ورود کاروان امام (ع) و کاروان دشمن به کربلا زهرا   قیزی   زینب   یتیشوب   کرب و  بلایه عرض  ایلدی  قارداشینا  دوشدوخ   نه  بلایه فرمایش   ایدوب   بیله   صفالی چمن  اولماز آخر  منه   بوردان   صورا  اوزگه  وطن  اولماز جدّیم    بویوروب  بو  یرین  اوصافنی  بیر بیر بو  عرصه ی  محنتده   منیم تک  ئولن اولماز جسمیمدن آخان  قانیم  ایدر  بو  یری گلگون باشیم    کسیلر   جسمیمه   امّا   کفن   اولماز غارت   اولی  جسمیمده    اولا  جمله  لباسیم گونلر    قاباقیندا    منه   بیر   پیرهن    اولماز انگشتیمی          انگشتریمیله          آپاروللار ایّام          سلیمانیده     بو    اهرمن     اولماز دوغراللار    علی  اکبریمی     قطعه  به  قطعه شام    اهلی کیمی  امّت  پیمان شکن  اولماز آتلار     ایاقی    آتدا    قالار    قاسم      ناکام بیر کیمسه دیمز  بیر  بیله وجه الحسن اولماز اصغر    قانی   پیرایه    وئرر   عرش     برینه بیر   رنگیله   که   رنگ   عقیق   یمن    اولماز باش سهلدی  قولسوز  یخلار  توپراقا عباس هر کس باخا سویلر  بیله قولسوز  بدن اولماز زینب   بو    بیاناتی   ایشیتدی   دیله    گلدی آخر    آنام اوغلی   بیله  غملی  سخن   اولماز زینب   نئجه   صبر   ایلیه   بیر    بیله     بلایه قربان  سنه  قارداش  بئله درد و محن  اولماز قارداشی    باجی   قاننه   غلطان  گوره  بیلمز ایوای   منه   بو کشمکشه  صبر  ایدن  اولماز ((لشگر دشمن در کربلا )) هر  کس  اورا   بیر   نیّت  و   عنوانیله   گلدی سعد  اوغلی    ازل   الده كی   فرمانیله  گلدی دشت   غمی   دوتموشدی  حجازیلرون  آهی اردوی    عراقی      لب     خندانیله       گلدی خولی   نه   خیالیله   گلوب   قمچی   گتوردی نوفل   بیر   عمود    الده   نه   عنوانیله  گلدی گلدی    او     بیابانه    سنان    الده     سنانی تا حرمله    اوچ    شعبه لی    پیکانیله   گلدی یا رب    نه   ایدی   نیّتی شمرین  او  ستمگر صحرای      غمه     خنجر     برّانیله      گلدی زجرین    نه    مرادی   واریدی  دشت   بلایه بند    رسن    الده    نئچه    دونانیله     گلدی قورتولدی    ز بس   اسلحه      بازار   خطاده بیر  عده   یغوب   داش  دولی  دامانیله گلدی زهرایه     خبر    ویردیله    جنّتده    بو   حالی دوردی    اودا    بیر   نئچّه  پریشانیله   گلدی سالدی   بالا  وای   ناله سی افلاکه او خاتون طاها    ایشیدوب     ناله   و   افغانیله    گلدی صحرای   نجف   تیتردی   چون  شاه  ولایت اشگ      تری     رخسارده    قرآنیله    گلدی ** محمد حسین کتابچی (علومی تبریزی)