نوحه حضرت زهرا(س)در سبک نوایی،نوایی زبانحال حضرت امیرالمومنین علی(ع) ای منیم ائویمون چراغی فاطمه غم‌گونی دالیمون دایاقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑 آچ گوزون،آچماسان گوزلرون،آغلارام گوزیاشیمی محزون یوزومه باغلارام زینبه تای دیزلریمی قوجاقلارام یاسوی ئولنجه دهریده ساخلارام منه کم بولمه بو فراقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑 منه سن واللهی آرامِ جانیدون قلبیمون صفاسی روح و ریحانیدون سینه مون مدالی،دین و ایمانیدون ذات حقدن گوزل لطف شایانیدون دوقّوز ایلین اولدون قوناقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑 حسن آغلور دییور کوچه دن گَلنده واریدیم آنامنان اُول مُحنده منده بیلمورم نه اولدی ثانی یول کسنده یوزونی دوتدی مندن سیلی دَینده گوردوم اسور تیتریور دوداقی، فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑 بیر بئله محنتی مندن سن گیزلتین ادبین قربانی منی جانه گتین دیمه دین دردیوی حیدری ترک ائتین منی غمده قویدون مقصودیوه یئتین سیندیردین بئلیمی غم چاقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑🌑 سنی الله منی ، عفو ایله باقیشلا یاخچی گوزلوینمدیم ای جانِ طاها یِروی بوش گوردوقجا نیلرم آیا اوجادان آغلارام سسلرم وای زهرا یانارام کیم آلسا سوراقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑🌑🌑🌑 منه بو نسگلین چوخلی گِران اولدی قاپی اودا یاندی منه اولان اولدی بالام ئولدی صبریم ائوی تالان اولدی گورمدیم محسنی آرزیم یالان اولدی چالارام لایلاین اوزاقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑🌑🌑🌑 ئولنجه عشقیوی باشیمدن آتمارام سنی من یازهرا یاددان چیخاتمارام بوش اتاقین گوروب آغلارام یاتمارام گورنده زینبی آغلار اویاتمارام چکرم زلفونه داراقی فاطمه یارالی یارالی یارالی فاطمه دوشدون نه تز مندن آرالی فاطمه 🌑🌑🌑🌑🌑🌑🌑🌑🌑🌑🌑🌑🌑🌑 التماس دعا