شهیدان زنده اند ... -(ای جوانان ای شهیدان وطن ) ۱۰۳۵۴ ۱۶ ای جوانان ای شهیدان وطن ای اولانلار قانیله گلگون کفن حق یولوندا بذل ایدنلر جان و تن قانوزی تپراقلارا قاتدوز عجب تپراق آلتدا نازیله یاتدوز عجب . . ای گلستان وطن گل رولری تیر خورده زخمدار آهولری ای باتان قانه قد دلجولری عالم ایلر شانیده حسرت سیزه خوش یاتون الله ایده رحمت سیزه . . . سیز اوسوز جاندان گچوبسوز دادیله حقی اعلان ایلدوز فریادیله سیزمبارز اولدوز استبدادیله گئتدی جان سندیرمادوز پیمانوزی ایتدوز ایثار وطن اوز قانوزی . . . جانوزی ایرانه قربان ایلدوز کاخ استبدادی ویران ایلدوز ظالمی رسوای دوران ایلدوز گر چه آغلاتدوز باجی قارداشوزی لیک اوزی حق لطف ایدر پاداشوزی . . . نهضت پاک حسینی ایلدوز جانویروب احیا بودینی ایلدوز ذکروزی دین و خمینی ایلدوز گئتدی باشوز دشمنه باش اگمه دوز سینه زه دگدی یارا قاش اگمه دوز . . . سیز اوسوزعالمده ای اهل یقین قانیله یازدوز یره قرآن و دین آفرین ایمانوزه صدآفرین زنده قیلدوز قانیله قرآنی سیز ایلدوز تجدید عاشورانی سیز . . . حقه سیز جان بذل ایدن بیربنده سوز اُولموسوز دیللرده امّا زنده سوز اُلمَه سوز تا وارجهان پاینده سوز ثبت اولارتاریخیده آدوز قالار بوفضا موجوندا فریادوزقالار . . . گرچه خاکیله هم آغوش اولموسوز دست ظلمیله کفن پوش اولموسوز سُونمه سوز ظاهرده خاموش اولموسوز لیک خاطردن فراموش اولماسوز داغ سوز دیللرده خاموش اولماسوز .

#روضه_حضرت_زهرا گرک گوهر ساتا نوحه دینلر سوز قانان یرده نه قارداشلخ کیچیک قارداش ننه حقین دانان یرده (آی ننه سینن چوخ زهرانی چوخ ایستینلر آی غیرتلی جوانلار ) اولیدی کاش سیزلردن بشیز زهرا یانان یرده دوتوب ثانی گریبانین دیردیز جانی ئولدورمه ریاست بش گون عمر ایلر اوتان وجدانی ئولدورمه امیرالمومنین اولماقلقا قرآنی ئولدورمه یوز اون دوت سوریه نقش مصور کیمدی؟ زهرادی (عربده رسمیدی اگر بیر خانواده دن بیر کسی ئولسه نچه گونلر او ایوده تازا پوخت و پز اولماز راوی دییر مدینه نین کوچه لرین دولانوردوم هنوز پیغمبرین کفنی گورومیبدی اوچ گون دیردی پیغمبررحلت بویورموشدی اوزاخدان باخاندا گوردوم زهرانین ایوینین مطبخ سراسینن توسی گوزانور ئوز ئوزومه دیدیم یاللعجب آخی بو فاطمه دی هنوز آتاسنین کفنی گورومیب ایوینده تازا غذا پیشیریر اله بو خیالیلن گلدیم کوچه بنی هاشمه وارد اولاندا گوردوم الله غریبه منظره وار ) قاپیا اوت وران اوچ یوز نفر جماعتیدی قاپی دالندا دوران حامله بیر عورتیدی (پیغمبر چوخ اسرار الردیلر قیزیم فاطمه نه اولار منه بابا دیه سن بالا سن منه بابا دینده من عشق الیرم خانم اوقدر ادبلیدی پیغمبرین بو حسرت اورگینده قبره گیتدی همیشه یارسول الله ، یانبی الله، یاحبیب الله چاغراردی بیردفعه اولمادی بابا دیه اما بولمورم امام زمان قاپیلان دیوار ننن زهرایه نیلدی راوی دییر گوردوم اوچ دفعه اوجادان دیدی یاندم بابا ) نه جرأتلن دییم اولسا قاپی گر لیف خرمادن نه حاله گور قالار دوشسه اوتا بیداد اعدادن بورودی شعله مسماری گلوب سس چرخ خضرادن ائدن بین درو دیواری سنگر کیمدی؟ زهرادی (خانم زهرا حامله نننی گوروبسن اذیتده دی ایکی الین ویریب قاپیا محسنن نگراندی بالالاردان نگراندی عمواوغلوسی علیدن نگراندی بیر سویوخ تر گلدی خانمن بدنینه ) سوزی چوخ آچمرام بوردا بوسن بو آیدن آئینه بویاندا حامله عورت اویاندا شیخ پرکینه آچلدی در باخ ایندی ایسی مسمار اوسویوخ سینه قالان بو عرصه ده بی یارو یاور کیمدی؟ زهرادی خانم گوردی سسی چخمور دیه بو ایو ولینوندی قانیلان یازدی دیواره خدایا حق علینوندی التماس دعای فرج 😔

زبانحال امام در بلین حضرت اباالفضل(ع) -(بو قدر توکمه گوزیاشون) ۲۹۰ ۱ بو قدر توکمه گوزیاشون گلوبدی امداده قارداشون آماندی قوی سینم اوستونه آتام اوغلی سینان باشون(۲) بو فراته یولون دوشوبدی، اوجا سرویم خولون دوشوبدی، سویا خاطر قولون دوشوبدی، دور ایاقه آدامسیزام(۲) سسیوی آلدی زینبیم خییمده باشلاندی ماتمون گرک نشانه او بی کسه آپارام قانلی پرچمون(۲) گول جمالون سولوب ابوالفضل مشگیوه قان دولوب ابوالفضل ورد و ذکریم اولوب ابوالفضل دور ایاقه آدامسیزام(۲) کمکیم یوخدی جسمیوی عبایه تنها بوکنمرم بو قدری من تیر و نیزه نی بدنوندن چکنمرم(۲) سنی آتدان یبخوبدی دشمن بو جفایه چوخ آغلارام من یوزون اوسته سورونموسن سن دور ایاقه آدامسیزام(۲)

🏴 قدم قــــدم با یه علم آخر میریم تو صحن زیبای حـــــــــسن به زودی تو صحن آقام میریم یه مشایه با کلی سینه زن😭 ▪️سالروز تخریب قبور ائمه بقیع (علیهم السلام) تسلیت باد▪️ 🌷

ای بقیع ای مدفن زهرا سلام اولسون سنه  ای مزار عترت طاها سلام اولسون سنه ای بقیع ای توپراقی گونلر قباقینده قالان ای تشیع قلبینه شوال آییندا اوت سالان سویله منلن پس نیه یوخدی یانوندا بیرچراغ غربتوندن حس ادور اهل بوعالم سوز وداغ ای بقیع پس نیندون زهرای سینه خسته نی ای بقیع هاردا ایتیردون گنبدو گلدسته نی  آغلیار احوالیوه هرروز وشب صاحب زمان یوخدی خاک اطهرونده لااقل بیرسایه بان ای بقیع دوزدون نجه بوروزگارین جبرینه قویدون آغلار شیعه یانی دورد امامین قبرینه قالموسان ویرانه سن ایوان آبادون هانی  گنبد عباسی  خوش نقش سجادون هانی هاردادی گلدسته قبر امام باقرون هاردادی بس خادم وفرش ورواق وزائرون ای بقیع گریان اولوبدور غربتونده عاشقون بی حرمدی بس نیه قبر امام صادقون بحریدور شهرمدینه سنده چون آغ بیرصدف سینه ده پنهان ادوبسن بیرنچه در نجف ای بقیع  سولدی گلستانون نیه گلدی خزان بس نیه زواریوین گوزیاشلاری اولدی نهان اولیا الله گللر هرگجه دیداریوه باش قویار زایر همیشه اول اوجا دیواریوه چوخ دیوللر زائره توپراقه نزدیک اولمیا هچ دموللر هرگجن بی شمع وتاریک اولمیا شرطه لر عشاقیوی چوخ اول مکانه قویموری  زائرون  اما نه مقدار اوردا آغلور دویموری نه گوزلدی سامرا و کاظمین وکربلا لیک ویراندی مزار بی چراغ مجتبی  وارشهیدکربلانین هم گولی هم گنبدی گون قباقینده قالوبدی مجتبی نین مرقدی ای بقیع یاخشی امانت ساخلادون پیغمبره  دوردامامین قبرینی ویرانه قویدون یکسره هی دیوللر کی رضا ایراندا غربتده قالوب باخ ولی ایرانلی لار مولایه بیر گنبد سالوب  واردی هم صحنی اونون هم خادمی هم زائری  واردی سقاخانه سی واردی نچه مین طائری  اوردا مردم قوشلارا هرگون گلوب گندم سپر هرگجه دور ضریحین مردم عاشق اوپر سنده اما یوخدی بیرپاره حصیریلن رواق  ایستی گون ایچره قالوبدور میزبانیلن  قوناق سنده اوچسا بیرگورچین پرلری توزلی اولار یوخدی بیرجرعه سویون زواریوون رنگی سولار ای بقیع مهدی گلر آباد الرآثاریوی بیرده کی آسان ادر بوشیعیه دیداریوی ای بقیع ای آستانون باب جنتدن رفیع اولگیلان سن بوکیانه روز محشرده شفیع #هشتم_شوال #تخریب_قبور_ائمه_ی_بقیع

زبانحال ساده با آقا امام زمان(عج) 🎤حاج بهنام فرج پور اسوب خزان یلی باغ و گلشنه باخ گلشنده سولان گله گل آقا دوت الیمدن قویما دوشوم ایاقدان کرم قیل بو خسته دیله گل آقا باخ منه بیر آن آقا قلبیم اولوب قان آقا رحم ائت عاشقلرون بو گوزیاشینا هجرون سالوب شرر اورک باشینا ئولسم یازون سیز قبریمون داشینا هردن منی بیر یاد ائله گل آقا جان سنه قربان آقا قلبیم اولوب قان آقا گلم ائله آه و وایا گئجه لر غمیم گلمز سنسیز سایا گئجه لر دردی دل ائیلرم آیا گئجه لر یانوب دوندوم داخی کوله گل آقا گل بیزه مهمان آقا قلبیم اولوب قان آقا غم کاسه سی دولوب بوشالدی آقا چوخلی سوزوم اورکده قالدی آقا هجرونده عاشقون قوجالدی آقا یوخدی دوزوم بو نسگیله گل آقا حالیمه باخ یان آقا قلبیم اولوب قان آقا فراق اوتوندا نقدری من یانیم نقدری یولارا باخیم اوتلانیم گل ئولممیش باشیوا بیر دولانیم یولوی سال بو منزله گل آقا عالمه سلطان آقا قلبیم اولوب قان آقا باخ گوزومنن آخان اشک آلیمه نظر ائله اوزون یانان حالیمه فدا اولوم سنه یابن فاطیمه گلسون گلر اورک اله گل آقا چتیندی هجران آقا قلبیم اولوب قان آقا #امام_زمان_عجل_الله

زینب باجی غم سنه یوز ویرمسین عترتیم حوروکلرین حورمسین قاسم گلسه الیوی قوی گوزونه جگریمون لخته لرین گورمسین جان ویردی حسن بلبل باغ محن ئولدی سیلی یرینی کوچه ده اول گورن ئولدی دیمم طوفان معبرده باشندان قاره دوشموشدی ئوزوم گوردوم کی تپراقه قباله پاره دوشموشدی ئوزوم گوردوم قولاقیندن یره گوشواره دوشموشدی ئوزوم گوردوم کی اهریمن سنه چاره یولون کسدی ئوزوم گوردوم سنه سیلی دینده لبلرین اسدی سن پیمبر قیزیسان وقریمی سیندرما ننه گر یوزون توختاسا دورمنله گداخ قالما ننه ویرسلرده فدکین باغینی دای آلما ننه چه میشد گرمرا مادر ازآن کوچه نمیبردی من آنجا رانمیدیدم توهم سیلی نمیخوردی

عباسیدی خیمده ایلر دایاغی عباس ئولدی زینبین سوندی چراغی تیر بلا حیف اولا صبرین آپاردی بیر اوخ گلدی عباسین قلبینی یاردی قاره ساچی زینبون بیردن آغاردی شه سویلدی عشقیده مقیاسیم ئولدی ایل دیاغی صاصب احساسیم ئولدی اعلام اله قیزلاره عباسیم ئولدی (گلدی وارداولدی ابوالفضلین خیمه سینه ستونین یاتدی خیمیه گلدی دیدی دور باجی انصاریم ئولوب محرم اسراریمه اول محرم اسراریم ئولوب گل ویریم پرچمی سن ساخلا علمداریم ئولوب

سینه زنی عباسیدی خیمده ایلر دایاغی بانوای زنده یاد حاجی محمد باقر منصوری👌 التماس دعا از همه دوستان عزیز 🙏

‍ زبانحال حضرت رباب سلام الله علیها بعد از شهادت شیرخواره ربابم دوشوب درده یاندیم بلایه سالیبدی زمانه بالامین بوغازین ایدوبلر خدنگه نشانه اوچگون عطشدن بالام یاندی الله دایاندیم سو آختاریب بو خیامی گزوب هی دولاندیم سو اولمادی یاندیم آخر بالامدان اوتاندیم اوگون من جفادن اوساندیم ایوای یارالی بالام وای بالام وای3 یارالی بالام وای _ جفائیله بو قان توکن لر سویون یوللارین باغلامیشدی سسی چخمادی جان ویرنده زبس آغلامیشدی سوفکرینه من بالامی امامه ویرنده سیراب ایدر من ددیم لشگر کین گورنده دیسگیندیم امّابوغازین سه پر اوخ بولَنده سارالدی گولوم بو چمنده ایوای یارالی بالام وای بالام وای3 یارالی بالام وای ____ آناندان اوغول کوسموسن گَل باریش دیلده رفع ملال ایت گذشت ایله چاره یوخیدی آناوی حلال ایت دشمن بو چولده بیزی ایلیبدور احاطه یالواردی عصرین امامی بو قوم عُصاته عفو ایله باغلادیم اصغر الیوی قماطه واریمدی گلایه فراته ایوای یارالی بالام وای بالام وای3 یارالی بالام وای _ نچه آی بو چوللرده اولدون منه همدم ای شیرخوارم بو اوچگون کیمی یانمامیشدیم کسیلمیشدی چارم نه سو نه صود واریدی منده ای گلعذاریم اوددوتدی یاندی بوغمدن اوغول قلب زاریم ایکاش اوغول دوشمییدی عراقه گذاریم دوشوبدی نوادن هَزاریم ایوای یارالی بالام وای بالام وای3 یارالی بالام وای ____ سنون عشقون ای نور دیده سالوب چوللره بو ربابی نه تز دویدون آخر آناندان آخور اشک نابی بیکَس ربابی سالیبلار علی مین عذابه قانه دونن قلبیمی سالدیلار پیچ و تابه الله بولور نسگلون نیلیر بو ربابه سرشکیم دونوبدی گلابه ایوای یارالی بالام وای بالام وای3 یارالی بالام وای ___ #علی_اصغر علیه السلام مهدی عبادی(بیکس)

هییت شاهزاده علی اصغرعلیه السلام تبریزالوارسفلی کوی فاطمیه

اوخشاما من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ

😭😭😭

زبانحال حضرت زینب (سلام الله) به حضرت امام حسین (علیه السلام) صبریم آزالدی حسینیم آنام اولن زمان صبریم آزالدی حسینیم آتام اولن زمان خوشحالدیم کی هله اوچ نفر دایاغیم وار غصه ام یوخیدی هر غم و اندوه اولان زمان صبر و قراریمی آلدی الیمدن آی قارداش تل اوسته من دوروب گوزمیله گورن زمان توز قوپدی گویلره یئردن اوجالدی توز تورپاخ شمرون الینده بیر باشی گوردوم گئچن زمان سن ال ایاخ چالیردون حسین منده ال ایاخ خوش حالینه کی گورمدی زهرا گئچن زمان سن ال ایاخ چالیردون حسین قول قاناد گله من ال ایاخ چالیردیم حسین سن گئدن زمان سن ال ایاخ چالیردون حسین راحت اولماقا من ال ایاخ چالیردیم اسارت گلن زمان ولی دانشفر

شجاعت حضرت امام حسین (علیه السلام) بولون ای لشگر اعدا، که حسنیم بیله انوردور جمال انوریمده سوره والشمس مضمردور یوزیمدن کسب نور ایلر منیم مهر جهان آرا ویرن بو عالمه ظلمت، بو تار زلف عنبردور یازیلمش آیه نور، آیه آیه بو رخ پاکه قلم قاشیمده، نون والقلم، عیناً مسطردور تاپار شهلا گوزیمدن جلوه، باخدوقجا هامی گوزلر گوگل ملکین ایدن چون محو، بو سرو صنوبردور الیمده سوره انا فتحنا، ثبت دور یکسر که دعواده بو ال، چون حیدر کراره مظهردور صباح اولماز اگر چاک گریبان ایتمسم هرگز ایدن صبحی شب یلدا، بو گیسوی معنبردور قیامت قامتیمدن بیر علامتدور، قیام ایلر بو گون سرو قدیم، قانه باتسا روز محشردور منه کیمدور برابر عزت و شان و شجاعتده آتام شیر خدا، جدیم رسول حی داوردور آتامدور حیدر کرار ، جدیم احمد مختار اوزوم پیغمبره بنذر، آدیم شهزاده اکبردور نه باکیم وار بو دریا تک قوشوندان ایتمرم پروا یانمدا یادگار مرتضی، تیغ دو پیکردور گوتورموش ال دعایه خیمده بی کس آنام ایمدی دعا ایلر الهی اکبریم بی یار و یاوردور چکم گر نعره الله اکبر، قان اولار باغروز الیمده تیغ برانیم، بولورسوز مرگ احمردور بو گون هر کیمسه نون وار جرئتی، میدانیمه گلسون بروزه ویرسون اول کیمسه که عالمنده هنروردور اوزوم بیر تک جوانم، بیر بیله لشگر، چکوبسوز صف جسارت یوخ بیروزده، بو نه کثرت نه لشگردور؟ کیمون وار شوق دعوا، ایمدی دعوا وقتیدور گلسون دایانماز روز هیجا، هر او کس، مرد دلاوردور ئولومدن یوخدی باکیم سیز بولون ئولماقه مشتاقم یولومی گوزلین جنت آرا، جدیم پیمبردور بو گون قیلام فدا بو تشنه جانی، شاه بطحایه بو باش بو جان، فدای اول شه بی یار و یاوردور بابام یالقیز قالوب ایمدی گلوب افغانه قان آغلار اولوب (غمناک) مندن اوتری بالله دیده سی تردور مرحوم غمناک

‍ ‍ روضه‌حضرت‌زینب (س) غساله گلوب گوز یاشیمی سیلدی گوزومدن گوز یاشیمی پاک ایتدی ولی دوشدی دوزومدن سسلندی خانملار داخی من گیتدیم ئوزومدن معلوم اولونور بو خانمن نیسگیلی چوخدی یول یول گوریبدی بدنی صاف یری یوخدی اولسا جان اوسته باجی قارداشی قیدینده قالار باجی تابوتینی ئوز چینینه قارداشی آلار هر قدم آتدیقجا قبره طرف وای دیجک باجینی قبره قویانان صورا لای لای دیجک (الله هیچ باجینی قارداشسیز المه خانم یانا یانا دیدی حسین ئولورم ابوالفضل گل یامان گونومدی آی قارداش ) حسین بیر یرده حسین جان ویریرم سایه ده یوخدی زینب سنه قربان اولا همسایه ده یوخدی جان خانم زینب غریبلر قربان😭😭😭 #سبک بانوای حاج نادر جوادی اردبیلی

🏴 بسم الله الرحمن الرحیم🏴 عرض ارادت به منجی عالم بشریت حضرت مهدی علیه السلام از استاد گوهری (هشترودی) سبک .ای قلم سوزلرینده اثریوخ _ ای قلم آرزو باغی سولماز عشق پیمانه سی ساده دولماز بیر بیله جمعه کی رد اولوبدی هیچ بیری جمعه ی موعداولماز آبرو اهلینون قلبی قاندی گلسه مولا مناسب زماندی - ای قلم حاشیه جالب اولماز گیتمه چوخ بحرینه طالب اولماز کل دنیا دولا شمریلن گر حضرت ( مهدیه) غالب اولماز آبرو اهلینون قلبی قاندی گلسه مولا مناسب زماندی _ جمعه آلله گنه باشه چاتدی گون گیدوبدی غروبینده باتدی گلمدی قائم آل طاها ید گون عاشقانی قوجاتدی آبرو اهلینون قلبی قاندی گلسه مولا مناسب زماندی __ قیل توسل امام رضایه ایله مولایه عرض گلایه یابن زهرا دینن غیر رهبر یوخ باخان مردم بینوایه آبرو اهلینون قلبی قاندی گلسه مولا مناسب زماندی _ دین ایوین گورنه تاراج ایدوللر تیغه ی ظلمه آماج ایدوللر گون به گون بیلموروک هچ ندندی مردی نامرده محتاج ایدوللر آبرو اهلینون قلبی قاندی گلسه مولا مناسب زماندی ___ استاد ( گوهری)

🏴مجلس یزید ✍ بقلم تقائی اردبیلی 🎼سبک: دولدوروب جهانی وا حسین صداسی... گلمیشم فغانه، یانه یانه عمّه گوزلریم ساتاشدی، خیز‌رانه عمّه عمّه بیر علاج ائیله بو یزیده سن سویله وورماسین بابامی (2) قلبیم اودلانیبدیر، آتش فراقه کیم ویرار بو نوعی، خیز‌ران دوداقه گوزلریم فدا اول، قان آخان دوداقه یانمیشام فراقیندان قان آخیر دوداغیندان ویرماسین بابامی (2) ظلمیلن تالاندی، خانمانیم عمّه قانینه بویاندی، باغبانیم عمّه یاندی ظلم الیله، آشیانیم عمّه طشت زرده قان داشدی فاطیمه باشین آشدی ویرماسین بابامی (2) وئر اجازه عمّه، بو غریب و زاره یالواریم یزید شوم بد شعاره بو شیرین زبانه، ائلسه نظاره ظلمیله بئله دورماز شاهه خیز‌ران ویرماز ویرماسین بابامی (2) سینیم آزدیر عمّه، غرق نیسگیلم من کشتی بلایه، امن ساحلم من رحم ائد‌ر دانیشسام، چون شیرین دیلم من گورسه زلفیمی افشان رحم ائد‌ر او بی‌ایمان ویرماسین بابامی (2) خیز‌ران او باشی، سالدی پیچ و تابه گلدی آیری غصه، بو دل کبابه گوزلرینی آچدی، باخدی بیر ربابه یاندی قلبیمیز یاندی لبلری دولی قاندی ویرماسین بابامی (2)

نوحه ترکی قاپوندا حسین جمله شاهلار گدادی @@@@@ قاپوندا حسین جمله شاهلار گدادی بیزیم کعبه عشقیمیز کربلادی حسین ثارالله قانین آخار یره یازار یا الله گئدنده شامه دیده گریان علی قیزی اورکده افغان حسین یارالاریوا قربان سوسوز بالالاروا قربان باشدا وار شوق کربلا آلدی صبرینی نینوا آتش ایندی سس گلیر حرم یاتان شاه جانیم فدا ای دل اهلی گوزل صحن و روا یاندیریر درد فراق سسلرم کربلا حسین کرببلا حسین ثارالله قانین آخار یره یازار یا الله @@@@@@ #مداحی_ماندگار

‍ ‍ ‍ ‍ علی اکبر(ع) ای علی اکبریم، شبه‌ پیغمبریم زیبا مارالیم، رعنا غزالیم اوچماغا شهپریم، گورمه‌گه گوزلریم شأن و جلالیم، ای مه جمالیم غم گونو یاوریم، ال دوتان اللریم سیندی بال و پریم، مجنوندی لیلی، محزوندی خیلی وار بوسه میلی قویما گیلیلی لیلیه قیل نظر، ائیله‌دین دربه­د‌ر عومرو اولدو هدر سن ایستینده، جان سسلیندی سن آغلایاندا، جان جان دیندی دوشسه گر دیللره، نولدو بس اکبره اوخشارام ایلره حمد اولسون حقّه، وئرمیشدی آلدی اکبر اوجالدی، لیلا قوجالدی قلبیمی داغلادون چاره‌می باغلادون هی باخیب آغلادون نوحون ده عومرو حتی آز ایمیش بیجا چالیشدیم، هر نه یازی ایمیش سن منی ای پسر، ائیله‌دین دربه­د‌ر قالدیم آخر ملر صبریم تالاندی، دنیا یالاندی شادلیق گئد‌ندی، غملر قالاندی گول اکیب درمه‌دیم، خیرینی گورمه‌دیم توی شالی سرمه‌دیم بیر شمع تک من، هی یاندیم آخدیم گتئدین الیمد‌ن، حسر‌تله باخدیم گوزله‌دیم، کام آلام، توی ائد‌نده بالام قرمیزی شال سالام حجله بز‌ردیم، هی قند اَز‌ردیم تازه گلین‌له‌ن، با هم گز‌ردیم کوینه‌گون بیچمه‌دیم، ساق سولا گئچمه‌دیم شربتون ایچمه‌دیم بیر ال اَتکده، بیر ال اور‌گده بیر گوز دالونجا، بیر گوز فلکده گولسه گر دوشمنیم، وار نه چاره منیم وئر نشان مدفنیم قال باشیم اوسته، گور درگذشتیم قبریم داشیندا، یاز سرگذ‌شتیم

قارداش باجیلیق رسمی اولارمیش بیله قارداش قارداش ئولومی ضربه ویرارمیش بله قارداش قدیم بوکولوب باش آغاروب فکر ایلمزدیم زینب بو بیابانه دوباره گله قارداش قرخا یاخون اطفالون حسین قرخا گلوبدی قورخوم بودی قرخوندا ربابون ئوله قارداش ای کوینگی اللرده قالان دور سنه قربان گلدی بو چوله شامه گیدن قافله قارداش  آغ ساچلاریمی قبریوون اوسته سررم تا قبرین داشینی ساچلاریم الآن سیله قارداش نامحرم حسین یوخ باش آچوخ آغلارام الان گلدی باجون هم آغلیا هم دینجله قارداش گلدیم سو سپم گوز یاشیلان قبریوون اوسته شرمنده ایدم آب فراتی بله قارداش گئچدی اورگیم گئچدی باشون نوک جدایه دوشدوم باشیوون آردیجا چولدن چوله قارداش وار علتی یاردیم باشیمی کوفه ده نیلوم گوردوم بلشوب نیزه ده باشون کوله قارداش چوخدور یارام، آلنیم یاراسین فاش ایلدیم من قالسون یارالار کوینگون آلتدا هله قارداش غساله منه غسل ویرنده بیله جکدور هانسی یارالار زینبی گتدی دیله قارداش اربعین زبانحال حضرت زینب

🏴زبانحال مادر حضرت علی اکبر(ع) ✍بقلم مرحوم استاد یحیوی اردبیلی خیمه ‌نی سیلمیشم، زینتین وئرمیشم،  فرشیدیر معجریم گل اکبریم اکبریم گل سن گلن یوللارا، ایلرم من فدا،  آغلایان گوزلریم گل اکبریم اکبریم گل شیشیه بنزه‌ییر، باخماسان تئز سینار،  بیر نیگاهیله قلبیم امن ده ساخلا اوغلوم ای صنوبر قدیم، سایه سال باشیمه،  مادر بی‌پناهون لوطفیله یوخلا اوغلوم گل وئریم زینه‌تین، یوللاییم عرصییه، تیر موژگانین ایله دوشمه‌نی اوخلا اوغلوم زولفووه دوشسه کج، شانه بخش ائت منی،  تیتره‌ییر اللریم گل اکبریم اکبریم گل وصل معبوده سن، باغلاییبسان کمه‌ر،  من نئجه مانیع اوللام عئشق سوداسی دیر بو عامل حکم سن، امره مأمورسن،  روز قالو بلاده عهدین امضاسی دیر بو حقّ ریضادیر اونا من ریضایه‌م بالا جانی وئرمه‌ک گره‌کدیر دین دعواسی دیر بو حضرت فاطیمه محضه‌رینه آپار،  توحفه نیسگیلله‌ریم گل اکبریم اکبریم گل آسلانیبدیر اوره‌ک قاشلارون طاقینه  من غریبی سالیبدیر قاره زولفون کمه‌نده ایندی صیّادلر، گوزله‌ییرلر سنی،  دام ظولمه دوشه‌رسن زرمگاهه گله‌نده روزگاریم دونه‌ر، اوندا برپا اولور،  خیمه ده محشه‌ریم گل اکبریم اکبریم گل ای شکوفته گولوم، کاکول سونبولوم،  توش اولور بو طراوه‌ت حیف باد خزانه غمزه بولبولوم، چوخ پریشان دیلیم،  وئر تسلّای هئجران مادر مئهریبانه گورموسه‌ن متّصل، بیزده‌ن اوترو بو گون،  آیریلیق تیری قویموش دست دووران کمانه جاری ائتسین سنین، قانین ایله منیم،  گوزده‌ن اشگ تریم گل اکبریم اکبریم گل منزیلیم مسکه‌نیم، بیر همین خیمه دیر، تیره ائتمیش گوزومده چکدیگیم دود آهیم فورصه‌تین وار اگه‌ر، گلگینه موختصه‌ر  تاکی اولسون چیراغان صفحه‌ی خیمه‌گاهیم سن بیلیرسن اوغول، غرق بحر غمه‌م،  ایله‌ییب روزیگاریم قاره بخت سییاهیم بُرج اقبالیمی نوره باران ائله،  ای مه انوه‌ریم گل اکبریم اکبریم گل

نوحه از مقام شامخ مادر آهنگ:« زینب زینب زینب» استاد سلیم موذن زاده شاعر علیرضا علوی زنجانی ####### مادر مادر مادر  ای روحه روان مادر.  آرامش جان مادر مادر مادر مادر  هر درده دوزن مادر.   قدی بوکلن مادر هدیه داور.            ای گل پرپر  مهربان مادر.               قهرمان مادر گل گویلومی آل مادر.  بو  گیجه نی قال مادر ###### مادر مادر مادر  رنگین سارالوب مادر. زلیفین آغاروب مادر مادر مادر مادر  اوغلون قوجالیب مادر.   غم دورین آلیب مادر گیتمه صبر ایله.        بیزی درک ایله مهربان مادر.               قهرمان مادر گل گویلومی آل مادر.  بو  گیجه نی قال مادر ####### مادر مادر مادر.    رنگین  سارالوب گل تک باتین نیه اولدوز تک    مادر مادر مادر  آی مثلی گنه باتدون بالا لارین آغلاتدون بیزی تک قویما.       گل بیزدن دویما مهربان مادر.               قهرمان مادر گل گویلومی آل مادر.  بو  گیجه نی قال مادر ####### مادر مادر مادر  سنسیز نینرم مادر یولون گوزلرم مادر مادر مادر مادر  هجرونده ملر قالام ایودن عطریوی آلام   قبره گل گیتمه.      بیزی ترک ایتمه   مهربان مادر.               قهرمان مادر گل گویلومی آل مادر.  بو  گیجه نی قال مادر ###### مادر مادر مادر.   ای مونس جان مادر هر غمده یانان مادر مادر مادر مادر.     اخشام لار اولان وقته آمار دوتان مادر ای پرستاریم.       بهترین یاریم مهربان مادر.               قهرمان مادر گل گویلومی آل مادر.  بو  گیجه نی قال مادر ###### مادر مادر مادر.    بولود کیمی سن دولدون یاغیدون اریدون سولدون   مادر مادر مادر.   هر گون بیزه خاطر سن غمدن قاریدون  سولدون چکدین چوخ زحمت.        دریای رحمت  مهربان مادر.               قهرمان مادر گل گویلومی آل مادر.  بو  گیجه نی قال مادر ######   مادر مادر مادر.    الگوسی اولان زهرا سسلن گلجک زهرا مادر مادر مادر     قبرینده گلوب زهرا دادیوه چاتار زهرا سسله زهرانی.      داده مولانی مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر.   ایام محرمده  اغلاردین اوزن مادر مادر مادر مادر  قاره گینوب قاره باغلاردین اوزن مادر سینه داغلاردین.         آرام  آغلاردین مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر.     ایام محرمدی سینم دولی گل غمدی مادر مادر مادر.    دسته کوچیه گلدی غم سینمیزی دلدی گل چای ویر مادر.       گلوبدی پرچملر مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر.      کوینگیمی ویر گیوم دسته یه آنا گیدوم مادر مادر مادر    حسینه سلام ایدیم مسجده دوروم گیدوم  محرم گلدی.     غم قلبی دلدی مهربان مادر.               قهرمان مادر گل گویلومی آل مادر.  بو  گیجه نی قال مادر ####### مادر مادر مادر.   باش قاره سینی باغلا زهرایه اوزون آغلا مادر مادر مادر     نذیری منده ساخلا پیمانیمی گل باغلا نوکرم شاهه.         باخ روسیاهه مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر      سن آی کیمی تز  باتدین سن ائیلری  آغلاتدون مادر مادر مادر.      گوزدن بیزی سن آتدون  دنیا لری   آغلاتدون آغلارام مادر.       بهترین یاور مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر سن نچه ایل عمرونده  اولدون بیزه  پشتیبان مادر مادر مادر   هجرونده بالا لارین  آغلار ایلیر افغان اولموشوق گریان.       من سنه قربان مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر  آچ گوزلریوی مادر باخ غملدی بلبلر   مادر مادر مادر دی سوزلریوی مادر اغلیر سنه بو گللر ای گل پر پر.       بهترین مادر مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر آدون ایدیرم ازبر اغلار گوزوموز پادر مادر مادر مادر  یاندی جگریم مادر ذکریمی فقط مادر لای لای ننم وای.      ای وای ننم وای مهربان مادر.               قهرمان مادر گل گویلومی آل مادر.  بو  گیجه نی قال مادر ######## مادر مادر مادر. قیزلارین قرا باغلار سس سسه ویروب آغلار مادر مادر مادر. زلفین داریان اولماز تز یاده سالوب آغلار گیتمه سن خوشدی       گل یرون بوشد

🏝  کربلایه گئدن  🏝 ای گئدن کرب وبلایه منیده یادووَه سال عمل ائت رسم وفایه منیده یادووَه سال یولی بینُ الحَرمینه سالاجاقسان بیلورم نظر ائت مروَه صفایه منیده یادووَه سال دئمه که گنبد عباسه گوزوم دوشدی او دَم باخوسان هاشمی آیه منیده یادووَه سال صدقیلن آغلا علمداریدن آل اِذن دُخول زائر اولسون شهدایه منیده یادووَه سال بِله سانما بو زیارت هامیا قسمت اولار سالوب الله سنه سایه منیده یادووَه سال آستانیندن ئوپن وقتی حسینون دِئ آقا ائت کرم بو فقرایه ، منیده یادووَه سال پایِ پادَه اوخیان وقتی زیارت نامه اکبری سَسله هَرایه منیده یادووَه سال اصغرین وار هَوسی زائرینون لایلاینا لای لایون گلسه نوایه منیده یادووَه سال بوینی چگنینده دایان اوغلی ئولَن بیر نَنَه تَک نوحه دِئ خوردا هُمایه منیده یادووَه سال مَقتل شاه شهیدانه طرف چوخ گِئتمه باخ اوزاقدان او مِنایه مَنیده یادووَه سال اورا بیر یردی که اوردا باش آچار خَتم رُسل گَلر عَرش اهلی بُکایه ،منیده یادووَه سال اوردا بَند دل زهرانی قِیروب کافر اَلی باخ او مَعناده عزایه منیده یادووَه سال چوخ دایانما ایکی اَل سینووُن اوستونده قَیت آچ دیلی ذکر و دُعایه منیده یادووَه سال بیر گونی تُپراقین آلتیندا دِیرسَن  (نادر) ای گئدن کرب و بلایه منیده یادووَه سال #زائر_کربلا

🏴توسل به حضرت امام جعفر صادق علیه السلام ✍کربلایی بهلول حبیبی (زنجانی) 🎼سبک : شهریاریمسن آقا، دار و نداریمسن آقا صادق آل عبا شیعه لرون سروریدی آستانونده ملک،بو آقانون نوکریدی مندن ال سندن اتک،بیر باخیشین بسدی منه (جدوآبائیم آقا، واللهی مدیوندی سنه(2)) بیزه رهبرسن آقا__حجت داورسن آقا اهل عشقون باشینا__تاج منورسن آقا(2) کیم دخیلوندی سنون،هیچ کسه محتاجی دگول دهریده محنت و درد و غمین آماجی دگول آقا اوغلی آقاسان سائلی سلطان ایده رن (گر اشاره السن موری سلیمان ایده رن(2)) بیزه رهبرسن آقا__حجت داورسن آقا اهل عشقون باشینا__تاج منورسن آقا بللیدی قلبیده سن تک آقانون آدی اولار مکتب عشق و وفانون بیله استادی اولار یونس بن ظبیان،مفضل،ابوحمزه،حریز (سنه شاگردیدی چوخلاری،بو درگهده عزیز(2)) بیزه رهبرسن آقا___حجت داورسن آقا اهل عشقون باشینا__تاج منورسن آقا فرشیدن عرشه شاخور پرتو نور ازلی تانور عالم سنی شخصیت بین المللی صاحب علم و حدیث متواترسن آقا (باشیمون اوسته ئولن لحظه ده حاضرسن آقا(2)) بیزه رهبرسن آقا__حجت داورسن آقا اهل عشقون باشینا___تاج منورسن آقاسبک وشعر مداحی ویژه مادحین کربلایی رضاابوالحسنی

🏴زبانحال حضرت رباب (س) اود   یاپیشدی   سینَمه   ،   لب‌لروندن  اصغریم بوشلا   دوشلَریم  ،   ئوپوم    اللروندن  اصغریم قوی  سارالمیش   عارضون  سینَمه  یاپیشدیریم اودلو    یوز  گوزونله   بیر   سینَمی     آلیشدیریم کوسمه   منّتون  چکیم ،   قوی سنی دانیشدیریم لذّت    ائلییم    شیرین    دیللروندن       اصغریم من   نه   قدری    قلبیمی   غصَّدَ‌ن    اووشدوروم لب‌لرون   نئجه   قورو   دوشلریمه    یووشدوروم صبحه‌جک   گَرَک   بئله   وقتیمی  سووشدورورم بلکه   صبح     اولا     فرج    داوروندن   اصغریم ایلدَ‌ن   آرتیق   اولدو    بو   آخرین  گئجون   منه اولمادی    دیلون   اوغول   یاننام   آغلارام   سنه آخ   نئجه   دییَنمَدون   چاره  ،   یاندیم    آی  ننه حشره‌جک   یانام   گَرَک   نیسگیلوندن   اصغریم چوخ  اوزاندی از  قضا  ، صبح  اولوب همان گئجه گلدی    تیرِ    حرمله    چاتدی    قالمادی    گئجه قان    ایچینده     اصغرین    گوردو   بینوا    نئجه وای  دئدی   نه   قان  سوزور تئللروندن  اصغریم هر  گول  اکدیم  ای  گول  ! گولوستانه    سَرمَدیم یاز   گوروب   آیاز گوروب  بیرجه  شاخه  دَرمَدیم پرپر   اولدو  گول   بالام ، مَخمل اوسته  سَرمَدیم توشه   اخذ    ائدَ‌نمَدیم   گول   پروندن   اصغریم هانسی    صود   امَر   یئتیب    بیله  نکته‌   سنجیه قاتلیله       روبرو        قویدو      پنجه        پنجَیه یاخشی   طاقت   ائیله‌دون  اوخ  وئرَ‌ن    شکنجیه وئر    اجازه    من   ئوپوم   حنجروندن    اصغریم تئشنه‌لیک   آغارتدی  گول  صورتون  ایپَک کیمی باغرینا   باسیب   آنون  هئی سنی  ئوره ک کیمی ایندی  قانلی صورتون  رنگ  آچیب چیچَک کیمی گول   یوزون   صفالیدی  ،   پیکروندن    اصغریم باخسا      حرمله      دئدیم        قصّه ی    درازیوه نرم  اولار  یاواش  یاواش  قلبی  سوز  و  سازیوه باغلی   گورسه    قوللارون   آتماز  اوخ   بوغازیوه شرم    ائدَ‌ر   او    باغلانان  شهپروندن   اصغریم ** ✍مرحوم حاج رحیم منزوی اردبیلی

‌دلم....!!! التماس دعا می خواهد..... ازهمان التماس دعاهایی که آدمیزاد یک وقت هایی دلش را به "دریا"می زند....!!!! و به خلق خدا رو می اندازد که برایش دعا کنند....!!! از آنهایی که از لا به لای بغض ها با چه "زوری"بالا می آید....!!! آنوقت با همه وجودت دلت را به "زمزمه خدایا" گفتن خلق خدا خوش می کنی....!!! که اگر صدای تو به عرش نرسید....!!! حداقل یکی از همین خلق خدا صدایش آنقدر رسا است که عرشیان و فرشیان از "خدایا گفتنش"خدایا بگویند...!!! الهی العفو🤲 ⭐خـــــ💛ــــدایــــــــا ⭐خدایا من از تو معجزه می‌خواهم ⭐معجزه ای بزرگ در حد خدا بودنت ⭐معجزه ای که اشک شوقم را جاری کند ⭐تو خود بهتر میدانی ⭐الهی آمین🙏 ⭐چشمانتان غـرق در اشک شـوق ⭐شبتون در پناه خداوند مهربان ⭐پروردگارا هموطنانم را به تو میسپارم ⭐امیدوارم تنتون سالم و آرام باشید

🏴شهادت حضرت امام صادق علیه السلام ✍️ حاج اصغر فرشچی ( عدلی تبریزی) 🎼سبک : اوزوم گوردوم، اوزوم گوردوم... 🎼سبک : اگرصبح قیامت را... امام صادقه آغلا عدو ظلمی عیان اولدی اسوب باد جفائیله گل عمری خزان اولدی یوموب گوز ناطق قرآن قویوبدی شیعه سین نالان ایدوب تفسیرقرآنی نمازی ساخلیوب برپا مسلمان قشرینه مذهب نهالین ایلیوب معنا ویروب علامه لرتعلیم اولا شرع نبی اجرا دایانسون گردش دوران ایشی آه و فغان اولدی درِ دانشگه دینه یازون استاد دین اولدی گلسـتان باغبانیدی ولی آفاتیدن سولدی ویروبلر زهر کین قلبی شرار دردیلن دولدی اثرسالدی جفا زهری گیدوب سلب توان اولدی جسارت ایلدی منصورویروب آفاقه اود سالدی یدیردوب جبریلن انگورامامدان تاب دل آلدی امام عصری اولدوردی بالالاری یتیم قالدی سالوب اود قلب اطفاله وجودی غنچه قان اولدی جوار باقر و سجّاد بقیده بو امام یاتدی اولیدی عالمی ویران گوزوندن عالمی آتدی گیدوب گورسون نیه زهرا اوگوزیاشین قانا قاتدی وجودون گرغم آلموشدی ندن قدی کمان اولدی ایدوب ایثارجان اولدی محّمد مکتبی احیا او مکتبدن چخوب دورت مین اولوب استاد دین دانا بیله دانشگه واستاد گورنمز واردی تا دنیا ولی افسوس خموش اولدی مزار ایچره نهان اولدی بقا یوخ دور بوعالمده بودنیا فانی دور فانی تمام خلق اولونموشلار گید للرراه عقبانی خدایه آندولا «عدلی» یوولماز اصغرین قانی نه اتموشدی او شش ماهه اونون جانین آلان اولدی

#فراق_دختر 🏴 زبانحال مادر در فراق دختر هر نَدن چوخ سویر عالمده آنا قیز بالاسین خوشلویار هم بالانین گولمسین هم آغلاماسین ایتمزهئچ لذتیلن بیر یول عوض اویناماسین گونده قنداقه سین عشقیله آچار هم بَلییَر آلار آغوشینه مِهریله اونی سیلکه لییَر 🏴🏴🏴🏴🏴 صرف اولادی اولار عمر مفیدی آنانین گونده یوز دفعه چَکر نازینی نازلی بالانین اونا خاطر خطره گاهی سالار جسم و جانین هر بلا دهریده گر اولسا آلار ئوز جانینا بیرتیکان قویمازاوباتسین اوشاقین بارماقینا 🏴🏴🏴🏴🏴 مین اُمیدیله قیزین بخت ائوونه یوللار آنا بی قراری اِئلییَر تا گئجه صبحه دولانا گویلی ایستر قیزینون باشینه بیرده دولانا چوخ چتیندی آنا چون آیریلا اولادیندن تا ئولنجک بالا چیخماز آنانین یادیندن 🏴🏴🏴🏴🏴 بلی عالمده چکر چوخ آنا قیز دردسرین وای اوگونکی اِشیده دهریده ئولموش خبرین اوجادان ناله چَکر قان اِئلییَر ئوز جگرین سسلنر سس سسیمه وئر بالا یاندیرما منی قوجالان وقتیده قبر اوسته دولاندیرما منی 🏴🏴🏴🏴🏴 ننن ئولسون نَه تز ئولدون بالا قربان جانیوا ئولوم الله منه وئرسیدی گلردیم یانیوا طاقتیم یوخ قوجالیق وقته دوزَم هجرانیوا سالارام یادیمه هر لحضه سنی آغلیّارام وای بالام وای دییرم سینمی من داغلیّارام 🏴🏴🏴🏴🏴 من دیوردیم قوجالیقدا بو اَلیمدن دوتاران سر و سامان وئررن گاه ئووه جارو ویراران احتیاجیم یوماقا اولسا بالا سن یوواران نه بیلیدیم بالا ئولمکلیگه قلبین تلسور گیتمگه قبر ائوونه سن اورگین چوخدان اَسور ✍ بقلم کربلایی علی عبدی زنجانی