عرض حال نویسنده وگریزبه حضرت ابوالفضل(ع)
✍#اثر_یاسرگنجی_اردبیلی.
دوشوب عشقون باشیما فاطمه ریحانی حسین.
ائتمه مایوس قاپوندان بو پریشانی حسین.
عالمی باشدان آتوب تَک سنه بئل باغلامیشام.
سائلِ دَر گهووم سَنده کرم کانی حسین.
چوخ قاپی دوگمیشم امّا ثَمرین گورممیشم.
دردیمون نُسخه سینین سنده دی دَرمانی حسین.
آند وئرّم او جوانمرگ آنووین حُرمتینه.
قیل کرم سن بیل آنون فاطمه نین جانی حسین.
آند وئرّم آتون حیدر باشینون یاره سینه.
آبرو دینه وئروب باشدان آخان قانی حسین.
آند وئرّم سنی زینب باجووین عِصمتینه.
غُرَبالَر کیمی غربتده چیخان جانی حسین.
التماس ایلیورم چوخ بونا خاطردی آقا.
نا امید ایلَمَه بو بی سَرو سامانی حسین.
بیرکَسیم یوخدی ئولنده باشیمون اوستونه گَل.
احتضاریمده گورَم سن کیمی جانانی حسین.
آیریلان وقتیده روحیم قفسیمدن گَلَه سَن.
خوش اولار نوکره لطفین ائده اَرزانی حسین.
یوم عاشور بَلا کیم سَنی داده چاغیروب.
باشینون اوسته گوروب سن کیمی مولانی حسین.
مرکبیندن یخیلان وقتیده عباس او زمان.
سَسلَنوب گل آقا دَرک ایله بونالانی حسین.
عرصه گاهه گل اَخا منتظرون وار تَلَسور.
بیزی باهم گوره میدانیده بیر آنی حسین.
دایانا بیلمور اَیاق اوسته قوناقون قارداش.
ساخلاما سینه یارا عرصه ده مهمانی حسین.
گوزومون قانینی سیلدی ولی کاش سیلمیدی.
گورمییدی گوزوم اُول نَیِّر رَخشانی حسین.
آیا بَنذَر یوزونه سیلی ائله لکّه سالوب.
گئتمیوبدور هَله ده صاق گوزونون قانی حسین.
بیلدون ایندی نَیَه خاطر دیورم اِئت عجله.
چوخ یوبانما نگران ایلمه زهرانی حسین.
ایضاً
سَسینی قارداشینین تلّیده درک ائتدی حسین.
دایانا بیلمدی تِز خیمه نی تَرک ائتدی حسین.
یتیشوب عرصیه ائتدی خطر احساسی بلی.
صاق صولا سالدی نظر گورمَدی عباسی ولی.
ساتاشاندا گوزی بیرسَمته او دلخسته امام.
عجلیله گوروب اول سمته گئدور قوم ظلام.
گوردی بیر سَس گَلوری دوره می دشمنلر آلوب.
تِز یتیش دادیمه قارداش باشیم اللرده قالوب.
کَسمَه میش باشیمی جلاّدلَریم ائت عجله.
یوزووی گورمَگه دوشمزداخی بوفرصت اَلَه.
اوجا تَکبیریله اَعدانی پوزوب یالقوز امام.
چاتدی عباسه غرض قالمادی دیزلرده دَوام.
اَیلَشوب مِهرینی عباسه نشان وئرسین حسین.
باخوب اعضاسینه آزقالدی کی جان وئرسین حسین.
دئدی عباسه بو داغلی اورگی داغلادیلار.
منه بو دشتیده چاره یولونی باغلادیلار.
گوزووه اوخ ویران اَعدا اَلی سینسین قارداش
کیم بوقولارووی سالمیش بِلی سینسین قارداش
نه یامان گونده منیم داشیمی آتدون یارالی.
کسیلوب چاره یولوم باشیمی قاتدون یارالی.
بیلمورم بوردا قالیم یا کی گئدوم خیمه لره.
گئتسم آیا نَه دیوم قیزلارا یا صود اَمره.
قرعه ی دَردو مصیبت آدیما چیخدی منیم.
ئولمَگون آی آتام اوغلی ائویمی یخدی منیم.
وای باجیم زینبون احوالینه وای قیزلاریما.
بو بولونموش آیا.. وای دَربَدَر اولدوزلاریما.
دوزدیکی قارداشیمیدون. منه بیرائل سایاقی.
تکیه گاهیم سنیدون گئتدی حسینون دایاقی.
قوی بوآخر دَم ئوپوم قانلی گوزوندن یارالی.
نه ئوزوندن دویابیلدیم نه سوزوندن یارالی.
ئوپ آنام فاطمه نین سینمیش الیندن یارالی
بویامان گونده دِئنن دوتسین الیمدن یارالی.
گَل نَنَه آغلا منه یاره لی دلداریم ئولوب.
تک قویوبدورمنی غیرتلی علمداریم ئولوب.
(یاسرین)دوت اَلینی فاطمه نین روحی حسین.
مَنی مَندن ائله ای کرب و بلا نوحی حسین
لینک کانال 👇👇👇👇
﷽🍁
@Ghateelolabaraat
✨اَللّهُمَّ عَجِّل لِوَلیِّکَ الفَرَج✨