‍ کوچ از قتلگاه بانوای#کربلایی_منوچهر_حسن_زاده ای تشنه بوغازینّان آخان قانی حسینیم مقتلده نماز اوسته چیخان جانی حسینیم ای شاه شهیدان عالم سنه قربان ای سینه سی اوخلاردان اولان یاره حسینیم ای قیزلاری طوفانیده آواره حسینیم ای عترتینین بختی گونی قاره حسینیم گل زینبیوون دردینه قیل چاره حسینیم سن سیز کیم ائدر دردیمه درمانی حسینیم ای شاه شهیدان عالم سنه قربان قارداش اوجا بوی شیر وفاداریم ئولوبدی غوغادی قطاریمده جلوداریم ئولوبدی چاره م کسیلوب چولده سپهداریم ئولوبدی قوللاری اوزون تشنه علمداریم ئولوبدی گؤزلر حرمون ایندیده سقّانی حسینیم ای شاه شهیدان عالم سنه قربان قالدوم نه قرا گونلره بو غملی مناده مخیمده دوشوب اکبریمین نعشی اراده ئولدوردیلر الده بالامی دشت بلاده گول تک داغیلان جسمی قالوب قانلی عباده آرام ائلییوم من نئجه لیلانی حسینیم ای شاه شهیدان عالم سنه قربان گوز یاشلی باخور حجله سینه قاسم ناشاد یخدی ائویمی کیم گوروم اولسون ائوی بر باد قارداش بو نئجه صحنه دى الآن اولور ایجاد یئر اوسته گلین ، نیزه ده بیر یاره لی داماد یوخ هئچ بیرینون صحبته امکانی حسینیم ای شاه شهیدان عالم سنه قربان علیرضا امانی مجد اردبیلی

بانوای:#کربلایی_منوچهر_حسن_زاده #پیشنهاد_دانلود شاعر:#محمد_مدهوش ای باتان کرب بلاده تشنه لب القانه قارداش گل گوروم بیرده جمالین جان وئریم جانانه قارداش هارداسان ا ی نو رعینیم باشیم اوسته گل حسینم ای عزیز آل طاها وی امیر تاجداریم غصه و غمدن یورولدوم قالمیب دیلده قراریم بو چتین گون ده بیلیرسن واردی سندن انتظاریم دردیله سینم دولوب دیر گل یئتیر درمانه قارداش اولماسا قارداش یانیندا باجینین اولماز جلالی گور نئجه سالدی زمانه زینبی ائلدن ارالی سن کفن سیز من وطن سیز، سن یارالی من یارالی عشقویله خوشدی وئرسم عمریمی پایانه قارداش دینجلیر درد و بلادن زینبین قارداش بو ساعت گل ائدیم بو سون نفسده ماه رخسارین زیارت باشیم اوسته مرحمت قیل گل ائله قران تلاوت سن بیلرسن که نقدری شایقم قرانه قارداش نیسگلیم چوخدور اورکده موج ائدیر آتشفشان تک قلبیمین قانی رواندور صورته آب روان تک آخر عمری ائللریم دن آیریلیب قالدیم یامان، تک نیلییم قسمت بئلیمیش من دوشم بحرانه قارداش هر نفس چکدوقجا دیلدن یاده سالام کربلانی ایچمیشم عشقونده هرآن شوقیله جام بلانی دیلده چوخ گیزلین یارام وار خوشلیرام خاک شفانی گزمیشم راه وفانی عاشق و مردانه قارداش یاده ساللام کربلانی قلبیمی اودلار مصیبت یاره اوستن یاره ووردی جسمیوه قوم عداوت سن شهید اولدون ستمله خیمه گاهیم اولدی غارت آغلادیم یاندیم آلشیدیم اتش هجرانه قارداش هر نقدری عمریم اولسا آغلارام یانام بو درده اوچ گیجه گوندوز یارالی پیکرین قالمیشدی یئرده جسمیوه توپراقلار اوسته قان اخیب چکمیشدی پرده دفنیوه امکان یوخیدی زینب نالانه قارداش

بانوای#کربلایی_منوچهر_حسن_زاده باجین قربان لب عطشانه قارداش شتابان گئتمه بو میدانه قارداش سنه آغلار گوزوم وار دایان گئتمه سوزوم وار سنه قربان حسینیم عنان مرکبی بیر از دایاندیر شرار عشقیوه بو زاری یاندیر منی ای با وفا باشه دولاندیر صفا وئر بو دل سوزانه قارداش گیدورسن سرعتیله یوخ مجالین خیامه گلماقا یوخدور خیالین دایان بیر ده گوروم ماه جمالین گوزوم یاشی دونوبدور قانه قارداش وصال یاره وار چوخ اشتیاقین منه سالدی غم و درده فراقین نه نیسگل دی اخا عطشان دوداقین فداسن تشنه لب قرانه قارداش باشیندا وار سنین شور شهادت منیم اما اورکده یوخدو طاقت قیامت دیر قیامت دیر قیامت دوشوب روحیم قوشی طوفانه قارداش اورکده وار گوزل سوز و گدازین دیلینده موج ایدیر و راز و نیازین دایان بیرده اوپوم عطشان بوغازین کرگ صبر ایلییم هجرانه قارداش سنین ارزنده دیر کفره جوابین شهادت دیر بو چولده انتخابین بویاندی تشنه قانه شیخ و شابین ولی باش اگمدین سفیانه قاراداش حقیقت کفره بیعت دن اوزاق دیر بصیرت اهلی خفت دن اوزاق دیر شهادت اهلی ذلت دن اوزاق دیر دایاندین عهدیوه مردانه قارداش دایان شمع شبستانی الیشیدیر منیله بختیمی بیر ان باریشدیر بو نازلی قیزلاری بیر بیر دانیشدیر گلیب لر گور نجه افغانه قارداش #محمد_هوشمند

امان نامه مرحوم منعم اردبیلی غم لشگری لشگرگه اسلامه گلیبدیر سس دوشدی ابوالفضله امان نامه گلیبدیر تل اوسته چخیب شمر خطا دیده خطاکار آوازیله سسلندی ابوالفضلی او غدّار گلدی اوجا بویلی او اوزون قوللی علمدار تعظیم ائدیب عبّاسه او بی‌دین ستمکار برنامه وئریب آشدی باخیب بُهتیده قالدی تز پارچالادی چکمه‌سینین آلتینا سالدی اولسیدی اگر شهد‌ن اجازه اویاناردون بو تیغ شررباریله قانه بویاناردون حیرتله او بی‌دین الینی بیربیره ووردی دال دالی گئدیب ساق دیزی اوستونده اوتوردی شاهین او شجاعتلی علمدارینه باخدی شهلا گوزونه قدّینه قوللارینه باخدی عرض ائیله‌دی عبّاس ائشیت موعظه مند‌ن اوز نفسیوه رحم ائیله ال چک بو حسین د‌ن دنیا بو حسین‌سیز دئدی بیر کلمه‌ی لادور چوخ موعظه ائتمه بورا میدان بلادور آیریلدی گلیب خیمه قاباغینده دایاندی ایستیردی گئده محضر سلطانه اوتاندی سالدی آشاغا باشینی جوش ائیله‌دی غیرت من حدس ائدیر‌م گلمه‌دی چون چکدی خجالت شاه شهدا بیلدی بولوتلار کیمی دولدی گلدی اوجا بوی قارداشیلان قول بویون اولدی قارداش دئدی مانع دگیل‌م گئتسون ابوالفضل من بی‌کسی ‌بی‌یاور‌ی ترک ائتسون ابوالفضل من باغلامیشام روز ازل اولمگه پیمان سن سالما بلایه اوزینی تازه جوانسان مندن نگران اولما مرامه چاتارام من دونیا سوزونون داشینی باشدان آتارام من صبّاح بو بیابانیده قانه باتارام من شئشماهه بالام سینه‌ده راحت یاتارام من عرض ائیله‌دی یا سیّدی قلبیمده یارام وار نوکرلری قوومازلار اگر قووسون هارام وار؟ درک ائتدی امان نامه سوزون ماه مدینه یغدی باشینا دربه‌در اطفالی سکینه سسله‌ندی آچین باشیزی باشیزدا بلا وار عبّاس عمومی کرب و بلادان آپارورلار قیزلار گوزی یاشلی هامودان دوشدی قباقه گلدی او خانیم، سودامری آلدی قوجاقه بیردن هاموسی سسله‌دی لای‌لای علی اصغر گئتسه عمومیز وای بیزه وای علی اصغر دورموشدی همان یئرده اوزون قوللی علمدار بیرد‌ن آقانی دوره‌له‌دی خیرداجا قیزلار بیر ناله بلند اولدی سکینه اوره‌گیند‌ن اگلشدی یره دوتدی ابوالفضل اتگیند‌ن عبّاس عمو گئتمه بو یانان لب‌لره خاطر قویما بیزی چوللرده علی اصغره خاطر فوراً آلیب آغوشه الین باشینه چکدی جوش ائیله‌دی غیرت، گوزونون یاشینی توکدی آیریلمیوب هر قدر بو قوللار بدنیمد‌ن آیریلمارام ای نازلی سکینه بالا سند‌ن گون باتدی بلا آرتدی گوروندی مه تابان اولدوزلاریلان اولدی سماوات چراغان سوندوردی چراغلاری حسین قلب‌لر اسدی سسلندی گئدین خالِق یکتا منه بسدی صبّاح قیامتدی بوصحرای بلاده کیم قالسا گره‌ک غرق اولا دریای بلاده سس دوشدی باشیندان داغیلیب چوللره لشگر قرخ آلتی نفر قالدی، اوتوز بئش قارا معجر باخدی داغیلان لشگره آواره رقیّه توکدی گوزونون یاشینی بیچاره رقیّه یاندی گنه مشعل‌لر ائدیب حجّتین اتمام گوردی دایانیب تیتر‌ییر عبّاس دل‌آرام سسله‌ندی زُهِیر ایله حبیب ابن مظاهر ای فاطمه دلبندی کی ای طیّب و طاهر سن غرق اولاسان قانلی بو دریاده حسینیم بیز عازم اولاق مسکن و مأوایه حسینیم؟!! صبّاح نه دییک حضرت زهرایه حسینیم سند‌ن سورا عار اولسون او دنیایه حسینیم شاه شُهدا اللری قوینوندا دایاندی شمعین باشینا دسته‌ی پروانه دولاندی ائتدی بیر اشاره چکیلیب پرده‌ ظلمات گؤرسندی او دم گوزلرینه روضه‌ جنّات امر ایلدی اصحابه اگر اولسا قبیلوز تا اهل عیالی آپارین ساکین ائدین سیز عورتلروزی قویمیون عُدوان آراسیندا صبّاح قالالار ورطه‌ توفان آراسیندا گلدی هاموسی اهل عیالین ائدیب احضار چیخدیلا سراسیمه او عصمتلی خانیملار سسلندیله ه حضرت بویورور حاضر اولون تز بو قورخولی چولد‌ن سیزی بیر یانه چکک بیز بو کلمه‌نی درک ائتدی او غیرتلی خانملار بیرد‌ن هاموسی آغلادی جوش ائیله‌دی قانلار ناله گئجه‌نین عالمی قوزاندی سمایه عورتلر او شاهین چادیرین آلدی آرایه سسلندیله ای عالَمه امید حسین‌جان رحم ائیله بیزی قوما قاپوندان سنه قربان رحم ائت بو آدامسیزلارا پیغمبره خاطر قوما بیزی شئشماهه علی اصغره خاطر سسلندی چادیردان او زمان شاه شهیدان صبّاح قوپاجاقدور بو بیابانیده توفان قصدیم بودی سیز قالمیاسوز قان آراسیندا قانلار توکولن وقتیده توفان آراسیندا درک ائتدی خانملار بو سوزی آغلادی های‌های سسلندیله ایوای حسین وای حسین وای بیز گتدیک اگر جمع پریشان هارا گئتسین؟ زینبده آدامسیزدی حسین‌جان هارا گئتسین؟ بو السیز آیاقسیز بو سوسوزلار هارا گئتسین؟ بی‌کس آتاسیز خرداجا قیزلار هارا گئتسین؟ بیز گتدیک حسین نازلی رقیّون هارا گئتسین؟ قارداشسیز او ایستکلی رقیّون هارا گئتسین؟ زینب یانان اودالاردا دوشوب یاننیق حسینیم چؤللرده قالیب قول قولا باغلانیق حسینیم

نوحۀ حضرت علی اکبر (ع) اوغول سنسیز دنیانین تپراق باشینه اولا جوان اوغلوم یاتما قان ایچره آچ گوزون اکبر گوزی گورچک خلقتینده تک ای ملک منظر آنان لیلا گوز تیکوب یولون خیمه ده گوزلر علی علی آی علی الدنیا بعدک العفا چو موسی قصد ایلیوب مأوا ایتموسن طوری دیوبسن ارنی یره گوگدن چکموسن حوری یاواش یاواش کملشور اکبر گوزلریم نوری علی علی آی علی الدنیا بعدک العفا بو دنیادن الفتون کسدون گیتدون عقبایه منیم روحیم ده گلر سنلن سایه به سایه بیلیم گلمور ایلیوم نعشون حمل قتلایه علی علی آی علی الدنیا بعدک العفا اولوب از بس قطعه قطعه اعضان اله گلمز گیدوب اولقدر یارالاردان قان اله گلمز آخوب قانون ای شهید قرآن اله گلمز علی علی آی علی الدنیا بعدک العفا سنون جسم زخمداریوه سانجلان اوخلار منیم میدان محبتده عشقیمی یوخلار هله عشقین لذتین من تک بولمیور چوخلار علی علی آی علی الدنیا بعدک العفا باشون اوسته وای اوغول دیوب آغلیاندا من شماتت ایلور گولور دشمن ال چالور دشمن گیدور سنلن قدرتیم الدن سلب اولور ایمن علی علی آی علی الدنیا بعدک العفا سنون قانلی پیکرون مثل شانه شانشاندی منیم قلبیم نار محنتدن اود دوتوب یاندی بو امت خانه خراب اولدی دین ایاخلاندی علی علی آی علی الدنیا بعدک العفا نه عالمدور باشیمه دنیا دولانور اوغلوم گوزوم نوری کملشور قلبیم اودلانور اوغلوم سنه باخدیقجان باشیمدان اود قوزانور اوغلوم علی علی آی علی الدنیا بعدک العفا یارالارون هر بیری آشقین بیر گله بنزور سه شعبه اوخلار وجودوندا سنبله بنزور باشون اوستونده ایشیم چوخ چوخ مشکله بنزور علی علی آی علی الدنیا بعدک العفا اگر یتسون خیمه ده سینه داغلیار آنان توکوب اشکین وای اوغول دیوب آغلیار آنان یارالارون خشک ایدوب بیر بیر باغلیار آنان علی علی آی علی الدنیا بعدک العفا گلستاندا بسلدیم بیر گل گوندرم یاره خزان گلدی سرعتیله گل توش اولوب خاره او باغبانم باغدا حیرانم مات و آواره علی علی آی علی الدنیا بعدک العفا امینی خویی

❗️ امشب ، شب تاسوعاست ... در شب تاسوعا میخوام ﺩﻋﺎ ﮐﻨﻢ ... ﻧﻪ ﺑﺮﺍﯼ ﺧﻮﺩﻡ ﺑﺮﺍﯼ ﺩﻭﺳﺘﺎﯼ ﻣﺠﺎﺯﯾﻢ ﮐﻪ بعضیاشون مریض هستن ... بعضیاشون قرض دارن ... ﺑﻌﻀﯿﺎﺷﻮﻥ ﺧﯿﻠﯽ ﮔﺮﻓﺘﺎﺭﻥ ... ﺑﻌﻀﯿﺎﺷﻮﻥ ﺧﯿﻠﯽ ﺩﻟﺸﮑﺴﺘﻦ ... ﺑﻌﻀﯿﺎﺷﻮﻥ ﺧﯿﻠﯽ تنهاﻥ ... ﺑﻌﻀﯿﺎﺷﻮﻥ ﺧﯿﻠﯽ ﻧﺎامیدن ... بعضیاشون داغدارن ... ﺑﻌﻀﯿﺎﺷﻮﻥ ﻋﺎﺷﻘﻦ ... بعضيا در آرزوى رفتن به کربلا ، مشهد و ... بعضيادر آرزوى داشتن فرزند بعضيا گره سختى افتاده تو زندگيشون بعضیاشونو میشناسم ... بعضیاشونو نمیشناسم ... ◇ خدایا ... هواﯼ ﺩﻻﺷﻮﻧﻮ ﺩاشته ﺑﺎﺵ ﻧزﺍﺭ ﺣﺴﺮﺕ ﺑﻪ ﺩﻝ ﺑﻤﻮﻧﻦ ﺩستشـﻮﻧﻮ بگیر و همه حاجت روا امين يارب العالمين❤️. 🖤 😭😭

حضرت علی اکبر علیه السلام ✅مناسب شب عاشورا ( عصر تاسوعا ) سبک :: ای غنچه نیلوفریم... ویرانه ده نازلو بالام... مرحوم حاج قدرت الله نادری 🔹 گلدی گیجه اوغلون گوره کان حیا لیلا گوردی یرینده یوخ علی ایتدی نوا لیلا چیخدی کناره خیمه دن لا کن اورک تیترر میداندا گوردی اوج ایدیر دریا کیمی لشکر بیلدی فراته عزم ایدوب تک نوجوان اکبر ایستوردی ایتسون اکبره جانین فدا لیلا فریاد ایدوب امداد ایدون افغانیم آرتوخدور میداندا یاقوزدی بالام لاکن قوشون یوخدور من بیر اوغول سوز عورتم فریاد رس یوخدور ایندی کیمی امدادینه ایتسون صدا لیلا؟ یوخ بیر کسیم تا ایلسون بیر چاره یالوارسام چاتماز الیم من حیدر کراره یالوارسام غیرت قبول ایتمز گئدوم اشراره یالوارسام اکبر گئدیر الدن کمک کیمدن آلا لیلا گلدی سکینه عرض ایدوب ای مهربان مادر میداندا چوخ غوغا سالوب بی رحم دور لشگر یالقوزلارا عباس عموم دائم کمک ایلر سردار عَمومه گل گیدک عرض ایت آنا لیلا اولماز گئدوب بیز یالواراق بو قوم نسناسه لازم دوشوب بیز یالواراق بیر زبدۀ ناسه گل منله سن یوز دوندراق درگاه عباسه خرگاهِ سقایه طرف دوشدی یولا لیلا گورجک سکینه حالتین اول خسرو خاور آلدی قوجاقه سویلدی عباس نام آور علت ندور رنگون قاچوب زانو لرون تیترر عرض ائتدی خارجده دوروب گور بینوا لیلا سهم صلابتده چیخوب اول حیدر ثانی ال قبضۀ شمشیریده دعوالر اصلانی خیمه کنارینده گوروب بیچاره لیلانی تپراقه دوشدی عرض ایدوب اول مه لقا لیلا ال دامنوندن اوزمرم باب کرم لیلا رحم ایت دخیل و بی کسم چوخ مضطرم آقا سندن علی اکبری من ایسترم آقا بوندان علاوه چکمسون درد و بلا لیلا گل وئر عروسلوق خلعتین ای زادۀ حیدر دشمن ایچینده تک قالوب اوغلوم علی اکبر عباس ایاقینه آتوب لیلا او دم معجر دوتدی ابوالفضل دامنین بختی قرا لیلا تأثیر ائدوب لیلا سوزی تیترتدی عباسی شهدن اجازه آلدی چون ئوز زبدۀ ناسی چکدی بئلیندن خیمه ده شمشیر الماسی باخدی دالیجا آغلیوب ائتدی دعا لیلا عباسه اولجاق روبرو قاچدی بوتون اشرار تاپدی علی اکبری اولدی اونا غمخوار گَتدی خیامه اکبری اول باوفا سردار سسلندی بو اکبر بو سن ، بو کربلا لیلا یاز « نادری » هاردا قالار عباس اول وقتی اکبر جوانین خیمه ده تابوت اولار تختی غم لشگری دلدن سالار لیلا قرا بختی عمری نقدری وار قورار بزم عزا لیلا 🍃🌴🌴🌴🌴🌴

شب عاشورا ای شمع حرمخانه قربانون اولوم عبّاس جان لار سنه پروانه قربانون اولوم عباس ایلده شب تاسوعا سسلر آدوی دنیا معناده دیر زهرا قربانون اولوم عباس دویسه قاپیوی سائل منظوری اولار حاصل ای مونس اهل دل قربانون اولوم عباس انسان و ملک سندن ایستَلَّه کمک سندن اَل بیزدن اتک سندن قربانون اولوم عباس ای معرفتین کانی سَن بُل آناوین جانی بیمه ایله بو جمعی قربانون اولوم عباس اوج شرفه چاتدون لب تشنه قانه باتدون سن کوثری آغلاتدون قربانون اولوم عباس دگدی گوزل آننوندان اوچ شعبه لی بیر پیکان دوتدی گوزیوی اَلقان قربانون اولوم عباس یاندیم دیدیم ای قارداش سس ویر منه وای قارداش چارم ندی ای قارداش قربانون اولوم عباس دیداره حسین گلدی قلبین غم اوخی دَلدی تاپدی سنی دینجلدی قربانون اولوم عباس وار خیمه ده چوخ سوزلر قیزلار یولیوی گوزلر باخمور نیه بو گوزلر قربانون اولوم عباس احسنت بیله ایثاره سردار وفاداره قربان کسیلن یاره قربانون اولوم عباس گَلدیم باشوین اوسته آچ گوزلرین آهسته سن خسته حسین خسته قربانون اولوم عباس ای کشتی بی ساحل قانلی علمه حامل آمالون اولوب حاصل قربانون اولوم عباس کم ایلمه لطفون سَن بیچاره #کلامیدن کویونده گدایم من قربانون اولوم عباس 📝 استاد کلامی زنجانی

ای شمع حرمخانه ☝️ بانوای زنده یاد حاج محمدباقرمنصوری

نوحه حضرت عباس ع شب تاسوعا زنجیر زنی سه ضرب بانوای#کربلایی_منوچهر_حسن_زاده شاعر#مرحوم_فرهاد_فکری_اردبیلی یاحسین یاحسین شرمنده نوکرم من اوخلانوب سو مشگیم یولووی گوزلریم من سقایم سقایم سقای تشنه گانم سو اوستن گلنده باغلادیلار یولومی دورت مین اوخ آتانلار آلدی صاق و صولومی سالدیلار ظلمیله نخلستاندا قولومی اللریم دوشوبدی عنقای بی پرم من سرو تک یخیلدیم آخر قانلی چمنده اوچیلار شیریوی سالوبدیلار کمنده باشیمی دیز اوسته گل آل قارداش ئولنده یالقوزام بی کسم بی یار و یاورم من ئولونجه چیخمادیم قارداش حسین سوزوندن اوخلاندی سو مشگیم منی سالدی دوزومدن بیر اوچ پر اوخ دگوب بو چولده صاق گوزومدن گوزلریم دعواده گورمه سه نیلرم من نوکرم ایت قبول اگر چه ناقابلم خیمه ده قیزلاردان صد حیف اولا خجلم جان اوسته من سنون دیداریوه مایلم بیلورسن خاطروی چوخ چوخ ایسترم من عباسون غصه سی اندازه دن رد اولدی دوشمنیم بو چولده بیلورسن نامرد اولدی سقالیق آخرده منه بیوک درد اولدی شرمنده ی روی علی اصغرم من ناامید اولمیشام من بو اوزون اللردن دشمنی ایلیور شماتت دور و بردن مشگییمده سو یوخدی شرمندیم اصغردن بو چولده شاهین شکسته شهپرم من

#سید_طالع _باکویی _قویمایم_سنی_عراقه_

#کیمدی_بو_مولا_یولی_ایثاریدی_رهبرونون_پیروی هم یاریدی عشق میون نوش ایدوب هشیاریدی؛ سایه سالوب دیده سی بیداریدی! قرب خداده گوزل اجلاسی وار؛ هانسی گروهون بیله مولاسی وار… شیعه لرون حضرت عباسی وار؛ ظاهری بی نقصدی عالی نقوش محضررهبرده دایانموش خموش ساقیه میخانه دی باده فروش؛ اهل ولایه اولوب چشم وگوش… کیمسه نون عالمده بواحساسی وار؛ هانسی گروهون بیله مولاسی وار! شیعه لرون حضرت عباسی وار عشقه؛ گوره آچدی گوزل مکتبی ویردی محصل لرینه منصبی آدی ویرورجانلارا تاب وتبی؛ ذاکر ایدوبدی آدونا هر لبی… باشجادبیراولماقا سوداسی وار؛ هانسی گروهون بیله مولاسی وار! شیعه لرون حضرت عباسی وار؛ هرسوزی شیریندی بالا بنزری دیده سینه مات قویوب دلبری خوش یارادوب خالق اونا پیکری؛ سایه سالارگر آچااوشهپری… قاشی کمان آی کیمی سیماسی ؛ وار هانسی گروهون بیله مولاسی وار! شیعه لرون حضرت عباسی وار بسلدی؛ خالق اوزی بوناسینی کسیکین اولان تیغه ی الماسینی چون کی بولوب باشداکی غوغاسینی؛ دشمنه دینه ووراتا داسینی… بولسون عدو مکتبینون پاسی وار؛ هانسی گروهون بیله مولاسی وار! شیعه لرون حضرت عباسی وار؛ اللری مظلوم باشینا سایه دی یاخشولوقابیر نظر ایت آیه دی

عرض ارادت خدمت ارباب دوعالم (در هنگ همه جا بروم......) اورکده وار گینه درد و غم هواسی حسینون قورولدی دوباره عزاسی اولوب آماده هامی عاشقلر گوزل آدینی اهل دیل سسلر ابی عبد ا... سینه لر غمونده آلیشدی حسین جان گینه نظم عالم قاریشدی حسین جان عاشقلر باشه قاره باغلادی یرلر آغلادی گویلر آغلادی قاپوندا گدایم اَیا شاه عالم منیم سروریمسن سنه من غلامم تاج عشقیمدی باشداکی قاره م سنه چوخداندی کی عزادارم من تیر عشقونله شکارم حسین جان قووما بو غلامی آقا سن قاپوندان من خمار باده ی اَلستم عشقونده مولا سرمستِ مَستم (بیکَسم) بولورسن ای شاه عاشورا الیم بوش،باشیمدا هوای کربلا نه اولور احسان ایده سن سنده دایانام بیرده تلّ زینبده #اورکده_وارگینه_دردوغم_هواسی #محرم #جلالت #سیدالشهدا #مقام_نوکری التماس دعای فرج

تا مشکت تو آب زدی موجای دریا شد آروم تا رو به ساحل اومدی بغضی نشست توی گلوم #تاسوعا #محرم💔 #پیشنهاد_ویژه👌 #مهدی_سلحشور🎙

لطفا امروز و فردا همه عزیزان این اقدام رو انجام دهند 📣📣📣💔💔💔💔

‍ (وداع امام حسین ع) غرض یتیشدی حسینه زمان سخت وداع سولوبدی باغ جناندا صفالی ریحانلار بویوردی من گدورم وعده گاه جانانه گوزَتلیور یولومی جعبه جعبه پیکانلار (آقا بیر به بیر بالالارن جمع اله دی) گلون گوروم سیزی آی عصمتین ستاره لری یاخینلاشور آلاسیزدن حسینی هیجرانلار (ابی عبدالله آقا بالالارن جمع اله دی دیدی بالالارم) سوسوز دوداقلاروزا چاره سیز جانیم قربان منیم بو نیسگیلیمه آغلیار نیستانلار گیدون هامیز اوتورون خیمه ده دعا الیون چتین زماندا دعا ایلیر مسلمانلار (ابی عبدالله آقا اله سولوبدی قارداشلار ئولوب بالالار ئولوب یارو انصار گیدیب الینن بالالار یاپشبلار آقانین اتگینن آخر وداعده) دیدی الله کیمه بیان ایلیوم قلبیمین آغر دردین نجور دیوم کی اسور پیکریمده شریانلار اویاندا جذبه ی تکلیف  حس قرآن وار بی یاندا یاسه باتوب آیه آیه قرآنلار اویاندا شربت جان پرور شهادت وار بی یاندا شانه ورور روحیمه پریشانلار اویاندا باشدا قرا گوزلیور ننم یولومی بو یاندا زینبیمه آغلیور بیابانلار (آقا سنی ننون زهرا بو مجلسه ده بیر نظر ایله چوخلی مریضلر التماس دعا الیلر چوخونون دردی وار) ایکی بهشت آراسیندا غرض گرفتارم دو راهیده چاغیریلار حسینی رضوانلار بالالارم سالون یولا منی چوخ تلین اوسته ساخلامیون شرردی روحیمه غمدن سولان گلستانلار بویاندی قانینه یتمیش نفر هواداریم ئوزولدی دست فلکدن شرفلی دامانلار اگر چه سختیدی اما اولاردان آیریلدیم (الله علی اکبر کیمین اوغلوم گیتدی الیمنن؛علی اصغر کیمی آلتی آیلق بالام گیتدی الیمنن؛ابوالفضل کیمی غیرتلی قارداشم الیمنن گیتدی دیدی الله بولارون هامسی بیر یانا بولارون هامسنان آیرلدم خدایا ولی رقیه دن آیرلماقم چتیندی منه) (آیرلدی آقا خیمه لردن ؛ قارداش گیدیر باجی دوشوب قارداش دالیجا زینب اله یانایانا دیدی حسین دایان حسین مهلا مهلا یابن الزهرا سنه جوان ئولن ننم زهرا قربان حسین دایان دردیم وار سنه گلدی دایاندی حسینون برابرینده) دیدی دایان گورورم یوخ قرارین آی قارداش وصال شوقون آلور اختیارون آی قارداش اماندی آغلاما دشمنلرین گورر سویونر سنار خدای نکرده وقارون آی قارداش نه باخ رقییه نه زینبه نه قیزلاروا نه قوی چخا گویه یردن شرارون آی قارداش (دیدی حسین بولورم ابوالفضلین ئولومی بئلیوی بوکوب قدیوی ایمه دشمنلرین باخور قارداش ) اله دایان دیمسینلر ئولوبدی قارداشی (حسین یاخاون بندین آچ قوی ننمین وصیتینه عمل الیوم شروع اله دی حسینون یاخاسنین بندین آچر گوردولر خانم زینب اییلدی دوداقلارون قویدی حسینون بوغازینه ) ننم زهرادن ازل گون دوزوم سر مشقینی آلدیم جهاندا هر غمه دوزدوم عجب دور ئولمدیم قالدیم ئولوم میدانینه قارداش سنی عطشان یولا سالدیم (آیرلدی آقا خیمه لردن گوررسن بیر آتا مسافرته گیدر ایوینده بالاجا قیزی اولسا دوشر بابانن دالیجا باباجان بابانه وقت گیده جاخسان سفردن بابا آیرلیقوا دوزه بولمرم بابا اوشاقون عادتی بودی آیرلدی خیمه لردن گوردی ذوالجناح گلدی تلین اوستونده دایاندی آقا بویوردی ذوالجناخ بو نه وقتین دایانماقدی؟لیلا گلدی دایانمادون رباب گلدی دایانمادون گوردی ذوالجناح بیر یره باخدی اونان آقانن یوزونه باخدی یعنی آقا یره باخ باخاندا گوردی رقیه ایلشیب یول اوسته آتونان ان یره بابا بابا اوچ گوندی منی قوجاخلامیبسان منه لایلای دیمیبسن بابا رقیه یرده حسین آتون اوسته ابی عبدالله آقا دیدی قیزیم) حیدره خاطر پیاده مسجده قاشدی ننم سن ده گلدون مندن اوتری قلبیده مین درد وغم سن منیم خردا ننم سن من گرک آتدان انم (آتنان اندی یره بالانی آلدی قوجاقینه دیدی باجی) گل آل رقیه نی باجی قوی من دوشوم یولا آزقالدی سینم اوسته بو قیز غصه مرگ  اولا یاخشی مواظب اول بو قیزون ماجراسی وار زهرا کیمی آز عمروده چوخ ابتلاسی وار (بالانی ویردی زینبین قوجاقینه باجی جان سنون جان قیزمون امانتی) خیمم یانان زمان سن ئوزون گوزله بو قیزی سنن صورا نه باجسی نه آناسی وار (گوردی یاواش یاواش رقیه نین گوشواره لرین چخاردر) شمر ئولدورر گوره قولاقندا طلاسی وار 👇#روضه_وداع_امام_حسین_، ع،