باسلام شعر جدید ضربت خوردن حضرت علی علیه السلام
باآهنگ شبانگاهان
نماز اوسته قانه غرق اولدی حضرت حیدر یا رسول الله
غم حیدر داغدار ایتدی شیعه نی یکسر یارسول الله
عدو ظلمی آشکار اولدی
بوگون شیعه داغدار اولدی 2بار
ویروب یاره باشینا آقانین دست کینه ائدوب امتی نالان
باتوب قانه مسجد و محراب کوفه ده اولدی غملی بیر بحران
دوشوبدی سس کوفه شهرینده قانه غرق اولدی حجت سبحان
قرا گیدی گویده حور و ملک آغلوری یئرلر یا رسول الله
عدو ظلمی آشکار اولدی
بوگون شیعه داغدار اولدی 2بار
قلجلاندی کوفه شهرینده مظهر عدل و داد ئولوب حیدر
دیوب یاره فرق حیدردن شیون و داد ایتدی ملائک لر
قالوب نالان اهل بیت علی غصه دن آغلور عرشيان یکسر
دوشوب لرزه کا ئناته بوگون آغلوری گوزلر یا رسول الله
عدو ظلمی آشکار اولدی
بوگون شیعه داغدار اولدی 2بار
وروب دالدان ضربت اهل جفا کوفه شهرینده حیدره بیردن
اولوب منشق باشی قان آخدی حیدری سالدی بو یارا دلدن
عیان اولدی محشر کبرا آغلوری زینب قان آخیر سردن
نماز اوسته جان ویرور حیدر واردی بو سوزلر یا رسول الله
عدو ظلمی آشکار اولدی
بوگون شیعه داغدار اولدی 2بار
سمایه لرزه دوشوب گلدی عرشيان داده شیعه گریاندی
آچوب باشین حضرت خاتم فاطمه آغلور سینه سوزاندی
عزادار اولدی حسین و حسن کوفه شهرینده گور نه طوفاندی
شهید اولدی شاه عالمیان گلدیلر ائللر یا رسول الله
عدو ظلمی آشکار اولدی
بوگون شیعه داغدار اولدی 2بار
باشین منشق اولدی ظلمیله حضرت زهرا سینه سین داغلور
غمین مولا داغدار ایتدی شیعه نی یکسر عرشيان آغلور
گلوب یاسه حضرت خاتم باشینه قاره غصه دن باغلور
بنات حیدر بوتون آغلور غرق ائدوب غملر یا رسول الله
عدو ظلمی آشکار اولدی
بوگون شیعه داغدار اولدی 2بار
پناهگاه شیعیان جهان حامی وحدت بانی خلقت
نماز اوسته قانه غرق اولدی تا قالا زنده دهریده نهضت
شهید اولدی شاه عالمیان آغلوری یکسر غصه دن امت
ائدوب آدین شیعه لر ازبر یک صدا سسلر یا رسول الله
عدو ظلمی آشکار اولدی
بوگون شیعه داغدار اولدی 2بار
✍حاج مهدی ملکی زنجانی
╔ ✾ ✾ ✾ ᐸᐸ════════╗
👇👇👇👇👇👇