نوحه ی حضرت رقیه خطاب به حضرت زینب 😭😭😭 عمه جان بلالیم اورگی یارالیام

زبانحال حضرت رقیه (س) در خرابه شام (سبک : ای قلم سوزلرینده اثر یوخ) تنگه گلدی دل و جانیم عمه گلمدی شاه عطشانیم عمه شامون اهلی ائدوللر شماتت یوخدی بو درده درمانیم عمه **** هی ووروللار منه دل یاراسی چوخ دیوللر بونون یوخ لباسی بس بابام هاردادی گلمور عمه هی دیوللر ئولوبدی باباسی اکبره اصغره منتظر دور چشم خونبار و گریانیم عمه **** گلسه عمه بابام چوخ سوزوم وار سیلی لردن گوورمیش یوزوم وار آغلیاندا بابامه ووروبلار هاردا من تک اوشاقین دوزوم وار خاریلر یاره ایلوب ایاقدان جاری دور توپراقا قانیم عمه **** گون باتاندا ئورک داغلارام من دیلده بابا دیوب آغلارام من اگنیمون کهنه لوبدی لباسی معجریمی سیلوب باغلارام من اکبریم اولماسا نیلیورم اولسادا تازه دامانیم عمه **** توپراق اوسته قالوب آل عصمت خوردا سنیمده چکدیم مصیبت گوشواره می آلدی الیمدن آت دوشونده قووان اهل غارت یاره لنموش قولاق اولدی پاره سان وئرور ایندیده جانیم عمه **** قویموری یاره لر بیر یاتام من خوابیده وصل یاره چاتام من عفو ایله عمه جان بو سوزومدن نئچه گوندی بی بی چوخ آجام من من دعا ایلیوم سن دئ آمین قورتارا جانی ، جانانیم عمه **** (( متقی )) سوریه باغلی قالدی قلبیدن تاب و آرامی آلدی یاره لی باشی گوردی رقیه رنگ رخساری گول تک سارالدی سویلدی گلدی دیداریمه گل لبلری قانلی مهمانیم عمه ** حاج محمد متقی تبریزی

احوالات قتلگاه حسینیم وای . حسینیم وای گلستانین گلی سولدی اورگیم قانیله دولدی منه هجران چتین اولدی حسینیم وای . حسینیم وای یانیب قلبیم دونوب قانه دویوب زینب باجون جانه سالار طوفان بو دورانه حسینیم وای . حسینیم وای اوپوم قوی حنجرون قارداش توکوم گوزدن اوزه قانیاش ئولیدی زینبون ایکاش حسینیم وای . حسینیم وای منی دیندیر یانور قلبیم چیخوب اندازه دن دردیم بدندن اوخلارین دردیم حسینیم وای . حسینیم وای گیدوب تاب و توان دیلدن نجه دویسون باجین سندن کوبسن یوخسا سن مندن حسینیم وای . حسینیم وای منی دیندیر غمیم چوخدور بو چولده یاوریم یوخدور وجودین سر به سر اوخدور حسینیم وای . حسینیم وای دیزیمده یوخ توان قارداش ایدور زینب فغان قارداش الوب قدیم کمان قارداش حسینیم وای . حسینیم وای دونوبدور قانه گوز یاشیم ئولوبدور یدی قارداشیم اغاردی غصه دن باشیم حسینیم وای . حسینیم وای سنی بو حاله کیم سالدی قرار و صبریمی الدی اورکده اللریم قالدی حسینیم وای . حسینیم وای ائدر بیکس باجون افغان کسوبلر باشیوی عطشان اولا جانیم سنه قربان حسینیم وای . حسینیم وای گوزوم یاشی اولوب جاری دانشدیر زینب زاری ووروللار ال اطهاری حسینیم وای . حسینیم وای دوتوب طوفان بو صحرانی بیلکده اللرین هانی چاغیرام داده زهرانی حسینیم وای . حسینیم وای توکر پیری اوزه اشکین الار شعر یازماقین مشقین گوره ای کاش حسین قبرین حسینیم وای . حسینیم وای برگزیده از کتاب شاهکار شعرا اثر استاد پیری

نوحه ی در آهنگ جدید برای طشت گذاری گنه گلدی مه پرشور محرم(2) آسیلوب عرشیله فرشه قره پرچم(2) سسلنر عالم_عالم و آدم قره گی سینه وه ویر گلدی محرم(2) ثارالله_ثارالله ثارالله_ثارالله بابی انت و امی یا مولا(۲) باشلانور تعزیه ی شاه شهیدان(2) سالار عباسین آدی عالمه طوفان(2) وای ابوالفضل_آی ابوالفضل کل عالم دییر ایوای ابوالفضل(2) ثارالله_ثارالله ثارالله_ثارالله بابی انت و امی یا مولا(2) دوتوب آفاقی گنه نوحه صداسی(2) باشلانور شاه شهیدانین عزاسی(2) قاره گینلر_نوحه دینلر دسته لرده دوتاجاق مشق حماسی(2) ثارالله_ثارالله ثارالله_ثارالله بابی انت و امی یا مولا(2) ____ کیم ابوالفضل آقانون نوکری اولسا(2) فاطمه اوغلی اونون رهبری اولسا(2) رهبر دینیم_واردی یقینیم گیده جاق جنته، کیم حیدری اولسا(2) ثارالله_ثارالله ثارالله_ثارالله بابی انت و امی یا مولا(2) __ ایستیرن تا گورن آرامش روحین(2) گور حسین مجلسینون نظم و شکوهین(2) سسلنر عالم_عالم و آدم واردی مولاسی بیله هانسی گروهین؟(2) ابوالفضل_ابوالفضل ابوالفصل_ابوالفضل سسلر عالم،بیزه مولادی ابوالفضل(2)(بهلول حبیبی زنجانی) --------------------- از همه ی عزیزان التماس دعا دارم

نوحه اول ماه محرم ✅ گریز به عاشورا و قتلگاه حاج رحمان شاجری سبک : ای باشی سرنیزه ده ... محرمون گلدی آقایاحسین شیعه لرون گیدی قرایاحسین حسین حسین جان حسین جان سنه قربان حسین ای آدی گوشوارهٔ عرش برین چکدی سنون نازیوی روح الامین سینهٔ زهراگُلوسن بی قَرین سنله جهان تاپدی صفایاحسین سایه وی کسمه باشیمیزدان آقا امتون اولدی ئورگی قان آقا کرب وبلایه ائله مهمان آقا سنده دی بودرده دوایاحسین یاسه گلوب حسینی لرسربه سر باشین آچوب دلدن حسین وای دیر مسجدومحرابه قراچکدیلر عالَم اولوب بزم عزایاحسین ناله ائدورگویده ملکلرسنه اهل ولایرده گلوب شیونه آزقالورآفت یتشه گلشنه غنچه لرون پرپراولایاحسین فاطمه جنتده اورک داغلوری اوغلی حسینون حالنا آغلوری باشینه بوغمده قراباغلوری دلدن ائدورآه ونوا یاحسین ائیل دولانوب ماه محرم گلوب نالیه عرش اهلی دمادم گلوب دسته لرالده قره پرچم گلوب موج ائدوری بحر بلایاحسین ای سوکنارینده سوسوزجان وئرن جاننی جاناننه عطشان وئرن دینینه یتمیش ایکی قربان وئرن ای ایلین عهده وفا یاحسین واریری شیعه سنه دلدن یانا چون بدنون یاره سی گلمز سانا قتلگه ایچره بویانوبسان قانا اورک یاراسینه یارایاحسین یاره دگنده دل ناشادیوه اولمادی بیرکس یتشه دادیوه گلدی حسین جان باجون امدادیوه سسلدی دوریاندیم اخا یاحسین «شاجری»یازنوحه حسینه مدام یازدیقیوی دفتره ائت انضمام دردیوی یالوار دئ آقایه تمام عرض ایله ای کان سخا یاحسین #ورود_محرم

▪️شهادت حضرت ابوالفضل (ع) زبانحال امام حسین در بالین برادر ➖➖➖➖➖➖➖➖ دور یاتما قوملار اوسته گلدیم اویان ابوالفضل (۲) ای قارداشین بوچولده یالقوز قویان ابوالفضل (۲) ای قهرمان برادر ای جانثار قرآن (۲) حق و حقیقت اوسته ویردون بوگون سوسوز جان (۲) ای با وفا دلاور قانیله اودون الوان (۲) سس ویر سسیمه قارداش یوخ دای توان ابوالفضل (۲) یوخدی دیزیمده طاقت سردار باوقاریم (۲) یورقون سوسوز یارالی ای با وفا نگاریم (۲) یوخ قولارون بدنده اسلامه جان نثاریم (۲) دریا سوون یانیندا گل تک صولان ابوالفضل (۲) عشقیله خدمت ایدون دینه باشون اوجاتدون (۲) ایثار و همت ایدون مقصوده ایندی چادون (۲) اما منی بوچولده قارداش بوگون قوجاتدون (۲) ای قارداشین بو چولده گوزدن آتان ابوالفضل (۲) سن خیمه دن چخاندا باخدیم دالینجا حیران (۲) ایندی یولون گوزتلور زینب اولوب اورک قان (۲) سنسن منیم امیدیم اولّلام غمینده گریان (۲) ای سینمی بوچولده درده سالان ابوالفضل (۲) 📝 حاج مهدی ملکی زنجا

عرض ادب خدمت حضرت سیدالشهداء علیه السلام مجلس غمدی   /   گویلرده ماتمدی ماه محرمدی  /   ای اهل عالم آغلییر طاها  /  باشه وورور مولا نوحه دییر زهرا  /  برپادی ماتم دیللرچکورشراره گوز یاش آخور عذاره صاحب عزا خدادی عرشه چکوبله قاره ایوای حسین یارالی۳ گوزلر ایسلاندی     /     عالم پریشاندی چوخ غملی دوراندی   /  اون گون محرم اون بیر آی گوزلر   /   اهل عزا یکسر اربابینی سسلر    /   اون گون محرم رخت عزا گیین لر عشقونده آغلیین لر غوغا سالار جهانه ایوای حسین دیین لر ایوای حسین یارالی۳ قلبیلر قاندی    /    دیللر گینه یاندی زهرا نواخواندی    / سسلر اوغول وای اوغلونا آغلار    /    غم سینه سین داغلار باشه قرا باغلار   / سسلر اوغول وای سسلر حسینیم ایوای وار  شور و شینیم ایوای ایکاش آنان ئُولیدی وای نور عینیم ایوای ایوای حسین یارالی۳ جان ویرن عطشان   /   ای شاه مظلومان جانلار سنه قربان   /   قلبه صفا ویر پرچمون اَسدی  /   کفرون سَسین کَسدی حاشا دییَم بَسدی  / کرب و بلا ویر ای فاطمه بالاسی ای دردیمین دواسی واردور باشیمدا مولا بین الحرم هواسی ایوای حسین یارالی۳ گلشنون سولماز   /   کیمسه تایون اولماز گوزلر نجه دولماز   /  آدون گلنده اودلانار دیللر    /    آغلار هامی ائل لر مظلوم ئولن سسلر  /  آدون گلنده خون خدا حسینجان ای با صفا حسینجان دویمازلا  آغلاماخدان اهل عزا حسینجان ایوای حسین یارالی۳ بلبل زارم  /   مولا عزادارم باخما گنهکارم   /    قووما قاپوندان ای یوزی مهتاب   /   ایتمه منی بیتاب من (بیکَسم) ارباب /  قووما قاپوندان بیر عمردور گدایم چوخ درده مبتلایم جان ویرموسن یارالی گول آدیوا فدایم ایوای حسین یارالی۳ #مجلس_غمدی_گویلرده_ماتمدی #محرم #جلالت #مقام_نوکری #سیدالشهدا_علیه_السلام التماس دعای فرج

‍ #تنور_خولی مطبخده گلدون اوغلوا مهمان آنا قانلی باشیم ایاقیوه قربان آنا خوش گلمیسن بو مجلس خار و محقره لایق دیور سنون کیمی خاتون محشره دیواری دوده فرشیدی کول قاندی منظره ویران اولان گویول کیمی ویران آنا ای گوهر یگانه گنجینه حیا سوز یوخ آنا نشان ویریسن اوغلوا وفا سینن یارادی باشیمی چوخ باسما باغریوا قانلی باشیم دیر آچیلار قان آنا دیدی اوغول گوزون آچ کام آلوم نگاهوندن خبر ویریم سنه ئوز قانلی قتلگاهوندن او چولده من واریدیم چشم خون فشان واریدی غریبه منظرلر واضح و عیان واریدی گوزوم فراته ده دوشدی آخوردی اوز باشینا شریعه ده نه موکّل نه پاسبان واریدی یانان چادردا نماز اوسته زینبون گوردوم نه دیزده طاقتی نه قلبیده توان واریدی دیدیم گیدیم گنه گودال قتلگاهه طرف اگرچه اوردادا مین محنت گران واریدی کسوک بوغازیوی اوپدوم اوجادان آغلامادیم کمینده چون اَلی خنجرده ساربان واریدی من اوخشاما دیمَدیم چون که سینون اوستونده بیر اوچ یاشیندا شیرین دیلی نوحه خوان واریدی (گوردوم اله سیزلدیر اله دییر وای یارالی بابام گوردوم آرام آرام دییر بابا) قمچی سالور اذیته دردین آتانمرام آغریر باشیم یوخومدا گلندا یاتانمرام آیون ایشیقی دوشنده رقیّه نون یوزینه گوزومدن اولدی روان قلبیده نه قان واریدی بیله خیال ایلدیم ثانی کربلایه گَلوب یوزینده من کیمی چون سیلیدن نشان وارید

اول محرم شاخسی گینه نوای غم دوشوب دیلره حسین آدی یازلدی پرچملره یردن حسین وای گیدوری گویلره یاحسین یاحسین یاحسین یاحسین درده دواسن گل آدون درده دوادی تربتون خاک شفادی ورد وذکریم کربلادی یاحسین کربلا کربلا کربلا کربلا ای گل گلزار خیرالنساء جان ودلبند خیرالورا آند اولا اکبریوین جانینه دلده واردی شوق کربلا روضه علم علم کی دیلر قوشون علامتیدی علم یخلسا یره زینبین قیامتیدی ««««««««««««««»»»»»»»»»»»»»»» او علم نوره مثلدی بو علم قرة العین او علم قبر ابوالفضل بو علم قبر حسین جنته تعنه ورار شارع بین الحرمین ای گل گلزار خیرالنساء جان ودلبند خیرالورا آند اولا اکبریوین جانینه دلده واردی شوق کربلا کربلا کربلا کربلا کربلا خاکی کنفدی کربلا خاکی سرشتدی نیلیرم من حور وجنت کرب وبلا منیم بهشتیم حسین ثارالله حسین ثارالله

در مقام سید الشهدا... (میگُذرد کاروان) ای شه گلگون قبا / پادشهِ کربلا گوزتیکوب عالم سنه /ای آقا اوغلی آقا      ماتمونده دیللر قان اولوب     جنّتده  زهرا  حیران اولوب قاپوندا نوکرم  یا حسین             قسمت ایله حرم یا حسین یا ثارالله 3 عشقیوه دلبستیم/غمدن آقا خستیم بیر کسه باش اگمرم/من سنه وابستیم      نه اولسام  عزادارم سنه       اربابیم احسان ایله منه       تاج سریم سن سن یا حسین     هم رهبریم سن سن یا حسین ای خلف حیدری/عشقی صفا گوهری تشنه دوداقون حسین/یاندریب عالم لری           جامه ی شهادت گییموسن         سواوسته تشنه جان ویرموسن        ای رحمت سایه سی یا حسین          شفاعت آیه سی یا حسین ای آدی خون خدا/بند دل مرتضی لطف ایله بو نوکره/بو اربعین کربلا        دوزدی من عبد نالایقم        ششگوشه قبریوه عاشقم       دیلده وار چوخلی غم یا حسین       ای پناه عالم  یا حسین دوشوب آدون دیللره/صفا ویرر ائل لره محرمون یا حسین/سالوب بیزی چوللره           اوشاقلیقدان آدون ازبریم          مولانا سنسن تاج سریم          شیعه سنی آتماز یا حسین          قاره پرچم یاتماز یا حسین #ای_شه_گلگون_قبا_پادشه_کربلا #سیدالشهدا_علیه_السلام #مقام_نوکری #جلالت #محرم التماس دعای فرج