شام غریبان حضرت امیرالمؤمنین علیه السلام
درسبک کاروان وشهید مطهری
هادی اردبیلی
بو جهاندان گوزون یومدی حیدر
سالدی توپراقلار آلتیندا بستر
سانکی مستور اولوبدور صدفده
ظلم الیلن سنان قانلی گوهر
ای گلن ظلمیدن جانه لایلای
سجده ده غرق اولان قانه لایلای
دوشدی زینب قزندان آرالی
آل طاهانی ائتدی عزالی
قدرینی بیلمدی جاهل امت
قبره گئتدی یارای یارالی
سایه سالمیش مصیبت زماندا
ناله وار یرده هم آسماندا
ایکده زینب دیور وای بابام وای
آغلیور غملی زهرا جناندا
یول وئروب یوزده گوز یاشه زینب
سس قوشوب آلتی قارداشه زینب
حیدرین ماتمینده سالوبدور
قاره اوستن قرا باشه زینب
یوز قویوب قانلی دیواره آغلور
گوز یاشین دشت رخساره باغلور
گه آنام وای دیور گه آتام وای
ناله سی قلب دنیانی داغلور
دوزدی حیدر غمی قلبه اوخدی
ئوز ایوینده عزاداری چوخدی
قزلاری باش آچوب آغلیوللار
تازیانه ویرانلاری یوخدی
کئجدی ایللر ولی کربلاده
نعشی قالدی حسینون اراده
ممکنم اولدی نه زینب باش آچسون
نه قالوب طاقت آل عباده
هانسی قیز آچدی دیل تا فغانه
کسدی تئز ناله سین تازیانه
جان بابا سسلین خردا قزلار
گلدیلر قمچیلر آلتدا جانه
هر زمان گوگلره چاتدی ناله
قمچی لر قوزانوب یاتدی ناله
دوشدی دلدن نوا ایلین لر
قورخودان سینه ده باتدی ناله
یاسلینون قلبینی داغلامازلار
ظلمیلن قوللارین باغلامازلار
الده قارداش ئولنده باجیلار
کیم دیور قارداشا آغلامازلار
قوی دیوم مقتلین یوللاریندان
خرداجا گوللرین خوللاریندان
ایسته سون گر رقیه نه چکدی
آل خبر زینبون قوللاریندان