❣ زبانحال حضرت زینب (س) ❣                در سوگ مادر ای گئدن قبره عزالی خسته خسته وای نَنموای بیرکبوترسن یارالی پَرشکسته وای نَنموای قوی دیوم یورقون نَنم وای گُل کیمی سولقون نَنم وای باغلیان ای بار رحلت بوگجه خلوت زمانی اینجیدون صیّاداَلیندن گوزدن آتدون آشیانی سن کیمه تاپشوردون آخربو پوزلمیش خانمانی گرچه اولدون بوقفسدن ایندی رسته وای نَنموای قوی دیوم یورقون نَنم وای گُل کیمی سولقون نَنم وای گلشن عمرون نَدن تِز آی نَنه دوشدی خزانه کیم جوان ئولسه دیوللرتای توشی آغلارجوانه یوخ سنون بیرآغلیانون آغلارام من یانه یانه اوخشارام گلسه مَلکلر دسته دسته وای نَنموای قوی دیوم یورقون نَنم وای گُل کیمی سولقون نَنم وای ای گجه شب زنده داری کَسمه تِز رازونیازون بس نَدن خاموش اولوبدور بوگجه سوزو گدازون سن مسافرسن گئدورسن بوش قالوبدور جانمازون بیرکبوترمثلی اولدون بالی بسته وای نَنموای قوی دیوم یورقون نَنم وای گُل کیمی سولقون نَنم وای خالقه مَاوادی قلبون منزل بی کینه سیندی آتدیلار سنگ جفانی حق نما آئینه سیندی دَربیلن دیواراَراسی بیرصفالی سینه سیندی یاغدی گویاغم هوادن اوسته اوسته وای نَنموای قوی دیوم یورقون نَنم وای گُل کیمی سولقون نَنم وای هرکیمه واضح چتیندور یاره اوستن یاره گورسون دَربیده مسماری قانلی کوچه ده گوشواره گورسون محسنه اولموبدی قسمت یاتماقا گهواره گورسون نسبتی واردور بودَردین اول اَلسته وای نَنموای قوی دیوم یورقون نَنم وای گُل کیمی سولقون نَنم وای

ای ولی الله اعظم ناطق قران عم اوغلی گل بیر اگلش باشیم اوسته جان سنه قربان عم اوغلی اشکیوی توکمه عذاره گلمه بیله آه و زاره سن امیر المومنین سن پادشاه انس و جان سان یوخ نظیرین بو جهاندا سرور کون و مکان سان آغلاما پوزما وقارین شهریار قهرمان سان شانیوی آیه به آیه وصف ائدیر قران عم اوغلی دوقوز ایل بو دودماندا فیض آپاردیم محضروندن جان دئدیم، جان جان ائشتدیم هی مبارک لبلروندن بیلمیرم نیلوم آزالسین غم بو قلب مضطروندن باشیوین چوخدور بلاسی حیف یوخ درمان عم اوغلی صرصر ظلم ‌و جفادن گلشنیم گلدی زواله صبر ائله ای تاجداریم یانه یانه ، ائتمه ناله وای منه گور ئولمه میش من قالمیسان نه غملی حاله توکمه باران مثلی اشکین ائیلمه افغان عم اوغلی سن غریب و من غریبه دوزموشوق جور و جفایه ای عزیز جان اماندی صبریوی وئرمه فنایه قویما ائو غمخانه اولسون دورت گوله بنذر بالایه چون آناسیزلیق چتین دیر قلبی ائیلر قان عم اوغلی سن امام المتقین سن بحر غیرت کان رحمت اولمادی ممکن ائدیدیم من سنه شوقیله خدمت گل ائدیم بو آخرین دم یا علی نئچه وصیت وصلیم آز قالدی قوتارسین باشلانیر هجران عم اوغلی فانی دی هر بیر یارانمیش آز ئوزون غرق خیال ائت گل بو آخر دم ده مندن لطفیله رفع ملال ائت دوقوز ایل یولداشین اولدوم هر نه حقین وار حلال ائت گورمرم بیرده جمالین ای شه دوران عم اوغلی من یقینیم وار کی ئوللم عازمم کو ی نگاره صبر ائل غسل ائیلینده گلمه نی تک‌ آه و زاره نصف شب خلوت زمانی قوی منی گیزلین مزاره سری وار امت دن ائیله قبریمی پنهان عم اوغلی ای آدامسیز دادخواهیم گورموشم چوخ لطف سندن پاکدور زهرا بیلیرسن غسلیمی وئر کوینگ اوستن بو اموری ساخلا پنهان گلمسین تشیعه دشمن صبریوی الله چوخ ائتسین ای عزیز جان عم اوغلی حاصل عمریم بو ائوده دورت گوله بنذر بالادی هر اوشاق اولسا آناسیز مین بلایه مبتلای قویما گلسونلر نوایه گر چی غملی ماجرادی نازلارین چک ائیله آرام لطفیله هر آن عم اوغلی

روضه حضرت فاطمه زهرا(س) سن ئولمزیدین جوان بولوردوم باعث قاپی یاندیرانلار اولدی خلوت کوچه ده الیندن آلدی محکم سندی جرانلار اولدی بولدولر علی ال آچمیاندی سیلی یوزوه ورانلار اولدی دویمازدی علی فاطمه دن، سن دیمه دویدی غم تیری علی قلبینه دگدی نجه اویدی الله بولوری روحینی قبره نجه قویدی زهرا او شهین پیکرینه روحیدی الله روحوندا قولی سینه سی مجروحیدی الله (اما سسلدی زهرا نجه گیدیم ایویمه) آغلار گوزیله گلدی علی غم سراسینه حسرت نگاه ایدوب چمن بی صفاسینه افسرده دل بالالارینی یغدی باشینه خوش انجمن قوروبدی بتولون عزاسینه هر قلبی یاندیرار آناسیز قیزلارون سوزی قیلدی خطاب زینب بخت قراسینه قلبیم دولوبدی مشتریم اوخشاما دِئسون ترویج ویر قیزیم آناوین بزم یاسینه زینب آناوین کشتی عمری گله دوشدی دفن اولدی بقیعده غمی دلدن دله دوشدی  (مولا علی اوچ دفعه خانمی قویدی قبره اورینن گلمدی بیر باسدی باغرینا گنه قبریدن چخدی اشیه اوچومونجی دفعه ده گوردوله علینین آزقالور روحی بدنینن آیرلابیر دفعه گوردی رسول الله الرین آچدی ویر بالامی ) آلدیم الیم اوسته قویام آهسته مزاره گوردوم ارییوب جسمی اوزی منزله دوشدی . یاخجی اولدی  ایکی ال آناوی  آلدی الیمدن محنت اثری هم گله هم بلبله دوشدی . سس گلدی عم اوغلی بئله ساخلالار امانت مرضیه بالام من سیز ایویندن چوله دوشدی ترویج ویر قیزیم آناوین بزم یاسینه اما ئورکده کی سوزووین هاموسون دیمه ساخلا بیر آزدا قارداشوون کربلاسینه (الیکی باباسینان بیر باخدی باباسینا ایستمیردی باباسینین اورگین اونان آرتخ درده گتیره اما دوزنمدی به کیمه دانشا دردلرین کیمه دیسین؟سسلدی بابا گوزونن ایراخ) سینه ده غملریم سان ویریردی من باخردیم ننم جان ویریردی سینه ده یاره لر......... کوینک آتدا یارا قان ویریردی مدینه اهلی گلون اوخشویاخ جوان ننمی قاپی دالندا تحاجم گونی قالان ننمی او کوچه ده نلر اولموشدی منده بولموردوم کی بیر گونی دیله دوتدوم او مهربان ننمی دیدیم ننه نیه منن یوزوی گیزلدیسن سوالیم ایتدی پریشان شیرین زبان ننمی دیدی قیزیم گوزتله علی بولمسین یوزوم گویریب باتاندا سینه سینه میخ در هایاندیدوز که فضه داده گلینجه آپاردی قان ننمی ........ چخرام صحنه گوزوم هی در و دیواره دوشور گوزی کی باغلاماق اولماز گینه مسماره دوشور

🌷 با مداحی حاج جواد حسن زاده 🌷 ۱۴۰۳/۹/۱۱ زبانحال حضرت زینب (س) در فراق مادر اولوبدی گلشن عمرون نه تیز خزان آنا جان منی بو غصه و غم ایتدی باغریقان آناجان سنون فراقیوه صبح و مسا بو عالمده نئجه من ایلمیوم اشگیمی روان آنا جان ندندی چرخ جفا منله دوندروب رویشین همیشه تیر غمه ایلیوب نشان آنا جان اوگون کی ترک ایلدون بو وفاسیز عالمی سن اولوب او گوندن ایشیم ناله و فغان آنا جان فلک ندن منی بو سینیده قویوب آناسیز اودور زمانه ده یوخ حالیمه یانان آنا جان گوزومده جلوه لنور سن دولاندیقون یرلر ایدور بو خاطره لر حالیمی یامان آنا جان خزانون آفتی گول تک سنی ایدوب پرپر دوا تاپانمادی بو درده باغبان آنا جان نقدر جور و جفا گلدی دهریده دوزدون ئورکده غملریوی ایلدون نهان آنا جان هاچان کی ایوده گوزوم آستانیه ساتاشور او غملی صحنه گوزومده اولور عیان آنا جان دوشور خیالیمه اول گونکی رحمسیز اشرار آچوب جسارته ال ویرمیوب امان آنا جان ووروبلا اود او زمان باب رحمت اودلاندی اوجالدی عرشه همان لحظه ده دومان آناجان تلاش ایدوردی عدو تا یانان قاپی آچیلا همان قضیه چتیندور اولا بیان آنا جان شهامتیله دایاندون قاپی دالیندا او گون کی صدمه گورمیه شاهنشه جهان آنا جان نه باک ایدوبله خدادن نه ده پیمبردن ئورکده کینه لرون ویردیلر نشان آنا جان ووروب آچوبلا او نامردیلر یانان قاپونی او لحظه اولمادی امدادیوه چاتان آنا جان قاپی دالیندا نه چکدون فقط خدا بیلدی او ظلم اولوب سنه بیر درد جان ستان آناجان ولایت اوسته اوزون هم بالان فدا اولدوز بو یولدا @Magma12

#وقت_سلام ✨ السَّلاَمُ عَلَيْکَ أَيُّهَا الصِّدِّيقُ الشَّهِيد، السَّلاَمُ عَلَيْکَ أَيُّهَا الْوَصِيُّ الْبَارُّ التَّقِی، أَشْهَدُ أَنَّکَ قَد اَقَمتَ الصَّلاَةَ وَ آتَيْتَ الزَّكَاةَ وَ اَمَرتَ بِالْمَعرُوفِ وَ نَهَيْتَ عَنِ الْمُنكَرِ وَ عَبَدتَ اللَّهَ مُخلِصاً حَتَّى اَتَاکَ الْيَقِين، السَّلاَمُ عَلَيکَ يَا اَبَا الْحَسَنِ وَ رَحمَةُ اللهِ وَ بَرَكَاتُه.

بسمه تعالی ▪️زبانحال حضرت زینب در فراق مادر یانان ظلمیله درباری ننم لای لای ننم لایلای، سولان ای رنگ ورخساری ننم لایلای ننم لایلای، ننم لایلای ننم ،ننم لایلای ننم،۲ پیمبردن صورا ای خوش گونه حسرت قالان مادر، دِین دائم بابام ایوای شب وروز آغلیان یکسر، شکایت ایلین دائم بو امتّدن اولان مضطر، اولان گونلر شب تاری ننم لایلای ننم لایلای گئجه یاری گئدن قبره بالالارین قویان آغلار، بونسگللن که سن گتدون اولا دنیا تالان آغلار، گئجه غسلون وئرن آغلار  گئجه قبره قویان آغلار، غمونده اشگ ائدر جاری ننم لایلای ننم لایلای آنا سندن صورا زینب یوزی گولمز گوزی آغلار، باجیم کلثوم ائدر ناله حسینیلن حسن آغلار، ایشکده بوذر و سلمان ائوینده بولحسن آغلار، نه وار یارو نه غمخواری ننم لایلای ننم لایلای غمونده نوحه (عباسی )قلم الده یازار  آغلار، دِیَر هیات ده یا زهرا گوزوندن یاش آخار آغلار، قرا  اگننده گوز یاشی توکر ایل وتبار  آغلار، پوزار بوغصّه حضّآری ننم لایلای ننم لایلای التماس دعا ۱۴۰۱/۹/۱۶

#شهادت حضرت زهرا(س) #به سبک خرابه قلبینی سیخان رقییه سلام اولا 🖤🖤🖤🖤 جهانی دولدوروب گینه غم و ملال فاطمه باتوبدی ماتمه بو گون تمام آل فاطمه اشاره ایلسم اگر مصیبت بتولیدن رساله الده شرم ایدر خجل اولار رسولیدن سوروش بتوله نائبه فسرده دل ملولیدن هنوز زینبی ملول ایدوب ملال فاطمه 🖤🖤🖤🖤 او گونکه تاپدی خلقت بشرله ماسوا نظام عطا اولوندی حقّیدن بتوله عالی بیر مقام که یتمیوب بیر عورته بیر ایله رتبه ی عظام جهانیانی حیرته سالوب جلال فاطمه 🖤🖤🖤🖤 او گونکه اهل محشره خدای حیّ کائنات حساب خیر و شرّ اوچون ویرور دوباره دن حیات او سخت گیر و داریده چتیندی هر کسه نجات گر اولماسا شفاعته او گون خیال فاطمه 🖤🖤🖤🖤 بو شان و بو مقامیله بو عزّت و جلالیه گورون بو چوخ آز عمرینی ویروب باشا نه حالیله انیسیدی گجه گونوز مصیبت و ملالیله سارالدی سولدی گل کیمی جمال آل فاطمه 🖤🖤🖤🖤 گلوبدی بیر گونی ایوه علی ولیّ کردگار پیمبرین عزیزه سین گوروب ملول و دلفگار یاتوبدی قبلیه طرف فسرده دل غریب و زار او شهریار حالینی پوزوبدی حال فاطمه 🖤🖤🖤🖤 شروع ایدوب اویاتماقا عزیزه سین ابوتراب نه دللریله سسلدی ایدوب نجه گوزل خطاب ملول اولوب سوالیدن گوروب که گلمدی جواب اورکلنوب او بلبل شکسته بال فاطمه 🖤🖤🖤🖤 اولوب سرشک حسرتی عذاره سیل تک روان دیدی عم اوغلوام سنون نه یاتموسان گوز آچ اویان نه دل دیدیم دانشمادون، نولوب او نطق خوش بیان علینون آلدی طاقتین بو نطق لال فاطمه 🖤🖤🖤🖤 سنون بو دینمماقلیقون ز بس ایدر اثر منه که قورخورام اورک یانا گلم دله ایدم گله اورکده چوخدی درد دل اماندی بیرده گل دله فرح ویرور روانیمه او خوش مقال فاطمه 🖤🖤🖤🖤 آچوب گوزین او حالیده او نور دیده ی رسول رسول جانشینینه ادبله عرض ایدوب بتول سنون ملالون ایلیوب منی عم اوغلی جان ملول فراق باشلانوب یتوب باشا وصال فاطمه 🖤🖤🖤🖤 یاخونلاشوب اوشاقلاریم یتیم اولا عم اوغلی جان واریمدی بیر نچه سوزوم اجازه ویر ایدوم بیان ازلکه خواهشیم بودور گر عورت آلسان هر زمان بیر عورت آل که تا اولا رئوف آل فاطمه 🖤🖤🖤🖤 منیم که قویمادی فلک زمانه ده یوزوم گوله شبیهیدیم همیشه بیر خزان اولوب سولان گله جنازه مین گوتورماقین مباد اهل کین بوله گرکدی خلقیدن نهان اولا رحال فاطمه 🖤🖤🖤🖤 اُلومده گوردوم عاقبت فشاریدن نجاتیمی اودور که حقدن ایستدیم گجه گونوز وفاتیمی هانی بولن نه چکمیشم بو مدّت حیاتیمی بو مطلبی بولور فقط او ذوالجلال فاطمه 🖤🖤🖤🖤 اگرچه غمده زینبیم سببدی شور و شینیمه او چوخ علاقه منددور بو ایکّی نور عینیمه اونون جهاندا منجه وار محبّتی حسینیمه او بلبلی ملول ایدر بو گل جمال فاطمه 🖤🖤🖤🖤 عبث دگل که گوزلریم بهار ابری تک دولار صغیر اَکَن بو نازنین بالالاریم یتیم اولار حسن پوزولسا دل یانار، حسین سارالسا گل سولار چمنلری خزان ایدر بو نونهال فاطمه 🖤🖤🖤🖤 باخاندا زینبه دولور سرشک چشمیله گوزوم آنا فراقی قیزلارا چتیندی گورموشم اوزوم بو محنته بو فرقته محال امردور دوزوم آنا دیوب نه قدر وار یانار مثال فاطمه 🖤🖤🖤🖤 بو فصل تازه (شانیا) ملول ایتمه سین دلون تانور تمام اهل دل سنون سوزون سنون دلون نجه جهاندا حلّ اولور تمام سخت مشکلون یقین جزاده ده یتر سنه نوال فاطمه 🏴🏴🏴🏴🏴🏴🌿🌿🌿

‍ زبانحال حضرت زینب (س) در مصیبت حضرت فاطمه زهرا (س) ای خوش گونه زمانه ده حسرت قالان آنا بار غمیله قامتی خم باغرى قان آنا سالدوقجا یاده غملرون آرتار مصیبتم ایلر ئولونجه زینبون آه و فغان آنا گولمز زمانه ده آناسیز قیزلارون یوزی بو رسم روزگار دور ای مهربان آنا سندن صورا محالدی بیر آن یوزوم گوله هیهات بیرده قلبیم اولا شادمان آنا نسگلرون قیامته جان یاندورور منی بی اختیار اولور یوزه اشگیم روان آنا قویدون فنا جهانه او گوندن که سن قدم اولدون خدنگ محنت و درده نشان آنا اون سگّیز ایل جهاندا مصیبتله عمر ایدوب آسوده غمدن اولمادی قلبون بیر آن آنا أوچ گونلریله آج قالوب عالمده دردوی حتّى آتام علیدن ایدردون نهان آنا مزدور اولوب یهودیه ال داشی چکماقون سرمایه ی بُکادی منه هر زمان آنا دائم خیال وصله ی چادر شبونله من یانّام شراره ی غمه تا وار جهان آنا سالم وجودیله سنى تاپشوردی امّته رحلت ایدنده خاتم پیغمبران آنا أوچ گون گچینجه ساخلامادی حرمتون سنون اونلار ایدن جفا و ستمدن امان آنا یاندی قاپون سنوبدی قولون ئولدى محسنون اوج ایتدی عرشه آه نهانون عیان آنا زلفون آغاردی خاطرون اودلاندی غصه دن غمدن کشیده قامتون اولدی کمان آنا رحلت ایدنده دار فنادن بقایه سن پهلو شکسته ایلدون عزم جنان آنا قالدی یرونده نائبه بیچاره زینبون درد و غم فراقویله مو کنان آنا سندن صورا بلالی باشیم چوخ بلا چکر یوخدور دلیمده شرحینه تاب و توان آنا باشدان قلجلانور باشی اوز قانینه باتار ظلمیله سجده گهده شه مؤمنان آنا مظلوم اولور گوزوم ایشقی قارداشیم حسن زهر جفائیله ویرور آخرده جان آنا بو سوگلون حسینی که نازیله بسلدون سیننده صبح و شام اونا ویردون مکان آنا مهمان آدیله کرب و بلایه مدینه دن چوخ نامه لر یازوب آپارور کوفیان آنا اوّلده سو یولین یوزینه باغلار اشقیا عطشان قالور عیال شه انس و جان آنا منده سنی بو گون او گونه دعوت ایلورم یعنی ویرن گون اوغلون حسین امتحان آنا آتدان یره یخاندا یارالی حسینوی واردور یری یره توکوله آسمان آنا ایلر هجوم او شاهه اوتوز مین قوشون هامی الده خدنگ و خنجر و تیغ و سنان آنا ایله لَّه لحم و عظمنی ممزوج بیر بیره غمدن گلولّه ضجّیه کرّوبیان آنا محبوب ذات خالق عالم حسینوه آد خارجى قویالّا او گون شامیان آنا دوغرالّا قطعه قطعه سوسوز نوجوانلارین قان یاش توکر او حالینه قدّوسیان آنا شمر لعین کسنده قفادن سوسوز باشین باشی آچوق گلور یره لاهوتیان آنا کرب و بلادن اوج ایدر افلاکه غلغله ایلر تزلزل عرش حق مستعان آنا قرآن اوخور جداده یارالی کسوک باشی ای کاش او گون خراب اولا کون و مکان آنا بی رحم اشقیا توکلور خیمگاهینه غارت الین آچار بیزه شمر و سنان آنا بیر نحویله سویالّا حیالی حرملری باشدا قالور نه معجر و نه سایبان آنا قول باغلى دستگیر اولى شمره مخدّرات اولماز او گونده حالیمیزه بیر یانان آنا غش ایله سن ایشیدسن اگر بو مصیبتی ایتدی نه ظلم حسین الینه ساربان آنا (( صحّافه )) لطف اوزیله اوزون ایله بیر نظر بو غم فزا غمی ایده شرح و بیان آنا پیک اجل گلنده باشی اوسته سنده گل آخر نفسده ویر نفس اول همزبان آنا مرحوم محمد حسین جنتی مقام (صحاف تبریزی)

زبانحالی از امام حسن(ع) در کوچه های بنی هاشم زبانحالی از امام حسن(ع) در کوچه های بنی هاشم ئوزوم گوردوم آنامی کوچه ده بیر اهرمن ووردی ئوزوم گوردوم نواسیز بلبلی زاغ و زغن ووردی ئوزوم گوردوم کی او‌‌ّل پاره پاره ائتدی اسنادی صورا بیر ضربه ، پیغمبر ئوپن رخساریدن ووردی ئوزوم گوردوم نه نوعیله آنام زهرا یخلمیشدی دورانموردی ایاقه ، تا الین دیواریدن ووردی ئوزوم گوردوم دوشنده توپراقا رنگی سارالمیشدی خزان گلبرگ طاهانین وجودین ریشه دن ووردی کیچیک سینّیمده غوغانین دلیلین بولمه دیم امّا آنام آگاهیدی ثانی او سیلی نی ندن ووردی دئدی اوغلوم ، عُمَر ایستوردی سیلی حیدره دگسین علیدن قورخدی اما ضربه سین مرضیّه دن ووردی ئوزوم گوردوم بابامی زیر لب سبّ ائتدی اول ظالم ئوزوم گوردوم علی عشقین علی قلبین بولن ووردی ئوزوم گوردوم آنامین گوز یاشی گوزدن روانیدی آخان گوز یاشی محزون قلبیمه بیت الحزن ووردی ئوزوم فریاده گلدیم ، یثرب اهلی داده یتسونلر گلون ، پیغمبر بطحا قیزین بیر یول کسن ووردی قاپوسین یاندیروب هم سینه سین قانه بلشدیرمیش گلون آخر بو بی وجدان ، آنامی تازه دن ووردی گوجوم چاتمور بو نامرده بیزه امداد ائدون آخر الیم تیترور دیزیم گلمور ، بو غم قلبه محن ووردی قیامت عالمین یثربده من بیر کوچه دن گوردوم او دم کی بیر زنازاده مسیر اول کوچه دن ووردی ئوزوم گوردوم آغیر بیر اللریلن نیله دی ثانی صول اللی سیلی ووردی ، سیلی سینده ترسه دن ووردی ** محمدعلی مصیبی تبریزی

‍ زبانحال حضرت علی (ع) در شهادت حضرت زهرا (س) حاج ولی اله کلامی زنجانی سبک : عجب رسمیه یارسول الله قلبیم داریخدی گئتدی اویمدن دلداریم ئولدی زهراسیز یثرب زندانه بنذر قالدیم کمکسیز غمخواریم ئولدی ئوز عاشقیندن گیزلتدی دردین یاندیم آلیشدیم بیماریم ئولدی پهلوسی یاره گئتدی مزاره زینبیم آغلار باشینده قاره غسلین وئرنده اوّل باشیندان معجرین آشدیم صبریم آپاردی گوردوم دگیبدی سیلی یوزوندن صول صورتینده ال ردّی واردی رنگیم سارالدی دیزلریم اسدی ئوپدوم الیندن گوردوم قاباردی پهلوسی یاره گئتدی مزاره زینبیم آغلارباشیندا قاره یارالی جسمین بوکدوم حریره هجرانی آتش دنیایه سالدی باغلادیم بندین بیربیر ایاقدان باشدان کفنین بیر بندی قالدی قولّارین آچدی اطرافه باخدی بیردن حسینی آغوشه آلدی پهلوسی یاره گئتدی مزاره زینبیم آغلار باشیندا قاره تابوته قویدوم جسم نحیفین بیردن ئورکدن سسلندیم ایوای گوردوم اتاقدان زینبیم سسلور قارداشسیز ئولن ایوای ننم وای یاننام کول اوللام سندن نشانه قالدی حسنده گوشواره بیر تای پهلوسی یاره گئتدی مزاره زینبیم آغلار باشیندا قاره #سبک_عجب_رسمیه حاج شهروز حبیبی اردبیلی #فاطمیه_شهادت #کلامی_زنجانی ‍ ‍ ‍ 👇👇

‍ زمینه ترکی اجرا:حاج مهدی رسولی گتدون سن سیز ئولرم زهرا دای سنسیز من گولمرم زهرا بالا لاریمی گوتورم من مدینه دن گدرم زهرا بو شهریده قالامرم یاراما دوز ویریلار حیدریوه گولولر سنه سیلی ویرانلار (خانم حیالی خانم-خانم وفالی خانم) ای مردم قلب علی خونه حال این روزام پریشونه دیگه بی زهرا میشم امشب اشک چشمام مثل بارونه خانم خونمون رفت با اشک بی امون رفت شبونه روی دشونه ام بانوی بی نشون رفت (خانم حیالی خانم-خانم وفالی خانم) رفتی دست حق نگه دارت سر شدن روزای دشوارت مهمون پیغمبری امشب ما هم میمونیم عزا دارت دل شکسته داریم چشمای خسته داریم خاطره های تلخ از دستای بسته داریم (خانم حیالی خانم-خانم وفالی خانم)

بی وفا دنیا آیرلیق بانوای کربلایی ناصر داوری سقین سرا به سبک عجب رسمیه رسم زمانه شعرترکی به سبک عجب رسمیه عجب رسمیدی رسم زمانه عمروللر دونر آخیر خزانه گئدرانسانلار اولاردان فقط بیر آد قالاجاق بیزه نیشانه آمان آیریلق آمان آیریلق اولار دنیاده یامان آیریلق *** آیرلیق سُوزی قلبی یارالار هانی آتالار هانی آنالار گدیبلر الدن،ایتوبلر گُوزدن حسرت قالیبدی یورقون بالالار آمان آیریلق آمان آیریلق اولار دنیاده یامان آیریلق شاعر:فرهاد فکری

🥀شام غریبان حضرت زهرا س زبانحال امیرالمومنین علیه السلام🥀 🎶به سبک :( ای نور عینیم منزل مبارک) زهرای اطهر ، منزل مبارک طاهایه مظهر ، منزل مبارک آخشام چاغیندا ، گون مثلی باتدون اهل و عیالون ، تِز گوزدن آتدون خسته یارالی ، قبر ایچره یاتدون قبرون منوّر ، منزل مبارک عمرون آز اولدی، دردون چوخ اولدی سینمده هجرون ، غملی اوخ اولدی دار و نداریم ، بیر دَن یوخ اولدی ای دُرّ و گوهر ، منزل مبارک اوت توتدی قاپی گلدون نوایه اولدون فدا سن دین خدایه سن مندن اوتری ، دوشدون بلایه ای جان حیدر ، منزل مبارک شمع شبستان ، دخت پیمبر یر گویلره هم ، جناته زیور ای حلم و فضلی ، عالمده برتر قرآندا کوثر ، منزل مبارک رَختِ وفانی ، تندن سویوبسان زهرا علینی ، بیکس قویوبسان سولموش حسیندن ، نه تز دویوبسان سنسیز او نِیلَر؟ ، منزل مبارک گویده بولوتلار ، گور نه دولوبدی زینب غمونده ، زلفون یولوبدی ایوده بالالار ، گول تک سولوبدی گول مثلی پرپر ، منزل مبارک غسلون وئرنده ، قلبیم سیخیلدی روحیم بدندن ، مین یول چیخیلدی دردون بیلندَن ، ائویم یخیلدی بانوی محشر ، منزل مبارک هانی او گونلر فورا دوراردون حسن حسینون ، زلفوون یوواردون زینب تلینه ، شانه وراردون ای حالی مضطر ، منزل مبارک هانی او گونلر قرآن اوخوردون یاسینیله الرّحمن اوخوردون یانیب حسینه کوینک توخوردون یاندی اورکلر ، منزل مبارک ✍شعر : بهمن جعفری اجرا : احسن دهقان #اللهم_عجل_لولیک_الفرج

🔳 بسم الله الرحمن الرحیم 🔳 اَللّهُمَّ صَلِّ عَلی فاطِمَة وَ اَبیها وَ بَعْلِها وَ بَنیها وَ سِرِّ الْمُسْتَوْدَعِ فیها بِعَدَدِ ما اَحَاطَ بِهِ عِلْمُکَ وصیت حضرت فاطمه زهرا (سلام الله علیها) به امیرالمومنین حضرت حضرت علی  (علیه السلام) ☑️  سبک ( سن آغلاما  ) ✍ دلنوشته حاج علی زلفی تبریزی ___ قیتمین مسافرم یول اوستیم سن آغلاما حلال ایله عم اوغلی زار و خستیم سن آغلاما بو آخرین نفس ایشیت اورک سوزون وفا شعار من اولماسامدا لطف کردگاره اول امید وار بو دورت یتمه نین سنه عم اوغلی احتیاجی وار بالالارا انیس و پای بستیم سن آغلاما بو عشق جامه سین نحیف  جسمیدن سویانمورام بو اتفاق و وصلیمیز اولور تمام اینانمورام دیزیمده یوخدی طاقتیم ایاقه دای دورانمورام یازیم بوئیدی دهریدن گسستیم سن آغلاما نه عزت و کرامت ایلیوب خدا عطا سنه همین سببدی فاطمه اولوبدی مبتلا سنه نه قول نه سینه یاعلی جانیم اولا فدا سنه سنون یولوندا جانیدن گذشتیم سن آغلاما منیم قولوم سینوب  عم اوغلی جان دیلون داریخماسین یانقلی قلبیوی بیله بلا کمندی سیخماسین گولوم خزان اولوب گوزون یاشی عذاره آخماسین آز آغلا قیل نظاره دل شکستیم سن آغلاما بو آیریلیق بو فرقته مشیت ایتدی اقتضا اراده و رضای حقه گویلوم اولموش ارتضا داریخما صبر ایله علی یازان یازوب بیله قضا آدونلا جان ویرن زمان خجستیم  سن آغلاما بالام حسین هارا عم اوغلی خاک کربلا هارا واریم خبر بلا چولونده وار نه غملی ماجرا اویرده زینبیم دوشر غمه اولار گونی قرا اگر اویرده وا حسین سسلیم سن آغلاما خزان گیدر داریخما (زلفی)فصل نوبهار اولار او کس که دشمن علیدی بو جهاندا خوار اولار دوباره یاز او مصرعی گورن تیز اشکبار اولار قیتمین مسافرم یول اوستیم سن آغلاما #حضرت_فاطمه_زهرا #فاطمیه_خط_مقدم_ماست #علی_زلفی_تبریزی 👇

🔳 بسم الله الرحمن الرحیم 🔳 قال رسول الله (صلي الله عليه و آله و سلم) فاطمة بضعة منی من اذاها فقد آذانی ومن آذانی فقد آذی الله «فاطمه پاره تن من است،هرکس اورا برنجاند مرا رنجانده وهرکس مرا برنجاند به تحقیق خدا را رنجانیده است.» زبانحال حضرت امیرالمومنین حضرت علی (ع) بعد از شهادت حضرت فاطمه زهرا (س) ☑️ (((( سینه زنی )))) ☑️ سبک (( این گل را به رسم هدیه )) ✍ حاج علی زلفی تبریزی _________________________ محزون زار و دل آزرده غملر یورقونی افسرده تیز دوشدی گوزوندن گلشن اولدون مثل گول پژمرده زهرا وای منه دویوبسان جاندان قلبی یاندیرار امان هجراندان قالدیم دردیوه من عاجز درماندان ای آرام جان ای روحه روان غمدن باغریقان سس ویر یالقوزام _________________________ دخت مصطفی ای ذیشان حیدری چخاتما یاددان دور گور محنتونده بانو قلبیم نه اولوبدی شان شان یاندری منی بو داغ حسرت آیرلیق بیزه تیز اولدی قسمت سینم یاندی دور ایله منله صحبت ای آرام جان ای روحه روان غمدن باغریقان سس ویر یالقوزام _________________________ ای زینت به کون و امکان ای جدی رسوله ریحان تاب قلب حیدر سن سن ای دریای عشقه رجحان باخ سینمده کی بو آه سرده دردون اوستونه چکوبسن پرده دور گور مرتضی نه توش اولدی درده ای آرام جان ای روحه روان غمدن باغریقان سس ویر یالقوزام _________________________ زهرا ای نسیم اطیب چرخ عصمته ای کوکب بو امره یقینیم واردی قان آغلار غمونده زینب دنیانی پوزار بو سوز آهیم دور سس ویر منه دوتولموش ماهیم تک قویما منی امیدیم پناهیم ای آرام جان ای روحه روان غمدن باغریقان سس ویر یالقوزام 🖤🖤🖤🖤🖤🖤🖤🖤🖤

🔷🔷🔷🔷 🔷🔷🔷 🔷🔷 🔷 قورتلدی عاقبت شب ظلمت دوروم گیدوم باشه یتیشدی فرصت خلوت دوروم گیدوم تاپشیرمیسان کنار مزارینده اگلَشَم اجرا اولوب بو بند وصیت دوروم گیدوم گیدسَم یولوم او سَن دوگولَن کوچه دن دوشَر قالسام حسینی ئولدوری محنت دوروم گیدوم ایندی حَسن اووشدوروری اودلی سینه سین سَسلور یتون هرایه بو ساعت  دوروم گیدوم هر دم باخور او قانه باتان گوشواره وه دلدن سالار بو حسرت فرقت دوروم گیدوم واردور یری که زینب آلا  ساچلارین اله آلسا به پادی شور قیامت دوروم گیدوم گُلثوم گوز تیکیبدی یانان آستانیمه یول گوزلیور او کان محبت دوروم گیدوم هِی جانمازیوی گوتورور باغرینا باسیر لازمدی تا ائدَم اونا رأفت دوروم گیدوم سن تک علیده کاش گَلوب قبریده یاتا درد ایلیوب قراریمی غارت دوروم گیدیم هر نینیرم مزاریوی ترک ایلینمیرم دیندیر گَله وجودیمه طاقت دوروم گیدوم بیر حاله قالمیشام گورن احوالیمه یانور اوز جانیمه بو باره ده مِنٓت دوروم گیدوم گلدیم بو گیر و داریده جویای حال اولام سویله اورکده وار نه حکایت دوروم گیدوم غسلون ویرنده آغلادی قان زخم میخ در باشیم چَکوب دئیوم نه مصیبت دوروم گیدوم گوز یاشیمی جراحتیوه مرهم ایلدیم مرهم گوتورمدی او جراحت دوروم گیدوم وار خاریله گولون بوله بولمَم نه نسبتی یخدی علی ایوین او قساوت دوروم گیدوم مسمار یاره سی هَلٓه قان آغلور حالیوه ایلر بو غم مماته کفایت دوروم گیدوم هر قَدر یاره واردی او تنده مین ایله وار... داغلی اورکده زخم شماتت دوروم گیدوم باتقین سَسیم یتیشسه سَنه ایلمه سکوت سَس ویر منه گَل ایله حمایت دوروم گیدوم کوچه سوزی پوزور منیم افکاریمی هرآن روحیم چَکور او غمده اذیت دوروم گیدوم ثانی گونون گون اورتا چاقی سد راه ایدوب سویله بو ظلمه قویدی نه علت دوروم گیدوم قالدی نه حاله گوردی یوزون تا رسول حَق سویله اولوم بو باره ده راحت دوروم گیدوم تشییع آلاندا جسمیوی زهرا بویور گوروم نیلی عذاری ایتدی نظارت دوروم گیدوم قُنفذ گوزوم باخا باخا ظلمه آچوبدی اَل یاددان مگر  چیخار بو جسارت دوروم گیدوم گَلمز شماره دلده غم و محنتیم منیم غمدن داخی بوکولدی بو قامت دوروم گیدوم مین یول آچوب اورکده سَنه دردیمی دئسم قورتارمیاندی سینه ده محنت دوروم گیدوم چوخ قالموری عتیق گَلوب شوره سَسلنه یتدی دوباره وقت زیارت دوروم گیدوم التماس دعا

نوحه سینه زنی مخصوص دسته عزاداری زبانحال امام علی بر بالین حضرت زهرا 👇🏾👇👇👇👇👇👇👇👇👇 ای نور دل حیدر یا فاطمه الزهرا بند دل پیغمبر یا فاطمه الزهرا ای مادر ثا رالله مرآت خداوندی هم مادر پیغمبر هم دختر دلبندی دنیا بشود گلشن وقتی که تو می خندی برخیز و مرا بنگر یا فاطمه الزهرا بر خیز و نگاهم کن ای بانوی بیمارم بعد از تو دراین دنیا من بی کس و بی یارم از خانه ی بی زهرا دلگیرم و بیزارم زینب شده بی مادر یا فاطمه الزهرا با رفتن خود بانو خون بر دل ما کردی چشمان حسن بر در مانده که تو برگردی دلخونم از این دنیا از این همه نامردی از هیزم و میخ در یا فاطمه الزهرا یا فاطمه جان نه سال در خانه ی من بودی دلگرمی حیدر در کاشانه ی من بودی من شمع تو بودم تو پروانه ی من بودی چون لاله شدی پرپر یا فاطمه الزهرا ای مادر عاشورا ای بال و پر زینب تو رفتی و بعد از تو خون شد جگر زینب بعد از تو که خواهد زد شانه به سر زینب وای از دل این دختر یا فاطمه الزهرا ناممکن اولان ایشلر زهرا سنه آساندی درمانسیز اولان درده یافاطمه درماندی هجرونده منیم زهرا قلبیم باشی اودلاندی قویدون منی بی یاور یا فاطمه الزهرا سندن صورا دنیاده بیر دادرسیم یوخدی طعنه وورانیم چوخدی فریاد رسیم یوخدی سنسیز بو فنا دهره میل و هوسیم یوخدی یاد اولدی هامی ائللر یا فاطمه الزهرا شاعر : مرتضی اسکندری(ساعد) زنجانی

۞﷽۞ زبانحال حضرت علی (ع)درفراق حضرت زهرا(س) 🎵 درسبک : ایران اگردل تورا شکستند 🌷 با مداحی حاج جواد حسن زاده 🌷 ۱۴۰۳/۹/۱۳ زهرا خـزانــه دونـدی نـو بـهـاریـن پوزولـدی گورنـه لالـه زاریـن رضاگل اولماچوخ پوزولسون وقـاری غـمـلـی شـهـریـاریـن زهرا تــرحــم ایـلـه بـیـرآمــانـدی یـانـان دیلیم غمونده یـاندی کـیـمـه دیـیـم غـم و مـلالیم سمـایـه سـوز دیـل دایـانـدی زهرا دوشـنـده نیسگیلین خـیـالـه گـوزومـده گون دونور زوالـه قاپیم یانان زمان دویولـدون یــری وارآغـلاسـام او حـالـه زهرا ولایت اوسته قـانـه بـاتـدون نـه تیـزعلینـی گوزدن آتـدون قـولـی قـابـیـرقـاسـی یـارالی مـزاریده گـیـجـیـلـه یـاتـدون زهرا فراقـیـوه حسـیـنـیـم آغـلـور حسنده سینه سینـی داغـلور اَلـیـرعـذاره زیـنـب اَشـگـیـن بـوغـمـده باشـه قـاره بـاغلور زهرا دیـور جـوان ئـولــن آنـام وای قـابـیرقـاسی سینان آنـام وای قـاپــی دالـیـنـدا ظـلـم اَلـیـلـه بـالاسی سـقـط اولان آنام وای زهرا حـســن اَلـیـنــده گــو شــواره یـانــور دیـلـی شـــراره نــاره او کـوچـه ده نَـلَــر گـوروبـدی دیـلـیـنـده هـی اِئـدور اشــاره زهرا آنـام یـولـونـی کَـسـدی ثــانــی جـفـا اَلـیـن ویـریــب نـشـانــی عــذاریـنـه ووروبـدی سـیـلــی گـوزونده تـارائـدیـب جـهــانــی زینب او نـیـلـگــون یــوزی سـارالـدی کَــدَرلـی قـلـبـیـنـی غــم آلــدی یـخـیـلــدی سـسـلـدی الـهــی یانـیـب یوزوم ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

#حضرت_زهرا_شهادت #فاطمیه بیمار من گرچه به رنگ ماهتابی هم زهره ی الزهرائی وهم آفتابی ای انعکاس سوره ی قدر شب قدر آئینه ای ،نوری، زلالی، مثل آبی درآسمان غربتم خورشید مهری برشب پرستان همچنان تیر شهابی روز مرا باسوختن گرمی ببخشی شام غریبی مرا شمع مذابی یک شب به چشمت خواب راحت من ندیدم ماندم کنون بیدار شاید  تو بخوابی انسیة الحورای من ازبس کبودی گوئی که پوشیده است رویت را نقابی دیشب چه گفتی با خدا وقت نیایش  کامشب توهمرنگ دعای مستجابی داری وصیت می کنی شب دفن گردی امّا برای غربتم در اضطرابی امروز دیگر بسترت راجمع کردی ازچه برای رفتنت بی صبرو تابی ازبیم هجران توای شمع امیدم یک آسمان غم دارم وقلب کبابی یافاطمه جان حسین وزینبینت در روز محشر از «وفایی »رخ نتابی #سیدهاشم_وفایی

نوحه حضرت فاطمه (س)   در آهنگ ای شمع حرمخانه ====== جانلار سنه قربان ای - دُردانه  پیغمبر             گوزلر سنه گریان ای - مه پاره پیغمبر یا زهرا ،یا زهرا، ماهِ مدینه یا زهرا، یازهرا ، ام الائمه ====== هم مادرِ زینب سن - هم ساغی کوثر سن            هم کفوِعلی سن سن- هم شافعِ محشرسن یازهرا،یازهرا، مظلوم شهیده یازهرا ، یازهرا ،  ام الائمه ====== واللهی علی سن سیز -دونیاده یوزوی گلمَز              حاشا که علی سن تک–بانونی گوره گورمَز یازهرا،یازهرا، ای بی قرینه  یا زهرا ، یا زهرا ، ام الائمه ======= سن شاهِ شهیدانه -اَلده توخودون کونَک               بیلدون که قالار بیرگون-میداندا حسینون تک یازهرا،یازهرا،سن سن عقیله یا زهرا ، یا زهرا ، ام الائمه ======= هم مادری زینب سن – هم ام ابیهاسن                      هم همسری حیدرسن-هم زاده طاهاسن یازهرا،یازهرا،دختِ خدیجه یا زهرا ، یا زهرا ،ام الائمه ======= درس ادب و عشقی –سن زیبنه أورگتدون                    بیلمم نه سبب دن سن–أوزقبریوی گیزلتدون یازهرا،یازهرا،سن سن رشیده یا زهرا ، یا زهرا ، ام الائمه ======= اُول ضربت قُنفُذدان-قولاری یانان سن سن               پشت علیده داغ تک - محکم دایانان سن سن یا زهرا،یازهرا،باب کریمه یازهرا ،یازهرا، ام الائمه ======= خلقِ بوجهان زهرا – یکسر سنه خاطردی                   دنیاده  بو نعمتلَر –  تنها   سنه   خاطردی یازهرا،یازهرا،زیبا جمیله یازهرا ، یازهرا ،ام الائمه ======= سیلی یوزیوه ویردی - ثانی سنی یاندیردی                 آلدی فدکی سن نَن –او قلبیوی سیندیردی یا زهرا،یازهرا،یاره دور سینه یا زهرا ، یازهرا ، ام الائمه ======== شعر از حسین مهدیون

🏴🏴🏴🏴🏴🏴🏴🏴🏴 درشام غریبان حضرت زهراسلام الله علیها 🎵سبک :ویرانه ده نازلی بالام... ✍:حاج اصغرفرشچی (عدلی تبریزی) 🎤:حاج علیرضاداداش نژادمیاندوآب یابن الحسن زهرا آنان طاهایه مهماندی یثربده بیت الوحیده شام غریباندی زینب نوا خواندی باش ساغلیقی ویروخ سنه حالون پریشاندی جدّون حسین تك غصه دن قلبون دولی قاندی بو شیعه لر ماتم دوتوب نالان و گریاندی گویده ملك لرآغلاشور محشر نمایاندی اَلدن ویروبدی همسرین مظلوم علی آغلور كلثومیله زینب بی بون اوز سینه سین داغلور گوز یاشینی رخسارینه حسین حسن باغلور بیت علی ده بو گجه عمّن پریشاندی آغلور دیور مولا علی گوندوز گونوم باتدی قویدوم مزاره من اونی سینه یارا یاتدی گوز یاشلارین خون دله بودوت بالا قاتدی جدّون علی المرتضی دیلدن نوا خواندی سولدی آنان عمری گلی آیرولدی سوسندن اوز گلستانون ترك ایدوب آیریلدی گلشندن گلمز سسی بیرده اونون بو بیتُ الاَحزندن لاله مثالی تز سولوب پرپردی خنداندی اود ویردی ثانی باب وحی شعله چكوب یاندی بیر ظلم ایدوب دیوار آرا زهرا یارالاندی بو اشقیانون ظلمونه دین اهلی حیراندی بُغض عدو اولدی عیان دللر دولی قاندی چخماز داخی بوندان صورا بیر گلشنه زینب باخماز چمنده گل چیچك هم سوسنه زینب اندوه و غمدن سسلنر ایوای نه نه زینب آغوشینه آلماز اونی زهراسی بی جاندی صاحب عزا سنسن آقا بو ماتم و غمده سن ملجاء شاه وگدا هم برّیده یمده سن بول آقا زهرا جانی باش چك اُولن دَمده «عدلی» اوركدن اودلانور بو غمده سوزاندی زینب پریشاندی زینب نوا خواندی 🏴🏴🏴🏴