‍ 🌱 جوشی سینه زنی اربعین  🌱 سبک #ای گوزلریمین نوری ای همسفر زینب ،  زینب  اولا  قربانون زینب اولا قربانون گلدی بو اوزاق یولدان دلخسته پریشانون دلخسته پریشانون دورقارداش دورقارداش بیمارووَم من چوللَرده  ،   آوارَه  ،         زوّارووَم من هجران داشینا زینب آخر نجه توش اولدی آخر نجه توش اولدی قاره گجه لَر شمعی بو چولده خَموش اولدی بو چولده خموش اولدی صَهبای اَلستیدی بیر  جامیده نوش اولدی بیر جامیده نوش اولدی سامانی اولار داغ داش هَر بی سرو سامانون هر بی سر و سامانون دورقارداش دورقارداش بیمارووَم من چوللَرده   ، آواره    ،      زوّارووَم  من آلچاق اوجا یولّاری گَزدیم گِجه گوندوزلَر گزدیم گجه گوندوزلر منله دولانوب سولدی آخرده بو گُل یوزلر آخرده بو گُل یوزلر دوستاقدی بو سینَمده قارداش هَله چوخ سوزلَر قارداش سنه چوخ سوزلر دوتدوم نجه چوللَرده من شام غریبانون من شام غریبانون دورقارداش  دورقارداش بیمارووَم من چوللَرده    ،    آواره      ،   زوّارووَم من واردور یری قلبیمدَن رُخساره آخا قانیاش رُخساره آخا قانیاش اکبر ایاقون آتدا اصغر سینووَه یولداش اصغر سینووَه یولداش بیلدیم نیَه ششگوشه قبرون قازیلوب قارداش قبرون قازیلوب قارداش آباد اولا بو قبری  سلطان شهیدانون سلطان شهیدانون دورقارداش دورقارداش بیمارووَم من چوللَرده    ،   آواره    ،    زوّارووَم  من بو کرب و مُعلّادن عطرون سَپه لَر یللَر عطرون سَپه لر یللَر آغلار سنه ای قارداش تاحشره کیمی چوللَر تا حشره کیمی چوللَر یاسون دوتاجاق بیرگون چوللَرده گَزن ائللَر چوللَرده گزَن ائللَر کیملَر اولاجاق اوندا بو دشتیده مهمانون بو دشتیده مهمانون دورقارداش دورقارداش بیمارووَم من چوللَرده   ،   آواره     ،    زوّارووَم  من هم کوفه نی هم شامی یورقون یارالی گزدیم یورقون یارالی گزدیم قول باغلی اوزون یولّار اولدوم هارالی گزدیم اولدوم هارالی گزدیم گَه یان یانا باشونلَه گاهی  آرالی  گزدیم گاهی آرالی گزدیم بیرشمع کیمی اولّام عمریم بویی سوزانون عمریم بویی سوزانون دورقارداش دورقارداش بیمارووَم من چوللَرده    ،    آواره     ،  زوّارووَم  من التماس دعا