بعثت پیامبر اعظم صلی الله علیه و آله و سلم . مصیبی_تبریزی . . غار حرادن گلوری شه خیرالورا باشه قویوب تاج شرف ، شرف ماسوا نغمۀ توحید و ظفر دوتوب عالم لری عرشه دوشوب زمزمۀ بُعِثَ المصطفیٰ . جشن نبوت – اولسون مبارک فرخنده بعثت – اولسون مبارک . . . سالدی یره روح الامین پری نین سایه سین گلدی سالا طرحه ولا ، ائوینین پایه سین اِﻗ رَﭐ به اِسمیله گلوب دیه حق آیه سین آیه به آیه سۆزونه سۆزونه عشق اولا . . سسلدی جبریل امین گوزون آچ شمس حق پیک حقم نازل ائدوب منی ربّ الفلق شانیوه نازل دی علق ، شرف ِ ماخلق عزت و شوکت آدیوا ائلیوب حق عطا . . عشق اولا ساقی بوگئجه قدح و بادیه غار حراده آچیلان یوزه ، سجّادیه عشق اولا روح شرفه شه آزادیه هم ئوزونه هم گوزونه، سۆزونه مرحبا . . مُهر نبوّت وُریلوب آقامین دوشینه بانگ تبارک نه گوزل گلوری گوشینه دیدۀ ساقی تیکیلوب خُمِ می نوشینه سسلنوری جام میی ایچنه عشق اولا . . لمعۀ عشق و شعفه بورونوب آسمان رشته نظمه دوزولوب بوگئجه قدسیان غبطه ائدور شوکتینه آقامین عرشیان هاتف غیبی دیوری آدینا جان فدا . . قویدی شرف تاجینی تا شه شاهان باشا سویله دی کیم مکتبیمین عرصاتین آشا کیم یوزینی سورته بتا ائده سجده داشا لوح جهاندان اونی من سیلرم مطلقا