بانحال حضرت رقیه سلام الله علیها
اسیرکنج خرابه نظاره نی نیلور
اوگوز که قان اولوب اشکی اشاره نی نیلور
اوجان که اوددا یانور، خیمه تک دونوبدی
کولَه
سرای غصه ده عمرِ دوباره نی نیلور
اوگل که حشره کیمی روزگاره گولمیه جک
اونون خزانی رَوادی، بهاره نی نیلور
عجب عَقیله ایمش راوی سه ساله عشق
دیردی بختی قرالر ستاره نی نیلور
نگاره منتظرم بوردا من نه سُوقاته
قولاق که پاره لنوب گوشواره نی نیلور
هاچاندی من بیر ئوپوش یاریدن طلبکارم
بو خیرعَملدی داخی استخاره نی نیلور
(استادسیفی)