🌹🌹شعر خواب🌹🌹 ✍شاعر:علی عبدی روحیم قوشی بیر گونی یوخومدا پرواز اِئلدی جنانه ، ای جان گوردیم او بهشتده باغ باهاتلار یوخ منّتی باغبانه ، ای جان تا گوز گورونور یاشیل آغاجلار باش قوزیوب آسمانه ، ای جان هر شاخه ده مین بهشتی میوه آماده دی میهمانه ، ای جان گللر سرینیبدی یِئر اوزونده همسایه دگول تیکانه ، ای جان هر بیر گلون اوسته اَیلَشیبدی بلبل اوخویور ترانه ، ای جان نهرین سووی باغلار اورتاسیندان بیر سمته اولور روانه ، ای جان دوریمده دوروب حوری و غِلمان اَل سینه ده شادمانه ، ای جان مین جوریله نازیمی چکوللر بی منّت و بی بهانه ، ای جان بیردن نِئچه حوریّه بهشتی باخدی منه عاشقانه ، ای جان بیر اَلده اولار شراب کافور بیر اَلده ده هندوانه ، ای جان به به دیدیلر نه خوش جوانسان اَحسن بئله بیر جوانه ، ای جان گوردیم کی اولار دییَندی یوخدی منده قوجالیق نشانه ، ای جان بیلدیم کی گلر بهشته هر کیم اوخشار یوزی نوجوانه ، ای جان بیردن یوخودان خانم اویاتدی دوندی اورگیمده قانه ، ای جان دیسکینمه گیمی خانم گورنده یوّاش دیدی مهربانه ، ای جان ظاهرده گولوب ولاکن حسرت چکدیم او گئچن زمانه ، ای جان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨