه او نازنین سویلدی ایتمه ناله ای گل بی قرینه دوشمه قیزیم قوادن ایسته کمک خدادن یوخ آتاووین بیلورسن حاجتی مشرکینه الله الله .... حق ئوزی دادرسدی جانه جهان قفسدی قالسا فقط حسینون صودامر اوغلی بسدی قوی بالا گیتسون اغیار گیتمز عمون علمدار قرآنا آند ایچوبدی عترته هم نفسدی الله الله ..... جانلار او جانه قربان. جان جهانه قربان یتمیش ایکی دلاور مرد زمانه قربان قالدی او باوفالر عاشق بی ریالر گویده دیدی ملکلر هاشمیانه قربان الله الله ..... خاموش اولوب چراغلار گیتدی گلن قوناقلار وحشته دوشدی الله قلبی سینان اوشاقلار خیمه ده زینب آغلار قارداشینی سراغلار شیعه او غملی حاله ایندیده سینه داغلار الله الله ..... گیتمدی قاسم اکبر. اولدولا یار رهبر جلوه لریندن اولدی. بزم وفا منور دست حسینی عباس اوپدی زمان حساس پرچمی آلتدا قالدی عونیله فضل و جعفر الله الله .....

♨️روضه پدر برای فرزندان ناشنوایش 🔹این دو پسر ناشنوا هستند، پدر روضه را براشون با اشاره توضیح میده و پسر بچه‌ها گریه می‌کنند. ✍ گریه برای حسین روضه نمیخواهد؛ تشنه کشتند... 📌 خبر فوری سراسری